Statusi i ardhshem i Kosovës!

[no name]

Pavarësi e plotë

[Zemrushja]

Ministri i Jashtëm rus ka nënvizuar përsëri mosmarrëveshjet lidhur me Kosovën dhe mbrojtjen raketore amerikane pas një takimi të ftohtë të nivelit të lartë me udhëheqësit e Bashkimit Evropian.
Duke folur për BBC-në, ministri i jashtëm, Sergei Lavrov tha se ata që donin që Këshilli i Sigurimit të ndryshonte statusin e Kosovës ishin të mbarsur me "instiktet koloniale".

"Rasti i Kosovës nuk është një çështje midis Rusisë, BE-së dhe Shteteve të Bashkuara," tha zoti Lavrov.

"(Ajo) është në çështje për popullin e Serbisë dhe është një çështje që, sipas rezolutës së Këshilit të Sigurimit të OKB-së 1244, miratuar me konsensus, e mbëshetur nga Rusia, Bashkimi Evropian dhe Shtetet e Bashkuara, duhet zgjidhur me negociata midis Beogradit dhe Prishtinës," tha ai

Samiti në qytetin jugor rus të Samaras përfundoi me mosmarrëveshje të hapura për disa çështje, përfshirë të drejtat e njeriut dhe marrëdhëniet e Rusisë me shtetet balltike.

Marrëdhënie të përkeqësuara

Po çfarë ka çuar në përkeqësimin e marrëdhënieve midis Rusisë dhe Bashkimit Evropian?

Në ditët kur Gerhard Shroederi ishte kancelar gjerman, takimet e nivelit të lartë me Vladimir Putinin ishin raste ku i rriheshin krahët njëri-tjetrit dhe qeshej.

Tani Angela Merkel dhe Vladimir Putini mezi e panë njëri-tjetrin në sy.

Është një demonstrim grafik për të treguar se sa poshtë janë zhytur marrëdhëniet midis BE-së dhe Rusisë.

Pra, çfarë ka ndodhur?

Dy gjëra. Evropa ka shkuar drejt lindjes dhe Rusia është pasuruar.

Tri vjet më parë ish-satelitët sovjetikë, Letonia, Lituania dhe Estonia u futën në BE.

Këto shtete balltike kanë të gjitha pakica ruse dhe shumë punë të pambaruara me Moskën.

Pra, me një lëvizje, marrëdhëniet e BE-së me Moskës u bënë shumë më të komplikuara.

Dhe pastaj vijnë paratë e naftës.

Dhjetë vjet më parë Rusia ishte pranë falimentimit, ajo nuk kishte asnjë forcë të kërkonte ndonjë gjë më shumë.

Sot, falë naftës, Moska ka rezervat e treta më të mëdha tregtare në botë, 350 miliardë dhe ato vazhdojnë të rriten.

Kjo e bën Rusinë e Putinit me shumë besim, dhe shumë më agresive, dhe shumë më të vështirë për të folur me të.

BBC Shqip

*~*~*~*~*~*~*

Kesaj i thone "ke te qaj me pare"..

[King_Arthur]

Basha-kosovarëve: Maturi e moderacion, në prag të zgjidhjes së statusit final

Kreu i diplomacisë shqiptare ka përfunduar në mënyrë të suksesshme vizitën e tij 3-ditore në Kosovë, ku përgjatë një vizite me personalitetet më të larta në vend, ka theksuar mbështetjen për planin e të dërguarit të OKB-së, Marti Ahtisari, për një pavarësi të plotë, por të mbikëqyrur nga komuniteti ndërkombëtar
Shqipëria do të mbështesë fuqimisht prioritet e Kosovës drejt pavarësisë nëpërmjet proçesit të miratuar nga komuniteti ndërkombëtar. Kështu ka deklaruar ministri i Punëve të Jashtme Lulzim Basha, gjatë vizitës së tij në Kososvë. Duke shprehur indinjatë ndaj paketës Ahtisari, ministri Basha, në të gjitha takimet me lidershipin kosovar, u përcolli këtyre të fundit, jo vetëm mbështetjen e Tiranës zyrtare për planin Ahtisari, si zgjidhja e vetme që do të garantonte stabilitetin afatgjatë të Kosovës dhe krejt rajonit, por edhe mesazhet për pjekuri, moderacion dhe unitet, në mënyrë që proçesi i pavarësimit të Kosovës të përfundojë me sukses e qetësi, për të përballuar më përgjegjësi sfidat e tranzicionit, si dhe për t’i hapur rrugën, në përiudhën e pas-statusit, proçesit të integrimit të Kosovës në strukturat euroatlantike. Gjatë vizitës zyrtare në Kosovë, Ministri Basha, pati takime të veçanta me Shefin e UNMIK-ut, z.Joachim Rucker, Komandantin e KFOR-it, Gjeneral Roland Kather, me Presidentin, Fatmir Sejdiu, kryeministrin, Agim Çeku, Kryetarin e Kuvendit, Kolë Berisha, Kryetarin e Lidhjes Demokratike të Dardanisë, Nexhat Daçi, zëvendëskryetarin e AAK-së, Ahmet Isufi, Kryetarin e PDK-se, Hashim Thaçi, Kryetarin e Partisë Reformiste “ORA”, Veton Surroi, si dhe me përfaqësues të partive të vogla parlamentare, përfshirë edhe të komuniteteve pakicë jo serbe. Në vijim të vizitës, Ministri Basha, bëri homazhe në varrin e ish-Presidentit Rugova dhe në varrezat e Jasharëve, si dhe vizitoi familjet e tyre. Gjatë qëndrimit në Prishtinë Ministri Basha pati një darkë pune me anëtarët e Ekipit të Unitetit, si dhe një me përfaqësues të Grupit të Kontaktit, BE-së, OSBE-së, në Prishtinë, përfshirë dhe zv/Shefin e UNMIK-ut, Stiven Schook. Po ashtu, ai foli edhe para Senatit të Universitetit të Prishtinës, studentëve dhe anëtarëve të Akademisë së Shkencave, si dhe vizitoi Kuvendin Komunal të Pëjës, ku vuri një tufë me lule tek përmendorja e figurës historike, Haxhi Zeka. Vizita e Ministrit Basha në Kosovë u bë në një moment të rëndësishëm, pikërisht në fazën përmbyllëse të statusit të Kosovës, kur pritet të miratohet rezoluta për Kosovën, paraqitur në Këshillin e Sigurimit nga SHBA dhe vendet perëndimore, e cila mbështetet në planin e Presidentit Ahtisari dhe i hap rrugën Kosovës së pavarur. Në takimet me përfaqësuesit e prezencës ndërkombëtare civile dhe ushtarake Ministri Basha mori angazhimin e tyre për kurorëzimin me sukses të misionit në Kosovë, përfshirë edhe periudhën e tranzicionit, gjatë kalimit të kompetencave tek institucionet vendore dhe tek Zyra Civile Ndërkombëtare, dhe për krijimin e një ambjenti të qetë e të sigurtë në të gjithë territorin e Kosovës, dhe njëherësh rikonfirmoi mbështetjen e Shqipërisë për të. Ministri Basha përcolli vlerësimet maksimale të faktorit relevant ndërkombëtar dhe të Shqipërisë për deklaratën e Kuvendit të Kosovës në mbështetje të Planit Ahtisari, dhe angazhimin e Ekipit të Unitetit për të vazhduar me qëndrime të përbashkëta. Duke evidentuar faktin se është krijuar opinioni se Kosova e ka përfunduar misionin e saj, dhe se është i bindur në angazhimin e SHBA-ve dhe BE-së për finalizimin e statutusit të Kosovës, Ministri Basha theksoi se ekziston e njejta ndjeshmëri si në Kosove, Shqipëri dhe në Uashington dhe Bruksel lidhur me rreziqet që sjell shtyrja e afatit të zgjidhjes së statusit dhe përpjekjet për të ndryshuar thelbin e paketës Ahtisari. Ministri Basha inkurajoi komunitetet pakicë që të bëhen pjesë e proçesit të finalizimit të statust dhe të integrimit euroatlantik të Kosovës.

[Llapi]

17 VJET ME BARCELETA PËR PAVARËSINË!


Shkruan: Mehmet Bislimi


Një nënë kishte pasur tre djem. Sa zgjoheshin në mëngjes, djali i madh thoshte: Sot do të bie shi, i dyti thoshte se do të jetë mot me diell, i treti ia priste se do të mbajë vrenjtur!...
Pa dyshim se njeri nga këta çunat e hallës ia qëllonte të dhënave “sinoptike”, prandaj halla krekosej poshtë e lartë duke thënë se më të mençur se djemtë e saj nuk kishte në ato rrethe!

Kjo barceletë sa e vjetër aq edhe shterpë, fatkeqësisht nuk e ka humbur aktualitetin as sot e gjithë ditën edhe pas 17 vitesh që e kam dëgjuar?! Fatkeqësisht barceleta të tilla për 17 vite u krijuan plot që dikë e bënë të qeshet e të tjerët të vajtojnë për fatin e tyre të pazgjidhur. Barceletë shumë e hidhur si kjo ishte ajo e “pavarësisë formale të Kosovës” që ishte një mjegull e dendur për shqiptarët. Bijtë e “hallës” të shkapërderdhur e me qëndrime të pa harmonizuara, madje edhe qesharake, dhanë dhe vazhdojnë të japin më shumë prognoza se sa përshkrime të realitetit. Nga grupi i Unitetit, ka disa ditë që përsëritët refreni i një rutine, tashmë aq të pakripë se zgjidhja e statusit të Kosovës është vetëm çështje muajsh!... Nga ana tjetër, Kryeministri i Kosovës zoti Çeku, shkoi edhe më larg duke thënë se çështja e statusit të Kosovës është çështje javësh!...Ndërkaq Kryetari Sejdiu para pak dite, shkurt, qartë e shqip tha: “Nuk e di se kur, por Kosova do ta fitoj pavarësinë një ditë!!!..

Nuk duhet ndonjë filozofi e veçantë për të parë mjerimin e elitës sonë politike që udhëheqë institucionet e vendit e që në fakt nuk është e ndërgjegjshme për përgjegjësinë që ka marrë mbi supet e veta para popullit tonë dhe pas sakrificave të vazhdueshme të tij. Elita jonë vuan nga mungesa e sensit diplomatik, nga mungesa e pragmatizmit politik e çka jo!? Ndryshe, deklaratat e tilla të pamatura, naive e të pa menduara mirë, madje shumë larg realitetit politik, në Kosovë mund të dëgjosh vetëm nga falltaret e shumta që sot veprojnë atje për të gënjyer dikë, qëllimi i thjeshtë; sa për të zhvatur ndonjë lekë!

Për lexuesin dhe qytetarin naiv, thënë më butë të padjallëzuar, që politikën e sheh vetëm nga prizmi objektiv, duket se çdo gjë është e kryer dhe është në rregull. Pavarësia po vjen për disa javë. Nëse jo atëherë do të vjen për disa muaj. Nëse jo edhe këtë herë, mbase edhe nuk i dihet se kur, por se do të vjen pa dyshim siç e tha edhe kryetari i Kosovës, zoti Fatmir Sejdiu!
Nuk e besoj se populli ynë, por edhe më gjerë të jetë dëgjuar ndonjë herë një mendim kaq i “pjekur” politik, për të mos thënë axhamillëk i madh politik! Pra, sipas Kryetarit, Kosova do të bëhet e pavarur, pas 1 viti ta zëmë, pas 5 viteve, apo pas 10 e 20 vitesh! Qëllimi është se ajo të jetë e pavarur, nuk e dimë se kur, por kjo s’ka rëndësi. Një ditë do të ndodhi, dhe ditë të zotit ka mjaft, sa të duash?!...

Në fakt këtu qëllimi është më thellë së ç’duket në sipërfaqe. Me të tilla barceleta Kosova dhe populli i saj po mashtrohen, duke krijuar iluzione të rrejshme brenda konceptit të një shoqërie, që për ironi të fatit nuk i vë në pah dilemat para sprovave kontestuese në kohë! Njerëzit e pushtetit, bijtë e “hallës”, për çdo mbrëmje përmes mjeteve të informimit i drejtohen popullit tamam si bijtë e barceletës që e thamë në fillim. Pavarësia është vetëm çështje kohe, thonë ata, por konstalacioni kohë nuk ka asnjë limit në logjikën e tyre. Koha tek ata nuk matet as me orë, as me ditë, as me muaj, as me vite...

Qysh në vitin e kaluar, të gjithë njerëzit e politikës, pa përjashtim u binden krejt në mënyrë naive se pakoja e Ahtisarit do të sjellë zgjidhjen e statusit dhe pavarësinë e Kosovës e bashkë me të edhe zgjidhjen e shumë problemeve tjera të pazgjidhura. Madje u tha se do bëhet brenda tetorit. Iku edhe tetori dhe erdhën njëri pas tjetrit nëntori, dhjetori, janari, shkurti... Jemi në fund të majit, dhe dje ishte në shtyp se çështja e Kosovës do të zgjidhet nga fundi i qershorit por kishte edhe zëra të analistëve të ndryshëm se kjo çështje madje mund të shtyhej edhe më shumë se për dy tri vite!... Kështu të gënjyer u rrokullisën 17 vite, që nga shpallja e pavarësisë dhe e kushtetutës së Kaçanikut , që edhe ajo mbeti jo më shumë se një barceletë deri me sot. 17 vite të pavarësisë dhe njëkohësisht 17 vite duke pritur pavarësinë, e që po kaq vite duke negociua për te, ku ta gjejmë edhe një analogji si kjo?!...

Nga ana tjetër Tadiçi, kryetari serb për të përditshmen gjermane: “Frankfurter allgemeine cajtung” tha: “ Kosova është një katror i vërtetë dominoje, kështu që pavarësia e saj do të mund të nxiste shumë konflikte në rajonin e Detit të Zi!”...
Nga elita jonë politike, nuk i ra askush “domino” Tadiçit e t’i thoshte se të gjitha shtetet e lira që njihen deri me sot në botë, historikisht nuk kanë sjellë konflikte. Shtetet e lira, botës i kanë sjellë paqe, civilizim dhe zhvillim. E pa kontestuar në as një formë, qëndron teza filozofike se që nga antika e deri me sot, konflikte e luftëra kanë sjellë vetëm shtetet gllabëruese e grabitqare. Prandaj, deklaratat e liderëve serbë se Kosova e lirë sjell konflikte, janë sa qesharake, po aq edhe absurde, janë krejtësisht jashtë kontestit histori e filozofike. Thjeshtë kjo është më shumë se gjuhë force, që pushtetarët Serb edhe në të kaluarën nën këtë pretekst i kanë dhënë vetës të drejt për veprime të njëanshme për para botës!
Faktet historike vërtetojnë të kundërtën: përderisa Kosova të jetë e robëruar, vatra e konfliktit është e ndezur përherë... dhe atë jo vetëm në rajonin e Detit të Zi, por edhe të detit Adriatik, madje edhe në Paqësor e Atlantik!.... Këtë duhet ta di Serbia dhe e mbarë bota se Kosova nuk do të pajtohet kurrë me robërinë. Kosova kurrë nuk është pajtuar me robërinë edhe pse është prerë e vrarë, djegur e masakruar, që më 1878 e më herët, më 1912 ’13 ’18 ’39 ’41 ’43 ’45 ’53 ’56 ’68 ’81 ‘88’ 89 e deri tek ditët e UÇK-së. Nuk kam dëgjuar deri më tani një konstatim kaq absurd se nëse një popull fiton lirinë, ai krijon konflikt!? Këtë mund ta dëgjojmë vetëm nga gjuha urrejtëse e elitës politike serbe, prandaj habit fakti përse serbët nuk po pushtojnë shtetet e lira si Slloveninë, Kroacinë, Maqedoninë, Malin e Zi, etj. Ngase, gjithnjë sipas tezës serbe, këto shtete të lira mund të sjellin konflikte të reja në rajon e më gjerë!? Historia si mësuese e mirë e të tashmes dhe së ardhmes na thotë se shtetet grabitqare me sistemet e tyre diktatoriale e totalitare janë ato që krijojnë konflikte, por jo edhe popujt e shtetet e lira.

Po kështu, edhe kreu tjetër i Serbisë Koshtunica deklaroi në mënyrë decidive se:” Serbia nuk do të heq dorë nga Kosova as me kushtin e anëtarësimin të saj në Bashkësinë Evropiane!” Për popullin shqiptar, deklaratat e tilla nuk duhet të kalojnë pa shqetësim, përderisa Evropa e ka pranuar Koshtunicën për kryeministër të Serbisë, duke u pozuar me kallashnikov në dorë derisa Kosova masakrohej! Fatkeqësisht në shumë rast, leshi kishte rënë në veshët e Evropës dhe në heshtje miraton lojën e saj me radikalin Nikoliq, me kriminelet Karagjiq e Mladiq! Nëse kështu qenka, dhe nëse në Kosovë ligji themelor bazohet në konceptet e demokracive pro perëndimore, prapa të cilit qëndron sovrani popull, atëherë edhe elita jonë e stërkequr politike, domosdoshmërish do duhej të thotë, po aq decidivisht se: Edhe populli shqiptar nuk do të heq dorë nga liria e vet, me asnjë çmim, madje as me çmimin e një përgjakje të re e të imponueshme nga regjimi hegjemonist serb!Ne po i kontribuojmë paqes, por urtësia jonë nuk duhet të keqpërdoret siç u keqpërdor e u keqkuptua deri me sot. Populli shqiptar është i gatshëm që ta mbrojë lirinë e vet dhe pikë! Kjo duhet thënë hapur e qartë.

Një njeri mbase mund ta mashtrosh për ca kohë, por një popull të tërë nuk mund ta mashtrosh përgjithmonë. Në fakt në Kosovë, ka kaluar shumë kohë që premtimi për pavarësi po hiqet zvarrë e po rrokulliste nga viti në vit, dhe populli ynë priti me dinjitet deri në atë shkallë që nuk kishte se ku të shkoj më... Tani mbas luftës së UÇK-së, kaluan rreth 8 vite, në pritje të pavarësisë, të shtetit që në fund të fundit e kemi fituar me luftë e gjak, pa dyshim se edhe me ndihmën e çmuar të aleatëve tanë; atëherë shtrohen pyetjet e logjikshme: Kë presim? Çka presim? Përse presim? Deri kur duhet të presim? A po i duket fundi pritjes sonë?...

Kjo pritje po vret durimin e dinjitetshëm të popullit tonë të mirë e atdhedashës, po vret qenien e tij, po vret besimin e tij në një të ardhme më të mirë, po vret sakrificat e tij më sublime që e bëri për lirinë e vendit të vet, më thjesht po vret pritjen 8 vjeçare të pasluftës dhe krejt në fund ky popull një ditë nuk do të pres më, ngase nuk ka se çka të pres më, nga se nuk ka çka të humbas më! Po e përsërisim: nëse prapa ligjit të demokracisë qëndron sovrani popull, atëherë elita jonë politike, do duhej ta thotë realitetin popullit të vet për çështjen e pazgjidhur të statusit të Kosovës. Përballja me realitetin me kohë nuk është zhgënjim, madje është guxim që populli të sqarohet drejt e të mos joshet me mashtrime e premtime boshe. Zhgënjimi më i madh qëndron mu në faktin e fshehjes së realitetit jo edhe shumë të kënaqshëm për zgjidhjen e çështjes së statusit të Kosovës.
Barceleta se Kosova do të jetë e pavarur një ditë, por nuk e di se kur, është më shumë se tallje me sovranin popull zoti President!

[illirycum]

Rroft Kosova E Lire!

[Iliri_1878]

Pavaresi e plote nuk ka pergjigje tjeter.

[..erTa..]

Kosova do ket pavarsi te mbikqyrur dhe ky eshte nje gje shume e mire per Kosoven sps kosovaret nuk jan ne gjendje te vetqeverisin

[Kreksi]

Kosova do ket pavarsi te mbikqyrur dhe ky eshte nje gje shume e mire per Kosoven sps kosovaret nuk jan ne gjendje te vetqeverisin

Nasht, edhe gjermania ka mbetur e mbikqyrun me se 50 vite, tani dikur permiresohemi edhe ne, besa do behemi me te miret ne ballkane e qe tjeret do na kan lakmi...

[Borix]

N. Burns, zv/Sekretari Amerikan i Shtetit, ka deklaruar ne Greqi se SHBA pranon te bisedoje vetem per daten kur Kosova do te behet e pavarur, dhe jo per ate nese Kosova duhet ta fitoje pavaresine.

Drejtoret politike te vendeve anetare te Grupit te Kontaktit takohen sot ne Paris, per te diskutuar çeshtjen e statusit te Kosoves. Takimi i Grupit te Kontaktit eshte i pari pas angazhimit te hapur te presidentit amerikan George Bush per pavaresine e Kosoves. Ameriken ne kete takim e perfaqeson Nensekretari amerikan i shtetit Nicholas Burns.

Burns dje ka qendruar per vizite ne Greqi, ku ka deklaruar se SHBA-te pranojne te bisedojne vetem per daten kur Kosova do te behet e pavarur, dhe jo per ate nese Kosova duhet ta fitoje pavaresine. (Ju kujtoj se Burns kishte planifikuar te vizitonte Athinen zyrtare ne diten kur Presidenti Bush vizitoi vendin tone, por ai e anulloi viziten duke e shtyre ate per diten e sotme - Borix). Ai iu tha gazetareve se debati aktual ne Keshillin e Sigurimit para se gjithash ka te beje me pyetjen nese duhet te percaktohet nje periudhe tranzicioni perpara se te vendoset per statusin perfundimtar te Kosoves. "Do te pajtoheshim me kete vetem nese rezultati do te ishte pavaresia e Kosoves. Ne te kunderten, rifillimi i bisedimeve, pas 18 muajsh, vetem qe ky vend te mos fitoje pavaresine, per ne eshte i pakuptimte", ka thene Burns. (BalkanWeb, 12 Qershor 2007)

[Ali Baba Tepele]

SHQIPËTAR ! KUJDES !

Shqipëtar kudo që jeni,kujdes.Hapni sytë dhe tregohuni të vendosur para çdo provokimi të botës! Evropa plakë dhe skile e vjetër i nxori përsëri dhëmbët e mprehtë për të ndukur trojet Shqiptare.Këtë herë është më e rëndë goditja sepse Kosovën kërkon jo ta shkëpusë, por ta zhdukë nga historia si komb.Mos kujtoni se këto që jan arritur deri më sotë, na i ka falur kush! Çdo gjë është arritur me gjak.Ajo që ka frikë nga derdhja e gjakut, është Evropa.Le ti përgjigjemi mashtrimit të saj me mënyrën që dimë.Me shpatën të zhveshur.Mos harroni se janë armiqtë e kombit Shqiptarë ata që investojnë këtë ndërrmarrje makabre, në kurriz të kombit Shqiptar.
Vëllezër kujdes! Mos lejoni që të hiqen simbolet tona Shqiptare nga Flamuri ynë kombëtar.Kjo është një dredhi e djallëzuar e radhës e Evropës Skile të vjetër.
Ne do njihemi në Evropë siç jemi në të vërtetë.si Shqiptar.............................
.................................................. ..............