Statusi i ardhshem i Kosovës!

[dodoni]

-----------------------------------

[Tiffany]

Si jurist me plot përgjegjësi morale e njerëzore po them se një vend ose është i pavarur ose është koloni.Sovraniteti i kufizuar për Kosovën ka për qëllim kthimin e Kosovës nën sovranitetin e Serbisë.Andaj me qëllim që këte mos ta kuptoinë shqiptarët e Kosovës dhe shqiptarët në përgjithësi është duke u përgaditur një kolonizim i dyfisht për Kosovën e që prof.Dr.Mehdi Hyseni e ka quajtur me të drejt koloni serbo-europiane.

Z. Sabri, me duket se ke harruar tja paraqesesh kete teze grupit negociator. Nese e ke me shume zell mbetjen e Kosoves nen territorin e Serbise, mund ta paraqisesh, ke akoma kohe sa skane perfunduar bisedimet. Ndoshta te del gje..e te biesh rehat.

[Oxygen]

Pamvarsi Po, ne kete vit, por jo me nje ushtri te fort, ky rajon nuk duhet te jete i militarizuar profesionalisht, pra keshtu eshte vendosur per Kosoven. Duhet cekur edhe megjithat duhet pranuar qe ende nuk jemi te gatshem te udheheqim institucione me rendesi te lart si drejtesin dhe policin, duhet pranuar se nuk kemi tradit, ja nje detal: ne udheheqje te policise do te kete expert britanik per kshillim, ketu nuk ka asgje te keqe. Pra nuk duhet te na shqetesojne keto gjera edhe nese keto mund te quhen kushtezime.

[Tiffany]

Z. Sabri, me duket se ke harruar tja paraqesesh kete teze grupit negociator. Nese e ke me shume zell mbetjen e Kosoves nen territorin e Serbise, mund ta paraqisesh, ke akoma kohe sa skane perfunduar bisedimet. Ndoshta te del gje..e te biesh rehat.

Kjo qe kam shkruar siper, quhet IRONI ne gjuhen shqipe Z . Sabri. Ndersa persa i perket komentit tuaj " shume te sjellshem" - kemi nje shprehje frazeologjike ne shqip ne: ...i hapet rruge. Nese se kupton, pyet ndonje te ta shpjegoje.

[faiksmajli]

Ju duhet të argumentoni bindjet tuaja të shprehura në këtë forum e jo vetem në mënyrë paushalle të thuhet dicka .Edhe kur polemizoni
këtë duhet ta bëni pa fyerje e sharje,pra vetëm në mënurë të argumentuar e mos ja futni kot,se pastaj po bëheni qesharakë.Në qoftëse nuk dini tregoni që në fillim ose lerëni këtë punë krejt .
E them sinqerishtë .

[dodoni]

“Këto që po bëhen sot, duhej të ishin bërë që 7 vjet më parë. Nuk diskutohet më çështja e pavarësisë së Kosovës, por ajo e formimit të një shteti të pavarur, në parametra demokratikë ku të respektohen të drejtat e pakicës, që gjithashtu nuk duhet të jetë bllokuese për shumicën”,-tha ai prerë.

Surroi: Pavarësia e Kosovës? As që diskutohet


Llambi Kallço

Durrës- “Pavarësia e Kosovës sa që mund të vihet në diskutim nga serbët, madje ajo është vonuar. Kështu u shpreh dje, në konferencën për shtyp, Veton Surroi, kreu i lëvizjes politike “Ora”, në Kosovë. Konferenca u zhvillua në mbyllje të takimit dyditor mes serbëve e kosovarëve, për të drejtat e komuniteteve në Kosovë, zhvilluar në Golem të Durrësit. Surroi tha se qeveria e Kosovës është e preokupuar dhe garanton mbrojtjen e të drejtave të minoriteve në Kosovë, sipas standardeve të Bashkimit Evropian.
Ndërsa në lidhje me kundërshtimin e serbëve ndaj pavarësisë së Kosovës, Surroi u shpreh se pavarësia është një çështje e padiskutueshme, madje ajo është vonuar 7 vjet nga hyrja e trupave të NATO-s në Kosovë. “Këto që po bëhen sot, duhej të ishin bërë që 7 vjet më parë. Nuk diskutohet më çështja e pavarësisë së Kosovës, por ajo e formimit të një shteti të pavarur, në parametra demokratikë ku të respektohen të drejtat e pakicës, që gjithashtu nuk duhet të jetë bllokuese për shumicën”,-tha ai prerë.
Pakica, sipas Surroit, duhet të njohë nevojat historike të shumicës. Në lidhje me pikat e nxehta të debatit në takimin mes palës kosovarëve dhe pakicave serbe në Kosovë, ai tha se s’ka asgjë të keqe nëse ka patur debate për disa pika. “Takimi absolutisht nuk dështoi”,-përfundoi ai.
***
Sipas Suroit, ky takim kishte të bënte me të ardhmen kushtetuese të Kosovës “u bë një persiatje kolektive e të gjitha komuniteteve mbi mënyrën se si e shikojnë ardhmërinë dhe mbi instrumentet mbrojtës ligjorë të pakicës. Rezultatet ishin pozitive”,-tha ai, duke theksuar se një e mirë tjetër e takimit ishte fakti që për herë të parë në tavolinë me kosovarët, për këtë çështje, u ulën edhe përfaqësuesit serbë. “Gjithçka në këtë takim ka reflektuar simbolikën e një Kosove që është e preokupuar në çështjen e komuniteteve, të cilat do që t’i inkuadrojë në një platformë të niveleve evropiane, madje në nivele më të larta. Është shembull pozitiv fakti që të gjithë ranë dakord që gjuha turke, boshnjake dhe rome të jenë zyrtare në zonat ku ata përbëjnë shumicën e popullsisë.
Takimi nuk ishte gjithçka. Kreu i lëvizjes politike “Ora”, tha se më pas do të kalohet në standarde dhe hapa të tjerë, si shqyrtimi i nevojave të drejtpërdrejta të komuniteteve, forcimi i mekanizmave ligjore për mbrojtjen e të drejtave të pakicës. Në lidhje me qëndrimin e palës serbe në takim, Surroi u shpreh se i takon vetë atyre të japin opinionin në lidhje me të. “Por pala jonë ishte transparente në atë që duhet bërë dhe që kërkohet në bashkëpunim me ndërkombëtarët dhe komunitetet në Kosovë”,-shtoi ai.




30/03/2006

[Bleri_ivh]

Sipas mendimit tim, fatkqësisht, statusi i ardhshëm i Kosovës do të jetë nje lloj “pavaresi” me sovranitet te cunguar dhe me te drejta te shtuara per serbet e Kosoves te cileve gjithashtu do t’iu ipen edhe komuna te reja me shumcie serbe dhe perpos kesaj ekstrateritorialitet per te ashtuquajturat monumente kulturore serbe, te cilat perfshijn nje siperfaqe te madhe te territorit te Kosoves. Ne baze te gjith kesaj i bjen qe ne kemi me qene te varun jo vetem nga Evropa por edhe nga Serbia, dhe nuk do te kemi qasje ne nje perqindje te madhe te territorit te Kosoves.
Kete e mbeshtes ne gjerat faktike ne terren. Formimin e komunave te reja serbe e ka perkrahur edhe Rohan. Atyre do t’iu ipet polcia lokale dhe ata do te caktojn udheheqesit e tyre te policise qe do te paguhen nga bugjeti i Kosoves, perpos donacioneve nga Serbia. Kete e kan pranu edhe shqiptaret.
Ekstrateritorialiteti i te ashtuq. monumente kulturore serbe ka kohe qe ka filluar me manastirin e Deqanit dhe tani se fundi eshte vazhdu nga Peterseni edhe per 6 muaj tjere. Ekstateritorialitetin negociatoret shqiptar nuk e pranojn se ka me ndodhe, por realiteti flet ndryshe. Ne fillim nuk kan pranu te flasin per decentralizimin dhe kan qene kategorti se nuk do te bisedohet per decentralizim para statusit se eshte e pakuptimt, ndersa tash jo vetem qe flasin por edhe e kan prioritet. E njejta eshte edhe per bisedimet rreth statusit
Deklaratat e shteteve te huaja ne shumicen e rasteve jan te dyanshme, pra ne fillim thuhet se per status do te vendos keshilli i sigurimit dhe ne baze te rezolutes 1244 (qe e garanton integritetin teritorial dhe sovranitetin e serbise dhe ne baze te saj Kosova eshte pjese e Serbise). Dhe ne fund thuhet se duhet te mirret parasysh edhe vullneti i shumices ne Kosove. D.t.th. jo te jete vendimtar por te mirret parasysh, sepse po te ishte vullneti i popullit te Kosoves vendimtar, ateher bisedimet per status do te ishin te pakuptima.
E gjith kjo nuk do te thot qe ne nuk kemi shprese. Ne duhet te punojm per vendin tone sa me shume per ti rrezuar antivlerat dhe per t’i ngrit vlerat si ato profesionale ashtu edhe ato kombetare. Pres me padurim nje strategji kombetare te unifikuar per te gjitha trojet shqiptare ne baze te se ciles do te zhvillohej dhe do te rimekembej Kombi Shqiptar.

[ARIANI_TB]

Albert Rohan hedh poshtë çdo mundësi për ndarjen e tërësisë tokësore të Kosovës
Besim Abazi
30-03-2006


Zëvendës krye-negociatori ndërkombëtarë për statusin e Kosovës, Albert Rohan, tha sot në Prishtinë se procesi i decentralizimit synon të krijojë kushte që pjesëtarët e komunitetit serb të qëndrojnë dhe jetojnë në Kosovë, ndërsa hodhi, çdo mundësi për ndarjen e tërësisë tokësore të Kosovës.

Ai i bëri këto komente në fund të vizitës së tij treditëshe gjatë së cilës është debatuar për një dokument që përfshinë parimet dhe qasjen ndaj procesit të decentralizimit të pushtetit që do të jetë bazë për vazhdimin e bisedimeve ndërmjet Prishtinës dhe Beogradit. Ai shpjegoi se komunave të reja që do të krijohen nëpërmjet këtij procesi do t’u jepen përgjegjësi maksimale që të kenë mundësi të kryejnë punët e tyre gjithnjë në kuadër të kufijve të sistemit juridik të Kosovës.

Ai tha se në pajtim me kartën evropiane për pushtetin lokal do të lejohet vendosja e partneritetit ndërmjet komunave ku ato mund të bashkëpunojnë në çështje konkrete si arsimi, shëndetësia, kultura si dhe mund të krijojnë asociacione të komunave dhe të shtrijnë bashkëpunimin e tyre edhe me komuna jashtë Kosovës: “Ne e kemi bërë të qartë në parimet tona se kjo nuk nënkupton dhe nuk mund të nënkuptojë krijimin e ndonjë entiteti të veçantë që do të dilte jashtë strukturave normale institucionale e juridike të Kosovës. Ne do t’i kundërvihemi çdo ndarjeje të brendshme të saj” tha zoti Rohan.

Tërë dokumenti sipas tij mbështetet në këto parime dhe këto çështje do të debatohen në takimin e radhës në përpjekje për të arritur ndonjë marrëveshje. Pas kësaj do të debatohet për kufijtë e komunave, numrin e komunave të reja me shumicë serbe apo grupeve të tjera etnike. Parim udhëheqës do të jetë synimi që komunat të jenë funksionale dhe të qëndrueshme. Krahas kësaj do të debatohet edhe mbrojtja e trashëgimisë fetare e kulturore për të mundësuar mbijetesën e tempujve fetar. Por kjo nuk nënkupton territore, tha zoti Rohan.

Pjesa tjetër e negociatave ka të bëjë me respektimin e të drejtave të pakicave kombëtare, çështjet ekonomike dhe prania ndërkombëtare pas zgjidhjes së statusit politik. Zoti Rohan tha se gjatë takimit me kryetarët e komunave veriore të Kosovës me shumicë serbe, u është thënë atyre se qëllim i procesit të decentralizimit është krijimi i mundësive për serbët që të mbeten në Kosovë pas statusit apo të kthehen dhe të jetojnë një jetë normale. “Kur kryetarët e komunave më thanë se nuk mund të jetojnë në Kosovën e pavarur nëse ky do të jetë përfundimi i procesit të statusit, u thashë se ky është vendimi juaj. Ne nuk mund t’u detyrojmë të qëndroni dhe nuk mund ta detyrojmë askënd që të kthehet”, tha zoti Rohan. Ajo çfarë mund të bëhet është të krijohen kushtet në të cilat objektivisht mund të pritet që serbët të mbeten dhe të kthehen.

Zoti Rohan tha se shumë aspekte te jetës mund të zgjidhen me konceptin e decentralizimit. Institucionet arsimore apo spitalet mund të drejtohen nga komunat apo asociacioni i tyre. Transferimi i parave nga Beogradi për komunat me shumicë serbe është i mundur, por duhet të jetë transparent dhe duhet të kalojë nëpër sistemin ligjor të Kosovës, tha ai duke nënvizuar se në këtë kuadër edhe Mitrovica, qytet i ndarë në dy pjesë do të jetë si të gjitha komunat e tjera në Kosovë.

Tash për tash këto çështje të përfshira në dokumentin e zotit Rohan nuk janë komentuar nga përfaqësuesit e Prishtinës zyrtare, të cilët në takimin e 17 marsit kanë kundërshtuar lidhjet ndërmjet komunave si dhe përfshirjen e Beogradit në financimin e drejtpërdrejtë të tyre. //rd//

[vlorushi]

padyshim qe pavarsi e plote kete e meritojm si popull...

[faiksmajli]

Populli ynë e meriton pamvarësinë por, a po punojmë si duhet për ta bërë këtë pamvarësi? Kjo është pyetja! Delegacionet tona nuk janë të sinqertë ndaj popullit dhe kam përshtypjen se nuk po e thonë të vërtetën .Deri më tani ata kanë dështuar në Vjenë por, se si do të bëjnë edhe herave tjera ,kjo mbetet për t'u parë edhe pse deri dikund po shihet se kanë hyrë në këtë baltë pa pyetur se a dilet.
Sinqerisht po kam frigë.