Statusi i ardhshem i Kosovës!

[kiniku]

...

Unë jam Kosovar dhe në Shqipëri isha vëtëm një here mirpo kjo ka mjaftuar që ta shpalli Shqipërinë terra none-grata në itenerarin tim. Isha i huaj në mesin e popullit tim. Inferior. Dallimet në mes të Shqipëtarve të Shqipërise dhe atyre të Kosoves, Malit të Zi dhe Maqedonisë janë “greminë e thellë” dhe verehen nga të gjithë, pervec nga Kosovaret. Edhe këtu në forum, është evident kualiteti dhe kuantiteti. Shqipëria cdo here do të jetë yll Orioni për Kosoven.

Kujtoj se doktrina e zgjerimit të territoreve është doktrine medievale dhe ka pushuar se qenuri vlerë. Sot, vlerë që cmohet është përparimi ekonomik dhe demokratik. Shqipëria etnike ka qenë zgjidhje ndoshta shekullin e kaluar, por, jo në kushtet e rrethanat e kësaj kohe.

Cka ka Shqipëria të i ofroj Kosoves? Asgjë. Shqipëria ka hallet e veta enorme për të cilat nuk ka zgjidhje. Kosova vëtëm do të paraqiste barrë për Shqipërine pasojat e se ciles do të i vuante vete Kosova dhe Kosovaret. Shqipëria është e fundit e cila do të antarsohet në BE.

E vetmja zgjidhje për Kosoven është BE -> Punësimi. Preferoj një status të kushtëzuar, presence ndërkombëtare dhe me kredira e me koncenzuse të ndryshme, të i rrekemi Evropes. Shpresoj se kjo klikë politike e Kosoves do të bie poshte dhe do të vije një tjeter.

...

[Iliriani]

Koço Danaj(Koment i lajme.net)

Plani Europian per ndarjen e Kosoves : Kosova pavarsi, serbet autonomi me lidhje me Beogradin



Po kristalizohet per dite e me teper, Plani europian per ndarjen e Kosoves. Analiza e qendrimeve dhe deklarimeve te politikaneve dhe diplomateve europiane lidhur me ndarjen e Kosoves asnjehere nuk kane dale hapur. Perkundrazi sa me shume qe ata punojne per ndarjen e saj, aq me shume japin deklarata per pavarsine e Kosoves. Natyrisht qe ata nuk punojne per nje ndarje klasike, por demokratike, te mbuluar me terma bashkekohore.
Por sa here qe dikush e ve ne dukje ekzistencen e ketij plani, ata nervozohen dhe leshojne deklarata vetekomprometuese. Deklarata e Doris Pack ndaj disa thenieve te ministrit shqiptar te puneve te jashtme Mustafaj, egersia e saj, vetem sa e zbuloi me shume planin europian te ndarjes se Kosoves, ku ajo eshte bashkeautore.
Disa tregues qe po e konkretizojne perdite e me teper kete plan.
Detaji i pare: Realiteti i Kosoves eshte i tille qe Mitrovica Veriore por edhe Kosova Veriore veprojne te ndara nga pjesa tjeter e Kosoves. Per kete realitet, Grupi Nderkombetar i Krizave, ku Ahtisari ka nje rol kyç, kerkoi edhe nje administrator nderkombetar. Realiteti i Kosoves eshte qe ne pjesen Veriore nuk lejohen makinat me targa te Kosoves. Realiteti i Kosoves eshte qe edhe ne Malisheve ku nuk ka asnje serb, UNMIK kerkon qe gjuha serbe te jete gjuhe zyrtare. E megjithate bisedimet per statusin e Kosoves, nuk filluan nga bashkimi I saj, por nga legalizimi i ndarjes se saj.
Detaji I dyte: E gjitha bashkesia Europiane ka qene dakord qe objektet fetare serbe ne Kosove te fitojne status ekstrateritorialiteti, qe ne kushtet e Kosoves do te thote te krijosh nje «Salamander Politike» qe do te ndaje Kosoven ne menyre te perçudnuar. Thjesht te krijoje nje «Frankeshtetjn Politik» ne te cilin askush nuk mund te jetoje I qete. PIka 2 e planit Dernovshek e kerkon hapur kete gje.
E megjithate bisedimet nuk po behen se si te eleminohet kjo Salamander Politike, por se si te thellohet ajo. Delegacioni I Kosoves rezistoi heren e dyte ne Viene per te mos lejuar lidhjen horizontale te komunave serbe ne Kosove, por a do te rezistoje deri ne fund?
Detaji i trete: Edhe ne paraqitjen e bisedimeve te Vienes, Kosova paraqitet e ndare. Megjithse flitet per fasade nga Bashkimi Europian per nje Kosove qe nuk do te ndahet, askush nuk thote se edhe ne bisedime Kosova eshte e ndare. Serbet e Kosoves, nuk jane pjese e delegacionit te Kosoves, por pjese e delegacionit te Serbise. Veshtire se diplomati me shume pervoje Solana, apo diplomatja po me kaq pervoje Doris Pack nuk e kuptojne se rreshtimi ne bisedime politike tregon se je pale, brenda pales apo jashte saj. Te derguarit e tyre, diplomatet e vjeter austriake, Lehne dhe Rohan do ta quanin skandal politik dhe diplomatik neqoftese perfaqesuesit e Alsas Lorenes do te rreshtoheshin ne ndonje delegacion politik perballe Frances. Apo neqoftese politikanet hungareze te Vojvodines do te rreshtoheshin perballe delegacionit serb ne ndonje takim me Hungarine.
Por e konsiderojne normale qe serbet te cilet jane qytetare te Kosoves te rreshtohen perballe Kosoves dhe delegacionit te saj. Kete skandal politik, diplomatik nuk e kane cilesuar te tille as politikane dhe dipolmate me pervoje te se majtes shqiptare si Meta, Milo, Dade. Perkundrazi e kane pershendetur kete skandal te paprecedent, teksa e konsideruan skandal nje deklarate te Mustafajt qe evidentoi ndarjen e Kosoves.
Detaji i katert: Delegacioni i Kosoves ne Viene nuk ka perballe tij asnje homolog nga Serbia, por ka vetem 2 keshilltare dhe disa figurante nga Kosova. Eshte edhe ky nje skandal tjeter politik dhe diplomatik. Kushdo qe ka sadopak dinjitet politik dhe pervoje dipolomatike do tu keshillonte politikaneve kosovare te mos e pranonin humbjen qysh ne fillim, por te caktonin ne delegacion nivelin qe ka caktuar Serbia.
Autonomia per serbet e Kosoves do te jete mbulesa e ndarjes se saj. Ndersa decentralizimi eshte aktualisht mbulesa e autonomise. Bashkimi Europian midis kerkeses se shqiptareve ne Kosove per «Pavarsi» dhe kerkeses serbe «Me shume se autonomi dhe me pak se pavarsi», ka zgjedhur dhe po zbaton planin e ndarjes hap pas hapi te Kosoves.
Cili eshte thelbi i planit serb: Kosova pavarsi dhe serbet e Kosoves autonomi me lidhje te dyfishta, edhe me Beogradin edhe me Prishtinen. Diplomatet e opozites ne Shqiperi kane aq pervoje dhe aq njohje nderkombetare qe te vihen ne dijeni te nje plani te tille. Prandaj ata reaguan kunder deklarates qe denonocoi ndarjen e Kosoves. Prandaj reagoi edhe ne menyre te neveritshme, Doris Pack ndaj denoncimit te ketij Plani.
Dhe ne fund, edhe nje detaj qe lidhet indirekt me Planin Europian per ndarjen e Kosoves : Doris Pack si deputete e parlamentit Europian ishte nder kryesoret qe aprovuan rezoluten para disa ditesh sipas se ciles Turqia dhe Maqedonia do te pranohen ne BE pas 15 vjetesh. Ndersa Shqiperia mbas me shume se 15 vjet. Dhe «diplomatet-patriote» te opozites, Meta. Milo, Dade nuk thane asnje fjale ndaj kesaj Rezolute raciste, ku zonja Pack eshte bashkeautore.
__________________

[km92]

Pavaresi E Plote

Edhe pik

[Sabriu]

Për Mariachi,

E di ti se kush ka qenë Skeënderbeu?,unë vetëm e di se ti këte nuk e din.

[ARIANI_TB]

Ramush Haradinaj: Kosova në rrugë të mbarë drejt zgjidhjes së statusit Aktuale

Ish kryeministri Ramush Haradinaj vlerësoi sot se në Kosovë po bëhet punë e mirë drejt finalizimit me sukses të statusit të saj. Pas takimit me kryeadministratorin Soren Jesen Petersen, Haradinaj tha se ai nuk do të përfshihet në Ekpin Negociator, por shprehu mbështetjen për këtë ekip dhe për punën institucioneve të Kosovës. Ky ishte aktiviteti i parë politik i Ramush Haradinajt, pas ngritjes së aktakuzës nga Tribunali i Hagës në mars të vitit të kaluar.


Haradinaj tha se dinamika e zhvillimeve në Kosovë është shpresëdhënëse, duke konfirmuar edhe mbështetjen e tij për institucionet dhe për Ekipin Negociator të Kosovës. “Gjithçka që po punojmë në Kosovë është rreth statusit dhe për statusin. Unë personalisht nuk do të marr përgjegjësi në Ekipin e Unitetit, sikurse e njohim, dhe në grupet punese, por jam i gatshëm që t’i jap mbështetje në vazhdimësi, duke e ditur se është një obligim i imi edhe si kryetar i një partie në Kosovë, i AAK-së dhe si një nga kolegët që veprojnë në Kosovë”, tha Haradinaj. Haradinaj vlerësoi gjithashtu se ndryshimet e fundit në institucione kanë sjellë një dinamikë shpresëdhënëse për Kosovën. “Këto ndryshime kanë sjellë një dinamikë që është shumë me dobi për atë që po ndodh në Kosovë dhe bindja ime është se ne jemi në terren të mirë dhe është duke u bërë punë e mirë për statusin e Kosovës, por edhe për jetë më të mirë të qytetarëve në Kosovë”.
Me 10 mars të këtij viti, Tribunali i Hagës i ka lejuar ish kryeministrit Haradinaj që të ushtrojë veprimtari të caktuara politike në Kosovë. Hardinaj tha se Tribunali i Hagës i ka lejuar atij të merret me të gjitha aktivitetet brenda partisë, AAK-së, por edhe me aktivitete të tjera politike publike, që konsiderohen të rëndësishme dhe që dëshmohen se janë në interes të proceseve në Kosovë.




RTK 20/03/2006 15:23:38

[Sabriu]

A po kontribuohet rajonalizimi i Kosovës mbi baza etnike

20 mars 2006 /TN

Në një shkrim të 23 shkurtit, pra pas kthimit të delegacionit të Kosovës nga Vjena ku ishte zhvilluar takimi i parë për decentralizimin, ndër tjerash pata shkruar: “A kanë premtuar krijimin e komunave serbe, dhe a kanë premtuar kompetenca shtesë për to? Në këtë kontekst, a është premtuar, apo së paku a ka rrezik që këto komuna të krijojnë një lidhje horizontale-territoriale, nëpërmjet të të cilës do të injorohej lidhja vertikale-institucionale?” Tash kur është kryer edhe takimi i dytë, delegacioni i Kosovës u dha përgjigje pozitive këtyre pyetjeve.

Shkruan: Rexhep KASTRATI

Delegacionet u takuan në Vjenë dhe biseduan vetëm një ditë, për dallim nga hera e parë kur biseduan dy ditë. Të dyja palët deklaruan fitoren, dhe edhe ndërmjetësit u ndanë të kënaqur. Të gjithë shkuan, të gjithë biseduan, të gjithë fituan dhe të gjithë u kthyen. S’ka më mirë.

As në përralla më mirë nuk bëhet. Dhe lum ne që po jetojmë në një botë përrallore! Po çka u bisedua? Çka fituan palët? Përse u kënaqën të gjithë? Me t’i shtruar këto pyetje bota përrallore fillon të shpërbëhet dhe kthehemi në botën reale, në atë botë në të cilën kemi qenë edhe para se delegacionet të rrezatojnë kënaqësi nga goja e tyre e lyer me sheqerka e llokume. Dhe fatkeqësisht del se jo të gjithë kanë fituar.

Dhe fatkeqësisht jo të gjithë kanë arsye për t’u kënaqur. Është kështu se delegacioni i Kosovës po na i ha fjalët dhe ndryshe po flet para se të niset, e ndryshe pasi po kthehet. Pra, më duket se dikush këtu po rren: Veton Surroi që tha se delegacionit të Kosovës i është sugjeruar që të mos pranojë lidhje horizontale të komunave të reja, ose delegacioni i Kosovës që ende pa mbërritur në Prishtinë tha se është pranuar lidhja horizontale e komunave. Dhe këtu zë fill bota reale, e cila na bën që të kuptojmë se nuk paskemi qenë në një botë përrallore, por në një botë përrallash e mashtrimesh.

Dhe e keqja është se delegacioni i Kosovës po komunikon me opinionin e gjerë vendës sikur të komunikonte me ndonjë grumbull kalamajsh që mund t’i mashtrosh me fjalë të ëmbla sikur t’u jepte sheqerka, çokollada apo llokume. Me fjalë të tjera, delegacioni i Kosovës si herën e parë i drejtuar nga Lutfi Haziri, si herën e dytë i kryesuar nga Hashim Thaçi, po vazhdon që lëshimet strategjike ndaj Beogradit t’i paraqesë si konstruktivitet dhe seriozitet të palës nga Kosova dhe si epërsi në raport me paraqitjen e palës nga Serbia.

Mirëpo, me këto lëshime që duket sheshit se janë lëshime substanciale, politike e juridike po realizohet lidhja horizontale-territoriale e komunave serbe dhe shkallë-shkallë po shkohet drejt krijimit të një entiteti politiko-territorial etnik. Nuk është me rëndësi se si do të quhet ky entitet, por duket sheshit që jo vetëm do të mundësojë kompetenca shtesë, por edhe një lidhje institucionale ndërmjet komunave, ashtu edhe siç ka parashikuar shumë kohë më parë edhe Beogradi.

Ky realitet i zymtë dhe kjo botë reale që nuk është aspak si në përralla, duket se do të qartësohet më 3 prill, dy ditë pas ditës së rrenave, sikur për të dëshmuar se dita e rrenave tanimë do të ketë kaluar.

Atëherë do të ketë rënë maska komike e delegacionit të Kosovës dhe do të mund të vërehet tragjika e Kosovës, e cila ndodhet para dy rreziqeve të tmerrshme: rrezikut që në fund të procesit bisedimor të mbetet përfundimisht pa veriun e Kosovës dhe me një entitet politiko-territorial të veçantë brenda Kosovës, ashtu siç edhe kam shkruar para 5 vjetësh në fejtonin “Pse po ndodh Mitrovica?” dhe të botuar në “Bota sot”, e të cilin do ta ribotoja në kontekst të zhvillimeve aktuale po të ketë mirësinë botuesi i “Botës sot” që t’m’i japë bashkë me shkrimet e tjera që më kanë mbetur në atë gazetë.

Deklarata e ministrit të punëve të jashtme të shtetit aktual shqiptar, z. Besnik Mustafaj lidhur me ndarjen eventuale të Kosovës, sikur është edhe një paralajmërim dhe një alarm që duhet të kuptohet drejt dhe seriozisht, e jo siç e komentuan dy linjat politike: linja e Tiranës/Kretës dhe linja udbasho-jugosllavokomuniste që gati se ishin në të njëjtën vijë me komentet e Beogradit.

Edhe pse komentet e linjës institucionaliste ishin më të pjekura dhe më realiste, pra joinferiore, duhet thënë se kjo linjë duhet të lirohet nga ngërçet e brendshme për kreun e LDK-së dhe të mos bjerë viktimë e pazarllëqeve, shantazheve dhe e kurtheve brenda llojit edhe në raport me çështjen e decentralizimit që është në rend dite në takimet e Vjenës, dhe të mos mbetet vetëm në nivelin deklarativ.

Kur them këtë, kam parasysh se përfaqësuesit e LDK-së në Ekipin Negociator, por edhe në delegacionin për decentralizimin, jo që nuk po veprojnë në përputhje me interesat reale të Kosovës, por edhe po e paraqesin veten si pjesë të delegacionit partiak të PDK-së dhe udhëheqësit të saj Hashim Thaçi.

Të përfshirë në pazarllëqe të ndyra me mr. Eqrem Kryeziun për eliminimin e akademik Dacit, Fatmir Sejdiu,Lutfi Haziri, Kolë Berisha, Skënder Hyseni e Naim Jerliu, kanë shkelur me të dy këmbët konceptin e dr. Ibrahim Rugovës për decentralizimin, që është koncept funksional dhe qytetar e jo territorial e etnik, dhe ashtu si shefi i tyre mr. Eqrem Kryeziu, duket se duan të rrënojnë gjithçka rugoviste brenda LDK-së. Në këtë drejtim duhet të aktivizohet edhe Kuvendi i Kosovës, i cili debatin eventual për këtë çështje nuk duhet ta kalojë ashtu sa për të thënë, por të ketë një qasje serioze dhe në përputhje me interesat reale të Kosovës.

Është çështje tjetër që pjesa më e madhe e deputetëve të këtij Kuvendi e kanë degraduar veten në një numër sustash elektorinke, apo në një tufë kartonësh të cilët mund t’i aktivizojë sipas qejfit dhe sipas interesave të tij personale mr. Eqrem Kryeziu, prandaj edhe është shumë e diskutueshme që a do të mund të ringrihen në nivel të dinjitetit të tyre si deputetë dhe të diskutojnë me seriozitetin që e kërkon çështja, dhe në kundërshtim me interesat personale të një tufe servilësh që postin e kryetarit të Kosovës, të zëvendëskryeministrit dhe ndonjë post tjetër e kanë paguar me bindje ndaj shefit të tyre të ri.

Sidoqoftë mbetet të shihet kur të zhvillohet debati për decentralizimin në Kuvendin e Kosovës se a është shndërruar institucioni më i lartë përfaqësues i qytetarëve të Kosovës në një servis të një grupi individësh që për interesa personale mund të provojnë të luajnë me fatin e Kosovës, apo vërtet do të mbrojë interesat e Kosovës. Ajo që mund të thuhet qysh tash është se njëkohësia e zhvillimit të bisedimeve për decentralizimin dhe e shkarkimit/zëvendësimit të akademik Dacit është një parathënie e keqe edhe për vetë Kuvendin.

Ndonjë Sabri Hamit që mund të çojë pluhur, do të mund të qetësohet nga miku i tij dhe bashkëluftëtari mr. Eqrem Kryeziu dhe të mos prishet plani për decentralizimin e Kosovës sipas interesave serbe, pra sipas interesave të Beogradit. Dhe kur them “plani për decentralizimin e Kosovës”, nuk mendoj absolutisht më për sintagmën tjetër terminologjike: “reformimi i pushtetit lokal”, sepse takimi i dytë i Vjenës përfundimisht e ka nxjerrë nga fjalori politik në përgjithësi, por edhe nga fjalori politik i delegacionit të Kosovës, pasi që në asnjë rast nuk më ka rënë ta dëgjoj nga asnjëri anëtar i këtij delegacioni as në Vjenë, e as në Prishtinë.

Duket se më në fund edhe delegacioni i Kosovës e ka të qartë se bashkësia ndërkombëtare, e me këtë edhe ndërmjetësit ndërkombëtarë për statusin e Kosovës, ka falur vazhdimisht për decentralizim e jo për reformim të pushtetit lokal, prandaj edhe është më afër konceptit serb për ristrukturimin e relievit territorial të Kosovës. Përveç pranimit të komunave me bazë etnike, përveç kompetencave shtesë për këto komuna, përveç lidhjeve horizontale-territoriale të këtyre komunave, delegacioni i Kosovës ka pranuar se në Kosovë realisht po ndodh decentralizimi e jo reformimi i pushtetit lokal.

Mbetet të shihet se a do të pranojnë më 3 prill edhe lidhjet e komunave serbe me pushtetin e Beogradit, financimet e Beogradit për këto komuna, që ne dhe vetë delegacioni i Kosovës të flasim për entitet të ri politiko-territorial brenda Kosovës. Edhe me kaq sa ka pranuar, delegacioni i Kosovës tashmë e ka shkelur edhe modelin sllavomaqedonas të decentralizimit, duke pranuar për 5-6 % të qytetarëve të Kosovës që quhen serbë, shumëfish më shumë autonomi se për 25% të qytetarëve të Maqedonisë që quhen shqiptarë.

Sidoqoftë 3 prilli do të jetë datë që do t’na nxjerrë përfundimisht nga bota përrallore dhe nga bota e përrallave që i kemi dëgjuar pas dy takimeve të gjertanishme të Vjenës, duke ua hequr shijen e ëmbël nga goja secilit anëtar të delegacionit të Kosovës. Kur e ha sapunin për samun vetëm shkumë mund të nxjerrësh nga goja, në mos edhe diçka më të rëndë

[faiksmajli]

Gjëja më e keqe e internetit është se; cdo axhami i futë hundët dhe e bënë bërllog krejt.

[faiksmajli]

Gjithçka mund të jet statusi i Kosovës,përveq Pavarësisë së plotë.
Tashmë kjo po shihet Fatkeqësisht.

[Sabriu]

Si jurist me plot përgjegjësi morale e njerëzore po them se një vend ose është i pavarur ose është koloni.Sovraniteti i kufizuar për Kosovën ka për qëllim kthimin e Kosovës nën sovranitetin e Serbisë.Andaj me qëllim që këte mos ta kuptoinë shqiptarët e Kosovës dhe shqiptarët në përgjithësi është duke u përgaditur një kolonizim i dyfisht për Kosovën e që prof.Dr.Mehdi Hyseni e ka quajtur me të drejt koloni serbo-europiane.

[Sabriu]

Edhe Beogradi kundër ndarjes së Kosovës

Beograd, 21 mars 2006 - Ndonëse nuk ka pasur rezultate konkrete në Vjenë, pala serbe është e kënaqur që janë diskutuar çështjet për të cilat deri vonë pala shqiptare nuk ka pranuar të diskutohen, thotë Slobodan Samarxhiq, këshilltar i kryeministrit të Serbisë.

Samarxhiq tha për mediat serbe se për palën serbe as që mund të bëhet fjalë për ndarjen e Kosovës dhe për ndryshimin e kufijve. "Beogradi nuk dëshiron ndarjen e Kosovës dhe në asnjë dokument të të vetin nuk bëhet fjalë për atë. Beogradi ka një strategji krejtsisht tjetër - dy pika të qëndrueshme.

Njëra do të mundësojë decentralizimin e thelluar për komunat serbe në Kosovë, që do të përshinte edhe selitë kryesore të manastireve dhe monumenteve të kulturës, ndërkaq pika tjetër Kosovës do t'i sigurojë autonomi substanciale në kuadër të Serbisë. Për ndryshimin e kufijve, ndarjen apo ndonjë zgjidhje të tretë, as që bëhet fjalë", thotë Samarxhiq