Statusi i ardhshem i Kosovës!

[Borix]

Tepele, s'po kuptoj cfare kerkon te thuash. Ku qendron problemi? C'ka ndodhur?

[Kosovari_78_Ca]

PAMVARSI e plot more vlla, te gjithe ai gjake qe eshte derdhe dhe te gjithe ai mund dhe pune e palodhshme e te gjithe Shqiptarve ne te gjitha trojet nuk duhet te shkoj huq. Duhet te qendrojm se bashku te mbrojme interesat kombetare, sepse pa njeri tjetrin nuk mund te jetojm

[Kosovari_78_Ca]

BORIX

Ma merre mendja qka eshte tu desht me thane ALI TEPELENA

kjo eshte pergjegjja

SHpresoj se SHqiptaret e Kosoves, kete here do te jete vigjilent para provokimeve te botes, dhe shpresoj se Shqiperia do ti rri perkrah ne qdo situat lidhur me qeshtjen kombetare Shqiptare. Nuk duhet te bijem ne grackat e pregaditura Sllavo-Evropiane. Nuk kemi me njerz te cilet japin vetem gishtin sikur nenshkrime.
Shqiptaret jane SHqiptar, SHqperi, Kosove, Qameri, Maqedoni, Presheve, Bujanovc, Malsi etj etj dhe kudo qe jemi.
Bile i bej apel te gjithe Shqiptarve te Kosoves qe qendrojn ne vende te ndryshme te botes, qe kur Kosova te pranohet dhe konfirmohet si shtet, mos lejoni te shkruehni sikur Kosovar neper pasaporte apo dokumenta te ndryshem. Duhet te qendrojm ashtu siq jemi UNIK si qdo here as me pak as me shumeS H Q I P T A R
Ne jemi me te miret, vetem se Bota dhe Evropa qe jane munduar te na shkatrrojn ne qdo menyr qe gjete rastin dhe mundesin.

Ju pershendes dhe ju deshiroj qdo te mire dhe me shpres se Dardania(Kosova) te behet e pamvarur shume shpejt.

Sinqerisht

[RaPSouL]

Mendimi im eshte se kosova do te fitoj pavarsin mirepo Pavarsin E Kushtezuar

[tani_26]

Paraqitet ne Keshillin e Sigurimit projektrezoluta e re per Kosoven

• Teksti i ri parasheh nje periudhe ku palet do te mund te negociojne serish. Ne rast se nuk ka asgje te re nga keto bisedime shtese atehere ne menyre automatike miratohet plani i Ahtiasaarit e bashke me te propozimi i tij per pavaresi te kushtezuar


New York- Shtetet e Bashkuara dhe nje numer vendesh evropiane kane paraqitur projekt rezoluten e re per Kosoven ne Keshillin e Sigurimit.Teksti i ri parasheh nje periudhe prej kater muajsh ku palet do te mund te negociojne serish. Ne rast se nuk ka asgje te re nga keto bisedime shtese atehere ne menyre automatike miratohet plani i Ahtiasaarit e bashke me te propozimi i tij per pavaresi te kushtezuar. Perfaqesuesi amerikan ne Keshillin e Sigurimit pas paraqitjes se projekt rezolutes tha "Kishim mundesine te sqaronim elementet e reja te projekt rezolutes, duke theksuar rendesine e zbatimit te planit te Ahtisaarit dhe ate qe pritshmeria ne fund te procesit eshte pavaresia e Kosoves", tha perfaqesuesi amerikan. Megjithate teksti i ri i projekt rezolutes nga ambasadori rus ne Kombet e Bashkuara eshte cilesuar i papranueshem.

[tani_26]

Çeku kundërshton bisedime të mëtejshme



Kryeministri i Kosovës, Agim Çeku, ka deklaruar se bisedimet për statusin e Kosovës dhe për paketën e Ahtisaarit kanë përfunduar dhe se pavarësia e Kosovës është e panegociueshme.
Kryeminisitri Çeku tha pas një takimi me të dërguarin e BE-së për statusin Staphan Lehne, ka thënë se paketa Ahtisaari është e mbyllur dhe se nuk sheh asnjë arsye të hapet sërish ajo.

Por zoti Çeku ka thënë se me Serbinë do të bisedohet vetëm si dy fqinjë në raporte të barabarta për çështje që kanë të bëjnë me çështjen e personave të pagjetur, me çështjen e dokumentacionit dhe fondin e pensionistëve.

Deklarata e kryeministrit të Kosovës vjen pas njoftimeve se në selinë Kombeve të Bashkuara në Nju Jork ka qarkulluar një projekt-rezolutë e ndryshuar e Këshillit të Sigurimit që do të vononte për 120 ditë pavarësinë për Kosovën për të lejuar zhvillimin e më shumë bisedimeve midis Prishtinës dhe Beogradit për të arritur një marrëveshje kompromisi.

Teksti i ri i përgatitur nga vendet e Bashkimit Evropian dhe Shtetet e Bashkuara shkruan, sipas agjencisë së lajmeve Associated Press, se rezoluta për pavarësinë nën mbikqyrje ndërkombëtare do të hyjë në fuqi pas 120 ditësh "nëse Këshilli i Sigurimit nuk vendos shprehimisht ndryshe pasi të ketë bërë një vlerësim" të gjendjes.

Projekti thotë se vlerësimi do të bëhet "mbi bazën e një raporti të një përfaqësuesi të sekretarit të përgjithshëm".

Rusia ka bërë thirrje për negociata të reja midis palëve duke lënë të kuptohej se do të vinte veton ndaj projektit origjinal.

Ndërsa projekti i ri ofron kohë për negociata të reja, Rusia mund të mos pranojë autorizimin automatik të pavarësisë nëse negociatat nuk sjellin rezultate.

Sipas projektit të ri, administrata e OKB-së në Kosovë do të përfundojë misionin 120 ditë pasi të hyjë në fuqi rezoluta, dhe BE-ja do të marrë nën kontroll tranzicionin drejt pavarësisë.

Trupat e udhëhequra nga NATO-ja do të mbeten për të garantuar sigurinë dhe tranzicioni do të mbikqyret nga një përfaqësues civil ndërkombëtar.

Ndërkohë qeveria e Kosovës i ka kërkuar bashkësisë ndërkombëtare që të sqarojë afatet kohore për zgjidhjen e statusit pas sugjerimeve se mund të duhen më shumë negociata.

Ndërsa nuk ka shenja se Serbia dhe Rusia mund ta tërheqin kundërshtimin e tyre, negociatorët sugjeruan javën e shkuar se mund të duhet më shumë kohë për negociata për të arritur një zgjidhje.

Qeveria kosovare kundërshtoi një deklaratë të kryeprokurores së Gjykatës për Krimet e Luftës në Hagë, Karla del Ponte, e cila tha se mosshtyrja e zgjidhjes së statusit të Kosovës do të minonte përpjekjet për të arrestuar apo gjetur personat e dyshuar për krime lufte.

"Znj. Del Ponte me ketë deklaratë ka shkelur në mënyrën me të vrazhdë mandatin e saj si kryeprokurore e Tribunalit te Hagës dhe se ndërhyrja e saj rreth çështjes se statusit te Kosovës, posaçërisht në lidhje me bashkëpunimin e Serbisë me Tribunalin e Hagës, është e papranueshme," thuhet në një deklaratë të qeverisë së Kosovës.

[Zëu_s]

Me dhune (me zor) mundet njeriu me i mar dikujt diçka, por nuk mundet askush me dhune (me zor) me i dhane dikujt diçka.

Fatkeqsisht politikanteve tone nuk po iu konvenon aspak zgjidhja e statusit te Dardanise (Kosoves), se ky Mini i dhjamosur nuk iu kalon kurre ma neper musteqe ketyre far Maqorrave tone (kjo shance dhe ky kaos per te bere çka te duash dhe per te vjedhur sa te duash, te behesh mbrenda nates milioner, s'besoj qe mund te perseritet), pra sa ti kemi ne krye keta qe i kemi, mos pritni pavarsi, se keta nuk ngihen leht dhe nuk dorzohen leht.

Populli Shqiptar e ka nje problem shum serioz me vetveten, ose me mire te them me politikanet e vet.

Vetem kaq kisha per temen "Statusi i ardheshem i Kosoves".


tung

[fjollat]

Mesa duket do të jetë Ramush Haradinaj ai që do të shpall pavarësinë e Kosovës, se OKB-ja nuk prish terezin e vet... një izrael i ri, në ballkan.

pa ta presim sa të pastroj hesapet me hagën.

[Arbër Vokrri]

Me poshte e keni linkun per nje material 26 minutesh te pa-transmetuar neper media dhe te papublikuar me heret se sot (28 qershor 2007).
Aty do te gjeni pergjigjje per shume pyetje qe mund te ju kane kaluar neper mend ne lidhje me rrjedhat politike ne Kosove.


http://video.google.com/videoplay?do...76796690325135

[Borix]

Sot per Kosoven, mbahet takimi Bush-Putin ne SHBA
BalkanWeb

Sot ne Kenebankport, ne shtetin amerikan Maine, Presidenti i Shteteve te Bashkuara George Bush dhe Presidenti i Rusise Vladimir Putin, ne nje takim joformal do te bejne perpjekje per t'i tejkaluar dallimet rreth shume çeshtjeve, perfshire Kosoven.

Statusi i ardhshem i Kosoves dhe vendosja e sistemit mbrojtes antiraketor amerikan ne Evrope do te jene dy nga temat kryesore te takimit, qe do te mbahet ne pushimoren e presidentit amerikan. Autoritetet ne Prishtine kane shfaqur shpresen se Bush dhe Putin do te arrijne nje marreveshje per menyren e percaktimit te statusit final te Kosoves. Bush dhe Putin gjithashtu do bisedojne per gjendjen ne Lindjen e Mesme dhe programet berthamore te Iranit dhe Korese se Veriut.

* * *

Vladimir Stalinovic Putin shpresoj te mbaje nje qendrim jo-komunist dhe objektiv ndaj ceshtjes se Kosoves. Persa i perket ceshtjes se sistemit antiraketor, me intereson po aq sa ceshtja e fese ne Tibet...