Statusi i ardhshem i Kosovës!

[Stefan07]

Tirana perplaset me Beogradin per Kosoven

nje gje e pa kuptueshem..
deri sa Rama(pederasi i grekev ene SHqiperi) do jete bashkiaku i Tiranes,tirana nuk do e refuzoj Beogradin.İShte per kete Tirananistet u deshten ta mboshtin RAmen me per Kosoven...por,si qe shifete se edhe tiranistet po i pelqene pederaset(homosex)

[Zemrushja]

Treshja evropiane, Shefi i diplomacisë Havier Solana, ministri i jashtëm i Gjermanisë, Frank Walter Steinmeir, dhe Komisioneri për Zgjerim, Oli Rehn takohen në Luksemburg me ministrin e jashtëm rus, Sergej Lavrov për të diskutuar mbi statusin e Kosovës.
Zyrtarët evropianë do të përpiqen të bindin Moskën që të mos kundërshtojë në Këshillin e Sigurimit planin e kryenegociatorit Martti Ahtisari për pavarësi të mbikqyrur për Kosovën.

Takimi i treshes evropiane me ministrin e jashtëm rus, Sergej Lavrov vjen pak ditë pas vizitës së këtij të fundit në Beograd, ku zoti Lavrov deklaroi se për Moskën është e papranueshme çdo zgjidhje që nuk e ka pëlqimin e Beogradit.

Ende nuk dihet saktë axhenda e misionit të Këshillit të Sigurimit të OKB-së, i cili do të vizitojë këtë javë Beogradin dhe Prishtinën.

Delegacioni prej 15 anëtarëve të Këshillit të Sigurimit do të kryesohet nga ambasadori belg, Johan Verbeke.

Ajo që dihet tash për tash, është se përveç Prishtinës, delegacioni do të vizitojë edhe qytetin e ndarë të Mitrovicës dhe disa vendbanime të banuara me serbë.

Shefja e Qendrës Koordinuese Serbe për Kosovën, Sanda Rashkoviq Iviq ka deklaruara këtë fundjavë se Beogradi ka arritur të bind delegacionin për të vizituar më shumë enklava serbe.

Ndërsa autoritetet e UNMIK-ut dhe ato vendore në Prishtinë kanë thënë se axhenda e misionit të Këshillit të Sigurimit do të jetë gjithëpërfshirëse.

Ekspertë dhe zyrtarë nga rajoni thonë se zgjidhja e statusit të Kosovën i kontribuon stabilitetit të Ballkanit.

Sipas tyre, plani i kryenegociatorit Ahtisari për pavarësi të mbikqyrur është realist dhe krijon mundësinë për normalizimin e gjendjes jo vetëm në Kosovë por edhe në rajon.

Eksperti nga Shqipëria, Ledi Bianku ka deklaruar për BBC-në se nuk ka dyshim që pas zgjidhjes së statusit të Kosovës do t'u jepet fund konflikteve ndëretnike në Ballkan.

Nga ana tjetër, kroati Neven Mimica, i cili është kryetar i Komisionit Parlamentar për Integrime Evropiane në Zagreb thotë se plani i kryenegociatorit Ahtisari është një zgjidhje e drejtë që e bën të qëndrueshme situatën jo vetëm në Kosovë, por edhe në rajon.

Ndërkaq sipas drejtorit të Sektorit për Integrime Evropiane në Maqedoni, Dragan Tilev, me zgjidhjen e statusit të Kosovës krijohet një ambient më i favorshëm politik dhe ekonomik për rajonin.

BBC Shqip

[Zemrushja]

Kryeministri i Kosovës, Agim Çeku ka deklaruar se nuk ka asnjë gadishmëri për rifillimin e bisedimeve për statusin e Kosovës.
Kryeministri Çeku i është kundërpërgjigjur kështu kryeministrit serb, Vojisllav Koshtunica që e ka parë ardhjen e misionit të KS të OKB-së si rifillim të negociatave për Kosovën.

Në një intervistë për BBC-në, kryeministri Çeku ka thënë se nuk ka ndarje të Kosovës dhe e ka akuzuar Beogradin zyrtar për manipulim me qytetarët serbë të Kosovës.

Ai ka thënë se pavarësia e Kosovës do ta definojë mirë çështjen e veriut të saj.

Çeku ka thënë se Kosova është e interesuar që të përfundojë periudha e konflikteve dhe të fillojë epoka e bashkëpunimit dhe integrimit qoftë rajonal, por edhe të atij në BE dhe në NATO.

Arbër Vllahiu zhvilloi një bisedë me kryeministrin Çeku dhe fillimisht e pyeti se a ka përfunduar procesi i bisedimeve me Beogradin dhe a ka filluar faza përfundimtare e zgjidhjes së statusit të Kosovës?

Çeku: Mendoj se pikërisht ky mision do të shënojë përfundimin definitiv të procesit për definimin e statusit të Kosovës. Pas këtij misioni pason dorëzimi i projektit të Rezolutës së re anëtarëve të KS, pastaj negociata mes tyre dhe aprovimi i kësaj Rezolute në fund. Nuk ka asnjë gadishmëri dhe as nevojë për vazhdim ose rihapje të negociatave për Kosovën.

BBC: Por zoti kryeministër, zyrtarët rusë kanë kërkuar zgjerimin e axhendës së misionit të KS me vizitën në enklavat serbe, për të parë nga afër kushtet e jetesës së pakicës serbe. Mendoni ju se misioni i KS do të mund të ndryshojë dicka nga plani i zotit Ahtisaari për një pavarësi të mbikqyrur për Kosovën?

Çeku: Kosova është një dhe e tërë. Kosova është unike. Edhe të ashtuquajturat enklava apo vendbanimet serbe, janë pjesë e Kosovës. Ata vijnë që ta vizitojnë Kosovën dhe janë të mirëseardhur në çdo kënd të Kosovës, mirëpo duhet ta trajtojnë Kosovën si të tërë dhe të njihen me realitetin e ri këtu. Mendoj se përpjekja për të vizituar vetëm enklavat serbe, shkon në dëm të qytetarëve serbë sepse edhe KS do ta shohë se ata janë të paintegruar, janë të penguar nga Beogradi dhe do ta shohin realitetin i cili është imponuar nga politika e gabuar e Beogradit, që vazhdimisht manipulon me qytetarët serbë duke mos u lejuar atyre që të jenë pjesë integrale e shoqërisë në Kosovë, pjesë e përditshmërisë kosovare dhe e institucioneve të Kosovës.

BBC: Zoti kryeministër, ju pohoni se Kosova është një dhe veriu është pjesë e saj. Por ka vite që qeveria e Kosovës dhe vetë administrata ndërkombëtare nuk kanë arritur që të vënë kontrollin mbi këtë pjesë. Atëherë, ka pohime të shtuara se kjo pjesë mund të ndahet dhe do të mund të ketë ndarje të Kosovës?

Çeku: Absolutisht nuk ka projekte për ndarje të Kosovës. Ky projekt i definimit të statusit të Kosovës ka nisur me disa parime dhe më themelori është se nuk ka ndarje të Kosovës. Nuk ka ndarje të Kosovës. Situatën cfarë e kemi sot aktualisht në veri të Kosovës është pasojë e një statusi të paqartë të Kosovës, pasojë e pritjeve të vazhdueshme për definimin e statusit të Kosoëvs. Pavarësia e Kosovës do ta definojë edhe këtë çështje dhe do ta sqarojë edhe atë. Kosova do të jetë shtet dhe ne do të sillemi si shtet menjëherë pas statusit.

BBC: Dhe kjo menjëherë, ç'ka nënkupton. Kur do ta bëni shtetin zoti kryeministër?

Çeku: Kosova de facto është e bërë si shtet, ajo ka institucionet e saj dhe tani mungon që edhe de jure të nxirret një Rezolutë në OKB, që Kosova pastaj ta shpall pavarësinë dhe të njihet si shtet i pavarur nga të gjitha shtetet mike në radhë të parë dhe mandej edhe nga të gjitha vendet e tjera.

BBC: Zoti kryeministër, a mos po vjen një periudhë e konflikteve mes fuqive të mëdha, në radhë të parë të SHBA-së dhe Rusisë, për faktin se kjo Rezolutë e re për Kosovën nuk do të mund të kalojë edhe aq lehtë në KS të OKB-së?

Çeku: Mendoj se nuk është periudhë e konflikteve, por e bashkëpuninimit dhe partneritetit dhe ky është imperativ i kohës. Besoj se në fund do të mbizotërojë argumenti i bashkëpunimit dhe partneritetit dhe se Rusia, ashtu si ka qenë deri tash, megjithëse ka patur një qëndrim ndryshe, apo ka patur dallim nga anëtarët e tjerë të Grupit të Kontaktit, do të mbajë qëndrim të drejtë. Më në fund të gjitha vendimet për dinamikën e procesit janë marrë në pajtim edhe të Rusisë dhe mendoj se edhe ky hap i fundit do të merret së paku me abstenimin e saj dhe kështu do të vazhdojë partneriteti i Rusisë me pjesën tjetër të botës demokratike.

BBC: Por nëse Beogradi këmbëngul në mosnjohjen e pavarësisë së Kosovës, atëherë si mendoni se do të realizohet një fqinjësi e mirë me një shtet tjetër që nuk e njeh pavarësinë e Kosovës?

Çeku: Mendoj se nuk është çështje ee Beogradit kjo. Për pavarësinë e Kosovës do të vendosë KS dhe Beogradit i mbetet të pajtohet me këtë herët apo vonë. Sa më herët, do të jetë në të mirë të të dyja palëve, edhe të Beogradit edhe të Kosovës.

BBC: Dhe së fundi zoti kryeministër, i keni shtrirë ju dorën e pajtimit Beogradit?

Çeku: Ne i kemi shtrirë dorën e pajtimit serbëve. Ne jemi fitimtarë dhe fitimtarët nuk harrojnë, por falin. Ne jemi të gatshëm që ta bëjmë këtë dhe jemi të interesuar që të përfundojë epoka e konflikteve dhe të fillojë epoka e bashkëpunimit dhe integrimit qoftë rajonal, edhe të atij në BE dhe në NATO. Ne duam të jemi pjesë e zgjidhjes dhe vend që kontribuon në paqe dhe në qëndrueshmëri si dhe në bashkëpunim të Kosovës. Dhe ne duam të jemi shembull për këtë.


BBC Shqip

[md_pellazgu]

Shpresoj, por nuk besoj se do jete pavaresi e plote, edhe pse votova per te tille, sps e dua me gjithe zemer.Por shpresa vdes e fundit, prandaj duhet te pajtohemi me pritjen, durimin.C'ironi...?Tpresesh, cdo te bejne tjeret per ty.

[Zemrushja]

BEOGRAD, Serbi -- Misioni fakte-gjetës i Këshillit të Sigurimit të OKB-së arriti të mërkurën vonë (25 prill) në Serbi, pas bisedimeve në Bruksel me zyrtarë të lartë të BE dhe NATO mbi çështjen e statusit të Kosovës. Ekipi, i kryesuar nga ambasadori belg në OKB-së, Johan Verbeke, u takua me shefin e sigurimit ë BE Havier Solana dhe komisionerin e zgjerimit të BE Olli Rehn si edhe me sekretarin e përgjithshëm të NATO-s, Jaap de Hoop Schefer.

Sipas Rehn, BE e sheh miratimin e një rezolute të re të Këshillit të Sigurimit të OKB-së për statusin e Kosovës si çelës për të dhënë legjitimitetin ndërkombëtar dhe një bazë ligjore për përfshirjen e BE në krahinë. Nga ana e tij, de Hoop Schefer kërkoi zgjidhjen e shpejtë të statusit të Kosovës bazuar në planin e të dërguarit të OKB-së Marti Ahtisaari, duke shtuar se vonimi i procesit do të rrezikonte sigurimin evropian.

Misioni fakt-gjetës u takua me zyrtarë dhe OJQ në Beograd përpara se të drejtohet për në Prishtinë të premten. (Glas javnosti - 26/04/07; UN website, Tanjug, Beta, B92, Top-Channel, RTK, 24-ore, Telegrafi, AP, UPI - 25/04/07)

Ballkantimes.

[Zemrushja]

Misioni faktmbledhës i Këshillit të Sigurimit të OKB-së, fillon të premten takimet zyrtare në Prishtinë.
Misioni, që udhëhiqet nga ambasadori i Belgjikës në OKB, ka arritur të enjten në mbrëmje në Prishtinë.

Ai pritet të mbledhë informacione për Kosovën, pas takimeve që ka zhvilluar në Beograd me zyrtarët e lartë serbë.

Zyrtarët e OKB-së do të takohen të premten me udhëheqës të lartë të Kosovës dhe ata ndërkombëtarë.

Vizita do të vazhdojë në të dyja anët e qytetit të ndarë të Mitrovicës, pastaj në fshatin Frashër dhe në Graçanicë 5 kilometra në lindje të Prishtinës.

Zgjatet vizita

Delegacioni i KS e ka zgjatur vizitën e tij për një ditë më tepër në Kosovë dhe pritet që, veç tjerash, të vizitojë edhe fshatin Krushë e Vogël të Rahovecit, ku forcat serbe më 1999 kanë kryer krime ndaj popullatës shqiptare.

Pritet të vizitohet dhe fshati Brestovik ku janë kthyer një numër banorësh serbë.

Misioni i KS që po qëndron në rajon për të mbledhur informacione fillimisht ka qëndruar në Bruksel ku është takuar me zyrtarët e lartë të BE-së.

Pas vizitës së tij në Kosovë, misioni do të udhëtojë për në Vjenë për të takuar të dërguarin e posaçëm të OKB-së për statusin e Kosovës, Martti Ahtisaari, plani i të cilit parasheh një pavarësi të mbikëqyrur për Kosovën.

Misioni u krijua pas mbledhjes së 3 prillit në New York, kur përfaqësuesi rus në OKB kundërshtoi planin e zotit Ahtisaari për Kosovën dhe kërkoi rivlerësim të përmbushjes së standardeve në Kosovë.

BBC Shqip

[Zemrushja]

• Ne kufirin mes Serbise dhe Kosoves ndodhet nje brigade e ushtrise serbe e cila ka si detyre te ruaje vendin nga ndonje sulm apo konflikt qe mund te ndodhe menjehere pas vendimit te marre ne KS


Vendimi I marre nga Keshilli I Sigurimit per statusin e Kosoves mund te jete shkak per ndonje konflikt te mundshem. Kjo konfirmohet nga nje brigade e ushtrise serbe e cila ndodhet ne kufirin mes Serbise dhe Kosoves dhe qe ka si detyre te ruaje vendin nga ndonje sulm apo konflikt qe mund te ndodhe menjehere pas vendimit te marre ne keshillin e sigurimit.Tete vjet pasi Nato largoi me force trupat serbe nga kosova, keshilli I sigurimit te kombeve te bashkuara pritet te beje te ditur nje plan I cili e ben kosoven te pavarur edhe pa vullnetin e Serbise. (Reuters)

Misioni Faktmbledhes, Khalizad: Zgjidhja e statusit "çështje javesh"

• Në kuadër të misionit informues, delegacioni i Keshillit te Sigurimit u takua sot në Prishtinë me zyrtarët më të lartë ndërkombëtarë dhe vendas


Ambasadori amerikan në Kombet e Bashkuara, Zalmay Khalilzad tha se zgjidhja e statusit të Kosovës, është çështje e javëve. "Besoj se shumë progres është bërë këtu" dhe shtoi se "por e dimë se duhet bërë edhe shumë më tepër dhe çështja e statusit, që është një çështje e rëndësishme, duhet të zgjidhet dhe ne do ta bëjmë këtë në javët që vijnë". Anëtari tjetër i delegacionit të Këshillit të Sigurimit të OKB-së, që po qëndron për vizitë në Kosovë, ambasadori i Francës, Jean-Marc de La Sabliere tha se Franca "beson se plani i Ahtisaarit duhet të impelemntohet dhe të kaloje në Këshillin e Sigurmit". Zoti Sabliere tha mëtutje se"do të vazhdohet puna me anëtarët e tjerë të Këshillit të Sigurimit, që kjo të ndodhë". I pyetur se a mund të ndodhë kjo në muajin Maj, ambasadori francez tha se "ne shpresojmë për këtë dhe do të shohim". Ai tha se ishte impresionuar me përkushtimin dhe angazhimin e autoriteteve të Kosovës për realizimin e planit të Ahtisaarit, "veçanërisht rreth çështjes së pakicave, që është shumë e rëndësishme". I.K.
Europa e Lire

Ballkanweb

[Zemrushja]

Koshtunica ka deklaruar sot se Serbia është e gatshme për “një zgjidhje të mirë dhe të qëndrueshme për Kosovën”, ndaj ka dalur me propozimin “atonomi të mbikqyrur” për Kosovën. “Misioni i KS ka mundur të shoh se në çfarë gjendje është Kosova, ndaj mund të llogarisin se Serbia është gjithnjë e gatshme për fillimin e negociatave të reja dhe autonomia e mbikqyrur është kushti thelbësor për rifillimi ne negociatave”, i ka deklaruar Koshtunica agjencisë Beta. Autonomija e mbikqyrur në njërën anë i mundëson shqiptarëve që ta qeverisin vetveten dhe t’i realizojnë interesat e tyre, ndërsa në anën tjetër, në përputhje me Kartën e OKB-së, Serbia do të integritetin dhe sovranitetin e vet”, ka thënë kryeministri serb, Vojisllav Koshtunica. Por ministria e Jashtme e Rusisë përmes një komunikate ka deklaruar se misioni faktmbledhës i Këshillit të Sigurimit të Kombeve të Bashkuara ka konfirmuar se, në Kosovë nuk janë përmbushur pikat kyçe të rezolutës 1244. Ndërsa kryeministri i Serbisë, Vojisllav Koshtunica ka thënë se, Serbia është plotësisht e gatshme që të bëjë hapat e duhur drejt gjetjes së një zgjidhjeje të qëndrueshme për Kosovën që sipas tij është autonomia e mbikëqyrur për Kosovën. Plani i Ahtisaarit nuk mund të paraqes platformë për zgjidhjen përfundimtare të çështjes së Kosovës, ka njoftuar Ministria Ruse e Punëve të Jashtme.

Ndërsa kryeministri i Serbisë, Vojisllav Koshtunica, ka thënë se, Misioni i Këshillit të Sigurimit të Kombeve të Bashkuara që ka pasur rast të shohë se cila është situata në Kosovë, mund të llogarisë në gatishmëri të plotë të Serbisë për të nisur radhën e re të bisedimeve për autonomi të mbikëqyrur e cila sipas tij paraqet platformën ideale për bisedime të reja për statusin e Kosovës. Kryeministri serb, Vojisllav Koshtunica, ka thënë se autonomia e propozuar nga Serbia, në njërën anë do tu mundësonte shqiptarëve një krahinë, që vetë të vendosin për të ardhmen dhe interesat e tyre, e në anën tjetër do të ruante integritetin territorial dhe sovranitetin e Serbisë, që sipas tij është në përputhje me kartën e Kombeve të Bashkuara.

*~*~*~*~*~*~*~*

Nga ana tjeter.. Shtetet e Bashkuara te Amerikes deklarojne se Kosova do te jete e pavarur me apo pa rezolutenj..

Artisaari sqarime anëtarëve të Misionit të OKB për zgjidhjen përfundimtare të statusit të Kosovës

Hollbruk: Nëse Rusia përdor veton, do të pasojë shpallja e pavarësisë dhe SHBA do e njohin

Përfaqësuesi i posaçëm i OKB-së për Kosovën, Martti Ahtisaari, iu ka dhënë mbrëmë në Vjenë anëtarëve të misionit të KS të KB sqarime shtesë lidhur me propozimin e tij për zgjidhjen e statusit të Kosovës, ka njoftuar Zyra e Përfaqësuesit të posaçëm për Kosovën. Misioni në nivel ambasadorësh, i cili ditëve paraprake ka qëndruar në Bruksel, Serbi e Kosovë, me qëllim të plotësimit të përshtypjeve për situatën në Kosovë, me të arritur në Vjenë të shtunën mbrëma, menjëherë është takuar me Ahtisaarin dhe zëvendësin e tij Albert Rohan. Darka e punës, e cila u organizua në hotelin vjenez “International” është mbajtur prapa dyerve të mbyllura dhe nuk ka pasur prononcime për gazetarë, mirëpo merret vesh se Ahtisaari iu është përgjigjur edhe pyetjeve të ambasadorëve të Këshillit të Sigurimit. Takimi me Ahtisaarin praktikisht ka shënuar edhe përfundimin e misionit disaditësh të ambasadorëve të vendeve anëtare të Këshillit të Sigurimit, kështu që ata gjatë ditës së sotme kanë udhëtuar për Nju Jork, ku do ta paraqesin raportin e tyre për gjendjen në Kosovë. Ndërkohë që në SHBA gjithnjë e më shumë është dhënë mbështetja për pavarësinë e Kosovës.

Kosova do të jetë e pavarur me apo pa rezolutën e Kombeve të Bashkuara, thuhej në disa nga gazetat kryesore amerikane dje, duke nënvizuar se ky është edhe qëndrimi më i ri zyrtar amerikan për zgjidhjen e çështjes së Kosovës. Në këtë qëndrim të ri amerikan, i cili edhe kësaj radhe u shpalos në Evropë, i sugjerohet Rusisë që nëse vërtet do të mbështesë serbët, atëherë duhet të mbështesë projektin për të ardhmen e Kosovës, meqë ai në një pjesë të madhe do të garantojë të drejtat e tyre. Qëndrimi më i drejpërdrejt amerikan erdhi edhe si kundëreagim ndaj deklaratave të fundit të Moskës mbi pakalueshmërinë e planit të Martti Ahtisaarit, që në mënyrë indirekte paralajmëronte një veto të mundshme ruse ndaj tij. Megjithatë, edhe për një variant të tillë, sipas ish diplomatit Richard Holbrooke, ekzistojnë skenarë të zhvillimeve të mundshme.

"Nëse Rusia vendosë ta përdor veton, do të pasojë menjëherë shpallja e pavarësisë në Kosovë dhe Shtetet e Bashkuara të Amerikës do ta njohin pavarësinë po të njejtën ditë”, citon shtypi amerikan të ketë thënë Holbrooke duke u përgjigjur ndaj kërcënimeve ruse.

Ai ka shfaqur optimizëm se priste që edhe vendet evropiane do ta njohin pavarësinë.

Ndërsa Daiel Fried i ka dërguar këtë mesazh Moskës po ashtu me një gjuhë të drejpërdrejtë dhe të qartë: “Ne shpresojmë që Rusia e kupton se Kosova në një mënyrë apo tjetër do të jetë e pavarur”, shkruan shtypi amerikan duke cituar qëndrimet më të reja të Ëashingtonit zyrtar, që vlerësohen si një evoluim karshi një gjuhe më refuzuese që u dëgjua ditëve të fundit nga zyrtarët rusë.

Gazeta Metropol

*~*~*~*~*~*~*~*~*

Kosova e kënaqur me misionin faktmbledhës

Vizita e 15 ambasadorëve të Këshillit të Sigurimit të OKB-së, fillimisht në Bruksel dhe Beograd, dhe më pas në Prishtinë e Vjenë, konsiderohet si një prej zhvillimeve përfundimtare përpara miratimit të një rezolute të re për Kosovën.
Misioni më i ri i Këshillit të Sigurimit është përballur me qëndrime diametralisht të kundërta për Kosovën.

Ndërsa Beogradi është deklaruar kundër çfarëdo pavarësie të Kosovës, udhëheqja e Prishtinës i ka thënë delegacionit përfaqësues të ambasadorëve se gjendja aktuale nuk mund të shtyhet më tutje dhe se Këshilli i Sigurimit duhet ta njohë të drejtën e popullit të Kosovës për pavarësi.

Udhëheqës të Prishtinës kanë thënë se nuk mund ta imagjinojnë një zgjidhje unilaterale për Kosovën dhe nuk mund ta imagjinojne mundësinë që rezoluta për Kosovën të mos kalojë në Këshillin e Sigurimit.

Përfaqësuesit politikë dhe fetarë të serbëve lokalë kanë thënë se pavarësia e Kosovës do të ishte zgjidhja më e keqe e mundshme për popullatën serbe në Kosovë.

Zëdhënësi i Ekipit kosovar të Unitetit, Skender Hyseni, i tha BBC-së se është vlerësim i përgjithshëm se vizita e ambasadorëve të KS të OKB-së në rajon do të dalë një vizitë e dobishme për Kosovën.

Ai thotë se, megjithë rezervat që kanë pasur zyrtrët e Kosovës për këtë vizitë, ajo ka dalë e arsyeshme, sepse përfaqësues të disa vendeve, kanë pasur mundësinë të binden se Kosova tashmë i ka plotësuar kushtet për të funksionuar si shtet i pavarur.

Zëdhënësi i Ekipit të Unitetit tha se Prishtina shpreson se rezoluta e re për Kosovën do të miratohet gjatë muajt maj.

BBC Shqip

[Zemrushja]

Rezoluta e re për Kosovën 'brenda javësh'

Zëvendësshefja e misionit të Britanisë së Madhe në OKB-, Karen Pierce, ka deklaruar se vendi i saj mbështet qëndrimin amerikan se Rezoluta për Kosovën duhet të paraqitet para Këshillit të Sigurimit brenda javësh.
Ambasadorja britanike i tha BBC-së se Britania e Madhe së bashku me partnerët nga BE-ja e përkrahin planin e Ahtisaarit dhe se duan që ta shohin atë të jetë miratuar shpejtë.

Ambasadorja Pierce ka qëndruar në Kosovë, në fundjavën e kaluar, së bashku me misionin e KS, në përpjekje për të mbledhur informata për gjendjen në Kosovë.

Ajo ka thënë se është e bindur se do të ecet shpejtë përpara në miratimin e një Rezolute të re për Kosovën dhe se shpreson se Rusia nuk do të vë veto mbi të.

Arbër Vllahiu zhvilloi një bisedë me zonjën Pierce dhe fillimisht e pyeti nëse vizita e misionit të KS ishte e dobishme.

Pierce: Ishte një vizitë e familjarizimit, që anëtarët e KS të njihen me gjendjen në Kosovë më mirë dhe që të dëgjojnë shqetësimet e komuniteteve dhe gjithashtu të shohin vetë se si punon qeveria e Kosovës. Por gjithashtu që ata të shohin kontekstin rajonal. Mendoj se ishte një vizitë e dobishme në këtë rrafsh. Hapi tjetër natyrisht është që kjo të zbatohet në aksion në New York dhe në shpresojmë se do të kemi mundësinë që të flasim për Rezolutën shumë shpejt.

BBC: Së shpejti nënkupton çka? Kur prisni që të sillni Rezolutën para KS?

Pierce: Nuk ka një afat të përcaktuar, ashtu siç e ka thënë edhe ambasadori belg Verbeke. Por ambasadori amerikan, që do të jetë kryesues i KS, ka thënë se do të donte ta sillte Rezolutën brenda javësh. Dhe ne do ta mbështesim këtë.

BBC: Pra Rezoluta nënkupton se ju do t'i përmbaheni planit të zotit Ahtisaari? Apo ndoshta ka edhe ndonjë plan tjetër që do ta shqyrtoni?

Pierce: Është shumë e qartë se Martti Ahtisaari është emëruar nga sekretari i përgjithshëm i OKB-së, me miratimin e KS. Ai është njeriu që është ngarkuar me përgjegjësinë për udhëheqjen e procesit dhe gjithashtu edhe për të nxjerrë përfundimin. Ai ka planin e tij dhe është e qartë se kemi një rast tani për ta diskutuar këtë plan. Për momentin nuk shoh asnjë arsye që të mos e diskutojmë planin e zotit Ahtisaari.

BBC: Por zonja Pierce, a mendoni se tani është koha për ta zgjidhur statusin e Kosovës, apo ndoshta ka anëtarë të KS që mendojnë ndryshe dhe se kanë nevojë për më shumë kohë?

Pierce: Qëndrimi ynë dhe i partnerëve tanë në BE është se ne e përkrahim planin e Ahtisaarit dhe ne duam që të shohim se ai është miratuar shpejtë. Kjo sepse ne mendojmë se është zgjidhja më e mirë për Kosovën dhe për rajonin. Por është e drejtë të them se disa anëtarë duan që të sqarojnë edhe njëherë implikimet e planit Ahtisaari. Por ata nuk janë të familjarizuar me Ballkanin siç është BE-ja dhe nuk e kanë në prag të tyre, por kjo është një çështje e madhe për BE-në dhe kjo është fair. Por ne shpresojmë se do të arrijmë t'i bindim ata për cilësinë e planit të Ahtisaarit.

BBC: Pra ambasadore ju besoni se jeni në binarë të drejtë të zgjidhjes së statusit të Kosovës?

Pierce: Nuk duhet të jemi të vetëkënaqur por ne jemi në binarë të drejtë.

BBC: Pra ju keni vota të mjaftueshme për Rezolutën?

Pierce: Nuk dua që të spekulojë rreth votave nëse i kemi apo jo, sepse kjo do të çonte drejt spekulimeve jo të shëndosha. Por ne jemi të bindur se do të mund të ecim përpara rreth kësaj çështjeje shumë shpejt.

BBC: Por çka nëse Rusia paraqet veton?

Pierce: Kjo është diçka që duhej ta diskutonit me rusët, sepse nuk dua që të flas në emër të tyre. Por unë nuk e kam kuptuar se ata do ta vënë veton. Dhe ne duhet të planifikojmë mbi këtë bazë.

BBC Shqip

[Zemrushja]

• Koshtunica, ka shtuar se nuk ka patur shembuj në historinë e Evropës që ndonjë shtet të heqë dorë nga 15 perqind e territorit të vet për asnje çmimi


Serbia kurrë nuk do të heqë dorë nga sovraniteti i saj mbi Kosovën, madje as për të fituar anëtarësim në Bashkimin Evropian, ka thënë kryeministri Vojisllav Koshtunica. "Qeveria është unike dhe e vendosur në qëndrimin e saj se Serbia asnjëherë nuk do të pranojë zhvatjen me Kosovën për integrimet evropiane", ka thënë ai. Koshtunica, një kundërshtar i ashpër i pavarësisë së Kosovës, ka shtuar se nuk ka patur "shembuj në historinë e Evropës që ndonjë shtet të heqë dorë nga 15% e territorit të vet për ndonjë lloj koncesioni apo çmimi"

Ballkanweb