Statusi i ardhshem i Kosovës!

[BULi-x]

Mundi, sakrificat dhe gjaku që derdhi populli ynë, po na shpërblehet me rrezikun e copëtimit nga Serbia, sepse në "pakon e Ahtisarit", nuk ka pavarësi. Pavarësia nuk përmendet as si fjalë dhe as në përmbajtje të këtij dokumenti. Kjo është një riformulim i Rezolutës së vjetër (1244). KS i OKB-së, Grupi i Kontaktit, si dhe Këshilli i Evropës, askund nuk përmendin pavarësi për Kosovën. Në Deklaratën e 31 janarit 2006 Grupi i Kontaktit, është shprehur, se baza e statusit të ardhshëm për Kosovën do të jetë Rezoluta 1244 e KS të Kombeve të Bashkuara. Në bazë të këtij dokumenti, nuk lejohet shkëputja e Kosovës nga Serbia.
Prandaj kjo pako, do të sjellë një Rezolutë të re, me përmbajtje të Rezolutës së vjetër. Ajo do të mbështetët fort në decentralizimin, për mes të të cilit u krijuan shumë komuna të pastra serbe, si dhe kishave u dorëzuan shumë territor, që më parë nuk ishte pronë e tyre. Përmes këtyre komunave dhe këtij territori të përfshirë nga kishat, do të mund të krijohet një lloj Serbi e vogël brenda në Kosovës. Në këto rrethana pastaj, kur populli të kërkojë shkëputje të vërtetë dhe vetëvendosje, Serbia, do të përpiqet ta pengojë këtë vullnet, duke tentuar t'ia shkëpusë Kosovës pjesët më të pasura, në veri të saj, e në pjesët tjera.
Pra sipas këtyre fakteve, "pakoja e Ahtisarit" dhe Marrëveshja që mund të dalë prej saj, nuk e përfshinë, në asnjë mënyrë, pavarësinë, apo shtetin për Kosovën.
Prandaj, këto ditë, po bëhet presion i madh ndaj shqiptarëve, që ta pranojnë këtë pako si pavarësi. Ditë e natë i shohim politikanë, analistë, qeveritarë, ekspertë të ndryshëm, të vendit e të huaj, që po përdorin të gjitha mjetet e rrenat e mundshme, në TV, radio e gazeta, për të na bindur, se "pakoja e Ahtisarit" përfshinë shkëputjen e Kosovës dhe pavarësinë. Pse kaq shumë po gënjejnë, që të na e mbushin mendjen? Pse i ka përfshirë gjithë kjo frikë e këto ethe ankthi?. Sigurisht nga frika e daljes në shesh e të vërtetës së hidhur, për statutin e ardhshëm.
Prandaj të mos mashtrohemi, nga politikanët, që e kanë gojën plot pavarësi, as nga analistë, deputetë, nga kryetari a kryeministri, e nga ekspertë të ndryshëm, se gjoja "pakoja e Ahtisarit", e parasheh pavarësinë dhe shtetin e ardhshëm për Kosovën. Poashtu nuk duhet të mashtrohemi as nga veprimet e Serbisë, e cila bëhet sikur nuk i pëlqen Paketa e Ahtisarit. Ajo me këtë taktikë përpiqet që të na hedhë hi syve.

[prefekti]

VOTOVA PER PAVARSI TE KUSHTEZUAR POR SHPRESOJ TEK PAVARSIA E PLOTE.SIDOQOFTE C'KA DO TE VENDOSET NE KETO MUAJ NUK DO TE JETE STATUSI PERFUNDIMTAR FATKEQESISHT ATE DO TE NA DUHET TA PRESIM AKOMA DHE PER DISA KOHE POR JAM I BINDUR QE DO TE JETE PAVARSI E PLOTE DHE ME PAS BASHKIM ME SHTETIN MEME.

PS:nje pyetje qe s'ka lidhje direkte me argumentin.ne internet gjeta kete sitin dhe doja te dija nese eshte me te vertet amerikan apo mbas tij qendron propaganda serbe?kush ka informacion i lutem te ma thoje.ja dhe linku...

http://www.savekosovo.org/

[xHeneta_18..kS]

une menoj qe o jet PAVARSI E KUSHTEZUAR (me mbikqyrje nderkombetare) dhe menoj qe niher per iher o mire kshtu sps n'qeverin ton ka plot korrupsion dhe shumica e parlamentrve i kqyrin veq ineresat e veta e jo ato t'popullit........kshtu qe mbikqyrja nderkombtare na duhet momentalisht (amo jo pergjithmon)

[Lioness]

Pervec mendimit tone, ka dhe te huaj qe shprehen mbi statusin e Kosoves.

Do rekomandoja BBC News, ne seksionin "Have your say." Per ata/ato qe dine anglisht gjithashtu do benin mire te shkruanin (mgjth s'jam e sigurt si funksionon, sepse shkruajta dicka, por nuk eshte postuar akoma. Me duket i kontrollon BBC para se te postohen ne faqe.

Cfare eshte per t'u vene re (fatkqesisht) eshte se shkrimet qe flasin kunder pavaresise se Kosoves, jane me te rekomanduar se te tjeret.

Kush ka kohe dhe deshire, t'i hedh nje sy ketij linku:

Kliko: BBC News per Kosoven

[ARIANI_TB]

GRUPI NEGOCIATOR KA NOTE TE DOBET NE PERFAQESIMIN INTERESAVE VITALE TE KOMBIT

Intervistoi: Burim ETEMAJ

Prishtinë, 7-8 mars 2007



Rexhep Selimi

Rexhep Selimi tregohet kritik ndaj punës së anëtarëve të Grupit të Unitetit. Mendon se Pakoja e Ahtisarit është si rezultat i negociatave të dobëta çfarë kanë bërë shqiptarët në Vjenë. Në pako sheh disa probleme, si atë të decentralizimit, krijimi i enklavave politike, kulturoro-religjioze, zonat eksterritoriale rreth kishave... si dhe kompetencat e komunave, në këtë rast të atyre serbe mbi sigurinë. “Asnjëra nga këto tri probleme nuk sjellin stabilitet, përkundrazi..., nuk sjellim as bashkëjetesë në të cilat thirret bashkësia ndërkombëtare, por vetëm sa i ndajnë etnitë dhe iu japim infuzion armiqësive ndërmjet shqiptarëve dhe serbëve”. Ndonëse nuk e sheh vetëm zi Pakon e Ahtisarit, u bën thirrje të gjithë faktorëve relevantë që të tregohen të kujdesshëm se çfarë shteti po krijojnë në Kosovë.
Për ngjarjen – demonstratën e 10 shkurtit, ku humbën jetën dy demonstrues dhe u plagosën dhjetëra të tjerë, i fajëson të gjithë nga pak, Grupin Negociator për mostransparëncë ndaj qytetarëve, policinë për paaftësi, si dhe organizatorët për mosorganizim të mirë të demonstratës. Edhe pse vetë nuk ka dalë në protesta dhe në njëfarë mënyrë betohet se nuk do të protestojë asnjëherë në rrugë... megjithatë ka thënë se anëtarëve të Grupit të Unitetit dhe bashkësisë ndërkombëtare duhet t’iu bie ndërmend diçka dhe t’ia bëjnë një pyetje vetvetes: “Pse në Kosovë dikush ka arsye që të protestojë”?

_________________________



TRI ELEMENTET QË ÇUAN NË NGJARJEN TRAGJIKE TË 10 SHKURTIT

EPOKA E RE: Ku është sot Rexhep Selimi?
SELIMI: Në Prishtinë...

EPOKA E RE: Çka jeni duke bërë?

SELIMI: Nuk jam duke u ndier keq se çka jam duke bërë apo çka nuk jam duke bërë...

EPOKA E RE: S’po ju ndihet zëri...?
SELIMI: Intervista juaj e demanton këtë...

EPOKA E RE: Deri tash s’ju ka ndier zëri?
SELIMI: Jo, nuk qëndron kjo...

EPOKA E RE: Sidomos kohëve të fundit?
SELIMI: Bile nganjëherë them kush jam unë... nuk udhëheq ndonjë institucion e as ndonjë subjekt politik, por prapë se prapë faleminderit nga Ju... jam i përhershëm në media.

EPOKA E RE: Pse atëherë po mungon mendimi juaj për ngjarjet e fundit në Kosovë?
SELIMI: Prapë duhet t’ju demantoj, pikërisht kohëve të fundit kam prononcime, kam qenë në media. Më kanë nderuar ata që më kanë thirrur për çështje shumë të ndjeshme dhe unë e kam thënë fjalët ashtu sikurse që i kam ndier, dhe pikërisht me këtë nuk dua të them se jam atraktiv për media, por nuk ankohem në këtë drejtim.

EPOKA E RE: E di se e ke pasur një prononcim për manipulimin me emrin e UÇK-së, por kur ju thash se po mungon mendimi i juaj, e kisha fjalën për çështje politike si p.sh për planin e Ahtisarit?
SELIMI: Tani zhvillimet e fundit janë aq dinamike sa që bashkë me dinamikën e tyre janë dinamike edhe opinionet rreth çështjeve politike. Megjithatë, të zgjedhurit- përgjegjësit për të punuar, për të folur dhe sidomos për të na sqaruar situatën, mendoj se nuk kanë qenë të hapur me media aq sa është dashur dhe si pasojë e mostransparencën kanë ndodhur edhe probleme.

KUJDES, ÇFARË SHTETI PO KRIJOJMË

EPOKA E RE: Për cilat e ke fjalën?
SELIMI: P.sh nëse i referohem demonstratës së 10 shkurtit, ku eskaloi, ishte edhe tragjike, ngase mori jetën e dy të rinjve dhe u plagosen dhjetëra të tjerë. Mendoj se tri elemente demonstratën e kanë shndërruar në të tillë, ndonëse unë besoj shumë se ky nuk ka qenë skenari as i ‘Vetëvendosjes’. Këta tre faktorë ndoshta janë të ndërlidhur me njeri-tjetrin, por sidoqoftë, kanë ndikuar që demonstrata të eskalojë deri në atë shkallë. Elementi i parë fundamental ka qenë mostransparenca e Grupit të Unitetit ndaj qytetarëve, për të cilët ata janë të thirrur dhe përgjegjës që t’i përfaqësojnë qoftë në negociata apo bisedime për të ardhmen e vendit. Në vend që ata t’ua sqarojnë qytetarëve se çfarë në të vërtetë përmban pakoja e Ahtisarit, ku çon kjo paketë, në të cilën jo çdo gjë është mrekulli, por as çdo gjë zi, por për të gjitha këto është dashur që anëtarët e Grupit të Unitetit t’ua sqarojnë qytetarëve se këto janë të arriturat që janë në shërbim të qytetarëve dhe se këto elemente të tjera nuk janë në shërbim të qytetarëve dhe se kërkojmë ndihmë për të na mbështetur për t’i arritur edhe ato që janë ‘mangut’. Në vend të kësaj, anëtarët e Grupit të Unitetit e bënë të kundërtën, e paraqitën paketën si të përkryer, e paraqitën Kosovën e pavarur akoma po u shpallur dhe u munduan të na shesin kumbullën për shalqi. Por, qytetarët nuk janë të marrë, niveli i tyre është i lartë dhe si pasojë e kësaj mostransparence lindi indinjata e qytetarëve.



Elementi i dytë që, po ashtu është fundamental është joprofesionalizmi i policisë së UNMIK-ut. Dhe unë mendoj se jo vetëm një raport që do të bëhet publik nga Inspektorati i policisë, do të duhej të mendojnë të gjitha strukturat udhëheqëse në Kosovë se çfarë niveli të profesionalizimit tregoi policia, ku si pasojë gjetën vdekjen dy të rinj dhe u plagosën të gjithë ata njerëz. Dua ta reduktoj dhe ta them minimalen e as çfarë ndodhi si mungesë të profesionalizmit, por kjo lë vend të dyshohet se nuk ka qenë ndoshta vetëm si pasojë e mungesës së profesionalizimit, por ka qenë një tendencë për t’i goditur shqiptarët e Kosovës, kur ta ngritin zërin pavarësisht se a kanë apo jo të drejtë. Në gjithë botën bëhen protesta dhe ne e dimë se si zhvillohen ato dhe cili është roli i policisë dhe i institucioneve. Po ashtu, në shekullin që e lamë pas shqiptarët kanë bërë protesta dhe nuk është diçka që ka ndodhur për herë të parë. Unë nuk dua që t’ua jap fajësinë apo pafajësinë ‘Vetëvendosjes’, por sidoqoftë përgjigjja e policisë ka qenë minimumi i asaj që mund të them joprofesionale. Në këtë rast ndoshta iu ka rrezikuar edhe jeta policëve, por mund të them sepolicia nuk ka pasur plan operativ, por kaos operativ. Dhe elementi i tretë është se ndoshta grupi organizativ, nuk e ka organizuar në nivelin më të mirë protestën ose nuk kanë qenë të përgatitur për raste të tilla dhe njerëzit që ata i quajnë kujdestarë, nuk kanë qenë ndoshta në nivel të detyrës, i cili element ndoshta është lidhur me paaftësinë e policisë me paaftësinë e institucioneve tona. Se si duhet të organizohet një protestë unë dua t’i përgëzoj të gjithë ata njerëz që kanë kontribuar për organizimin e protestës së 3 marsit. Nuk e di se kush mori mësim nga protesta e 10 shkurtit, por si do qoftë protesta e fundit ishte në nivel.

PAKOJA E AHTISARIT E TEJKALON PUNËN QË E KA BËRË PALA SHQIPTARE NË TAKIMET E VJENËS...

EPOKA E RE: A e keni lexuar Dokumentin e Ahtisarit?
SELIMI: Normal që e kam lexuar, pavarësisht që kam qenë i njoftuar edhe më herët nëpërmjet kanaleve të ndryshme. Pak njerëz të institucioneve kanë qenë të panjohur me planin e Ahtisarit ende pa u bërë publik.


EPOKA E RE: Dhe cili është mendimi juaj për këtë pako?
SELIMI: Në paketën e Ahtisarit janë tri probleme shumë të mëdha...

EPOKA E RE: Cilat janë ato?
SELIMI i: Në gjithë Ballkanin në përgjithësi një ndër problemet kryesore ka qenë ai etnik. Ballkani është i tillë..., por tash kemi arritur në një fazë që në vend që të sanohen problemet çfarë i kanë pasur shqiptarët në ish-Jugosllavi e deri më tani, kam frikë se me disa elemente që janë në Pakon e Ahtisarit, jo vetëm që nuk sanohen, por kam frikë se do të rigjenerohen këto probleme në të ardhmen. Procesi i decentralizimin në Paketën e Ahtisarit është një problem që nuk mund të zgjidhet, përderisa mbështetet në parime etnike. Problemi i dytë në paketën e Ahtisarit është krijimi i enklavave politike, kulturoro-religjioze..., zonat eksterritoriale rreth kishave, unë mendoj se nuk sanojnë probleme, kam dronë se gjenerojnë probleme. Dhe problemi i tretë që unë e kam hasur është ai i sigurisë nacionale dhe i kompetencave të komunave, në këtë rast të atyre serbe mbi sigurinë apo përkatësisht mbi zgjedhjen e komandantëve nëpër stacione të policisë. Asnjëra nga këto tri probleme nuk sjellin stabilitet, përkundrazi..., nuk sjellim bashkëjetesë në të cilat thirret bashkësia ndërkombëtare, por vetëm sa i ndajnë etnitë nga njëra –tjetra dhe u japim infuzion armiqësive ndërmjet shqiptarëve dhe serbëve.

EPOKA E RE: A përmban edhe diçka tjetër të keqe pakoja e Ahtisarit?
SELIMI: Esenca e saj është në lëvizje... tendenca e Ahtisarit është për zgjidhje që Kosova të jetë një shtet i pavarur. Nuk është hera e parë që e kam thënë dhe vazhdoj ta them se Kosova nuk ka alternativë tjetër, përveç pavarësisë. Edhe armiqtë më të mëdhenj të pavarësisë nuk kanë alternativë tjetër. Dhe në vend që të harxhojmë ne energji si shoqëri dhe institucione, duke thënë se do të kemi pavarësi, mendoj se gjithë energjitë tona duhet t’i përqendrojmë se çfarë shteti po krijojmë në Ballkan dhe t’i shmangemi rrezikut që ky shtet të mos jetë jostabil, të mos jetë një shtet me dy sisteme, siç edhe mund ta orientoj paketa e Ahtisarit, të mos jetë një shtet me dy etni me dy sisteme...

EPOKA E RE: Diçka të mirë a përmban ky plan?
SELIMI: Nuk dua të shoh vetëm zi... andaj edhe në këtë rast nuk synoj të shoh vetëm zi paketën e Ahtisarit, por në atë pako duhet të korrigjohen ato probleme që i përmban në mënyrë që t’i sigurojë Kosovës një zhvillim dhe stabilitet institucional, shoqëror, politik dhe të sigurisë në të gjitha aspektet. Duke e ditur se Evropa po shkon përpara duhet edhe ne që të jemi në hap me zhvillimet evropiane.

EPOKA E RE: Konsideroni se Grupi i Unitetit ka bërë gabim që e ka pranuar Pakon e Ahtisarit?
SELIMI: Ky dokument i tillë, është si rezultat i negociatorëve dhe i negociatave të dobëta, çfarë kanë bërë shqiptarët në Vjenë. Ndoshta, bile pakoja e Ahtisarit e tejkalon punën që e ka bërë pala shqiptare në takimet e Vjenës.

EPOKA E RE: Është faj i vetëm Grupit të Unitetit apo edhe i të tjerëve, sepse përveç ‘Vetëvendosjes’ nuk i është dëgjuar zëri pothuajse askujt?
SELIMI: Qytetarët nuk janë zëdhënës që çdo ditë të reagojnë...

EPOKA E RE: Pse jo...?
SELIMI: Nuk guxojmë të pretendojmë se qytetarët çdo ditë duhet të reagojnë... por do të ishte më e mira që zërin e tyre ta transmetojnë ata që janë zgjedhur me votën e tyre. Kjo linjë nuk ka funksionuar mirë, prandaj ka pasur edhe protesta. Në këtë rast mendoj se Grupit të Unitetit dhe bashkësisë ndërkombëtare duhet t’iu bie ndërmend diçka dhe t’ia bëjnë një pyetje vetvetes: Pse në Kosovë dikush ka arsye që të protestojë? Pse shqiptarët e Kosovës kanë arsye t’i mbushin sheshet e Prishtinës?...

JAM RRITUR ME PROTESTA..., POR NUK KAM PROTESTUAR E AS NUK DO TË PROTESTOJ

EPOKA E RE: Ju personalisht a keni protestuar?
SELIMI: Nuk kam protestuar dhe...

EPOKA E RE: Pse?
SELIMI: Tash ndoshta kam arritur në një fazë, ku jam rritur me protesta, ku edhe kam qenë pjesë aktive e protestave kundër regjimit të Millosheviqit, por qysh nga viti 1990 unë nuk kam protestuar më, sepse e kam parë se kjo nuk është formë adekuate dhe për këtë arsye e kam zgjedhur formën tjetër nëpërmjet pushkës që unë kam menduar që është më e mira dhe më efektive. Në anën tjetër, për nga natyra nuk jam një njeri që protestoj në rrugë. Personalisht unë nuk kam protestuar dhe as që mendoj se do të dal të protestoj.

EPOKA E RE: Jo vetëm Ju, por edhe një pjesë tjetër e qytetarëve tregoheni kritik ndaj zhvillimeve, por pse nuk dilni p.sh me ndonjë ide se si duhet të veprohet?
SELIMI: Tashti nuk e di se për cilën çështje e keni fjalën, sepse nuk jemi treguar të pazëshëm në momente të caktuara.

EPOKA E RE: Po gati për asnjë çështje jo vetëm Ju, por madje as intelektualët apo Akademia e Shkencave... nuk di që ka dalë me ndonjë ide konkrete...?
SELIMI: Ta dimë një gjë. Zhvillimi i shoqërisë në Kosovë pas luftës nuk mund ta quaj amulli, por një zhvillim nëpër faza nëpër të cilat nuk ka kaluar ndonjëherë më parë shoqëria e Kosovës dhe në këtë rast në shkallën më të ultë kjo shoqëri ndoshta ka qenë papërvojë me zhvillimet e ngjashme, por sidoqoftë, unë mendoj se ende kemi nevojë për përvoja të mira të zhvillimit. Çështja e Kosovës i ka tejkaluar qysh herët caqet dhe kufijtë e Kosovës, duke u kthyer në një çështje ndërkombëtare në shekullin që shkoi. Dhe me dy milionë qytetarë sa ka Kosova ndoshta është një kapacitet i vogël, është një mundësi e vogël që t’i dalim në ballë të gjitha këtyre sfidave. Pastaj, ne e dimë ku jetojmë në çfarë rrethanash jetojmë dhe nga vijmë dhe kurrë nuk mund të dimë ku do të shkojmë në qoftë se nuk e dimë prej nga vijmë. Në këtë rast, nganjëherë institucionet tona kanë harruar prej nga vijmë, prandaj edhe nuk dinë ku të shkojnë.

KJO ÇFARË PO NA AFROHET NUK ËSHTË ZGJIDHJE...

EPOKA E RE: Më lartë thatë se në vitet e 90 në vend të protestave e keni zgjedhur formën nëpërmjet pushkës, kurse as tash nuk mendoni të protestoni. Çka nënkupton kjo?
SELIMI: Më duket se isha i qartë, por po e përsërisë edhe njëherë, për të mos lënë vend për keqkuptime. Në 1990 unë nuk kam protestuar më, sepse e kam parë se kjo nuk është formë adekuate dhe për këtë arsye e kam zgjedhur formën tjetër nëpërmjet pushkës, që unë kam menduar që është më e mira dhe më efektive. Kurse, tash nuk protestoj sepse, mendoj se në vend që të protestojmë duhet të punojmë...

EPOKA E RE: Mirë. Si e shihni të ardhmen e Kosovës, bazuar në dokumentin e Ahtisarit?
SELIMI: Nuk është kjo zgjedhje. Nëse fëmijët tanë do të rriten në këtë vend pa të drejtë lëvizjeje në të gjitha pjesët e Kosovës, kjo nuk është zgjidhje. Nëse fëmijët tanë shohin nga largësia një objekt, i cili është kishë apo kala dhe nuk guxojnë të shkelin në një zonë të caktuar afër saj edhe kjo nuk është zgjidhje. Nëse fëmijët tanë rriten të pasigurt dhe të kërcënuar se një ditë Serbia mund të na sulmojë prapë edhe kjo nuk është zgjidhje. Zgjidhja për Kosovën, për Ballkanin dhe për Evropën, është siguria e të gjithë qytetarëve, është lëvizja e lirë e të gjithë qytetarëve, jo vetëm në shtetin e tyre, por në gjithë Evropën dhe botën. Unë kam shumë besim se z. Ahtisari do ta korrigjojë çdo defekt që ndoshta ai e quan teknik, kam shumë besim se edhe Këshilli i Sigurimit një ditë do të mendojë shumë hapur dhe drejt. Dhe po ashtu, kam shumë besim se kjo nuk është fjala jonë e fundit për zgjidhjen e çështjes së Kosovës, sepse kjo çfarë po na afrohet nuk është zgjidhje as për shqiptarët, as për serbët e as për bashkësinë ndërkombëtare, e cila është shumë e involvuar në çështjen e Kosovës. Ne duhet ta ndërtojmë një Kosovë pa probleme etnike, politike... në mënyrë që t’i hapin brezave të ardhme një hapësirë që të zhvillohen krahas popujve tjerë. Shumë padrejtësi janë bërë kundër shqiptarëve nëpër shekuj. Një ditë duhet të marrin fund këto padrejtësi. Por, me projektin e Ahtisarit nuk marrin fund padrejtësitë ndaj shqiptarëve. Unë nuk jam kundër popujve tjerë në Kosovë e as kundër popullit serb në këtë rast, por jam në mbrojtje të interesave të popullit tim në radhë të parë pastaj të të gjithë qytetarëve...



EPOKA E RE: Pse anëtarët e Grupit të Unitetin nuk qenkan në mbrojtje të interesave të popullit?
SELIMI: Fatkeqësisht nuk mund të jem i kënaqur me nivelin e Grupin Negociator, ndonëse anëtarët e këtij grupi kanë qenë koperativ me gjithë bashkësinë ndërkombëtare, por sidoqoftë, nuk mund t’i vlerësoj me notë të shkëlqyeshme...

NOTË TË DOBËT PËR PUNËN E GRUPIT TË UNITETIT

EPOKA E RE: Nëse jo shkëlqyeshëm, me çfarë note?
SELIMI: Tash unë nuk dua ta marr rolin e atij që e noton Grupin Negociator, por në këtë rast flas si një qytetar i Kosovës.

EPOKA E RE: Atëherë, si qytetarë me çfarë note e vlerësoni...?
SELIMI: Me notë të dobët në përfaqësimin e interesave vitale të kombit. E di se ata duhet të jenë shumë kooperativ... edhe unë do të isha i tillë me bashkësinë ndërkombëtare për zgjidhjen e çështjes së Kosovës, por ata duhet të jenë shumë më të vetëdijshëm se çka përfaqësojnë, duhet të jenë shumë më në nivel të përgjegjësisë dhe jo të ndodhë që projektet e caktuara për zgjidhjen e çështjes së Kosovës t’i lexojnë në aeroplan gjatë rrugës për në Vjenë. Kjo është një fyerje për ata që i përfaqësojnë.

EPOKA E RE: Një ndër çështjet më të ndjeshme në Pakon e Ahtisarit konsiderohet dhe e ardhja e TMK-së dhe krijimi i një force të re të Sigurisë?
SELIMI: Nuk kam qenë indiferent ndaj të gjitha zhvillimeve rreth TMK-së, sepse kam qenë edhe vetë pjesë e saj, ku e kam udhëhequr një institucion shumë vital. Pastaj edhe në kohën kur nuk kam qenë pjesë e uniformës së TMK-së, po ashtu nuk kam qëndruar indiferent dhe me gjithë ato angazhime që i kam pasur e kam vërejtur se TMK-ja nuk e ka nisur sot transformimin e saj, por shumë më herët, duke u mbështetur mbi marrëveshjen e shtatorit të ‘99 për transformim dhe demilitarizim e UÇK-së... mendoj se TMK-ja është një hap më përpara sesa Grupi Negociator, në këtë rast, për ndërtimin e forcës së ardhshme të Kosovës. Prandaj, duke u mbështetur në punën se çfarë ka bërë dhe po bën TMK-ja, por edhe në qasjen e bashkësisë ndërkombëtare (NATO, KFOR), kam shumë besim që kjo trupë një ditë do të transformohet në një forcë ushtarake.

EPOKA E RE: Kështu nuk e parasheh dokumenti...?
SELIMI: Pikërisht aty dua të dal.

FJALA SHPËRBËRJE PËR TMK-NË MUND TË JETË VETËM NJË DIZAJN POLITIK NË PAKON E AHTISARIT

EPOKA E RE: Dil..?
SELIMI: E di se të gjithë këta njerëz që janë sot në TMK, nuk mund të jenë edhe pjesë e forcës së ardhshme të Kosovës, jo për shkak të eliminimit, por për shkak të rrethanave të caktuara profesionale, megjithatë esenca e gjithë kësaj është se TMK-ja edhe në të ardhmen do të vazhdojë të jetë bartëse e këtij procesi të transformimit. Dhe përderisa TMK-ja është bartëse e këtij procesi, atëherë fjala shpërbërje mund të jetë vetëm një dizajn politik në Pakon e Ahtisarit.

EPOKA E RE: Ju synoni të jenë pjesë e FSK-së?
SELIMI: Kjo nuk varet nga gatishmëria ime...

EPOKA E RE: Po nga kush..?
SELIMI: Po tash as unë nuk dua...

EPOKA E RE: Apo ndoshta e keni fjalën për ndonjë pengesë?
SELIMI: Pengesë ndoshta po... për shkak të statusit që kam në Kosovë, pengesë e cila më ka nxjerrë nga TMK-ja, por kam besim shumë se kjo pengesë do të kalohet shumë shpejt.

EPOKA E RE: E keni fjalën për listën e “zezë të Bushit” apo për ndonjë pengesë tjetër?
SELIMI: Dikush e quan listë të “zezë të Bushit”, dikush diçka të ngjashme...

EPOKA E RE: Pasi që vazhdoni të jeni në këtë listë, a keni marrë ndonjë përgjigje sqaruese tash më shpejt...?
SELIMI: Normal që jam interesuar në faza të caktuara qysh kur e kam marrë urdhrin ekzekutiv nga shefi i UNMIK-ut në atë kohë, Hans Hekerup. Unë u jam drejtuar me një letër mekanizmave të caktuar dhe kam marrë një përgjigje...

EPOKA E RE: Çfarë përgjigjeje?
SELIMI: Përgjigja ka qenë e shkurtër, shumë administrative... nëse mund ta parafrazoj me qëndrimin se “ne do ta shqyrtojmë dhe do të vijmë më vonë në një përfundim se a është e drejtë apo jo”. Pastaj më vonë e kam bërë edhe një letër tjetër dhe po ashtu e kam marr të njëjtën përgjigje...

NË LISTË TË “ZEZË TË BUSHIT”, POR RAPORTE TË MIRA DHE SHUMË KONSTRUKTIVE ME ZYRËN AMERIKANE NË PRISHTINË


EPOKA E RE: Ju pengon ky status çfarë keni...?
SELIMI: Në aspektin profesional po, por nuk mendoj se më ka penguar në raportet me bashkësinë ndërkombëtare në Kosovë. Përkundrazi, me Zyrën Amerikanë në Prishtinë kam raporte shumë të mira dhe shumë konstruktive.

EPOKA E RE: Mbase është kështu, tash më shpejt a keni kërkuar edhe ndonjë shpjegim tjetër ?
SELIMI: Nuk më takon mua të insistoj në këtë çështje...

EPOKA E RE: Pse?
SELIMI: Do të insistoja sikur unë të kisha bërë ndonjë gabim...

EPOKA E RE: Është enigmë për Ju se pse gjendeni në atë listë?
SELIMI: Unë së paku nuk jam informuar as me shkrim e as me gojë ndonjë herë se për çfarë arsye gjinden në atë listë. Ndoshta ky mosinformim është formë apo praktikë e kësaj liste që për mua deri më tani ka qenë e panjohur. Unë nuk e kam bërë këtë gabim dhe prandaj nuk mund të korrigjoj.

EPOKA E RE: Mbani takime me ish-bashkëluftëtarët tuaj që tash janë në politikë ?
SELIMI: Normalisht se po. Kjo është shumë e natyrshme. Takimi me ish-bashkëluftëtarë për mua nuk është vetëm dëshirë, por edhe obligim...

EPOKA E RE: Çfarë obligimi...?
SELIMI: Po jemi nisur dikur bashkë dhe kemi arritur deri këtu, ndonëse pas luftës detyrat i kemi pasur të ndryshme. Në luftë e kemi pasur një detyrë – atë për ta fituar lirinë. Normalisht që unë takohem me bashkëluftëtarët, pavarësisht se ku mund të jenë ata, në politikë, apo në institucione të ndryshme jashtë politikës, por me dëshirën më të madhe takohem me ish-ushtarët e UÇK-së të cilët kanë bërë luftë titanike dhe ndoshta rastësisht i kanë shpëtuar luftës.

EPOKA E RE: Kur je takuar për herë të fundit me kryeministrin Çeku?
SELIMI: Më 6 mars...

EPOKA E RE: E me Hashim Thaçin...?
SELIMI: Po ashtu, edhe me Hashim Thaçin jam takuar më 6 mars...

EPOKA E RE: Ju bashkojnë vetëm festat dhe përvjetorët...?
SELIMI: Jo, nuk na bashkojnë vetëm festat dhe përvjetorët, por na bashkon edhe jeta e përditshme. Kosova nuk është aq e madhe sa që të mos mund të takojmë njëri –tjetrin, por sidoqoftë nuk jam i pakënaqur me raportet çfarë i kam me bashkëluftëtarë, pavarësisht se nuk janë të përkryera, por gjithsesi kemi raporte të qëndrueshme dhe të përhershme.

ASHTU SIÇ KAM BESUAR NË PAFAJËSINË E LIMAJT, MUSLIUT E BALAJT ASHTU BESOJ FUQISHËM EDHE NË PAFAJËSINË E HARADINAJT, BALAJT DHE BRAHIMAJT




EPOKA E RE: Këto ditë në Hagë ka filluar procesi gjyqësor kundër Ramush Haradinajt, Lahi Brahimajt dhe Idriz Balajt?
SELIMI: Me keqardhje them se Tribunali i Hagës ka pasur objektiv personalitete, ish-komandantë dhe ish-ushtarë të UÇK-së. Do të më vinte shumë keq sikur prokuroria të kishte të drejtë, por po ashtu më vjen keq se pse prokuroria në mënyrë të padrejtë bën akuzë ndaj ish-pjesëtarëve të një strukture ushtarake, siç ka qenë UÇK-ja. Por, mendoj se ky është edhe një haraç për shqiptarët dhe për këtë i admiroj shumë të gjithë të akuzuarit që e kanë kuptuar si të tillë... dhe ashtu siç kam besuar në pafajësinë e z. Limaj, Musliu, Balaj, në procesin e parë, ashtu besoj fuqishëm edhe në pafajësinë dhe fitoren e drejtësisë edhe në rastin e Haradinajt, Balajt dhe Brahimajt.

KURTI PO MBAHET PADREJTËSISHT NË PARABURGIM

EPOKA E RE: Si e konsideroni mbajtjen në paraburgim të Albin Kurtit?
SELIMI: Unë mendoj se për ta mbajtur një qytetar, kushdo qoftë ai, në paraburgim duhet juridikisht t’i kenë tri elemente...

EPOKA E RE: Cilat na qenkan ato...?
SELIMI: Një, nëse është i rrezikshëm për dëshmitarët. Mendoj se Kurti nuk paraqet rrezik ngase nuk ka dëshmitarë. Dy, nëse ka tendencë që ta vazhdohet krimi. Unë nuk mendoj se Kurti e ka bërë ndonjë krim. Dhe tre, nëse ka tendencë që të arratiset. Po ashtu, nuk mendoj se Kurti ka tendencë që të arratiset. Dhe tash sikurse çdo qytetar tjetër edhe unë e kam opinionin tim për demonstratën e 10 shkurtit. Nuk mendoj se ata njerëz që janë të pakënaqur me UNMIK-un, forma më e mirë është sulmi ndaj institucioneve vendore dhe atyre ndërkombëtare, siç ka ndodhur më 28 nëntor. Ka qenë imazh i keq që ndërtesat e institucioneve të lyhen me ngjyrë të kuqe, të thyhen dhe të shkaktohen dëme materiale, të cilat ne do t’i paguajmë vetë. Nuk mendoj se asnjë konfrontim me policinë vendore apo ndërkombëtare është element që i jep arsye UNMIK-ut që të ikë nga këtu, përkundrazi i jep arsye që të qëndrojë edhe më gjatë këtu. Por, sidoqoftë e përsëris edhe njëherë se duhet të ngritet pyetja: Pse ka qytetarë të Kosovës që janë kaq të revoltuar dhe që dalin e demonstrojnë? Pa i dhënë të drejtë ‘Vetëvendosjes’ unë mendoj se duhet të studiohet kjo çështje. Në anën tjetër, pavarësisht që unë nuk marrë pjesë në demonstrata, për shkak të natyrës time, për shkak të qasjes time ndaj problemeve, demonstrata nuk është mjet që unë do ta kisha përdorur. Sidoqoftë, mendoj se ka munguar një komunikim i institucioneve vendore dhe ndërkombëtare me njerëz të pakënaqur rreth zhvillimeve në Kosovë. Nuk dua që këta njerëz t’i quaj as destruktivë e as konstruktivë, nuk dua që këta njerëz t’i quaj as patriotë e as ekstremistë, por i jap vetës një guxim të them se institucionet vendore dhe ndërkombëtare duhet të kenë linja të komunikimit me këta njerëz dhe me të gjithë qytetarët e Kosovës.

EPOKA E RE: Faleminderit për intervistë.
SELIMI: Edhe nga ju.

[edona]

Pyte 10-shin Ku Ka Qene Kur E Pat Organizu Ramushi Party-n, Se Aty Ska Qene Se U Tut Mos Po Njolloset Me Shku Ne Ndeje Te Nje "komandanti" Qe E Kerkon Haga

[AVataj]

Ahtisari ky Noe i fatit të Kosovës

Nga Albert VATAJ

Përpjekjet këmbëngulëse nëpër një terren të thyer, aspak i privilegjuar nga kushtet atmosferike të frymës së bashkëpunimit, Matti Ahtisari ka pohuar kjartazi vullnetin për atë që do ta cilësonte dhe do të merrte bekimin e përsëritur, si zgjidhja më e mirë e mundshme. Roli i tij prej një Noe mitik, ka kapluar tërëçka Ati i njerëzimit me përvujtni ka mishëruar në shenjtërimin e misionit për shpëtim. Plani Ahtisari është i destinuar si misioni që Krijuesi i besoi Noes për të shpëtuar njerëzimin nga përmbytja e përbotshme. Anija e tij e shpëtimit ka në bordin e saj fatin e Kosovës, por dhe të stabilitetit e rajonit të Ballkanit. Megjithë zemërimin e zotave të Perëndimit dhe Lindjes, ky Noe, qartazi duket se është i bindur në vendosmërinë e tij, se Kosova do të marrë atë që meriton, atë që është dashur ta paguaj me martirizimin e saj, se anija e tij do ta pasojë jetën dhe paqen në breg. Jo vetëm kaq. Zemërata përmbytëse me gjallimin e saj brenda dhe jashtë kësaj anijeje nuk ka lëkundur besimin e këtij Noe modern për të sosur këtë mision. Kjo sprovë do të bëjë që gjithçka e kamufluar diplomatikisht, të dalë sheshit. Shqiptarët dhe stabiliteti në Ballkan, dhe paqja në tërësi, do të shohin botërisht, se kush janë miqtë dhe armiqtë e saj më të përbetuar. Kush ka luajtur dhe vijon të luaj me fatin e popujve të vegjël dhe kush përpiqet të korrigjojë historinë dhe t’i zhdëmtojë shqiptarët në këtë fillimshekulli. Kush vendos interesat e saja në dëm të lirisë, paqes dhe stabilitetit të një rajoni të tërë.
Situata parapërfundimtare për statusin final të Kosovës duke u hullitur drejt finalizimit të shumëpritur, gjen veten të ngërthyer në fazën më kritike të saj. Pas ëndrrës kosovare, në tavolinën e politikës së madhe janë hedhur edhe kartat e autoritetit të Bashkimit Evropian, Shteteve të Bashkuara, Britanisë së Madhe, Gjermanisë dhe tërë potencialit vendimmarrës ndërkombëtar. “Druri i shtrembër”, Rusia ka luajtur dhe vijon të ruaj të njëjtat pozita të qëndrimit të saj “tërhiq e mos këput”, në lidhje me rolin që do të preferojë në finalen historike të një populli të vogël. Përpjekja e Moskës për të matur pulsin e faktorit pro statusit të Kosovës, sipas asaj, që Ahtisari e konsideron se është arritur më e mira e mundshme, është pasuar ditët e fundit me tezën e domosdoshmërisë së një negociatori të ri, artikuluar nga ministri i jashtëm Sergei Lavrov. Jo më pak i drejtpërdrejtë në këtë kundërshti të përsëritur është dhe vota ruse në Këshillin e Sigurimit të OKB, ambasadori Vitali Çurkin, i cili duke kritikuar raportin e kryeadministratori i Kosovës Joakim Ryker si të njëanshëm pohon se: “Në vend që të diskutojë mbi standardet, raporti bëhet avokat i pavarësisë”. Paniku për mëvetësinë e një vendi, atributet shtetformuese të një populli, duke u bërë cingëritëse për nervat e Rusisë, një potenciali ligësie që ka demonstruar historikisht të keqen e pandryshueshme, provon se Kosova është tashmë një sfidë e pamëdyshët.
Mania ruse për të mos pranuar një Kosovë sipas modelit të SHBA, të kalkuluar në planin e ish-presidenti Finanlandez, Matti Ahtisari, është transformuar në një taktikë e lëkundjes së faktorit ndërkombëtar dhe kontinentit plak gjithashtu. Përfitimi në kohë nëpërmjet kërkesave që Moska fermenton, gjoja për të mos e quajtur misionin e negociatave të përfunduar, pa pëlqimin e Beogradit, nga analistët është deshifruar si predispozita ruse për një autoritet potencialisht më të fortë në politikën e vendimmarrjes ndërkombëtare. Larmia e pretendimeve të Moskës i mëshon më fuqimisht idesë së as ata vetë nuk janë të bindur se çfarë kërkojnë. Për ta mjafton të ngrenë tymnajë, duke përthithur vëmendjen e opinionit ndërkombëtar. Gjithsesi situata mbetet e tendosur, ndërsa afati deri në këtë finale sa vjen e ngushtohet. Kosova në aparencë nuk ka tregues të një kërcënimi serioz, nëse pretendohet të mos gjendet zgjedhja e zgjidhjes së fatit të saj për ardhmërinë. Por sipas ish-diplomatit Riçard Holbruk: "Nëse Rusia vonon, dobëson apo përdor veton ndaj planit të Ahtisarit druhem se dëshira deri tani e përmbajtur e shqiptarëve të Kosovës për ecje të shpejtë drejt pavarësisë do të shpërthejë në dhunë". Ai vëren se: "Rusia duhet të jetë e ndërgjegjshme për pasojat e veprimeve të saj në Nju Jork". Holbruk duke iu referuar zhvillimeve të fundit është i mendimit se "tash gjendemi para një testi vendimtar për raportet e Rusisë me Perëndimin dhe se vetoja ruse mund të përcaktoj nëse në Evropë do të ketë një luftë tjetër". Natyrisht që diplomati amerikan nuk e ka fjalën për luftën klasike. Asaj që Holbruk i druhet, natyrisht që Kosovarët nuk do t’i shmangen. Për ta s’ka tjetër veç pavarësisë. Maturia e një populli martir, kurrsesi nuk duhet të trajtohet nga askush, për më tepër nga viktimatori, si një dobësi, ndaj së cilës domosdo ka vend për ngritjen e tezave që në fondament fshehin, jo aq djegaxhanin rus për Serbinë, se sa turravrap për ta shfrytëzuar këtë rast dhe për ta konvertuar këtë në mundësie për një kapital dhe përftim interesash politike dhe më gjërë. Rusia gjithmonë ka luajtur me këtë kartë, kur është përballur me faktorin veto të saj në përfundimet unanime.
Përdorimi nga Moska i një fjalori aspak diplomatik, shpesh shantazhues ndaj Shteteve të Bashkuara dhe aleatëve të saj, shprehet një analist, ka për qëllim t’i bëjë parapritë një njohje të njëanshme të mëvetësisë së Kosovës, siç edhe është shprehur SHBA. Mbase dhe mundësisë së krijimit të një blloku si ai i vitit 1999, kur Shtetet e Bashkuara, Britania e Madhe, Franca, Gjermania dhe vende të tjera të NATO-s, nuk pritën vendimin e Kombeve të Bashkuara, por reaguan si koalicion i vullnetit, për t’i dhënë fund spastrimit etnik në Kosovë, barbarisë së paramilitarëve serbë ndaj popullsisë së pambrojtur shqiptare atje.
Edhe sot megjithëse situata e vështirë dhe autoriteti i lëkundur i administratës “Bush” pas 4 viteve të “luftës së gabuar” në Irak, nuk kanë stepur qenien në koherencë të Amerikës me të gjitha zhvillimet për statusin e Kosovës. Nëpërmjet të gjithë emisarëve të saj diplomatik dhe politik, ajo ka mbrojtur energjikisht planin e Ahtisarit, madje duke u kërkuar kosovarëve të jenë konsekuent gjatë këtij procesi. Një vëmendje përkëdhelëse, siç do ta kuptojnë ruset rolin amerikan në zgjidhjen e çështjes kosovare, duket se ka yshtur Moskën të sajojë marifete të ndryshme, duke i ambalazhuar me të famshmen dakordësi të Beogradit për planin Ahtisari. Natyrisht që Moska nuk e ka harruar, madje mbi këtë filozofi ndërton të gjithë kokëshkrepjet e politikës së sotme. Ajo nuk ka harruar se vullneti për paqen dhe fatet e popujve të vegjël u përballë me historinë më të madhe atë të vitin 1999, kur një bombardim 78-ditor i NATO-s, nën udhëheqjen amerikane, çliroi Kosovën e banuar në shumicën dërrmuese nga shqiptarët, duke e çliruar prej kontrollit represiv serb. Megjithëse statusi përfundimtar u la i pazgjidhur, sipas një rezolute kompromisi të Këshillit të Sigurimit të OKB-së, SHBA, tash kur paqja në rajonin e Ballkanit është më afër se asnjëherë, nuk do të tolerojë as në kohë as në përkufizime. Ajo nuk do të pranojë të bjerë në grackën ruse për tërheqje nga roli i lidershipit në këtë zgjidhje historike për popullin e Kosovës dhe stabilitetin e këtij rajoni. Madje këtë ajo do ta bëjë edhe duke pranuar atë që rusët e fshehin si mundësi kompromisi.
Përpjekjet prej Noe të të dërguarit special OKB-së, ish-Presidenti finlandez Martti Ahtisaari, do të përballen në Këshillin e Sigurimit duke propozuar pavarësi graduale për Kosovën, me garanci të forta për të drejtat e minoritetit serb atje. Beogradi vijon të jetë tërësisht kundër këtij plani, ashtu siç ka bërë vijimisht për çdo ndryshim të pretendimeve që ajo ka ndaj territorit të Kosovës, duke e konsideruar ende atë si pjesë të saj. Inkoherenca e tyre kërkon të gjallojë ende në frazat bombastike të diplomacisë ruse dhe kokëkrisjeve të liderëve të saj. Përfundimisht serbi nuk ka dhe nuk do të mundësojë kurrsesi kthimin në realitet të ëndrrës së sajë shoviniste. Politika e saj e pretendimeve ka verbuar vetëdijen e politikës dhe popullit serb për Kosovën. Sidoqoftë, situata deri më tash ka mbetur dinamike brenda formatit diplomatik, por gjithsesi asgjë nuk garanton se ajo mund të mos orientohet me kahje nga trazirat, siç dhe i druhet eksponentë të faktorit ndërkombëtar. Ndaj mbi këtë bindje kërkohet të shmanget delegimit të zgjidhjes Ahtisari në një afat të ri kohor, i cili nuk garanto një tjetër zgjidhje, por veçse gjeneron trazira dhe destabilizim të situatës. Koha dhe nervat janë taktikat ruse të lojës diplomatike. Ajo gjithnjë bën me dije aleatët e zgjidhjes, se OKB-ja nuk ka të drejtë për të ndryshuar një kufi ndërkombëtar, pa një marrëveshje me vendin e përfshirë. Pra, pa një marrëveshje të pamundur, pa një përpjekje të dështuar, kondensuar gjatë gjithë maratonës së negociatave për statusin, dhe punës titane të Noes Ahtisari. Ngulmimi rus për mbrojtjen "vëllazërore" të ndjenjave sllavo-serbe është për faktorin ndërkombëtar dhe ekspertët, absurditet. Formatimi i statusit të Kosovës si provë ndërkombëtare, nga njëra anë potencon autoritetin e këtij popullin në përkrahjen për të ardhmen e tij, nga ana tjetër vendos shumë pika mbi “i”, të rolin tërësorë që Bashkimi Evropian do të ketë në këtë model historik përgjegjësie dhe devocioni në shërbim të stabiliteti në rajonin e Ballkanit. Deri më tash në gjirin e saj ka shumë mëdyshje. Xhelozia e rolit amerikan në luftë për çlirimin e Kosovës dhe sot në garantimin e një zgjidhje më të mirë të mundshme, ashtu siç sëmbon Rusinë, ashtu tundon dhe rolin e shumë vendeve evropian, të cilat vijojnë të ushqejnë iluzionin e fanatizmit serb mbi pretendimet territoriale në Kosovë, ose më pak. Ajo që Rusia e shpreh, Evropa e fsheh. Por SHBA dhe aleatët e saj, dje në luftë dhe sot në paqe do të gjejnë rrugë dhe mjetet e duhura për t’i dhënë fund, për të vendosur. Kosova pashmangshmërisht është përpara stadit të ardhmërisë. Ahtisari, ky Noe i fatit të një dinjiteti të nëpërkëmbur, të një populli të martirizuar, të një vullneti të panjëtëdytë bashkëjetese, e ka afruar pranë brigjeve anijen e tij.

[Sa Kot]

Ahtisari me ne fund ka thene ne nje gazete se STATUSI FINAL I KOSOVES DUHET TE JETE PAVARESIA!

Nje delegat rus ishte bere gjithe nerva ne nje mbledhje dhe kishte dale nga salla duke krijuar presion, po Rusia kot sa lodhet, sepse nuk ja ka dale dot Amerikes asnjehere. Jo veto, po superveto te kete dhe nuk do mund t'a ndale dot pavaresine.

Ose do japi voten per pavaresi, ose ne te gjithe e dime qe violenca do shpertheje nga te gjitha anet ne Kosove, dhe kesaj rradhe aq dhunshem saqe s'do kete burr none qe t'a ndaloje. Shqiptaret tani jane te gjithe duke pritur pavaresine, dhe ne qofte se nuk e marrin ate, Rusia mund t'a konsideroje veten te pergjegjshme per ate qe do te ndodhe ne Kosove, dhe per ate qe mund t'i ndodhe minoritetit Serb aty. Edhe mos thote pastaj qe nuk e paralajmeruan.

Megjithate lexova gjithashtu qe Amerika pret nje zgjidhje ne fund-Prill ose ne fillim te Majit.

[harmonies]

From a historical perspective, Albanians have always made poor allies. Even after receiving the most advanced weaponry from the Ottomans who originally established Albanian Muslim colonies, Albanians turned on their masters the very moment Serbs started to liberate Old Serbia from colonial occupation. The same thing will happen in Kosovo.

(18 hours ago from today)

Ky post u morr nga linku: kliko ketu i vendosur ketu ne forum nga Styx.

Perkthimi:
Nese mesojme nga historia, Shqiptaret kane qene gjithmone aleate te keqij. Bile edhe pasi u pajisen me armatimin me modern prej Otomaneve, te cilet themeluan kolonite e Shqiptareve muslimane, Shqiptaret jua drejtuan keto arme atyre qe ua dhane tamam ne momentin kur serbet filluan clirimin e Serbise se vjeter nga okupimi kolonial. E njejta gje do te ngjase perseri ne Kosove.

Pyetje: A sygjeron ky link nje paralele te Politikes Europiane te ketij shekulli me ate Otomane te para 200 vjeteve?

[tani_26]

• Sekretari I OKB-se, Ban Ki Mun ka mbeshtetur propozimin per Statusin e Kosoves qe I derguari Marti Ahtisari ka paraqitur sot para Keshillit te Sigurimit


Ora 20.10
Reagon edhe BE, Mbeshtetje e fuqishme per propozimin

Ka ardhur edhe reagimi I BE per planin e Ahtisarit, duke konfirmuar mbeshtetjen e forte. Sipas presidences se radhes se Bashkimit Europian, plani permban nje sere masash qe garantojne nje te ardhme per te gjitha komunitetet dhe ne menyre te vecante ate serbe. Gjithashtu, plani hedh bazat per nje zhvillim ekonomik dhe politik te qendrueshem qe te do t’i sjelle te mira dhe stabilitet mbare rajonit.per presidencen gjermane “Plani I Ahtisarit paraqet nje kompromis te drejte dhe te ekuilibruar qe tregon nje rruge perpara per Kosoven”. BE shprehet me siguri se KS do te vleresoje me objektivitet dhe do te aprovoje me shpejtesi statusin e Kosoves.

Ora19:40
Sekretari I OKB-se, Ban Ki Mun ka mbeshtetur propozimin per Statusin e Kosoves qe I derguari Marti Ahtisari ka paraqitur sot para Keshillit te Sigurimit, Ne dokumentin e tij parashikohet pavaresi per Kosoven, ndonese nen mbikqyrjen e nderkombetareve. Lajmin e ka bere te ditur zedhenesja e Ban Ki Mun, (qe aktualisht ndodhet ne nje udhetim ne Lindjen e Mesme), Michelle Montas. Ajo ka konfirmuar se dokumenti, I eshte dorezuar sot presidentit te radhes ne Keshillin e Sigurimit, afrikano-jugorit, Dumisani Kumalo. Sic ka bere te ditur edhe vete Kumalo, dokumenti sot pritej vetem te merrej ne dorezim nga KS, por jo te shqyrtohej, gje kjo qe do te behet muajin qe vjen, kur presidencen e radhes ta marre britaniku Emyr Jones Parry. Ne letren shoqeruese te propozimit, dorezuar disa dite me pare tek Sekretari OKB-se, Mun, Ahtisari flet qarte per pavaresi te Kosoves nga Serbia, ndonese fjala pavaresi shoqerohet edhe me fjalen ‘e mbikqyrur’. Madje Ahtisari thote gjithashtu se "pavaresia eshte I vetmi opcion I praktikueshem per nje Kosove te qendrueshme politikisht dhe ekonomikisht". Sipas zedheneses se Mun, fakti qe ky dokument tashme I eshte dorezuar Keshillit te Sigurimit tregon se procesi tashme eshte ne nje faze vendimtare.

Nderkaq, Serbia ka shprehur sot pasdite kundershtimin e saj lidhur me kete propozim. Mesazhin e ka dhene Presidenti serb Boris Tadic, ne nje bisede telefonike me nensekretarin e shtetit Nikolas Burns, menjehere pasi ky I fundit ka deklaruar se SHBA e mbeshtet dokumentin e kryenegociatorit Ahtisari. “Cfaredolloj forme pavaresie te propozohet per Kosoven, eshte e papranueshme nga Serbia”, I ka trasmetuar Tadic- Burnsit.
Nga Ina Koxha - (ANSA)

Reagime te tjera ne Kosove per propozimin e Ahtisarit

Presidenti i Kosoves, Fatmir Sejdiu:
Sot është ditë historike për Kosovën. Plani Gjithëpërfshirës dhe rekomandimet e Presidentit Ahtisari për statusin e ardhshëm të Kosovës janë në duart e anëtarëve të Këshillit të Sigurimit të OKB-se. Mirëpresim qëndrimin e Sekretarit të Përgjithshëm të OKB-së, zotit Ban Ki Mun, i cili mbështet plotësisht rekomandimet e Presidentit Ahtisaari për pavarësinë e Kosovës. Dua të theksoj se pavarësia e Kosovës do të jetë në shërbim të të gjithë qytetarëve të vendit, të shumicës shqiptare dhe të të gjitha komuniteteve pakicë të Kosovës. Pavarësia e Kosovës, e cila fillimisht, sipas planit të Ahtisarit, do të ketë mbikëqyrje ndërkombëtare, do të jetë në shërbim të paqes, të stabilitetit dhe prosperitetit të përgjithshëm të vendit tonë. Pavarësia e Kosovës po kështu i shërben paqes dhe stabilitetit rajonal, sepse po zgjidhet suksesshëm edhe çështja e fundit e pazgjidhur në Evropën Juglindore.

Kryeministri Agim Ceku:
Qeveria e Kosovës përshëndet rekomandimin e të dërguarit special për statusin e Kosovës, presidentit Marti Ahtisaari, i cili thekson se “Pavarësia është e vetmja mundësi për një Kosovë politikisht dhe ekonomikisht të qëndrueshme”. Qeveria e Kosovës vlerëson lart faktin që ky rekomandim u arrin anëtarëve të Këshillit të Sigurimit i përkrahur plotësisht nga Sekretari i Përgjithshëm i Kombeve të Bashkuara, Ban Ki-Moon. “Kjo tregon se ky propozim reflekton vullnetin e përgjithshëm të Kombeve të Bashkuara, të cilat e kanë iniciuar dhe mbështetur prej fillimit procesin për gjetjen e një zgjidhjeje për Kosovën. Dokumenti Ahtisaari është më realisti dhe i vetmi për Kosovën. Ai siguron paqe afatgjatë dhe stabilitet të qëndrueshëm rajonal” – është shprehur me këtë rast kryeministri Agim Ceku . Qeveria e Kosovës pret që statusi i Kosovës të përmbyllet sa më shpejt, pasi vonesat janë të panevojshme dhe të pakuptimta. Kosova dhe rajoni kanë vuajtur për më se një dekadë nga konfliktet, kinse-zgjidhjet apo zgjidhjet gjysmake. Është momenti që një perspektivë e re t’i ofrohet Kosovës dhe Ballkanit dhe kjo perspektivë merr trajtë të qartë me pavarësimin e Kosovës dhe fillimin pa pengesa të integrimeve rajonale dhe evropiane.

Partia Reformiste ORA:
Mirënjohje për qartësinë e propozimit përsa I përket statusit të Kosovës dhe e konsideron këtë të arritur si fryte edhe të një partneriteti mes Kosovës dhe bashkësisë ndërkombëtare. ORA falënderon S ekretarin e Përgjithshëm të OKB-së për përkrahjen që i ka dhënë planit të presidentit Ahtisaari dhe rekomandimit të tij, për njohjen e vullnetit të qytetarëve të Kosovës për pavarësi.

Kryeadministratori Joakim Reuker: Propozimi i qarte bashke me propozimin gjithperfshires i mbeshtetur fuqishem nga sekretari i OKB nuk eshte gje tjeter vecse nje moment historik per popullin e Kosoves