Statusi i ardhshem i Kosovës!

[Hyllien]

Majër: SHBA po jep shenja tërheqjeje nga procesi i statusit të Kosovës

Zamira Edwards

Zëri i Amerikës
27-07-2007


Me shtyrjen 120 ditëshe, Uashingtoni po jep shenja se dëshiron të tërhiqet sa më shumë nga procesi për zgjidhjen e statusit të Kosovës dhe të angazhojë më shumë vendet evropiane. Kështu shprehet Profesori i Universitetit Kombëtar të Mbrojtjes, Stivën Majër, në një intervistë për Zërin e Amerikës.

Zëri i Amerikës: Zoti Majër, Ekipi i Unitetit i Kosovës u takua në fillim të kësaj jave me Sekretaren amerikane të shtetit Kondolisa Rajs. Duke u nisur nga komentet si të palës amerikane ashtu edhe atë shqiptare, si do ta vlerësonin ju vizitën e delegacionit kosovar në Uashington?

Stivën Majër: Mendoj se Ekipi i Unitetit i Kosovës, ashtu edhe zyrtarë serbë, që pritet të takohen në Uashington me zyrtarë të lartë të administratës, po përpiqen të sigurojnë angazhimin e qeverisë amerikane, një qeveri që gjithnjë e më shumë po e humbet interesimin në këtë çështje. Administrata amerikane kishte shpresuar që kjo çështje të ishte zgjidhur deri tani. Kjo administratë e shikon këtë si një çështje të administratës Klinton. Zyrtarët amerikanë mendojnë se kanë çështje më të mëdha për të zgjidhur. Për sa i përket Kosovës, ne po shikojmë një dobësim të çështjes shqiptare në Uashington. Aktualisht Uashingtoni është i predispozuar të dëgjojë, sepse strategjia e fundit dështoi. Zyrtarët amerikanë po përpiqen të gjejnë një mënyrë për të ecur përpara, duke kënaqur të dyja palët, në se një gjë e tillë është e mundur. Mendoj se Shtetet e Bashkuara do të mbështeten më shumë tek vendet evropiane për zgjidhjen e çështjes së Kosovës. Uashingtoni do të jetë pjesë e këtij procesi, në Grupin e Kontaktit, por ka të ngjarë që të shohim një angazhim më të madh nga Bashkimi Evropian dhe për këtë tanimë ka shenja. Pra me pak fjalë kemi të bëjmë me një gjendje, ku Uashingtoni përpiqet të tërhiqet sa më shumë nga ky proces, ta shikojë procesin më me paanësi dhe të angazhojë më shumë vendet evropiane.

Zëri i Amerikës: Ju thoni se amerikanët po përpiqen të sigurojnë një angazhim më të madh të udhëheqësve evropianë. Në të njëjtën kohë, evropianët duan sikur ta bindin Beogradin se e ardhnja e vendit është në Evropë, diçka që është thënë edhe nga amerikanët. A kemi këtu të bëjmë me një zë të përbashkët të të dy palëve apo diçka tjetër?

Stivën Majer: Deklarata të tilla janë bërë edhe më parë për gati 10 vjet. Në fakt ne po shikojmë një ndryshim të strategjisë. Strategjia Ahtisari nuk funksionoi. Nga ana tjetër, Serbia nuk u tërhoq nga qëndrimi i saj. Aspekti më i rëndësishëm është mbështetja që i dha Rusia. Tani Perëndimi po përpiqet të gjejë një strategji të re dhe nuk dihet se ç’drejtim do të marë ky proces. Mbetet për t’u parë se ç’rol do të luajë Grupi i Kontaktit dhe udhëheqja e Bashkimit Evropian. Unë e vë në dyshim suksesin e argumentave, që mund t’i bëhen Serbisë, në përpjekje për të zbutur qëndrimin e saj lidhur me Kosovën. Serbia ende përballet me vështirësi, që pengojnë antarësinë e saj në Bashkimin Evropian, si gjendja e ekonomisë dhe çështja e kriminelëve të luftës. Mendoj se edhe sikur Serbia të bindet se është fare afër marrëdhënieve konkrete dhe anëtarësisë në Bashkimin Evropian, ajo nuk do të ndryshoj qëndrim lidhur me Kosovën.

Zëri i Amerikës: Si e shikoni ju periudhën 120 ditëshe, e cila në fakt nuk ka filluar ende. Ekipi i Unitetit duket se është larguar nga takimet në Uashington me përshtypjen se në fund të kësaj shtyrje do të merret vendimi për statusin e Kosovës. Ç’mund të pritet pas 120 ditësh?

Stivën Majer: Periudha 120 ditëshe nuk ka filluar sepse fuqitë perëndimore, pas dështimit të Planit Ahtisari, nuk janë të sigurtë rreth drejtimit të procesit. Ata nuk duan të humbasin kohë nga këto 120 ditë, ndërsa përpiqen të përcaktojnë kursin e së ardhmes. Mendoj se do të jetë shumë e domosdoshme që si Prishtina ashtu edhe Beogradi, të jenë lojtarë aktivë për të përcaktuar strukturën e bisedimeve, ndryshe nga procesi që çoi në Planin Ahtisari. Ndryshe nga bisedimet e deritanishme, që për mendimin tim nuk ishin negociata, por një diktim që iu imponua palëve, tani Prishtinës dhe Beogradit duhet t’u jepet mundësia të ulen e të diskutojnë çështje të rëndësishme për ta dhe asgjë të mos përjashtohet nga bisedimet. Sidoqoftë, nuk do të habitesha sikur vendimi për statusin përfundimtar të Kosovës të mos merej në fund të shtyrjes 120 ditëshe. Kjo varet nga evropianët, veçanërisht në se ata e kuptojnë se mos zgjidhja e kësaj çështjeje sjell pasiguri, mund të pasohet me akte dhune e me refugjatë. Mendoj se evropianët do të vazhdojnë negociatat matanë 120 ditëshit dhe kjo do të krijojë probleme, veçanërisht në Kosovë.

Zëri i Amerikës: Javën e kaluar, çështja e Kosovës u zhvendos jashtë Këshillit të Sigurimit për t’iu kaluar Grupit të Kontaktit, madje tani flitet për një treshe, SHBA-BE, Rusi, që do të kryesonin këto bisedime. A kemi të bëjmë këtu me ndonjë ndryshim?

Stivën Majer: Duke u parë thjeshtë nga aspekti ligjor, përgjigja është JO. Problemi me të cilin përballet Bashkimi Evropian dhe perëndimi është se ata nuk mund të mos përfillin Rusinë, madje ata kanë nevojë për Rusinë. Ekzistojnë një sërë çështjesh, përveç Kosovës, të rëndësishme për fuqitë perëndimore, për të cilat ata kanë nevojë për Rusinë, si për shembull sistemi i mbrojtjes nga raketat, Irani. Rusia po rigjallërohet, ekonomia e saj po lulëzon, dhe rusët po bëhen përsëri gjithnjë e më të rëndësishëm dhe kjo është pikërisht ajo që kanë dashur rusët. Si rezultat, pjesa më e madhe e bisedimeve mbi Kosovës do të zhvillohen jashtë Grupit të Kontaktit; Shtetet e Bashkuara dhe Bashkimi Evropian do të takohen shpesh dhe do të përpiqen të arrijnë një marrëveshje bashkëpunimi mes tyre dhe pastaj të punojnë me Moskën. Duke u nisur nga komente të ndryshme që kam dëgjuar, në fund të fundit çështja e Kosovës do të kthehet përsëri tek Këshilli i Sigurimit, ku Rusia ka të drejtë vetoje. Dhe për të siguruar miratimin e Rusisë për këtë çështje, Perëndimit do t’i duhet të paguajë një çmim të lartë.

VOA Shqip

Amerika nuk terhiqet se ka interesa te tjera qe i tejkalojne ato shqiptare disafish.

[DYDRINAS]

SHBA pro, Serbia kundër pavarësisë së Kosovës

Sekretarja amerikane e shtetit Kondoliza Rajs i ka bërë thirrje Serbisë për bashkëpunim në procesin i cili po e çon Kosovën drejt pavarësisë. Kjo u bë e ditur pas takimit të Rajs me ministrin e jashtëm serb, Jeremiq.

Kështu deklaroi një diplomat i Ministrisë së jashtme amerikane, pas takimit të sekretares Rajs me ministrin e jashtëm serb, Vuk Jeremiq, të zhvilluar mbrëmë në Uashington.
Burimet diplomatike thonë se sekretarja e shtetit ka insistuar që Serbia të plotësojë obligimet e veta ndaj bashkësisë ndërkombëtare, në radhë të parë ndaj Tribunalit të Hagës. Megjithatë, Kosova ishte tema kryesore e bisedimeve.
"Të gjithë e dinë se Kosova së shpejti do të bëhet shtet i pavarur, ndërsa ne i bëjmë thirrje Serbisë për bashkëpunim në këtë periudhë", theksoi ky burim anonim, i cili nuk deshi të flasë më shumë për rrjedhën e takimit Rajs - Jeremiq.
Ministri serb Vuk Jeremiq, pas takimit deklaroi se megjithë dallimet ndaj çështjes së Kosovës, mes Serbisë dhe SHBA sërish është vendosur një dialog konstruktiv në nivelin më të lartë. Jeremiq e quajti takimin si një sinjal të mirë në fillim të periudhës, kur duhet të merret vendimi për statusin e ardhshëm të Kosovës. Sipas tij kjo zgjidhje duhet të sigurojë paqë dhe stabilitet në Ballkan. Mirëpo palët kanë shprehur qëndrime të ndryshme lidhur me zgjidhjen ideale për statusin e Kosovës.
"Nuk kemi rënë dakord lidhur me zgjidhjen për statusin e Kosovës. Ne jemi kundër pavarësisë, ndërsa SHBA e mbështesin pavarësinë", theksoi Jeremiq, duke shtuar se palët megjithatë u dakorduan lidhur me rëndësinë e periudhës së ardhshme, të cilën duhet shfrytëzuar për bisedime serioze.
Jeremiq u shpreh optimist lidhur me mundësinë e përmirësimit të raporteve amerikano - serbe. Ai shpreson se Uashingtoni do të pranojë që zgjidhja e statusit të Kosovës, si bazë të ketë kartën e OKB dhe parimet e drejtësisë ndërkombëtare.
Sekretarja amerikane e shtetit, Kondoliza Rajs të hënën është takuar në Uashington edhe me grupin e Unitetit, të cilit i ka premtuar vazhdimin e mbështetjes amerikane për pavarësinë e Kosovës. Njëkohësisht kosovarëve u ka bërë thirrje të kenë durim dhe të heqin dorë nga idetë për shpalljen e njëanëshme të pavarësisë.


Bahri Cani

VOA

[DYDRINAS]

HAXHIU:"TAJVANIZIMI I KOSOVËS DHE KONFEDERATA ME SHQIPËRINË"



Baton HAXHIU, analist


RADIO EVROPA E LIRË
Zoti Haxhiu, çështja e statusit të Kosovës ka kaluar nga Këshilli i Sigurimit te Grupi i Kontaktit, përkatësisht te treshja - SHBA, Rusi dhe BE. Duke pasur parasysh dallimet edhe në këtë treshe, çfarë mendoni se do të sjellin negociatat?

BATON HAXHIU
Mendoj se negociatat nuk janë aq të lehta, janë të komplikuara. Nuk mendoj se procesi negociues 120 ditësh ose më shumë, do të ketë vetëm planin e Ahtisaarit, si pjesë të bisedës. Unë mendoj se janë tri çështje kryesore, që do të dalin në ndërkohë. Meqë Serbia është fituese e këtij procesi negociues, ka bllokuar procesin realisht dhe juridikisht e ka ende Kosovën brenda kornizës së vet kushtetuese, ajo do të provojë që të hapë biseda dhe letra të reja në këtë proces. Procesi do të ketë pikë të parë mundësinë e Kosovës në një lidhje konfederale me Serbinë ose në një variant që Serbia do ta propozojë. Unë mendoj se kjo është e pamundur, për faktin se është harxhuar shumë kohë dhe Kosova e ka njëfarë lirie prej periudhës së vitit 1999. E dyta, meqë ky variant nuk do të realizohet, do të provohet të bisedohet dhe të hidhet si variant ndarja e Kosovës. Meqenëse bashkësia ndërkombëtare ka investuar shumë në realitetet e krijuara pas vitit 1990, duke respektuar ato që quhen territoret e ish-republikave dhe krahinave, të themi kushtimisht, atëherë, unë nuk besoj se do të kemi një ndarje klasike juridikisht të veriut të Kosovës. Dhe normalisht, si varianti i fundit, do të vijë varianti i autonomisë territoriale të veriut, që konsideroj se do të jetë pjesë e procesit, që autonomia territoriale do të jetë një realizim juridik i përkohshëm, me të cilin serbët e Kosovës do të realizojnë atë që, faktikisht, është e realizueshme që nga viti 1999, por edhe do ta formalizojnë juridikisht një ndarje, e cila është aktualisht e funksionalizuar. Problem i dytë janë dallimet e bashkësisë ndërkombëtare ndërmjet vete. Dallimet janë esencialisht të mëdha, edhe për faktin se konstalacioni i forcave ndërkombëtare ka ndryshuar. Ndërkohë, Rusia është shumë prezente në Bashkësinë Evropiane me ekonominë e saj, me gazin dhe normalisht se Rusisë i duhet një armik i jashtëm, po them kështu kushtimisht, brenda territorit rus, që Putin të vazhdojë mandatin e tij nga katër në shatat vjet, në mars të vitit që vjen. Unë nuk mendoj se 120 ditëshi do të jetë fundi i negociatave. 120 ditëshi do të jetë ndoshta fundi i limitit të datave dhe do të hyjmë në një proces të rëndë, një proces që quhet ‘tajvanizim i Kosovës’.

RADIO EVROPA E LIRË
Keni deklaruar se Serbia synon ta tajvanizojë Kosovën, këtë e përmendet sërish. Çfarë nënkuptoni me këtë?

BATON HAXHIU
Kosova është e lirë nga viti 1999, por nuk ka sovranitet dhe pavarësi. Meqenëse nuk ka sovranitet dhe pavarësi, atëherë natyrisht se kemi ngjashmëri me atë që Tajvani e ka pasur një periudhë 99 vjeçare ose një periudhë të gjatë, e që normalisht e ka edhe sot. Mund Kosova ta ketë të ndërtuar sovranitetin dhe kontrollin mbi territorin, por nuk do të jetë e pranuar nga Serbia. Kështu që sovraniteti është i rëndësishëm vetëm kur edhe fqinjët e pranojnë. Ne do të kemi probleme serioze kur shtetet fqinje ose një pjesë e shteteve nuk do ta pranojnë Kosovën si shtet të pavarur. Prandaj, ne do të jemi me probleme afatgjate të kontestimit të sovranitetit dhe pavarësisë sonë. Dhe, në çfarëdo varianti, në proces të hyrjes në BE, ne do të kemi probleme serioze, nëse nuk na pranojnë të gjitha shtetet e BE-së. ‘Procesi i tajvanizimit’ do të jetë pjesë e jona, së paku edhe për një dekadë apo më shumë.

RADIO EVROPA E LIRË
Është thënë se do të ketë 120 ditë bisedime. Megjithatë, Moska dhe Beogradi kërkojnë bisedime të paafatizuara. Sa parashikoni se mund të zgjasë ky proces?

BATON HAXHIU
Mendoj se procesi do të zgjasë deri në prill-maj të vitit të ardhshëm. Kur e them këtë, flas për shkak të ndërtimit të forcave ndërkombëtare, të cilat janë prezente në këtë proces. Unë mendoj se pa u zgjidhur problemi i presidentit rus, e ai do të jetë në mars, nuk do të ketë përfundim të procesit politik.

RADIO EVROPA E LIRË
Agjenda e bisedimeve nuk është përcaktuar ende. Kosovarët thonë se nuk do të negociojnë pavarësinë, e as nuk do ta rihapin pakon e Ahtisaarit. Për çfarë mund të flitet në këto bisedime?

BATON HAXHIU
Procesi i negociatave do të ngjajë si në Rambuje. Do të ketë "diplomaci shëtitëse", e cila do të kurorëzohet me 2-3 takime, ku do të kurorëzohet me nënshkrime. Tash, çështja e nënshkrimeve në dokumentin përfundimtar - a do të jenë rusët brenda në atë nënshkrim apo jo? Unë mendoj atë që kam thënë më lart. Në këtë proces do të hyjmë në një ‘proces të tajvanizimit’, në të cilin sovraniteti i Kosovës do të jetë i kontestuar nga një pjesë e shteteve, e sidomos nga Serbia.

RADIO EVROPA E LIRË
Keni deklaruar më parë se negociatat janë parapërgatitje për ndarjen e Kosovës...

BATON HAXHIU
Unë mendoj se pika kryesore e negocimit do të jetë ndarja e Kosovës ose autonomia territoriale, e vendosur juridikisht në veri. Normalisht që ata do të kërkojnë edhe pjesën e Anamoravës, por ndoshta, nga ajo pjesë, mund të lirohemi. Nuk ka arsye pse Serbia do të hynte në negociata, kur e di fundin e lojës nëse nuk do të përmendte, për shembull, ndarjen e Kosovës ose autonominë territoriale. S’ka kuptim, realisht, të bisedohet për pakon e Ahtisaarit, kur e kanë refuzuar atë. Prandaj, meqenëse nuk kanë pasur ofertë nga shqiptarët, atëherë shqiptarët do të jenë të befasuar me ofertën serbe, por edhe ndërkombëtare. Çështja është se a duan ndërkombëtarët ta ndajnë Kosovën tash, duke pasur parasysh investimet miliona dollarësh në gjithë regjionin, si dhe prezencën ushtarake. Dhe, si kompromis, ndoshta do të jetë autonomia territoriale. Por, unë mendoj se kosovarët duhet të jenë të gatshëm, që të heqin dorë prej veriut, të na heqin prej ankthit, prej dhimbjeve dhe ta heqin një tumor, i cili do të na lirojë nga streset e përditshme, pasiguria dhe e panjohura. Mendoj se është koha që të vendoset koncepti i pavarësisë së Kosovës dhe ndërtimit të një konfederate me Shqipërinë. Arsyeja është e thjeshtë: një ekuivalencë ballkanike, ku në një shtet konfederal do të jetojnë 7 milionë shqiptarë, me mundësi të zhvillimit ekonomik, kulturor dhe me mundësi të tregut të lirë, ku 7 milionë do të funksionin më lehtë, më qëndrueshëm dhe të barabartë me të gjitha kombet tjera, në kuadër të rajonit. Tek e fundit, bashkësia ndërkombëtare dhe Serbia po na shtyjnë që të mendojmë për bashkimin kombëtar ose për bashkimin e mundshëm në një sistem konfederal me Shqipërinë, për arsye se çdo propozim për ndarjen e Kosovës ose autonominë territoriale, nuk ka kuptim që të shtyhet në një ‘proces të tajvanizimit’. Humbja, tash ose më vonë, është sikur ajo fjalia e famshme, të cilën e kemi dëgjuar sa e sa herë, se ‘më i mirë është një fund i tmerrshëm, sesa një tmerr i pafund’. Jetesa me veriun është një tmerr i pafund për Kosovën. Prandaj, një fund i tmerrshëm është heqja e atij tumori dhe ikja në një proces të qetë, me 7 milionë shqiptarë në një shtet.

RADIO EVROPA E LIRË
Zoti Haxhiu, në fund, meqë në Këshillin e Sigurimit dështoi të miratohet rezoluta e re për Kosovën, a prisni ju që procesi të kthehet sërish në OKB?

BATON HAXHIU
Po, në variantin nëse ndërtohet autonomia territoriale për serbët në veri. Do të ishte një shtet brenda shtetit dhe do të kishte një formë dubioze të marrëdhënieve të veriut me Serbinë dhe Kosovën, ku do të thithnin taksa edhe nga Kosova, edhe nga Serbia. Një variant i tillë do ta kthente Kosovën në Këshillin e Sigurimit dhe do të ndërtohej procesi brenda tij. Por, një variant të tillë, unë, personalisht, nuk do ta kisha dëshiruar, për arsye se do të jetonim edhe për një dekadë me problemet e veriut, ku askush nuk do të kishte kontroll dhe asgjë nuk do të ishte e qartë, por gjithçka do të ishte e panjohur. Unë nuk jam për këtë variant. Unë jam për prerje radikale në këtë moment, që realisht është pjesa më funksionale për ndërtimin e së ardhmes së këtij regjioni. Nuk ka kuptim që të ndërtohen enklava autonome, që në një periudhë prej 5, 7 ose 10 vjetësh, kur të largohen Kombet e Bashkuara prej tyre, do të kthehemi në një problem të njëjtë. Prandaj, ne duhet ta prejmë konfliktin e së ardhmes. Tash, preventivë - konflikti i së ardhmes prehet nëse shkon veriu dhe ne ndërtojmë shtet të pavarur, i cili do të na lidhte në një konfederatë me Shqipërinë.

INTERVISTOI: Bekim BISLIMI

RADIO EVROPA E LIRË

[DYDRINAS]

E premte, 27. Korrik, 2007

DELETRO:"RUSIA QËLLIMISHT ËSHTË DUKE DOBËSUAR KËSHILLIN E SIGURIMIT"



Alein DELETROZ, nënkryetar i Grupit Ndërkombëtar të Krizave


RADIO EVROPA E LIRË
Çështja e Kosovës është bartur te "Treshja", pasi që u bë e qartë se Rusia nuk do të pajtohet me planin e Ahtisarit për pavarësinë e mbikqyrur për Kosovën. Kemi të bëjmë me një "pauzë" për Perendimin apo mbase Rusia në këtë rast ka shënuar fitore?

ALEIN DELETROZ
Vështirë është të flitet për fitoren e dikujt. Më parë kemi të bëjmë me betejë të humbur të Këshillit të Sigurimit. Tash shtrohet pyetje: përse çështja e Kosovës është bartur te Grupi i Kontaktit dhe a mos dëshiron Rusia me këtë veprim dobësimin e Këshillit të Sigurimit? Mendoj se Rusia synonon pikërisht këtë. Ish fuqive të mëdha, siç është rasti me Francën, Britaninë dhe Rusinë, që janë mësuar me këtë rol, por që më nuk kanë forcë për ta ushtruar ate, këtë pozitë u ofron pikërisht e drejta e vetos në Këshillin e Sigurimit. Rrjedhimisht, ato duhet të jenë të kujdesshme që këtë instrument mos ta dobësojnë. Në rastin e Kosovës këtë rrezik mbi vete e ka marrë Rusia, pra që qëllimisht të dobësoj Këshillin e Sigurimit. Heret a vonë zgjidhja për Kosovën do të gjendet, por nuk e kuptoj se përse Moska ka marrë këtë rrugë.

RADIO EVROPA E LIRË
Çfarë do të bëhet me planin e Ahtisaarit?

ALIEN DELETROZ
Plani i Ahtisaarit është instrument i shkëlqyeshëm për ecje përpara. Mendoj se ky plan mbetet suazë shumë e mirë për të ardhmen dhe sidomos pjesa që ka të bëjë me mbrojtjen e pakicave. Kjo pjesë gjithësesi duhet të mbetet në çdo plan të ardhshëm për statusin përfundimtar.

RADIO EVROPA E LIRË
Në vazhdim do të kemi 120 ditë bisedime, përmes të ashtuquajturës "diplomaci fluturuese". A mendoni se në këtë periudhë do të gjendet një zgjidhje për Kosovën?

ALIEN DELETROZ
Ekzistojnë tre skenarë. Njëri është që shqiptarët dhe serbët të jetësojnë marrëveshje dhe me çfardo marrëveshje të tyre bashkësia ndërkombëtare do të pajtohet. Mjerish nuk besoj në diç të tillë, sepse pozicionet te tyre janë shumë të largëta. Mundësi e dytë është që Rusia në një çast të thotë se pajtohet me rezolutën e Këshillit të Sigurimit për pavarësinë e Kosovës. Por, aktualisht në Moskë një disponim i tillë nuk ekziston. Mundësia e tretë është ngecja e plotë e bisedimeve dhe shpallja e njëanshme e pavarësisë të cilën do ta njihnin Bashkimi Evropian dhe Shtetet e Bashkuara të Amerikës

Intervistoi: M. RAKELA

[Kreshniku86]

D te deshironim qe te gjithe qe te jete Pavaresi e lote, por veshtir se do te ndodhe.Shtyerjet po vahzdojn pa ndalur.....

[ARIANI_TB]

Negociatat 120 ditëshe, periudhë shumë e rrezikshme për Kosovën, thotë Villiams

Negociatat 120 ditëshe do të jenë një periudhë shumë e rrezikshme për Kosovën. “Grupi i Unitetit” dhe qeveria e Kosovës do të gjenden nën një presion të madh, nga kërkesat e Serbisë dhe Bashkimit Evropian për lëshime.
Nëqoftëse Shtetet e Bashkuara dhe udhëheqësit e Kosovës nuk ndërmarrin disa hapa të guximshëm politik për mbrojtur interesat e tyre, mund të ketë disa ndryshime, por jo në favor të kosovarëve, ka thënë profesori i Universitetit Amerikan dhe analisti i Institutit Karnegi, Pol Villiams.
| e.h & RTK staff |



04 gusht 2007

[ARIANI_TB]

HAXHIU:"TAJVANIZIMI I KOSOVËS DHE KONFEDERATA ME SHQIPËRINË"



Baton HAXHIU, analist


BATON HAXHIU
Unë mendoj se pika kryesore e negocimit do të jetë ndarja e Kosovës ose autonomia territoriale, e vendosur juridikisht në veri. Normalisht që ata do të kërkojnë edhe pjesën e Anamoravës, por ndoshta, nga ajo pjesë, mund të lirohemi. Nuk ka arsye pse Serbia do të hynte në negociata, kur e di fundin e lojës nëse nuk do të përmendte, për shembull, ndarjen e Kosovës ose autonominë territoriale. S’ka kuptim, realisht, të bisedohet për pakon e Ahtisaarit, kur e kanë refuzuar atë. Prandaj, meqenëse nuk kanë pasur ofertë nga shqiptarët, atëherë shqiptarët do të jenë të befasuar me ofertën serbe, por edhe ndërkombëtare. Çështja është se a duan ndërkombëtarët ta ndajnë Kosovën tash, duke pasur parasysh investimet miliona dollarësh në gjithë regjionin, si dhe prezencën ushtarake. Dhe, si kompromis, ndoshta do të jetë autonomia territoriale. Por, unë mendoj se kosovarët duhet të jenë të gatshëm, që të heqin dorë prej veriut, të na heqin prej ankthit, prej dhimbjeve dhe ta heqin një tumor, i cili do të na lirojë nga streset e përditshme, pasiguria dhe e panjohura. Mendoj se është koha që të vendoset koncepti i pavarësisë së Kosovës dhe ndërtimit të një konfederate me Shqipërinë. Arsyeja është e thjeshtë: një ekuivalencë ballkanike, ku në një shtet konfederal do të jetojnë 7 milionë shqiptarë, me mundësi të zhvillimit ekonomik, kulturor dhe me mundësi të tregut të lirë, ku 7 milionë do të funksionin më lehtë, më qëndrueshëm dhe të barabartë me të gjitha kombet tjera, në kuadër të rajonit. Tek e fundit, bashkësia ndërkombëtare dhe Serbia po na shtyjnë që të mendojmë për bashkimin kombëtar ose për bashkimin e mundshëm në një sistem konfederal me Shqipërinë, për arsye se çdo propozim për ndarjen e Kosovës ose autonominë territoriale, nuk ka kuptim që të shtyhet në një ‘proces të tajvanizimit’. Humbja, tash ose më vonë, është sikur ajo fjalia e famshme, të cilën e kemi dëgjuar sa e sa herë, se ‘më i mirë është një fund i tmerrshëm, sesa një tmerr i pafund’. Jetesa me veriun është një tmerr i pafund për Kosovën. Prandaj, një fund i tmerrshëm është heqja e atij tumori dhe ikja në një proces të qetë, me 7 milionë shqiptarë në një shtet.

RADIO EVROPA E LIRË
Zoti Haxhiu, në fund, meqë në Këshillin e Sigurimit dështoi të miratohet rezoluta e re për Kosovën, a prisni ju që procesi të kthehet sërish në OKB?

BATON HAXHIU
Po, në variantin nëse ndërtohet autonomia territoriale për serbët në veri. Do të ishte një shtet brenda shtetit dhe do të kishte një formë dubioze të marrëdhënieve të veriut me Serbinë dhe Kosovën, ku do të thithnin taksa edhe nga Kosova, edhe nga Serbia. Një variant i tillë do ta kthente Kosovën në Këshillin e Sigurimit dhe do të ndërtohej procesi brenda tij. Por, një variant të tillë, unë, personalisht, nuk do ta kisha dëshiruar, për arsye se do të jetonim edhe për një dekadë me problemet e veriut, ku askush nuk do të kishte kontroll dhe asgjë nuk do të ishte e qartë, por gjithçka do të ishte e panjohur. Unë nuk jam për këtë variant. Unë jam për prerje radikale në këtë moment, që realisht është pjesa më funksionale për ndërtimin e së ardhmes së këtij regjioni. Nuk ka kuptim që të ndërtohen enklava autonome, që në një periudhë prej 5, 7 ose 10 vjetësh, kur të largohen Kombet e Bashkuara prej tyre, do të kthehemi në një problem të njëjtë. Prandaj, ne duhet ta prejmë konfliktin e së ardhmes. Tash, preventivë - konflikti i së ardhmes prehet nëse shkon veriu dhe ne ndërtojmë shtet të pavarur, i cili do të na lidhte në një konfederatë me Shqipërinë.

INTERVISTOI: Bekim BISLIMI

RADIO EVROPA E LIRË

Edhe pse asnjehere nuk kame qene perkrahes i Baton Haxhiut, mund te theme se me kete analize te tije, pajtohem plotesisht.

Jo te kete ndarje te Kosoves, por te kete ndryshmie te kufijeve, ku pjesa veriore e Kosoves ti bashkangjitet Serbise, kurse Lugina e presheves ti bashkangjitet Kosoves. Une personalisht mendoje qe Grupi i Unitetit, nese me te vertete mendon per te ardhmen e Kosoves dhe popullit te saj, qe ne keto bisedime 120 diteshe te dalin me kete platforme per ndryshime te kufijeve, nese serbet pretendojne per veriun, ashtu edhe ne do te pretendojme per luginen e presheves. Sa me kujtohet kete propozim i pari para ca vite e ka thene edhe akademiku Rexhep Qosja.

[Hyj-Njeriu]

Statusi përfundimtar i Kosovës do të përcaktohet në bazë të rezolutës 1244,një autonomi përmbajtësore nën kuadrin e Serbisë.
Në kuadrin e kësaj autonomie do të ket edhe miniautonomi që do të thot Kosova nën sovranitetin,teritorialitetin dhe integritetin e Serbisë e bërë cop/cop.Tani me vënjen në praktikë të planit të decentralizimit/kantonizimit/në Kosovë,Kosova po shtrihet përfundimisht në shtratin e saj të vdekjes.Shqiptarët e Kosovës do të gjenden mbrenda saj /Kosovës/ të shtrirë në skllavëri të pamëshirshme apo thën më kjart:do të jenë të shtrir në një varr masiv ku do t`iu shuhen ëndrrat e kamotshme për liri,shtet të pavarur e sovran dhe bashkim kombëtar.
--------------------------------------------------------------------------------------------------------
Jemi të vonuar sepse kemi fjetur shum kur të tjerët nuk kan fjetur as natën.

Ore Sabri,po merre kallashin ti e 500 000 meshkujt e tjere ne moshe lufte ne kosove e te shikosh ti ...paskan fjetur gjume te paret tane..shume mire ngrihu ti e une e tjetri e tjetri....Shqiptaret e shqiprise kane 60 vjet paqe e kane harruar ca eshte lufta,po gjaku nuk behet uje...jemi 8 milion shqiptare e teorikisht 2 milion burra...po sa nga keta 2 milion mund ta quajne veten burra?!!!!

Ska serb a rus qe na ndal dot...ne kohe te enverit 600 000 rezerviste ishin gati per kur te na sulmonte amerika apo rusia te vdisnin ne bunker...sa vete jane sot gati te vdesin ne shqiperi e kosove?!!!

Leri te vjetrit ti, e bene luften e tyre ata,ne te rinjte ku jemi,sa burrni kemi...kete do e shohim se afermi....jemi bere si p-i-c-k-a europiane,olele mami,make love not war,2 pirsing ne hunde e tre ne vesh si pederasta..ptu ....

[dodoni]

Une personalisht perkrah opcionin e shkembimeve te territoreve, veriu ti jepet Serbise dhe Lugina e Presheves ti kthehet Kosoves, dhe Kosova pastaj te bashkohet me Shqiperine. Duke pasur parasysh realitetin ne terren, mendoj qe ky eshte opcioni me i mire dhe me i mundshem qe kenaq me se miri si shqiptaret ashtu edhe serbet.

[ARIANI_TB]

http://www.youtube.com/watch?v=Zm3hF9jASic


http://www.youtube.com/watch?v=TBEXJ...elated&search=

http://www.youtube.com/watch?v=T-T0s...elated&search=