Statusi i ardhshem i Kosovës!

[Llapi]

Kurrë nuk i kam besuar kompromisit me Serbinë për të ardhmen e Kosovës, e nuk i besoj as sot, - tha kryetari Thaçi

24.10.2007
Marrëveshje politike ndërmjet palëve në procesin shtesë të bisedimeve, përfundimisht nuk do të ketë, ndërsa pas 10 dhjetorit, Kosova do të shpallë veten të pavarur dhe përveç Rusisë, do të njihet nga shtetet më me ndikim në botë,
- deklaroi të mërkurën kryetari i PDK-së, z.Hashim Thaçi.
Lideri i Partisë Demokratike të Kosovës, i bëri këto komente gjatë një ligjërate që ai mbajti të mërkurën para studentëve të Universitetit për Biznes dhe Teknologji (UBT).

Z.Hashim Thaçi që njëherësh është edhe anëtar i Grupit kosovar të Unitetit tha se deri në përfundim të procesit shtesë të bisedimeve do të zhvillohen edhe dy ose eventualisht tri raunde bisedimesh, por që marrëveshje, sipas tij, me këtë trend të zhvillimit nuk do të ketë.

“Kurrë nuk i kam besuar kompromisit me Serbinë për të ardhmen e Kosovës, e nuk i besoj as sot. Raportet e Kosovës me Serbinë duhet të jenë specifike, sepse ajo ka ardhur në Kosovë dhunshëm dhe para se të largohet nga këtu ajo ka ushtruar gjenocid mbi popullatën e Kosovës”, u shpreh sot kryetari Thaçi.

Moszyrtarizimin e pavarësisë së Kosovës gjatë këtyre gjashtë muajve të kaluar, sipas tij, e ka penguar Federata Ruse. Kjo e fundit sërish sipas Thaçit, nuk do ta mbështesë, mirëpo pavarësia do të mbështetet nga shtetet më demokratike dhe më të civilizuara në botë.

Lideri i PDK-së i garantoi studentët e UBT-së se pas 10 dhjetorit Kosova do të shpallë mëvetësinë e saj. Ai nuk dha ndonjë datë specifike se kur do të ndodhë kjo, por tha se pas kësaj date do të shkohet në veprim.

“Nuk dëshirojë të flas për minuta, orë, javë apo muaj se kur do ta kemi pavarësinë, por ju sigurojë dhe garantoj se pavarësia do të ndodhë pas 10 dhjetorit”, u shpreh kreu i opozitës kosovare.

Pavarësia, sipas tij, është bërë realitet i sotshëm që në qershor të vitit 1999, kur nga Kosova është larguar regjimi i dhunshëm serb i Miloshevic-it. Ndërkaq, këto tetë vitet e fundit, sipas tij, kanë qenë vite të punës, progresit dhe të përgjegjësive të reja si institucione dhe si popull.

“Nuk është duke u biseduar për statusin e ardhshëm të Kosovës, por janë duke u këmbyer ide se si do të funksionojë Kosova si shtet. Prandaj, fokusi ynë kryesor në raport me bashkësinë ndërkombëtare është se si të zyrtarizohet shteti i Kosovës me kufij të garantuar”, tha z.Thaçi.

Bisedimet që aktualisht po zhvillohen, sipas tij, janë shumë më të lehta se ato të periudhës së viteve 1998–1999.

“Mund të ndodhin edhe dy ose tri takime, por procesi do të përfundojë më 10 dhjetor. Atë ditë do të dërgohet raporti i Treshes te sekretari i përgjithshëm i OKB-së, do të ketë nevojë për disa konsulta dhe menjëherë institucionet e Kosovës do të marrin vendime të rëndësishme për shtetin e Kosovës”, tha në fund kryetari Thaçi.

[Sokoli i Malit]

Ne fillim do kemi nji pamvarsi te kushtezuar,e pamvarsija e plot do mvaret nga vete Shqiptaret e Kosoves(Kosovaret)se si do beindin boten me sjelljet dhe punet e tyre.

[Llapi]

Dr Sabri KIÇMARI, ligjërues në Fakultetin Filozofik dhë
Anëtari i Kryesisë së PDK-së


RUAJTJA E UNITETIT


Shkruan: Dr. Sabri Kiçmari

Samiti BE-Rusi kësaj fundjave ne Lisbonë nuk solli ndonjë ndryshim në lidhje me çështjen e Kosovës. Pozicioni rus nuk ka shënuar lëvizje dhe mediumet kanë informuar se çështja e Kosovës ka mbetur edhe më në mesin e çështjeve që nuk ka pikëpamje të njëjta në mes të BE dhe Rusisë.

Në këtë situatë, kur bisedimet për statusin e Kosovës kanë hyrë në një fazë kritike, lajmet nga Lisbona nuk ishin shpresëdhënëse. Pozicionet e të dy palëve negociuese - kosovare dhe serbe - kanë mbetur poashtu të pandryshuara. Presioni ndërkombëtar për lëvizje pozicionesh ndaj të dy palëve ka shënuar rritje pas paraqitjes së dokumentit katrëmbëdhjetëpikësh.

Logjika politike na dëfton se nëse pala serbe nuk pranon pavarësinë si zgjidhje, atëherë parlamenti i ri i Kosovës, i dalë nga procesi zgjedhor i 17 nëntorit, duhet të shpallë pavarësinë pas 10 dhjetorit. Një veprim i tillë do të nxisë reagimin e njohjes nga SHBA dhe reagimin e mohimit nga Rusia.

Por, cili do të jetë reagimi i BE?

Më 10 dhjetor do të takohen ministrat e jashtëm të BE në Bruksel. Tri ditë më vonë është paraparë takimi i shefave të shteteve dhe qeverive të vendeve të BE. Deri në këtë datë ka kohë për akordimin e diplomacisë së BE për njohjen e pavarësisë së Kosovës.

Burime të sigurta diplomatike brenda BE lënë të kuptohet se shumica absolute e vendeve të BE do ta njohin pavarësinë e Kosovës pas shpalljes! Ky opcion është duke u diskutuar, madje, intensivisht në këshillimet konfidenciale të diplomatëve të BE-së. Britania e Madhe, Franca, Italia, vendet nordike, dhe me gjasë edhe Gjermania, do të bëjnë pjesë në grupin e parë të shteteve që do të shprehin hapur gatishmërinë për njohje. Shenjat e lëvizjes së pozicionit gjerman pro pavarësisë së Kosovës, duket të jenë produkt i diplomacisë së qetë të kancelares Merkel. Në çoftë së lëvizja gjermane do të ndërtohet mbi një bazë
të sigurtë për të ardhmen e Kosovës, atëherë futja e Gjermanisë në numrin e vendeve të para që do ta njihnin të drejtën e qytetarëve të Kosovës për pavarësi do të shenonte edhe fazën përmbyllëse të procesit të vështirë për gjetjen e një zgjidhjeje të drejtë, sipas parimeve të lirisë dhe demokracisë.

Diplomatët evropian në deklarimet e tyre publike për pozicionimin e BE i kanë kushtuar një vemendje të veqantë ruajtjes së unitetit. Roli BE-së në Kosovë pas zgjidhjes së statusit do të jetë i veçantë dhe i shumanshëm. Ajo do të kujdeset në ndërtimin demokratik dhe zhvillimin e përshpejtuar ekonomik të shtetit të Kosovës. NATO do të ketë edhe më tutje për mision përkujdesjen për siguri. Këto dy misione kanë gjasë për sukses vetëm nëse respektohet vullneti i qytetarëve të Kosovës për pavarësi.

Në çoftë se Britania e Madhe, Franca, Italia dhe Gjermania akordojnë qëndrimet e tyre për pavarësinë e Kosovës, atëherë vendet tjera të BE do të pranojnë të mos e thyejnë unitetin, të cilit i kushtohet rëndësi e dorës së parë pas thyerjeve në politikën e jashtme të BE që patën ndodhur me rastin e intervenimit të
SHBA dhe aleatëve të saj në Irak.

[Llapi]

Dr Sabri KIÇMARI: ”ME RASTIN E SHPALLJES SË PAVARËSISË, BE-JA DO TË FLASË ME NJË ZË” - Intervistë RADIO EVROPA E LIRË




Dr Sabri KIÇMARI, ligjërues në Fakultetin Filozofik


RADIO EVROPA E LIRË: Zoti Kiçmari, sa mendoni se do të jetë e suksesshme ajo që shpesh cilësohet si presion ndërkombëtar në arritjen e një kompromisi midis Prishtinës dhe Beogradit, nëpërmjet bisedimeve që aktualisht janë duke u zhvilluar?

SABRI KIÇMARI: Në çdo proces negocimi, siç është aktualisht ky i Kosovës, praktikisht preferohen edhe nuanca të veçanta të presionit ndërkombëtar. Ajo që është e rëndësishme për momentin është se shkalla e presionit ndërkombëtar nuk do të lejohet t’i tejkalojë të drejtat e qytetarëve të Kosovës, për të vendosur vetë për fatin e tyre, për të ardhmen e tyre. Jam i sigurt se tre negociatorët kryesorë, që udhëheqin procesin, e kanë parasysh këtë gjë dhe nuk do t’i kalojnë kufijtë e interesave dhe të të drejtave të qytetarëve të Kosovës.

RADIO EVROPA E LIRË: Si e shihni ju rolin e Rusisë? Cili është interesi primar në qëndrimet e Moskës në raport me çështjen e Kosovës?

SABRI KIÇMARI: Rusia e ka shndërruar çështjen e Kosovës në një çështje ndërkombëtare, për vetë faktin që ajo, duke synuar të luajë rolin e saj të mëparshëm në mesin e roleve prioritare në bashkësinë ndërkombëtare, është munduar që përmes Kosovës të fitojë pikë në rregullimin ose rikthimin e statusit të saj në skenën e marrëdhënieve ndërkombëtare. Pikëpamja ime është se ky këndvështrim ose ky synim i Rusisë, në fakt, pak ka të bëjë me realitetin, për arsye së një lidhje kaq e fortë me Serbinë, praktikisht, sinjalizon për një mentalitet mesjetar të një lidhjeje pro sllave, që nuk ka të bëjë fare me demokracinë, me vlerat bashkëkohore, për të cilat synon pjesa dërrmuese e vendeve të ish-Evropës lindore. Mendoj se Rusia, në këtë drejtim, praktikisht po jep sinjale se po dëshiron të rikthehet në një skenë ndërkombëtare, e cila tashmë është e tejkaluar si e tillë.

RADIO EVROPA E LIRË: Në Kosovë, autoritetet qendrore shpesh përmendin mundësinë e shpalljes së njëanshme të pavarësisë nga Kuvendi i Kosovës. Në çfarë rrethanash mendoni se do të duhej të bëhej një hap i këtillë?

SABRI KIÇMARI: Shpallja e pavarësisë së Kosovës nuk bëhet dyanshëm; bëhet nga qytetarët e Kosovës ose nga përfaqësuesit e tyre në institucionet shtetërore, në këtë rast në Kuvendin e Kosovës. Ata janë të zgjedhur nga qytetarët e Kosovës për t’i mbrojtur interesat e tyre. Sinjalet nga autoritetet e larta ndërkombëtare janë të nënkuptueshme për mua. Deklarimet e hapura, fare të hapura dhe të kuptueshme të presidentit Bush dhe deklarimet e një numri të madh të burrështetasve nga Franca, Britania e Madhe, Italia, madje, kohët e fundit, edhe nga Gjermania, janë sinjale të mjaftueshme, që janë shumë më të avancuara, sesa sinjalet që pati dhënë më herët Gjermania, me rastin e shpalljes së pavarësisë së Sllovenisë dhe të Kroacisë. Prandaj, mendoj se këto sinjale janë të mjaftueshme për të na lënë të nënkuptojmë se pas 10 dhjetorit, në qoftë se Serbia nuk do ta pranojë kompromisin, pra ta pranojë pavarësinë e Kosovës, atëherë Kuvendi i Kosovës, si organ legjitim i qytetarëve të Kosovës, ka të drejtë dhe obligim që ta bëjë shpalljen e pavarësisë në akord të plotë me diplomacinë ndërkombëtare, në mënyrë të veçantë me SHBA-të dhe me BE-në. Është kohë shumë e përshtatshme, kohë e nënkuptueshme në rrafshin diplomatik dhe mendoj se Kuvendi i Kosovës do të procedojë kësisoj.

RADIO EVROPA E LIRË: Bashkimi Evropian, thuhet se e ka në dorë çelësin e zhbllokimit të procesit të statusit, por disa analistë thonë se mungon një konsensus midis vendeve anëtare për ta shfrytëzuar këtë çelës. Ju, çfarë mendoni?

SABRI KIÇMARI: Bashkimi Evropian tashmë përbëhet nga 27 vende dhe akordimi i diplomacisë ose i politikës së jashtme me këto vende nuk është i lehtë. Do me thënë, janë të kuptueshme edhe pozicionimet e ndryshme, me nuanca të ndryshme të vendeve të caktuara rreth problemeve të caktuara, siç është në këtë rast çështja e Kosovës. Mirëpo, të mos harrohet një gjë; afërsisht e njëjta situatë ishte edhe para se të propozohej pakoja e presidentit Ahtisaari, ndërsa menjëherë pas propozimit të dërguar në Këshillin e Sigurimit nga presidenti Ahtisaari, Bashkimi Evropian i pati akorduar pikëpamjet e tij; praktikisht, 27 vendet u akorduan dhe pranuan që pakoja e Ahtisaarit të jetë baza e zgjedhjes së statusit të Kosovës. Për këtë arsye, jam i sigurt se edhe me rastin e shpalljes së pavarësisë, në momentin e diskutimit për njohjen e pavarësisë nga BE-ja, 5 vendet që hezitojnë ta njohin pavarësinë e Kosovës, do t’i akordojnë qëndrimet e tyre me shtetet tjera të BE-së dhe BE-ja do të flasë me një zë.

RADIO EVROPA E LIRË: Derisa po flasim për statusin, skena politike në Kosovë tash është zhytur në fushatën parazgjedhore. Sa mendoni se do të ketë ndërhyrje midis këtyre dy proceseve?

SABRI KIÇMARI: Këto dy procese janë të ndryshme, mirëpo nuancat e përafrimeve janë të mundshme. Ajo që është me interes për qytetarët e Kosovës dhe për opinionin ndërkombëtar, është fakti se Ekipi i Unitetit, që udhëheq procesin e bisedimeve, është shumë unik në qëndrimet e tij rreth statusit. Kjo për mua është shumë e rëndësishme, shumë thelbësore. Procesi i bisedimeve nuk do të pengohet nga fushata elektorale. Është parë edhe gjatë këtyre ditëve të para të fushatës, se deklarimet e përfaqësuesve të partive politike në fushatë rreth statusit, janë pothuajse të akorduara. Nuk ka fare konfrontime rreth idesë së pavarësisë së Kosovës ose rreth tempit të veprimeve diplomatike. Kjo është vlerë e rëndësishme. Ndërsa, procesi i zgjedhjeve është proces normal, demokratik, shumë i rëndësishëm për Kosovën dhe për momentin. I rëndësishëm edhe për faktin, se, paramendoni një situatë nëse pas 10 dhjetorit do ta kishim Parlamentin e vjetër, të cilit do t’i kishte kaluar mandati, praktikisht do të gjendeshim në një pat situatë në rrafshin institucional, gjë që do t’i dëmtonte zhvillimet e mëtejme demokratike. Prandaj, vendimi për mbajtjen e zgjedhjeve mendoj se ka qenë vendim shumë i mençur dhe efektet e tij do t’i shohim në të ardhmen.

INTERVISTOI: ARTON KONUSHEVCI

[Chaonus]

Sipas mendimit tim pavarsia do te jete e plote dhe do te shpallet me 28 Nentor,pra 95-vjetorin e pavaresise se shtetit ame.
Ky per mendimin tim do te jete Nentori i 3-te pas ati te 1912-es.

[viktor boston]

Po sikur Serbia dhe Shqiperia te futen ne Europe? A nuk do kene kosovaret me shume te drejta paraverisht se jane me Serbine apo autonome apo tjeter????

[Kreksi]

patjeter se ne duhet te persim por edhe te pergatitemi para 10 Dhjetorit.
nje Nentor i trete do na sheronte njehere e pergjithemon.

[SKIFTERI&12.05]

Mendoj Se Dote Te Behemi Shtet I Pavarur Ne Vitin 2009!!! Ne Realitet Pavarsien Dota Shpallim Vet Pas 10:12:07 Po Shtetet Mike Siqe Poj Quajn Dote Na Pranojn Pavarsien Vetum Me Deklarata Siperfaqsore Ose Terthorazi Nga Frika Qe Jaukan Fut Serrbija Se Pastaj Dote Behet "hataja" Siqe Ndodhi Me Malin Ezi Kure Uba I Pavarur Dhe Me Ish Republikat Tjera Ish Ju,

[SKIFTERI&12.05]

Mund Te Ndodhe Qe Mos Te Na Njohin Pavarsien Fare Nese Kercenimet E Shkive Shkoj Aqe Larg Sa Tja Ndal Naften Botes E Rrymen Gjermanis Sdoti Shes Zastava Ma Do Tjav Kthej Gjith Emigrantet Qe Punojn Me Dokumente Te Rregullta Ete Parregullta Ne Serrbi Etj Etj Harrova Nime Ase Nedete Nuk Doti Lejoj Me Turistet Qe Enjofin Shtetin E """""""""terr"""""""" Me Falni Se Mendej Speshkrun Tastatura""""""""

[trimi26]

Gafur Adili: “S’kemi plumba per shqiptaret, por i kemi vetem per serbet”
Sipas Adilit, Fronti i Bashkuar Kombetar Shqiptar dhe AKSH-ja, si krahu i tij i armatosur, perpiqet te nxise frymen e bashkimit te shqiptaret

Florenc Bakillari

Ne nje interviste per “Albania”-n kreu i Frontit te Bashkuar Kombetar Shqiptar, Gafur Adili, ka bere nje rezyme te qarte per çeshtjen e Kosoves. Perse fronti qe ia drejton ka kerkuar bojkotimin e zgjedhjeve nga shqiptaret? Po keshtu, Adili ka folur edhe per problemin ne Maqedoni. Vendimi i Gjykates Kushtetuese maqedonase per simbolet e shqiptareve i ka vene kapak shkeljes me te dyja kembet te Marreveshjes se Ohrit. Ne interviste Adili ka deklaruar se FBKSH-ja ka informacione se ne Kumanova po mobilizohen forcat e Gardes se Car Llazarit. Kete veprim, sipas Adilit, po e bejne serbe te ardhur nga Beogradi, te cileve ne prag te Pavaresise se Kosoves u intereson destabilizimi i Maqedonise.
Perse ju si FBKSH keni bere thirrje per bojkotimin e zgjedhjeve te 17 nentorit ne Kosove?
Eshte e natyrshme qe keto zgjedhje nuk duhet te behen ne kete moment historik. Ne kemi bere nje analize te qarte dhe mendojme se kryerja e zgjedhjeve para perfundimit te çeshtjes se statusit do ta demtoje Kosoven. Nuk mund te kete zgjedhje per pushtet pa pasur shtet. Nese zgjedhjet do te mbahen me 17 nentor, atehere cila qeveri do ta perfaqesoje Kosoven para Grupit te Kontaktit? Natyrisht qe nuk do te kete nje qeveri legjitime dhe formimi i nje qeverie te re do te kerkoje kohe, çka nuk eshte ne dobi te statusit. Pikerisht per kete qellim ne i kemi bere thirrje popullit shqiptar ne Kosove qe te bojkotoje zgjedhjet. Populli shqiptar ne Kosove duhet te jete i pergatitur per çdo rast. Mendimi i FBKSH-se eshte se lufta ne Kosove eshte e pashmangshme. Ne urojme qe ky gjykim te jete i gabuar. Po perse lufta eshte e pashmangshme? Ne rast se Kosova do te shpalle pavaresise dhe ajo nuk do te njihet nga Beogradi, ky i fundit do te nxise serbet ne veri te Mitrovices qe te shpallin edhe ata pavaresine. Por te mos harrojme se ne veri te Mitrovices ndodhen dhe dy burimet kryesore qe furnizojne me uje gjithe Kosoven. Pra kjo ndarje do te jete e papranueshme per shqiptaret. Po keshtu, edhe nese nuk do t’i jepet pavaresia Kosoves, shqiptaret nuk mund te pranojne kthimin e autoritetit te Beogradit.
Se fundi, ne shtyp eshte shkruar se AKSH-ja, krahu i armatosur i FBKSH-se, qe drejtohet nga ju, mund te jete pergjegjes per nje kercenim me atentat ndaj ish-kryeministrit Pandeli Majko. Ai e kontrolloni ju te gjithe AKSH-ne dhe a keni dijeni per kete?
AKSH-ja nuk ka plumba per shqiptaret, por vetem per serbet. Kete pergjigje e kam dhene edhe ne vitin 2004, pas nje vizite te ish-kryeministrit Fatos Nano ne Maqedoni. Shtypi maqedonas publikoi se gjate vizites se kryeministrit shqiptar AKSH-ja ka qelluar me snajper mbi Nanon. Une menjehere dola ne nje prononcim publik per mediat shqiptare dhe ato te huaja dhe deklarova se AKSH-ja nuk ka plumba per shqiptaret. Te njejten gje dua te them edhe per rastin e ish-kryeministrit Pandeli Majko. Megjithate, kjo histori mua me ngjan me nje tullumbace qe do te shfryhet mjaft shpejt.
Si paraqitet gjendja ne Maqedoni pas vendimit te Gjykates Kushtetuese, e cila hodhi poshte disa pika te Marreveshjes se Ohrit, qe kishin kaluar ne Parlament?
Marreveshja e Ohrit ka qene e destinuar te deshtonte qe ne momentin kur u firmos. Une e kam thene se ka baza te forta qe kjo marreveshje nuk mund te ekzistoje. Kosova, ne sundimin e Titos, ka pasur statusin e nje krahine autonome se bashku me hungarezet e Vojvodines. Mirepo kur erdhi ne pushtet Sllobodan Millosheviçi, ky status mori fund dhe Titoja u kritikua pse u kishte dhene autonomine shqiptareve. Kush na garanton ne se edhe pas dhjete vitesh ne krye te Maqedonise nuk mund te vije nje “Millosheviç” tjeter dhe te beje te njejtin veprim? Nje fakt tjeter qe tregon se Marreveshja e Ohrit eshte e destinuar te deshtoje, eshte edhe moszbatimi i saj qe prej momentit te nenshkrimit. Ne te parashikohej qe nje nga tri postet e rendesishme te shtetit t’u jepej shqiptareve. Por as posti i presidentit, as i kryeministrit dhe as ai i kreut te Parlamentit nuk u dhane. Vendimi i Gjykates Kushtetuese vetem sa vulosi shkeljen me te dyja kembet qe i eshte bere Marreveshjes se Ohrit.
A mund te kete peshtjellime te tjera ne Maqedoni, ne prag te vendosjes se statusit te Kosoves?
Per te vazhduar me tej analizen per çeshtjen e Maqedonise dua t’ju kujtoj se, dy partite kryesore VMRO dhe LSDM i kane zemrat ne Sofje dhe Beograd. Aktualisht ekzekutivin e ka VMRO por strukturat e institucioneve te pavarura i ka LSDM. Para pak kohe ndodhi vrasja e nje shqiptar, Xhavit Morina. Menjehere mediat maqedonase dhe policia percollen lajmin se vrasja e Morines eshte larje hesapesh mes grupeve shqiptare. Por une ngre edhe dy pista te tjera. Vrasja e Morines mund te jete bere nga forcat e Gardes se Car Llazarit, te cilat po organizohen ne Maqedoni ose nga njesite Alfa, trupa speciale te Maqedonise. Per mendimin tim, te gjitha keto jane inskenime qe vijne direkt nga Beogradi, i cili do te synoje qe te destabilizoje Maqedonine pikerisht tani, ne prag te vendosjes se statusit te Kosoves.
Ju thate pak me lart se vrasja mund te jete kryer nga forcat e Car Llazarit. Jeni te sigurt se ne Maqedoni ka forca te tilla?
Nga informacionet qe kemi si FBKSH, kemi arritur ne konkluzionin se ne Maqedoni ka forca te Gardes se Car Llazarit, qe do tentojne te destabilizojne vendin. Dua te rrefeje ketu se vetem dy jave me pare, ne Kumanove, ku ka dhe nje pakice serbe, kane ardhur tre serbe nga Beogradi. Ata jane marre me mobilizimin e anetareve per ne Garden e Car Llazarit. Beogradit i intereson qe te tentoje nje spastrim etnik ne Maqedoni. Serbet e dine shume mire qe kufijte ne Ballkan do te jene ata etnike dhe per kete qellim atyre u intereson qe dhe ne Maqedoni te krijojne nje republike serbe, te ngjashme me ate te Bosnjes.
Po ju si FBKSH a jeni te organizuar per çdo rast ne qofte se do te kete tentativa sulmi nga forcat e Gardes se Car Llazarit si ne Kosove, ashtu edhe ne Maqedoni?
Ne kemi ngritur nje strukture te mirorganizuar ne te gjitha trojet ku banojne shqiptare. Ne kemi keshillat tona te FBKSH nga Mali i Zi, Kosove Maqedoni si dhe ne Luginen e Presheves. Pa dyshim qe me te organizuar jemi ne Kosove, ku dhe kemi bazat me te forta. Keshillat sidomos ne kufi kane per detyre ruajtjen 24 ore nga ndonje provokim. Vemendja jone e veçante eshte ne Luginen e Presheves, ne ndihme te se ciles kemi vene edhe shtabin e Gjilanit. Forcat tona te AKSH-se jane ne male dhe jane ne gatshem te veprojne ne rast se do t’u kerkohet.

Adili: “Çfare eshte FBKSH-ja”

FBKSH-ja nuk eshte as shoqate qeveritare apo joqeveritare, sepse shoqatat joqeveritare jane te bashkuara dhe duhet te bashkohen ne FBKSH, ngase vetem ne nje Shqiperi te Bashkuar keto shoqata joqeveritare, ashtu si partite politike, do te ishin ne gjendje qe me ndershmerine me te madhe te kryenin misionin e tyre dhe te zhvillonin aktivitetin e tyre, qofte ky aktivitet human, apo aktivitet intelektualo-atdhetar. Ne balle te FBKSH-se, si dhe ne te gjitha strukturat drejtuese te tij, deri ne keshillat e lagjeve dhe te fshatrave jane inkuadruar idealistet shqiptare, atdhetaret e deshmuar dhe te rideshmuar edhe gjate tri betejave te zhvilluara, te cilet, ashtu siç jane te bindur qe platforma e FBKSH-se eshte vazhdimesia e Programit te Lidhjes Shqiptare te Prizrenit, jane te bindur dhe te vendosur qe te veprojne ashtu siç vepruan ideologet dhe drejtuesit e Lidhjes Shqiptare te Prizrenit, te cilet shkrinin pasurite e tyre per ta bere Shqiperine.



Shoqerimi ne polici

Vetem pak dite me pare, Gafur Adili, drejtues i FBKSH-se, u shoqerua ne Drejtorine e Policise te Tiranes. Shkak i shoqerimit ka qene deklarata me e fundit e leshuar nga Gafur Adili per nje reviste kosovare, e cila u botua edhe nga nje media shqiptare. Adilit i eshte kerkuar nga oficeret e Policise se Antiterrorit qe te jete i kujdesshem dhe te zbatoje ligjet e vendit ku jeton. Po keshtu, Adilit i eshte kerkuar edhe nje kopje e vendimit te Gjykates se Tiranes, e cila e ka shpallur te pafajshem. Gafur Adili dhe Taip Mustafa u arrestuan nga policia shqiptare dhe u gjykuan per nxitje te urrejtjes nderraciale. Adili figuronte ne listen e zeze te shpallur nga Departamenti Amerikan i Shtetit i presidentit Bush, qe e akuzon ate “per aktivitete terroriste dhe nxitje te urrejtjes ndernacionale”.