Statusi i ardhshem i Kosovës!

[Edvin83]

Pavaresi pa kushte dhe bile duhet ta ngreme zerin e te kerkojme me teper se jemi faktori kyc ne Ballkan, jemi 9 milione, dhe duhet te kerkojme edhe te drejta per Presheve e Sanxhak.

[dodoni]

Duke shtyrë të pashmangshmen në Kosovë

Fuqitë ndërkombëtare mund të kryejnë një gabim të rëndë, nëse shtyjnë vendimin për statusin e Kosovës. Gjatë viteve të kaluara, zyrtarët e SHBA-së dhe BE-së kanë shtuar pritjet për afirmimin se ‘status quo’-ja nuk është më e tolerueshme dhe se çështja e pavarësisë duhet të zgjidhet. Në të vërtetë, ata vetë e pranojnë se një shtyrje mund të jetë shumë destabilizuese.

Qeveria në Beograd ka nxitur për shtyrjen e vendimit të statusit të Kosovës pas zhvillimit të referendumit të Kushtetutës së re serbe dhe pas mbajtjes së zgjedhjeve presidenciale dhe parlamentare. Ndoshta, pasi këto ngjarje të jenë konsumuar, ata do të propozojnë një regjistrim të përgjithshëm kombëtar për një shtyrje të mëtejshme, pasi Serbia të kualifikohet për etapat finale të kampionatit botëror të vitit 2008.

Zyrtarët në Beograd vazhdojnë të shfrytëzojnë idenë e gabuar se Serbia është shteti kyç në Ballkan. Ky koncept i gabuar është bazuar në nocionin e vjetruar të pozicionit balancues të fuqisë dhe strategjik. Në realitet, për shkak të shpërbërjes së Jugosllavisë dhe ekspansionit të NATO-s dhe BE-së, ai nuk është më një lojtar kryesor në Evropën Juglindore. Ajo është e rrethuar nga shtete që kanë ecur përpara drejt NATO-s dhe BE-së, ndërkohë që Serbia ka mbetur në gjendje amullie.

Serbia ka provuar në mënyrë të qëndrueshme se është më shumë një ndjekëse sesa një lider rajonal. Sllovenia dhe Kroacia po ndjekin rrugën për të dalë nga komunizmi dhe jugosllavizmi. Dhe ishte Mali i Zi ai që më në fund shpalli pavarësinë nga Serbia, duke zgjedhur mundësinë e shtetit të përtërirë. Pavarësia e Kosovës tashmë mund të sigurojë një impuls të ri për zhvillimin pozitiv të Serbisë.

Beogradi pretendon se krijimi i shtetit të Kosovës do të destabilizojë vetë Serbinë dhe do të sjellë radikalët ultranacionalistë në fuqi. Kjo është ekuivalente me “Skenarin e kërcënimit të Vudi Alen”: kur komiku amerikan është duke vjedhur një bankë, ai i jep një shënim punonjësit në kasë që thoshte: “Më jep paratë ose unë do të qëlloj veten”. Nëse demokracia e Serbisë është kaq delikate, atëherë edhe nëse do t’i kthesh përsëri Beogradit të gjithë ish-Jugosllavinë, nuk do të zgjidhet problemi në fjalë.

Nëse Serbia është tërësisht e paqëndrueshme në kohën kur as Evropa a Amerika nuk mund të sigurojnë se mund të lulëzojë një demokraci e pastër dhe afatgjate, atëherë zgjidhja më e mirë është përmbajtja dhe angazhimi për demokratizim dhe evropianizim të të gjitha territoreve rreth saj, duke përfshirë edhe Kosovën.

Pretendimet nga Beogradi, se pavarësia e Kosovës do të shkatërrojë Maqedoninë dhe Bosnjë-Hercegovinën, ndikojnë direkt në punët e brendshme të fqinjëve të tij. Nëse Serbia është duke kërcënuar dy fqinjët e saj, atëherë ajo duhet të censurohet patjetër. Nëse ajo pretendon të flasë në interes të Qeverisë maqedonase dhe asaj boshnjake, atëherë Shkupi dhe Sarajeva duhet ta bëjnë të qartë se ato janë vende të sigurta dhe refuzojnë deklaratat dhe provokimet e Beogradit.

Deklaratat e tjera të Beogradit, se pavarësia e Kosovës do të çojë në precedent për të tjera shtete, nga Moldavia në Spanjë, janë gjithashtu çorientuese duke qenë se secila çështje është unike dhe nuk ka formulë ndërkombëtare uniforme për ndarje a pavarësi. Gjithçka varet në kontekstin historik dhe politik, natyrën e zhvillimeve ndërkombëtare dhe nga mekanizmi publik i marrjes së vendimeve.

Në mënyrë udhëzuese, zyrtarët e Beogradit shmangin pretendimet e një skenari që mund të rezultojë realist. Duke shtyrë vendimet mbi statusin final për Kosovën, mund të ketë më shumë destabilizime për vetë Kosovën sesa mungesa e pavarësisë. Institucionet politike, për të cilat SHBA-të dhe BE-ja kanë shpenzuar shtatë vjet për t’i ndërtuar për shtetin aspirues, mund të humbasin shpejt besueshmërinë; duke shtuar irritimin social mund të kthehet në radikalizëm politik dhe zhvillimi ekonomik mund të bëhet një tjetër viktimë e pavendosmërisë ndërkombëtare.

Aktorët demokratikë ndërkombëtarë duhet të demonstrojnë, më në fund, pak forcë karakteri dhe vendosmëri. Është thelbësore të ketë një front të bashkuar mbi Kosovën, pavarësisht nga përpjekjet e Rusisë së Putinit për të shkëputur vëmendjen rajonale nga vendimi për statusin. Çdo shtyrje e madhe e statusit final, është në kundërshtim me politikën aleate dhe interesat perëndimore. Prishtina duhet të vazhdojë të nënvizojë se lojtarët ndërkombëtarë kanë nevojë të zbatojnë principet e tyre dhe të ndjekin interesat e veta, nëse vendet e Ballkanit duhet të integrohen tërësisht në organizatat euroatlantike...

Beogradi pretendon se krijimi i shtetit të Kosovës do të destabilizojë vetë Serbinë dhe do të sjellë radikalët ultranacionalistë në fuqi. Kjo është ekuivalente me “Skenarin e kërcënimit të Vudi Alen”: kur komiku amerikan është duke vjedhur një bankë, ai i jep një shënim punonjësit në kasë që thoshte: “Më jep paratë ose unë do të qëlloj veten”. Nëse demokracia e Serbisë është kaq delikate, atëherë edhe nëse do t’i kthesh përsëri Beogradit të gjithë ish-Jugosllavinë, nuk do të zgjidhet problemi në fjalë. | Janusz Bugajski

marre nga iliriapost

[Edvin83]

pse shqiptaret e Kosoves nuk reaguan ashper ndaj politikes antishqiptare qe po ben Ministria e puneve te jashtme e Shqiperise?
Si e lejojne qe nje minister i jashtem qe as nuk e ka idene se si behet politoka e jashtme perzihet e prish pune ne statusin e Kosoves?

[dodoni]

KE do të kërkojë nga Ahtisaari t'i japë fund pasigurisë rreth Kosovës

Komisioni Evropian do të kërkojë nga Martti Ahtisaari që t'i japë fund pasigurisë rreth të ardhmes së Kosovës, dhe ta bëjë të qartë propozimin e tij për statusin final, transmeton agjencia Reuters pjesë nga raporti që do të bëhet publik sot. "Zgjidhja për statusin duhet të jetë politikisht dhe legalisht e qartë dhe të ofrojë vizion për zhvillimin e ardhshëm të Kosovës. Statusi i Kosovës është sui generis, dhe nuk paraqet precedent ", thuhet në raportin e Komisionit Evropian.


Në tekst më tej thuhet se fokusimi në çështjen e statusit ka çuar në zbatimin e disa standardeve të Kombeve të Bashkuara, por i ka vonuar reformat. Raporti thotë se emërimet në shërbimet civile ndikohen politikisht, korrupcioni shënon rritje ndërsa drejtësia është e penguar nga hetimet jo të duhura të policisë dhe mosbashkëpunimi i dëshmitarëve.


RTK 08/11/2006 09:39:59

[Llapi]

Washington Post paralajmeron pavaresine: Ne te kundert, 2 milione shqiptare do zemeroheshin keq, kjo duhet shmangur

Ora 12:40
Nga D.B


WASHINGTON (10 Nentor) -E perditshmja prestigjioze e kryeqytetit amerikan, gazeta the Washington Post, boton sot nje editorial kushtuar Kosoves, ku paralajmeron se Martti Ahtisaari do te propozoje pavaresine, status te cilin do ta mbeshtesin te gjitha vendet Perendimore. “Edhe pse e di se pavaresia e Kosoves eshte e pashmangshme, Rusia, si nje aleate historike e Serbise, eshte pengesa me e madhe potenciale per nje koncensus rreth zgjidhjes se ceshtjes se Kosoves ne Keshillin e Sigurimit”, citon Gazeta ne analizen e saj me te thelle deri tani per zhvillimet e mundshme dhe implikimet globale rreth Kosoves.

Pasi thekson se Parlamenti i Serbise formalisht miratoi kushtetuten te merkuren, nje dokument ky i domosdosshem per ta zevendesuar ate te meparshmin te Sllobodan Milloshevic, gazeta shton me tej se Kushtetuta mund te jete miratuar vetem per arsyen se perfshinte si pjese "integrale" dhe te "patjetersueshme" te Serbise, “nje konstatim ky qe do t'ia ngrohte zemren edhe Milloshevic”.

Mirepo e verteta eshte se Serbia ka humbur Kosoven para shtate vjetesh, thekson gazeta amerikane.
Me tej ne editorial thuhet se Kombet e Bashkuara, te cilat e kane sunduar Kosoven qe kur ajo u clirua nga NATO-ja, do te duhej te vendosnin per te ardhmen e Kosoves deri ne fund te vitit, mirepo ky vendim mund te shtyhet deri pas zgjedhjeve ne Serbi te cilat mbahen nga fundi i janarit. Udheheqesit serbe e dijne se ndermjetesuasi i Kombeve te Bashkuara, do te rekomandoje ate qe do ta mbeshtesin te gjitha qeverite perendimore: e ajo eshte pavaresia e Kosoves, mbase me disa kushte kalimtare, thekson gazeta amerikane, duke nenvizuar edhe njehere faktin se Kosova perbehet nga shumica absolute shqiptare dhe pas luftes qe nxiti Milloshevic, ajo nuk ka shans te kthehet nen sovranitetin serb. Nderkaq, duke e futur Kosoven si pjese kushtetutes, lideret serbe po bejne edhe nje veprim te papergjegjshem nacionalist qe i shkaktoi vendit aq shume deme gjate 15 vjeteve te kaluara. Ky shantazhi serb synon te krijoje tensione globale sipas gazetes The Washington Post e cila me tej thekson: "Ata po e inskenojne edhe nje diplomaci potencialisht te rrezikshme gjate dy muajve te ardhshem midis administrates se presidentit Bush dhe Rusise, nje gje kjo qe mund te destabilizoje si Ballkanin, ashtu edhe Kaukazin ne kufirin jugor te Rusise".

Gazeta me tej thekson se Rusia, si nje aleate historike e Serbise, eshte pengesa me e madhe potenciale per nje koncensus rreth zgjidhjes se ceshtjes se Kosoves ne Keshillin e Sigurimit. "Edhe pse e di se pavaresia e Kosoves eshte e pashmangshme, presidenti rus Vladimir Putin po jepe shenja se mund te mbeshtese obstruksionin e Serbise. Ai me kete shpreson te nxjerre favore nga presidenti Bush ne kembim te ndihmes amerikane per hyrje te Rusise ne Organizaten Boterore te Tregetise". Nje tjeter veprim i Putinit, sipas gazetes amerikane, mund te jete edhe nje veprim i tij ne Gjeorgji dhe si kundereagim ndaj njohjes se pavaresise se Kosoves, njohja nga ana e tij e pavaresise se krahinave te Abkhazise dhe Osetise Jugore. Kjo mund te shkaktoje lufte dhe nderhyrjen e trupave ruse atje, nderkohe qe mund te trimeroje edhe serbet ne Kosove dhe Bosnje per te krijuar shtete fragmentare.

Moska shpreson se Administrata e Bushit do ta marre seriozisht kete skenar si dhe nevojen e ndihmes se Rusise per ndaljen e programit berthamor te Iranit duke u zbrapsur dhe shtyer cfaredo vendimi per Kosoven apo te braktise mbeshtetjen per demokracin e dhe aspiratat per NATO te Gjeorgjise. “Te dyja keto do te ishin gabime serioze. Vonesa e pavaresise se Kosoves vetem se do te zemeroje pamase 2 milione shqiptare dhe do te nxiste nje shkrirje te cilin Perendimi shpreson t'a shmang. Kjo do te inkurajonte edhe me tej tendencat ne rritje te Putinit per perdorimin e kercenimeve qofte me kushtezimet e furnizimit me energji apo me dhune, ne menyre qe te veproje si te doje me Perendimin”, thuhet nder te tjera ne editorialin e te perditshmes The Washington Post.
�

(RTK/BalkanWeb)

[faiksmajli]

Decentralizimi dhe statusi i Kosovës


Nga Albin Kurti

Substanca që na e ofron Ahtisaari, është substancë e autonomisë dhe kurrsesi e pavarësisë. Substanca e pavarësisë është sovraniteti. Këtë nuk do të na e japin, para së gjithash, sepse askush askujt nuk i jep sovranitet. Sovran bëhesh, nuk të bëjnë. Më pas, të tjerët mund të të njohin si sovran, meqë asisoj e bëjnë njohjen e realitetit, mirëpo jo edhe të të bëjnë sovran. Propozimi i Ahtisaarit, është veçse qartësimi i përmbajtjes së asaj që në Rezolutën 1244 është emërtuar si autonomi substanciale. Propozimi i Ahtisaarit, thelbi i të cilit u bë publik në shtypin kosovar, nuk e ka avancuar pozitën e Kosovës dhe as nuk ka bërë përcaktim të ri të statusit të Kosovës. Nëse Kosova s’kishte status deri më tani, atëherë ajo nuk do të ketë as pas Ahtisaarit. Në të vërtetë, Kosova gjithmonë kishte status dhe vazhdon edhe sot e kësaj dite, të ketë një të tillë. Ishte dhe është kjo, autonomia substanciale. Pra, Ahtisaari na e ka sjellë atë që Shqiptar Oseku e ka quajtur “Rri qysh je!”. Megjithatë, nëse ky është kuptimi i propozimit të Ahtisaarit, atëherë cili është qëllimi i tij? Pse i gjithë ky mundim atëherë? Sigurisht që status-quo-ja, e cila është status-quo për njerëzit në pushtet dhe bëhet në kurriz të popullit, ka nevojë për ushqim të vazhdueshëm për të mbetur e tillë. Mirëpo, a ka edhe diçka më shumë këtu? Ka edhe më shumë. Dhe, kjo më shumë është më keq. Duan që të krijohet përshtypja se u caktua statusi në mënyrë që të fillojë realizimi i decentralizimit në terren. Nuk është decentralizimi mjet për të arritur te statusi i Kosovës por anasjelltas. Statusi i Kosovës, pra edhe ky “përcaktim” i Ahtisaarit tash’, është mjeti për të arritur te decentralizimi. Fatmir Sejdiu, tash’ së voni pat deklaruar se decentralizimi është bileta për pavarësi. E vërteta është se “përcaktimi” i statusit është bileta për decentralizimin. Decentralizimi është më i rëndësishëm sesa vetë statusi. Kryesuesi i delegacionit të Serbisë për negociatat e Vjenës, Slobodan Samarxhiq, në pyetjen e bërë para gati dy vjetëve mbi atë, se cili do të jetë statusi i Kosovës, pat deklaruar se kjo çështje për të është e qartë: statusi i Kosovës do të jetë decentralizimi! Decentralizimi është i mundur vetëm gjersa nuk kemi sovranitet dhe duke na munguar ai, propozimet, qëndrimet dhe vendimet që vijnë nga jashtë, përfshirë këtu edhe këtë të Ahtisaarit, do ta kamuflojnë mungesën e sovranitetit, por jo edhe ta plotësojnë atë. Mungesa e sovranitetit është kushti dhe mundësia e copëtimit të Kosovës nëpërmjet decentralizimit. Vetëm duke qenë në burg e të lidhur mund të na copëtojnë. Në liri do të dalim të gjymtë. Nëse do të dalim...
Propozimi i Ahtisaarit nuk ishte fare i papritur. Atëherë kur pret prej të tjerëve nuk të vijnë gjëra të mira. Fakti se presim (prej tij) është i mjaftueshëm për të na ardhur të këqijat (jo vetëm prej tij). Përkundër kësaj, prej politikanëve të institucioneve të defaktorizuara të Kosovës, Ahtisaari përherë lexohej si një sferë e kristaltë e faltores. Ata janë spektatorë të papërmirësueshëm dhe të këtillë duan t’i bëjnë edhe qytetarët, të cilët me atë rast do të ishin edhe spektatorë të spektatorëve. Që spektakli është tragjedi e garanton fakti se negociatat me Serbinë, e cila ka të kaluar kriminale në Kosovë dhe projekte kriminale për Kosovën, bazohen në Rezolutën 1244. Në njërën anë, kjo rezolutë ia njeh nominalisht sovranitetin Jugosllavisë (tash’ Serbisë) mbi Kosovën, duke mos marrë fare në konsideratë vullnetin, interesat dhe historinë e popullit vendas, ndërsa në anën tjetër, për Kosovën parasheh vetëm autonomi substanciale.
Ndonëse, Kuvendi i Kosovës nuk po e shpall pavarësinë, këtë gjë në Kosovë po e bëjnë analistët nëpër gazeta. Mirëpo, ata mu këtë propozim të Ahtisaarit po e quajnë pavarësi! Në fakt, ata, çdo propozim që do të vijë nga ai, do ta quajnë pavarësi, pavarësisht përmbajtjes. Sepse, asisoj, kontribuojnë në ndërmarrjen e politikës zyrtare, që qytetarëve të mos iu dalë gjumi dhe ata të vazhdojnë me ritualin e konferencave, seminareve e donacioneve. Pra, bëhet fjalë për njerëz që gjithsesi u konvenon kjo gjendje aktuale në të cilën edhe ata po pasurohen, edhe pse jo aq sa politikanët. Ata janë bërë zëdhënësit e Ahtisaarit, por edhe ndërtuesit e njëfarë legjitimiteti indirekt të tij në Kosovë.
Kosovarët munden edhe ta festojnë pavarësinë që nuk është. Sikurse që festuan për TMK-në atëherë kur u demilitarizua UÇK-ja. Festohej çarmatosja! Të mashtruarit festonin humbjen të cilës kësisoj ia zgjasnin jetën. Me emra të paqenë emërtoheshin gjëra të paqena. Madje, anëtarë të qeverisë së Kosovës tashmë kanë paralajmëruar karnevalin e radhës në Kosovë me shpenzime marramendëse, ashtu, që nën tingujt kumbues të muzikës dhe buzëqeshjen vezulluese të këngëtarëve, të trumbetohet Kosova e pavarur, anipse pavarësia s’do të figurojë askund. Shqetësimeve të qytetarëve politikanët vendas, do t’iu përgjigjen me keqinterpretime të termave që burojnë nga propozimi i Ahtisaarit. Ata do thonë: po, kemi ushtri por ajo do të quhet “Kosovo Security Force”; po, kemi Ministri të Mbrojtjes por ajo do të quhet “Civilian Led Organization”; po, do të kemi pavarësi por ajo vetëm përkohësisht emrin nuk do ta ketë të tillë! Konceptet dhe idetë e Ahtisaarit do të betonohen nga Grupi i Kontaktit dhe më pas nga KS i OKB-së. Kuptimi i tyre është i qartë por këtu në Kosovë atyre do t’iu mveshen domethënie të paqena për t’i zbutur njerëzit dhe për ta amortizuar pakënaqësinë e tyre. Zaten, së paku tash 17 vjet na kanë mësuar që gjërat të mos i quajmë me emrat e tyre të vërtetë, por edhe të mos i përmendim fare disa shprehje, të cilat janë shumë adekuate për realitetin. Andaj, kur ne aktivistët e Lëvizjes VETËVENDOSJE! flasim për revolucionin apo kolaboracionistët aq shumë njerëz vazhdojnë të trishtohen. Propozimit të Ahtisaarit, i cili në instanca më të larta ndërkombëtare do të jetë i ndryshuar veçse jo-esencialisht dhe me atë rast patjetër për të keq, do të përfundojë si pjesë e Rezolutës së re të vjetër të KS të OKB-së. Realizimi konkret i kësaj, do të sjellë deri te beteja e interpretimit të termave dhe koncepteve, e cila për Kosovën është e humbur ende pa filluar. Kur do të fillojë sajimi i “Ministrisë” së “Mbrojtjes” do të shihet ajo që dihej: Kjo ministri do të jetë ashtu siç edhe quhet: vetëm një “Organizatë me Udhëheqje Civile” nën kontrollin e Misionit të ardhshëm Ndërkombëtar. Nuk kanë se si të na sundojnë, nëse ne nuk mashtrohemi. Përvoja dhe analiza racionale, qartazi na i shpërfaq mashtruesit dhe përgatitjen e mashtrimit, që s’duhet të ngjajë.



11/11/2006

[ARIANI_TB]

Decentralizimi dhe statusi i Kosovës


Nga Albin Kurti

Substanca që na e ofron Ahtisaari, është substancë e autonomisë dhe kurrsesi e pavarësisë. Substanca e pavarësisë është sovraniteti. Këtë nuk do të na e japin, para së gjithash, sepse askush askujt nuk i jep sovranitet. Sovran bëhesh, nuk të bëjnë. Më pas, të tjerët mund të të njohin si sovran, meqë asisoj e bëjnë njohjen e realitetit, mirëpo jo edhe të të bëjnë sovran. Propozimi i Ahtisaarit, është veçse qartësimi i përmbajtjes së asaj që në Rezolutën 1244 është emërtuar si autonomi substanciale. Propozimi i Ahtisaarit, thelbi i të cilit u bë publik në shtypin kosovar, nuk e ka avancuar pozitën e Kosovës dhe as nuk ka bërë përcaktim të ri të statusit të Kosovës. Nëse Kosova s’kishte status deri më tani, atëherë ajo nuk do të ketë as pas Ahtisaarit. Në të vërtetë, Kosova gjithmonë kishte status dhe vazhdon edhe sot e kësaj dite, të ketë një të tillë. Ishte dhe është kjo, autonomia substanciale. Pra, Ahtisaari na e ka sjellë atë që Shqiptar Oseku e ka quajtur “Rri qysh je!”. Megjithatë, nëse ky është kuptimi i propozimit të Ahtisaarit, atëherë cili është qëllimi i tij? Pse i gjithë ky mundim atëherë? Sigurisht që status-quo-ja, e cila është status-quo për njerëzit në pushtet dhe bëhet në kurriz të popullit, ka nevojë për ushqim të vazhdueshëm për të mbetur e tillë. Mirëpo, a ka edhe diçka më shumë këtu? Ka edhe më shumë. Dhe, kjo më shumë është më keq. Duan që të krijohet përshtypja se u caktua statusi në mënyrë që të fillojë realizimi i decentralizimit në terren. Nuk është decentralizimi mjet për të arritur te statusi i Kosovës por anasjelltas. Statusi i Kosovës, pra edhe ky “përcaktim” i Ahtisaarit tash’, është mjeti për të arritur te decentralizimi. Fatmir Sejdiu, tash’ së voni pat deklaruar se decentralizimi është bileta për pavarësi. E vërteta është se “përcaktimi” i statusit është bileta për decentralizimin. Decentralizimi është më i rëndësishëm sesa vetë statusi. Kryesuesi i delegacionit të Serbisë për negociatat e Vjenës, Slobodan Samarxhiq, në pyetjen e bërë para gati dy vjetëve mbi atë, se cili do të jetë statusi i Kosovës, pat deklaruar se kjo çështje për të është e qartë: statusi i Kosovës do të jetë decentralizimi! Decentralizimi është i mundur vetëm gjersa nuk kemi sovranitet dhe duke na munguar ai, propozimet, qëndrimet dhe vendimet që vijnë nga jashtë, përfshirë këtu edhe këtë të Ahtisaarit, do ta kamuflojnë mungesën e sovranitetit, por jo edhe ta plotësojnë atë. Mungesa e sovranitetit është kushti dhe mundësia e copëtimit të Kosovës nëpërmjet decentralizimit. Vetëm duke qenë në burg e të lidhur mund të na copëtojnë. Në liri do të dalim të gjymtë. Nëse do të dalim...
Propozimi i Ahtisaarit nuk ishte fare i papritur. Atëherë kur pret prej të tjerëve nuk të vijnë gjëra të mira. Fakti se presim (prej tij) është i mjaftueshëm për të na ardhur të këqijat (jo vetëm prej tij). Përkundër kësaj, prej politikanëve të institucioneve të defaktorizuara të Kosovës, Ahtisaari përherë lexohej si një sferë e kristaltë e faltores. Ata janë spektatorë të papërmirësueshëm dhe të këtillë duan t’i bëjnë edhe qytetarët, të cilët me atë rast do të ishin edhe spektatorë të spektatorëve. Që spektakli është tragjedi e garanton fakti se negociatat me Serbinë, e cila ka të kaluar kriminale në Kosovë dhe projekte kriminale për Kosovën, bazohen në Rezolutën 1244. Në njërën anë, kjo rezolutë ia njeh nominalisht sovranitetin Jugosllavisë (tash’ Serbisë) mbi Kosovën, duke mos marrë fare në konsideratë vullnetin, interesat dhe historinë e popullit vendas, ndërsa në anën tjetër, për Kosovën parasheh vetëm autonomi substanciale.
Ndonëse, Kuvendi i Kosovës nuk po e shpall pavarësinë, këtë gjë në Kosovë po e bëjnë analistët nëpër gazeta. Mirëpo, ata mu këtë propozim të Ahtisaarit po e quajnë pavarësi! Në fakt, ata, çdo propozim që do të vijë nga ai, do ta quajnë pavarësi, pavarësisht përmbajtjes. Sepse, asisoj, kontribuojnë në ndërmarrjen e politikës zyrtare, që qytetarëve të mos iu dalë gjumi dhe ata të vazhdojnë me ritualin e konferencave, seminareve e donacioneve. Pra, bëhet fjalë për njerëz që gjithsesi u konvenon kjo gjendje aktuale në të cilën edhe ata po pasurohen, edhe pse jo aq sa politikanët. Ata janë bërë zëdhënësit e Ahtisaarit, por edhe ndërtuesit e njëfarë legjitimiteti indirekt të tij në Kosovë.
Kosovarët munden edhe ta festojnë pavarësinë që nuk është. Sikurse që festuan për TMK-në atëherë kur u demilitarizua UÇK-ja. Festohej çarmatosja! Të mashtruarit festonin humbjen të cilës kësisoj ia zgjasnin jetën. Me emra të paqenë emërtoheshin gjëra të paqena. Madje, anëtarë të qeverisë së Kosovës tashmë kanë paralajmëruar karnevalin e radhës në Kosovë me shpenzime marramendëse, ashtu, që nën tingujt kumbues të muzikës dhe buzëqeshjen vezulluese të këngëtarëve, të trumbetohet Kosova e pavarur, anipse pavarësia s’do të figurojë askund. Shqetësimeve të qytetarëve politikanët vendas, do t’iu përgjigjen me keqinterpretime të termave që burojnë nga propozimi i Ahtisaarit. Ata do thonë: po, kemi ushtri por ajo do të quhet “Kosovo Security Force”; po, kemi Ministri të Mbrojtjes por ajo do të quhet “Civilian Led Organization”; po, do të kemi pavarësi por ajo vetëm përkohësisht emrin nuk do ta ketë të tillë! Konceptet dhe idetë e Ahtisaarit do të betonohen nga Grupi i Kontaktit dhe më pas nga KS i OKB-së. Kuptimi i tyre është i qartë por këtu në Kosovë atyre do t’iu mveshen domethënie të paqena për t’i zbutur njerëzit dhe për ta amortizuar pakënaqësinë e tyre. Zaten, së paku tash 17 vjet na kanë mësuar që gjërat të mos i quajmë me emrat e tyre të vërtetë, por edhe të mos i përmendim fare disa shprehje, të cilat janë shumë adekuate për realitetin. Andaj, kur ne aktivistët e Lëvizjes VETËVENDOSJE! flasim për revolucionin apo kolaboracionistët aq shumë njerëz vazhdojnë të trishtohen. Propozimit të Ahtisaarit, i cili në instanca më të larta ndërkombëtare do të jetë i ndryshuar veçse jo-esencialisht dhe me atë rast patjetër për të keq, do të përfundojë si pjesë e Rezolutës së re të vjetër të KS të OKB-së. Realizimi konkret i kësaj, do të sjellë deri te beteja e interpretimit të termave dhe koncepteve, e cila për Kosovën është e humbur ende pa filluar. Kur do të fillojë sajimi i “Ministrisë” së “Mbrojtjes” do të shihet ajo që dihej: Kjo ministri do të jetë ashtu siç edhe quhet: vetëm një “Organizatë me Udhëheqje Civile” nën kontrollin e Misionit të ardhshëm Ndërkombëtar. Nuk kanë se si të na sundojnë, nëse ne nuk mashtrohemi. Përvoja dhe analiza racionale, qartazi na i shpërfaq mashtruesit dhe përgatitjen e mashtrimit, që s’duhet të ngjajë.



11/11/2006

Edhe me kete shkrim, Albin Kurti vertrton se eshte nje person shume i dijshem, me mendime te drejta dhe sipas mendimit i vetmi pshtim i Kosoves dhe popullit te saj nga e padrejta qe eshte duke iu servuar nga bashkesia nderkombetare dhe qeveritaret tane, dhe nga grupi i unitetit eshte ALBIN KURTI me Levizjen VETEVENDOSJA.

I Lumte Gjdo Here, dhe Jete te Gjate per ALBIN KURTIN.

[skampin]

ALBIN KURTI per mendimin tim eshte Shqiptar i vertete.
nuk eshte politikan per fat te keq te Kosoves dhe nuk eshte si ai ´Mjafti´Shqiperise qe duket si shoqate bretkosash por eshte hero i gjalle i çeshtjes kombetare.hallall ja befte Zoti madh.

[Llapi]

Reinhardt "Pavarësia vitin tjetër"

Arbër Vllahiu


Selia e qeverisë në Prishtinë

Ish komandanti i trupave paqeruajtëse në Kosovë, gjenerali gjerman, Klaus Reinhardt, i tha BBC-së së është i bindur se pavarësia e Kosovës do të arrihet në pranverë të vitit të ardhshëm.

Gjenerali Reinhardt ka thënë se beson që Rusia e Kina nuk do të votojnë kundër pavarësisë së Kosovës në KS të OKB-së.

Por ai tha se bashkësia ndërkombëtare duhet ta bindë Serbinë për humbjen e Kosovës dhe ta kompensojë këtë humbje me perspektivën evropiane.

Sipas tij në Kosovë do të vazhdojë një mbikqyrje e BE-së edhe pas statusit të Kosovës, por me një mision të ndryshëm nga ai i UNMIK-ut.

Reinhardt tha se elemente të bashkësisë ndërkombëtarë do të qëndrojnë në Kosovë gjithnjë përderisa nuk arrihet një siguri e kënaqshme për të gjitha pakicat në Kosovë.

Klaus Reinhardt ka shërbyer në Kosovë në mes vitit 1999 dhe 2000, në periudhën e tensioneve ndëretnike.

[Llapi]

I derguari i SHBA Wisner: Statusi Kosoves deri ne fund te Janarit
Data e Publikimit: 12/11/2006

Autori i Lajmit:
I.K
I derguari i SHBA per statusin e Kosoves, Frank Wisner u shpreh se Ahtisar duhet te beje te ditur deri ne fund te muajit janar, propozimin e tij per statusin final te Kosoves. “Nuk do te kete shtyrje tjeter dhe Ahtisari do t’i duhet t’i dergoje Beogradit e Prishtines propozimin e tij per zgjidhjen e statusit menjehere pas zgjedhjeve ne Serbi”, tha Wisner per median prishtinase, RT21
“Ne kemi arritur ne nje faze te rendesishme, prane fundit te negociatave. Vendimi do te jepet shume shpejt”, tha Wisner duke shtuar se vendimi perfundimtar per statusin do te jepet ne perputhje me ate qe shumica ne Kosove pret. “Kete e perligjin dhe aspiratat qe SHBA ka mbeshtetur. Ne kemi qene ne Kosove per 8 vjet dhe tani besojme se Kosova tashme e meriton te vendose per te ardhmen e saj”, tha i derguari amerikan.
Wisner shtoi se e rendesishme eshte qe Kosova te ruaje stabilitetin dhe te perqendrohet ne qellimin e saj. “Ekipi Negociator i Kosoves eshte i vendosur qe te bashkepunoje me Ahtisar dhe komunitetin nderkombetar, ndaj ne te gjihhe duhet t’i mbeshtesim ata”, u shpreh Wisner per RT21.