Liria e lëvizjes “Henley&Partners” klasifikon Shqipërinë të 184-ën ndër 195 vende
Shqipëria, më e izoluar edhe se Koreja e Veriut
Shkojmë pa viza vetëm në 17 vende
--------------
Shqiptarët rezultojnë ndër më të kufizuarit në botë përsa i përket lirisë së udhëtimit jashtë vendit. Sipas një studimi, të kryer nga ana e kompanisë zvicerane “Henley& Partners”, ndër 195 vende të marra në shqyrtim, ata që mbajnë pasaporta të lëshuara nga shteti shqiptar figurojnë një ndër vendet më të fundit – të 184-in – me të njejtin nivel lirie lëvizjeje, si sudanezët, kamboxhianët, libanezët dhe pakistanezët.
Kompania
“Henley&Partners” është një kompani private, që ushtron aktivitetin e saj në fushën e konsulencës lidhur me taksat dhe mundësitë e blerjeve apo qerave të të patundshmeve në vende të ndryshme të botës. Klientët e saj janë njerëz privatë, por, kryesisht biznesi, i interesuar të investojë jashtë vendit të vet.
Lidhur me studimin, e kryer pak kohë më parë, kompania ve në dukje se ajo ka marrë në analizë 40.000 kombinime të mundshme lidhur me mundësitë që u ofrohen për të lëvizur pa pengesa burokratike qytetarëve të vendeve të ndryshme të botës. Kriteri për klasifikimin e kryer është mundësia që ofrohet qytetarit, që mban pasaportë të zakonshme – jo zyrtare – për të kaluar kufirin e vendeve të huaja pa patur nevojë për vizë hyrjeje.
Shqipëria
Sipas këtij studimi, del se qytetarët e vendit tonë, që mbajnë një pasaportë shqiptare, e cila nuk është as diplomatike dhe as pasaportë shërbimi, kanë mundësi të hyjnë në 17 vende të tjera, pa patur nevojë për vizë hyrjeje.
Një statistikë e tillë na vendos më lart në rang se sa Afganistani, qytetarët e të cilit kanë të drejtë të udhëtojnë në 12 vende pa vizë. Më lart edhe se banorët e Somalisë, apo të Iranit e Irakut. Por, në të njejtin nivel me banorët e Sudanit, Libanit, Pakistanit dhe Kamboxhias.
Rajoni
Duke u ngjitur mbi nivelin e lirisë së lëvizjes së shqiptarëve, nga qytetarët e vendeve të rajonit të Ballkanit gjejmë më pak të privilegjuar banorët e Bosnjes, të cilët, megjithatë, kanë të drejtë të udhëtojnë pa viza në plot 25 vende të huaja.
Nivel që kalohet edhe nga moldavët, që mund të udhëtojnë në 29 vende të huaja, ndërkohë që pasaporta maqedonase pranohet në 31 vende, ajo e Federatës Serbi-Mali i Zi në 32. Turqit mund të udhëtojnë pa vizë në 52 shtete të tjera, rumunët në 73, bullgarët në 83, kroatët në 84 dhe sllovenët në 105 vende të huaja.
Të tjerët
Një liri më të madhe lëvizjeje se shqiptarët rezultojnë të kenë kinezët, koreanoveriorët dhe vietnamezët, ndonëse regjimet politike që sundojnë në këto vende nuk janë shumë miqësore me ato të një pjese të mirë të botës.
Po kështu, edhe kubanët, mongolët dhe qytetarët e të gjitha republikave të ish-Bashkimit Sovjetik rezultojnë në vende më të favorshme se Shqipëria.
Përsa u përket vendeve të para, me mundësinë për të lëvizur lirisht në 130 vende të huaja, kryesojnë Shtetet e Bashkuara të Amerikës, Danimarka dhe Finlanda. Ato pasohen nga vendet e Bashkimit Europian, por edhe nga Kanadaja, Australia, etj.g.k
REGJIMET
Një liri më të madhe lëvizjeje se shqiptarët rezultojnë të kenë kinezët, koreanoveriorët dhe vietnamezët, ndonëse regjimet politike që sundojnë në këto vende nuk janë shumë miqësore me ato të një pjese të mirë të botës
Lista sipas vendeve ku qytetarët e
një shteti mund të shkojnë pa viza
Finlanda 130
Danimarka 130
SHBA 130
Greqia 120
Qipro 113
Sllovenia 105
Izraeli 104
Bullgaria 83
Rumania 73
Turqia 52
Gana 45
Tanzania 41
Zimbabve 41
Burkina Faso 35
Russia 35
Bjellorisia 32
Serbi-Mali i Zi 32
Ukraina 32
Maqedonia 31
Moldavia 29
Kuba 27
Bosnje-Hercegovina 25
Mongolia 24
Angola 19
Kina 18
Koreja e Veriut 18
Vietnami 18
Shqipëria 17
Kamboxhia 17
Sudani 17
Kongo 16
Iraku 15
Somalia 15
Irani 14
Afghanistani 12
redaksia@gazetashqiptare.com
Përgjigju Duke Cituar
Krijoni Kontakt