Statusi i ardhshem i Kosovës!

[Llapi]

Gazeta serbe, “Vecerne Novosti”: Ahtisari “blen” Kosoven. I ofron Serbise anetaresim ne BE pa kushte
Ora 11:25
Nga Elona Mamushi


BEOGRAD (8 Korrik)- I derguari special per statusin e Kosoves Marti Ahtisari i propozon Serbise te njohe pavaresine e Kosoves ne kembim te lekeve dhe heqjen dore nga disa kushte per ceshtje te ndryshme. Keshtu shkruan sot gazeta serbe “Vecerne Novosti”. Sipas saj kjo levizje e Ahtisarit ne gjuhen diplomatike quhet “ lista e pazarit”. Duke iu referuar burimeve te saj diplomatike gazeta shkruan se e ashtuquajtura “lista e pazarit” permban 5 pika:

1. Perfshirja e Serbise ne programin paqeruajtes te NATO-s pa qene e detyruar te arrestoje gjeneralin e akuzuar per krime lufte Ratko Mlladic
2. Anetaresimi ne Bashkimin Europian( edhe kete here pa qene e detyruar te kape Mlladicin)
3. Marrja e ndihmave financiare nga Shtetet e Bashkuara te Amerikes
4. Akses ne fondet e BE-se
5. Rritje te investimeve te huaja ne vend

Sipas gazettes propozimi I Ahtisarit per Kosoven nuk tingellon aspak keq, por me pas komenton se “te japesh Kosoven do te thote te japesh gjithcka tjeter”.Ne vijim te artikulli te saj, gazeta citon burimeve qeveritare anonime sipas se cilave nuk ka asnje dokument per “listen e pazarit” te Ahtisarit. (FOCUS/Balkanweb)

[dizer7]

Sido qe te jete gjendja,ky problem nuk na intereson.kosova eshte e kosovareve dhe e shqipetareve.Ka gjithe te drejten e Pavaresise se plote,Ka luftuar per kete,ka derdhur gjak,dhe vete amerika eshte shprehur per pavaresi te plote te kosoves,
prandaj lejini ato "autonimira dhe kushtezime),mos flisni si kalamaj,VETEM PAVARESIA E PLOTE eshte zgjidhja e problemit,dhe asgje tjeter.
Hallall kosovareve per kembenguljen qe bejne,dhe nga kjo do dalin te fituar.

Akoma dhe ne,duhet te marim shembull nga ata,dhe jo te themi dokra per autonomi sikur jemi vetem vrojtusa,apo si ca qe flasin keq per atdheun.

ALBANIA + KOSOVA = UNITED FOREVER

[Llapi]

Keshilli i Sigurimit te OKB do te zhvilloje 3 takime per statusin e ardhshem te Kosoves

Ora 10:25
Nga E.M


NJU JORK (8 Korrik)- Këshilli i Sigurimit te OKB-se ka vendosur të mbajë tri takime për Kosovën me 13 korrik. Sipas Arno Bartademi nga Misioni i Francës në Kombet e Bashkuara në Nju Jork, vend ky që ka presidencën e rradhës së Këshillit të Sigurimit, takimi i parë do jetë konsultativ dhe do të mbahet mes kryeministrit të Serbisë Vojisllav Koshtunica dhe vendeve anëtare të Këshillit të Sigurimit.

Takimi i dytë do të jetë takim i mbyllur ku kryenegociatori për statusin e Kosovës, Marti Ahtisari do raportojë për ecurinë e deritashme të procesit të bisedimeve para Këshillit të Sigurimit. Disa vende anëtare të Këshillit të Sigurimit këmbëngulën që të zhvillohet dhe një takim tjetër ku pala kosovare do të mund të paraqesë qëndrimet e saj.

“Në këtë kuptim një nga përfaqësuesit më të lartë të Kosovës dotë zhvillojë pasditen e 13 korrikut një takim jozyrtar më përfaqësuesit e vendeve anëtare të Këshillit të Sigurimit, për të paraqitur zhvillimet në Kosovë” tha Bartademi. Ndërkaq, dje në Prishtinë, zëvendësshefi i UNMIK-ut, Stiven Shuk ka bërë të ditur se do jetë presidenti i Kosovës, Fatmir Sejdiu që do marrë pjesë në takimin në fjalë. (Europa e Lire/Balkanweb)

[ARIANI_TB]

WAYNE MERRY, ekspert në Këshillin për Politikë të Jashtme/SHBA/

RADIO EVROPA E LIRË
Kryeministri serb Vojislav Koshtunica ditë më parë deklaroi se "Kosova ka qenë dhe do të mbetet pjesë e Serbisë". Më heret në Londër pas takimit me kryeministrin britanik Toni Bler, Koshtunica kishte thënë se Serbia nuk do të pranoi "kompromisin e imponuar". Ngjashëm prononcohen edhe politikanët tjerë serb. Si i komentoni këto deklarata?

WAYNE MERRY
Ata mund të thënë gjëra të tilla, por ato janë krejtësisht jasht realitetit. Është fakt i pamohueshëm se derisa serbët flasin shumë për Kosovën, numër shumë i vogël i tyre gjatë 100 viteve të fundit ka dëshiruar të jetoi në Kosovë. Për këtë është folur edhe në Konferencën e Parisit në vitin 1919 pas Luftës së Parë Botërore. Fuqitë e mëdha duke pasur parasysh të dhënat për pëbërjen e popullësisë, seriozisht kishin menduar nëse Kosova duhej t'i takonte Shqipërisë apo Serbisë. Por, pasi që Serbia kishte qenë anëtare e rëndësishme e koalicionit fitues kundër Gjermanisë dhe Austro – Hungarisë, Kosova mbeti në përbërje të saj, ndonëse shqiptarët edhe atëherë përbënin shumicën dërmuese. Kjo u bë edhe më e theksuar nga fundi i shekullit XX, gjë që e bëri të pamundur që Serbia të mbajë kontrrollin mbi te në plan afatgjatë.
Në zgjidhjen e çështjes së Kosovës do të influencojnë tre faktorë të rëndësishëm, që janë esencial në të gjitha aktivitetet diplomatike në botë: demografia, ekonomia dhe lufta. Demografia në formë të theksuar shkon në favor të shqiptarëve. Kur bëhet fjalë për ekonominë, Serbia mbase është vendi i vetëm evropian që ka zgjedhur rrugën e autarkisë e izolimit dhe jo të integrimit, që ia ngushton hapësirën manovruese në bisedimet për statusin e Kosovës. Dhe së fundi, është zhvilluar lufta të cilën Serbia e ka humbur.

RADIO EVROPA E LIRË
Shumë analistë vlerësojnë se fatin e Kosovës nuk do ta vendosin as Prishtina dhe as Beogradi, por bashkësia ndërkombëtare, para së gjithash Perendimi. Flitet se SHBA-të dhe BE-ja tashmë kanë arritur ujdinë që Kosova fillimisht të fitojë pavarësi të kushtëzuar dhe pastaj pavarësi të plotë?

WAYNE MERRY
Vendimin nuk e kanë marrë vendet e jashtme. Zgjidhja është imponuar nga fakti që serbët nuk dëshirojnë të jetojnë në Kosovë dhe për faktin që Millosheviqi futi Serbinë në luftë të cilën nuk arriti ta fitoi. Pra, pavarësia e Kosovës do të jetë pasojë e një vargu vendimesh katastrofale të Beogradit.

RADIO EVROPA E LIRË
Sekretarja amerikane e shtetit Kondoliza Rajs ka ftuar presidentin dhe kryeministrin serb, Tadiç dhe Koshtunica, të vizitojnë Uashingtonin. Do të jetë temë qendrore Kosova apo edhe zhvillimet tjera në Serbi?

WAYNE MERRY
Mendoj se gjatë vizitës së liderëve serb në Uashington do të bëhet fjalë kryesisht për Kosovën. Por, Shtëpia e Bardhë ftesën e ka dërguar edhe për arsye tjera. Administrata e presidentit Bush e sheh se pavarësia e Malit të Zi dhe zgjidhja për Kosovën , mund të forcojnë tendencat për vetëizolim në Serbi. SHBA-të kanë interes që edhe Serbia si vendet tjera të Ballkanit të mos bëhet shtet i pa shpresë, reakcionar dhe nacionalist që jeton në botën e fantazmave. Një rrugë e tillë në 15 vitet e fundit Serbinë e ka çuar në katastrofë dhe kjo mund të përsëritet. Serbia duhet të niset në rrugën që e kanë zgjedhur të gjithë në Evropë dhe kjo është rruga e integrimeve. Por, këtë vendim nuk mund ta marrë as Brukseli dhe as Uashingtoni. Këtë duhet ta bëjë Beogradi. SHBA-të dëshirojnë t'i afrohen Serbisë, ta bindin që të jetë realiste rreth çështjes së Kosovës, se nuk mund të jetoi në të kaluarën mitike, por në shekullin XXI dhe të mësoi leksionet nga gabimet e bëra gjatë 15 viteve të fundit për të mos i përsëritur më vonë.

RADIO EVROPA E LIRË
Si do të veprojnë SHBA-të nëse në pushtet në Beograd vjen Partia Radikale Serbe. Do ta injorojnë, izolojnë apo...?

WAYNE MERRY
Nëse Serbia zgjedh rrugën e e izolimit, autarkisë dhe kthimit te e kaluara mitologjike, SHBA-të do të çojnë dorë nga ajo. Kështu nuk do të veprojë vetëm Amerika, por edhe të gjitha vendet tjera.

Intervistoi: D. SHTAVLJANIN

[Llapi]

Koshtunica diskuton në Uashington me Sekretaren Rajs për Kosovën
David Gollust
12-07-2006


Kryeministri serb Vojisllav Koshtunica tha dje në Uashington se qeveria e Beogradit është për autonomi të gjerë për Kosovën por jo për pavarësinë e saj. E ardhmja e Kosovës ishte tema qendrore e takimit mes zotit Koshtunica dhe sekretares amerikane të shtetit Kondoliza Rajs.

Vizita në Uashington është pjesë e një ofensive diplomatike të kryeministrit serb që synon të bindë fuqitë botërore të mos e mbështesin pavarësinë për Kosovën.

Kosova është nën administrimin e OKB-së që nga viti 1999, kur fushata ajrore e NATO-s çoi në largimin e forcave serbe që akuzoheshin për krime.

Bisedimet për të ardhmen politike të Kosovës të ndërmjetësuara nga Kombet e Bashkuara filluan në muajin shkurt por kanë shënuar pak përparim. Ato do të rifillojnë këtë muaj dhe vemendja do të përqendrohet në çështjen kritike nëse Kosova do të bëhet e pavarur. Zyrtarët shpresojnë që brenda këtij viti të arrihet një zgjidhje përmes bisedimeve.

Gjatë një bisede me gazetarët pas takimit me Sekretaren Rajs, Koshtunica tha se i kishte paraqitur asaj të njëjtat argumente siç kishte bërë edhe në ndalesat e tij të mëparshme në kryeqytetet evropiane, pra që Serbia mbështet autonominë më të gjerë të mundëshme për Kosovën por nuk mund të pranojë pavarësinë:

”Duhet të them se për ne, për Serbinë, pavarësia është jashtë diskutimit. Unë e kam përsëritur shumë herë se pavarësia është diçka që për autoritetet serbe jo vetëm nuk mund të pranohet por duhet hedhur poshtë. Këtë mu desh ta përsërisja edhe një herë në Uashington.”

Kryeministri serb tha se formula e tij për autonomi të gjerë për Kosovën përputhet me standardet ligjore ndërkombëtare që mbrojnë sovranitetin dhe tërësinë terroritoriale të shteteve ekzistuese. Ai tha gjithashtu se kjo është një zgjidhje në traditën evropiane e bazuar në kompromisin dhe në mbrojtjen e të drejtave të pakicave.

Shtetet e Bashkuara mbështesin idenë që statusi i ardhshëm i Kosovës të vendoset nga palët përmes bisedimeve të drejtuara nga i dërguari i posaçëm i OKB-së, ish presidenti i Finlandës Martti Ahtisaari.

Në të njëjtën kohë, zyrtarët në Uashington thonë se një zgjidhje që nuk i jep Kosovës pavarësinë është e vështirë të përfytyrohet po të kihet parasysh e kaluara e hidhur dhe fakti që mëse 90 përqind e banorëve të Kosovës janë shqiptarë të cilët kërkojnë shkëputjen nga Serbia.

Shtetet e Bashkuara dhe Serbia kohët e fundit kanë patur probleme mes të tjerash për faktin se autoritetet serbe nuk po arrestojnë personat e akuzuar për krime si ish udhëheqësit e serbëve të Bosnjes, Radovan Karaxhiç dhe Ratko Mlladiç.

Por kryeministri Koshtunica tha se takimi i tij me sekretaren Rajs ishte i mirë, konstruktiv dhe përfshinte një gamë të gjerë temash. Pritet që ai të jetë nesër në Nju Jork për një takim të Këshillit të Sigurimit mbi Kosovën. //ii

[Llapi]

Tadic, Nuk mund t’i genjej qytetaret e Serbise. Pavaresia e Kosoves nuk perjashtohet
Ora: 13:30
Nga Ina Koxha


BEOGRAD (9 Korrik) -Presidenti i Serbise Boris Tadic ka deklaruar mbreme vone se para arritjes se zgjidhjes se statusit te ardhshem te Kosoves, ne Serbi duhet te mbahen zgjedhjet e jashtezakonshme parlamentare, ne vjeshten e ketij viti. Kjo do te ishte domosdoshmeri ne menyre qe te formohet pushteti i cili do te garantonte vazhdim te papenguar te afrimit me Unionin evropian. "Konsideroj se do te ishte mire qe diskutimi mbi te ardhmen e Serbise te zhvillohet ne nje atmosfere te qete dhe qe sa me pare te formohet qeveria e cila do te mund te qeverise me gjate me kete vend, si dhe ndaje vlerat evropiane e demokratike”, ka thene kryetari Tadiq, per Radio-televizionin e Serbise (RTS).

Tadiq ka shtuar se, perkunder faktit qe tere udheheqja e Serbise eshte duke insistuar se pavaresia e Kosove e Metohise eshte zgjidhje e papranueshme, nuk mund te garantoje se nje zgjidhje e ketille perjashtohet. "Do te ishte shume e rrezikshme neqoftese une si President i Serbise do te thosha se fakti qe ne nuk deshirojme te lejojme pavaresine dhe sovranitetin e Kosove e Metohise, do te ishte e mjaftueshme qe Kosova te mos behet kurre e pavarur. Realiteti eshte shume i veshtire, realiteti eshte me i veshtire se kurre. Nuk kam te drejte t’i mashtroj qytetaret e Serbise. Megjithate duhet te luftojme deri ne çastet e fundit, duke shfrytezuar te gjitha mjetet legjitime, te cilat i pranon sot politika nderkombetare”, ka thene Tadici.

Presidenti serb ka vlerësuar se negociatat për statusin e Kososvës në Vjenë kanë "karakter strategjik", por tërhoqi vërejtje për veprimet diplomatike të Beogradit dhe per kete ka keshilluar që të mos "ngrihet zëri" ndaj bashkësisë ndërkombëtare dhe që të "flitet qetë, e të arrihen rezultate".

Ai e ka hedhur poshte mundesine e ndonje lufte te re ne rast te zgjidhjes se statusit te Kosoves qe do te ishte e pavolitshme per Serbine. “Rreziqet me te medha te sigurise (per Serbine) ndodhen ne Kosove e Metohi dhe ne hapsirat per rreth, por qytetaret nuk duhet te kene frike se rreziku eshte i atille qe neser do te kete lufte”, ka thene Tadic dhe ka shtuar se Serbia ka potenciale qe t’i minimizoje keto rreziqe. Ai ka thene se traumatizimi i ri qytetareve te Serbise me faktin se Kosoves do t’i jepej pavaresia do te mund te rrezikonte entuziazmin evropian ne shtet dhe te bllokoje ne nje afat me te gjate procesin e afrimit me BE.

"Konsideroj se traumatizimi i ri i Serbise dhe i popullit te saj do te ishte jo vetem i padrejte por edhe kunder produktiv, sepse ky vend nuk do te mund te ishte politikisht I qendrushem, nuk do te mund te kontribuonte per stabilitetin evropian, qytetaret ne kete vend do te kishin probleme per t’iu perveshur punes dhe reformave ekonomike, si dhe do te behej nje shkelje aq e rende e te drejtave nderkombetare dhe interesave te tyre”, ka thene Tadiq. Ai ka konfirmuar se eshte duke u bere harmonizimi i temave te bisedimeve ne nivelin me te larte midis Beogradit e Prishtines, te cilat do te duhej te fillonin me 24 korrik ne Vjene dhe se aktualisht eshte gati e sigurte se ne ato bisedime do te marrin pjese kryetari dhe kryeministri i Serbise dhe kryetari dhe kryeministri i Kosoves

(Beta/Balkanweb)

[Llapi]

THAÇI
Pavarësia e Kosovës është sendërtuar në qershorin e vitit 1999, ndërsa tash jemi vetëm duke përfunduar procesin e zyrtarizimit ndërkombëtar të saj

[Llapi]

Nënkryetari për çështje organizative i PDK-së z.Rrustem Mustaf-Remi


“Bashkësia ndërkombëtare do ta njoh sovranitetin e Kosovës, i cili ka ndodhur me luftën e fundit çlirimtare të vitit 1999”.

[Kreksi]

Ah, more Llapi, sa ja fut koti me ato llapçinkat tuaja.....

Po perse nuk e humb kheen te na japish ndonje analiz te kohes aktuale, o njeri, por gjithnje shkon e flet prralla te kohes se ali bungut....

A e din ti qe situata ne kohen e sotme po ndryshon per 24 ore ?

Na thuaje pra, ky konflikti ne Lindjen e Aferme, a thua a do te pengoje ne procesin drejte pamvaresise se kosoves, sipas jush, po a Jo ?

[bOndi_oo7]

Pavarësia është e panegociueshme dhe Kosova duhet dhe do të jetë shtet!