Statusi i ardhshem i Kosovës!

[Sabriu]

Në rastin kur një vend s’ka siguruar ekzistencën politike si shtet dhe s’ka krijuar mekanizmat përkatës për materializim të shtetësisë, njohja ndërkombëtare s’paraqet farë ndryshimi të madh në realitet. Rast më interesant është Palestina. Edhe pse Palestina formalisht ka shpallur pavarësinë më 15 nëntor 1988 ajo nuk funksionon si shtet madje as sot. Bile-bile, pas shpalljes së pavarësisë, Palestina është njohur si shtet nga 114 shtete të botës dhe madje edhe nga OKB-ja, (Rezoluta 43/177, datë 15 dhjetor 1988), por përsëri s’mund të funksionojë si shtet. Kjo tregon se sa e pavlerë është njohja formale si shtet, duke mos qenë si i tillë dhe duke mos funksionuar si i tillë.

[Llapi]

"Nju Jork tajms": Të dielën Evropa do të ketë një shtet të ri - Kosovën

Nju Jork, 14 shkurt - Të dielën Evropa do të ketë një shtet të ri - Kosovën, dhe kjo i jep fund 17 viteve të përgjakshme të luftërave në ish Jugosllavi. Ky është një rast për të festuar, shkruan në numrin e sotëm gazeta prestigjioze "Nju Jork tajms". Gazeta vlerëson se pavarësia e Kosovës është e justifikuar, unike në llojin e vet dhe e pashmangshme dhe nuk ka rrugë tjetër, ndërsa konstaton se Serbia e humbi lojën e nacionalizmit në Kosovë shumë kohë më parë. Në fillim të javës tjetër, fuqitë e mëdha, përfshirë Shtetet e Bashkuara, Francën, Britaninë dhe Gjermaninë do ta njohin shtetin e ri. Një shumicë e qartë e 27 vendeve anëtare të BE së pritet ta njohin shpejt Kosovën e pavarur. Qiproja, me pjesën e vet të pushtuar në veri, do kryesojë vendet që nuk do ta njohin Kosovën. Disa nga vendet e tjera të BE së që janë dyshuese për shtetin e ri janë Spanja, Rumania, Sllovakia, Greqia dhe Bullgaria. "Nëse BE ja do fliste me një zë, do të ishte diçka e këndshme, por mbështetja në shkallë të gjerë është e mjaftueshme për Kosovën e pavarur. Kjo mbështetje në rradhë të parë i dedikohet punës së ambasadorit gjerman në Britani, Wolfgang Ischinger. Ajo që është më e rëndësishmja, është se BE ja dhe SHBA të do ecin me një hap, çfarë nuk ka ndodhur shpesh kohëve të fundit", shkruan mes tjerash kolumnisti Roxher Koen në "Nju Jork tajms", i cili ka raportuar për luftërat në ish-Jugosllavi.

[bOndi_oo7]

Sipas informacioneve jozyrtare nga burime brenda Qeverise se Kosoves, Pavaresia do te shpallet sot me 15 Fror 2008 diku rreth ores 17:00.

Shpresojme te jete lajm i sakte.

Na qofte me fat Pavaresia vellezer!

[Kosovari_78_Ca]

Ne Toronto-Ontario-Canada

http://www.facebook.com/event.php?ei...4406016&ref=mf

“Te pritem te pritem me kënge e me valle ti për neve ishe ëndrra ma e madhe.

Festë, festë ka Kosova sodë ja gëzuar nënat sodë për Pavarësi ne Dardani po bijën tupanët…”

Të dashur bashkatdhetar motra dhe vëllezër Shqiptare.

Siç e dini po përgatitet Akti i Pavarësisë së Kosovës. Shpallja dhe njohja ndërkombëtare e pavarësisë do të hyjë në histori, jo vetëm në historinë tonë kombëtare, por edhe në atë botërore si krijimi dhe njohja ndërkombëtare e një shteti te ri në Jug te Evropës.

Duke mos harruare se më në fund, pas shumë përpjekjesh, vuajtjesh, lotësh dhe gjaku të derdhur, procesi i zgjidhjes përfundimtare të çështjes së Kosovës ka mbërritur në orët e vendimtare.

Prandaj vëllezër dhe motra, Shoqatat e komuniteti tona me seli ne Toronto, Kithchner ,London dhe Hamilton janë duke u organizuar për manifestimin e kësaj dite madhështorë për te gjithë kombin. Duke ber pregaditjet e nevojshme, qe ne ditën e shpalljes se pavarësisë nga Parlamenti i Kosovës, ne si bashekombas do mblidhemi para ndërtesës së Parlamentit te Ontarios në ora 1:00pm, ku do festojmë ne mënyre me dinjëtoze.

Parashikohet te jete 17 Shkurt 2008, për te gjitha këto informacione ju lutem prej te shtunës do ti postojmë ne te gjitha ueb-faqet siç janë:

Shoqata: http://www.albcan.org

Iliria: http://www.albanian.ca

Klubi Rinia: http://www.rinia.ca

Klubi Yjet: http://www.prishtina.ca

Gjithashtu dhe Pasqyra do lajmeron te Enjten dhe Shtunen.
http://www.pasqyra.ca

Po ketë dite ne emër te komuniteti shqiptar do ti bëhet kërkesë Qeveris dhe Parlamentit Kanadez qe te radhiten me Shtetet e Bashkuara të Amerikës dhe Bashkimin Evropian për njohjen e pavarësisë se Kosovës.

Duhet qe te gjithë te marrim pjesë ne ketë dite manifestimi, dy shtete Shqiptare një komb.

[tani_26]

Kosova e pavarur, festë me Himnin e BE-së
16 Shkurt 2008





Kushtetuta dhe Simbolet e Shtetit të Kosovës tashmë janë gati, por gjërat janë ngatërruar tek Himni. Flitet për një Himn të ndërmjetëm dhe të përkohshëm, atë ditë. Do të jetë Himni i BE-së, që është melodi nga Simfonia e Nëntë e Ludwig Van Beethoven.

Kosova po provon të shpallë pavarësinë në një mënyrë të butë, por edhe me të gjitha atributet shtetërore të gatshme. Festës së pavarësisë, megjithatë, do të mund t'i mungojë një element shumë i veçantë. Kushtetuta dhe Simbolet shtetërore tashmë janë gati, por gjërat duket se janë ndalur tek Himni. Zëvendëskryeministri Hajredin Kuçi ka thënë se bëhet fjalë për mundësinë që të ketë një Himn të ndërmjetëm e të përkohshëm.

"Mund të arrihet një zgjidhje e ndërmjetme dhe e përkohshme, deri në zgjedhjen e Himnit nëpërmjet konkursit. Ai do të jetë një Himn, si duket, ndërkombëtar",- ka thënë për “Express”, të enjten, numri dy i Qeverisë. Jo zyrtarisht është marrë vesh se këta tinguj do të jenë nga Himni i Bashkimit Europian, një melodi e Simfonisë së Nëntë e Ludëig Van Beethoven. Gjatë dhënies së udhëzimeve se si duhet të sillen autoritetet lokale në ditën e festës së pavarësisë, megjithatë kryeministri Hashim Thaçi ka thënë të enjten se në fazën përfundimtare është edhe Himni.

"Ne e kemi përgatitur Kushtetutën, ka përfunduar edhe puna rreth Simboleve. Ndërkohë, do të finalizohet edhe Himni i shtetit të ri të Kosovës",- ka thënë kryeministri Thaçi, pas takimit me kryetarët e komunave. Ndonëse njëherë ishte shpallur vitin e kaluar, konkursi për Himnin ka gjasë të ripërsëritet. Nga Komisioni punues për Kushtetutën, Simbolet dhe Himnin e Kosovës, është njoftuar se megjithëse pesë nga propozimet e përzgjedhura nga ky grup i janë dërguar Zyrës së Kryesuesit të këtij komisioni, Hajredin Kuçit, përzgjedhja ende nuk është bërë. Prandaj, ata nuk përjashtojnë mundësinë që të hapet sërish një konkurs i tillë. Por, Kuçi ka thënë se ende nuk ka marrë asnjë propozim për Himnin. Festimet po bëhen gati...

Një numër ftesash janë shkruar dhe pritet të arrijnë dhjetëra delegacione botërore në ditën e shpalljes. Liderët politikë po zhvillojnë takime për të koordinuar ceremoninë dhe këto ditë televizionet kanë qenë arenë e shfaqjeve të forcave të sigurisë, si për të treguar se Kosova është e mbrojtur, ndonëse thirrjet vazhdojnë t'i bëhen popullit për të ruajtur qetësinë. Hoteli “Grand” në Prishtinë po vazhdon të jetë vendtakimi më i frekuentuar nga gazetarët, si vendas, po ashtu edhe të huaj. Këtë lokacion, Qeveria e Kosovës e ka paraparë si qendër kryesore mediale që do t'u shërbejë gazetarëve vendas dhe të huaj.

Festimet po organizohen nga Këshilli Organizativ i Ceremonisë së Ditës së Pavarësisë, të cilin do ta drejtojë Bekim Çollaku nga Zyra e Kryeministrisë, deputetja Vlora Çitaku dhe regjisori Fadil Hysaj. "Zbulimi i një skulpture të veçantë dhe moderne për nga përmbajtja, pastaj koncerti i veçantë i Filarmonisë së Kosovës dhe koncerti qendror që do të mbahet në qendër të qytetit, janë disa nga pikat e parapara për ditën e pavarësisë",- kanë thënë burime të “Express”, nga Këshilli Organizativ. Përbërja e këtij Këshilli ka ngritur ndjenjat partiake, pasi qysh në fillim ka hasur në kundërshtimin e Lidhjes Demokratike të Kosovës.

Duke e ndier veten të përjashtuar, zyrtarë të kësaj partie kanë kërkuar që Këshilli Organizativ të mos përvetësohet nga vetëm një parti, por kjo të bëhet në mënyrë institucionale. Pikërisht për këtë, nënkryetari i LDK-së, Eqrem Kryeziu ka thënë për “Express” se çështja e organizimit të ceremonisë festive, nuk është punë dëshire.

"Këshilli Organizativ duhet të jetë organizim institucional, e assesi një gjë e tillë të organizohet nga një parti",- ka thënë ai. Sipas tij, dëshirat personale nuk duhet ngatërruar me organizime kaq të mëdha. Ai tha se ky është mendimi i tij, pasi që një gjë e tillë nuk ka qenë temë diskutimi në forumet e LDK-së. "Kjo është çështje institucionale dhe duhet të mbetet si e tillë", mendon ai. Njëri ndër anëtarët e Këshillit Organizativ ka thënë për “Express” se subjektet e tjera politike do të jenë bartës për organizime tjera, por jo edhe për agjendën festive të pavarësisë.



Thaçi: “Dinjitet dhe respekt në festime”

Kryeministri i Kosovës, Hashim Thaçi, ka kërkuar që dita e pavarësisë së Kosovës të kalojë e qetë në të gjithë vendin dhe të festohet pa ofenduar dhe provokuar askënd. Kreu i qeverisë u ka shpërndarë kryetarëve të komunave të Kosovës udhëzime për festimin e ditës së pavarësisë. Ai ka kërkuar kujdes të shtuar, në veçanti në komunat ju jetojnë komunitetet pakicë. Kryeministri Thaçi tha se kremtja për ditën e pavarësisë së Kosovës duhet të jetë dinjitoze. Ai bëri thirrje që në festimin e pavarësisë të mos përdoren fishekzjarre, armë zjarri e mjete të tjera shpërthyese.

Kuvendi mblidhet për buxhetin

Një anëtar i Kryesisë së Kuvendit të Kosovës, Xhavit Haliti i ka thënë BBC-së se shpallja e pavarësisë do të bëhet në një seancë tjetër të Parlamentit, por ai nuk ka qenë në gjendje të konfirmojë nëse kjo do të ndodhë të dielën. "Në një seancë tjetër më të shpejtë që mund të mbahet në Kuvendin e Kosovës, do të shpallet pavarësia",- tha zoti Haliti. Në mbledhjen e Kuvendit, ligjvënësit kosovarë pritet të miratojnë Buxhetin e konsoliduar të Kosovës për vitin 2008, që kap shumën prej më shumë se 1 miliardë Euro.

Anëtari i Kryesisë së Kuvendit, Xhavit Haliti thotë se pavarësia e Kosovës nuk duhet ta gjejë vendin pa miratuar ligjin për buxhetin. "Sot do të votojmë si Parlament që ta procedojmë me procedurë të shpejtë Buxhetin e Kosovës, për shkak se jemi vonuar dhe para se të shpallet Pavarësia, nuk do të duhej të ishim pa buxhet si Kosovë, pa e miratuar ligjin për buxhetin",- është shprehur zoti Haliti.

Kuvendi i Kosovës pritet të formojë edhe një komision ad-hoc, i cili do të shqyrtojë në procedurë të shpejtë ligjet nga pakoja e Ahtisaarit, që janë të domosdoshme për funksionimin e Kosovës si shtet i pavarur. Megjithëse ende nuk dihet me saktësi data e shpalljes së pavarësisë së Kosovës, udhëheqësit kosovarë thonë se gjithçka është gati për marrjen e vendimit dhe festimet. Burime të ndryshme i kanë thënë BBC-së se shpallja e pavarësisë pritet të bëhet në Parlamentin e Kosovës të dielën, ose eventualisht të hënën, por këto data mbeten të pakonfirmuara.


Pakicat

Kryeministri i Kosovës, Hashim Thaçi ka risiguruar popullsinë serbe në Kosovë se nuk do të përballen me diskriminim, kur vendi të shpallë pavarësinë nga Serbia. Duke folur para gazetarëve në Prishtinë, zoti Thaçi refuzoi të japë një datë të saktë për shpallje të pavarësisë. Rusia ka shtuar presionin diplomatik kundër njohjes ndërkombëtare të pavarësisë së Kosovës. Ministria e Jashtme Ruse ka lënë të kuptohet se çdo lëvizje e tillë do të merrej parasysh në politikën e Moskës drejt Abkhazisë dhe Osetisë së Jugut, që janë rajone që kërkojnë shkëputje nga Gjeorgjia. Rusia dhe Serbia thonë se çdo shpallje e pavarësisë do të jetë e paligjshme dhe i kanë bërë thirrje Këshillit të Sigurimit të OKB për të ndërmarrë veprime të shpejta kundër çdo lëvizje të tillë, por SHBA dhe disa vende të BE-së duket se përkrahin atë.

OKB

Kjo vjen në kohën kur ministri i Jashtëm i Serbisë, Vuk Jeremiq i ka bërë thirrje Këshillit të Sigurimit të OKB-së që të kundërshtojnë shpalljen e pavarësisë të Kosovës e cila pritet të bëhet se shpejti. Zoti Jeremiq tha pas takimit se nuk ishte vonë që të ndalej Kosova nga ndarja. Ai tha se Serbia nuk do të përdorë forcën nëse Kosova e bën këtë, por se lejimi i Kosovës që të shpallë pavarësinë, sipas zotit Jeremiq, do t'i jepte dritën jeshile edhe lëvizjeve të tjera separatiste anembanë botës. Jeremiq tha se nga OKB kishte kërkuar mbrojtjen e sovranitetit dhe integritetit të Serbisë si një shtet anëtar i Kombeve të Bashkuara. Ai tha se Serbia ishte gati që të bisedojë dhe të angazhohet në dialog demokratik dhe paqësor. Ndërsa zv/Ambasadori Amerikan në Kombet e Bashkuara, Alejandro Wolf, tha se Shtetet e Bashkuara mbështesnin planin e OKB-së për të ardhmen e Kosovës. Ai tha se qëndrimi i Shteteve të Bashkuara është i qartë dhe se Uashingtoni beson se plani i zotit Ahtisari, i cili çon në pavarësinë e mbikëqyrur të Kosovës, është mënyra më e drejtë për të siguruar mirëqenien dhe të ardhmen e shqiptarëve dhe serbëve të Kosovës.

Sipas BBC

Serbia kërcënon me sanksione ekonomike e diplomatike Kosovën

Serbia i ka kërcënuar në OKB shqiptarët e Kosovës me sanksione, për rastin e shpalljes së pavarësisë. Por ajo nuk ka kërcënuar me hapa të dhunshëm ose ushtarakë. Ministri i Jashtëm i Serbisë, Vuk Jeremiç tha se do të përdoren të gjitha mjetet ekonomike dhe diplomatike, për të penguar ose për të kthyer pas një shkëputje të Kosovës. Serbia dhe Rusia i bënë thirrje KS të OKB-së të kundërshtojnë shkëputjen e Kosovës.

[tani_26]

Sipas gjasave diten e Diele me 27 Shkurt kuvendi i Kosoves do shpalle Pavarsine.

Gezuar pavarsine e Kosoves, eshte akti me i madh historik pas shpalljes se pavarsise ne Vlore me 1912!

[tani_26]

Thaçi lë të kuptohet shpalljen e pavarësisë


Kryeministri i Kosovës, Hashim Thaçi tha të shtunën në Prishtinë se e diela do të jetë një ditë tjetër 'e angazhimeve shtetërore për implementimin e vullnetit të qytetarëve të Kosovës'.
"Ne kemi agjendën tonë, agjendë të cilën do ta respektojmë si institucione të Kosovës, bashkarisht me komunitetin ndërkombëtar," tha z. Thaçi.

"Edhe dita e nesërme do të jetë ditë e qetësisë, e rendit dhe e mirëkuptimit, e angazhimeve shtetërore për implementimin e vullnetit të qytetarëve të Kosovës".

Korrespondenti ynë në Prishtinë thotë se me deklaratën e bërë pas takimit me krerët e bashkësive fetare z. Thaçi ka lënë të kuptohet se të dielën mund të shpallet pavarësia e Kosovës…

Pa konfirmuar shpalljen e pavarësisë së Kosovës, që pritet gjerësisht të ndodhë të dielën, kryeministri i Kosovës tha se autoritetet e Beogradit, nuk mund të kenë asnjë ndikim në zhvillimet që ndodhin në Kosovë.

Korrespondentët e BBC-së në Prishtinë thonë se në Kosovë kanë filluar tashmë përgatitjet për festimet që do të shoqërojnë shpalljen e pavarësisë.

Misioni i BE-së

Ndërkohë, Bashkimi Evropian miratoi dërgimin e misionit të tij në Kosovë.

Misioni, në përbërje të të cilit do të jenë 2 mijë vetë, do të fillojë dislokimin javën e ardhshme.

Ai do të drejtohet nga gjenerali francez në pension, gjen. lejt. Yves de Kermabon, që ka qenë komandant i forcës paqëruajtëse në Kosovë gjatë 2004-2005-ës.

Diplomati veteran holandez, Pieter Feith është emëruar i dërguari i posaçëm i BE-së në Kosovë.

SHBA dhe shumica e vendeve të BE-së pritet që ta njohin shpejt pavarësinë, por Rusia dhe Serbia e kundërshtojnë fuqishëm këtë hap.

"Procedurë e heshtur"

Bashkimi Evropian priti deri në momentin kur presidenti serb, Boris Tadiq bëri betimin në post të premten, para se të hapte dritën jeshile për misionin në Kosovë, thotë korrespondentja e BBC-së në Bruksel.

Vendimi u zyrtarizua nga e ashtuquajtura "procedurë e heshtur", sipas së cilës blloku me 27 anëtarë, kishte kohë deri në mesnatën e shkuar për të shprehur kundërshtimet.

Misioni i përbërë nga 2 mijë anëtarë, policë, zyrtarë doganash, gjykatës dhe prokurorë, do të ketë për detyrë të ndihmojë në ndalimin e shkeljes së të drejtave të njeriut dhe të sigurojë që të mos ketë ndërhyrje politike në punën e institucioneve të Kosovës.

Misioni po ashtu do të ndërhyjë në zonat e ndjeshme, si janë lufta kundër korrupsionit dhe krimit të organizuar dhe në kapjen e të dyshuarve për krime lufte.

Ndërsa Gjermania dhe Italia janë kontributorët më të mëdhenj, pjesëmarrës në mision janë të gjithë vendet anëtare të BE-së me përjashtim të Maltës, ndërkohë që do të kontribuojnë dhe vende si SHBA, Turqia dhe Kroacia që nuk janë anëtare.

[Llapi]

[Sabriu]

Vetë statusi i ri i Kosovës, “pavarësia e mbikëqyrur” e saj do të përbëjë njërën prej sfidave më të mëdha për Kosovën.Edhe pse thuhet se nuk ekziston mundësia e “përsëritjes së UNMIK-ut nëpërmjet të BE-së”, është fakt i pamohueshëm se në Kosovë do të ketë një prani të fuqishme civile ndërkombëtare e cila, për kohën se sa do të jetë “e instaluar” në Kosovë, do të mund të krijonte “një mentalitet të ri vartësie të saj”. Nuk do të dëshironim që në Kosovë “të përsëritet shembulli i Bosnjës” dhe që ajo prani civile ndërkombëtare “të krijojë” nga Kosova një shtet jofunksional dhe, në mungesë të sovranitetit në kuptimin e tij të shprehur më lart, në Kosovë “të krijohet ndjenja e të qenit shtet”, pa mundësinë e funksionimit të tij në kuptimin e plotë; “të krijohet ndjenja e të qenit i pavarur”, pa mundësinë e shprehjes së saj në kuptimin e plotë; “të krijohet ndjenja e “të veshurit me pushtet”, pa mundësinë e ushtrimit të tij në kuptimin e plotë.

[tani_26]

Si perfundim statusi perfundimtar i Kosoves ishte Pavarsi e kushtezuar, edhe pse shqiptaret do deshironin nje pavaresi te plote. Pak rendesi ka kjo. M e rendesishmja eshte se Kosova u shkeput prej Serbise dhe kjo ishte nje fitore e madhe historike per gjithe shqiptarizmen.

Tema e kreu funksionin e vet prandaj eshte normale qe te mbyllet ketu.