Statusi i ardhshem i Kosovës!

[dodoni]

SHBA-të mund ta pranojnë pavarësinë e Kosovës në mënyrë unilaterale, thotë Uisner

SHBA-të sipas të gjitha gjasave do të mund ta pranojnë pavarësinë e Kosovës në mënyrë unilaterale, raporton agjencia e lajmeve APA. Diplomati amerikan Frank Visner ka deklaruar se vendi i tij është duke i shqyrtuar mundësitë e njohjes së pavarësisë Kosovës.
Uisner ka paralajmëruar se nëse bisedimet deri më 10 dhjetor nuk sjellin ndonjë rezultat, SHBA-të janë të gatshme që njëanshëm ta njohin shpalljen e pavarësisë së Kosovës.

Ai ka thënë se ajo që do të ndodhë pas asaj date /10 dhjetor/ do të varet nga vendimet e qeverive të vendeve të pavarura, gjë që aludon në skenarin sipas të cilit Kuvendi i Kosovës do ta shpallte pavarësinë, ndërkohë që secili nga vendet veç e veç do të vendoste nëse do ta njihte atë, apo jo.

Diplomati amerikan ka porositur pushtetarët në Beograd se vendi i tij “edhe më tej dëshiron t’i avancojë marrëdhëniet me Serbinë”, por se Uashingtoni gjithashtu dëshiron paqe dhe stabilitet në rajon, dhe se çështja e Kosovës duhet të zgjidhet.

Nga liderët kosovarë 120 ditëshi konsiderohet si kompromisi i fundit nga ana e Kosovës për të arritur deri te pavarësia.


www.rtklive.com

[fjollat]

Dita njihet që në mëngjes e mëngjeset shqipe janë të vona. Gjersa shqipet tona ti zgjidhin problemet fshatareske, metropolet e kanë ndryshuar politikën rreth statusit të Kosovës.

Shtrohet pyetja: A do të kthjellen ndonjëherë politikanët shqiptarë? Ëndrra se Amerika i sjell pavarësi Kosovës është rruga drejt qorrsokakut në të cilin jemi endur ndër shekuj. Mbase, a nuk e kanë të qartë këta kokëshkretë se Amerika asnjëherë nuk zgjidh probleme, konflikte, por Amerika veçse krijon konflikte dhe madje ka mjaft shembuj për t'iu referuar.

Në qoftë se do të humbet ky shans i fundit për Kosovën, (që nuk ditën ta vlerësojnë autoritet shqipe, madje as vetë populli kosovar), madje edhe për Ballkanin, po mbase edhe më gjërë, pasojat do të jenë tragjike për mbarë rajonin.

Implikimi i Rusisë ndjell frikën e realizimit të profecive të Nastradin Musit (Nostradamus) për luftën e tretë botërore.

[Borix]

Serbi-NATO, Konflikti për Kosovën

Gazeta Shqiptare, 21 Gusht 2007

Statusi i Kosovës shkak ton konflikt mes Serbisë dhe NATO-s. Eksponentët e Beogradit kanë akuzuar aleancën për një tentativë për shkëputjen nga territori serb të Kosovës, me qëllim krijimin e një “shteti-protektorat” atje. I fundit që ka përsëritur akuzat dje ishte Sërxhan Gjuriç, shefi i zyrës së shtypit në zyrën e kryeministrit, Vojisllav Koshtunica, sipas të cilit është e pakujdesshme që një aleancë ushtarake të shprehë mendime lidhur me statusin e ardhshëm të provincës, që në fakt është pjesë e Serbisë. Sipas agjencisë së lajmeve ANSA, ai deklaroi se nuk është fare e përshtatshme që të jepen mendime nga ana e NATO-s në lidhje me propozimin e ish-presidentit finlandez, Martti Ahtisaari për Kosovën, duke u shprehur kështu në mbështetje “pavarësi të mbikëqyrur”, që në fakt do ta shndërronte këtë territor në një “shtet në pronësi të NATO-s”.

Këto deklarata janë hedhur poshtë ngë Brukseli, ku zyrtarët në selinë qëndrore të NATO-s thanë dje se “aleanca nuk ka për qëllim të ndihmojë ngritjen e një shteti dhe as të arkitektojë prapa krahëve të Serbisë, por vetëm të garantojë kushtet e sigurisë gjatë fazës së përcaktimit të statusit në Kosovë”. Por, të tilla deklarata vazhdojnë të qarkullojnë në Beograd, të paktën në mjediset e Partisë Demokratike të Serbisë, nën drejtimin e Koshtunicës: forca më nacionaliste në ekzekutivin serb. Koalicioni demokratik në Beograd është treguar shumë i ashpër në betejën për Kosovën duke kundërshtuar çdo hipotezë për njohjen e pavarësisë së saj. Për këtë arsye, qeveria serbe ka kërkuar edhe ndihmën e Moskës zyrtare, që e mbështet në këtë pikë. Beogradi është shprehur kundër pavarësisë së Kosovës dhe ka deklaruar se do të mbajë këtë qëndrim edhe sikur të rrezikojë anëtarësimin në Bashkimin Europian dhe në strukturat e NATO-s. Mes kundërshtarëve më të mëdhenj janë Ministri i ri i Energjitikës, Aleksandar Popovic, besnik i Koshtunicës. Në një intervistë për revistën “Vip”, ai ka lëshuar akuza të ashpra ndaj Uashingtonit dhe Brukselit. Ministri deklaroi deklaruar se “SHBA dhe BE po nxisin aktorët ndërkombëtarë drejt një kompromisi të papranueshëm sepse kërkojnë të krijohet një shtet i NATO-s në territorin e Kosovës”. Një realitet ky, që sipas gjykimit të Popovic, do të bënte që njësitë ushtarake ndërkombëtare nën kontrollin e NATO-s të kishin pushtet të pakufizuar dhe të mos u nënshtroheshin asnjë autoriteti civil: gjë që nuk ndodh në asnjë shtet demokratik dhe në asnjë nga vendet perëndimore themeluese të aleancës së NATO-s.

[Borix]

SHBA ritheksojne mbeshtetjen per pavaresine e Kosoves

BalkanWeb, 23 Gusht 2007

Departamenti Amerikan i Shtetit perseriti dje se Shtetet e Bashkuara mbeshtesin pavaresine per Kosoven. Zedhenesi Gonzalo Gallegos tha se shumica derrmuese e anetareve te Keshillit te Sigurimit si dhe vendet e Bashkimit Europian dhe te tjere mbeshtesin pavaresine e mbikqyrur per Kosoven. Zoti Gallegos tha se eshte ekzagjerim ta quash planin Ahtisaari per Kosoven nje plan per krijimin e nje “nje shteti te NATO-s”.

"Departamenti i Shtetit", tha ai, "nuk mendon se nje deklarate e tille perfaqeson pikpamjen zyrtare te qeverise serbe. Retorika e pabazuar dhe e padobishme", tha zedhenesi, "nuk na sjell me prane asaj qe ne mendojme se eshte qendrimi i perbashket dhe i deshirueshem per paqen dhe stabilitetin ne rajon."

Zedhenesi i Departamentit amerikan te Shtetit tha se Shtetet e Bashkuara shpresojne se qeveria serbe do ta perqendroje vemendjen te puna me udheheqjen kosovare dhe me trojken e Grupit te Kontaktit per gjetjen e nje zgjidhjeje te pranueshme nga te dyja palet per statusin perfundimtar te Kosoves. Plani Ahtisari, tha zedhenesi, do te jete baza per bisedimet e reja. Shtetet e Bashkuara, theksoi ai, ndajne me shumicen e qytetareve serbe te njejtin vizion per Serbine: ate te paqes, begatise dhe lidhjeve me institucionet nderatlantike dhe institucionet europiane.

[qafezezi]

Kosova nuk do varet me nga Serbia, ajo do varet nga Amerika. Ne fakt ajo duhet te varej vetem nga Shqiperia. Por udheheqesit e Shqiperise e kane mendjen vetem tek leku. Keshtu ka qene gjithmone, prandaj jemi shkaterruar si vend.

[ARIANI_TB]

http://www.youtube.com/watch?v=QF6RJaQd5T8&NR=1

[Borix]

Khalilzad: Zgjidhja për statusin e Kosovës duhet gjetur edhe pa Rusinë
BalkanWeb, 27 Gusht 2007

Ambasadori amerikan ne Kombet e Bashkuara, Zalmaj Khalilzad, vlereson se zgjidhja per statusin e Kosoves duhet gjetur edhe pa Rusine, nese kjo e fundit nuk e pranon nje zgjidhje per Kosoven ne Keshillin e Sigurimit. Khalilzad i ka bere keto vlersime ne nje inteviste per te perditshmen vjeneze "Prese" ku ka theksuar se statusi i Kosovës duhet patjetër të zgjidhet.
"Kemi kohë deri më 10 dhjetor. Atëherë treshja do t'i raportojë KB. Do të ishte e preferueshme sikur zgjidhja të gjendet bashkë me Rusinë, Mirëpo, situata aktuale në Kosovë nuk mund të mbahet përgjithonë. Gjendja në Kosovë paraqet rrezik për sigurinë rajonale dhe evropiane", ka sqaruar Khalilzad.

I pyetur nëse me zgjidhjen nënkutohet pavarësia e Kosovës, ai ka theksuar se i dërguari i KB Marti Ahtisari ka propozuar "një zgjidhje të mesme", gjë që tregon se ekzistojnë opsione të ndryshme.

Pyetjes se përse Rusia nuk mbështet propozimin e Ahtisarit, Khalilzad i eshte pergjigjur se ekzistojnë faktorë që kanë lidhje me strategjinë ruse në Ballkan, mirëpo faktori më i rëndësishëm është politika e jashtme aktuale e Rusisë. "Politika e jashtme ruse është bërë më e fortë për të marrë mirënjohje dhe respekt", ka përfunduar ambasadori amerikan pranë KB.

[Borix]

Gashi: Kuvendi i Kosovës do te shpallë pavarësinë
BalkanWeb, 30 Gusht 2007

Prishtinë - Me çfarëdo forme që do të mbyllet statusi i Kosovës, Kuvendi i Kosovës duhet dhe do ta shpallë pavarësinë. Keshtu ka deklaruar kreu i Grupit parlamentar të LDK-së në parlamentin e Kosovës Alush Gashi. Ai theksoi për radion "Evropa e lirë" se përshkrimet lidhur me shpalljen e pavarësisë janë të ndryshme, por substanca është e njëjtë, duke shtuar se "Kosova është në një bashkërenditje të veprimeve në baza ditore me Shtetet e Bashkuara të Amerikës dhe Bashkimit Evropian".

Sipas Gashit, edhe nëse propozimi i Ahtisarit pranohet nga Këshilli i Sigurimit, Kuvendi i Kosovës duhet te shpallë pavarësinë dhe të kërkojë njohjen ndërkombëtare. "Por edhe nëse nuk ekziston vullnet në Këshillin e Sigurimit që kjo çështje të lehtësohet, po ashtu Kuvendi i Kosovës do ta shpallë pavarësinë, dhe do të kërkojë njohjen ndërkombëtare", shprehet Gashi. Ai shton se nuk bëhet fjalë për "veprim unilateral" sepse "shpallja e pavarësisë në Kuvendin e Kosovës do të ndodhë si puna më normale".

[veletini]

aletrnative tjeter as qe ka.

[eri12ing]

Ceshtje e kosoves eshte nje udhe pa kthim tani me,pavarsia eshte e sigurt.
Ajo qe duhet menduar tani eshte nje bashkim ishpejte me shqipen