Statusi i ardhshem i Kosovës!

[nike martini]

PAMVARSIIIIIIIIIIIIIIIIIIIIIIIIIIIIIIIIIIIIIIIIIII IIIIIIIIIIIIIIIIII

[Llapi]

shif qfar thot pacovi rus!


20:00/09.11.07 - Pacolli: Bisedimet shqiptaro-serbe duhet te zhvilloheshin ne Beograd dhe Prishtine


Bexhet Pacolli, kryetari i AKR ne Kosove ne nje interviste eshte shprehur se bisedimet midis serbeve dhe shqiptareve duhet te zhvilloheshin ne Beograd dhe Prishtine dhe jo ne Bruksel apo Viene. Sipas Pacollit: Ndoshta prej një aspekti se komuniteti ndërkombëtarë është dashtë që këto konferenca ndoshta t’i bëjë jo në Vjenë e Londër, por t’i bëjë dikund në Beograd, Kragujevc, në Prishtinë, Prizren. Dhe të fillohet një kooperim në këtë drejtim. Që këto konferenca të shkonin, të themi, të bisedohet jo me përkthyes, po drejtpërsëdrejti. Secili prej nesh njef gjuhën, mentalitetin. Dhe këto konferenca të bëhen ndoshta me një gradë më pak oficiale, diku në mes oficiale dhe jo oficiale. Dhe është dashtë nga Kosova pak a shumë të lobohet edhe më tepër. T’u tregohet serbëve se me një pranim të realitetit, që pranohet pavarësia e Kosovës, Serbia nuk do ta humb Kosovën Kosova është këtu, ajo do të jetë aty gjithmonë dhe nuk do të, nuk ka ndodhë asgjë jonormale. Pavarësia do të vjen, është fakt se do të vjen. Kishte me qenë më mirë që kjo pavarësia po të ishte akceptuar nga fqinjët tanë të veriut dhe nga Këshilli i Sigurimit normalisht, do të ishte një pavarësi e shëndoshë, një pavarësi e seruar në tavolinë. Por kjo si duket nuk do të ndodhë dhe Kosova do të shpallë njëanshëm pavarësinë. Normalisht ky hap duhet të bëhet shumë me kujdes. Do të shpallje atëherë kur ne do të kishim siguresën se do të pranohej prej miqve tanë tradicional, Shteteve të Bashkuara të Amerikës, Kanadasë dhe pjesës më të madhe të Bashkimit Evropian.

|||Lajme.Net|||

[dibrani2006]

Dedikuar kombit Shqiptarhttp://it.youtube.com/watch?v=7R7bGYzPn1Y

[SKIFTERI&12.05]

Po sikur Serbia dhe Shqiperia te futen ne Europe? A nuk do kene kosovaret me shume te drejta paraverisht se jane me Serbine apo autonome apo tjeter????

HE BRE VIKI MESA POSHOH SJE NGA KOSOVA PER MENDIMIN QE KE DHEN SE PERNDRYSHE EDHE AMERIKES NUK DOTI BASHKOHESHIN KOSOVARET NE BASHKIM ME SERRBIN ELE MA EVROPES DHELPER!!! TUNG KUJDES

[Llapi]

KOSOVA E GATSHME TË SHKËPUTET

Shkruan: Mark Tran Gazeta „Guardian“

Çfarëdo të jenë dallimet, partitë kryesore në zgjedhjet e nesërme parlamentare në Kosovë fuqimisht pajtohen tek një qëllim: pavarësinë nga Serbia.

Zgjedhjet për legjislacionin prej 120 vendesh dhe 30 asambletë lokale janë të tretat që prej vitit 1999, kur një fushatë ajrore e NATO’s nxori jashtë provincës në shkëputje trupat serbe.

Planet e NATO’s efektivisht mbështetën ato të Ushtrisë Çlirimtare të Kosovës (UÇK), e cila ishte formuar pas një dekade të represionit nga lideri i ndjerë serb Slobodan Milosevic. Votimet do të zhvillohen në mes të pritjeve se Kosova, që ka qenë nën mbikëqyrjen e OKB’së për tetë vitet e kaluara, do të deklarojë pavarësinë. Bisedimet për statusin nuk kanë shkuar askund.

Kosova pritet që formalisht të pres lidhjet me Beogradin në shkurt, pas afatit të 10 dhjetorit për emisarët ndërkombëtarë për t’i raportuar Kombeve të Bashkuara për përpjekjet për të zgjidhur grindjet rreth statusit të provincës. I parë si një shkëlqim gjerësisht optimist në pat-pozicion, Agim Çeku, kryeministri në shkuarje dhe ish-shef i stafit në UÇK, shkroi të premten në Wall Street Journal se mbarimi i negociatave do të krijonte “atmosferë për një deklarim pozitiv dhe bashkëpunues të pavarësisë dhe do të shtynte njohjen nga komuniteti ndërkombëtar”.

Beogradi ka thënë se nuk do të përdorë forcën për t’iu kundërpërgjigjur popullatës 2 milionëshe prej së cilës 90 për qind janë shqiptarë. Por është kërcënuar për t’ia bërë jetën të vështirë Kosovës nëpërmjet masave ndëshkuese ekonomike si mbyllja e kufijve dhe ndalimi i mallrave për të hyrë në Kosovë.

Gjatë bisedimeve nën patronatin e Rusisë, SHBA’së dhe BE’së, Beogradi ka kultivuar “më shumë se autonomi dhe më pak se pavarësi”, një formulë e bazuar në modelin e Hong Kongut. Sipas kësaj skeme, Kosova, sikurse Hong Kongu, do të drejtonte ekonominë e saj dhe do të kishte sistemin e vet ligjor, monedhën dhe forcat policore, por do të mbetej pjesë e Serbisë.

Sidoqoftë asgjë më pak se pavarësia nuk do të kënaqte kosovarët. Dhe gjithçka më pak do të ishte vetëvrasje politike për politikanët e saj. Sikurse Çeku shkroi në Journal: “Pas gjithë vuajtjeve të të gjithë qytetarëve të Kosovës gjatë ‘90’tave, ne nuk mundemi të kemi ndonjëherë ndonjë lloj konfederate me Serbinë”.

Në fakt, kredibiliteti i Çekut, i cili nuk garon në votimet e së shtunës, ka humbur goxha shkëlqim për shkak të pamundësisë së tij për të marrë pavarësinë, që ishte parë si një konkluzion i paravendosur në fillim të vitit.

Ai po akuzohet se ka vënë shumë besim në SHBA”në, e cila e kishte siguruar atë se pavarësia ishte një çështje e bërë këtë vit derisa Rusia me një kategoritet të ri hodhi një tra në plane duke bllokuar një Rezolutë të Kombeve të Bashkuara për Kosovën.

Administrate e Bushit ende e mbështetë pavarësinë për Kosovën, por ka çështje tjera më të ngutshme - një konferencë për paqen në Lindjen e Mesme që mundet ose jo të ndodhë, programin e armëve bërthamore të Iranit dhe Irakun. Për nga krahasimi, Kosova është një problem i parëndësishëm për të cilin SHBA ndoshta ndjehet se duhet t’ia lë në dorë evropianëve. Kjo mund të jetë qasje logjike pasi Kosova është në Evropë, edhe pse evropianët kanë dështuar në rastin e Bosnjës dhe iu dashtë ndihma e SHBA’së. Për Kosovën, BE’ja është e ndarë mesa tyre që favorizojnë pavarësinë, siç është rasti me Mbretërinë e Bashkuar, dhe atyre që nuk e mbështesin, si Spanja, e cila ka problemin e vet separatist.

Për BE’në, Kosova është një problem i madh në pragun e saj. Frika është se kosovarët, të frustruar duke u mbajtur në një harresë politike, do të lëshohen në forcën e fortë paqeruajtëse 16 mijë anëtarësh të NATO’s dhe “ndërkombëtarëve” tjerë që duken gjithnjë e më shumë si një fuqi okupuese, dhe ky destabilizim do të shpërndahet në tërë Ballkanin perëndimor. Në raportin e tij të fundit për zgjerimin, Komisioni Evropian i bëri një vlerësim të ftohtë Kosovës. Korrupsioni ishte shpërndarë gjerësisht dhe kishte pak progres dhe përmirësim në të drejtat e njeriut, teksa minoriteti serb në veri ndjehej e viktimizuar nga shumica shqiptare.

Beogradi duhet të marrë c përgjegjësi për vështirësinë e tyre, pasi ka vënë presion mbi minoritetin serb që të jetë politikisht jo pjesëmarrës. Joachim Ruecker, diplomati gjerman që drejton misionin e përkohshëm të Kombeve të Bashkuara në Kosovë, dje ka folur për shqetësimet e tij se “presion i tepruar është ushtruar ndaj votuesve në komunitetin serb të Kosovës për të mos marrë pjesë” në zgjedhje. “Veprimet nga liderë të caktuar të serbëve të Kosovës dhe deklaratat nga zyrtarët në Beograd që përbënin presion janë dokumentuar dhe janë për t’i vajtuar”, ka thënë ai. Përveç një votimi në vitin 2001, serbët e Kosovës kanë bojkotuar zgjedhjet lokale dhe të përgjithshme që prej 1999 me nxitjen e Beogradit, një taktikë e dizajnuar për të minimizuar legjitimitetin e autoriteteve shqiptare në Kosovë. Dhjetë prej 120 vende të Parlamentit të Kosovës ndahen për serbët, por ato mbeten të zbrazura për shkak të një bojkoti të gjatë. Një fjalët e disa shqiptarëve të Kosovës copa e vogël e tokës do të bëhet një “Gazë e Ballkanit” nëse premtimi për pavarësinë vazhdon të ngërthehet më tej.

Ish-udhëheqësi gueril Hashim Thaçi dhe Partia Demokratike e Kosovës e tij opozitare, ka një udhëheqje të ngushtë në sondazhet e opinionit.

Nëse, siç pritet, ai zëvendëson Çekun, kërkesat për pavarësinë me gjasë do të bëhen më të zhurmshme.

[Qendi]

Lavrov: Statusi i Kosovës të jetë i pranueshëm nga të dyja palët

Ministri i Jashtëm rus Sergei Lavrov përsëriti qëndrimin e vendit të tij se statusi i ardhshëm i Kosovës duhet të jetë i pranueshëm nga të dyja palët.

Zoti Lavrov tha në një konferencë për shtyp se vendi i tij do të miratojë çdo zgjidhje për Kosovën të pranueshme për adminstratën dhe banorët e saj, si edhe për Beogradin. Ai tha përsëri se për Rusinë nuk ka rëndësi se cili do të jetë statusi i ardhshëm i Kosovës, por theksoi se e ardhmja e saj mund të zgjidhet vetëm përmes negociatave.

I dërguari i Kombeve të Bashkuara për Kosovën Marti Ahtisaari do t’i paraqesë propozimet e tij për statusin javët e ardhshme. Por Rusia mund të përdorë veton për të bllokuar miratimin e çdo lloj plani.
(Nuk Leshojn Pe)

[Qendi]

SHBA: Pas negociatave shtesë statusi i Kosovës të zgjidhet sa më shpejt

Shefja e zyrës amerikane në Prishtinë Tina Kaidanow, ka theksuar sot se Qëndrimi i Shteteve të Bashkuara të Amerikës lidhur me statusin e Kosovës është artikuluar shumë herë nga zyrtarë të niveleve të lartë, përfshirë presidentin Bush dhe Sekretaren e Shtetit Kondoliza Rice.

Në një deklaratë për opinion të zonjës Kaidanow, thuhet se Shtetet e Bashkuara mbështesin fuqimisht procesin e Treshes që është duke u zhvilluar, dhe presin që në fund të këtij procesi, përcaktimi i statusit të Kosovës do të lëvizë drejtë një përfundimi, sa më shpejtë që të jetë e mundur.

Deklarata duket se është përgjigje ndaj shkrimeve të së përditshmes Express sipas së cilës diplomatët amerikanë janë duke hartuar një propozim për siç thuhet, ngrirjen e statusit të Kosovës për një periudhë 12 vjeçare. Gazeta duke cituar burime diplomatike shkruan se statusi afatgjatë i Kosovës do të mbetej i pazgjidhur deri në vitin 2020 kur ai do të vendosej me një referendum. Gjatë kësaj kohë Bashkimi Evropian dhe Shtetet e Bashkuara do të investonin shumë të mëdha deri në shtatë miliardë euro në vit në ekonominë e Kosovës.

Sipas burimit të gazetës kjo ide u është thënë edhe udhëheqësve politikë të Kosovës. Por zëdhënësi i ekipit të negociuesve të Prishtinës, Skënder Hyseni hodhi poshtë një gjë të tillë. “Nëse një ide e tillë qarkullon në çfarëdo qarqesh, është totalisht e papranueshme. Është e papranueshme që pavarësia të shtyhet, me vite jo se jo, por edhe me muaj do të jetë në pikëpyetje a mund të shtyhet apo jo”, tha zoti Hyseni.

Afrimi i fundit të procesit të negociatave shtesë ka shtuar edhe idetë e spekulimet rreth përfundimit të këtij procesi. Sipas ndërmjetësuesve edhe tri takime do të mbahen ndërmjet Prishtinës dhe Beogradit para mbylljes së këtij procesi më 10 dhjetor, kur treshja e Grupit të Kontaktit do t’i raportojë Sekretarit të Përgjithshëm të Kombeve të Bashkuara për rrjedhën e negociatave.

Deri atëherë vështirë që palët do të arrijnë ndonjë marrëveshje për shkak të qëndrimeve tërësisht të kundërta. Beogradi kërkon ruajtjen e sovranitetit mbi Kosovën, ndërsa Prishtina ngulë këmbë se pavarësia është e pa negociueshme.

Grupi i Kontaktit morri përsipër procesin për zgjidhjen e statusit të Kosovës pas dështimit të Këshillit të Sigurimit për të arritur një konsensus për shkak të kundërshtimit rus ndaj propozimit për t’i dhënë Kosovës pavarësi të mbikëqyrur

[Qendi]

Uizner: Statusi i Kosovës jo brenda vitit, nuk mjafton koha

Uashington- Pak përparim është njoftuar në bisedimet e drejtuara nga Rusia, Bashkimi Evropian dhe Shtetet e Bashkuara, bisedime që synojnë të pajtojnë pikëpamjet e kundërta të Beogradit dhe Prishtinës lidhur me të ardhmen e Kosovës. Sekretari i Përgjithshëm i Kombeve të Bashkuara, Ban Ki Mun bëri thirrje që të shmangen vonesat e tjera në përcaktimin e së ardhmes së Kosovës. Zoti Ban tha në një raport dje se nëse nuk ruhet ritmi i tanishëm drejt një zgjidhjeje, rajoni do të përballet me paqëndrueshmëri të re. Ndërkohë, përfaqësuesi amerikan në Treshen diplomatike, Frank Uizner, përjashton çdo mundësi të ndarjes së Kosovës si zgjidhje për statusin e saj. Diplomati amerikan në pension i cili përfaqëson Uashingtonin në Treshen diplomatike, thotë se nuk ka të ngjarë që çështja e Kosovës të zgjidhet këtë vit. Thjesht nuk mjafton koha, i tha ai Zërit të Amerikës. "Praktikisht, ne shpresojmë ta kemi gati raportin tonë për Sekretarin e Përgjithshëm të OKB-së deri më 10 dhjetor. Pastaj ai do ta diskutojë çështjen me vendet e Grupit të Kontaktit, Shtetet e Bashkuara, Britaninë, Rusinë, Italinë, Francën dhe Gjermaninë. Nuk do ta përjashtoja mundësinë që të ketë edhe diskutime në Këshillin e Sigurimit. Pra, thjesht kalendari duhet të jetë tepër i ngarkuar për të pasur një përfundim brenda vitit 2007," thotë zoti Uizner. Negociatat e drejtuara nga Treshja ndërkombëtare nisën në muajin gusht kur Rusia kërcënoi se do t'i vinte veton planit Ahtisari të mbështetur nga Shtetet e Bashkuara dhe Bashkimi Evropian që parashikon pavarësi të kushtëzuar për Kosovën. Moska i propozoi bisedimet e tanishme si një përpjekje të fundit për të ngushtuar hendekun e gjerë që ekziston mes Serbisë dhe shumicës shqiptare që përbën 90 për qind të popullsisë së Kosovës. Serbia thotë se do të pranojë jo më shumë se një autonomi të gjerë për Kosovën, e cila kërkon pavarësi. Javën e kaluar në Nju Jork, Treshja organizoi takimin e parë të drejtpërdrejtë mes udhëheqësve të Beogradit dhe Prishtinës. Një takim tjetër i ngjashëm do të zhvillohet në Bruksel më 14 tetor. Zoti Uizner thotë se ndonëse udhëheqësit e të dyja palëve nuk kanë paraqitur ende propozime të reja konstruktive, ata janë dakord me idenë se ndarja e Kosovës nuk është zgjidhje. "Ndarja e Kosovës nuk është shtruar në tryezë për sa u përket kosovarëve, as për sa u përket serbëve dhe po kështu edhe për sa i përket Treshes ndërkombëtare. Kjo është një çështje e përjashtuar, është kundër parimeve të Grupit të Kontaktit.



Ekipi: Kundër propozimit të Serbisë për autonomi të zgjeruar për Kosovën



Prishtinë- Anëtarë të Ekipit Negociator të Kosovës , thanë sot se plani i Serbisë për autonomi të zgjeruar për Kosovën, është i papranueshëm dhe as që do të merret në konsiderim nga delegacioni i Kosovës. Komentet e tyre bëhen një ditë pasi ministri i jashtëm serb, Vuk Jeremiq deklaroi se në takimin e 14 tetorit në Bruksel, plani i Serbisë për Kosovën do të jetë në fokus të bisedimeve të drejtpërdrejta Prishtinë - Beograd. Serbia mund ta paraqes në tavolinën e bisedimeve propozimin e saj për Kosovën, por ky propozim do të kundërshtohet menjëherë nga pala kosovare. Udhëheqësi i Ekipit, presidenti Fatmir Sejdiu, tha se edhe gjatë takimit të Nju Jorkut, Kosova e ka bërë të qartë se është kundër propozimeve siç ishte ai i Serbisë për autonomi të zgjeruar për Kosovën."Është e papranueshme ajo qasje që do ta ketë Serbi,a ajo mund ta shtrojë prapa në tavolinën e bisedimeve dhe është në lirinë e saj që të jap idetë, por është në qëndrimin tonë shumë të qartë dhe pa ekuivoke që të japim vizionin tonë dhe të japim përgjigje edhe për ato që ata i shtrojnë", tha Sejdiu. Për kryeministrin Agim Çeku , propozimi i Serbisë është i papranueshëm, jodemokratik jo funksional dhe as që meriton t'i kushtohet vëmendje. "Nëse ata tentojnë, ata i kanë minutat e veta të prezantimit, ndërsa ne do ta shikojmë orën derisa ata flasin për autonomi substanciale", tha Çeku. Takimi i radhës ndërmjet Prishtinës dhe Beograd me ndërmjetësimin e palës ndërkombëtare, do të zhvillohet me 14 tetor në Bruksel.



Liderët kosovarë: Jo struktura të tjera, përveç atyre legale



Prishtinë- "Kosova do të ketë forcën e saj të sigurisë dhe do të mbrohet në mënyrë institucionale" tha dje kryeministri Agim Çeku, duke komentuar paraqitjen e disa personave të maskuar me uniformë të AKSH-së. Ai tha se shfaqja e individëve të tillë nuk është mesazh i mirë për Kosovën. "U bëj thirrje qytetarëve që të mbështesin organet e sigurisë sepse kjo është mënyra më e mirë për të mbrojtur Kosovën dhe paqen e stabilitetin" tha Çeku. Ministri i Punëve të Brendshme, Blerim Kuçi, pas publikimit të pamjeve të pjesëtarëve të armatosur të "Armatës Kombëtare Shqiptare" përmes një kumtese për opinion deklaroi se situata e sigurisë së përgjithshme në Kosovë është "e ndjeshme" dhe kjo për shkak të faktorëve të ndryshëm, të brendshëm dhe të jashtëm. "Sidoqoftë, në Kosovë ekzistojnë strukturat legale dhe legjitime të sigurisë, të cilat angazhohet me përkushtim për të mbrojtur sigurinë publike, jetën dhe pronën e qytetarëve të Kosovës. Pas publikimit të pamjeve të pjesëtarëve të armatosur të "AKSH", unë dua të mbështes deklaratat e Presidentit Sejdiu dhe Kryeministrit Çeku se Kosova nuk ka nevojë për struktura të tjera, pos atyre legale dhe legjitime.

[Qendi]

Rehn: Statusi i Kosovës duhet të zgjidhet sa më shpejt

Statusi i Kosovës duhet të zgjidhet sa më shpejt, ka qenë mesazhi që ka përcjellë Komisioneri Evropian për Zgjerim, Oli Ren, gjatë paraqitjes së raportit për vendet që aspirojnë aderimin në BE.
Edhe kryeministri slloven, Janez Jansha, pas takimit me kryetarin e Komisionit Evropian, Barozo, ka thënë se raporti i Treshes, në dhjetor, do të jetë i fundit dhe nuk do të ketë shtyrje të reja. Edhe Franca ka dhënë shenja të qarta se nuk mbështet zgjatjen e procesit.

[Qendi]

Statusi i Kosovës, test pjekurie për Prishtinën dhe Beogradin

Ministrja e Jashtme e Austrisë, Ursula Plassnik, ka deklaruar se, Kosova nuk është test i pjekurisë vetëm për politikën e jashtme të BE-së, por edhe provim i pjekurisë evropiane për Beogradin dhe Prishtinën."Kemi interes të përbashkët që të ruhen uniteti dhe vendosmëria e Bashkimit Evropian. Kjo është edhe në interesin e Beogradit dhe Prishtinës. Serbia dhe Kosova duan të inkuadrohen në Bashkimin Evropian, e jo në Rusinë apo Shtetet e Bashkuara", u ka thënë Plasnik ambasadorëve të Austrisë.Ajo ka paralajmëruar se në Vjenë do të organizohet një konferencë e grave nga Kosova dhe Serbia. "Në procesin e Kosovës duhet të përfshihen edhe gratë", ka vlerësuar shefja e diplomacisë austriake, njofton Evropa e Lirë.