Statusi i ardhshem i Kosovës!

[Llapi]

Kryetari i PDK-së z.Hashim Thaçi

Kryetari Thaçi: Nuk do të ketë pavarësi të kushtëzuar – do të ketë pavarësi me sovranitet të plotë për Kosovën

23.11.2006
Kryetari i PDK-së z.Hashim Thaçi, në një intervistë ekskluzive dhënë Radiotelevizionit 21, në kuadër të emisionit “Sy më Sy”, ka theksuar se është fat që SHBA-të janë shumë të vendosura për zgjidhjen përfundimtare të statusit politik të Kosovës.
“Të parët që na kanë kuptuar drejtë, që kanë ndërtuar partneritet të qëndrueshëm, që na kanë besuar plotësisht, edhe në fillim të viteve ‘90-ta, edhe në vitet ‘97, ‘98, kanë qenë Shtetet e Bashkuara të Amerikës dhe ky besim është pasuar pastaj edhe prej të tjerëve. Edhe tash, është fat që SHBA-të janë duke luajtur rolin e tyre domethënës, udhëheqës, në procesin e përmbylljes së statusit politik të Kosovës”
- theksoi anëtari i Ekipit të Unitetit z.Hashim Thaçi.



“Vizita ime në SHBA ka qenë në shërbim të mbështetjes së plotë të Shteteve të Bashkuara të Amerikës në këtë proces, ka qenë në shërbim të vazhdimit dhe tellimit të bashkëpunimit mes Prishtinës dhe Ëashingtonit, por edhe kërkesa jonë që si domosdoshmëri që SHBA-të të përmbyllin në mënyrë aktive dhe të qartësojnë përfundimisht procesin e statusit politik të Kosovës” tha kryetari i PDK-së z.Hashim Thaçi.

“Roli dhe funksioni i Shteteve të Bashkuara të Amerikës, i qeverisë amerikane është i pazëvendësueshëm në gjithë këtë proces të ndieshëm, të koklavitur dhe të komplikuar. Unë kam besim të plotë që politika kosovare në partneritet të ngushtë me Shtetet e Bashkuara dhe Bashkimin Evropian do t´ia arrijë qëllimit që brenda një kohe shumë të shkurtër të nxirret vendimi për Kosovën e pavarur dhe sovrane” pohoi lideri demokrat.

“Për zgjidhjen e statusit politik në është me rëndësi dita, nuk është me rëndësi data, me rëndësi është substanca. Nga ajo që kam vërejtur, nga ajo që më është premtuar, që unë besoj plotësisht dhe fuqishëm është se Kosova do të jetë shtet i pavarur dhe sovran në kuptimin e mirëfilltë të funksionimit si shtet" siguroi kryetari Thaçi.

"Nuk do të ketë pavarësi të kufizuar, nuk do të ketë pavarësi të kushtëzuar, por do të ketë pavarësi me sovranitet të plotë, një sovranitet që e ushtron autoritetin në tërë territorin e Kosovës” u shpreh i bindur lideri i partisë më të madhe opozitare në vend.

“Serbia ka pasur hapësirë dhe e ka komplikuar procesin politik, por jam i bindur që mundësitë, aftësitë, fuqia politike dhe partneriteti i Prishtinës me ndërkombëtarët për të përmbyllur zgjidhjen e statusit final, është më i fuqishëm sesa aftësitë dhe mundësitë e Serbisë për komplikimin e mëtutjeshëm të procesit" deklaroi anëtari i Ekipit të Unitetit z.Hashim Thaçi.

"Vazhdimi i procesit edhe për disa javë e ka shtyrë periudhën kohore, por assesi nuk e ka dëmtuar substancën. Vendimi do të nxirret në momentin më të duhur, në vendin e duhur dhe do të jetë në përputhshmëri me interesat dhe vullnetin e qytetarëve të Kosovës” - tha ndër të tjera kryetari i PDK-së.

Lideri i Partisë Demokratike të Kosovës edhe përmes valëve televizive të RTV 21, apeloi që “në këto momente vendimtare duhet të kemi stabilitet, të kemi paqë, mirëkuptim, të kemi investim të angzhimeve dhe energjisë pozitive nga politika dhe nga qytetarët. Ne duhet t´iu besojmë përfundimisht partnerëve tanë ndërkombëtarë, duhet t´iu besojmë fuqimisht Shteteve të Bashkuara të Amerikës”.

“Unë e kam theksuar edhe nga Ëashingtoni se ky proces duhet të amerikanizohet dhe kur e kam theksuar këtë kam pasur si qëllim që kjo çështje duhet të kalojë tek SHBA-të dhe ta përfundojnë suksesshëm, ashtu si e kanë përfunduar procesin e clirimit të Kosovës” u shpreh kryetari Thaçi.

“Investimi, kultivimi dhe ruajtja e unitetit shtetformues është domosdoshmëri e kohës për të ardhmen demokratike të vendit dhe të qytetarëve. Përcaktim imi jetësor ka qenë clirimi i Kosovës dhe kjo ka ndodhur. Edhe sot po e theksoj, përcaktim imi, me gjithë potencialin që kam, është ndërtimi i shtetit të Kosovës. Prandaj, mbi të gjitha sot është objektiv, përcaktim dhe përgjegjësi ndërtimi i shtetit dhe jo marrja me cdo kusht e pushtetit” – theksoi lideri i PDK-së.

[skampin]

ketu paska fol si patriot i vertete,perpara shteti e pastaj interesi partiak.

[LeoHack]

Shum mir ahhaha

[ARIANI_TB]

Xhavit Jashari



Shtyrja e statusit dhe prononcimet e Ahtisarit se pas zgjedhjeve në Serbi do të bëjë të ditur opinionin për statusin e Kosovës, nënkupton se Rezoluta 1244 e njeh sovranitetin e Serbisë mbi Kosovën e që faktori politik dhe institucionet e Kosovës deri më tani nuk kanë pasur guxim që të marrin një vendim për shfuqizimin e kësaj rezolute, e cila qysh prej miratimit të saj ka qenë në mospërputhje me realitetin në Kosovë, tha në një intervistë për Kosovapress Xhavit Jashari, kryetar i Shoqatës së Familjeve të Dëshmorëve të UÇK-së.

Kosovapress: Jemi në prag të festave të nëntorit. Kjo festë e zë Kosovën serish pa zgjidhjen përfundimtare të statusit të saj. Dihet që zgjidhja e statusit është shtyrë për vitin tjetër. Në dëm të kujt shkon kjo shtyrje sipas jush?

Jashari: Për ne, shoqatat e dala nga lufta, nuk është shumë e rëndësishme se a do të jetë fundi i vitit 2006 apo fillimi i vitit 2007. Me rëndësi është se cili do të jetë ai (statusi) dhe a do të jetë në përputhje me vullnetin e popullit dhe luftën çlirimtare të tij, apo do të vazhdojnë lojërat politike për t’i përmbushur apetitet serbe ashtu siç është e përmbledhur në Rezolutën 1244.

Këtë çështje ne e kemi ditur qysh me krijimin e Grupit Negociator. Në momentin kur kanë pranuar të negociojnë lirinë e Kosovës, mendojmë se e kanë humbur besimin te qytetarët e Kosovës, sidomos te kategoritë që i përfaqësojmë ne, sepse ne ua kemi bërë të ditur qëndrimet tona me komunikata dhe prononcime se për gjithçka mund të bisedohet, por jo për lirinë dhe sovranitetin e Kosovës. Atë e kemi fituar me luftën e Ushtrisë Çlirimtare të Kosovës në vitin 1999 dhe e kemi vulosur me gjakun e dëshmorëve, prandaj negociatat për neve kanë qenë të papranueshme dhe faktori kryesor në radhë të parë për këtë është politika vendore, sepse është bërë servile ndaj kërkesave të atyre që kanë interesa të ndryshme e të kundërta me ne. Shtyrja e statusit dhe prononcimet e Ahtisarit se pas zgjedhjeve në Serbi do të bëjë të ditur opinionin për statusin e Kosovës, nënkupton se Rezoluta 1244 e njeh sovranitetin e Serbisë mbi Kosovën e që faktori politik dhe institucionet e Kosovës deri më tani nuk kanë pasur guxim që të marrin një vendim për shfuqizimin e kësaj rezolute, e cila qysh prej miratimit të saj ka qenë në mospërputhje me realitetin në Kosovë.

Kosovapress: Cili apo cilët janë shkaktarët e zvarritjes së statusit përfundimtar të Kosovës?

Jashari: Mendoj se pas përfundimit të luftës së UÇK-së të gjitha pasojat që i kemi sot në Kosovë, si në aspektin politik dhe ekonomik, i bartin institucionet e Kosovës dhe faktori politik vendor, sepse nuk janë të vendosur dhe këmbëngulës në çështje të drejta për zgjedhjen e çështjes së Kosovës.

Kosovapress: Dihet që Grupi i Unitetit dhe politika kosovare kanë pasur takime të shumta si jashtë vendit ashtu edhe brenda për t’i bindur përfaqësuesit ndërkombëtar se zgjidhja e vetme për Kosovën është pavarësia e plotë. Çka mendoni, a është treguar i suksesshëm Grupi i Unitetit dhe politika kosovare në këtë drejtim?

Jashari: Grupi i Unitetit dhe politika kosovare në përgjithësi nuk janë treguar të suksesshëm, sepse po të tregonin një sukses do të ishin transparent ndaj qytetarëve të Kosovës për gjithë procesin dhe bisedimet që kanë pasur me përfaqësuesit ndërkombëtar. Qytetarët është dashur të informohen lidhur me realitetin e këtyre bisedimeve. Kjo të lë të kuptosh se ata që janë në Grupin e Unitetit nuk janë këmbëngulës në zgjidhjen e drejtë të çështjes së Kosovës, sepse shihet kjo e drejtë është në duart e faktorit ndërkombëtar, prandaj sipas rrjedhës dhe situatës që e kemi sot, faktori politik vendor nuk ka treguar aftësi politike për të vendosur për vendin dhe qytetarët e tij.

Kosovapress: Nëse zgjidhja e statusit nuk do të jetë në përputhje me atë për çka është luftuar, dhe me vullnetin e shumicës në Kosovë, a mund të ketë destabilizim të situatës?

Jashari: Lufta e UÇK-së ka qenë luftë e drejtë, sepse është luftuar për liri dhe për çlirimin e tokave të pushtuara. Ne më së miri e dimë peshën e saj. Ne nuk dëshirojmë dhe nuk do të dëshironim që të ketë destabilitet, jo vetëm në Kosovë, por në asnjë vend në Ballkan dhe më gjerë, mirëpo kjo varet nga faktori politik vendor dhe ndërkombëtar, sepse zgjedhja e drejtë e çështjes së Kosovës, pra sovraniteti i saj, përmbyll çdo destabilitet jo vetëm në Kosovë, por edhe në rajon.

Kosovapress: Çka do të ndërmerrnit në të kundërtën Ju si trashëgimtarë të luftës së UÇK-së?

Jashari: Për ne çdo zgjidhje që nuk përputhet me luftën e UÇK-së dhe vullnetin e popullit do të jetë e papranueshme dhe ne në asnjë çast dhe moment nuk do të rrimë duarkryq deri në realizimin e amanetit të dëshmorëve, i cili amanet është jetik për të gjithë ne.

Kosovapress: Tani jemi në nëntorin e shtatë që festojmë në liri, ndërkohë që shumë luftëtarë të UÇK-së janë nëpër burgje. A i besoni drejtësisë në Kosovë pasi keni deklaruar se akuzat ndaj tyre janë politike?

Jashari: Dihet se pas përfundimit të luftës faktori UNMIK në Kosovë, në bashkëpunim me elementë të Serbisë kanë filluar fushatën e tyre ndaj ish- pjesëtarëve të luftës së UÇK-së. Një numër i tyre janë burgosur dhe sot e kësaj dite gjenden nëpër burgje, qoftë në Hagë dhe Kosovë. Ne kemi konstatuar se këto burgosje janë politike dhe të udhëhequra nga shteti serb përmes faktorit UNMIK në Kosovë. E gjithë kjo që ka ndodhur, një pjesë e politikës vendore dhe e institucioneve nuk kanë bërë asgjë për mbrojtjen e vlerave më sublime të luftës së Ushtrisë Çlirimtare të Kosovës. Ne jo vetëm që kemi deklaruar, por jemi plotësisht të bindur dhe besojmë se të gjithë pjesëtarët e UÇK-së që gjenden nëpër burgje janë të pafajshëm për faktin se ata kanë luftuar për liri, dhe e gjithë kjo luftë është zhvilluar në vendin e tyre, pra në Kosovë. Kjo luftë është cilësuar edhe nga faktori relevant ndërkombëtar si njëra ndër luftërat më të drejta nga të gjitha luftërat që janë zhvilluar për lirinë dhe për çlirimin e tokave të okupuara, prandaj duke i referuar kësaj dhe duke i cilësuar dhe njohur aktivitetin e luftëtarëve të lirisë që gjenden në burgje, kemi ardhur në përfundim se këto dënime janë politike dhe nuk kemi se si t’i besojmë kësaj drejtësie.

Kosovapress: Ndërkohë që kategoritë e luftës në vendet tjera kanë të rregulluar statutin e tyre me ligj, në Kosovë kjo çështje ende nuk është rregulluar. Pse është zvarritur deri tani kjo, ku qëndron problemi?

Jashari: Ne kemi kërkuar dhe kërkojmë që statusi i këtyre kategorive të zgjidhet drejt dhe të jetë i favorshëm si për dëshmorët, invalidët, veteranët dhe familjet e tyre. Kemi besim se ligji i cili është harmonizuar me ne si përfaqësues të këtyre kategorive dhe Ministrinë e Punës dhe Mirëqenies Sociale të fillojë zbatueshmërinë e këtij ligji ashtu siç është aprovuar në Parlamentin e Kosovës. Mendoj se me këtë ligj, edhe pse nuk është ligj i përkryer, ai zgjidh shumë probleme të këtyre kategorive.

Kosovapress: Sa jeni të kënaqur me përkujdesjen e institucioneve ndaj vlerave të luftës?

Jashari: Ne deri më tani nuk jemi të kënaqur me institucionet e Kosovës, pasi është bërë shumë pak për këto kategori, por mendojmë se me fillimin e zbatimit të ligjit, që parashihet të fillojë prej 1 janarit 2007, këto kategori do ta kenë mbështetjen institucionale që e përcakton ligji.

Kosovapress: Në çfarë kushtesh jetese ndodhen sot familjet e shoqatave të dala nga lufta. Sa e keni ngritur zërin ju si organizatë për t’i dalë në ndihmë këtyre familjeve. Cili është numri i familjeve të shoqatave të luftës që jetojnë në kushte të vështira dhe që nuk kanë të ardhura?

Jashari: Dihet se gjendja e këtyre kategorive nuk është e mirë, sepse një pjesë e tyre jetojnë në asistencë sociale çka do të thotë se një përqindje e madhe e këtyre kategorive bëjnë jetë për ekzistencë. Ne si shoqata jo vetëm që kemi ngritur zërin, por edhe kemi arritur përmes njerëzve vullnetmirë t’u dalim në ndihmë në forma të ndryshme një numri të madh të këtyre kategorive.

Kosovapress: A ka familje që nuk e kanë të zgjidhur çështjen e banimit?

Jashari: Natyrisht se ka, mirëpo me ndërhyrjen tonë kemi arritur t’u dalim në ndihmë një pjese të tyre. Ky aktivitet vazhdon edhe sot dhe do të vazhdojë deri në zgjidhjen e këtij problemi. Ne kemi kërkuar nga institucionet, të cilat e kanë obligim moral, njerëzor dhe kombëtar, që të kenë një përkujdesje ndaj këtyre kategorive. Zgjedhja e qëndrueshme e të gjitha këtyre problemeve për këto kategori është mbrojtja me ligj./intervistoi: Labinot Gashi/

[ARIANI_TB]

Klasa politike në Kosovë, nuk është e gatshme të përballet me pavarësin e shtetit, kjo po duket më qartë, nga qëndrimet dhe veprimet disfunksionale te saj, edhe tani kur statusi politik i Kosovës, u shtya, jo prerazi për vitin e ardhshëm 2007. Ajo që mund të përmendet në këtë disfunksialitet të qëndrimeve e veprimeve të klasës politike Kosovare, është gjithsesi solidariteti i skajshëm dhe më i pakuptimt me regjimin e UNMIK-ut, tash e shtatë vite në Kosovë. Regjim ky, atidemokratik, i papërfillshëm, madje i ndikuar dhe i manipuluar nga Serbia, arrin të diktoi në mënyra te ndryshme dhe fatkeqësisht lirin dhe vullnetin e shprehur politik te shqiptarve në Kosovë.

Në artikullin e javës së kaluar jo pa te drejtë sygjerova se;“ Potezi i fundit i palës shqiptare, për të mos hyer në mat, është shpallja e pavarësisë, me gjithë problemet e skajshme që ka vendi, i duhej një akt i tillë që përfundimisht, suspendon ndikimin dhe manipulimin e Serbisë me Kosovën “ (shih:artikullin-„Imponimi i Serbisë dhe shtyrja e statusit te Kosovës “ B.R). Mëgjithse një akt i tillë nuk ndodh akoma, më japë të mendoi më qartë, rreth formës dhe lojës aversive, që po i bëhet Kosovës. Mbi këtë logjikë, akoma nuk ka plasur zhurma dhe mobilizimi emocional i „politikanizmit“ shqiptar. Përpos, se Qeveria shqiptare, përmes kryeministrit S.Berisha, dha shqetsimet më të mundshme, për sa i përket manovrimeve te padrejta, që mund t’i bëhen Kosovës. Ky zë i qeverisë shqiptare edhe pse i vonuar, karrshi zërave dhe manipulimit të vazhdushëm te Serbisë, nuk mund te thuhet se nuk qe i mirëpritur nga Kosovaret, me plotë kurajo u përcoll, sepse kjo sikur vetkuptohej se çështja e Kosovës më nuk do të mund të mbyllet sipas dëshirës së Sërbisë.



Ekipi i unitetit apo i papërgjegjëshmërisë



Jo më për çudi, po krijohet konfuzion e nervozizëm ndër ne nga ekipi i unitetit, siç e quajtën vetvetën apo të vet zgjedhurit e negociatave me Serbinë, përkatësisht të procesit te Martti Ahtisaarit, për zgjidhjen e “statusit” të Kosovës, i cili më nuk mund te kuptohet në vete si një proces i mirëfilltë dhe i pa sherr. Me demek, si të kuptohet ndryshe, shtyrja dhe broçkollitjet rreth zgjidhjës së “statusit” të Kosovës, për të cilin u tha se do të ndodhë brenda këti viti. Ndodhi shtyrja dhe marifeti pompoz i deklaratave që parapërcaktuan fatin e keq të këti procesi të vonuar për Kosovën. Në fakt edhe ky proces gadi ngjajshëm po riskenohet të ndodh, si ay në Rambuje të Francës, që u diktua me pro politikë serbe!

Shtyrja e zgjidhjes së “statusit” të Kosovës nuk u alarmua si një rrëzik i vaçant, duke pasur parasysh gjithë boshëllekun e problemeve, që në fakt duken të janë të mëdha dhe evidente. Bile, sikur kjo shtyrje e zgjidhjës së “statusit” të Kosovës, nga ekipi i unitetit, u kuptua si një mundësi relaksuse për vet negociatorët e Vienës. Megjithse këto negociata diku diku u cilsuan si të “mundimshme” dhe te “parezultat”, madje kështu e vet kuptoi edhe ekipi i pales shqiptare. Një detale të tillë e përmenda jo vetëm për t’i kujtuar opinionit të gjërë, se sa papërgjegjshmëri dhe sa angazhim mbartë dhe përfaqson ekipi i unitetit, që përbëhet nga Presidenti, kryeministri, kryeparlamentari, liderët e partive më te mëdha shqiptare.

Masa e gjërë shqiptare duke e mbajtur në mospajtim, shtyrjen e zgjidhjës së “statusit” të Kosovës nuk mund ta arsytoj gjthë këtë në heshtje, sepse ekipi i unitetit e akumolon ndryshe, mos pajtimin dhe mos reagimin e masës. Pra, masë e gjërë shqiptare është e shkëputur nga trupa politike e qendrimeve dhe vendimeve të përbashkëta, madje kjo masë shihet e nëvojshme vetëm dhe vetëm atëherë gjatë dhënjes së madateve politike. Mbi këtë tendencë, politikanizmi aktual e sfidon vetën se sa i papërgjegjshëm është dhe mbetet.



Rezulutë në vend te Statusit



Derisa shtyrja e zgjidhjës së “statusit” të Kosovës, ndërlidhet me zgjidhjet e brendshme në Serbi, dhe nuk përfaqson vullnetin e popullit të Kosovës, deshmon dhe fakton se sa i keq është i diktuar ky proces. Pra, procesi i Martti Ahtisaarit, më tepër ka gjasa të rezultoi në një rezulutë të re për Kosovën, që nuk do të prekë momentalisht në kohë zgjidhjen e ti, por që do ta përmbledhë në vete një zgjidhje kalimtare, në një kohë tjetër, ndofta permes një referendumi të mundshëm. Derisa akoma nuk njohim pakon e M. Ahtisaarit, kemi të drejtën e paragjykimit të kësaj pako, e cila nuk duket edhe aq afirmative politikisht, sepse procesi i zgjidhjës së “statusit” të Kosovës, pësoi ngërqe nga zhvillimet në Serbi, që gjithsesi e deshmojnë se ka varsi dhe diktat nga Serbia. Kjo varsi dhe ky diktat nga Serbia, vitetve të fundit me shumë tentative ka provuar të bëhet i kuptushëm për politikën shqiptare në Kosovë.

Të përkujtojmë se nuk mund te tolerohen edhe më gjatë tentativat e tilla, që duan të bëjnë te kuptushme për shqiptaret, varsi dhe diktate nga Serbia, kjo veçse sjellë apo përseritë skena te rrebelimit në përmasa të mëdha, madje mund të dëmtoi më shumë se anarkia e 17/18 Marsit 2004.

Lënja në këtë mëshirë politike e Kosovës, nuk mund të justifikoi të papërgjegjëshmit, të papërfillshmit sepse për Kosovën është bërë aq sa nuk mund të kthehet një pushtim i tipit të kaluar të sllobizmit, madje nuk mund ta fshehim logjikën se rezerva e politikanve jo të kyqur po mobilizon masën diku.

[Llapi]

ARGUMENTAT E PAVARËSISË - Shkruan: Jakup Krasniqi Gazeta “SHEKULLI” Tiranë





ARGUMENTAT E PAVARËSISË

Shkruan: Jakup Krasniqi Gazeta “SHEKULLI” Tiranë

Këto ditë disa shqiptarë të Kosovës, për shkak të shtyrjes së Statusit Politik, për pak muaj nga Grupi i Kontaktit me propozimin e Ahtisarit, kanë shfaqur shumë shqetësime!!! Shqetësimet e mëdha i kanë shtyrë disa që të vihen në kërkim të argumentave për domosdoshmërinë e njohjes nderkombëtare të pavarësisë e të sovranitetit të Kosovës. Disa, ka kohë që argument kryesor po përpiqen të bëjnë shkrimin e parullave. Është mirë që më në fund kemi demokraci sa për të shkruar parulla në mure pa frikë. Se në një kohë jo të largët, rinia kosovare nuk kishte mundësi të shkruante parulla në vijë të drejt e në pikë të ditës. Asaj i që mohuar e drejta e shkollimit ashtu si edhe e drejta e hapësirës shkollore e universitare. Natyrisht që është mirë të formulohen e riformulohen argumentat për shtetin e pavarur dhe sovran, por nuk duhet të harrohen argumentat kryesor, që i kanë shtyrë qarqet e vendosjes që gjatë këtij viti (2006), të proklamonin domosdoshmërinë e njohjes se vullnetit të shumicës në Kosovë.
Populli i Kosovës gjatë tërë shekullit XX ka krijuar një serë argumentash për të qenë i lirë, për të qeverisur vetvehten, për të administruar e qeverisur me vendin e vet, për të ndërtuar shtetin ligjor e demokratik, për të ndërtuar shtetin e qytetarëve të barabart. Ky ka qenë dhe ka mbetur qëllimi yni jetësor. Ne, shqiptarët e Kosovës, gjatë gjithë përiudhës, gati 100 vjeçare, kemi krijuar shumë argumenta për njohjen e pavarësisë dhe të sovranitetit të shtetit të Kosovës. Argumenti i rëndësishëm është aspirata e popullit shqiptar për liri, për shtet ligjor e demokratik, aspiratë që në kontinuitet nuk është pajtuar me robërinë klasike, me dëbimet dhe shfarosjen që ia ka ofruar pushtuesi i egër, neofashizmi serb. Sigurisht që argumenti më i fuqishëm është lufta nacionalçlirimtare e viteve 1998 – 1999, që populli shqiptar i Kosovës e organizoi dhe e udhëheqi jo pa vështirësi; por tani duhet ta fitojmë edhe paqen, mbase për këtë na u deshtë më shumë kohë dhe nuk do të jetë e lehtë fitorja e paqës. Për të fituar paqen, populli shqiptar e ka argument të fuqishëm vullnetin e shumicës, vullneti i shumicës është parim kryesor i demokracisë. Parim ky që vështirë mund të tejkalohet nga vendet e demokracisë perëndimore, që tërë jetën e tyre shoqërore e shtetërore e kanë ngritur mbi këto parime. Këto janë argumentat që ka krijuar populli shqiptar jo pa sakrifica të shumëta e të dhimbshme, që Bota demokratike nuk ka si mos ti marrë në konsideratë. Kurse vendet e demokracisë perëndimore e kanë edhe një argument tjetër shtesë të fuqishëm, ta denojë e ndeshkojë Serbinë për gjenocidin që ka ushtruar në disa hapësira të ish Federatës Jugosllave, për krimet ndaj njerëzimit që kanë ushtruar në Bosnje dhe Kosovë. Tani me ato krime po merret Tribunali i Hagës. Argument tjetër i fuqishëm i pavarësisë së Kosovës është mbshtetja politike, ushtarake e financiare që e kemi pasur e na vjen nga SHBA dhe BE-ja, mbështetje që është demonstruar fuqishëm edhe këtyre ditëve, si në Vashington ashtu edhe në Bruksel.
Të përfundojmë: Politika serbe në Beograd ka pushuar se menduari, se po të kishte mendim racional atje, politika serbe do të mund të gjente zgjidhje edhe për probleme më të vështira e më të nderlikuara. I ndodhi kjo politikës serbe se në çdo mëngjes të ri për disa dekada, jetonte ditë mesjete. Ajo që po ndodh në mijëvjetshin e ri në Kosovë, në perëndimin demokratikë është arritut në dekadën e dytë të shekullit XX ku: “ nuk ishte më në modë,..., që një komb të zaptonte një territor të mbushur me popullsi të një kombësie tjetër” shkruan Margarit Macmillan në librin e saj: "Paris 1919", botim i Plejadës, Tiranë 2006. Kosovës që atëherë i ishte bërë padrejtësia, Serbia kishte zaptuar tokën e mbushur me shqiptarë. Duke u nisur nga kjo logjikë, nga Logjika e shumices, Uillsoni kishte penguar coptimin e mëtejshëm të Shqipërisë. Njohja e kësaj të fundit kishte ndodhur atëherë fal ndërhyrjes së Presidentit të SHBA-së. Natyrisht, këtu nuk duhet mohuar vetëvendosjen dhe vullnetin e shumicës si parime bazë të Botës Demokratike. Parim ky që e mbrojti fuqishëm në Konferencën e paqes, Presidenti i SHBA-së, Uillsoni. Është koha që padrejtësia e fillimshekullit të kaluar të korigjohet e të njihet nga komuniteti ndërkombëtar. Qyteterët e Kosovës e kanë përmbushur obligimin e tyre qytetarë për të jetuar e ndërtuar shtetin e pavarur dhe sovran të Kosovës.
Autori është Sekretar i Përgjithshëm i Partisë Demokratike të Kosovës

[OO7]

Pavarsi e plote e padiskutuar

[Llapi]

E vetmja gjë që mund ta shtyjë procesin e statusit të Kosovës është destabilizimi i vendit

E vetmja gjë që mund të shtyje procesin e zgjidhjes së statusit të Kosovës është destabilizimi i vendit. Kështu thanë kryeadministratori Joakim Ryker, kryetari Fatmir Sejdiu dhe kreu i opozitës Hashim Thaçi gjatë një debati me qytetarë të komunës së Drenasit. Kryeadministratori Ryker shtoi se për të arritur te caku që synojnë liderët dhe qytetarët e Kosovës duhet ndihma e bashkësisë ndërkombëtare.


Kryeadministratori Ryker, kryetari Sejdiu dhe shefi i opozitës Thaçi kanë zhvilluar sot debat me qytetarët e komunës së Drenasit, në përpjekje për informimin e opinionit në vend për procesin e përcaktimit të statusit dhe nevojën e mbështetjes nga ana e qytetarëve për Ekipin e Unitetit. Kryeadministratori Ryker tha se është i fokusuar në nevojën e domosdoshme që statusi i Kosovës të përcaktohet sa më shpejtë. Sipas tij, pakoja e Ahtisarit do të dorëzohet në fund të janarit dhe pastaj gjatë një periudhe të shkurtë do të bëhet bartja e kompetencave dhe transformimin e pranisë së bashkësisë ndërkombëtare. Ryker shtoi se mbetet i vendosur për të dërguar liderët dhe popullin e Kosovës në cakun ku dëshirojnë, mirëpo për këtë tha ai nevojitet ndihma e bashkësisë ndërkombëtare.

Postuar më: Eh/Radio Kosova & Blue Sky Staff me Dec 05, 06 | 1:20 pm

[Llapi]

Zgjidhja për statusin e Kosovës do të gjendet në muajin shkurt, ose mars

nicholas_burns

Gjeraqina Tuhina, Bruksel

“Të gjithë e dinë se kanë kaluar shtatë vjet nga lufta në Kosovë, nga koha kur janë bërë krime të tmerrshme ndaj popullit shqiptarë në Kosovë, ku janë dëbuar afër 1 milion shqiptarë të Kosovës, që ka qenë ndër krimet më të mëdha në Evropë, pas luftës së Dytë Botërore. Prandaj ka ardhur koha që tash të zgjidhet statusi i Kosovës”, deklaroi në Bruksel zëvendës sekretari i shtetit amerikan Nicolas Burns. Duke folur para gazetarëve sonte /e hënë/, pas përfundimit të ditës së parë të Këshillit ministror të OSBE-së në Bruksel, Burns theksoi se shqiptarët e Kosovës kanë pritur mjaft dhe se ka ardhur koha për zgjidhje të procesit. Ai kërkoi nga shqiptarët e Kosovës që ta ruajnë qetësinë dhe të mos ketë dhunë sepse kjo, sipas tij, në këtë moment është kruciale.

“Kosovarët duhet të jetë tolerantë ndaj serbëve sepse edhe serbët jetojnë në Kosovë tash e 1000 (njëmijë) vjet e, edhe ata, sikur edhe shqiptarët, kanë të drejtë të jetojnë të qetë në Kosovë” ka thënë Burns duke shtuar se “toleranca dhe durimi , e jo dhuna janë rrugë përpara për Kosovën”.

Më herët gjatë ditës, Nicholas Nurnes, kishte deklaruar se “Statusi përfundimtar i Kosovës nuk bën të shtyhet më shumë se 7 vjet, pasi që NATO-ja ndali spastrimin etnik nё vend”.




Përndryshe, nё ditën e parë tё takimit ministror shumica e shteteve qё janё anёtare tё OSBE-sё edhe nё Bashkimin Evropian konfirmuan përkrahjen pёr angazhimet e kryenegociatorit ndёrkombёtar Marti Ahtisarit nё procesin e statusit pёrfundmitar tё Kosovёs.

Ministri i jashtёm i Shqipёrisё, Besnik Mustafaj, gjatё paraqitjes sё tij kёrkoi qё procesi i statusit tё Kosovёs tё pёrfyndojë sa mё parё, mё sё largu menjёherё pas zgjedhjeve nё Serbi. Duke rikonfirmuar angazhimet e Ahtisarit, Mustafaj nёnvizoi se Tirana zyrtare konsideron se zgjidhja pёrfundimtare duhet tё respektojё vullnetin e shumicёs nё Kosovёs, pёr njё shtet tё pavarur me perspektivё evropiane.

Takimi ministror i Organoizatёs pёr Siguri dhe Bashkёpunim nё Evropё ishte gjithahstu rast qё edhe njё herё tё konfirmohet zyrtarisht integriteti territorial i Gjeorgjisё dhe Moldavisё. Pritet qё edhe nё dokumentin përfundimtar, të martën, konfirmohet ky qdnrim sa i pёket Gjeorgjisё dhe Moldavisё, ndёrsa sipas tё gjitha gjasave formulimi i integritetit territorial nuk do figurojё nё kapitullin e Serbisё.

Ministri i Jashёtm i Sllovenisё, Dimitrij Rupell, deklaroi se respektimi i integritetit territorial ёshtё parim universal, por se nё rastin e Kosovës dhe Serbisё situata qёndron ndryshe.

“Problemi i Kosovёs dhe Serbisё ёshtё tejet delikat, sepse çfarëdo zgjidhje qё tё gjendet, ajo mund tё tentohet tё shfrytёzohet nga tё tjerёt nё formё precedenti”, deklaroi Rupel.

Duke folur pёr zgjidhjen pёrfundimtare, Rupel tha se “kompromisi i kërkuar ndoshta nënkupton edhe periudhën transitore, e cila do relaksonte rrethanat nё terren.


Postuar më: sb blue sky & radio kosova staff me Dec 04, 06 | 8:09 pm

[Alienated]

Ka shume mundesi sipas te gjitha gjasave qe Kosoves t'i jepet perkohesisht nje Pavaresi e Kushtezuar nen mbikqyrjen e Komunitetit Nderkombetar, e cila me pas te zhvillohet drejt nje Pavaresie te plote.

Gjithsesi, enderra e cdo shqiptari do ishte qe Kosova te jete njehere e pergjithmone ne vete dhe te administroje vet me ato qe ka.