Statusi i ardhshem i Kosovës!

[urtesia]

Kosoves duhet t'i kthehet pavarsia e saj.
Mjaft ishte nje shekull roberi.

eshte mire qe qeveria e kosoves te ju jepe shtetesine gjithe shqiptareve te tokave kosovare, tokes dardane, ose te teritorit te vilajetit te kosoves.
andaj lugina e presheves me bujanovc e tj, shkupi me kumanove e tj.
sanxhaku me kelmend dhe te tjere,
qe te gjithe keto shqiptare qe banojne ne keto treva te pajisen me shtetesine kosovare dhe te kene te drejten e votimit dhe shprehjes se lire ne referendumin - plebiscitin per PAVARSINE E KOSOVES.
kufijte e tanishem brenda kosoves, jane kufijte e shokut tito nga kuvendi i jajces ose i keshillit antifashist i clirimit kombeve te Jugoslavise e mbajtur me 29 nentor te vitit 1943.

ishte tito qe e ndau kosoven.
jemi ne qe duhet te punojme per te pavarsuar cdo pellembe toke qe quhet kosove.

jeni ju rinia qe do t'i arsyetoni ata qe rane per lirine e saj, duke luftuar ju me intelektin tuaj ne mbrojtje te asaj qe kete popull e ben te pamvarun, sovran dhe te LIRE.

[Llapi]

Serbia e gatshme te perdore forcen per te penguar pavaresine

• Serbia eshte e gatshme te perdore edhe forcen per t'i penguar vendet perendimore qe ta njohin pavaresine e Kosoves, e transmeton International Herald Tribune sekretarin shteteror per Kosoven Dushan Prorokoviç Version multimedial i ketij lajmi

Sipas gazetes, Prorokoviç ka paralajmeruar nje varg masash "te ashpra" nese Kosova shpall pavaresine dhe nese Perendimi do ta njohe ate. Prorokoviç ka thene se masat e tilla mund te jene vendosja eventuale e forcave serbe ne Kosove, bllokada e kufijve te Kosoves dhe embargoja tregtare. Zyrtari serb ka thene se ne rast te shpalljes se pavaresise, do te behej e pavlefshme marreveshja e Kumanoves.

"Pa marreveshjen e Kumanoves, ushtria jone mund te kthehet pa kufizime legale. Mund ta kaloje kufirin dhe te levize neper tere Kosoven pas asnje pengese legale", ka thene Prorokoviç. Nderkohe, ministri i Jashtem Vuk Jeremiç ka thene se Serbia nuk do pergjigjet ushtarakisht nese Kosova njeanshem e shpall pavaresine. Jeremiç i tha gazetes Financial Times se shpallja e pavaresise se Kosoves do ta hapte "kutine e Pandores" te problemeve te sigurise ne rajon. "Nuk do te kontribuojme ne destabilizimin e Kosoves me mjete fizike, ushtarake apo te sigurise. Do te perdoren te gjitha burimet diplomatike dhe politike, pa ato te sigurise dhe te mbrojtjes. Politikisht, moralisht dhe praktikisht, ne nuk mund ta shesim Kosoven ne nje Serbi demokratike" tha ai.

[Borix]

Prorokovici e mori pergjigjen nga zedhenesi i departamentit te shtetit pak ore pas deklarates, ku nder te tjera vecoj: "Mos harroni qe ne Kosove gjenden te vendosura forcat e NATO-s dhe policia e UNMIK-ut. Prandaj, ato do te bejne gjithcka per te ruajtur sigurine dhe stabilitetin ne vend." (BalkanWeb)

Me pak fjale, kellcet dajaku edhe nga ana tjeter.

[Llapi]

Uashingtoni kërkon sqarim nga Beogradi pas komentit të zyrtarit serb për Kosovën
Qëndrimi amerikan lidhur me statusin e Kosovës është i qartë, nëse dështojnë bisedimet, statusi që do të jetë i bazuar në planin e Ahtisaarit.
New York, 7 shtator. Në takimin e djeshëm të zyrtarëve të politikës së jashtme amerikane është biseduar për deklaratën kërcënuese rreth Kosovës të zyrtarit serb ndërkaq nga zëdhënësi ajo u quajt 'fatkeqe'
që nuk ndihmon në zgjidhjen. Ishin këto komentet e para të zyrtarëve amerikanë pas deklaratës së zyrtarit serb, e cila dje u botua në të përditshmet The New York Times dhe botimin të saj në Evropë, The International Herald Tribune ku ai kishte folur për një përgjigje
ushtarake serbe në rast të shpalljes së pavarësisë së Kosovës.Përkundër deklaratës tjetër të ministrit të jashtëm serb i cili ka thënë se përdorimi i forcës nuk ishte një opsion, zëdhënësi i Departmentit të Shtetit tha se megjithatë Washingtoni kërkonte një qartësim nga qeveria serbe. "Kjo çështje duhet të zgjidhet me mjete diplomatike… Qëndrimi ynë lidhur me statusin e Kosovës është i qartë: ne duam të arrihet një marrëveshje në këto bisedime, mirëpo nëse kjo nuk ndodhë, atëherë Grupi i Kontaktit ka deklaruar se është i gatshëm të lëvizë përpara rreth vendimit mbi statusin qw do të jetë i bazuar në planin e Ahtisaarit", tha zëdhënësi Tom Casey.
Zëdhënësi duke theksuar se deklaratat e djeshme të dy zyrtarëve serbë ishin kontradiktore në mes vete, ai shtoi se Shtetet e Bashkuara të Amerikës këmbëngulin dhe kërkojnë një qartësim përmes ambasadës
amerikane në Beograd për të deklaruar se cili në fakt është qëndrimi i qeverisë serbe.
/S.gashi/
RTK 07 shtator 2007 - 09:30:09

[brooklyn2007]

Papandreou: Kosovo will be independent

Belgrade, 17:29

Kosovo will gain independence, but regardless of the solution for the province, the entire region should have European perspective, considers the leader of Greek opposition socialist party PASOK, George Papandreou.

"The current situation is such that Kosovo, I believe, will gain independence. However, I believe that should be related with Kosovo's accession to the European Union, and by that, the Union should play much more proactive role in the solution of Kosovo's status", Papandreou said for Serbian media.

Among other things, he said that the Province, until gaining its independence, should receive special status.

"It is necessary them to receive special status until they gain full independence - a status that will enable them to play active role in the international community, to receive special credits, financial support and foreign investments", Papandreou added.

http://www.makfax.com.mk/look/agenci...3&NrSection=20

[Llapi]

Bush: Pavarësia rezultati përfundimtar për Kosovën
Nëse marrëveshja nuk arrihet ne do të themi mjaft dhe Kosova do të marrë pavarësinë

[Llapi]

Traktati: Kosova dhe Serbia me miqësi, bashkëpunim dhe respekt të dyanshëm


Delegacioni i Kosovës do të prezantojë sot në Londër një Traktat sipas të cilit Serbia dhe Kosova mund të funksionojnë si dy shtete fqinjë me marrëdhënie të mira

Trojka ShBA-BE-Rusi kërkoi nga udhëheqësit e Kosovës që të mendojnë në mënyrë gjithëpërfshirëse mbi llojet e marrëdhënieve që në i dëshirojmë me Serbinë. Ky propozim shpaloset në prezantimin e delegacionit të Kosovës dorëzuar Trojkës më 30 gusht në Vjenë.



Për shkak të historisë tragjike të kohës së fundit, posaçërisht pas kolapsit të Jugosllavisë dhe dhunës tragjike të viteve të nëntëdhjeta, nuk është e mundur që Serbia dhe Kosova të mbesin në të njëjtin shtet. Megjithatë, Kosova është e përgatitur që të elaborojë një vizion të ri të guximshëm për marrëdhënien Serbi-Kosovë të bazuar në miqësi, bashkëpunim dhe respekt të dyanshëm. Në shpresojmë që idetë tona të reja do të ndihmojnë në gjetjen e kuptimit të përbashkët me Serbinë dhe të shpien në marrëveshje kompromisi për pavarësinë e mbikëqyrur të Kosovës.



Vizioni jonë i marrëdhënieve të ardhshme në mes të Kosovës dhe Serbisë bazohet në:



1) Marrëdhënie të mira fqinjësore

2) Bashkëpunim për çështjet me interes të dyanshëm

3) Mbrojtje të plotë të pakicave tona

4) Përparim në çështjen e personave të pagjetur dhe kthimin e të zhvendosurve

5) Themelimin e organeve të përbashkëta për bashkëpunim përmes një Traktati

6) Partneritet në realizimin e vizionit tonë të përbashkët për integrim Euroatlantik



Ne besojmë se ky vizion më së miri do të realizohej përmes një Traktati të ri gjithëpërfshirës të Miqësisë dhe Bashkëpunimit në mes të Kosovës dhe Serbisë. Ne mirëpresim diskutimet me Beogradin mbi mënyrën e institucionalizimit të kësaj marrëdhënieje të re.



Parimet tona: Vizioni i Kosovës për një Marrëdhënie të re me Serbinë



1) Kosova kërkon marrëdhënie të mira fqinjësore me Serbinë në kontekstin e integrimit Euroatlantik.



Për shkak të gjeografisë dhe interesave të përbashkëta, Kosova dhe Serbia duhet të zhvillojnë një marrëdhënie të re të bazuar në lidhje fqinjësore. Nëse nuk e ndërtojmë këtë marrëdhënie, atëherë rrezikojmë kthimin e dhunës dhe mosmarrëveshjeve të viteve të nëntëdhjeta. Prandaj, ne Serbisë i zgjasim dorën e sinqertë të miqësisë. Përderisa nuk duhet t’i harrojmë kurrë ngjarjet e dhimbshme të shoqëruara me ndarjen e Jugosllavisë, ne kërkojmë pajtim të plotë dhe normalizim të marrëdhënieve në mes të popujve tanë.



Ne jemi të inkurajuar nga fakti se Kosova ashtu dhe Serbia kërkojnë një të ardhme më të ndritshme si anëtarë të plotë të bashkësisë Euroatlantike të demokracive. Ky synim i i përbashkët mund të jetë baza e marrëdhënieve tona të reja.



2) Kosova do të zbatojë një plan të detajuar të bashkëpunimit mbi çështjet me interes të përbashkët (energjia, tregtia, krimi, lëvizja e njerëzve dhe mallrave, etj.);





Kosova dhe Serbia tanimë ndajnë lidhje të thella të bazuara në histori, ekonomi, kulturë dhe etnicitet. Ne përballemi me sfida dhe rreziqe të përbashkëta. Prandaj, adresimi i këtyre sfidave dhe sigurimi i një të ardhmeje paqësore dhe me prosperitet do të mbështetet në dialog intensiv, të rregullt në mes të popujve tanë dhe qeverive tona.



Ne duhet të punojmë së bashku që të adresojmë rreziqet që kapërcejnë kufijtë, siç janë krimi i organizuar, degradimi i mjedisit dhe trafikimi i njerëzve. Ne po ashtu duhet të bashkëpunojmë në përpjekjet për të ndërtuar dhe reformuar ekonomitë tona, përfshirë zhvillimin e infrastrukturës fizike dhe institucionale, komunikimet, energjinë dhe lirinë e lëvizjes së njerëzve, mallrave dhe shërbimeve.



Në duhet po ashtu të diskutojmë me Serbinë për mënyrat e zmadhimit dhe institucionalizimit të këtij bashkëpunimi, posaçërisht përmes marrëveshjes detyruese ndërkombëtare (Traktatit) në mes të Kosovës dhe Serbisë i cili do të ofronte bazë të gjerë për një marrëdhënie të re më bashkëpunuese. Në po ashtu mund të parashohim marrëveshje pasuese të cilat do të zhvillonin edhe më shumë planet tona për bashkëpunim dhe do të arrinin partneritet më të thellë institucional në fusha specifike prioritare.



3) Kosova do të zbatojë masa të plota për mbrojtjen e të drejtave të pakicave të saja (p.sh. Dispozitat e Marrëveshjes së Ahtiraarit).



Serbia ka një interes të kuptueshëm në mirëqenien e qytetarëve serbë të Kosovës. Kuvendi i Kosovës tanimë është pajtuar në një varg masash mbrojtëse dhe garancive të pashembullta për komunitetet joshqiptare të Kosovës. Ne besojmë se mbrojtja e pakicave tona nuk është e domosdoshme vetëm për demokratizim dhe zhvillim të mëtutjeshëm të Kosovës por edhe për përmirësimin e marrëdhënieve tona me Serbinë dhe për nivele më të mëdha të besimit të dyanshëm dhe stabilitetit të përgjithshëm.



Si pjesë e vizionit tonë për marrëdhënie të reja me Serbinë, ne konfirmojmë përsëri gatishmërinë tonë për zbatimin e të gjitha këtyre masave të të drejtave të pakicave sa më parë që është e mundur. Ne do të vëmë prioritete në decentralizim, mbrojtje të trashëgimisë fetare/kulturore dhe mbrojtjet ligjore të pakicave. Ne kërkojmë nga Beogradi që të na ndihmojë në zbatimin e këtyre dispozitave duke inkurajuar serbët e Kosovës që të shfrytëzojnë maksimalisht të drejtat e gjera civile dhe të njeriut në të cilat kanë të drejtë.



4) Kosova do të përkrahë progresin e menjëhershëm në kthime të personave të zhvendosur dhe zbardhjen e fatit të personave të pagjetur;



Nuk mund të ketë përfundim të qëndrueshëm të statusit pa zotim në pajtim të pas luftës. Për lëvizur përtej kësaj trashëgimie të dhimbshme ne propozojmë një përpjekje të re për adresimin e çështjeve me emocionuese që kanë mbetur nga konflikti në Kosovë: kthimi i personave të zhvendosur/refugjatëve dhe personat e pagjetur.



Mosbesimi në mes të Beogradit dhe Prishtinës në këto çështje kërkon ndërmjetësim dhe ndihmë të jashtme. Ne propozojmë që udhëheqësit e Kosovës dhe Serbisë bashkërisht të kërkojnë nga Sekretari i Përgjithshëm i OKB-së emërimin e një të Dërguari të posaçëm për Kthimin e personave të zhvendosur/refugjatëve dhe personat e pagjetur me mandat të:



a) vlerësimit të përparimit të arritur në kthimin e personave të zhvendosur të të gjitha përkatësive etnike dhe për të dhënë rekomandime për veprime të mëtutjeshme;

b) vlerësuar përparimin e bërë në gjetjen dhe identifikimin e personave të pagjetur dhe për të dhënë rekomandime për veprime të mëtutjeshme;

c) mbledhur palët për t’i diskutuar këto çështje më thellësisht.



Në këto çështje mund të bëhet përparim i menjëhershëm dhe nuk duhet të pritet zgjidhja e statusit të Kosovës më vonë këtë vit. Udhëheqësit e Kosovës janë të përgatitur për t’i diskutuar këto çështje me udhëheqësit e Serbisë në çdo kohë dhe e mirëpresin ndihmën e Trojkës në mundësimin e takimeve të tilla.



5) Kosova përkrah krijimin e organeve të përbashkëta për bashkëpunim që do të themeloheshin në Traktatin e miqësisë dhe bashkëpunimit në mes të Kosovës dhe Serbisë.



Në shumë vende të botës (p.sh. Beneluks) shtetet kanë themeluar organe të përhershme për lehtësimin e dialogut dhe bashkëpunimit. bazuar kryesisht në këto modele të mirënjohura, Traktati jonë i propozuar i miqësisë dhe bashkëpunimit do të krijonte Këshillin e përhershëm të bashkëpunimit Kosovë-Serbi për të siguruar një forum për konsultime të rregullta në çështjet prioritare me interes të përbashkët.



Këshilli i përhershëm i bashkëpunimit do të caktojë takime, do të identifikojë fusha të reja për bashkëpunim ndërqeveritar dhe do të mundësojë konsultime në çështjet e ndjeshme që prekin interesat e të dyjave palëve. Këshilli do të sponsorizojë takime të nivelit të lartë në të cilat udhëheqësit tanë mund të ulen dhe diskutojnë të gjitha çështjet e tilla. Ky Këshill mund të sigurojë bazën për zgjerimin dhe thellimin e marrëdhënies sonë të re me Serbinë.



6) Kosova dhe Serbia do të jenë partnere të plota në procesin e integrimit Euroatlantik.



Si Kosova ashtu edhe Serbia janë zotuar në integrim më të afërt në strukturat euroatlantike. Ne besojmë se ky është shtegu më i mirë në një të ardhme më demokratike, prosperitare dhe të sigurt për tërë rajonin tonë. Ne besojmë se Kosova dhe Serbia duhet të punojnë së bashku për të avancuar këtë synim të përbashkët.



Ne propozojmë themelimin e një partneriteti për të ndihmuar njëri-tjetrin në arritjen e standardeve të larta për anëtarësim në BE dhe NATO. Ne mund t’i ndajmë mësimet e mësuara dhe të ndërtojmë në sukseset e njëri-tjetrit. Vendet e rajonit tonë të Kartës së Adriatikut tanimë janë duke punuar së bashku në realizimin e anëtarësisë në NATO. Ky model tregon se shtetet mund të avancojnë prospektet e tyre Euroatlantike nëse punojnë së bashku dhe bashkëpunojnë.








Pjesa e dyte

Traktati i miqësisë dhe bashkëpunimit në mes të Kosovës dhe Serbisë

Palët kontraktuese të Kosovës dhe Serbisë:

Duke i njohur lidhjet e thella në mes të popujve të Kosovës dhe Serbisë, përfshirë lidhjet e lashta historike, kulturore, etnike dhe ekonomike;

Me keqardhje ndaj periudhave të konfliktit dhe luftës që na kanë ndarë, në veçanti ngjarjet që kanë të bëjnë me kolapsin e dhunshëm të Jugosllavisë në vitet e nëntëdhjeta;

Duke deklaruar dëshirën e sinqertë për t’u konfrontuar me trashëgiminë e së kaluarës së fundit me një frymë pajtimi dhe faljeje, ndërsa i sjellim para drejtësisë ata që kanë bërë krime të luftës;

Duke besuar se edhe Kosova edhe Serbia e ndajnë fatin e përbashkët të integrimit me të afërt në komunitetin euroatlantik të demokracive, që do të shpie në një të ardhme më të sigurt, demokratike dhe prosperuese për të gjithë;

Duke shpresuar se integrimi euroatlantik do t’i sjellë të gjithë popujt e Evropës juglindore më afër së bashku dhe do të vazhdojë të eliminojë barrierat që kanë ndarë kombet tona;

Duke pranuar se rrethanat e veçanta historike dhe interesat e përbashkëta do të kërkojnë marrëdhënie jashtëzakonisht të afërta dhe miqësore në mes të Kosovës dhe Serbisë për shumë vite në të ardhmen;

Të bindur se mekanizmat e rregullt, të institucionalizuar të bashkëpunimit dhe dialogut për çështjet e shqetësimeve të përbashkëta mund të ndihmojnë në zvogëlimin e tensioneve, zmadhimin e stabilitetit rajonal dhe avancimin e interesave të përbashkët të Kosovës dhe Serbisë,

Solemnisht pajtohen që të lidhin Traktatin e miqësisë dhe bashkëpunimit si vijon:



Kapitulli I: Qëllimi dhe parimet

Neni 1

Qëllimi i këtij Traktati është që të promovohet paqja, miqësia dhe bashkëpunimi në mes të Kosovës dhe Serbisë, në mënyrë që të promovohet stabiliteti, demokracia dhe prosperiteti për të gjithë.

Neni 2

Në marrëdhëniet e tyre me njëri tjetrin, Palët do të drejtohen përmes parimeve vijuese:

a. bashkëpunimi reciprok për sovranitetin dhe integritetin territorial të njëri-tjetrit

b. heqja dorë nga përdorimi apo kërcënimi i përdorimit të dhunës në zgjidhjen e çështjeve kontestuese;

c. respektimi i të drejtave të njeriut dhe lirive themelore të të gjithë qytetarëve pa diskriminim të çfarëdo lloji, përfshirë, veçanërisht mbrojtjen e plotë të identitetit etnik, gjuhësor, kulturor dhe fetar të të gjitha komuniteteve pakicë dhe pjesëtarëve të tyre;

d. liria e lëvizjes së personave, mallrave dhe kapitalit;

e. bashkëpunimi dhe dialogu në çështjet e interesit të përbashkët.

Kapitulli II: Zotimi në integrimin euroatlantik

Neni 3

Palët konfirmojnë dëshirën e tyre për të integruar shoqëritë dhe ekonomitë e tyre në tërësi në komunitetin euroatlantik të demokracive, në veçanti për t’i ndërmarrë të gjitha masat e nevojshme për t’u anëtarësuar në Bashkimin Evropian dhe NATO sa më herët që është e mundur.

Neni 4

Palët do të bashkëpunojnë dhe do ta ndihmojnë njëra-tjetrën kurdoherë që është e mundur në përmbushjen e standardeve të larta dhe kërkesave tjera për integrim në BE dhe NATO. Palët nuk do të ndërmarrin asnjë veprim që do të pengonte përmbushjen e këtyre kërkesave.

Kapitulli III: Siguria dhe zgjidha paqësore e çështjeve kontestuese

Neni 5

Në pajtim me parimet e Kartës së OKB-së, Palët konfirmojnë zotimin e tyre në zgjidhjen paqësore të të gjitha kontesteve në mes tyre, dhe nuk do të përdorin dhunën apo kërcënojnë me përdorim të dhunës në marrëdhëniet e tyre në çfarëdo mënyre që do të ishte në papajtueshmëri me Qëllimet e Kombeve të Bashkuara.

Neni 6

Palët do të ndërmarrin masa për zmadhimin e bashkëpunimit të sigurisë, përfshirë zhvillimin e masave të reja për ndërtimin e besimit dhe sigurisë anembanë kufirit të tyre të përbashkët. Palët kërkojnë ndihmën e NATO-së dhe Organizatës për Siguri dhe Bashkëpunim në Evropë (OSBE) që të zhvillojnë dhe zbatojnë masat të tilla sapo që të jetë e mundur një gjë e tillë. Palët do të përpiqen që të arrijnë transparencë maksimale në vendosjen dhe veprimin e personelit të tyre të sigurisë, posaçërisht pranë kufijve të tyre të përbashkët.

Kapitulli IV: Bashkëpunimi në çështjet prioritare të interesit të përbashkët

Neni 7

Palët do të mundohen të intensifikojnë dhe thellojnë bashkëpunimin në të gjitha çështjet e interesit të përbashkët. Palët fillimisht do të përqendrojnë përpjekjet e tyre në fushat prioritare në vijim:

a. çështjet ekonomike, përfshirë energjinë, tregtinë dhe harmonizimin me standardet e BE-së dhe zhvillimin e një strategjie të përbashkët të rritjes dhe zhvillimit ekonommik në pajtim me iniciativat ekonomike rajonale;

b. përpjekjet në luftën kundër krimit, posaçërisht në fushat e terrorizmit, narkotikëve, trafikimit e njerëzve, kontrabandën e armëve, krimin e organizuar dhe krimin etnik;

c. mbrojtja dhe ruajtja e trashëgimisë fetare dhe trashëgimive tjera kulturore;

d. shëndeti dhe mirëqenia e komuniteteve tona pakicë, përfshirë zbatimin e masave të posaçme për mbrojtjen dhe promovimin e të drejtave të tyre, sigurisë dhe jetesës;

e. zbardhja e fatit të të gjithë personave të pagjetur nga lufta e viteve të nëntëdhjeta.

f. shëndetësia publike;

g. transportimi;

h. lehtësimi i lëvizjes tejkufitare të njerëzve dhe mallrave;

i. kthimi i refugjatëve dhe personave të zhvendosur të të gjitha përkatësive etnike;

j. çështjet mjedisore;

Neni 8

Palët do të krijojnë grupe punues për çështje specifike, të përbëra nga specialistë politikë dhe teknikë, për të zhvilluar dhe avancuar prioritetet e përbashkëta në të gjitha këto çështje prioritare të interesit të përbashkët. Aty ku është e nevojshme, këto grupe punuese do të përfshijnë përfaqësues të grupeve të shoqërisë civile dhe organizatave relevante ndërkombëtare.

Kapitulli V: Këshilli i përhershëm i bashkëpunimit Kosovë – Serbi

Neni 9

Brenda gjashtë muajve pasi të ketë hyrë në fuqi ky Traktat, Palët do të themelojnë Këshillin e përhershëm të bashkëpunimit Kosovë-Serbi. Ky Këshill do të përbëhet nga dhjetë anëtarë, pesë nga të cilët emërohen nga Serbia dhe pesë emërohen nga Kosova. Këshilli do të funksionojë përmes konsensusit dhe do të ketë përgjegjësi për të:

a. mbikëqyrë dhe lehtësuar bashkëpunimin në të gjitha fushat me interes të përbashkët;

b. mbajtur takime të rregullta për këmbimin e informatave dhe këshillime për të gjitha çështjet që mund të ndikojnë në interesat e cilësdo Palë;

c. përkrahur, sipas kërkesës, takime të rregullta të grupeve punuese të cekura në nenin 8, përfshirë asistencën në caktimin e agjendës së takimeve dhe sigurimit të ndihmës logjistike;

d. vlerësuar rezultatet e iniciativave të bashkëpunimit dhe për të rekomanduar fusha të reja për avancimin e bashkëpunimit në mes të Kosovës dhe Serbisë;

e. kërkuar dhe mundësuar ndërmjetësime të palës së tretë në çështjet veçanërisht të ndjeshme me interes të përbashkët, siç janë personat e pagjetur apo kthimi i refugjatëve dhe personave të zhvendosur.

Neni 10

Këshilli do të mbledh Takime të nivelit të lartë të Palëve së paku çdo gjashtë muaj, ku do të përfshihen Kryetarët, Kryeministrat dhe Ministrat e Jashtëm të Kosovës dhe Serbisë. Cilado Palë mund të propozojë çfarëdo çështje për t’u marrë në konsideratë apo për t’u futur në veprim në Takimin e nivelit të lartë.

Neni 11

Këshilli do të eksplorojë mundësinë e themelimit të sekretariatit për të lehtësuar bashkëpunimin dhe dialogun në mes të Kosovës dhe Serbisë

Neni 12

Këshilli do të mundësojë dialogun në mes të Deputetëve të Kuvendit të Serbisë dhe atyre të Kuvendit të Kosovës, përfshirë krijimin e grupeve punuese ndër-parlamentare për avancimin e bashkëpunimin legjislativ.

Kapitulli VI: Kërkesa për shtetet dëshmitare

Neni 13

Në rast të çfarëdo kontesti në mes të Palëve, Palët kërkojnë që Franca, Gjermania, Italia, Federata Ruse, Mbretëria e Bashkuar dhe Shtetet e Bashkuara të Amerikës të ofrojnë ndërmjetësim neutral dhe të ndërmerr përpjekje tjera për të ndihmuar zgjidhjen paqësore të kontestit.

Neni 14

Ky Traktat nënshkruhet nga udhëheqësit e Kosovës dhe Serbisë dhe ratifikohet në pajtim me procedurat kushtetuese të secilit shtet. Ai do të hyjë në fuqi pas ratifikimit nga të dyja Palët dhe do të depozitohet pranë Kombeve të Bashkuara.

Neni 15

Ky traktat do të përkthehet në gjuhën shqipe, serbe dhe angleze. Versioni në gjuhën angleze është autoritar.

[fjollat]

Të gjithë shqiptarët të cilët sadopak përmbajnë në vete ndonjë grimë patriotizmi dhe ushqejnë shpresa për një të ardhme më të mirë të shqiptarëve, e përjetojnë me keqardhje dhe trishtim shuarjen e buzëqeshjeve kapardisëse të politikanëve tanë, gjegjësisht Grupit të Unitetit. Jo për arsye se buzëqeshjet e tyre na kishin ngazëllyer ndonjëherë, por për faktin se ngurtësimi i fytyrave të tyre mbart në vete mesazhin ogurzi për ne.

Tashmë, shprehja “pavarësia e Kosovës është e panegociueshme” nuk del nga gojët e tyre! Ndoshta ngaqë më në fund zotërinjtë arritën ta kuptojnë domethënien tjetër të kësaj shprehjeje dykuptimësie. Pavarësia e Kosovës, sipas të gjitha gjasave, në të vërtetë është e panegociueshme. OKB-ja qysh më herët i mbylli dyert për negociata për pavarësi. Evropa as ka pasur, e as do të ketë një tryezë ku do të negociohet pavarësia e Kosovës. Kjo për arsye se në tryezat e Evropës mund të diskutohet çdo opsion tjetër, përveç pavarësisë.

Në gjithë këtë proces të stërzgjatur, tashmë të dalë nga binarët, mesa duket, aktualizimi i çështjes së Kosovës ka qenë dhe do të mbetet kulmi i suksesit të procesit. Aktualizimi i çështjes, që në përgjithësi është meritë e të gjitha subjekteve politike shqiptare, e në veçanti e Lobit shqiptaro- amerikan, sinonim i të cilit është z. Joseph J. DioGuardi, e solli Kosovën në prag të pavarësisë. Prag ky, shumë i vështirë për tu kapërcyer nga politikanët tanë, të cilët nga papjekuria politike, të ekzaltuar nga ca belbëzime të sklerotikut George Bush Jr, i cili në jerm u premtoi se Kosova do të bëhet e pavarur, u mjaftuan me ecejake të verbëta nëpër tryezat e negocimit, ku negociohej problematika serbe e jo ajo shqiptare!

Gjersa dje ata me bindje deklaronin se “pavarësia e Kosovës është e panegociueshme”, sot të ndrojtur thonë se do ta shpallin vetë Kosovën të pavarur.

Kurse nesër... kushedi, mbase pas 28 nëntorit, ose pas 10 dhjetorit, si vasalë të përbetuar të gjeneratorit të konflikteve- Amerikës, që e dredh politikën nga i fryn era, do të na thonë se do të jetë më mirë për ne të kemi çati mbi krye në një autonomi nën serbi, në një konfederatë serbo-shqiptare.

[Llapi]

KRIJIMI I SITUATËS PËR NJOHJE

Shkruan: Dr. Sabri Kiçmari

Sekretarja e shtetit Condolisa Rice deklaroi të martën për agjensinë „Reuters“ se Shtetet e Bashkuara i përmbahen Planit të Ahtisarit, sipas të cilit nuk do të ketë ribashkim të Serbisë e Kosovës, dhe se Kosova e Serbia duhet t’i hedhin sytë nga e ardhmja e tyre dhe ta lënë pas të kaluarën. Kjo deklaratë erdhi vetëm pak ditë pas një deklarimi të ndërmjetësit gjerman Wolfgang Ischinger në „Indipendent“, në të cilën ai lë anash idenë e pavarësisë dhe flet për një status fort të mbikqyrur. Përderisa pozicioni rus ka mbetur edhe më tutje i betonuar në sentencën: „Nuk mund të ketë zgjidhje pa Serbinë!“

Bisedimet e zhvilluara në Vjenë dhe Londër nuk kanë sinjalizuar për ndonjë mundësi të lëvizjes së pozicioneve të palëve negociatore. Edhe deklarimet e fundit publike të palës serbe, sinjalizojnë vetëm për një ashpërsim të qëndrimit me elemente kërcënimi. Duke i pasur para sysh pozicionet e të dy palëve, nuk mund të pritet një lëvizje e rëndësishme drejt zgjidhjes në takimin e kësaj jave në New York.

Sipas të gjitha gjasave procesi do të vazhdojë me dinamikën e paraparë nga tre negociatorët, të cilët, si duket, edhe i kanë akorduar pozicionet e tyre, për të lënë të kuptohet se të dy palët kanë pozicion të afërt me njërin aktorë (shqiptarët me SHBA dhe serbët me Rusinë), kurse aktori i tretë, përfaqësuesi i BE, e luan rolin e ndërmjetësuesit të paanshëm. Natyrisht se ky fakt e bën pozicionin e Ischingerit shumë më interesant, kurse kësaj linje i ndihmon edhe ai vetë me deklarime kundërthënëse për mospërjashtimin e temës së ndarjes së Kosovës dhe mundësinë e përjashtimit të idesë së pavarësisë.

Nuk ka asnjë dyshim se pozicioni amerikan qëndron në anën e së drejtës dhe demokracisë, ashtu siç nuk mund të mohohet se pozicioni rus përfaqëson ngarkesën e një mentaliteti mesjetarë – përkrahjen e „vëllezërve sllavë“ edhe kur nuk janë në të drejtën. Pozicioni i Bashkimit Evropian është më vështirë të akordohet edhe për faktin se kundër pavarësisë së Kosovës, për arsye të ndryshme, janë deklaruar Spanja, Rumania, Sllovakia, Qipro dhe Malta. Por, përkundër kësaj, veprimet vendimmarrëse të politikës së jashtme të Bashkimit Evropian në të kaluarën dëshmojnë se shtetet kundërshtuese janë në gjendje që për hir të ruajtjes së unitetit të akceptojnë propozimet për njohjen e pavarësisë së Kosovës. Ishin pikërisht këto shtete, të cilat fillimisht paraqitën rezerva për planin e Ahtisarit, por më pas e pranuan atë!

Prandaj, është shumë i rëndësishëm një komunikim intensiv dhe përmbajtësor me vendet e Bashkimit Evropian. Ekipi i Unitetit duhet të analizojë, ndër të tjera, edhe veprimet e tij diplomatike në raport me Bashkimin Evropian. Kanë kaluar disa muaj, qysh kur është dhënë drita e gjelbërt për dërgimin e përfaqësuesit diploamtik të Kosovës në Bruksel, përderisa presidenti dhe kryeminsitri nuk po mund të dakordohen se cili prej tyre e ka mandatin për të emëruar përfaqësuesin diplomatik të Kosovës në Bruksel, i cili do të kryente një punë të jashtzakonshme në informimin, përfaqësimin, mbrojtjen dhe negociimin e interesave të qytetarëve të Kosovës.

Përmes tij dhe dy përfaqësuesve të përhershëm diplomatikë që do duhej dërguar në New York dhe Washington, do të mund të paraqiteshin në mënyrë intensive argumentet dhe arsyetimet e nevojës për shpalljen e pavarësisë menjëherë pas 10 dhjetorit. Në këtë mënyrë mund të krijohet një situatë garance për njohjen e pavarësisë në muajin dhjetor. Takimet blic të anëtarëve të Ekipit të Unitetit me diplomacinë ndërkomëbëtare nuk janë të mjaftueshme për të krijuar këtë situatë pranueshmërie. Pas takimeve të tilla duhet të filloë përimtimi, analizimi dhe argumentimi i nevojës së veprimeve diplomatike. Pra, në vend të deklaratave publike për efekte paraelektorale, kërkohet krijimi i një situate të njohjes diplomatike me veprime konkrete diplomatike, që dëshmojnë për pjekurinë e një shoqërie për të pasur shtet!

[biligoa]

Shqipëria Etnike është reale, realiste, realitet dhe e realizueshme.

Shqipëria Etnike është edhe ëndërr, edhe zhgëndërr, edhe realitet.

Shqipëria Etnike është rrugëtimi i pandalshëm dhe titanik mijëvjeçar i ëndrrës drejt realitetit.

Ëndrra për Shqipërinë Etnike është fillimi, kurse realiteti është përfundimi i këtij rrugëtimi të gjatë e maratonik për bërjen e Shqipërisë Etnike e të Ribashkuar.

Është fatkeq vendi që nuk ka heronj. Një komb nuk mund të vdesë, vetëm nëqoftëse bën vetëvrasje. E ardhmja e kombit tonë duhet të mbillet në të tashmen, sot, tani. Ardhmëria jonë është në të tashmen, varet nga ajo, por është edhe në të kaluarën. Jemi ne ata që e krijojmë atë. Po të jetë ardhmëria jonë e keqe, atëherë jemi ne fajtorë për këtë.



*****



Shqipëria Etnike është plagë e hapur që kullon gjak pellazgjik, ilirik e shqiptar. Êshtë lapidar i ngritur ndër mijëvjeçarë nga eshtrat e mijëra e miliona luftëtarëve, dëshmorëve dhe heronjve të saj.



Shqipëria Etnike është shtiza, mburoja, shpata dhe përkrenarja e Akilit, Hektorit, Pirros, Lekës së Madh, Bardhylit, Teutës e Gjergj Kastriotit.



Shqipëria Etnike është kandili, qiriri, pena, pushka e pishtari i Rilindasëve tanë, që nuk kursyen as jetën, as pasurinë e tyre për ta bërë Shqipërinë.



Shqipëria Etnike është katakomb, varr gjigant, terr, ferr e skëterrë për barbarët, pushtuesit, sundimtarët, kolonizatorët dhe armiqtë e saj të të gjitha kohërave.



Shqipëria Etnike është e pavdekshme, është Feniks që përgjaket, plagoset, rrëzohet e për liri bëhet pluhur e hi dhe nga hiri i vet ngritet, ringjallet dhe bëhet sërish Shqipëri.



Shqipëria Etnike është e pavdekshme, sepse i pavdekshëm është kombi shqiptar me rrënjë pellazgo-ilire.



Ëndrra për Shqipërinë Etnike është një ëndërr njerëzore e mbarëkombëtare, që do të shndërrohet në një realitet tokësor, me një bukuri engjëllore dhe madhështi hyjnore.



Të gjitha rrugët çojnë drejt Shqipërisë Etnike.