Statusi i ardhshem i Kosovës!

[dodoni]

Mekshejn: Serbia duhet ta lërë Kosovën të bëhet një shtet i pavarur




Londër, 22 mars - "Shpresoj që Beogradi mund ta kuptojë se Serbia duhet ta lërë Kosovën dhe të bjerë dakord që, me mbrojtje për serbët që jetojnë atje, ta lerë Kosovën të bëhet një shtet i pavarur. Mendoj se ky do të jetë një hap i rëndësishëm përpara në 2006, - është shprehur në një intervistë për BBC-në, ish-ministri britanik për Evropën Denis Mekshejn.
Duke u përgjigjur pozitivisht në një pyetje retorike "që Kosova duhet të jetë krejtësisht e pavarur", Mekshejn tha se
"ministrja e jashtme zvicerane Mishëlin Kalmi Rej ka dalë hapur dhe ka thënë se Kosova duhet të ketë status të pavarur si një shtet sovran", për të shtuar se "është e pazakontë që një vend si Zvicra të udhëheqë në fushën diplomatike".
Pasi i jep të drejtë ministres zvicerane që këtë e thotë me "zë të lartë", Mekshejn shprehet: "Çdo ministër i jashtëm në Evropë dhe në Shtetet e Bashkuara dhe në komunitetin ndërkombëtar po e thotë privatisht: se ne nuk duam të vazhdojmë me Kosovën si një protektorat i Kombeve të Bashkuara, me UNMIK un duke e drejtuar atë në mënyrë jo efikase".
"Kosova ka nevojë për më pak ushtarë dhe më shumë policë, dhe Kosova si një shtet i pavarur sovran, e varfër, me burime të pamjaftueshme, me të gjitha veshtirësitë që ka, do të mund të marrë më shumë përgjegjësi për vendimet e veta dhe nuk do të bllokojë me integrimin e Serbisë në Bashkimin Evropian, sepse ky është çmimi i madh", thotë Mekshejn.
Ndërkaq, duke komentuar sintagmën "pavarësi e kushtëzuar" për Kosovën, Mekshejn shprehet se edhe "të gjitha shtetet evropiane kanë pavarësi të kushtëzuar", në kuptimin se kanë dorëzar një pjesë të sovranitetit të tyre në Bashkimin Evropian.
"Kështu në Evropën moderne, pavarësia e kushtëzuar është ndoshta cilësimi korrekt, por ne duam ta shohim Kosovën me autoritetin e një shteti që është në gjendje të marrë kredi, që është në gjendje të vendosë marrëdhënie me institucionet ndërkombëtare, të ketë përgjegjësi për sigurinë e vet, për policinë e vet dhe të pranojë përgjegjësi për minoritetet që jetojnë brenda kufijve të vet".
Në lidhje me shqetësimet për ekzistencën e dy shteteve shqiptare në Ballkan, Mekshejn nuk sheh asnjë problem, sepse sipas tij, "Shqipëria ka ekzistuar aty historikisht dhe ka qenë aty për shekuj".
Kosova është me një shumicë të madhe shqiptare - thotë ai, - andaj nuk sheh asnjë vështirësi. "A duhet të shqetësohemi se ka dy tre, apo dy shtete e gjysmë gjermane, Gjermania, Austria, dhe Zvicra apo tre shtete e gjysmë franceze, Franca Belgjika, Zvicra", pyet Mekshejn, duke i quajtur ato "argumente irelevante". Për këtë politikan britanik, "ajo që ka rëndësi në Evropën e sotme është mposhtja e krimit, korrupsionit, mposhtja e theksit të tepruar mbi identitetin fetar dhe ecja përpara në ekonominë moderne, me një shoqëri të drejtë, me arsim të mirë për të gjithë qytetarët".

[Sabriu]

Nëse kësaj deklarate i besoni , atëhere u propozoi ta përkujtoni Bizmarkun,dhe shum qështje do t`i trajtoni,kuptoni dhe analizoni pak sa më ndryshe.

[Sabriu]

Dy shtete shqiptare në Ballkan nuk paraqesin problem

Ish-ministri britanik për Evropën deklaron se Ballkani Perëndimor do të bëhet si çdo pjesë tjetër e Evropës

Ish-ministri britanik për Evropën, Denis Macshane thotë se Ballkani ose do të evropianizohet ose do të përballemi me ballkanizimin e Evropës. Zoti Macshane është deputet në parlamentin britanik që nga viti 1994. Ai konsiderohet si një nga përkrahësit më të fortë të Bashkimit Evropian dhe zgjerimit të tij. Në karrieren e tij ka qënë gazetar i BBC-së, president i sindikatës se gazetarëve dhe themelues i Institutit të Politikës Evropiane. Dr Macshane është njohës i mirë i Ballkanit dhe vazhdon të ketë interes në të ardhmen e tij.

Cilat janë sfidat që ka Ballkani dhe Evropa në vitin2006?

Zoti Macshane: Vendimet e mëdha këtë vit janë, së pari për statusin e Kosovës. Shpresoj që Beogradi mund ta kuptojë se Serbia duhet ta lerë Kosovën dhe të bjerë dakort që me mbrojtje për serbët që jetojnë atje, ta lerë Kosovën të bëhet një shtet i pavarur. Mendoj se ky do të jetë një hap i rëndësishëm përpara në 2006 . Mendoj se problemi tjetër është se ka shumë krim, por nuk ka kapitalizëm të mjaftueshëm në Ballkanin Perëndimor, veçanërisht në Shqipëri. Fatkeqësisht, pavarësisht nga përpjekjet e Dr. Berishës dhe qeverive të tjera, Shqipëria ka reputacionin ndërkombëtar se aty ka shumë kriminalitet. Unë do të dëshiroja të shihja një politikë të mirë ekonomike, ajo që mund të quhet kapitalizëm modern, dhe më pak ekonomi të keqe, që do të thotë krim: kontrabandë të duhanit, trafik të drogës, imigracion ilegal dhe forma të tjera korrupsioni që prishin shanset e Shqipërisë.

BBC: Le të ndalemi tëk çështja e parë që ju përmendët. Kur thoni që Serbia duhet ta lerë Kosovën, e keni fjalën që Kosova duhet të jetë krejtësisht e pavarur?

Zoti Macshane: Po. Ministrja e jashtme zvicerane Micheline Calmy-Rey ka dalë hapur dhe ka thënë se Kosova duhet të ketë status të pavarur si një shtet sovran. Është e pazakontë që një vend si Zvicra të udhëheqë në fushën diplomatike. Normalisht zviceranët parapëlqejnë të presin për vende të tjera të marrin vendime të mëdha në fushën e politikës së jashtme. Por unë mendoj se ajo ka të drejtë, dhe ajo po thotë me zë të lartë atë që çdo ministër i jashtëm në Evropë dhe në Shtetet e Bashkuara dhe në komunitetin ndërkombëtar po e thotë privatisht: se ne nuk duam të vazhdojmë me Kosovën si një protektorat i Kombeve të Bashkuara, me UNMIK-un duke e drejtuar atë në mënyrë jo efikase. Kosova ka nevojë për më pak ushtarë dhe më shumë policë, dhe Kosova si një shtet i pavarur sovran, e varfër, me burime të pamjaftueshme, me të gjitha veshtirësitë që ka, do të mund të marrë më shumë përgjegjësi për vendimet e veta - dhe nuk do të bllokojë me integrimin e Serbisë në Bashkimin Evropian, sepse ky është çmimi i madh. Me një ekonomi me moderne, me popullatë të arsimuar, me burime të mëdha, me një kryeqytet të madh si Beogradi dhe qytete të tjera të mëdha si Novi Sadi, Serbia duhet të jetë së shpejti në rrugën drejt Evropës, por duhet të zgjidhë çështjen e Kosovës fillimisht dhe në të njëjtën kohë duhet të sigurojë që kriminelët e luftës si Mlladi, Karaxhiç të shkojnë në Hagë.

BBC: Pse nuk po e thonë udhëheqës të tjerë evropianë këtë me zë të lartë -- si ministrja e jashtme zvicerane, por edhe kur po përdoret fjala "pavarësi" i shtohet epiteti "i kushtëzuar"?

Zoti Macshane: Të gjitha shtetet evropiane kanë pavarësi të kushtëzuar, në atë kuptim që ne kemi rënë dakort të dorëzojmë një pjesë të sovranitetit tonë duke qënë pjesë e Bashkimit Evropian. Unë nuk mendoj se duhet të obsesohemi me terminologjinë. Në histori ka shumë shembuj në Evropë të diçkaje më pak se një shteti të plotë sovran, republikan ku mbyllen kufinjtë për pjesën tjetër të botës. Në fund të fundit ne pamë një shembull të një shteti të pavarur shqiptar nën zotin (Enver) Hoxha kur ai ishte në krye të Shqipërisë -- kjo ishte një katastrofë e plotë. Kështu në Evropën moderne, pavarësia e kushtëzuar është ndoshta cilësimi korrekt, por ne duam ta shohim Kosovën me autoritetin e një shteti që është në gjendje të marrë kredi, që është në gjendje të vendosë marrëdhënie me institucionet ndërkombëtare, të ketë përgjegjësi për sigurinë e vet, për policinë e vet dhe të pranojë përgjegjësi për minoritetet që jetojnë brenda kufijve të vet .

BBC: Çfarë do t'i thoshit atyre që janë të shqetësuar për egzistencën e dy shteteve shqiptare në Ballkan?

Zoti Macshane: Nuk ka asnjë problem, në kuptimin që Shqipëria ka egzistuar aty historikisht dhe ka qënë aty për shekuj, pavarësia e të cilës si shtet është konfirmuar me kufij të përcaktuar për pjesën më të madhe të shekullit të 20 edhe pse për nga qeverisja përvoja e saj nuk ka qënë e kënaqshme, dhe Kosova është me një shumicë të madhe shqiptare. Unë nuk shoh asnjë vështirësi - për shembull a duhet të shqetësohemi se ka dy-tre, apo dy shtete e gjysmë gjermane, Gjermania, Austria, dhe Zvicra apo tre shtete e gjysmë franceze, Franca Belgjika, Zvicra etj. Unë i konsideroj këto argumente irelevantë. Ajo që ka rëndësi në Evropën e sotme është mposhtja e krimit, korrupsionit, mposhtja e theksit të tepruar mbi identitetin fetar dhe ecja përpara në ekonominë moderne, me një shoqëri të drejtë, me arsim të mirë për të gjithë qytetarët.

BBC: Në leksionin tuaj, ju përmendët pesë probleme të mëdha që egzistojnë në Ballkan që ju i cilësuat si 5 C-të në anglisht apo 5 K-të në shqip -- konfesioni (feja); kapitalizmi; korrupsioni, krimi dhe komunizmi dhe të paktën katër prej tyre lidhen me Shqipërinë, të cilën ju e përmendët edhe në fillim të intervistës si një nga vendet e Ballkanit Perëndimor ku duhen zgjidhur disa probleme. Si ish-ministër i Evropës në kabinetin britanik, nga kontaktet tuaja me politikanët shqiptarë dhe me Shqipërinë vetë, pse mendoni se egzistojnë këto probleme thuajse 15 vjet pas rënies së komunizmit?

Zoti Macshane: Me përjashtim të Koresë se Veriut, nuk mendoj se ka patur një sundues komunist aq të lig sa Hoxha. Shqipëria ka patur trashëgiminë më të mjerueshme. Jugosllavia, 20-25 vjet më parë ishte një vend nga i cili të gjithë mund të udhëtonin pa viza, ishte një vend i pasur, i suksesshëm, pastaj erdhi periudha e Millosheviçit që e çoi në luftrat e viteve '90. Shqipëria ka vazhduar të bëjë gabime. Skandali i piramidave i mesit të viteve '90 ishte në fakt një lloj kryengritje e armatosur, që pastaj solli ndërhyrjen e domosdoshme të operacionit Alba ku u futën ushtarët italianë. Mendoj se Hoxha la pas një nga strukturat administrative shteterorë me të dobëta, me inefikase dhe ka qënë shumë e lehtë që si përgjigje ndaj problemeve të Shqipërisë të kalohet te krimi, kriminaliteti ndërkombëtar. Shqipëria varet shumë nga shqiptarët që jetojnë jashtë dhe dërgojnë të ardhurat e tyre në vend. Ajo nuk ka qënë në gjendje të zhvillojë ekonominë e vet, veçanërisht turizmin, por këto janë të gjitha sfida që mund të kapërcehen. Shqipëria, nga ana tjetër, është shumë e përgjegjshme në arenën ndërkombetare. Ajo është pjesë e komunitetit global që vepron kunder terrorrizmit - bashkëvepron në Afganistan dhe Irak. Udhëheqësit e vet thonë gjërat e duhura. Ajo ka kaluar në një proces zgjedhjesh demokratike dhe ka patur një ndryshim demokratik të qeverisë dhe shpresojmë që në Shqipëri po krijohet një kapital politik që do të mundësojë një qeverisje më të mirë të vendit në të ardhmen.

BBC: Ju vetë keni thënë se jeni optimist dhe njiheni si një nga mbështetësit me të mëdhenj të Evropës dhe zgjerimit të saj. Ku e mbështesni këtë optimizëm dhe çfarë do t'i thoshit skeptikëve që thonë se vende si Shqipëria nuk kanë vend në Evropë, të paktën në të ardhmen e afërt? Mos harrojmë se shpesh nëpër raporte të institucioneve ndërkombëtare dhe media, Shqipëria përmendet për krim, trafik, korrupsion dhe përveç problemeve reale ka edhe probleme të mëdha imazhi në Evropë.

Zoti Macshane: Të dorëzohesh para pesimizmit do të thotë të dorëzohesh para fatalizmit dhe determinizimit politik dhe ekonomik që është qesharake. Kur unë isha djalë i vogël në vitet 1950, vendi që dukej se kontrollonte krimin në Londër ishte Malta, maltezët. Nuk e di pse të shkretët maltezë shiheshin si shqiptarët e botës së krimit të Londrës. Tani Malta është një vend i pasur, i suksesshëm i Bashkimit Evropian. Më kujtohen vende si Spanja për shembull që jo shumë kohë më parë kanë qenë pabesueshmërisht të varfra, por qeveria dhe autoritetet spanjolle thanë: Jo, le të zhvillojmë industrinë e turizmit, të jemi miqësore dhe mikëpritës ndaj të huajve, të ndërtojmë hotele të mira dhe plazhe të bukura, dhe shumë shpejt Spanja u bë më e pasur. Pra bëhet fjalë për udhëheqje. Unë nuk do të komentoja mbi politikanët në Shqipëri. Kjo do të ishtë e pasjellshme dhe i uroj atyre gjithë të mirat, por është e domosdoshme që Shqipëria të dërgojë sinjale të qarta se po lufton krimin e organizuar brenda Shqipërisë. Ne nuk mund ta bëjmë këtë. Unë s'flas shqip. Policët britanikë nuk flasin shqip, as policët italianë apo gjermanë nuk flasin shqip, përveç disa specialistëve. I takon vetë Shqipërisë dhe udhëheqësve të vet të thonë: "A duam që vendi ynë të jetë i suksesshëm apo e vetmja gjë që duam është ta lemë dhe të shkojme të jetojmë diku tjetër?". Ky është një propozim qesharak në Evropën bashkëkohore. Ne duam që Shqipëria të jetë një vend normal evropian ku njerëzit janë të lumtur të jetojnë dhe të përparojnë, ku kanë mundësi të udhëtojnë, nga ku mund të vizitojnë vende të tjera, të punojnë jashtë si të gjithë ne, pa viza, por kjo kërkon udhëheqje nga brenda Shqipërisë.

BBC: Po kjo pikë e fundit që ju përmendët ka mjaft rëndësi -- pra lëvizja e lirë -- edhe në nivel individual, por edhe si shoqëri. Për shumë njerëz të thjeshtë lëvizja e lirë është shumë e rëndësishme për t'i dhënë atyre mundësinë për të punuar, studiuar etj., dhe qeverive të Evropës Përëndimore i kërkohet vazhdimisht nga qytetarët, por edhe nga politikanët shqiptarë të lehtësojnë regjimin e vizave për t'u dhënë mundësi shqiptarëve të shkojnë në Evropë edhe për të punuar përkohësisht në mënyrë që të ndihmojnë ekonominë e familjeve të tyre, por edhe të vendit pasi siç e thatë edhe ju është një vend mjaft i varfër. Në fakt ajo që po ndodh me sistemin e vizave është se për shkak të kufizimeve janë bandat kriminale ato që po përfitojnë duke i siguruar shqiptarëve kalimin ilegal në Evropë që krijon edhe probleme të kriminalitetit.

Zoti Macshane: Po kjo është e drejtë -- është si problemi i vjetër i periudhës së ndalimit të alkoholit në Shtetet e Bashkuara, ku u përpoqën t'i ndalonin njerëzit të pijnë alkohol dhe menjëherë mbërritën bandat kriminale duke i dhënë njerëzve mundësinë të bënin atë që donin, pra të pinin. Po kështu ndodh me udhëtimin e lirë. Mendoj se ka arsye për të bërë një lehtësim të kufizimit të vizave, por kjo është një deklaratë nga dikush që është i interesuar për politikën e jashtme dhe në rritjen e Evropës. Nëse flet me policë britanikë apo me ministritë e brendshme në Evropë dhe këtu në Londër, që është përgjegjëse për këto çeshtje, ata janë shumë të frikësuar dhe të nervozuar. Ata thonë: "Kjo është çmenduri. Nëse heqim regjimin e vizave do të vijnë më shumë kriminelë". Unë personalisht nuk mendoj se është kështu. Unë mendoj se ne kemi nevojë këtu në Britani për njerëz që janë të gatshëm të punojnë. Ne i kemi hapur kufijtë për vendet e tjera të lindjes që janë anëtare të BE-së në një kohë kur vende si Franca dhe Gjermania e ruajtën kontrollin strikt, dhe kjo ka funksionuar në avantazh të Britanisë. Kështu me kalimin e kohës, dhe nëse Evropa rikthehet në rrugën e rritjes ekonomike, nëse Gjermania për shembull po rritet me 3 ose 4 për qind do të kërkojë punëtorë shqiptarë për të bërë punët që do të hapen. Por për momentin, në Gjermani, Francë, në Itali, tre ekonomitë e mëdha të Evropës përveç Mbretërisë së Bashkuar, ne kemi një rritje prej 0 për qind, kemi papunësi masive dhe kemi një politikë ku njerëzit janë të frikësuar nga heqja e kufizimeve të vizave, por kjo eshtë diçka që duhet të kemi si synim të arrijmë.

BBC: Dhe së fundi çfarë mendoni ju se do t'i bëjë evropianët, optimistët dhe skeptikët, që kur të shohin Ballkanin të thonë: Po, kemi arritur evropianizimin e Ballkanit?

Zoti Macshane: Përfundimi i çështjeve të papërfunduara të viteve 1990, që do të thotë dërgimi i atyre që akuzohen për krime lufte aty ku u takon - në Hagë. Së dyti, t'i jepet mundësi Kosovës të jetë Kosovë. Së treti, të mos kemi lajme nga Ballkani, sepse nuk ndodh asgjë që shkakton interes, nuk ka trazira, nuk po sulmohen kisha, ndaj fshatrave serbe nuk ka kërcënime, nuk ka skandale të mëdha kriminaliteti si skemat piramidale, nuk ka trafikim të njerëzve dhe fëmijëve. Pra, Ballkani Përëndimor të bëhet monoton, sepse kjo i pëlqen parave. Kapitalit i pëlqen stabiliteti, normaliteti dhe jo titujt bombastikë të lajmeve. Dhe ajo për të cilën ka nevojë Ballkani Perëndimor është investimi ekonomik, por ai nuk mund të krijohet në mënyrë artificiale, ose nuk mund t'u thuash investitorëve të çojnë paratë e tyre në një rajon nëse ata nuk mendojnë se paratë e tyre do të jenë të garantuara, se ka shtet ligjor, se vendimet merren për arsye biznesi, jo sepse një politikan do që t'i sigurojë vend pune të birit apo bijës së vet në këtë kompani perëndimore. Dhe në fakt njerëzit e dinë se çfarë duhet bërë, ata thjesht duhet të nisin ta bëjnë në mënyrë modeste hap pas hapi, por mendoj se kjo mund ta përshpejtojë, dhe për këtë unë shpresoj, që Ballkani Perëndimor do të bëhet si çdo pjesë tjetër e Evropës.

[Sabriu]

Mendoi,(pa keqkuptime iu lutem ) se për ne shqiptarët e Kosovës jo që nuk do të ketë pavarësi,por nuk do të ketë asgjë në të mirë dhe në favoret tona.Për ne do të ketë vetëm një skllavëri e re përmes një rikolonizimi modern serbo-europian.Ne nuk da ta gëzoim si popull as atributet që kemi pas me kushtetutën e vitit 1974 sepse atëhere Kosova i kishte kufijt administrativ të vetat, kurse tani ?.cop..cop..köshtu si kan shkuar punët e si po shkoinë Kosovë për shqiptar do të ket vetëm në hartë sepse ajo do të mbetet me pa tö drejt koloni serbe ku shqiptarët do t`i bëjë të flasin me veten e vet.
Mendoi se në vend të një pavarsie të Kosovës kur të na del narkoza neve do të shohim një vend të robëruar e të skllavëruar ku shqiptarët e Kosovës do t´í bëjë të qmenden,mandej do ta këndoim vetëm një këngë ku..ku..qka i banëm vetes, etj.

Nëse kësaj deklarate i besoni , atëhere u propozoi ta përkujtoni Bizmarkun,dhe shum qështje do t`i trajtoni,kuptoni dhe analizoni pak sa më ndryshe.

Kosovës i duhet njohja e saj si shtet i pavarur dhe sovran.Kujt i frigohet vendi i z.Macshane ,kush e ndal shtetin e z.Denis ta bëjë këtë punë,meqë bën deklarime të tilla më burrërore do të ishte që vendi i tij të bëjë sa më parë njohjen e Kosovës si shtet të pavarur e sovran ,pse ky vend nuk fillon e para kur në bazë të konventave ndërkombëtare mun dhe ka mundësi ta bëjë një gjë të till.a mos po dufka vallë të pres dike tjetër( Serbinë)që të filloi e para me njohjen e kosovës si shtet sovran,mua thënjet e z.Denis më duken pak sa qesharake e ndoshta ai tani e ka gjetur momentin të bëjë tallje me popullin e Kosovës,apo edhe tu thot si "daja"fëmijëlve :se një ditë daja do tu blej sheqerka por se duhet një mirkuptim me Serbinë apo një leje paraprake prej saj..Kinse gjithqka po mvarka prej Serbisë,andaj një deklarat e tillë është fëminore të cilën nuk e hajnë as qetë e Kosovës.

Fishta për Europën:

Hej Europë Kurva e motit..
Si i re hasha besës Zotit
A kështu qenka shenja e qytetnisë
Me nda tokat e Shqypnisë,
E me ua dhan klyshve të Rusisë..

Mendoi se me procesin e decentralizimit është duke ndodhur e njëjta gjë(dukuri).edhe tani me bekimin e kësaj europe plakë dhe të disa bajraktarëve vendor e ndërkombëtar.

[ARIANI_TB]

Pavarësia e Kosovës është njëri, e disa do të thonë edhe opsioni i vetëm, tha Toni Bler


Mënyra në të cilën do të zgjidhen statusi i Kosovës dhe Malit të Zi në asnjë mënyrë nuk do të ndikojë mbi stabilitetin e Maqedonisë dhe Bosnjës e Hercegovinës. Këtë e deklaroi kryeministri britanik Toni Bler në intervistën për gazetën boshnjake "Dnevni avaz". Sipas Blerit, Kosova dhe Mali i Zi si çështje kryesore për sivjet janë çështjet e fundit të hapura që kanë mbetur nga shpërbërja e ish-Jugosllavisë.


Mënyra në të cilën do të zgjidhen ato nuk do të reflektohet mbi Marrëveshjen e Ohrit, as mbi Marrëveshjen paqësore të Dejtonit, tha Bleri, duke shtuar se zgjidhja e statusit final të Kosovës duhet të promovojë stabilitet rajonal dhe multietnicitet. "Pavarësia është njëra, e disa do të thonë edhe opsioni i vetëm", tha Bleri. Partnerët e Bashkimit Evropian do të angazhohen që referendumi për pavarësi në Mal të Zi të zbatohet sipas normave ndërkombëtarisht të pranuara, tha Toni Bler në intervistën për gazetën "Dnevni avaz" të Sarajevës.



RTK 24/03/2006 13:46:02

[ARIANI_TB]

Çeku:Vjena dhe Brukseli konsiderojnë që Kosovës i takon pavarësia

Kryeministri i Kosovës, Agim Çeku, tha se në Vjenë dhe Bruksel ka kuptuar se të gjithë mendojnë që Kosovës i takon pavarësia. Kreu i Qeverisë, Çeku, deklaroi kështu në Aeroportin e Prishtinës, me t’u kthyer nga vizita që i bëri Vjenës dhe Brukselit. “Nga takimet e shumta që pata, kuptova nga të gjithë se Kosova është shumë lartë në agjendat e tyre politike. Ishte e qartë se të gjithë konsiderojnë që Kosovës i takon pavarësia, dhe këtë ata e shohin si një opsion të pashmangshëm”, pohoi Çeku.


Pavarësia e Kosovës është një e drejtë historike por është një vonesë politike, kështu që duhet një angazhim maksimal që nga Qeveria e Kosovës e deri tek qytetari i thjesht që të dëshmojmë prova para Bashkësisë Ndërkombëtare se Kosova mundë të jetë shtet funksional, stabil dhe demokratik tha dje kryeministri, Agim Çeku në aeroportin e Prishtinës pas vizitës në Bruksel . Kryeministri i Kosovës Agim Çeku tha se në takim me diplomatet e bashkësisë ndërkombëtare ka kuptuar se Kosova është shumë lart në agjendën e tyre politike.Pashë nga afër se ata mendojnë flasin dhe punojnë për Kosovën duke hapur perspektiva të reja evropiane. Të gjithë mendojnë se Kosovës i takon pavarësia, të cilët e shohin si një opsion të pashmangshëm. “Po ashtu ata ma bënë me dije se kur do të njihet pavarësia e Kosovës dhe sa të pavarur do të jemi nga aspekti i kompetencës së prezencës ndërkombëtare në Kosovë d.m.th se çfarë sovranitetit do të kemi e që kjo do të varet shumë nga vetë ne kosovaret nga të gjithë”. Çeku tha se në bisedat me diplomate evropianë ka kuptuar se pavarësia e Kosovës është një e drejt historike por është një vonesë politike . Për të ju shmangur vonesës së njohjes së pavarësisë ai tha : “Duhet të gjithë të angazhohemi maksimalisht që nga qeveria e Kosovës institucionet tjera lokale dhe vendore , të gjitha subjektet politike dhe të gjithë qytetaret e Kosovës që angazhohen që sa më shumë të prodhojmë prova , argumente me të cilat do të dëshmojmë që Kosova e pavarur do të jetë një shtet funksional stabil dhe një shtet demokratik ku të gjithë qytetaret do ta ndien Kosovën si shtëpinë e vete”.Bashkësia ndërkombëtare këtë e dëshiron tha kryeministri Agim Çeku dhe i ftoi gjithë qytetaret dhe institucionet që bashkërisht të punojmë dhe sa më shpejt të ja dalim në realizimin e aspiratave tona.


RTK 24/03/2006 12:42:52

[tani_26]

Pavaresia e Kosoves po afrohet per kete te jeni te sigurte...Te gjitha mediat shkruajne perdite per Ceshtjen e Kosoves, tani eshte fakt i kryer qe Kosova kete vit do fitoje statusin e saj dhe ky status eshte ai i Pavaresise...

[Sabriu]

Proceset të cilat po zhvillohen në Kosovë mendoi se nuk po flasin me gjuhën e T.Bler.Dashtë zoti çë kjo gjuhë e T.Bler,të jetë kështu si q`është tani gjer në përcaktimin e statusit përfundimtar të Kosovës.kisha dashtë të besoja e shpresoja se kështu do të jet gjer në fund.

[Sabriu]

Kështu ndodhi edhe me rastin e luftës së dytë botërore :se edhe populli i Kosovës do të vendos për fatin e vet.Shqiptarët u gëzuan, por qka ndodhi në të vërtetë?,këte e dimë shum mirë të gjith.A po përsëritet i njejti skenar?,ta shofim!!
dasht zoti kurrë,por zoti nuk ka qenë,s`është, e nuk do të jetë me ata të cilët kanë vrarë,vrasin e do të vrajnë veten e tyre.

[dodoni]

Kosova do të jetë e pavarur nëse respekton të drejtat e pakicave, thotë senatori Vojnoviç

Prishtinë, 24 mars- Kosova do të jetë e pavarur nëse i përmbahet premtimit për respektimin e plotë të të drejtave të pakicave, tha senatori amerikan Xhorxh Vojnoviç pas takimit me Ekipin Negociator të Kosovës.
"Njerëzit këtu angazhohen për pavarësi, mirëpo porosia duhet të jetë se nëse pavarësia ndodh, njerëzit që janë pakicë duhen trajtuar ashtu siç do të dëshironit të trajtoheshit ju", tha senatori Vojnoviç. Ai tha se krahas dëshirës në Kosovë për të pasur pavarësinë, njëkohësisht duhet të sigurohen që kjo të bëhet në mënyrën e duhur. "Nëse nuk bëhet në mënyrën e duhur, atëherë do të ketë ndryshim në udhëheqjen politike në Serbi", tha Vojnoviç, i cili e sheh si brengosëse ardhjen në pushtet në Serbi të radikalëve. Këto mëdyshje i ka hequr presidenti i Kosovës Fatmir Sejdiu duke i garantuar senatorit se kujdesi ndaj pakicave është i pashkëputshëm nga procesi i pavarësisë. "Rrugëtimi ynë drejt pavarësisë së plotë dhe njohjes ndërkombëtare ka po ashtu kuptimin e kujdesit të veçantë që këto procese të trajtimit në bazë të standardeve më të larta ndërkombëtare të të gjithë qytetarëve dhe minoriteteve të jenë në bashkëngjitje, një proces i vazhdueshëm", tha Sejdiu. Presidenti Sejdiu tha se synimi është që Kosova të ketë një komunikim të brendshëm dhe stabil me vendet fqinje, integrimet euroatlantike dhe një prezencë të trupave të NATO-s në Kosovë. Ndërsa, Hashim Thaçi, tha se zyratarizimi i pavarësisë së Kosovës është vonuar për shkak të mosvendosmërisë së komunitetit ndërkombëar për të njohur realitetin e Kosovës së pavarur të qershorit të vitit 1999. "Por, unë besojë se ky përkushtim sot i politikës kosovare dhe vendosmëria e qytetarëve të Kosovës do të përshpejton proceset dhe ky vit do të jetë viti i vendimit për statusin e Kosovë, tha ai. Senatori Vojnoviç ka takuar edhe përfaqësuesit e serbëve të Kosovës.

Ekspertët amerikanë diskutuan mbi Kosovën në Universitetin Xhorxhtaun

Uashington, 24 mars - Tema e pakicave në Kosovë ishte një nga çështjet më të rrahura edhe në diskutimin që u zhvillua të enjten në Universitetin Xhorxhtaun, i organizuar në bashkëpunim me Shoqatën e Studentëve Shqiptarë Pasuniversitarë.
Ish ambasadori amerikan në Turqi, Mort Abramovic, tha se negociatat për statusin përfundimtar të Kosovës janë një mundësi për të bindur shumicën shqiptare të zbatojë masa reale për mbrojtjen e pakicave. "Duhet shfrytëzuar rasti për të ushtruar trysni ndaj shqiptarëve të Kosovës që të marrin masa e të miratojnë ligjet e nevojshme për përmirësimin e gjendjes së serbëve dhe pakicave të tjera".
Ambasador Abramovic thotë se, për ndërtimin e një shteti funksional në Kosovë, duhen zgjidhur tri çështje, kryesisht përmes Këshillit të Sigurimit. Vështirësitë që mund të ndeshen për shkak të pozicioneve të mundshme të Rusisë dhe Kinës, thekson ambasadori, shumëkush mendon se janë të kapërcyeshme. "Fillimisht Kosova duhet të pranohet në Kombet e Bashkuara dhe t'i jepet mundësi të bashkëpunojë me organizmat financiare ndërkombëtare. Çështja e dytë është zëvendësimi i UNMIK ut. Cilat janë ato institucione vendase në gjendje për të marrë frenat në dorë dhe cili do të ishte roli i perëndimit gjatë këtij procesi"? Kurse çështja e tretë, thotë ambasadori, ka të bëjë me zgjidhjen e qytetit të ndarë të Mitrovicës.
Doktor Çarls Kapçan, profesor i marrëdhënieve ndërkombëtare në Universitetin Xhorxhtaun, mendon se është gabim heqja nga tryeza e bisedimeve e mundësisë për ndryshime territoriale, meqenëse "një pjesë e Kosovës është e lidhur de fakto me Serbinë". "Nëse bashkësia ndërkombëtare dhe Prishtina nuk janë të përgatitura të marrin masat e duhura për ribashkimin e Mitrovicës dhe Kosovës Veriore me një shtet funksional kosovar, nuk mendoj se duhet ta konsiderojnë ndarjen si të papranueshme. Kjo është një zonë e banuar gati 100 përqind nga serbët. Sistemi arsimor, ai shëndetësor administrohen nga Beogradi. Ky i fundit ka madje oficerë sigurimi në Mitrovicë në kundërshtim me rezolutën e Kombeve të Bashkuara. Për ta ribashkuar zonën me pjesën tjetër të Kosovës, duhet që këta oficerë të dëbohen dhe mendoj se as Bashkimi Evropian, as Shtetet e Bashkuara, nuk janë të gatshme për diçka të tillë".
Ndërkaq, doktor Çarls King i Universitetit Xhorxhtaun është i mendimit se asnjë prej diskutimeve për Kosovën dhe të ardhmen e saj nuk ka të bëjë me të drejtën ndërkombëtare, por me vetëvendosjen, pasi sipas tij, vetëvendosja ka qenë parimi, mbi bazën e të cilit bashkësia ndërkombëtare ka vepruar në Ballkan 15 vjetët e fundit. "Shqiptarët e Kosovës nuk e meritojnë pavarësinë më shumë se serbët e Krajinës, apo ata të Republikës Serbe të Bosnjës. Po ashtu edhe në rastin e kombeve të tjera, si për shembull kurdët, Republika Turke e Qipros, apo raste të tjera në Euroazi. Por nga ana tjetër, po ta shohim problemin se cila zgjidhje do ta bëjë të ardhmen e rajonit më shumë apo më pak të qendrueshme këndvështrim që është pjesë e logjikës që i dha fund Jugosllavisë atëherë një Kosovë e pavarur do të përputhej me logjikën e shpërbërjes së Federatës Jugosllave dhe ky është gjithashtu përfundim logjik përsa i përket pavarësisë së Malit të Zi". Që të tre ekspertët e hedhin poshtë mundësinë e destabilizimit të Maqedonisë, nëse Kosova bëhet shtet i pavarur. (Z.A.)