Statusi i ardhshem i Kosovës!

[^MR-EsKlUzIvE^]

Do te Jete pavarsi e plote.
Po nuk u dha pavarsia e plote atehere del e pakuptimte lufta qe u zhvillua per clirimin e kosoves.

[Llapi]

Ndarja e Kosovës është e mundshme, thotë Janus Bugajski

Eksperti i mirënjohur në Qendrën për Studime Strategjike dhe Ndërkombëtare në SHBA, z. Janus Bugajski është shprehur për ndarjen e Kosovës si një mundësi për zgjidhjen e statusit të saj. Sipas tij, ndarja mund të ishte një zgjidhje legjitime për të mbrojtur pakicën serbe, por vetëm nëse ndarja do të arrihej pas disa kushtesh shumë të rrepta. Ndarja nuk do të ishte ndonjë tragjedi, vetëm po të bëhej nën tre kushte: I pari që Prishtina dhe Beogradi ta njohin njëri-tjetrin si shtete të pavarura, e dyta që negociatat për çdo lloj ndryshimi territorial të bëheshin mes dy qeverive dhe së treti që komuniteti ndërkombëtar të ishte i angazhuar në lëvizjet e mundshme të popullsisë.

[vrojtuesi]

Kosovën do ta pavarsojnë këta astronautë!

[vrojtuesi]

Me rastin e shpalljes së pavarsisë do të jenë prezent edhe këto personalitete.

[vrojtuesi]

Këte e pohojnë sot gazetat nga takimi i djeshëm në Njujork të Petersenit dhe Çekut me ambasadorin rus.

[Llapi]

VJENË
Presidenti amerikan Xhorxh Bush ka ftuar Prishtinën dhe Beogradin që qështjen e Kosovës ta zgjidhin përmes dialogut. Në një takim me një grup studentësh në Bibliotekën Kombëtare të Austrisë, presidenti Bush tha se roli i Shteteve të Bashkuara të Amerikës është inkurajimi dhe mbështetja e dialogut si dhe puna drejt një zgjidhje paqësore.
"Zgjidhja duhet të përmbushë nevojat e shumicës dhe gjithashtu të ketë parasyh edhe të drejtat e pakicave", ka thënë presidenti Bush për të shtuar se zgjidhja duhet të jetë "hap pas hapi".



VJENË
Kryenegociatori për statusin e Kosovës Marti Ahtisari synon organizimin e një takimi të nivelit më të lartë mes Prishtinës dhe Beogradit gjatë kësaj vere. Lidhur me këtë takim zëdhënësja e zotit Ahtisari, Hua Çiang për radion Evropa e Lirë tha se "Është synim i të dërguarit të posaçëm për statusin që të organizojë një takim të nivelit më të lartë, ndoshta në muajin korrik në mënyrë që të dyja palët të paraqesin pozicionet e tyre lidhur me statusin", ndërkaq,
lidhur me nivelin e përfaqësimit ajo shtoi: "Eventualisht mund të kemi një takim mes Çekut dhe Koshtunicës, por nuk e dimë nëse ata do jenë përfaqësuesit e vetëm apo do ketë të tjerë, ende nuk është e qartë" tha Çiang.
Megjithatë ajo ka theksuar se takimi mund të ndodhë vetëm pas raportimit të zotit Ahtisari para Këshillit të Sigurimit. Ky raportim pritet të ndodhë në javën e dytë të korrikut.

PRISHTINË
Shefi I Misionit të Kombeve të Bashkuara, Soren Jessen Petersen, në fillim të javës së ardhshme do të kryesojë në Vjenë një takim mbi aranzhimet e ardhshme të pranisë së komunitetit ndërkombëtar në Kosovë, pas përcaktimit te statusit. Zëdhënësi I administratës ndërkombëtare, Niraj Singh, tha se pas takimit në Vjenë, zoti Jessen Petersen kthehet në Kosovë më 27 qershor për të zhvilluar një sërë takimesh, ndërkaq më 30 qershor largohet nga posti I shefit të administratës ndërkombëtare.

[Llapi]

“SERBIA SIGURISHT QË NUK KA ASNJË TË DREJTË TË RIPËRTËRIJË SUNDIMIN E SAJ MBI KOSOVËN”- Albert Rohan, zëvendës i përfaqësuesit special të Kombeve të Bashkuara për Kosovë në intervistën për gazetën “Politika” të Beogradit



Lublanë, 21. Qershor — Diplomati austriak Albert Rohan, zëvendës i përfaqësuesit special të Kombeve të Bashkuara për Kosovë, Marti Ahtisari, i ngarkuar të drejtojë bisedimet midis Prishtinës dhe Beogradit, thotë se "përkushtohet për një zgjidhje konkrete për statusin e ardhshëm të Kosovës". A është i mundshëm në Kosovë kompromisi me një zgjidhje, ku Kosova do ta fitonte pavarësinë përderisa do të mbetej në integritetin territorial të Serbisë dhe kufirit të pandryshueshëm ndërkombëtar të saj. Ndoshta është e njohur për lexuesit deklarata e ministrit të Jashtëm të Serbisë Drashkoviç, se nëse donë shqiptarët mund të flenë dhe në fund të kufirit, për shkak se nuk do të ketë ndonjë ndryshim të tyre. Megjithëkëtë, nuk është reale të pritet nga Kosova e cila dëshiron pavarësinë të pranojë kufij të huaj.

POLITIKA: A besoni se qeveria e Serbisë do të pranonte ndonjë ndryshim të mundshëm të kufijve?

ROHAN: Në Beograd thonë se nuk do të pranojnë një gjë të tillë. Megjithëkëtë nuk mundem të flas rreth statusit të Kosovës për arsye se jemi në fazën e parë të bisedimeve, përderisa pjesën e dytë të bisedime e presim të ndodhë në mes të korrikut. Të dy anët do të prezantojnë zgjidhjet e tyre e më pas do të bisedohet për to. Deri tash kemi prekur çështje të cilat nuk janë plotësisht të lidhura me statusin dhe se duhet të zgjidhen gjithsesi pa marrë parasysh se çfarë do të jetë statusi i Kosovës, edhe si autonomi, ed-he si status i pavarur. Kjo ka të bëjë me decentralizimin si dhe me çështje të tjera të ngjashme dhe të drejtat e pakicave.

POLITIKA: Por, shumica e çështjeve teknike nuk mund të zgjidhen pa vendimin e statusit?

ROHAN: Nuk mendoj se këto çështje zgjidhen vështirë. Për shembull, çështja e objekteve religjioze. Qëllimi jonë është të vërtetojmë se çka i nevojitet objekteve religjioze serbe që të mbijetojnë, ku në afërsi të tyre tashmë nuk ka shumë popullatë të përkatësisë serbe. Të gjithë pajtohemi se ato fizikisht duhet të jenë të mbrojtura dhe kjo sidomos në ato pjesë ku religjioni praktikohet, dhe të kenë të drejtat të vendosin vetë për territoret e veta si dhe të mos ngarkohen me taksa e dogana të ndryshme. Gjithashtu objektet e dëmtuara religjioze duhet të riparohen dhe për çështje religjioze duhet të kenë lidhje të pamohueshme me Serbinë. Këto çështje mund të zgjidhen edhe pa u vendosur statusi i ardhshëm i Kosovës. E njëjta vlen edhe për të drejtat e komunave dhe lidhjet e tyre me Beogradin, për të drejtat e pakicave lidhur me vendet e tyre të garantuara në institucionet si Kuvendi i Kosovës si dhe në vende kyçe, ku nevojitet pjesëmarrja e pakicave. Të gjitha këto çështje janë të lehta të zgjidhen edhe pa u vendosur statusi. Por, fatkeqësisht Beogradi refuzon të flasë lidhur me këto çështje.

POLITIKA: A keni menduar se këtë ana serbe e bën për shkak të mosbesimit dhe mosgarantimit të standardeve? Organizatat ndërkombëtare për të drejtat e njeriut si Human Right Watch, thonë se askush nga kryesit e krimeve në mars të vitit 2004 nuk është dënuar, përveç për çështje jo fort të rëndësishme, që dëshmon një sistem jo efikas ligjor në Kosovë?

ROHAN: Së pari atë që e thonë nuk është e vërtetë. Së dyti duhet ta dini se është shumë vështirë t‘i gjeni dëshmitarët për krime me motive etnike. Gjithsesi gjykatësit nuk janë fajtorë që kryesit e krimeve nuk janë dënuar, sepse këta gjykatës i ka emëruar bashkësia ndërkombëtare dhe ata nuk do të frikësoheshin të gjykonin ndonjë rast të tillë. Përveç kësaj, në Kosovë shpesh krimeve u vihet prapashtesa etnike edhe nëse kjo në fakt nuk ka të bëjë me rastin. Në veri të Kosovës kemi pasur raste ku është vlerësuar se krimi ka qenë etnikisht i motivuar, por më vonë gjykatësit e kanë parë se këto krime nuk kanë qenë të motivuara etnikisht dhe se mund të thuhet se ato lloj krime kanë mundur të ndodhin edhe në Austri, Serbi apo në ndonjë vend tjetër. Problemi shtesë qëndron se serbët e Kosovës nuk pranojnë të bashkëpunojnë me institucionet në Kosovë. Për ata janë ndarë vendet në Kuvendin e Kosovës, por ato janë mbushur pjesërisht ose janë zbrazur nga ndikimi i Beogradit që sugjeron lidhur me integrimin dhe bashkëpunimin e tyre. Nëse dëshirohet të mbrohen pakicat, atëherë duhet të merren masat edhe nga ana tjetër. Kështu para disa muajve kemi pritur emërimin e 11 gjykatësve serbë dhe në fund janë lajmëruar tre a katër vetë. Dhe ata pas një jave punë i kanë lëshuar vendet e tyre të punës, sepse kanë pranuar urdhra të tillë. Ekzistojnë rreth 500 vende të lira për serbet policë të SHPK dhe se deri atëherë janë paraqitur 13 ose 14 veta. Si është e mundur ta rrisim numrin e serbëve në institucione kur ata vetë nuk kanë dëshirë të bashkëpunojnë?

POLITIKA: Ndoshta duke u garantuar serbëve siguri personale dhe kolektive, sipas sundimit të ligjit? E përmendët propagandën, kur një shqiptar në Kosovë e vret një serbe dhe hetimet nuk zbardhin kurrfarë motivi që ka të bëjë me bazat nacionale. A nuk duhet kjo të thirret në emrin e vërtetë?

ROHAN: Natyrisht. Duhet të jeni të sigurt se bashkësia ndërkombëtare i dënon ashpër këso lloj krimesh e sidomos atëherë kur viktimat janë fëmijë që kohën e fundit, duke iu falënderuar Zotit, këto raste janë shumë shumë të rralla. Është fakt megjithëkëtë se ndodhin krime të zakonshme dhe pastaj propaganda i karakterizon si krime me prapavijë etnike dhe se në media dalin informacione se për shembull shqiptari e vrau serbin. Dhe këto raste zakonisht kanë të bëjnë me më të zakonshmet krime që ndodhin çdo kund. Çdo muaj bëhen hulumtime lidhur me gjendjen e sigurisë së pakicave dhe sa ato ndihen të sigurta në Kosovë. Në pyetjen se "a udhëtoni", rreth 80 për qind e respodentëve me përkatësi të pakicës janë përgjigjur me "Po". Kjo është mirë, por më pas dëgjojmë se një autobus që transportonte nxënës serbë është sulmuar me gurë. Edhe pse nga 80 rastet e mira të lëvizjes së lirë nuk dëgjohet dhe nuk raportohet asgjë. Andaj edhe është e rëndësishme që kjo atmosferë artificiale të ndalet. E pastaj mund të fillojnë edhe përmirësimet.

POLITIKA: Keni thënë se qëllimi juaj është të përfundoni bisedimet që i udhëhiqni në fillim të vitit të ardhshëm, edhe pse ka raste si ai i Qipros, ku bisedimet vazhdojnë me dekada. Në rastin e Kosovës, bashkësia ndërkombëtare, pas blic bisedimeve a do të pengojë zgjidhjen? Të pranojë Kosovën e pavarur edhe nëse Beogradi nuk pajtohet?


ROHAN: Në Rambuje për shembull, nuk është synuar ndonjë zgjidhje, sepse asgjë edhe nuk ishte pajtuar me anë të bisedimeve. Serbët kanë refuzuar zgjidhje qe ishin më të pranueshme dhe më të mira se ato që ofrohen sot, për shkak se në atë kohë ndodhën disa gjëra të cilat nuk mund të harrohen lehtë. Erdhi deri te intervenimi ndërkombëtar, u themelua administrata ndërkombëtare dhe e gjithë kjo ndodhi sepse Millosheviç nuk deshi të pranojë ofertën e atëhershme.

POLITIKA: E përmendni Millosheviçin që nuk ka dashur të pranojë diçka. A është sot ai i rëndësishëm edhe pse në Serbia udhëhiqet sot nga një qeveri demokratike. Pse është e nevojshme që Kosova të ndahet nga Serbia dhe pse ato nuk integrohen së bashku në Bashkimin Evropian. A është qëllimi i Kombeve të Bashkuara t‘i dënojnë serbët për atë çfarë kanë bërë?"

ROHAN: Nuk bëhet fjalë për ndëshkime... Në të kundërtën, në Serbi nuk do të kishte ardhur deri te pezmi po të mos ishte hedhur në pozitën e humbëses.. Serbia kultivon një traditë të gjatë të "ndjenjës së viktimës". Kjo traditë në Serbi është shumëshekullore... Pavarësisht nga kjo, Serbia deri në krimet dhe luftërat e fundit të cilat i kanë bërë serbët gjatë historisë, kanë qenë në anën e duhur edhe në Luftën e Parë Botërore edhe në Luftën e Dytë Botërore.
Nuk do të kisha dashur të flas për krimet serbe e me qejf nuk do ta kisha përmendur rolin e Serbisë në LPB. Por, t‘i lëmë tash këta shembuj të historisë. Është fakt se pozita aktuale është pasojë e drejtpërdrejtë e politikës agresive të Miloseviçit. E tëra ka filluar me heqjen e autonomisë së Kosovës dhe represionin ndaj popullit të Kosovës. Është e pamundur të shlyhen këto përvoja. Në Beograd ekziston një tendencë që për ata historia fillon më 1999, kur për fat të keq janë bërë shumë krime ndaj serbëve dhe kur ata filluan të shpërngulen.
Por historia nuk fillon më 1999. Ajo sa i përket situatës ka filluar më 1991. Dhe këtë nuk guxojmë ta harrojmë. Serbia sigurisht që nuk ka asnjë të drejtë të ripërtërijë sundimin e saj mbi Kosovën. Kjo duhet të pranohet. Nëse do të mund të vendosja në emër të Serbisë, atëherë me kënaqësi do të vendosja për një jetë të pavarur në rrugën drejt Bashkimit Evropian. Serbia është një nga vendet më të zhvilluara në shumë aspekte dhe posedon një potencial që të bëhet e pasur. Serbia është e madhe, ka institucione, mund të bëhet pjesë e BE në një afat shumë të shkurtër.

POLITIKA: Vlerësoni se Serbia duhet të heqë dorë nga Kosova, djepi, historia dhe rrënjët e saj?

ROHAN: Kjo është mënyrë e të menduarit nga shekulli i kaluar. Shikoni Austrinë dhe Shtajernin Jugor i cili dikur ka qenë pjesë e Austrisë, të cilën e kemi humbur. Të mos flas për pjesë të tjera të Mbretërisë së Austrisë.
Nëse të ardhmen në mënyrë hipotetike qytetarët e Tirolit do të kishin dashur të ndahen nga Austria a do ta pranonit këtë me gëzim? Aty është një situatë krejtësisht e ndryshme. Tirolasit janë austriakë, flasin gjermanisht ashtu sikur që italianët flasin italisht. Në Kosovë shumicë janë shqiptarët të cilët në kuptimin e përkatësisë etnike nuk kanë asgjë të përbashkët me serbët. Nuk mund të krahasoni këto gjëra. Është fakt se shumë shtete pas luftërave kanë humbur territor të theksuar të tyre. Shikoni Hungarinë...

POLITIKA: Tani është radha që Serbia të humb territorin e saj?

ROHAN: Ndoshta ka ardhur radha, ndoshta jo, pasi që këto situata megjithatë nuk mund t‘i krahasojmë, por fakti se Kosova ka qenë pjesë e Serbisë nuk është arsye që të harrojmë politikën që e ka udhëhequr Miloseviç.

POLITIKA: A nuk është Milosevic dy metra nën dhe, dhe politika e tij po ashtu?

ROHAN: Ndoshta...

POLITIKA: A mendoni se gjermanët nuk kanë paguar për krimet e Hitlerit, edhe kur kemi parasysh se ai ka qenë i varrosur. Është naive të pritet kaq thjesht një pjesë e tmerrshme e historisë serbe të shlyhet ?

ROHAN: Askush nuk e pret këtë, por as gjeneratat e reja në Serbi nuk presin që të ndëshkohen territorialisht për mëkatet e politikës së Miloseviçit.

POLITIKA: Përmendët paralelen me Gjermaninë. A do të thotë kjo se Serbia duhet të presë 50 vjet që të bashkohet me krahinën jugore ashtu sikurse ka bërë Gjermania Perëndimore dhe Lindore?

ROHAN: Nuk mund të krahasoni këtë. Në Gjermaninë Perëndimore dhe Lindore ka jetuar i njëjti popull.

POLITIKA: Edhe në Republikën Srpska dhe në Serbi jeton i njëjti popull. A do të thotë kjo se këto dy pjesë që i takojnë një populli kanë të drejtë të vetëvendosin?

ROHAN: Jo! Sepse edhe në Zvicër, në Austri dhe në Gjermani jetojnë pjesëtarë të të njëjtit popull dhe nuk kanë të drejtë për vetëvendosje. Austriakët nuk mund të bashkohen me gjermanët.

POLITIKA: A nuk është detyrë e vështirë që t‘u shpjegohet popujve në Ballkan se si disa popuj që jetojnë brenda shteteve të caktuara kanë të drejtë të vetëvendosin dhe të ndahen, ndërsa të tjerët nuk guxojnë ta shfrytëzojnë këtë të drejtë? Në rastin e shqiptarëve të Kosovës vlejnë rregulla të caktuara, ndërsa në rastin e serbëve rregullta plotësisht të tjera?

ROHAN: Kjo është një mënyrë e keqe e të kuptuarit. Është gabim nëse dikush pohon se shqiptarët e Kosovës mund të bashkohen me Shqipërinë. Këtë nuk e përkrah askush në Bashkësinë ndërkombëtare. Nëse vjen deri te pavarësia e Kosovës, atëherë njëri nga kufizimet sigurisht do të jetë ndalesa për t‘u bashkuar me Shqipërinë. Ndërsa rajonet tjera në Maqedoni dhe Serbinë jugore nuk do të kenë të drejtën që të rrënojnë integritetin e shteteve të tyre. Me këtë do të ndalej edhe procesi i shkëputjeve.

POLITIKA: Një analogji tjetër... Republika serbe nuk ka të drejtë t‘i bashkohet, por sigurisht ka të drejtë, sikur Kosova, ta formojë shtetin e vet pa u bashkuar me Serbinë?

ROHAN: Jo, kjo nuk do të ishte në rregull. Para se të themelohej, Republika serbe kurrë nuk ka qenë njësi e veçantë në ndonjë shtet.

POLITIKA: As Kosova nuk ka pasur statusin e republikës në RSFJ.

ROHAN: Shumicën e popullsisë së Republikës serbe para luftës dhe pastrimit etnik, në kohën e ish Jugosllavisë, e kanë përbërë myslimanët boshnjakë, prej 40 deri në 46 për qind. Republika serbe është formuar si rezultat i pastrimit etnik. Është pranuar si entitet, sepse marrëveshja e Dejtonit e ka pranuar gjendjen faktike. Marrëveshjen e kanë nën-shkruar të tria palët - prej kryetarit të Serbisë, Kroacisë dhe boshnjakëve. Kosova është krejtësisht rast tjetër. Prej fillimit të Jugosllavisë aty kanë jetuar popullsi me shumicë shqiptare, më shumë se 90 për qind....

POLITIKA: Kështu është tash. Para disa dekadave nuk ka qenë ashtu?

ROHAN: Por tash në Kosovë jetojnë 94 për qind shqiptar. Aty jetojnë edhe përfaqësues të pakicave tjera, që janë thuajse po aq sa ka edhe serbë në Kosovë.

POLITIKA: Nuk po e merrni parasysh faktin se këto të dhëna janë ndryshuar pas intervenimeve dhe përndjekjes së serbëve nga Kosova, të cilët para disa kohësh kanë qenë më të shumtë në numër?

ROHAN: Nëse bash keni dëshirë që të kthehemi prapa në të kaluarën, atëherë mund të kthehemi edhe 300 vjet prapa, kur shqiptarë ka pasur më shumë se serbë.

POLITIKA: Mundemi të shkojmë edhe të epoka e Car Dushanit, për të demonstruar të kundërtën?

ROHAN: Ky diskutim vërtet nuk çon askund....

POLITIKA: A është në tryezën e bisedimeve ideja për ndarjen e Kosovës?

ROHAN: Nuk është. Këtë askush nuk e mbështet e edhe nuk ka shumë kuptim. Pikë së pari, sikur të mendohej për ndarjen e Metohisë, kur dihet se aty ka më së shumti manastire, kjo pjesë është më së largu nga Serbia. Madje edhe përfaqësuesit e Kishës Ortodokse serbe çartë e kanë thënë se ka diferenca në mes atyre në jug të Kosovës dhe atyre në veri të Kosovës. për ketë arsye janë shumë kooperativë. Ne u kemi thënë se jemi në gjendje t‘ua plotësojmë krejt çka kanë nevojë, por duhet të na tregojnë se çka duan. Me ata mirë bashkëpunojmë. Grupi i Kontaktit bashkë me Rusinë, kanë hedhur poshtë idenë e ndarjes së Kosovës, për dy arsye. Së pari, kjo do të shkaktonte shpërngulje të serbëve nga pjesa qendrore dhe jugore e Kosovës, ndërsa ata që do të provonin të qëndronin në këto pjesë do të ndiqeshin. Bashkësia ndërkombëtare thjesht nuk ka aq shumë ushtarë për ta parandaluar ketë.

POLITIKA: Çka nëse serbët do të pranonin të zhvendoseshin në pjesën veriore të Kosovës?

ROHAN: Veriu nuk është gjysma e territorit të Kosovës, është 15 deri në 18 për qind. Bashkësia ndërkombëtare në shekullin 21 nuk mund pajtohet me pastrimet etnike, si në kohën e periudhës greko - turke, të shekujve të kaluar. Secili është i lirë të shpërngulet atje ku dëshiron, por ne nuk mund të mbështesim diçka të tillë. Prej kontakteve tona me serbët të cilët jetojnë në Kosovë, e dimë se ata nuk dëshirojnë të lëvizin prej vendbanimeve të tyre. Këtu është edhe një rrezik tjetër: nëse do të lejohej një diçka e tillë, menjëherë do të paraqiteshin presione të ngjashme në pjesë të ndryshme të Maqedonisë, mandej në Ulqin të Malit të Zi, Republikën serbe e kështu më radhë. Ketë bashkësia ndërkombëtare nuk do ta lejojë.

POLITIKA: Sipas mendimit tuaj, pavarësia e Kosovës a do t‘i bënte mirë Serbisë?

ROHAN: Nëse e shikoni se sa shumë të holla, energji dhe kohë liderët serbë shpenzojnë në Kosovë, atëherë mund të konstatojmë se zgjidhja e këtij problemi natyrisht se do t‘i mundësonte Serbisë që të koncentrohej në problemet e vërteta, e kjo është mirëqenie e qytetarëve.

POLITIKA: A mendoni se në Serbia ka lindur ndonjë politikan, i cili do të pranonte të nënshkruante pavarësinë e Kosovës?

ROHAN: Do të duhej të ketë lindur, edhe pse kjo nuk duket diçka reale. Madje mund të zgjidhet edhe rruga përmes së cilës askush asgjë nuk do të ketë nevojë të nënshkruajë. Nëse Këshilli i Sigurimit vendos diçka, atëherë askush asgjë nuk do të ketë nevojë të nënshkruajë.


Pregaditi : Svetllana Vasoviç - Mekina

[Llapi]

Beogradi duhet ta dijë ç'është më e rëndësishme - statusi i Kosovës, apo jeta e serbëve në Kosovë

Ambasadori i SHBA-ve në Beograd Majk Polt ka deklaruar për gazetën Blic se Beogradi duhet "ta dijë se çka është më e rëndësishme" – statusi politik i Kosovës apo jeta e serbëve në Kosovë.
Ai ka thënë se Serbia duhet të jetë e sinqertë ndaj vetvetes dhe ta identifikojë faktin se
shumica në Kosovë po donë të jetë e pavarur. Serbia thjeshtë duhet ta respektojë realitetin se një disponim i tillë ekziston, dhe ka shtuar se respektimi nuk do të thotë edhe pranim.

Zotëri Polt ka nënvizuar se shumica në Kosovë ka qëndrim të caktuar, kurse pakicës duhet t’i garantohen të drejtat ndërkombëtare në të cilat po insistohet, që nuk do të thotë se "të dy palët do të marrin edhe përgjigje të njëjtë kur është fjala për statusin politik të Kosovës.

"Duhet qenë i sinqertë ndaj popullatës vetjake kur është fjala për epilogun e mundshëm të negociatave mbi statusin e Kosovës. Nuk ka fshehtësi, është e
mundshme të jetë pavarësi apo autonomi, por ende nuk është vendosur", ka thënë Polt.

Ai ka theksuar se të drejtat e njeriut nuk janë pjesë e pazarllëkut, por ato janë standard universal, kurse "statusi iu nënshtrohet negociatave", ndërsa kombinimi i këtyre dy gjërave nuk vjen në konsiderim.

/Fahri Musliu/

Postuar më: sb blue sky & radio kosova staff me Jun 23, 06 | 12:09 pm

[dodoni]

Toni Bler thotë se Serbia duhet të pranojë një vizion tjetër për Kosovën Aktuale

Serbia duhet të pranojë një “vizion tjetër" për krijimin e ardhmërisë se Evropës Juglindore, ose të ballafaqohet me shtimin e izolimit dhe me rrënimin e prospektit për raporte më të afërta më Unionin Evropian. Kjo pritet të jetë porosia kryesore e kryeministrit britanik Toni Bler për liderin serb Koshtunica, në takimin e nesërm- shkruan The Financial Times.


Në takimin e Londrës, në të cilin Beogradi me gjasë do të përballet me presionin për të përmbushur obligimet ndërkombëtare, Koshtunicës po ashtu do t’i kërkohet që ta pranojë pashmangshmërinë e pavarësisë së Kosovës, ka deklaruar një zyrtar britanik.
Beogradi gjendet nën presion nga Britania , SHBA dhe administrata e KB në Kosovë, që ta pranojë pavarësinë e Kosovës, si një “solucioni më jo-problematik”. The Financial Times: po ashtu shkruan për problemet e brendshme serbe dhe presionin që të mos hiqet dorë nga Kosova dhe që të ofrohet një “autonomi më e gjerë e mundshme”, por në kuadër të sovranitetit serb. (The Financial Times)


RTK 26/06/2006 11:16:19

[Llapi]

Parlamenti Europian: “Sovranitet i Kufizuar” per Kosoven, jo “Pavaresi e Kushtezuar”


Nga D.B


BRUKSEL (28 Qershor) -Parlamenti Europian po e ben cdo dite e me te qarte se ai mbeshtet projektin e nje lloj "Sovraniteti te kufizuar" per Kosoven. E para qe e beri te njohur kete ide ishte europarlamentarja kristiandemokrate gjermane Doris Pack. Madje ajo pohoi se kjo zgjidhje ishte diskutuar edhe me udheheqesit e Prishtines dhe ata kishin qene ne parim dakort.

Pas eurodeputetes gjermane kane qene eurodeputeti socialist austriak Johannes Swoboda dhe ai hollandez Jan Marinus Wiersma qe kane bere te qarte se cfare kupton Parlamenti Europian me termin "Sovranitet i kufizuar".

Sipas tyre termi sovranitet i kufizuar per Kosoven do te thote qe ndersa nga njera ane ajo do te kete te gjitha atributet e nje shteti te vertete, nga ana tjeter per disa vite me rradhe ajo do te jete nen mbikqyrjen nderkombetare.
Sic ben te ditur agjencia “Dojce Vele”, prani perceptohet qe per nje kohe te caktuar, ndofta nje dekade, ajo nuk do te lejohet te kete ushtrine e vet, pasi kete rol do ta luaje per te KFOR-i. Po ashtu Bashkimi Europian pervec aspektit financiar, do te marre persiper edhe problemet e rendit dhe drejtesise nepermjet dergimit te eksperteve te vet atje.

“Termi "sovranitet" mund te kuptohet si pavaresi e plote nga Beogradi, ndersa "kufizimi" do te jete kontrolli qe do te ushtroje ndaj saj bashkesia nderkombetare, kryesisht NATO dhe Bashkimi Europian. Sovranitet i kufizuar do te thote gjithashtu qe bashkesia nderkombetare do i njohe njekohesisht te drejten Beogradit qe ai te kujdeset dhe te ndihmoje serbet qe ndodhen ne Kosove si dhe monumentet e tyre kulturore dhe fetare.

Europarlamentaret Swoboda dhe Wirsma pohuan po ashtu se klasa politike ne Beograd po e konsideron tashme daljen e Kosoves nga kontrolli i saj si nje opcion krejt te mundshem, me perjashtim te Koshtunices, i cili, gjithmone sipas tyre, shpreson se zgjidhja per Kosoven do te jete dicka me pak se pavaresia.
“Ne kete kuptim dhe ndofta per te shmangur keqkuptimet bashkesia nderkombetare duket se ka hequr dore nga termi i perdorur me pare dhe i njohur si "pavaresi e kushtezuar", i cili te jepte pershtypjen e nje pavaresie jo te plote, dhe e ka zevendesuar ate me "sovranitet te kufizuar”, citon Dojce Vele.

(DeutscheWelle/Balkanweb)