Statusi i ardhshem i Kosovës!

[ARIANI_TB]

Shkruan:

Xhevat Bislimi

U tha e ç’nuk u tha për nismën e disa deputetëve për shpalljen e Kosovës shtet të pavarur dhe sovran nga Kuvendi i Kosovës ose për organizimin dhe mbajtjen e REFERENDUMIT për këtë çështje. U gjend edhe ndonjë anëtar i Kryesisë së Kuvendit që tha se «kërkesa për referendum është kopje e Serbisë». Ky ishte kualifikimi më i rëndë, ishte fyerja dhe përbaltja më e madhe që i bëhej të drejtës universale për REFERENDUM dhe vullnetit të popullit për jetë të lirë dhe të pavarur. Nisma e deputetëve të Kuvendit të Kosovë nuk mund të ishte «kopje e nismës së Serbisë», sepse ishte përpara nismës dhe vendimit të Serbisë për referendum. Pastaj Serbia është bërë shtet që moti dhe nuk ka nevojë as ta shpallë shtetin as të bëjë referendum për shtetin. Ajo po bënë referendum për miratimin e projektkushtetutës së saj dhe për ripërfshirjen e Kosovës në atë kushtetutë… Ka edhe një moment të rëndësishëm që po heshtet nga zyrtarët e «lartë» të partive dhe institucioneve të përkohshme të krijuara nga UNMIK-u. Në kërkesën e nënshkruar nga 28 deputetë kërkohej edhe që Kuvendi ta kundërshtonte «decentralizimin» (ricopëtimin e Kosovës). Arsyeja e tërbimit të «lidershipit» ishte përkrahja e madhe që mori kjo nismë nga deputetët e të gjitha grupeve kuvendare. Vetëm për një ditë kërkesa u nënshkrua nga njëzetë e tetë deputetë. Po të vazhdonte nënshkrimi i kësaj nisme ajo do të përkrahej dhe nënshkruhej nga shumica e deputetëve. Kërkesa për referendum erdhën në Kryesinë e Kuvendit të Kosovës edhe nga partitë dhe shoqatat e Gjilanit dhe nga ato të Vitisë. Në këto komuna u organizua edhe peticion kundër «decentralizimit».

Në Gjilan ky peticion u nënshkrua nga 20 mijë qytetarë, kurse në Viti vetëm për një javë u mblodhën 11 mijë nënshkrime. Nuk kishte qytetarë që nuk pranonte ta nënshkruante peticionin kundër «decentralizimit». Peticioni në Viti kishte këtë përmbajtje: “Nën maskën e “DECENTRALIZIMIT”, qarqe të caktuara ndërkombëtare dhe vendore po e copëtojnë komunën e Vitisë dhe Kosovën e sotme! Nën maskën e “decentralizimit” 30% e territorit të Kosovës shqiptare po shndërrohet në territor serb! Nën maskën e “decentralizimit” Kosova do t’i ketë dy kryeqytete: Prishtinën për shqiptarët dhe Graçanicën për serbët! Nën këtë maskë kobzezë për Kosovën dhe shqiptarët, Kosova do t’i ketë dy sisteme të sigurisë, dy sisteme të drejtësisë, dy sisteme të arsimit, dy sisteme bankare, etj.! Nën maskën e “trashëgimisë kulturore” në Kosovë do të ketë zona të mbrojtura për kishat ortodokse! Nën maskën e “kthimit të qëndrueshëm” po përpiqen ta rikolonizojnë dhe sllavizojnë Kosovën shqiptare! Nën maskën e “dialogut dhe të bisedimeve” po tentohet të “harrohet” dhe “rehabilitohet” dhuna, terrori, gjenocidi dhe holokausti serb në Kosovë! Nën këto maska tragjike për Kosovën dhe popullin e saj, Kosova kurrë nuk do të jetë shtet sovran dhe i pavarur… Nëse pranohen dhe zbatohen (imponohen) këto zgjidhje, Kosova do të shndërrohet në një burim të përhershëm tensioni, konflikti, pasigurie…

Prandaj, ne qytetarët e komunës së Vitisë jemi kundër “DECENTRALIZIMIT” dhe kundër politikave që rrezikojnë të drejtën e popullit të Kosovës për jetë të lirë dhe të pavarur, për shtet të pavarur dhe Sovran dhe jemi kundër politikave që rrezikojnë paqen, sigurinë dhe stabilitetin e Kosovës dhe të rajonit…”. Ky peticion iu dërgua Kryesisë së Kuvendit të Kosovës, Qeverisë amerikane dhe Këshillit të Evropës. Një kopje e tij iu dorëzua në dorë edhe kryetarit të “grupit negociator”, Fatmir Sejdiut, i cili, i shtyrë nga UNMIK-u, kishte ardhur në Viti ta “arsyetojë” copëtimin e Kosovës. Grupi i këshilltarëve të PDK-së në Viti, pasi ia dorëzoi këtë peticion (përgjigjen e popullit të Vitisë), doli nga salla, sepse nuk denjoi të dëgjonte pallavrat e Fatmir Sejdiut.

Trysnia e shumë deputetëve, e disa komunave dhe e organizatave dhe shoqatave të ndryshme (veçmas shoqatat e UÇK-së) e shtrëngoi parinë e Kuvendit të Kosovës dhe të partive kryesore të bëjnë një deklaratë të mjerë kundër përfshirjes së Kosovës në preambulën e kushtetutës shoviniste serbe dhe kundër mbajtjes së referendumit serb në Kosovë… Ky ishte një reagim vërtetë i mjerë, pa asnjë efekt dhe i pa dinjitet. Synim kryesor i kësaj deklarate ishte “qetësimi” (mashtrimi) i shpirtit të trazuar të popullit dhe përpjekja e dëshpëruar për t’u dëshmuar “patriotë”. «Elita» politike e Kosovës edhe kësaj radhe u dëshmua frikacake, siç është, dhe gjithnjë e më e rrezikshme për lirinë dhe interesat e popullit shqiptar. Kjo «elitë» edhe njëherë dëshmoi se nuk ka guxim dhe burrëri ta përfaqësojë dhe mbrojë vullnetin, dëshirën, krenarinë dhe sakrificën e popullit shqiptar ndër shekuj për liri. E kapur me lloj-lloj dosjesh, «elita» politike e Kosovës u kënaq me një deklaratë (paçavure), që nuk i prish punë as disa qarqeve të caktuara antishqiptare në botë dhe as Serbisë, e cila po tallet me këtë «elitë» (grup negociator) të Kosovës.

Shpallja e Kosovës shtet i pavarur dhe sovran ose organizimi i referendumit nuk hyri në rendin e ditës të mbledhjes së fundit të Kuvendit edhe pas dorëzimit të kërkesë me shkrim nga ana e shtatë deputetëve (siç parashihet me rregulloren e Kuvendit). Arsyetimet e kryetarit të Kuvendit dhe të anëtarëve të Kryesisë ishin vërtetë fëminore dhe qesharake. Njëri prej tyre tha se «ne kemi zgjedhur një grup negociator për t’u marrë me çështjen e Kosovës, prandaj nuk kemi si të ndërmarrim veprime të tjera, ose duhet ta shkarkojmë këtë grup e pastaj… ». Ky zotëri, anëtar i Kryesisë dhe mbarë bota e dinë se “grupi negociator” nuk është zgjedhur nga Kuvendi, por nga Holkeri dhe është shpallur nga Rugova. Në Kuvend ky grup nuk i ka marrë votat, prandaj edhe nuk kishte votim të rregullt (shikojeni procesverbalin e mbledhjes). Pastaj, ky grup, edhe po ta zëm se u pranua nga Kuvendi, nuk kishte mandat të bënte asnjë marrëveshje me Serbinë pa pëlqimin e Kuvendit.

Paraqitja e «raportit» nga ky grup para Kuvendit (post festum) dhe debati që u bë për të dëshmoi më së miri se ky «grup» nuk e ka përkrahjen e Kuvendit. Të gjendur para kërkesave për shkarkim, dorëheqje dhe para kritikave të rrepta të deputetëve, ata nuk guxuan ta hedhin në votim raportin, sepse nuk do t’i merrte as dhjetë vota.

Nuk ka shqiptar në Kosovë dhe jashtë saj që nuk e ka të qartë se marrëveshjet që «grupi negociator» i Kosovës ka bërë me Serbinë janë tepër të rrezikshme dhe kërcënuese për lirinë e Kosovës dhe të mbarë popullit shqiptar, për paqen, sigurinë dhe stabilitetin në rajon e më gjerë. Me këto «zgjidhje» që ka pranuar ky «grup» e ka humbur legjitimitetin (nëse e ka pasur ndonjëherë) e përfaqësimit të Kosovës dhe popullit të saj.

Prandaj, nëse Kuvendi nuk e shpallë (siç nuk po e shpallë) menjëherë Kosovën shtet të pavarur dhe sovran (kërkesë minimale e popullit shqiptar) ose të organizojë menjëherë referendum për këtë çështje, populli i Kosovës duhet të kërkojë rrugë dhe forma të tjera për përmbushjen e vullnetit të tij…

Shtatë vjet pas Luftës Antipushtuese çlirimtare të UÇK-së dhe të mbarë kombit shqiptar, pozita e Kosovës është degraduar shumë. Përgjegjësinë kryesore, në mos të vetme, për këtë gjendje e ka dhe e mbanë klasa politike dhe institucionale e Kosovës dhe veçmas “ELITA” ose “lidershipi”, siç u pëlqen të vetëquhen. Paaftësia, papërgjegjshmëria dhe kolaboracionizmi i kësaj “elite” e morën në qafë Kosovën dhe popullin e saj. Politikat ose më saktë zvarritja e kësaj “elite” pas politikave që gatuhen në kuzhinat më antishqiptare po e qojnë Kosovën dhe rajonin drejt konflikteve të reja. Kjo “elitë” politike nuk përfaqëson më vullnetin dhe interesat e popullit të Kosovës. Prandaj mund të përfundojmë se kjo “elitë” ka vetëm dy rrugë: o kopje e popullit të saj, o kopje e Serbisë… Ka edhe një rrugë origjinale, të cilën kjo «elitë» nuk e ka ndjekur kurrë: të jetë kopje e Shqipërisë. Kjo do të ishte rruga më e mirë, më e sigurt, më e pranueshme dhe e vetmja që do të siguronte zgjidhje të përhershme, e cila do të prodhonte vetëm paqe, siguri dhe stabilitet edhe për mbarë rajonin. Kësaj rruge të drejtë dhe e vetmja e sigurt po i shmanget edhe Tirana zyrtare, e cila më shumë po preferon të merret me çështje ideologjike, fetare dhe me interesa e politika tjera partiake e klanore të ditës se me çështjen e pazgjidhur shqiptare, zgjidhja e së cilës do të hapte rrugë për zgjidhjen e të gjitha çështjeve tjera…

Kam përshtypjen se edhe «heshtja» dhe «pritja» e mërgatës shqiptare duhet të përfundojë… Mendoj se është koha që mërgata jonë të vihet në «lëvizje» për mbrojtjen dhe përfaqësimin e kërkesave dhe të interesave të popullit shqiptar, veçmas të Shqipërisë së pushtuar…

[ARIANI_TB]

Deklaratë për media e z.Emrush Xhemajli, deputet i LPK-së në Kuvendin e Kosovës


Krerët e Kuvendit, frenuesit konkretë të Pavarësisë dhe Sovranitetit të vendit

Prishtinë, 19 tetor 2006


A i dëgjuat krerët e Kryesisë së Kuvendit të Kosovës çka deklaruan pas një mbledhjeje të mbajtur më 16 tetor dhe në seancën plenare të mbajtur më 19 tetor në Prishtinë: “Kosova – sipas tyre - nuk ka nevojë për kopjim as të Malit të Zi, as të Serbisë”. Më herët nuk ka pasur nevojë të kopjojë as Bosnjën dhe as Kroacinë, as Slloveninë dhe as Maqedoninë, dhe asnjë vend tjetër të pavarur. Krerët e Kuvendit duan të jenë aq kreativ e aq nxënës korrekt saqë nuk duan të kopjojnë. Por shpejt deklarojnë se nuk është fjala vetëm për kopje, por gjoja: “Kosova nuk ka nevojë të marrë akte të njëanshme”. Për referendum? Për referendum “kurrë nuk është vonë” – thonë ata, sepse vërtetë atyre kurrë nuk do t’u bëhet vonë. Ata pranuan të shtyhen zgjedhjet për shkak të statusit. Ndërsa ata ndërkombëtarë qësugjeruan që të shtyhen zgjedhjet në Kosovë po e shtyjnë statusin, edhe ashtu jo final, për shkak të zgjedhjeve në Serbi. Dhe askush për këtë nuk skuqet fare.

Dëgjojeni se nuk e paskemi ditur: Kryesia nuk mund ta shpall Referendumin? Por është shumë kompetente që ta ndalë votimin në Kuvend që të deklarohen deputetët për të hyrë në procedurë kjo çështje ose jo. Kjo lihet në dorë të tre katër shefave të grupeve parlamentare. Dhe këta shefa janë ata që me presion i kanë detyruar deputetët që të tërheqin nënshkrimet drejtuarKryesisë për organizimin e Referendumit. Kosova gjithashtu nuk paska “ligj për Referendum dhe nuk e paska të numëruar popullsinë”. Kur janë në pyetje zgjedhjet e votimet ka ligje e ka lista votuesish. Për referendume, për pavarësi e sovranitet ndryshon puna, u dashka të presim. Të njëjtit krerë që u treguan të zotët të heqin, në kundërshtim me Rregulloren, çështjen e referendumit të Kosovës u treguan plotësisht të paaftë që të ndalin Referendumin antikosovë të Serbisë në territorin e Kosovës.

Krerët e Kuvendit, sikurse Grupi i Kosovës për Statusin e vendit, nuk i kanë kuptuar ose më mirë të themi nuk duan t’i dinë disa gjëra të thjeshta, por që janë esenciale.

E para: Pavarësia dhe sovraniteti i vendit në vetvete është akt i njëanshëm. Ai Kuvend dhe ai popull që nuk është i gatshëm të bëjë këtë akt të njëanshëm vetë pajtohet të jetojë i varur dhe nën sovranitetin e të tjerëve.

E dyta: Referendumi dhe Pavarësia është diçka që e kanë zbuluar të tjerët jashtë Kosovës dhe Serbisë, dhe Kosova nuk ka tjetër alternativë pos të bëjë atë që kanë bërë të tjerët, nëse guxon ta bëjë realitet këtë akt, pra në një farë forme të kopjojë të tjerët. Por, ata ngulin këmbë. Nuk duan të kopjojnë referendume e pavarësia. Ata janë kreativ. Por edhe rruga e tyre e sotme nuk është aspak origjinale. Sa për dijeni edhe kjo që bëjnë e thonë është kopje. Për më tepër ajo është kopje e keqe e politikës së 30 viteve të fundit të politikanëve sehirxhinj të Kosovës.

Dhe e treta: Krerët e Kuvendit të Kosovës ende nuk e kanë kuptuar dhe nuk duan ta kuptojnë se koha ka qenë kaherë për Referendum dhe për rregullimin e statusit të vendit, për shkak të nevojës që ka Kosova. Populli ka pengesa të shumta në këtë rrugë nga shumë drejtimeve. Kosova ka shumë frenues në rrugën e vetë të pavarësisë dhe sovranitetit, por në radhën e frenuesve të mëdhenj janë vetë krerët e vendit.

[ARIANI_TB]

Statusi i ardhshëm i Kosovës - rigrupim i misionit ndërkombëtar

XHEMAJLI: Grupi që po e bënë pazar Kosovën ka pranuar të papranueshmen. Ka pranuar këshilla ndërkombëtare, sipas të cilave Kosova duhet të përmbahet ndaj vendimeve të njëanshme. Donë të thotë nga vetëvendosja, sovraniteti, dhe të negociojë fatet e vendit me Serbinë që vazhdon agresionin. Dhe këtë mashtrim vetëdijshëm e kanë pranuar anëtarët e delegacionit.

Organizuar nga Këshilli i Rrethit të LPK-së në Besianë, është mbajtur debat me qytetarë me temën gjendja politike në Kosovë, ku morën pjesë Emrush Xhemajli, kryetar i LPK-së dhe deputet në Kuvendin e Kosovës, Albin Kurti, lider i Lëvizjes Vetëvendosje, dhe Rifat Blaku, demograf.

Salla e tetatrit të qytetit, ku u mbajt debati, ishte e vogël për të nxënë të gjithë ata që ishin të interesuar për të marr pjesë në këtë debat. Interesimi shumë i madh i qytetarëve për të marrë pjesë në këtë debat flet vetvetiu për rëndësinë e debateve të tilla, që për synim kanë të informojnë qytetarët për gjendjen reale në të cilën ndodhet Kosova dhe rreziqet që po e presin për shkak të kësaj gjendjeje.

Debatin e ka hapur kryetari i KRr të LPK-së në Besianë, z.Tefik Durmishi, i cili pasi ka përshëndetur pjesëmarrësit në debat, fjalën ia ka dhënë kryetarit të LPK-së, z.Emrush Xhemajli, njëkohësisht edhe deputet në Kuvendin e Kosovës.

Z. Emrush Xhemajli fillimisht ka përshëndur organizatorët, Këshillin e Rrethit të LPK-së për Besianë dhe kryetarin e saj z. Tefik Durmishin, bashkëpjesëmarrësit në këtë debat, posaçërisht bacën Osman Zhitia dhe të gjithë familjarët e dëshmorëve, invalidëve të luftës, bashkëluftëtarët dhe gjithë qytetarët që ishin prezent.

Qe 7 vjet, pra nga viti 1999, Kosovës i është marrë koha që shkoi dhe po i merret edhe koha e ardhshme. Ajo është e ndaluar dhe nuk po lihet të punojë normalisht sikurse punojnë vendet tjera për ardhmërinë e vetë, u ka rikujtuar qytetarëve pjesëmarrës në këtë debat z.Xhemajli.

Statusi i shumë reklamuar, si status final dhe si status i ardhshëm i Kosovës, në fakt është një rigrupim i misionit ndërkombëtar. Ky mision do të jetë vetëm ndryshim i formës dhe i ngjyrës, por në esencë do të jetë mision i njëjtë i udhëhequr nga OKB-ja, ndërsa BE do të ketë detyra zbatuese. Pra, bëhet fjalë për vazhdim të status kuos edhe për një kohë të pa definuar me rreziqe të garantuara për stabilitetin e Kosovës, por edhe të rajonit.

UNMIK-u, qeverisësja e vërtetë e Kosovës, kaherë është komprometuar dhe nuk i beson kush më në Kosovë. Duhet marrë me shumë rezervë veprimtaria e ardhshme e tij dhe kalimi i kompetencave te misioni i ardhshëm. Por edhe ky mision nuk e fsheh veprimin despotik të vetin. Ai nuk është i zgjedhur, por ai ka krijuar IPVQ-të të cilat nuk punojnë për zgjedhësit po për UNMIK-un.

Dhe IPVQ-të në Kosovë janë katandisur si mos më keq dhe s’mund të luajnë më rolin për çka janë formuar.

Grupi i quajtur i Unitetit është unik vetëm në ato kërkesa që vijnë jashtë Kosovës dhe është jashtë kontrollit të Kuvendit e popullit. Pavarësia, sovraniteti dhe vetëvendosja janë akte të njëanshme. IPVQ-të dhe Grupi që po e bënë pazar Kosovën ka pranuar të papranueshmen. Ka pranuar këshilla ndërkombëtare, sipas të cilave Kosova duhet të përmbahet ndaj vendimeve të njëanshme. Donë të thotë nga vetëvendosja, sovraniteti, dhe të negociojë fatet e vendit me Serbinë që vazhdon agresionin. Dhe këtë mashtrim vetëdijshëm e kanë pranuar anëtarët e delegacionit. Për më tepër delegacioni i Kosovës është frikësuar ndaj kërcënimeve të botës se ai që merr veprime të njëanshme, qoftë Kosova, qoftë Serbia gjoja do të braktisen nga bashkësia ndërkombëtare. Por, veprimet serike të njëanshme të Serbisë, si Kushtetutën dhe Referendumin kundër Kosovës jo vetëm që nuk po i kundërshton bota por është duke i mbështetur ato. ’Ndalu të presim çka po bënë njëherë Serbia’ - u shprehën shumë qartë të gjitha qendrat e vendosjes botërore.

Veprimet e njëanshme kundër Kosovës po i vështrojnë me indiferencë dhe në heshtje Kuvendi i Kosovës, përgjegjës edhe për sjelljen e Grupit Negociator. Objektivisht edhe Grupi Negociator dhe Kuvendi i Kosovës, me mosveprimet e veta të natyrshme për ndërtimin e pavarur të sovranitetit të vendit de jure e de facto janë duke pritur çka po bënë Serbia.

Në Kuvendin e Kosovës, që tash praktikisht është i bllokuar dhe jofunksional, para një viti i kemi grumbulluar 13 nënshkrime nga deputetët për të futur në procedurë nismën për Unionin Shqipëri Kosovë. Dhe e kemi detyruar Kryesinë e Kuvendit që të tregojë veten me bllokimin e saj. Evoluimi negativ i deputetëve të Kuvendit të Kosovës është aq i madh sa nuk do ta besonte askush. Tash për Referendumin për Pavarësi dhe Sovranitet të Kosovës mezi janë bërë 7 nënshkrime. Pas intervenimit të shefave partiak hiq më pak se 21 deputetë janë tërhequr nga nisma në fjalë.

Presidenca mediatikisht mbahet më me kompetenca nga që ka në realitet dhe në këtë mënyrë komentet e presidentit janë boshe dhe ndonjëherë qesharake. Tubimet e njëpasnjëshme të presidencës janë të tipit të viteve të ’80-ta ku politikisht e kishin për detyrë të thonin se Kosova nuk po humbë asgjë me masat që merrte Beogradi kundër saj. Edhe sot thonë të njëjtën gjë. Kosova nuk po humb asgjë në situatën që po kalojmë. Në thelb nuk ka asnjë dallim. Dallimi i vetëm është se dikur Isa Mustafa, - diferencuesi këshilltar e kishte Fatmir Sejdiun -, ndërsa tash është e kundërta. Nëse e keni parë edhe televizorin Fatmir Sejdiu në këto tubime e ka këshilltar Isa Mustafën. Dhe besojmë se ky i fundit ka përvojën e viteve ’80 dhe ka çka e mëson.

Puna e Kryeministrisë është e pa efekt. Ndoshta duket ironike por në kabinetin qeveritar pyeten e përgjigjen të gjithë. Pyetet ndonjëherë edhe ai që duheshe të ishte përgjegjës, Kryeministri.

Ministritë vazhdojnë të jenë të përfolura dhe të pa përkrahura, por edhe të pa buxhet. Skandalet e njëpasnjëshme me të drejtë e kanë tronditur Kosovën. Por, këto që dihen janë vetëm ajo çka del në sipërfaqe. Sa të tjera që nuk dalin fare janë të proporcioneve të paimagjinueshme.

TMK-ja e zbehur pas goditjeve të njëpasnjëshme dhe ndërhyrjeve brutale në të.

Partitë politike që janë në grupin e Unitetit e kanë treguar fytyrën e vërtetë dhe nuk e kanë besimin e dikurshëm te qytetarët. Veç tjerash ata tani janë përçarë dhe po qërojnë hesapet edhe fizikisht në mes veti. Në to mbretëron fryma e terrorit, e shantazhit e komploteve dhe e falsifikimeve të zgjedhjeve e votimeve. Për demokraci të brendshme as që mund të bëhet fjalë.

Ekonomia është në stagnim, ndërsa gjendja sociale e qytetarëve në rënie të vazhdueshme.

KFOR-i, si dhe pjesa speciale e SHPK-së, që komandohet nga stafi ndërkombëtar, janë të vetmit efikas në terren që e mbajnë gjendjen e tashme.

Thënë me një fjali, në Kosovë gjithçka është e brishtë dhe pezull.

Gjendja e krijuar është baza e revoltave, të cilat, ndonëse po ziejnë, kokën e kanë nxjerr vetëm pjesërisht dhe herë pas herë në formë të protestave të intensitetit të vogël.

A mund të mbajnë situatat e ardhshme vetëm mekanizmat e detyrimit me dhunë, kjo është pikëpyetje e madhe. Ndërsa, është e sigurt se shpërthimet e revoltave do të ndodhin, sepse ka mjaft indikacione se për to është dakord edhe politika dhe politikanët, që sot realisht e sundojnë Kosovën përmes formulës “përçaj e sundo” me shpresë se përsëri do të menaxhojnë ngjarjet kundër Kosovës.

Gjatë kësaj periudhe edhe më mirë ka dalë në pah se kanë dominuar ato forca ndërkombëtare që nuk e kanë dashur dhe nuk kanë punuar për stabilitetin në Kosovë dhe integrimin e pakicave në Kosovë dhe integrimin e minoritetit serbe. Nuk e kanë dashur këtë me qëllim që këtë situatë ta përdorin për akuzë kundër shumicës shqiptare dhe për vazhdimin e status kuos, përkatësisht sundimit të Kosovës.

Edhe gjatë kësaj periudhe është konstatuar fakti se Beogradi dhe shumica e serbëve të manipuluar në Kosovë janë duke stimuluar të frikësuarin dhe mungesën e lëvizjes së lirë dhe mungesën e të drejtave të tyre. Ata janë në ofensivë dhe janë të frikësuar aq sa është i frikësuar ai që sulmon. Ata janë duke dominuar në vendimet politike që merren për Kosovën dhe në këtë kuptim ata, edhe pse janë pakicë, janë duke e sunduar Kosovën. Përfaqësuesit publik të serbëve asnjëherë nuk shprehen pozitivisht për të drejtat që i takojnë shumicës në Kosovë në kohën kur çdo ditë përfaqësues të shumicës shqiptare duhet të shprehen se i garantojnë privilegjet e tyre. Po vazhdon mentaliteti dominues i serbëve në Kosovë, i cili e ka ushqyer dhe po e ushqen më shumë se gjithçka tjetër urrejtjen në Kosovë.

Riciklimi i mashtrimit këto 7 vite ka pasur këtë rrugë: Serbia vazhdon agresionin kundër Kosovës dhe shtron kërkesa te UNMIK-u. UNMIK-u dëgjon Serbinë dhe kërkesat ia prezanton Institucioneve të Kosovës sikur të ishin të bashkësisë ndërkombëtare. Krerët e institucioneve të Kosovës dëgjojnë UNMIK-un dhe kërkojnë nga populli që të pranojë politikën në fjalë sepse janë të zgjedhur.

Dallimi në mes të tubimeve që i mbajmë ne dhe përfaqësuesit e institucioneve dallojnë plotësisht. Ne po ju ftojmë të jeni aktiv dhe të zgjuar. Ata po ju ftojnë, si gjithmonë, të jeni të shkujdesur, të jeni pasiv dhe të bini në gjumë.

Ata që janë duke u përpjekur të vënë popullin në gjumë, në kohën kur vendi nuk ka pavarësinë dhe populli sovranitetin, për mendimin tonë duhet të përgjigjen herëdokur për këtë veprimtari kriminale.

Kosova ka nevojë për politikë autoktone, sepse e importuara, a po e shihni se doli mall i skaduar. Në drejtim të një politike vendore janë duke u bashkuar forcat dhe këtë tubim duhet kuptuar si një nga veprimtaritë që na qojnë në këtë drejtim.

Ju thërras të bashkohemi rreth subjekteve politike që nuk janë në Grupin Negociator që kanë qëllim të përbashkët. Ju ftojë që gjithë qytetarët të ndihmojnë në mënyrën e tyre dhe t’i injoroni të gjithë ata që thërrasin për qetësi, derisa vendi ynë të vendos vetë për të ardhmen e vet, ka përfunduar fjalimin e tij z.Emrush Xhemajli.

Lideri i Lëvizjes Vetëvendosje, z.Albin Kurti ka folur për decentralizimin, enklavat serbe, dhe Grupin Negociator.

Ai ka thënë se në vend të Londrës 1913, tani kemi Vjenën 2006, e cila ka për qëllim copëtimin e trojeve shqiptare. Kjo që po ndodhë sot, është vazhdimësi e Rambujesë së vitit 1999. Por, Rambujeja e kishte një simbol, e kishte z.Adem Demaçin, i cili qysh atëherë ka treguar qëllimin e Rambujesë dhe kjo po vërtetohet sot. Nuk është rastësi që të njëjtit politikanë të Rambujesë sot po e vazhdojnë Vjenën.

Në vazhdim Kurti ka folur për krijimin e komunave të reja serbe, me ç’rast ka ofruar hartat se si do të dukeshin ato dhe tendencën e serbëve për të uzurpuar sa më shumë territore të shqiptarëve dhe rrezikun që paraqet kjo tendencë.

Të 21 kishat dhe manastiret me territorin që dëshirojnë ta marrin, kanë si qëllim të marrin vende strategjike dhe aty të vendosen forca ushtarake dhe të përgatiten për ndonjë sulm të ri të Serbisë ndaj Kosovës, ka thënë Kurti.

Sot nuk mund të hyhet në këto manastire dhe as të kalohet afër tyre. Tani, po thirren në trashëgimi kulturore të serbëve, e kjo ka qenë trashëgimi kulturore e Kosovës dhe e shqiptarëve. Mirëpo, këtë e ka mundësuar Grupi Negociator. Angazhimi ynë për liri dhe ruajtje të territorit duhet të jetë me kundërshtimin e decentralizimit.

Popujt që e kanë lënë në gjysmë të rrugës lirinë, e çlirimtarët u janë burgosur, janë palestinezët dhe populli kurd, e kjo i ka ngjarë edhe Kosovës, - ka thënë mes tjerash z.Albin Kurti.

Dr. Rifat Blaku, demograf, ka folur për anët e padukshme të politikave të armikut. Ai tha se 58% të territoreve, shqiptarëve iu morën në Konferencën e Londrës. 98% e popullsisë së territoreve që i janë dhënë Serbisë ishin shqiptarë. Ndërkohë territoret shqiptare vazhduan të rrudheshin edhe më shumë.

Megjithatë, brezi ynë i përgjakur arriti që më në fund ta bindë diplomacinë e përgjumur, por kjo diplomaci ende heziton që të jap një liri të plotë. Kështu, realiteti i ri strategjik dhe gjeostrategjik i fituar me luftën e UÇK-së është duke u shkelur. Këtu po ndodhë një mashtrim politik duke u quajtur decentralizim, e po merren troje shqiptare. Kosova, sot po humb territore më shumë se në të gjitha kolonizimet e kaluara që i janë bërë.

Situata e krijuar është shpërfillje, shkelje e luftës dhe e të gjithë të rënëve dhe për këtë, nuk ka falje, andaj duhet pasur kujdes se si po sillemi, ka tërhequr vërejtjen demografi dr.Rifat Blaku.

Qytetarët u parashtruar shumë pyetje pjesëmarrëse, z.Emrush Xhemajli, z.Albin Kurti dhe z.Rifat Blaku, nga të cilët morën përgjigjet.

Në mbyllje të debatit organizatori, Tefik Durmishi, kryetar i KRr të LPK-së për Besianë, z.Shaip Haxhiu ia dha dhuratën pikturë-portret i Adem Demaçit, punuar nga piktori Sokol Xhahysa për t’ia dërguar z.Adem Demaçi, i cili për shkaqe shëndetësore, edhe pse kishte paralajmëruar, nuk ka mundur të marrë pjesë në debat.

Ndërsa të pranishmëve iu dhuroi nga një libër të autorit Adem Gashi ”a... Zh” që i kushtohet dëshmorit të kombit Afrim Zhitia.

[Barbarosa]

Sot ne gazeten Express ne Prishtine eshte botuar ne menyre ekskluzive pakoja e statusit te ardhshem te Kosoves.

Ja disa nga pikat qe mu kan dukur te nevojshme ti paraqese ketu:

Fjala "Pavaresi" nuk permendet ne tekst akund

Bashkimi Evropian merr siq thuhet ne dokument "Sovranitetin" dhe do te vazhdon qe bashkesia nderkombetare ti ushtron detyrat e saja ne fusha shum te rendesishme ne Kosove.

Shtet pa ulese ne OKB,pa ministri te jashtme,pa ministri te mbrojtjes dhe mbi te gjitha shtet pa ushtri.

Decentralizimi do te behte sipas formules tashme te njohur 5+1 ku parashihet formimi i komunave etnike serbe ne kosove si ajo e Ranillukes,Graqanica,Mitrovica veriore,Parteshi,Kllokoti dhe zgjerimi i Novo Berdos apo Artanes.
Edhe pse ne ato pjese jan nenshkruar peticioni me mbi 170.000 nenshkrime kunder ketij plani antikombetar.

Mandej parashihet qe me se largu deri ne vitin 2007 te vjen nje rezolut e re e KS te OKB-se mbi Kosoven .

Fjala "ushtri" nuk figuron askund.
Ne vend te saj eshte Forca e Siguris se Kosoves apo siq eshte ne dokument Kosovo Security Force.

Ministri te Mbrojtjes per nje kohe te gjate nuk do te kete Kosova dhe ne vend te saj do te jete ndonje mekanizem i perzier etnik apo siq shkruan ne dokument Civilian Led Organization.


Kjo me perkujton kushtetuten e 1974 ku politikanat e atehershem thoshin se ne ne fakt jemi Republik vetem se nuk shkruan askund se ajo eshte qeshtje teknike e cila nuk eshte e rendesishme.
Karta e vjeter e lojes ndaj popullit fukara shqipetar ne Kosove po perseritet vetem se ne kete rast do te jete me gjak prurese,kam friken se gjerat nuk jan siq duken ne shikim te pare.

[mitrokin]

Statusi i ardhshëm i Kosovës - rigrupim i misionit ndërkombëtar

XHEMAJLI: Grupi që po e bënë pazar Kosovën ka pranuar të papranueshmen. Ka pranuar këshilla ndërkombëtare, sipas të cilave Kosova duhet të përmbahet ndaj vendimeve të njëanshme. Donë të thotë nga vetëvendosja, sovraniteti, dhe të negociojë fatet e vendit me Serbinë që vazhdon agresionin. Dhe këtë mashtrim vetëdijshëm e kanë pranuar anëtarët e delegacionit.

Organizuar nga Këshilli i Rrethit të LPK-së në Besianë, është mbajtur debat me qytetarë me temën gjendja politike në Kosovë, ku morën pjesë Emrush Xhemajli, kryetar i LPK-së dhe deputet në Kuvendin e Kosovës, Albin Kurti, lider i Lëvizjes Vetëvendosje, dhe Rifat Blaku, demograf.

Salla e tetatrit të qytetit, ku u mbajt debati, ishte e vogël për të nxënë të gjithë ata që ishin të interesuar për të marr pjesë në këtë debat. Interesimi shumë i madh i qytetarëve për të marrë pjesë në këtë debat flet vetvetiu për rëndësinë e debateve të tilla, që për synim kanë të informojnë qytetarët për gjendjen reale në të cilën ndodhet Kosova dhe rreziqet që po e presin për shkak të kësaj gjendjeje.

Debatin e ka hapur kryetari i KRr të LPK-së në Besianë, z.Tefik Durmishi, i cili pasi ka përshëndetur pjesëmarrësit në debat, fjalën ia ka dhënë kryetarit të LPK-së, z.Emrush Xhemajli, njëkohësisht edhe deputet në Kuvendin e Kosovës.

Z. Emrush Xhemajli fillimisht ka përshëndur organizatorët, Këshillin e Rrethit të LPK-së për Besianë dhe kryetarin e saj z. Tefik Durmishin, bashkëpjesëmarrësit në këtë debat, posaçërisht bacën Osman Zhitia dhe të gjithë familjarët e dëshmorëve, invalidëve të luftës, bashkëluftëtarët dhe gjithë qytetarët që ishin prezent.

Qe 7 vjet, pra nga viti 1999, Kosovës i është marrë koha që shkoi dhe po i merret edhe koha e ardhshme. Ajo është e ndaluar dhe nuk po lihet të punojë normalisht sikurse punojnë vendet tjera për ardhmërinë e vetë, u ka rikujtuar qytetarëve pjesëmarrës në këtë debat z.Xhemajli.

Statusi i shumë reklamuar, si status final dhe si status i ardhshëm i Kosovës, në fakt është një rigrupim i misionit ndërkombëtar. Ky mision do të jetë vetëm ndryshim i formës dhe i ngjyrës, por në esencë do të jetë mision i njëjtë i udhëhequr nga OKB-ja, ndërsa BE do të ketë detyra zbatuese. Pra, bëhet fjalë për vazhdim të status kuos edhe për një kohë të pa definuar me rreziqe të garantuara për stabilitetin e Kosovës, por edhe të rajonit.

UNMIK-u, qeverisësja e vërtetë e Kosovës, kaherë është komprometuar dhe nuk i beson kush më në Kosovë. Duhet marrë me shumë rezervë veprimtaria e ardhshme e tij dhe kalimi i kompetencave te misioni i ardhshëm. Por edhe ky mision nuk e fsheh veprimin despotik të vetin. Ai nuk është i zgjedhur, por ai ka krijuar IPVQ-të të cilat nuk punojnë për zgjedhësit po për UNMIK-un.

Dhe IPVQ-të në Kosovë janë katandisur si mos më keq dhe s’mund të luajnë më rolin për çka janë formuar.

Grupi i quajtur i Unitetit është unik vetëm në ato kërkesa që vijnë jashtë Kosovës dhe është jashtë kontrollit të Kuvendit e popullit. Pavarësia, sovraniteti dhe vetëvendosja janë akte të njëanshme. IPVQ-të dhe Grupi që po e bënë pazar Kosovën ka pranuar të papranueshmen. Ka pranuar këshilla ndërkombëtare, sipas të cilave Kosova duhet të përmbahet ndaj vendimeve të njëanshme. Donë të thotë nga vetëvendosja, sovraniteti, dhe të negociojë fatet e vendit me Serbinë që vazhdon agresionin. Dhe këtë mashtrim vetëdijshëm e kanë pranuar anëtarët e delegacionit. Për më tepër delegacioni i Kosovës është frikësuar ndaj kërcënimeve të botës se ai që merr veprime të njëanshme, qoftë Kosova, qoftë Serbia gjoja do të braktisen nga bashkësia ndërkombëtare. Por, veprimet serike të njëanshme të Serbisë, si Kushtetutën dhe Referendumin kundër Kosovës jo vetëm që nuk po i kundërshton bota por është duke i mbështetur ato. ’Ndalu të presim çka po bënë njëherë Serbia’ - u shprehën shumë qartë të gjitha qendrat e vendosjes botërore.

Veprimet e njëanshme kundër Kosovës po i vështrojnë me indiferencë dhe në heshtje Kuvendi i Kosovës, përgjegjës edhe për sjelljen e Grupit Negociator. Objektivisht edhe Grupi Negociator dhe Kuvendi i Kosovës, me mosveprimet e veta të natyrshme për ndërtimin e pavarur të sovranitetit të vendit de jure e de facto janë duke pritur çka po bënë Serbia.

Në Kuvendin e Kosovës, që tash praktikisht është i bllokuar dhe jofunksional, para një viti i kemi grumbulluar 13 nënshkrime nga deputetët për të futur në procedurë nismën për Unionin Shqipëri Kosovë. Dhe e kemi detyruar Kryesinë e Kuvendit që të tregojë veten me bllokimin e saj. Evoluimi negativ i deputetëve të Kuvendit të Kosovës është aq i madh sa nuk do ta besonte askush. Tash për Referendumin për Pavarësi dhe Sovranitet të Kosovës mezi janë bërë 7 nënshkrime. Pas intervenimit të shefave partiak hiq më pak se 21 deputetë janë tërhequr nga nisma në fjalë.

Presidenca mediatikisht mbahet më me kompetenca nga që ka në realitet dhe në këtë mënyrë komentet e presidentit janë boshe dhe ndonjëherë qesharake. Tubimet e njëpasnjëshme të presidencës janë të tipit të viteve të ’80-ta ku politikisht e kishin për detyrë të thonin se Kosova nuk po humbë asgjë me masat që merrte Beogradi kundër saj. Edhe sot thonë të njëjtën gjë. Kosova nuk po humb asgjë në situatën që po kalojmë. Në thelb nuk ka asnjë dallim. Dallimi i vetëm është se dikur Isa Mustafa, - diferencuesi këshilltar e kishte Fatmir Sejdiun -, ndërsa tash është e kundërta. Nëse e keni parë edhe televizorin Fatmir Sejdiu në këto tubime e ka këshilltar Isa Mustafën. Dhe besojmë se ky i fundit ka përvojën e viteve ’80 dhe ka çka e mëson.

Puna e Kryeministrisë është e pa efekt. Ndoshta duket ironike por në kabinetin qeveritar pyeten e përgjigjen të gjithë. Pyetet ndonjëherë edhe ai që duheshe të ishte përgjegjës, Kryeministri.

Ministritë vazhdojnë të jenë të përfolura dhe të pa përkrahura, por edhe të pa buxhet. Skandalet e njëpasnjëshme me të drejtë e kanë tronditur Kosovën. Por, këto që dihen janë vetëm ajo çka del në sipërfaqe. Sa të tjera që nuk dalin fare janë të proporcioneve të paimagjinueshme.

TMK-ja e zbehur pas goditjeve të njëpasnjëshme dhe ndërhyrjeve brutale në të.

Partitë politike që janë në grupin e Unitetit e kanë treguar fytyrën e vërtetë dhe nuk e kanë besimin e dikurshëm te qytetarët. Veç tjerash ata tani janë përçarë dhe po qërojnë hesapet edhe fizikisht në mes veti. Në to mbretëron fryma e terrorit, e shantazhit e komploteve dhe e falsifikimeve të zgjedhjeve e votimeve. Për demokraci të brendshme as që mund të bëhet fjalë.

Ekonomia është në stagnim, ndërsa gjendja sociale e qytetarëve në rënie të vazhdueshme.

KFOR-i, si dhe pjesa speciale e SHPK-së, që komandohet nga stafi ndërkombëtar, janë të vetmit efikas në terren që e mbajnë gjendjen e tashme.

Thënë me një fjali, në Kosovë gjithçka është e brishtë dhe pezull.

Gjendja e krijuar është baza e revoltave, të cilat, ndonëse po ziejnë, kokën e kanë nxjerr vetëm pjesërisht dhe herë pas herë në formë të protestave të intensitetit të vogël.

A mund të mbajnë situatat e ardhshme vetëm mekanizmat e detyrimit me dhunë, kjo është pikëpyetje e madhe. Ndërsa, është e sigurt se shpërthimet e revoltave do të ndodhin, sepse ka mjaft indikacione se për to është dakord edhe politika dhe politikanët, që sot realisht e sundojnë Kosovën përmes formulës “përçaj e sundo” me shpresë se përsëri do të menaxhojnë ngjarjet kundër Kosovës.

Gjatë kësaj periudhe edhe më mirë ka dalë në pah se kanë dominuar ato forca ndërkombëtare që nuk e kanë dashur dhe nuk kanë punuar për stabilitetin në Kosovë dhe integrimin e pakicave në Kosovë dhe integrimin e minoritetit serbe. Nuk e kanë dashur këtë me qëllim që këtë situatë ta përdorin për akuzë kundër shumicës shqiptare dhe për vazhdimin e status kuos, përkatësisht sundimit të Kosovës.

Edhe gjatë kësaj periudhe është konstatuar fakti se Beogradi dhe shumica e serbëve të manipuluar në Kosovë janë duke stimuluar të frikësuarin dhe mungesën e lëvizjes së lirë dhe mungesën e të drejtave të tyre. Ata janë në ofensivë dhe janë të frikësuar aq sa është i frikësuar ai që sulmon. Ata janë duke dominuar në vendimet politike që merren për Kosovën dhe në këtë kuptim ata, edhe pse janë pakicë, janë duke e sunduar Kosovën. Përfaqësuesit publik të serbëve asnjëherë nuk shprehen pozitivisht për të drejtat që i takojnë shumicës në Kosovë në kohën kur çdo ditë përfaqësues të shumicës shqiptare duhet të shprehen se i garantojnë privilegjet e tyre. Po vazhdon mentaliteti dominues i serbëve në Kosovë, i cili e ka ushqyer dhe po e ushqen më shumë se gjithçka tjetër urrejtjen në Kosovë.

Riciklimi i mashtrimit këto 7 vite ka pasur këtë rrugë: Serbia vazhdon agresionin kundër Kosovës dhe shtron kërkesa te UNMIK-u. UNMIK-u dëgjon Serbinë dhe kërkesat ia prezanton Institucioneve të Kosovës sikur të ishin të bashkësisë ndërkombëtare. Krerët e institucioneve të Kosovës dëgjojnë UNMIK-un dhe kërkojnë nga populli që të pranojë politikën në fjalë sepse janë të zgjedhur.

Dallimi në mes të tubimeve që i mbajmë ne dhe përfaqësuesit e institucioneve dallojnë plotësisht. Ne po ju ftojmë të jeni aktiv dhe të zgjuar. Ata po ju ftojnë, si gjithmonë, të jeni të shkujdesur, të jeni pasiv dhe të bini në gjumë.

Ata që janë duke u përpjekur të vënë popullin në gjumë, në kohën kur vendi nuk ka pavarësinë dhe populli sovranitetin, për mendimin tonë duhet të përgjigjen herëdokur për këtë veprimtari kriminale.

Kosova ka nevojë për politikë autoktone, sepse e importuara, a po e shihni se doli mall i skaduar. Në drejtim të një politike vendore janë duke u bashkuar forcat dhe këtë tubim duhet kuptuar si një nga veprimtaritë që na qojnë në këtë drejtim.

Ju thërras të bashkohemi rreth subjekteve politike që nuk janë në Grupin Negociator që kanë qëllim të përbashkët. Ju ftojë që gjithë qytetarët të ndihmojnë në mënyrën e tyre dhe t’i injoroni të gjithë ata që thërrasin për qetësi, derisa vendi ynë të vendos vetë për të ardhmen e vet, ka përfunduar fjalimin e tij z.Emrush Xhemajli.

Lideri i Lëvizjes Vetëvendosje, z.Albin Kurti ka folur për decentralizimin, enklavat serbe, dhe Grupin Negociator.

Ai ka thënë se në vend të Londrës 1913, tani kemi Vjenën 2006, e cila ka për qëllim copëtimin e trojeve shqiptare. Kjo që po ndodhë sot, është vazhdimësi e Rambujesë së vitit 1999. Por, Rambujeja e kishte një simbol, e kishte z.Adem Demaçin, i cili qysh atëherë ka treguar qëllimin e Rambujesë dhe kjo po vërtetohet sot. Nuk është rastësi që të njëjtit politikanë të Rambujesë sot po e vazhdojnë Vjenën.

Në vazhdim Kurti ka folur për krijimin e komunave të reja serbe, me ç’rast ka ofruar hartat se si do të dukeshin ato dhe tendencën e serbëve për të uzurpuar sa më shumë territore të shqiptarëve dhe rrezikun që paraqet kjo tendencë.

Të 21 kishat dhe manastiret me territorin që dëshirojnë ta marrin, kanë si qëllim të marrin vende strategjike dhe aty të vendosen forca ushtarake dhe të përgatiten për ndonjë sulm të ri të Serbisë ndaj Kosovës, ka thënë Kurti.

Sot nuk mund të hyhet në këto manastire dhe as të kalohet afër tyre. Tani, po thirren në trashëgimi kulturore të serbëve, e kjo ka qenë trashëgimi kulturore e Kosovës dhe e shqiptarëve. Mirëpo, këtë e ka mundësuar Grupi Negociator. Angazhimi ynë për liri dhe ruajtje të territorit duhet të jetë me kundërshtimin e decentralizimit.

Popujt që e kanë lënë në gjysmë të rrugës lirinë, e çlirimtarët u janë burgosur, janë palestinezët dhe populli kurd, e kjo i ka ngjarë edhe Kosovës, - ka thënë mes tjerash z.Albin Kurti.

Dr. Rifat Blaku, demograf, ka folur për anët e padukshme të politikave të armikut. Ai tha se 58% të territoreve, shqiptarëve iu morën në Konferencën e Londrës. 98% e popullsisë së territoreve që i janë dhënë Serbisë ishin shqiptarë. Ndërkohë territoret shqiptare vazhduan të rrudheshin edhe më shumë.

Megjithatë, brezi ynë i përgjakur arriti që më në fund ta bindë diplomacinë e përgjumur, por kjo diplomaci ende heziton që të jap një liri të plotë. Kështu, realiteti i ri strategjik dhe gjeostrategjik i fituar me luftën e UÇK-së është duke u shkelur. Këtu po ndodhë një mashtrim politik duke u quajtur decentralizim, e po merren troje shqiptare. Kosova, sot po humb territore më shumë se në të gjitha kolonizimet e kaluara që i janë bërë.

Situata e krijuar është shpërfillje, shkelje e luftës dhe e të gjithë të rënëve dhe për këtë, nuk ka falje, andaj duhet pasur kujdes se si po sillemi, ka tërhequr vërejtjen demografi dr.Rifat Blaku.

Qytetarët u parashtruar shumë pyetje pjesëmarrëse, z.Emrush Xhemajli, z.Albin Kurti dhe z.Rifat Blaku, nga të cilët morën përgjigjet.

Në mbyllje të debatit organizatori, Tefik Durmishi, kryetar i KRr të LPK-së për Besianë, z.Shaip Haxhiu ia dha dhuratën pikturë-portret i Adem Demaçit, punuar nga piktori Sokol Xhahysa për t’ia dërguar z.Adem Demaçi, i cili për shkaqe shëndetësore, edhe pse kishte paralajmëruar, nuk ka mundur të marrë pjesë në debat.

Ndërsa të pranishmëve iu dhuroi nga një libër të autorit Adem Gashi ”a... Zh” që i kushtohet dëshmorit të kombit Afrim Zhitia.

O Burra, te gjith ne po i percjellim lajmet, shtypin dhe deklaratat, si te Kosoves ashtu edhe nderkombetar, ju lutem mos postoni artikuj te cilet veq te gjith po i njohim.

Ne ditet e sotme terminologjia po ndryshon sepse parvarsi e sotme e kushtezuar eshte form e konfederates me Serbi ose Kantonizim i territorit te Kosoves nen administrimin e Serbis si shtet.

Kjo pune nuk eshte pazar qe te thuhet ashtu a kshtu, behet fjal per shtetesi, qeveritaret e Kosoves (pa marr parasysh se qfar jan - ne i kemi zgjedh dhe neve na perfaqesojn) duhet ta ket te qart se nese nuk pranohet pavarsi e plot dhe njohja e shtetesis, ateher ne menyre shum demokratike te shpallin referendum qe te shprehet vullneti i popullit, e nese duam te jem edhe me radikal dhe me nacionalist dhe ti revanshohemi Serbis atehere duhet qe ne te njejtin referendum te perfshihen edhe shqiptaret e Lugines se Presheves, Bujanovcit dhe Medvegjes dhe keshtu te jet e qart se opcionet tjera nuk vijn ne konsiderim.

[harmonies]

Karta e vjeter e lojes ndaj popullit fukara shqipetar ne Kosove po perseritet vetem se ne kete rast do te jete me gjak prurese,kam friken se gjerat nuk jan siq duken ne shikim te pare.

Alternative per pavarsine e plote eshte bashkimi me Shqiperine. Nese nuk pelqehet le te lahet ne gjak edhe kurva plake.

[Llapi]

EKSKLUZIVE - SHTETI BRENDA PAKOS

Shkruan: Arlinda Desku Gazeta “EXPRESS”




Në pakon e statusit të Kosovës, Martti Ahtisaari nuk ka përmendur fjalën pavarësi. Por, kompetencat që janë dhënë në këtë dokument - kanë vetëm një domethënie: pavarësi me sovranitet të kufizuar. Kjo është e ardhmja, ashtu siç e ka projektuar finlandezi. Një shtet, me eufemizma. Në 53 faqe.

PRISHTINË, 29 tetor 2006

Një shtet të skicuar në letra - ka dorëzuar Martti Ahtisaari në Grupin e Kontaktit, kur më 21 tetor ka hedhur mbi tavolinë pakon e statusit të Kosovës, brenda së cilës ka projektuar të ardhmen e vendit të administruar nga Kombet e Bashkuara.

Finlandezi, i cili dhjetë muaj më parë ka marrë përsipër zgjidhjen e një konflikti të zorshëm, me një kujdes të hollë ka zgjedhur gjuhën për "fundin e lojës", pas negociatave të pasuksesshme mes shqiptarëve dhe serbëve. Diplomati me karrierë të begatë diplomatike ka gjetur çelësin - në eufemizma, kur ka përshkruar statusin e Kosovës.

Një kompromis me fjalë, për Rusinë dhe Kinën, dy vendet që për çështjet e tyre të brendshme - përdorin Kosovën si luftë në Këshillin e Sigurimit të OK-B‘së. Një zyrtar i lartë i Grupit të Kontaktit, i cili ka lexuar dokumentin, ka treguar se përmbajtja e tij flet për pavarësinë. "Fjala pavarësi nuk ekziston në tekst. Megjithatë, është e qartë se kompetencat sovrane që janë dhënë në këtë dokument - kanë vetëm një domethënie: pavarësi me sovranitet të kufizuar". Pako nuk do të jetë e lidhur me fjongo të kuqe - si një dhuratë e mrekullueshme për Prishtinën dhe as për Beogradin. Shqiptarët do të shohin se kanë fituar një shtet të cunguar, ndërsa serbët do ta kuptojnë se kanë humbur përfundimisht sovranitetin mbi territorin e pushtuar gjatë. "Nuk ka ndodhur diçka që nuk është pritur. Të dyja palët, në fakt, e kanë ditur këtë përfundim, pak a shumë", ka thënë ky zyrtar i Grupit të Kontaktit. Finlandezi ka rekomanduar shtetin më të ri në Ballkan, i cili shënon shkatërrimin e fundit të ish Jugosllavisë, me një sovranitet të kufizuar - ku bashkësia ndërkombëtare do të vazhdojë të mbetet aty, me kompetenca në fusha të rëndësishme.

Bashkimi Europian merr sovranitetin.

Një shtet pa ulëse në OKB, pa Ministri të Jashtme dhe pa ushtri. Por, për të tria këto atribute shtetërore - ka gjetur shefi zëvendësime. Me kompromis fjalësh.

Martti Ahtisaari, dy muaj më parë, ka prezantuar para Grupit të Kontaktit idetë e tij preliminare për statusin, ndërsa para një jave - ka dorëzuar anekset. "Më 31 gusht ka sjellë tekstin bazë, ose dokumentin kryesor. Më 21 tetor, ndërkaq, ka dhënë 11 anekset".

Finlandezi, i cili ka ndërmjetësuar procesin e paqes ndërmjet Indonezisë dhe Lëvizjes për Lirinë e Aceh‘ut më 2005, si dhe udhëheqjen e operacionit të OKB‘së UNTAG në Namibi në vitin 1990, ka përmbyllur edhe kaptinën e Kosovës në dokumentin 53 faqesh.

Ai është duke pritur komentet nga Grupi i Kontaktit për rekomandimet e tij. Përpos vendimeve të papritura që mund të ndodhin, gjërat janë të qarta.
Pako e Ahtisaarit mund të ndryshojë vetëm nëse një gjë të tillë e konsideron Grupi i Kontaktit, me intervenimet eventuale.

Negociatat për Kosovën tashmë kanë kaluar mes anëtarëve te GK, pas atyre mes shqiptarëve dhe serbëve, të zhvilluara në Pallatin Auersperg, ku palët kanë dhënë qëndrimet e tyre për decentralizimin, trashëgiminë kulturore, të drejtat e minoriteteve dhe çështjet e ekonomisë.

Një zyrtar i lartë i këtij mekanizimi ka sqaruar detajet.

"Pako, pa tekstin kryesor, ka - 44 faqe. Ndërsa, teksti kryesor ka - 9 faqe. Pakoja u është dhënë anëtarëve të Grupit të Kontaktit me numra, për çdo delegacion, për shembull, 1, 2, 4...6... për shkak të sigurisë". Ai ka shpjeguar se hyrja e pakos paraqet në mënyrë të përgjithshme zgjidhjen e statusit - nenet që kanë të bëjnë me parimet e përgjithshme.
Ka bërë të ditur, po ashtu, se faqja e parë e tekstit kryesor i është treguar një pjese të Delegacionit të Kosovës, më 7 shtator, nga Shtetet e Bashkuara të Amerikës.

Ka thënë se neni i parë ka të bëjë me statusin dhe është në këtë faqe. "Mes tjerash, në këtë faqe thuhet se vendi juaj duhet të ketë ‘treaty-making powers‘, kompetenca për të lidhur marrëveshje ndërshtetërore dhe ndërkombëtare, përfshirë edhe anëtarësim, në organizatat ndërkombëtare. Kjo është gjëja më e rëndësishme për statusin".
Emisari i OKB‘ së për Statusin e Kosovës, pas raportimit të tij të fundit në New York, është shprehur se palët në negociata nuk do të habiten nga propozimi i tij për statusin, meqë në pako do të përfshihen çështjet e diskutuara në Vjenë. Decentralizimi - tema që ka shtjerrë energjitë e delegacioneve të të dyja kryeqyteteve, rreth së cilës ka pasur qëndrime diametralisht të kundërta, është mbyllur me numrin e komunave të reja, por mbetet e hapur për zgjerimin e territoreve.

Martti Ahtisaari ka pranuar ofertën e fundit të Prishtinës, e cila kishte bërë kompromise të mëdha dhe të dhimbshme.

Zyrtari nga GK, që ka lexuar pakon, ka treguar hollësitë.

"Presidenti Ahtisaari ka propozuar 5+1 komuna të reja. Kryesisht është propozimi i Kosovës. Gracanica, Mitrovica Veriore, Ranillugu, Parteshi, Kllokoti dhe zgjerimi i Novo Bërdos... Numri i komunave mbetet i njëjtë me atë që ka ofruar vendi juaj, p or numri i territorit të këtyre komunave nuk është i njëjtë. Duket se do të ketë shtim të zonave kadastrale". Statusi i ri i Kosovës, i vendosur me Rezolutën e re nga Këshilli i Sigurimit, fillimisht pritet të njihet ndërkombëtarisht - ashtu siç definohet në pakon e Martti Ahtisaari.

Zyrtari nga GK ka pohuar se - pas aprovimit të Rezolutës së re nga Këshilli i Sigurimit, do të ketë qëndrim të përbashkët të Bashkimit Europian. "Spanja dhe Greqia nuk mund ta parandalojnë këtë, për shkak të Rezolutës së Këshillit të Sigurimit për Kosovën", ka thënë ai. Nuk është ende e qartë nëse pakoja e statusit do të jetë si aneks i Rezolutës së KS, apo do të përfshihet në pjesën hyrëse të tekstit.

"Rezoluta mund ta përmbajë tekstin hyrës dhe anekset e tanishme, ose Rezoluta mund të jetë e shkurtër dhe gjithçka tjetër të jetë aneks i saj". Këshilli i Sigurimit do të nxjerrë një rezolutë të re për Kosovën, me të cilën hedhet poshtë Rezoluta 1244, si i vetmi link që mban të lidhur Kosovën me Serbinë.

Në Rezolutën e re i jepet fund misionit të UNMIK‘ut dhe autorizohet vendosja e prezencës së re ndërkombëtare - civile dhe ushtarake. Të tjerat pastaj, kalojnë në Prishtinë.

Kuvendi miraton Kushtetutën e re të Kosovës, në preambulën e së cilës do të thuhet se - Kosova është shtet i pavarur, dhe njëkohësisht shpall edhe pavarësinë. Qeveria e Kosovës, pastaj, kërkon njohjen zyrtare dhe aplikon në organizatat ndërkombëtare, veç e veç.

Për ulësen, ministritë, ushtrinë...

Qëndrimi me ngulm i palës shqiptare se Kosova do ta ketë pavarësinë e plotë, nuk është përfshirë në 53 faqet e Martti Ahtisaarit. Ulësja për Kosovën në Organizatën e Kombeve të Bashkuara dhe përfaqësimi në fushën e marrëdhënieve ndërkombëtare - nuk janë rekomanduar në mënyrë eksplicite nga finlandezi.

Zyrtari nga Grupi i Kontaktit ka bërë të ditur përmbajtjen.

"Çështja e anëtarësimit në OKB - nuk është përmendur në pako. Por, sipas dokumentit, Kosova do të ketë të drejtë të anëtarësohet në organizatat ndërkombëtare. Unë këtë gjë e interpretoj në këtë mënyrë: pas një kohe, 1-2 vjet, pas aprovimit të Kushtetutës, zgjedhjeve të reja, Qeverise se re, Kosova do të jetë në gjendje të aplikojë për anëtarësim formal (zyrtar) në OKB. Madje edhe Ish-Republika Socialiste Sovjetike e Ukrainës dhe ish-Republika Socialiste Sovjetike e Bjellorusisë kanë qenë anëtare të OKB‘së gjatë kohës së BRSS".

Emisari i OKB‘së për Statusin, po ashtu, nuk ka rekomanduar Ministrinë e Jashtme për Kosovën, por kjo nuk duket të jetë problem i madh. "Jo, as kjo nuk është përmendur në pako, si e tillë". Zyrtari nga GK, i përfshirë në mbylljen e kaptinës së procesit negociator, është i bindur se kjo çështje nuk do të pengohet.

"Për mua është e qartë se Qeveria e ardhshme e Kosovës mund ta ketë këtë Ministri".

Kosovarët do të mund të ndjehen më të çliruar, kur të kuptojnë rekomandimin e Martti Ahtisaarit për ushtrinë e ardhshme të Kosovës. Edhe pse me kujdes, në këtë pikë të ndjeshme, ai ka paraparë forcën mbrojtëse, në pakon e tij. Por, duke mos qenë i drejtpërdrejtë me emërtimin. Fjala ushtri - nuk ekziston në tekst. "Në vend të saj - është Forca e Sigurisë së Kosovës (Kosovo Security Force), që sinqerisht është e njëjta gjë".

Numri i përgjithshëm i pjesëtarëve aktivë do të jetë 2500, ndërsa 800 do të jenë rezervë, të armatosur lehtë. Zyrtari nga Grupi i Kontaktit ka sqaruar tutje se pako e Martti Ahtisaarit parasheh edhe Ministrinë e Mbrojtjes.

"Po, do të ketë Ministri të Mbrojtjes. Mirëpo, emërtimi i saktë është - Civilian Led Organization. Për mendimin tim, është plotësisht e pakuptueshme kjo, sepse duhet te quhet qartë se është Ministri e Mbrojtjes. Sqarimi për këtë është bërë për nevojën e gjetjes së një gjuhe të kompromisit".

Takimi i ardhshëm i Grupit të Kontaktit me Emisarin e OKB‘ së për Statusin e Kosovës është caktuar të mbahet me 10 nëntor. Në këtë takim - pritet të dilet me vendim nëse ndryshon ose jo orari aktual për statusin e Kosovës, pasi që Serbia të deklarohet për datën eventuale të zgjedhjeve.

Nëse zgjedhjet në Serbi mbahen para përfundimit të këtij viti, atëherë është e mundshme që Ahtisaari të marrë rekomandimin nga Grupi i Kontaktit për të shtyrë afatin kohor për prezantimin e pakos në Këshillin e Sigurimit.

Por, kur do ta marrin palët në negociata pakon?

"Nëse nuk ndryshon orari aktual për zgjidhjen e statusit, Martti Ahtisaari do të raportojë në Këshillin e Sigurimit diku në muajin dhjetor, ose edhe më herët. Takimi i ardhshëm i GK është me 10 nëntor. Mendoj se deri në këtë kohë, 10 nëntor, të dyja delegacionet - Kosova dhe Serbia, do të marrin propozimet për status. Rusët duan që propozimi së pari t‘u jepet delegacioneve, pastaj të zhvillohen negociata lidhur me pakon për status, e pastaj pakoja të kalojë në Kë shillin e Sigurimit të OKB‘ së". Serbia ka dalë të shtunën dhe të dielën në referendum, për ta votuar Kushtetutën e re, e cila parasheh Kosovën si pjesë të saj. Liderët serbë janë shprehur se Kushtetuta paraqet diskontinuitet me kohën e Sllobodan Millosevic dhe se është më e mirë se e kaluara.

Suksesi i mundshëm i këtij referendumi - sjell mbajtjen e zgjedhjeve në Serbi, përcaktuesi kryesor për orarin e zgjidhjes së statusit të Kosovës. Nëse Serbia mban zgjedhje parlamentare para përfundimit të vitit 2006, Marti Ahtisaari do të raportojë në janar në Këshillin e Sigurimit. "Kështu e ka në plan. Megjithatë, në janar, kryesues i radhës në Këshillin e Sigurimit është Rusia, prandaj kjo çështje mund të shtyhet për muajin shkurt, kur Sllovakia është kryesuese e radhës", ka pohuar zyrtari nga GK.

Martti Ahtisaarit i është vazhduar kontrata e punës deri në qershor. Sidoqoftë, ai nuk planifikon të qëndrojë si Emisari i OKB‘ së pas çerekut të parë të vitit 2007. "Pra, Ahtisaari qëndron në këtë post më së largu deri më 31 mars të vitit 2007". Finlandezi, në misionin e tij më sfidues, në zgjidhjen e konfliktit shumëvjeçar mes shqiptarëve dhe serbëve, nuk do të arrijë një kompromis mes tyre. Por, zgjidhja e tij do të jetë - kompromis.

Këtë fundjavë, serbët tentojnë të aprovojnë Kushtetutën e re, duke riafirmuar Kosovën si pjesë e Serbisë, përderisa shumica shqiptare e Kosovës aspiron fuqimisht dhe pret me besim një pavarësi të plotë. Grupi Negociator i Kosovës e ka parë Emisarin e OKB‘së si njeri që do t‘i japë fund asaj që ka mbetur e papërfunduar më 1999.

Në vizitën e tij të parë në Kosovë, sapo kishte marrë mbi supe një detyrë të rëndë, me të cilën do t‘i vë majë karrierës, finlandezi ka pranuar se pikëpamja e tij e pasluftës në Kosovë - se pavarësia nuk ishte zgjidhje e duhur, duhet të shikohet në kontekstin e atëhershëm.

***

(Në pakon e statusit të Kosovës, Martti Ahtisaari nuk ka përmendur fjalën pavarësi. Por, kompetencat që janë dhënë në këtë dokument - kanë vetëm një domethënie: pavarësi me sovranitet të kufizuar. Kjo është e ardhmja, ashtu siç e ka projektuar finlandezi. Një shtet, me eufemizma. Në 53 faqe.)

***

(Mes tjerash, në këtë faqe thuhet se vendi juaj duhet të ketë ‘treaty-making powers‘, kompetenca për të lidhur marrëveshje ndërshtetërore dhe ndërkombëtare, përfshirë edhe anëtarësim, në organizatat ndërkombëtare. Kjo është gjëja më e rëndësishme për statusin.")
***

11 ANEKSET E PAKOS SË STATUSIT

1. Të drejtat e njeriut
2. Të drejtat e komuniteteve
3. Të drejtat e refugjatëve dhe personave të zhvendosur
4. Personat e pagjetur (të zhdukur)
5. Vetëqeverisja lokale dhe decentralizimi
6. Të drejtat pronësore, borxhet, asetet (pasuria)
7. Çështjet e sektorit të sigurisë
8. Konferenca kushtetuese dhe zgjedhjet në Kosovë
9. Mandati i misionit civil ndërkombëtar, roli i pranisë së ardhshme ndërkombëtare, roli i pranisë së ardhshme ndërkombëtare në fushën e sundimit të ligjit në Kosovë
10. Misioni ushtarak ndërkombëtar (NATO / KFOR)
11. Klauzolat kalimtare

***

KUSHTETUTA, PAS MIRATIMIT TË REZOLUTËS SË KS

UNOSEK dhe Grupi i Kontaktit e shohin tepër të rëndësishme që Kosova të fillojë përgatitjet për hartimin dhe aprovimin e Kushtetutës së ardhshme. Por, mekanizmat ndërkombëtarë që marrin vendime për të ardhmen e vendit, kanë tërhequr vërejtjen se aprovimi zyrtar i Kushtetutës nuk është i pëlqyeshëm para aprovimit të Rezolutës së re të Këshillit të Sigurimit.

"Kjo nuk është mirë të bëhet", ka thënë zyrtari i GK. Ai ka shtuar se ndërkohë, para Rezolutës, kosovarët do të mund pajtoheshin rreth trupit që do të merret me hartimin e Kushtetutës. "Ky organ - që quhet ‘Konferencë Kushtetuese‘, do të përbehet nga 18 vetë, prej tyre 14 shqiptarë, 2 serbë dhe 2 nga pakicat tjera. Këta 14 persona duhet të përzgjedhen nga Presidenti i Kosovës, në konsultim me Kryesinë e Kuvendit të Kosovës. Një marrëveshje paraprake brenda Ekipit Negociator do të ishte e mirëseardhur. OSBE tashmë ofron ndihmë për ndërtimin e kapaciteteve institucionale. Me aspektet politike të procesit kushtetues do të merren SHBA dhe BE". Për rolin dhe rregulloren e punës për Konferencën Kushtetuese thuhet se duhet të arrihet pajtimi para votimit të Rezolutës së re në Këshillin e Sigurimit, në këtë mënyrë të mos humbet kohë duke u marrë me këtë çështje pas aprovimit të statusit. Ideja fillestare për numrin e kësaj trupe ka qenë 30 + 5 + 5, por tani është zvogëluar në 14 + 2 + 2, me insistimin e Shteteve të Bashkuara të Amerikës.

"Megjithatë, aktualisht qëndrimi është që kjo trupë t‘i ketë 18 vetë. Por, edhe pse ky nuk është numri përfundimtar, besoj se kjo është fjala e fundit". Kushtetuta e re e Kosovës, siç ka theksuar Martti Ahtisaari në pakon e tij, duhet të aprovohet nga Kuvendi i tanishëm i Kosovës, me shumicë votash, 2/3 e deputetëve. "Minoritetet nuk kanë të drejtë vetoje, por duhet të konsultohen". Ahtisaari nuk ka paraparë hedhjen e Kushtetutës në referendum.

[murik]

Po kam frike se faktikisht shteti i ri do te jete i cunguar pa veriun.

[dodoni]

Po kam frike se faktikisht shteti i ri do te jete i cunguar pa veriun.

Nuk ka asnje mundesi as teorike te ndodhe kjo sepse pastaj edhe Lugina e Presheves do kerkoje te njejten gje, Ulqini dhe trojet shqiptare ne Mal te Zi, e edhe pjesa shqiptare e Maqedonise. Pra, kufijte nuk guxojne te preken.

Mirepo, do kemi shtet te cunguar per faktin qe disa nga kompetencat ne lidhje me te drejtat e pakicave do i kete prape BE tani ne vend te OKB-se.

[kiniku]

Mirepo, do kemi shtet te cunguar per faktin qe disa nga kompetencat ne lidhje me te drejtat e pakicave do i kete prape BE tani ne vend te OKB-se.

Per kete e kemi fajin NE.

Shqipet jane i vetmi popull ne Evrope qe nuk ka praktikuar asgje tjeter pervec bashkejeteses paqsore me cdo popull tjeter, qofte pakice apo shumice dhe ate deri me 2004, kur prishi cdo gje. Edhe Jevrejet i kemi strehuar nga persekutimi nazist.


Nuk thoshte kot Ajzenhaueri (source: Stephen Ambroz, "Duajt Ajzenhaur") se zhvillimi ne planin kombtar e patriotik behet duke zhvilluar dhe avansuar perditshmerine, ekonomine etjetj. Ai sakrifikonte buxhetin e Mbrojtjes per te ndertuar Ameriken.

Shpresoj se tash do te kalon euforia e Statusit dhe nga thellesia e shpirtit uroj qe Kosovaret te fillojne te zgjohen.