Angela Merkel, kancelarja e re gjermane.

[Lioness]

Merkel 'do të jetë kancelarja gjermane'

Nga Gjermania ka njoftime se socialdemokratët kanë pranuar që të lënë udhëheqësen kristiandemokrate, Angela Merkel që të udhëheqë një koalicion të madh midis të dy partive.

Njoftimet, që citojnë burime nga të dyja partitë, nuk janë konfirmuar ende.

Secila parti pritet të zhvillojnë takime të veçanta para bisedimeve, që pritet të jenë të fundit, midis zonjës Merkel dhe kancelarit Gerhard Schroeder, socialdemokratët e të cilit humbën zgjedhjet e përgjithshme tre javë më parë.

Korrespondenti i BBC-së në Berlin thotë se ky është një zhvillim i rrallë në Gjermani.

Si kancelari Gerhard Schroeder i socialdemokratëve dhe sfiduesja e tij konservatore, Angela Merkel, edhe pse janë prëpjekur gjatë javëve të fundit të bien dakord për qeverinë e koalicionit të formuar nga dy partitë e tyre, të dy kanë patur pretendime për postin.

Bisedime

Dy udhëheqësit kanë zhvilluar tre raunde bisedimesh që ata i quajnë eksploruese me ekipe të zgjeruar kolegësh.

Pastaj, të enjten dhe natën e së dielës, ata zhvilluan mbledhej në një rreth më të ngushtë.

Tani, udhëheqjet e dy partive të tyre duhet të shqyrtojnë atë që është arritur deri tani para se të zhvillojnë një takim tjetër për të finalizuar vendimin.

Por nëse njoftimet për arritjen e marrëveshjes konfirmohen zyrtarisht, marrëveshja do të përbënte vetëm fillimin e një procesi negociues të gjatë e më të hollësishëm rreth një programi të vogël të politikave që do të ndjekë qeveria në të ardhmen.

E gjitha kjo, thotë korrespondenti i BBC-së, lë të kuptohet se sa e vështirë mund të jetë për një koalicion të gjerë të konservatorëve dhe socialdemokratëve që ta qeverisin Gjermaninë.

Marre nga BBC Shqip.

--------------------------------------------------------------
Zhvillim i rralle ne historine politike te Gjermanise. Merkel do te jete gruaja e pare qe merr postin e Kancelarise. Megjithate ashtu sic shpjegohet dhe ne artikull duket qe puna e saj do te jete teper e veshtire, duke filluar nga konsekuencat e "koalicionit te madh" socialdemokrat-kristiandemokrate. Konsesusi mbi ceshtje te ndryshme do te jete teper i veshtire nqs kihet parasysh agjenda e ndryshme e te dyja paleve, pak a shume njera liberale dhe tjetra konservative.
Por Gjermania ka nevoje per nje drejtim te ri sidomos ne aspektin ekonomik dhe atij social.

[Davius]

ANGELA MERKEL DO TË JETË KANCELARJA E ARDHSHME GJERMANE


Partia Socialdemokrate e Gjermanisë dhe Unioni Demokrishter kanë arritur marrëveshje që kancelarja e ardhshme e Gjermanisë të jetë liderja e opozitës, Angela Merkel.

Udhëheqësitë e të dy partive qysh mbrëmë e kanë pranuar kandidaturën e Merkelit për kancelare, lajmëroi televizioni gjerman ZDF, pa e kumtuar burimin e informatës.

Liderët e dy partive më të mëdha në Gjermani pritet që sot anëtarëve t'ua kumtojnë zgjidhjen e miratuar, ndërsa pas kësaj do të kishin filluar bisedimet rreth përbërjes së qeverisë së koalcionit të gjerë.

Sipas marrëveshjes së arritur, Partia Socialdemokrate do t'i kishte fituar ministritë e Punëve të Jashtme, Financave, Drejtësisë dhe Punës.

Po qe se zgjedhet, kjo do të jetë qeveria e dytë e të ashtuquajturit koalicion të gjerë në historinë e Gjermanisë. Një Qeveri e këtillë e udhëhoqi vendin në periudhën prej vitit 1966 deri në vitin 1969

_________________

Personalisht nuk besoj ne aftesite e kesaj zonje dhe mendoj Gerhard Schroeder do ishte nje zgjedhje me e mire sepse ai ka nje autortitet me te madh dhe nje pervoje me te madhe si ne arenen evropiane dhe ate boterore nje gje qe Angela Merkel nuk e ka.

Gerhard Schroeder do te perfaqsonte më denjesisht Gjermanine ne Bote se sa kjo e fundit...

[Davius]

Gerhard Shrëder largohet nga politika!?

Berlin, 13:25

Lideri i socialdemokratëve gjermanë dhe kryeministër në dorëheqje Gerhard Shrëder do të largohet nga politika - lajmëroi agjencia shtetërore ruse RIA Novosti.

Shrëderi në takimin e paradites me lideren e demokristianëve dhe kancelare më e sigurtë e ardhshme e Gjermanisë Angella Merkell, deklaroi se "ndryshe e shikon rrugën e tij të ardhshme jetësore".

Sipas kanaleve lokale televizive në Gjermani, të cilave u referohet agjencia ruse, edhe shumë prej ministrave të deritanishëm në Qeverinë e Shrëderit kanë qenë kundër çfarëdo posti në qeverinë e re të koalicionit, ndonëse u janë ofruar poste të larta.

Sot paradite agjencitë botërore lajmëruan se Merkell, partia e së cilës fito vetëm 4 vende parlamentare më shumë se partia e Shrëderit, do të jetë kryeministrja e re gjermane. Por, socialdemokratëve, të cilët deri tani ishin në pushtet, duhet t`u takojnë 4 vende ministrore në qeverinë e ardhshme të koalicionit.

______________________

Shenje jo e mire per gjermanet, dmth Shreder asesi nuk lejon veten te jete ne obrellen e Merkelit dhe per kete jep doreheqje...

[kolombi]

Margaret Thatcher,Tansu Ciller,Angela Merkel,thashethemet thone andej nga vitet 2008 Hilary Clinton......................

Po na rreshket pushteti o burra.

[Hyllien]

He mo se kjo ngja me burr se burrat tani, duke pa qe na kan mbyt pederat gjithanej.

[Prototype]

Para femrattttttt

[niku-nyc]

So no more Fuhrer , e kapen pushtetin dhe grate ne Gjermani...

Juve qe e njifni si eshte kjo Angela Merker per politike, do arrij te bej me shum nga cka ber Schroeder, duke par qe Gjermania ekonomikisht nuk po shkon sic duhet dhe pa panusia po rritet!

[Lioness]

Cuditem qe kesaj teme, apo ketij lajmi i jepet nje karakter seksist.

Gjermanet votuan rradhen e fundit per Shroeder (me gjithe problemet ekonomike dhe sociale) vetem se fushata e tij ishte e mbushur me sllogane kunder luftes ne Irak. E drejta e tij, ne fund te fundit duhet te perfaqesosh deshiren e popullit/mases. Por edhe pas atij mandati nuk pati permiresime te dukshme.
Nuk ishte Merkel qe fitoi, por Shroeder qe humbi ose social-demokratet.
Shpresoj qe Merkel me qeverine e saj te jete e forte dhe te perballoje presionet e koalicionit. Gjermania (dhe ne pergjithesi Europa) ka nevoje per reforma rrenjesore nqs do te perballojne/konkurroje me ekonomite ne rritje te Kines, Indise, etj apo ate te US.

[EXODUS]

Me kujtohet si tani, ne nje konference per shtyp, dava 2-3 dite para zgjedhjeve ne Gjer, ndersa ndiqja lajmet ne BBC, binte ne sy dukshem gjendja e mjeruar e Shroeder dhe partise qe perfaqesonte. Nuk shihej me sy lugati....therriste ne qiell, cirrej, ulerinte pa piken e turpit, kur nga ana tjeter e nderuara Merkel e ndodhur perballe shtypit, ne te njejtat rrethana zgjedhore, nuk ishte aspak e veshtire te shihje apo kuptoje nga fjalimi i saj, (pavaresisht nga arritjet apo jo te saj ne te ardhmen) se per momentin kjo ishte alternativa e vetme dhe ajo e cila duhej ndjekur domosdoshmerisht per te realizuar "ndjekjen" (largimin e menjehershem) e te deshtuarit Shrrrrroeder duke shmangur krizen e mundshme qe i ish kanosur prej kohesh ketij vendi te superindustrializuar.

Ne15 vitet e fundit, gjermania eshte shnderruar ne vendbanimin e ri te qindra mijera, ndoshta miliona emigranteve nga e gjithe bota. S'do i vinte askujt mire, aq shume me pak ketyre banoreve te rinj, te vuanin gafat e radhes nga Monsieur Shroeder.

[Lioness]

Merkel-kancelarja e parë e Gjermanisë

Parlamenti në Berlin ka votuar të martën pro emërimit të udhëheqëses së konservatorëve gjermanë, Angela Merkel, në postin e kancelares.

Znj. Merkel është femra e parë kancelare në historinë e Gjermanisë.

Ajo bëri betimin në detyrë pasi mori letrën e emërimit nga presidenti gjerman.

Tani kancelarja pritet të emërojë ministrat e kabinetit të saj qeverisës.

Rreth 400 deputetë të Bundestagut votuan pro znj. Merkel, por 51 anëtarë të koalicionit qeverisës nuk e mbështetën emërimin e saj.

Marrëveshja për formimin e koalicionit qeverisës në gjermani u arrit pas disa javëve me negociata e mosmarrëveshje mes dy partive më të mëdha: socialdemokratëve dhe kriastiandemokratëve.

Asnjë nga dy partitë nuk fitoi shumicën e duhur për të qeverisur në zgjedhjet e përgjithshme që u zhvilluan në Gjermani në muajin shtator.

Znj. Merkel pason në post socialdemokratin Gerhard Shrëder.