100 ditët e qeverisë Berisha

[miko]

sa objektive mund te jene rezultate nga nje organizat (MJAFT) qe drejtohet nga nje personazh partiak (E. Veliaj) ?

Hë me Margaritkë na e thuaj dhe ne çdo të thotë në shqipen e thjeshtë (jo në atë akademike që flet ti ) çdo të thotë termi "personazh partiak"..?

Ja nje i marre

Qe uleret. Ku eshte spitali? Doktori ? Ku jane ilacet?

Fakti që mblidheni nja 2-3 kokrra e që bëni në tip klani politik primitiv nuk të jep të drejtën të ngjisës epitete të tilla.Për më tepër një individi që ka fituar respektin e qytetarëvë me vepra dhe në mënyrë llapaqense.Mbani ju lutem një ekilibër kur flisni për politikë nqs nuk doni të bëni pjesë në grupin "Gam-Gam"

Nje nga perpjekjet e Partise Demokratike po merre drejtimin e duhur

E nderuar Margaritkë nqs do heqësh ferexhenë politike që të ka zënë syçkat,do shohësh që nuk janë vetëm përpjekjet e Pd-së,është udha e hapur nga ajo Ps "kriminale" e që me frytet e saj mburret pa pikën e turpit kjo qeveri me elementë apatike brenda saj.

Ps.Kur të na shkruash (a sjellësh) tituj të tillë bombastikë e prekës të lutemi shumë korigjo pak gabimet ortografike (të paktën në titull) se duket që nga titulli se më çfarë injorantë kemi të bëjmë më tej...

[beni67]

Ej ne kohen e Zogut ne shqiperi kishte 37 traktore ndersa sot nen udheheqjen e PPSH ne kemi 2451 traktore, si dhe kombinatin e autotraktoreve ne tirane.Keshtu na thoshte shoku enver dikur.Akoma me krahasime ju o te gjore. Po te fillojme e hapim librat bilanci i ppsh dmth PS del negativ prandaj le te mos e ngasim se fillon e vjen ere.

o Ilirian per zotin je i modh, ku e ke gjete ate foto te Rames. Tregon tamam se kush eshte, njeriu qe nuk di c'eshte familja, nena e baba,grua e femije. Njeriu qe percmon atdhe, parti e shoqeri Njeriu qe cirret tribunave e televizoreve. Njeriu rrugac, me fytyre e fjalor prej rrugaci. Shikojeni mire , shikojeni zmadhojeni dhe shikojeni perseri A nuk ju duket nje kopje e shemtuar e Enver Hoxhes......

[Thatcher]

miki ro, flm shume per verejtjet. Jeni i mirepritur te kritikoni shkrimet ne fjale edhe pertej titujve nese keni deshire. Gjithashtu jeni te mirepritur te korigjoni gabimet e mija ortografike apo edhe gramatike kur te keni deshire.

une po vazhdoj me nje artikull qe i perket temes tani, nese me lejohet sigurisht

Shekulli - Politike

Deputeti Sami Gjergji flet per 100-diteshin e qeverise "Berisha" dhe debatin e hapur per ndryshimin e disa ministrave

Gjergji: Ndryshimi i qeverise, analiza ne fund te 6 mujorit

F. Papadhimitri

Qeveria e Aleances se Djathte, e prire nga PD- ja, e kaloi 100- diteshin e pare te drejtimit. Sipas jush, eshte kjo nje periudhe e suksesshme realizimesh?

Mendoj se suksesi i nje qeverie nuk mund te matet me 100 ditet e saj te para. Ne procesin e veshtire te vleresimit, sipas konceptit tim personal, kemi te bejme me nje sere elemente te analizes politike. Se pari, vleresimi me nota pozitive ose me nota negative do te konkretizohej nepermjet analizes se prirjes. Me pak fjale, per ku jemi nisur dhe per ku po shkojme. Ne kete kuptim, sinjalet jane drejt prirjes pozitive, cka pasqyrohet edhe ne vleresimet e organizmave te ndryshme te komunitetit nderkombetar. Pra, suksesi ne kuptimin e tij te vertete duhet pare nen kendveshtrimin e pergatitjeve qe po ben qeveria "Berisha" per kryerjen e reformes ne standarde te njohura nderkombetare, ne menyre transparente dhe me tregues te matshem te rezultateve. Ne kete aspekt, duhet pare dhe shqyrtuar me kujdes edhe "vleresimi" i opozites per qeverine "Berisha". Ne qofte se themi se reforma dhe zhvillimi i vendit eshte fryt i perbashket i punes dhe i perpjekjeve te pozites dhe opozites, atehere nuk ngelet gje tjeter vecse te pranojme se pozita ka pergjegjesi me te madhe. Kuptohet, cdo vleresim me nota jorealiste nga ana e opozites per qeverine "Berisha", do te thote me shume pergjegjesi per ne, do te thote... nje qendrim proaktiv te grupit tone parlamentar ne raport me vleresimin e qeverise "Berisha". Duke iu kthyer pyetjes per suksesin e qeverise "Berisha" per 100 ditet e para, do te desha te kufizohem me fjalet: Eshte ne rruge te mbare me themelet qe po ngre.

Si nje biznesmen qe po ngjisni shkallet e politikes, cili eshte mendimi juaj ne lidhje me platformen e qeverise per biznesin, per sistemin fiska, doganat, etj, dhe reformat qe po kryhen atje?

Platforma e qeverise "Berisha" dhe mendimi im ne lidhje me vleresimin e saj gjejne shprehje ne dy nivele. Ne nivelin e pare, te vleresimit te platformes ne aspektin e saj te paraqitjes, gje qe pergjigjen e ka te qarte: nuk ka te share, mbasi per ate platforme u votuam nga zgjedhesit dhe jemi ne pushtet, ndersa ne nivelin e dyte, vleresimi nuk mund te behet menjehere, por gradualisht mbeshtetur ne treguesit e matshem te rezultateve te qeverise "Berisha". Ne kete kendveshtrim, grupi yne parlamentar ka si objektiv te vetin lobingun ne favor te komunitetit te biznesit, mbasi nuk mund te priresh per zhvillim, ne qofte se nuk priresh per nga krijimi i te gjitha kushteve qe e permiresojne klimen e biznesit ne marredheniet e saj me administraten doganore, tatimiore etj. etj. pa harruar koalicionin me shoqatat e biznesit per te dialoguar me qeverine. Nuk mund te konceptohet asnje lloj reforme, kudoqofte ajo, ne rast se nuk merret ne konsiderate opinioni i biznesit, sidomos per ceshtje te tilla tejet te rendesishme si tatimet dhe doganat. Ne thelb te platformes, tek e fundit, jane marredheniet e qeverise me biznesin dhe konsumatorin, permiresimi i te cilave natyrisht kerkon reformimin e administrates tatimore dhe doganore.

Me c'vemendje po e ndiqni frymen e debatit konstruktiv qe po behet gjithnje e me i gjalle ne grupin parlamentar demokrat, ku ju beni pjese? A gjykoni, se mbase, eshte koha per ndryshime edhe ne postet e larta te qeverise?

Debati konstruktiv i grupit tone parlamentar i sherben procesit dinamik te vleresimit te punes se qeverise "Berisha". Ne kete kontekst, debati nuk duhet pare, domosdoshmerisht, si nje kerkese per ndryshime postesh te larta ne qeveri, por si kerkese per nje ose disa ministra per te arritur objektivat e vendosur ne programin e qeverise, aq me shume tani qe zoti Berisha ka shpallur objektivat e 6-mujorit te pare te vitit 2006. Analiza e treguesve te rezultateve te matshme do te sillte nje perfundim me te sakte ne kuptim te pergjegjesive ne lidhje me ministrat dhe/ose ndryshimin e tyre. Ne si grup parlamentar punojme qe qeveria te arrije suksesin dhe jo per te penguar qeverine ne synimet e saj. Ne rasts se ka ndonje paralelizem me pervojen e tete viteve te kaluara te qeverive dhe grupit parlamentar socialist, me duhet t'ju pohoj se midis grupit tone parlamentar dhe qeverise "Berisha" me qeverite socialiste dhe grupin parlamentar socialist te tete viteve te shkuara ka nje vije demarkacioni te qarte, cka nenkupton nje qendrim aspak servil tonin kundrejt qeverise.

Lufta ndaj korrupsionit dhe qeverisja me duar te pastra jane dy nga premtimet me te rendesishme elektorale te PD-se. Si po vihen ne jete ato?

Do te desha te isha mjaft i shkurter ne kete pergjigje. Shikoni me kujdes vendimin e fundit te qeverise "Berisha", ne kuader te largimit te te afermeve te qeveritareve dhe politikaneve qe punojne ne administraten tatimore, doganore etj., ku jane vene re ne te kaluaren abuzime me pushtetin si rezultat i paaftesise profesionale qe rezultonte nga nepotizmi. Me tej mos harroni misionin e gurpit tone parlamentar per te ndikuar mbi qeverine per t'i bere te gjitha punet mire, duke vene ne levizje te gjitha aftesite energjike dhe mendore...

A mendoni se ka ardhur koha per nje reforme rrenjesore ne sistemin e drejtesise?

Kjo nuk eshte fusha ime, por di se te gjithe ne aspirojme per drejtesi dhe nese drejtesi nuk ka dhe kur kerkon nuk e gjen, pergjigja vjen vetvetiu. Ne kete kuptim, nuk do desha te fokusohem te emra apo individe te vecante, por te sistemi, pasi ne qofte se funksionon drejt sistemi, atehere edhe drejtesia do te funksionoje. Shoqeria shqiptare duhet pare ne te gjitha aspektet e saj dhe kesisoj nuk ngelet gje tjeter vecse te shohim cfare do te ndodhe me kalimin e kohes, pasi drejtesia eshte nje pike tejet e vecante ku mpleksen interesat me te rendesishme te njeriut si e drejta e prones, e drejta e jetes etj.

[Antimafia]

TIRANË- Kryeministri Sali Berisha në fjalën e tij gjatë punimeve të pasdites në konferencën e 42-së të Politikës së Sigurisë që po zhvillohet në Mynih të Gjermanisë, u ndal në rëndësinë e bashkëpunimit ndaj sfidave të reja globale. Kreu i ekzekutivit është ftuar të marrë pjesë në këtë konferencë të nivelit të lartë nga presidenti i saj, Horst Teltschik. Seanca e zhvilluar dje u kryesua nga kancelarja gjermane, Angela Merkel, e cila paraqiti pozicionin e Gjermanisë, si dhe domosdoshmërinë e bashkëpunimit euroatlantik, riorientimin e NATO-s ndaj rreziqeve të reja, si dhe qëndrimin e prerë ndaj Iranit. Gjatë fjalës së saj, kancelarja gjermane u shpreh se NATO mbetet e hapur për vendet e Kartës së Adriatikut, ku bëjnë pjesë Shqipëria, Kroacia, Maqedonia. Kryeministri Berisha e falënderoi kancelaren gjermane për këtë mbështetje të hapur dhe shprehu besimin dhe dëshirën që marrëdhëniet tona të intensifikohen më tej në të ardhmen. Ndërsa gjatë darkës së shtruar nga Presidenti Teltschik, kryeministri Berisha u vendos në tryezën e nderit, ku u përshëndet dhe bisedoi me pjesëmarrës të ndryshëm, midis të cilëve, sekretarin amerikan të Mbrojtjes, Donald Rumsfelt, presidentin e Gjeorgjisë, Mikheil Saakashvili, si dhe me ministrat e Mbrojtjes të Francës, Anglisë dhe Gjermanisë, me senatorin amerikan John McCain dhe personalitete të tjera të rëndësishme. Ai u takua gjithashtu edhe me zëvendëskryeministrin e Bavarisë, Gunther Beckstein.

[PORTI_05]

[QUOTE=peshkaqeni33]Ore Sale shikon c'fare behet apo jo. Vidhen makina, krime, pa drita,

listat e veresive neper dyqane jane bere carcaf

. Po te jete per ty edhe pas tre vjetesh keshtu do thuash eshte shpejte. Me ne fund kur do vendosi te punoje kjo qeveri, i nderuar zoti Sali.

Mire emrin po e shikoj, mos ke dhe mbiemrin ashtu si mendoj.

.

Nderro emrin o derezi, sa s'ke hyre ne histori.
Nese s'ke faj ti, s'eshte e lehte jesh Sali[/

QUOTE]
ajo lista e veresieve ka nja 8 vjete qe ka filluar nuk eshte e lehte jo te jeshe SAL ,SE FATOSA DHE PIONIER NE POLITIK KA SA TE DUASH ,,,,ja kush eshte Sala Marte, 07 Shkurt 2006


NENSHKRIMI BE-SHQIPERI, SUKSES PERSONAL I BERISHES

Tashme eshte bere e njohur publikisht se Bashkimi Europian ka vendosur qe te nenshkruaje Marreveshjen e Stabilizim-Associmit me Shqiperine. Ne kohen e qeverisjes se PS-se u bene shume perpjekje qe kjo marreveshje te merrte jete gjate kohes se tyre, por ne mandatin e fundit qeverises te zotit Nano ishte Bashkimi Europian qe i shtyu, me te drejte, vetem se korrupsioni dhe kontrabanda e lejuar dhe e shijuar nga Fatos Nano po bente kerdine ne Shqiperi. Pas largimit te Nanos nga pushteti, zoti Berisha po ben cdo perpjekje per te plotesuar kushtet e Bashkimit Europian. Duhet pranuar se Berisha mund te kete shume gabime apo metoda te ashpra drejtimi, por ne lidhje me luften ndaj korrupsionit dhe kontrabandes eshte njeriu kunder tyre ne menyre te prere, bile stoik. Ndaj Bashkimi Europian vendosi ta nenshkruaje marreveshjen. Natyrisht qe ka shume gjera te cilat mund te kishin ecur me mire apo edhe me ritem tjeter perfaqesimi sa me te gjere politik nga e djathta, porse aty ku i "dhemb" Europes, ne lidhje me trafiqet, krimin e organizuar dhe korrupsionin e ngritur ne sistem nga ish-kryeministri Nano, keto tashme zoti Berisha po lufton per t'i shkaterruar. Dhe nuk eshte pak vullneti politik i manifestuar hapur, packa se ka shume per te bere ne kete drejtim. Nenshkrimi qe po behet pas pak ditesh eshte pa diskutim vetem merite e zotit Berisha, pavaresisht se, sic thame, ka plot gjera per te rregulluar ne qeverisje. Nuk duhet te harrojme se duhet nje vullnet titanik per te shkaterruar nje keshtjelle te krimit dhe korrupsionit ne vend. Ka dhe nje pyetje qe po daravitet ne mjediset opinionberese se "pse Berisha nuk po penalizon autorin e krijimit te ketij sistemi korruptiv", sic quhet Fatos Nano, por ndofta edhe ketu luhet politike dinake e kryeministrit aktual per t'i shkaterruar ne fillim prapavijen kriminale dhe me pas per ta vene para drejtesise.

Gjithsesi, nenshkrimi qe po vjen eshte vetem merite e nje njeriu te vetem, Sali Berishes. Ai futi ne loje gjithe kuotat e tij politike per ta fituar. Mund dhe ta humbiste, por e fitoi! Duhet pranuar dhe lavderuar kurajoja e tij personale per kete rast. Per te tjerat flasim nje here tjeter!

Alban Mati

[Petraq Kola]

Per mua Nano, Berisha, Aliaj, Godo, Rama, Ruci nuk kane ndonje ndryshim te madhe... Sala ka bere dhe do beje nje vrime ne uje, tamam si djalli i Dulles, Piramidona Nano...
Por ama nje gje te mire e ka bere. Na ka pasuruar forumet shqipatre me kuadro te reja dhe me shume prespektive. Ja shikoni Zarathustren sa i vuri shqelmin Sala, u paraqite tek forumi shqiptar dhe po na shet patriotizem. Ju hape barku Zares... per demokracine dhe perparimin shqiptar. Ku ishte deri dje Zara i Thustres, apo drejtonte ndonje grup mafioz qeveritar per llogari te tije apo te Djalit te Dulles?

[Sali]

Po ke të drejtë. Ka sa të duash FATOSA të korruptuar si ti. Vetë nga pseudonimi duket se ke të bësh edhe ti me këto gjëra. Ndoshta edhe mund të gabohem. Por nuk e besoj. E keni në gjak ju komunistët. Ju ka hyrë frika deri në palcë dhe doni medoemos që ta përmbysni pushtetin edhe nëse është në dëm të kombit. Nuk ju mjaftoi juve shkatërrimi në 50 vjet komunizëm “izolim” dhe 8 vjet socializëm “korrupsion dhe drogë”. Por kur e ke në gene nuk se çfarë ti bësh. Je dënuar të mendosh ashtu.
Gjithsesi ju falënderoj për këshillat dhe të menduarit ndryshe. Ndoshta një ditë do të gjesh rrugën e duhur. Për të shkuar në BE nuk kalohet nga Gërrqia por nga Gjermania, Franca e Italia.

[Antimafia]

Të ardhurat nga tatimet dhe doganat për janarin e këtij viti janë 32% më të larta se janari i vjetshëm
*
Reforma, Janar 2006 ne arken e shtetit 40 milionë USD më shumë se ne Janar 2005
*
Tatimet dhe doganat fusin në arkën e shtetit në muajin që shkoi, 32 për qind të ardhura më shumë se në janarin e vitit të kaluar. Sipas të dhënave të Ministrisë së Financave, nga vjelja e të ardhurave të muajit që shkoi, janë arkëtuar reth 1 miliardë lekë, ose rreth dhjetë milionë dollarë më shumë se plani për muajin janar. Sipas këtyre të dhënave, rezulton se vjelja e të ardhurave është tejkaluar me 7.5 për qind të parashikimeve. Për këtë muaj janë mbledhur rreth 10.6 miliardë lekë në tatime dhe dogana nga rreth 9.8 miliardë të parashikuara më parë. Krahasuar me janarin e vitit të kaluar për këtë vit janë vjelë gjatë muajit janar rreth 4 miliardë lekë më tepër.

40 milion $ x12 muaj = 480 milion $

Berisha ka akoma pune per te bere qe te fuse ne arken e shtetit 1,2 miiard $, te cilt kalonin cdo vit ne xhepat e koleres mafiozo-komuniste.

Megjithate jane me se te mjaftueshme per te ndertuar autostraden Durres-Morine
qe llogaritet te kushtoje 300 milion $.


-----------------------------------------


Lajmi i fundit nga TVSH

Prokuroria merr te pandehur: Armando Duken


----------------------------------------

TIRANE (7 Shkurt) - Kryeministri Berisha ka leshuar sot nje sere akuzash gjate mbledhjes se Keshillit te Rregullim Territorit te Republikes te Shqiperise, per kryetarin e bashkise se Tiranes, njekohesisht kryetar i Partise Socialiste, Edi Rama, duke e cilesuar ate “nje piktor zhgarravites”.

Sipas Berishes, kryebashkiaku nuk ka lene asnje vend per te ndertuar parqe per femijet. Ne kete kuader ai i ka kerkuar Ministrit te Puneve Publike, Transportit dhe Telekomunikacionit, Lulzim Basha te filloje punen per studimin e territoreve qe do te sherbejne per parqe femijesh.

Gjate mbledhjes se sotme te KRRTRSH-se, te kryesuar nga kryeministri Berisha, eshte miratuar studimi per zonen e Farkes, Lundres, Petreles, Saukut dhe per rajonin e Mulletit. KRRTRSH vendosi gjithashtu qe te gjitha lejet per pallate shume kateshe rreze malit te Dajtit te pezullohen dhe ndertimet ne kete zone te jene deri ne 2-3 kate. (/BalkanWeb)

[Antimafia]

Na jepni fakte qe po luftoni Korrupsionin dhe ne do tju japim fakte se cfare
do te bejme per Shqiperine, qe Ju dhe Ministrat e kesaj qeverie mos te
bridhni neper Bote si lypsar duke kerkuar dhe lypur ndihma dhe investore ne
jemi ne gjendje per te gjitha problemet qe ka vendi yne tju ndihmojme, ne
jami ata qe punojme per te ndryshuar Imazhin e Shqiperise kur juve ju presin
per hire te protokollit, ne na ftojne pa protokoll, ky eshte Lobi i sotem
Shqiptar i pa korruptur z. Kryeminister qe ju nuk e njihni.

me Respekt

Lobi Shqiptar (ne Europe)
Dr.lobishqiptar@hotmail.com

Pfiiuuuuuuuuuuuuuuuuuuuuuuuuuu

Po bejini me te holla ato te uruara Joints more djema.

Megjithate respekte, sepse nuk ju duket vetja se jeni " Lobi Hebre ne USA".

Mua per vete sa here qe bej bar me duket vetja si Napoléon Bonaparte, i pari njeri qe me anijen e Magelanit zbriti ne Hene, duke bere keshtu qe hapi tij i vogel te jete kercimi me i admiruar per Metropoline Tirane-Durres.

[Brari]

Gazeta Shkipetare

KRRTRRSH: Nuk do ketë objekte shumëkatëshe



Berisha: Anullohen ndërtimet në Dajt






Të gjitha lejet e ndërtimit për ndërtesa shumëkatëshe në zonën e Dajtit si dhe në komunat Farkë, Lundër, Mullet dhe Petrelë, do të anulohen. Kryeministri Sali Berisha, dje në mbledhjen e Këshillit të Rregullimit të Territorit të Republikës së Shqipërisë, gjatë prezantimit të studimit rajonal dhe mjedisor për zonën Selitë, Sauk, Farkë, Lundër, Mullet dhe Petrelë, i kërkoi ministrit të Punëve Publike, Lulëzim Basha, që të anulohen të gjitha lejet për ndërtime shumëkatëshe në këto zona, duke mbështetur idenë e projektit për të hequr dorë nga ndërtesat e larta, duke sugjeruar se ndërtimet 3-4 katëshe duhet të jenë më të pranueshmet.” Nuk mund të ketë shumëkatëshe. Ky studim ka meritën e madhe që atë pejsazh të mrekullueshëm është përpjekur ta respektojë maksimalisht”, - ka nënvizuar Berisha. Kryeministri ka sugjeruar që një pjesë e këtij territori të përcaktohet për vila për emigracionin shqiptar. Sipas tij, janë me mijëra shqiptarë të cilët kaluan jetën e tyre në tokë të huaj dhe që do të donin që pensionin ta kalonin në vendin e tyre. “Këshilloj që 200 apo më pak ose më shumë hektarë të përcaktohen sipërfaqe për vila për emigracionin shqiptar. E ftoj studion që të shohë me përparësi një territor, ku në çdo studim, ta bëjmë si rregull që t’u lëmë një pjesë emigracionit”, - ka theksuar Berisha. Kryeministri nuk ka ngurruar të anatemojë rishtazi kryetarin e Bashkisë së Tiranës, Edi Rama, po këtë radhë në koncepte profesionale. Sipas Berishës, Rama i thotë vetes piktor, por që në fakt është një zhgarravitës i cili nuk ka imagjinatën për të kuptuar që fëmijët e Tiranës duan parkun e tyre.”700 mijë banorë janë në Tiranë dhe ekziston një park rudimentar, fare i vogël. Për fat kemi trashëguar parkun tek liqeni që të shëtisin fëmijët dhe qytetarët, por që s’kanë se ku t’i çojnë”, - ka nënvizuar Berisha. Kryeministri ka kërkuar që të shihet mundësia e ndërtimit të një fushe golfi, gjë e cila në fakt parashikohet edhe në studimin për komunën e Farkës. Berisha i kërkoi Ministrisë së Punëve Publike së bashku me qeverinë vendore, të studiojë dhe të nisin urgjentisht studimin për zonën e Kombinatit, ku sa më shpejt t’u ofrohet kompanive të ndërtimit për të ndërtuar banesa ne kuadrin e partneritetit publik, privat. Në këtë mënyrë, - tha Berisha, - “kemi shumë mundësi që mijëra e mijëra apartamente të ndërtohen dhe t’u jepen qytetarëve në nevojë, me çmime më të arsyeshme, ose të strehohen me qira të përballueshme, sepse po bëhet një problem shumë i madh për shumë çifte të reja që nga mungesa e alternativës, largohen në vende të tjera për të gjetur strehim”. a.m