Shume me rendesi

[beko]

prsh te gjithve,

kush nga ju te nderuar do mund te me siguroj dicka nga TEORIA E KONFLIKTIT apo edhe nga TEORIA E LUFTES? nese do mundeni do me ndihmonit shume.

beko

[beko]

hajde more shqiptare, s'dini gje rreth ketyre temave? CKA DO QE KENI dhe qe ka te beje me T. e Konfliktit dhe te Luftes.

beko

[zANë]

hajde more shqiptare, s'dini gje rreth ketyre temave? CKA DO QE KENI dhe qe ka te beje me T. e Konfliktit dhe te Luftes.

beko

Loool
Pse mos do besh ndonje film ti?!!!

T.e K dhe e luften ne pergjithesi apo te ndonje shteti apo te ndonje lufte te veqant me emer pra ciles lufte.

[beko]

mire se erdhe ema,

ne pergjithesi, ska te vecante asgje, ne kete rast. ckado qe di rreth ketyre dy temave.

beko

[babybell]

http://www.au.af.mil/au/aul/bibs/just/justwar.htm

ja provoje njehere ketu. mbase nuk e kuptova mire kerkesen...

[diikush]

here tjeter verjuni temave emrin simbas asaj qe kerkoni jo thjesht shume rendesi apo obobo do vdes po nuk me ndihmuat ne moment lol

flm

[beko]

i dashur Dikushiii,

me rendesi eshte se e paske kuptuar ate cfare une kerkova, dhe nese ke mundesi per te dhen ndihmen tende, jepe, nese jo, faleminderit.

beko

[diikush]

beko, e kam fjalen qe te shkruash ate qe kerkon ne teme, keshtu qe mos ta hapi gjithe kazaja, por vetem ata qe duan

ne kete menyre mer ndihmen pa terhequr te tjeret aty symbyllurazi

kshu qe ndihma ime ne kete rast konsiston ne kulturen e te shkruarit ne forum

me te mira

[beko]

faleminderit shume Babybell.

[oiseau en vol]

Beko, hidhi nje sy ketij shkrimi, ka ca ide aty, a te hyjne ne pune apo jo, kete nuk e di, por ama te jep njefare kulture te pergjithshme dhe pse jo, pak per te reflektuar.

Edhe te tjeret mund ta shohin se nuk u be qameti , fundja per juve e kam perkthyer, pak dhe per vete, por me shume per juve

Dhe mos me thuaj qe s'te pelqen perkthimi se gomarit te falur nuk i shihen dhembet. Perkundrazi, nqs ke ndonje fjale te mire per ta thene, mos nguro, thuaje, se na behet qejfi

Po ku janë luftërat e dikurshme ?

Një studim mbi çrregullimin e konflikteve, të kthyera të shurdhëra dhe të shpërhapura.

nga Jean-Baptiste MARONGIU
Liberation, e enjte 19 janvier 2006

Frédéric Gros
« Gjendje dhune. Ese mbi fundin e luftës »
Gallimard, 310 faqe, 18,50€.

përkthyer nga frëngjishtja
Oiseau en vol

Përgjatë historisë perëndimore, paqja është kacafytur me luftën shumë më pak sesa kjo pranohet : një zhdukje e së dytës nuk paralajmëron aspak fitoren e së parës por duket t’i bëjë vend njëfarë hibridi ndërmjet të dyjave. Meqë filozofi dhe luftaraku ndajnë të njëjtin përkufizim të njeriut si qenie për vdekjen, Frédéric Gros është i armatosur mirë për të menduar, në Gjendje dhune. Ese mbi fundin e luftës, këtë situatë sa të panjohur aq dhe të rrezikshme. Jo që në këto « gjendje të reja dhune » do të kishte pushuar shkëmbimi i vdekjes për të cilin përdoreshin me njëfarë suksesi luftërat e vjetra. Ajo çka është në shndërrim e sipër, kjo është kuadri etik, politik dhe juridik që u jepte këtyre luftërave një racionalitet, madje një justifikim. Botues i Kurseve të fundit të Michel Foucault në Collège de France, Frédéric Gros është profesor në universitetin Paris-XII dhe ka publikuar libra të njohur mbi historinë e psikiatrisë dhe filozofisë penale.

A mund të themi akoma që lufta është « një konflikt i armatosur, publik, i drejtë », siç e çmonte kështu më 1597 Alberico Gentilis, duke vënë në një mendje teologë dhe filozofë ? Frédéric Gros nuk e beson këtë sigurisht, dhe shpalos për një « barut nderi » të fundit kategoritë e hershme të luftës të cilat janë duke u shpërbërë përpara nesh, nën goditjet e zgjedhuara të ushtarit high tech, të terroristit dhe të qenit të tërbuar të përleshjeve pak a shumë tribale. Nga një tip ideal në tjetrin, nga kalorësi tek këmbësori gjer në dhëmbë i armatosur, nga lufta racionale e Lumières tek konflikti total, mënyrat e shkaktimit në mënyrë legjitime të vdekjes së ndërsjelltë kanë ndryshuar, duke u derdhur më në fund mbi një etikë të sakrifikimit të jetës. Nëse bëhet luftë, kjo bëhet për të arritur paqen. Kjo ide nuk është dhe aq absurde, sepse duhet që lufta të jetë e drejtë nëse duam që vetë paqja të mos jetë e padrejtë. Kështu mbërrijmë në një përkufizim minimal : është legjitime vetëm ajo luftë që bëhet për tu mbrojtur, për të bërë paguar një borxh apo për të ndëshkuar një padrejtësi. Kështu, lufta kthehet në një nxjerrje para drejtësisë, gjykata e së cilës është fusha e betejës. Por Carl Schmitt nuk e ka gabim të shohë nën shenjën e luftës thjesht kriminalizimin e armikut, dhe rreziqet që pasojnë nga një armiqësi e përhershme. Për t’i bërë të ndërsjellta këto rreziqe, të tjerë do të nxjerrin përpara idenë e një lufte të drejtë nga të dyja krahët. Traktati i Westphalie, duke iu dhënë fund luftërave të përgjakshme fetare, vendosi për një kohë të gjatë një kuadër të ri juridik ndaj konflikteve të armatosura. Në njëfarë mënyre, filozofia vjen nga pas. Dhe qysh nga kjo marrje parasysh e një shumësie shtetesh sovrane, lufta ka ndryshuar kuptim, të paktën mbi kontinentin europian.

Çrregullimi aktual i konflikteve të armatosura lë për të shquar njëfarë nostalgjie për luftërat e vjetra të gjyshërve. Por nuk ka përse të ndodhë kjo, thotë Frédéric Gros : « A duhet të sjellim ndërmend që ato qenë vegla të ambicjeve më të ulta, të pretendimeve më të çmendura, të përllogaritjeve më të ndyra ? Që ato kanë sjellur me vete sakrifikimin e miliona njerëzve që nuk donin gjë tjetër veçse të jetonin, që ato kanë shkretuar para kohe qytetërime të lulëzuara, kanë përcjellur kultura të larta drejt e në vetëvrasje ? » Lufta e drejtë nuk dinte, për shembull, ç’të mendonte për krimet me të njëjtin emër. Për arsyen e vetme që asgjë nuk duhej, në parim, të kufizonte të drejtën e pakufizuar të një shteti sovran mbi persona (ushtarë apo civilë, gra, fëmijë, pleq apo të rinj…) të transformuar në armiq nga një deklaratë e hapur, ose me pakëz detyrime njerëzimi nëse këta të fundit ishin të krishterë.

Nëse nuk ka ndonjë gjë të madhe për të shpëtuar nga lufta, çfarë ka kaq tmerrësisht shqetësuese në gjendjet e dhunës që e pasojnë atë ? Me siguri, një përmbysje të raportit ndaj vdekjes. Në luftën e rrjedhur nga historia perëndimore, është jeta ajo që sakrifikohet, kurse në gjendjet e dhunës është më tepër vdekja ajo e cila i jepet njëri-tjetrit. Qoftë fjala për një akt terrorist në një hapësirë publike, për një bombë « inteligjente » që godet anësorisht civilë, apo për një shthurje shkatërrimtare bandash të armatosura në një vend të shpërbërë, vdekja nuk shkëmbehet : « Ajo shpërndahet, mbillet, përllogaritet. Fundi i shkëmbimit sot sjell jo vetëm rikthimin e arkaikes, por më tepër një ristrukturim të raportit ndaj vdekjes, të pritjes së saj. Ajo kthehet në tjetër gjë ; një rrezik profesional, një ekuacion matematik, një kusht të qenuri, një apoteozë mediatike. »

Me të mbaruar lufta, me deklaratat, praktikat, të drejtat e saj jo të gjitha të neveritshme, i përket paqes tani të venitet në një shpërndarje dhune që vazhdon si ska më bukur. Ja përse flitet tani e tutje për ndërhyrje, e cila, njëlloj siç siguria të cilën ajo dëshiron të arrijë, nuk njeh as armik, as fitore as disfatë. As luftën dhe as paqen.

[Anisela]

Iran-Kurdistan 1961...Mosmareveshje
Irak-Shia 1991 Aresyet religioze...
Irak-Kurdistan 1991....
Izrael-Hamaz 1975..Komflikt religioz..
Izrael-Palestina 1948-1994
Afganistan-Taliban1978..komflikt etnik..
Filippinne-new popples Army 1969..komflikt ideologjik..´
Peru-Sendero Luminoso 1981 konflikt ideologjik dhe narkotika

[Kryeplaku]

beko,

te te jap artikuj ketu apo mendime do ishte budallallik, se ashtu as qe do kuptosh hic gje mbi teorite e luftes. Pra nese vertet interesoheni atehere futjuni ndonje biblioteke dhe dilini pas -te pakten- nja 6 vjetesh..... dhe mbase do kuptoni ndonje gje!

Nejse meqenese ne Shqip nuk mundem t'ju gjej material atehere me thoni ne c'gjuhe kuptoni mire.... keshtu do mundohem t'ju mbledh ndonje liste librash dhe shkrimtaresh te cilet do mundeshit ti kerkonit ne ndonje biblioteke.

"Do pune puna..."
flm

[Kryeplaku]

beko,

nese te intereson ndonje liber i vecante per te sqaruar keto ceshtje, qe te mos lodheni me nje dyzine librash me cdo teori me vete, do ju keshilloja librin:

"Contending Theories of International Relations : A Comprehensive Survey" nga analistet amerikane (me te vertet fantastike) James E. Dougherty dhe Robert L. Pfaltzgraff. Libri eshte i ndare ne dy vellime dhe tani eshte ribotuar per te pesten here.

Autoret duke kaluar cdo inisiative tjeter ne fushen e marredhenjeve nderkombetare kane mbledhur te gjitha teorite dhe nje ser analistesh duke sjellur keshtu dialogun e ideve ku lexuesi zgjedh vet. Vec teorive parashtrohen edhe kritikat ndaj tyre. Kapitujt e fundit te vellimit te pare dhe kapitujt e pare te vellimit te dyte flasin per teorite e agresivitetit, revolucionit, konfliktit, luftes se brendeshme dhe luftes se jashteme.

Ne fundin e cdo kapitulli permenden edhe librat nga jane marre te dhenat, pra me pak fjale midis librit mund te gjeni pothuajse literaturen me te rendesishme mbi konfliktin.

Megjithate libri i sygjerohet me teper nje lexuesi qe ka nje fare kapaciteti mbi keto ceshtje!

Nese nuk e gjeni ne librari mund ta bleni midis internetit...

Nese ju interesojne libra te tjere, hidhni nje sy tek projekti Gutenberg nga ku mund te zbrisni libra online (kerkoni libra me iniciale fjalesh qe te interesojne, si psh. "w" per "war"). Adresa eshte kjo: http://www.gutenberg.org/browse/titles/w

Per ndonje gje tjeter mos nguroni te me kontaktoni!
flm