Statusi i ardhshem i Kosovës!

[Zëu_s]

po ne kemi luftuar për pavarësi të plotë dhe pak kush nuk e ka patur në mendje edhe Bashkimin Kombëtar gjatë Luftë sonë të fundit çlirimtare, por ne duhet të jemi pikëspari realist sepse qysh po zhvillohen ngjarjet " qeveria " jonë nuk u tregua fare e interesuar për zhvillim të idesë dhe dëshirës së qdo shqiptari në Kosovë, dmth lufta për çlirim u bë nga Ushtria me sukses por lufta për pavarësi nga Qeveria jonë nuk ishte dhe nuk do të jetë e suksesshme. Kështu që në këtë qështje ne duhet të ndahemi të kënaqur me atë që do të na japë Ahtissari, sepse Qeveria jonë nuk luftoj për më tepër.
Unë besoj se Ahtissari dhe Shtetet tjera vendimarrëse do të na caktojnë një pavarësi jo të kushtëzuar por siq u tha në shtypin ndërkombëtar ditë më parë një pavarësi në mbikqyrje, që asesi nuk duhet krahasuar me kauzi pavarësinë në Bosnje.

Aq sa mbjell edhe korr, kështu thuhet

Pikerisht per kete arsye thash une qe do te votoj per nje pavarsi nen mbikqyrje, pasiqe ne shqiptaret jemi aq te pa fat saqe gati gjithmone i kemi patur si udheheqes jopatriotet.

[Llapi]

Bërns: SHBA shpresojnë se statusi i Kosovës do të zgjidhet shpejt

10-01-2007


Nënsekretari amerikan i Shtetit, Nik Bërns tha se Shtetet e Bashkuara shpresojnë që çështja e statusit të Kosovës të zgjidhet shumë shpejt pas zgjedhjeve në Serbi. Në komentet e bëra dje për gazetarët në Uashington, ai tha se Shtetet e Bashkuara do të mbështesin përpjekjet e kryenegociatorit të OKB-së për të filluar një dialog mes Prishtinës dhe Beogradit për këtë çështje.

"Menjëherë pas zgjedhjeve në Serbi, -tha zoti Bërns,- i dërguari i OKB-së, Presidenti Ahtisari do të fillojë një seri diskutimesh mes Prishtinës dhe qeverisë së re në Beograd. Ne gjithnjë kemi besuar se ka ardhur koha për një status përfundimtar për Kosovën.

Kanë kaluar 7 vjet e gjysmë që nga mbarimi i luftës dhe popullit të Kosovës nuk i është dhënë ndonjë shenjë nga komuniteti ndërkombëtar se cili do të jetë statusi i tij i ardhshëm. Çdo njeri ka të drejtë të dijë se ku banon dhe kush duhet të qeverisë, ka të drejtë për liri. Prandaj ne do të mbështesim përpjekjet e zotit Ahtisari menjëherë pas zgjedhjeve për të filluar një dialog dhe një negociatë mes beogradit dhe Prishtinës. Shpresojmë, -tha zoti Burns, -që kjo do të zgjidhet shumë shpejt, brenda një ose dy muajsh pas zgjedhjeve serbe."

I pyetur nëse Shtetet e Bashkuara do të mbështesin pavarësinë për Kosovën, zoti Bërns tha se "Shtetet e Bashkuara mbështesin një status përfundimtar të drejtë për Kosovën, por nuk do të jepnin receta për zgjidhjen, para se zoti Ahtisari të thotë fjalën e tij. Dhe ai ende nuk e ka thënë fjalën e tij."
emailme.gif

Zeri i Amerikes

[Sabriu]

Shqiptarët nuk kanë bërë luftë çlirimtare për të mbetur serish nën jurisdikcionin e Serbisë, nuk i rrokën armët që ta dëbojnë armikun nga trojet e veta për të ngelur prapë nën robërinë sllave, por ate luftë e bën për të qenë të lirë, sovran dhe të pavarur nga tutela dhe okupimi fashizoid serbosllav, prandaj zhagitja e njohjes formale të pavarësisë dhe shtetit të Kosovës nga ana e faktorëve ndërkombëtarë pashmangshëm se do të hap dilema dhe çështje të reja brenda spektrit politik shqiptar në raport me gjendjen aktuale politike në rajon, sidomos ndaj qendrimit neglizhent të BE-së ndaj zgjidhjes së statusit final të Kosovës, zgjidhja e të cilit ka vetëm një rrugë; Kosova të njihet sa më parë shtet i pavarur dhe sovran me të drejta dhe obligime të barabarta ndaj organizmave ndërkombëtarë njësoi sikur që kanë të gjitha shtetet tjera anëtare të OKB-së. Në të kundërtën, çdo solucion tjetër politik i disfavorshëm për Kosovën dhe shqiptarët nënkupton shtruarjen e kërkesës nga ana e tyre për ribashkim kombëtar realizimin e të cilit nuk mund ta pengojë më askush.

[REG99]

1 pavarsia e plote ajo dihet
qka nenkuptojm me ,,pavaresi t plot ,, ?? do t thot me kan na t pavarur edhe mos me leju mo askush me na u perzi n punt tona ,me ba qka dum ne edhe qysh dum /? un kshtu e kuptoj pavarsin e plot , qesi lloj shtete jan veq 3 n bot SHBA , ANGLIA edhe RUSIA qka smundet mu perzi askush te krejt tjerat ne ni far mnyre ju perzihet dikush apo i ka mbykqyrje EU , KB etje etj sene ju perzin Irakut kan me ju perzi IraNIT Turqis Somalis Austris ja ndrun kryetarin qe fitoj votat Kines i perzihen me Tajvanin e pe lan Kosoven qka doje vet me ba e qysh doje ncncn po s po them qe duhet me met kshtu Shtetsia patjeter ka mu fitu ajo esht e kryme si do qoft Milict e serbis ushtart e milloshit ka do vjet qe spi shohim tu sill n KOSOV edhe s kan mu pa mo ASNJIHERRRR kjo esht Kryesorja po mos hupni shpresat se bohet MIR

[Llapi]

EVZIU:"KRIZA NË SHQIPËRI DËMTON RËNDË PROCESIN E STATUSIT FINAL TË KOSOVËS"



Blendi FEVZIU, analist nga Tirana


RADIO EVROPA E LIRË
Situata parazgjedhore në Shqipëri, po merr trajtën e një krize të vërtetë zgjedhore, për shkak të mungesës së një konsensusi mes Partisë Demokratike dha Partisë Socialiste. Cili është shkaku real që stimulon këtë situatë?

BLENDI FEVZIU
Përshtypja ime është që gjithçka vjen nga mosbesimi i dyfishtë i dy palëve politike, që kanë gjetur si pikë debati problemin e çertifikatave. Besoj që të paktën deri në fillim të janarit problemi ishte më shumë politik dhe që pjesa më e madhe e forcave politike kërkonin ta kthenin atë në favor të tyre, duke treguar provën e forcës, por pas kësaj që po ndodh ditët e fundit, unë mendoj që përgjegjësia kryesore i takon opozitës, e cila nuk po pranon të marrë pjesë në një proçes zgjedhor duke gjetur artifice për të justifikuar mospjesëmarrjen e saj.

RADIO EVROPA E LIRË
Një ditë më parë ish-kreu i Partisë Socialiste, Fatos Nano, u ka bërë thirrje partive politike për gjetjen e një rruge të përbashkët për mbajtjen e zgjedhjeve, por është shprehur se nuk do ta lërë PS relike në Pezë. Si e shihni ju këtë qëndrim të z. Nano? A bën ai përgjegjës në njëfarë mënyre kryetarin aktual të Partinë Socialiste, z.Rama?

BLENDI FEVZIU
Nuk ka ende një konflikt të hapur midis kryetarit aktual të Partisë Socialiste dhe ish kryetarit z. Nano. Ishte i pritshëm një përfshirje e z. Nano në krizë për arsye se zgjatja e krizës do ta faktorizonte me çdo kusht atë. Duke se kjo ka ndodhur. Ish kryeministri dhe ish kryetar i Partisë Socialiste Fatos Nano ka takuar kryeministrin e vendit, z. Sali Berisha dhe të dy bashkë kanë nënshkruar një deklaratë e cila iu bën thirrje palëve të heqin dorë nga politika e konfliktit dhe të kthehen në politikën e kompromisit e të mirëkuptimit. Një deklaratë e cila pavarësisht se mund të ngjajë disi e çuditshme në kontekstin e raporteve Nano- Berisha, që vazhdimisht kanë qenë konfliktuale, për momentin ndikon me tone mjaft pozitive. Nga ana tjetër lëvizja e Nanos do të krijojë një lloj destabiliteti brenda së majtës dhe një problem për Ramën. Është një deklaratë që del nga një takim në të cilin të dy palët nuk kanë artikuluar terma konkretë të zgjidhjes së problemit aktual, por kanë bërë një shikim afatgjatë në kuptimin që në deklaratë flitet jo vetëm për zgjidhjen e krizës zgjedhore, problemin e çertifikatave apo implementimin e marrëveshjes së 30 dhjetorit, por flitet në radhë të parë për një mundësi konsensusi bipartizan për problemet të tjera të rëndësishme të politikës shqiptare. Ndaj duket se takimi Berisha - Nano më shumë se zgjidhje e krizës së momentit ishte një tentativë për një koncensus afatgjatë për zgjidhjen e një mazhorance stabël, prej 84 votash e cila do të shërbente për zgjidhjen e disa problemeve me të cilat do të përballet vendi në të ardhmen.

RADIO EVROPA E LIRË
Kur thoni disa probleme keni parasysh edhe zgjedhjen e Presidentit?

BLENDI FEVZIU
Padyshim edhe zgjedhjen e Presidentit. Kushtetuta e Shqipërisë e parashikon zgjedhjen e Presidentit në mënyrë konsensuale me 84 vota dhe jo bllokimin e parlamentit për hir të tij. Se ç'do të ndodhë është e vështirë të thuhet por unë besoj se vendi nuk do të shkojë në zgjedhje të parakohshme për arsye të problemit të presidentit.

RADIO EVROPA E LIRË
Sa dëmton proçesin e integrimit të Shqipërisë në institucionet euroatlantike, kjo krizë, dhe po ashtu a ndikon kjo në proçesin e përcaktimit të statusit të Kosovës?

BLENDI FEVZIU
Padyshim e dëmton në mënyrë ekstreme. Unë them që dëmi që ne kemi marrë aktualisht është shumë i madh. Nëse zgjedhjet do vazhdojnë të shkojnë me probleme ose kriza do thellohet, ato do të jenë akoma më të forta. Pra penalitetet që do të marrë Shqipëria do të vijnë e do të konkretizohen. Kështu që besoj që në këtë aspekt ne kemi humbur shumë. Nga ana tjetër ne dëmtojmë rëndë proçesin e statusit final të Kosovës, për arsye se fakti që Shqipëria nuk krijon dot prej 15 vjetësh stabilitet politik në Ballkan dhe nuk instalon dot standartet normale demokratike, mund ta bëjnë komunitetin ndërkombëtar të mendojë që krijimi i një shteti të dytë me shqiptarë në Ballkan do të jetë problematik ashtu sikurse Shqipëria. Kështu që në këtë aspekt, ne jemi duke ndëshkuar jo vetëm vetveten, për të cilën mbajmë edhe përgjegjësi, por edhe kosovarët të cilët janë pranë konkretizimit të një ëndrre njëqind vjeçare. Nuk duhet t'ia lejojmë vetes të ndëshkojmë edhe ata.

Intervistoi: Klodi MESHI

[Sabriu]

"Për Shqipërinë, pavarësia e Kosovës është zgjidhja e vetme që garanton paqe dhe stabilitet në Kosovë, por jo vetëm në Kosovë por dhe në vendet e tjera përreth. Paqja, stabiliteti dhe konsolidimi i tyre në Kosovë kanë një rëndësi të madhe për Shqipërinë, për Maqedoninë, Malin e Zi dhe Ballkanin në tërësi. Por konsolidimi i tyre është një proces i vështirë dhe jetik. Trashëgimia e hidhur, varfëria, dobësia e shtetit ligjor, korrupsioni, krimi i organizuar, terrorizmi janë faktorë që e rrezikojnë sigurinë dhe stabilitetin si në Kosovë ashtu edhe në vende të tjera të rajonit."



``Dr.Dituria``

[Llapi]

Ahtisari do i sjelle ne Shkurt Prishtines dhe Beogradit vetem pjesen teknike te pakos per Kosoven


Nga D.B


BRUKSEL (16 Janar)- I derguari i posacem i OKB se per statusin e Kosoves, Marti Ahtisari do te sjelle ne fillim te shkurtit ne Prishtine dhe Beograd vetem pjesen teknike te pakos per Kosoven. Lajmi ehste bere i ditur nga zyrtare nderkombetare, sipas te cileve sapo t’u dorezohet pakoja, pala shqiptare dhe ajo serbe do te mund te japin idete e veta vetem per ceshtjen e decentralizimit, ate te trashegimise kulturore, per ceshtjen e ekonomise dhe te drejtat e pakicave. Nderkohe, mendohet se Ahtisaari do ta percjelle pakon e tij per ceshtjen politike drejt tek Sekretari i Pergjithshem i OKB se, duke mos lene shkak per bllokimin e procesit.
Zyrtare nderkombetare thane se kjo forme do te pengoje edhe Rusine per ta bllokuar statusin ne KS te OKB se. Por, diplomate perendimore thane se eshte e rendesishme per Prishtinen qe te ruaje unitetin e saj ne javet e ardhshme dhe te mos lejoje ndryshime ne qeverine e Kosoves ne kohen kur pritet dorezimi i pakos se zotit Ahtisaari. Sipas tyre, cdo lekundje ne skenen politike kosovare do te mund ta shtyje per nje kohe me te gjate arritjen e nje zgjidhjeje per Kosoven. Ata kerkuan nga Ekipi Negociator i Kosoves qe t'i prije procesit dhe ta pranoje pakon e Ahtisaarit.

(Kosova/Balkanweb)

[Llapi]

NË MAJ STATUSI PËR KOSOVËN - Shkruan: Ardian Zejnaj "EPOKA E RE"





EKSKLUZIVE: “Epoka e re” shpalos detaje rreth përcaktimit të statusit politik të Kosovës

NË MAJ STATUSI PËR KOSOVËN

Një politikan me peshë në politikën e Kosovës, në kushte anonimiteti ka treguar për “Epokën e re” se si do të ecet tutje me procesin e definimit të statusit të Kosovës. “Plani i Ahtisarit, që do të na paraqitet nuk do të mund të ndryshohet dhe se nuk do të jetë tërësisht ashtu siç është kërkuar nga pala shqiptare, edhe pse do të jetë shumë afër kërkesave tona. Por, si i tillë duhet pranuar. Vendimi mbi statusin me gjasë do të merret në muajin maj dhe ky është një afat shumë real”, ka thënë ai

Shkruan: Ardian Zejnaj

Prishtinë, 14 janar – Për opinionin e gjerë vazhdon të mbetet enigmë data e saktë se kur do të bëhet publik plani për zgjidhjen e statusit të Kosovës nga ish-presidenti finlandez, Marti Ahtisari, kryenegociatori ndërkombëtar për statusin e Kosovës, i caktuar nga ish-Sekretari i Përgjithshëm i OKB-së, Kofi Anan. Madje, e paqartë është edhe përmbajtja e pakos që ai do t’ua prezantojë palëve të përfshira në bisedime, si dhe koha kur do të merret vendimi përfundimtar mbi statusin e Kosovës. Megjithatë, çështja me e ndjeshme këtu është se si do të pritet apo reagojnë palët ndaj këtij plani, veçanërisht pala kosovare.
Këto çështje vazhdojnë të diskutohen nga shumë diplomatë, politikanë dhe analistë të ndryshëm vendorë dhe ndërkombëtarë, derisa nuk bëhet publik plani nga vetë z. Ahtisari.
Të dielën rreth këtyre çështjeve, në kushte anonimiteti, është prononcuar për “Epokën e re” një ndër politikanët më të rëndësishëm në Kosovë. Sipas këtij politikani, kryenegociatori ndërkombëtar për statusin e Kosovës, ish-presidenti finlandez, Marti Ahtisari, në ditët e para të muajit shkurt do ta paraqesë planin e tij për statusin, i cili plan ato ditë do t’i dorëzohet si Prishtinës ashtu edhe Beogradit. I njëjti plan, po ashtu pritet t’iu dorëzohet edhe palëve të tjera të përfshira në procesin e gjetjes së zgjidhje për statusin e Kosovës, siç janë Grupi i Kontaktit, Uashingtonit, Nju Yorku dhe Brukseli. “Në fillim të muajt shkurt z. Ahtisari do t’i njoftojë edhe zyrtarisht apo do ta paraqesë planin e tij për ta shikuar palët e përfshira direkt apo indirekt në këtë proces. Më pas ai plan do të shqyrtohet me kujdes nga të gjithë...”, ka thënë ky politikan.
Plani i paraqitur, nga Ahtisari, sipas tij, do të jetë i panegociuar dhe si i tillë do të mbetet për fazën e ardhshme, që do të thotë se as kjo zgjidhje e ofruar nuk do të jetë përfundimtare. “Me këtë rast, plani nuk do t’i plotësojë dëshirat e 100%-ta të palës shqiptare, por që do të jetë një hap për në finale apo një hap drejtë përfundimtares. Plani i Ahtisarit nuk do të mund të ndryshohet dhe se nuk do të jetë tërësisht ashtu siç është kërkuar nga pala shqiptare, edhe pse do të jetë shumë afër kërkesave tona dhe që duhet pranuar si të tillë. Megjithatë, ne do të kemi mundësi t’i shprehim vërejtjet tona për atë plan... natyrisht pranimi i këtij plani do të bëhet me idenë se është një hap drejt përfundimtares”, ka thënë i njëjti politikan.
Për të, paralajmërimet se do të ketë negociata të reja nuk qëndrojnë, megjithatë ai ka thënë se do të ketë një lloj konsultimi mes palëve për një periudhë disa javore, por që asgjë nuk do të ndryshojë në fund të fundit në këtë plan. Ai tregon se tutje do të jetë kjo periudhë për të dëshmuar se nuk mund të arrihet një zgjidhje në mes të palës shqiptare dhe asaj serbe, dhe në të njëjtën kohë për të dëshmuar se nuk mund të vazhdohet edhe më tutje kjo gjendje.
“Kjo do të jetë një kohë sa për t’i plotësuar dëshirat e dikujt, por assesi si diçka që do të ndryshojë agjendën. Prandaj, do të shfrytëzohet kjo periudhë si një mundësi e mirë për t’u përgatitur për periudhën e ardhshme, periudhë pasi të merret vendimi mbi këtë çështje”, ka sqaruar ai.

Shpallja e Kosovës shtet i pavarur dhe sovran....

Në ndërkohë, sipas tij, pakoja e Ahtisarit do të bazohet mbi punën që është bërë deri më tani, si dhe bisedimet që janë zhvilluar në Vjenë. “Kjo pako për bazë ka punën e bërë deri me tani dhe marrëveshjet e arritura në bisedimet e Vjenës, të cilat pastaj do të shndërrohen në ligje dhe obligime për palën kosovare, por edhe që duhet respektuar nga pala serbe. Për këtë plan garantues do të jetë bashkësia ndërkombëtare, e cila do ta mbikëqyrë dhe përcjellë me vëmendje implementimin dhe zbatimin e saj në praktikë”, ka thënë ai.
Por, edhe vetë burimi i gazetës - politikan i rëndësishëm në skenën politike në Kosovë – nuk është shumë i sigurt se sa shpejt do të merret një vendim përfundimtar mbi statusin e Kosovës. Sipas tij, edhe pse deklarohet se në mars do të mund të merret një vendim nga Këshilli i Sigurimit të OKB-së, kjo edhe mund të mos ndodhë. “Në mars mund të mos merret një vendim përfundimtar për statusin e Kosovës dhe nëse KS e OKB-së nuk arrin pajtim për një Rezolutë të re, e cila do ta shfuqizojë Rezolutën 1244, atëherë do të lëshohet një deklaratë nga Sekretari i Përgjithshëm i OKB-së, e cila deklaratë do të jetë fuqiplote dhe obliguese për palët që t’i përmbahen pakos dhe udhëzimeve të paraqitura nga kryenegociatori ndërkombëtar dhe që, po ashtu do t’i fuqizojë të gjitha marrëveshjet e arritura deri në atë kohë”, ka treguar ky politikan. Pas deklaratës së Sekretarit të Përgjithshëm të OKB-së, ka shtuar ai, do të krijohet mundësia që Kosova të ecë më sigurt rrugës së saj dhe po ashtu do të japë sinjale të qarta, duke siguruar hapësirë të nevojshme që vetë të ndërmarrë hapin e parë, në bazë të ligjit ndërkombëtar, duke e shpallur veten subjekt të pavarur ndërkombëtar. “Duke respektuar ligjin ndërkombëtar dhe bazuar në krijimin e një gjendje të re, Kosova do të ketë të drejtën ta shpallë veten shtet të pavarur, që pastaj të fillojë njohja e Kosovës si shtet i pavarur edhe nga vendet e ndryshme individualisht. Besohet se ky vendim në fund do të pranohet dhe finalizohet nga KS e OKB-së në muajin maj”, bënë të ditur i njëjti politikan. Megjithatë, ai nuk përjashton mundësinë për ndonjë befasi që do të mund ta sjellë koha... dhe që ky vendim të merret në shtator.
“Vendimi mbi statusin me gjasë do të merret në muajin maj dhe ky është një afat shumë real, edhe pse asnjëherë nuk përjashtohen befasitë. Nëse për shkaqe të ndryshme dhe për t’u dhënë mundësinë të merren vesh mes vete anëtarët e KS të OKB-së për ta nxjerrë Rezolutën e re, kjo kohë e marrjes së vendimit mund të shtyhet deri në shtator dhe deri atëherë situata do të udhëhiqet mbi bazën e deklaratës së Sekretarit të Përgjithshëm të OKB-së, e cila do të jetë udhëzuese e të gjitha proceseve dhe paqartësive eventuale të procesit”, ka thënë tutje burimi.
Sipas tij, kjo periudhë do të shërbejë edhe si kohë për konsolidim të proceseve të brendshme të palës kosovare, siç është përgatitja e draftit të Kushtetutës, miratimi i simboleve, ligjit të zgjedhjeve dhe kthimi në ligje i marrëveshjeve të arritura gjatë bisedimeve, por edhe të atyre që do të dalin nga pakoja e Ahtisarit, e cila në fund të fundit do të jetë shumë afër kërkesave të palës kosovare, “por që nuk do të jetë fundi i tërë procesit”. “Në aspektin e brendshëm, deri në dhjetor do të përgatitemi për mbajtjen e zgjedhjeve dhe që në janar do të pritet formimi i Qeverisë së re të Kosovës, një qeveri që për herë të parë do të përfaqësojë shtetin e pavarur të Kosovës në institucionet dhe organizatat e ndryshme ndërkombëtare. Deri atëherë ne nuk guxojmë të kemi tronditje as edhe me të voglat brenda Kosovës, sepse këto lëkundje mund të jenë elemente të mjaftueshme për t’u dhënë argumente palëve që dëshirojnë vazhdimin e bisedimeve, me arsyetimin se bisedimet duhet të vazhdojnë për t’u arritur kjo apo ajo zgjidhje, dhe se Kosova ende nuk është e gatshme për të qenë partner ndërkombëtar. Prandaj, duhet të kemi shumë kujdes dhe të mos ngutemi në vlerësime, reagime apo vendime të shpejta”, ka treguar burimi i gazetës.

[Lioness]

Karamanlis flet për statusin e Kosovës

Kryeministri grek, Kostas Karamanlis, që u takua në Beograd me udhëheqjen e lartë shtetërore të Serbisë, ka deklaruar se Greqia është në favor të një zgjidhjeje të pranueshme nga të dy palët lidhur me statusin e Kosovës.

Por në mënyrë të tërthortë, zoti Karamanlis ka përkrahur pavarësinë, teksa ka theksuar se zgjidhja do të duhet të ofrojë një regjim mbrojtjeje për kishën ortodokse serbe.

Vizita e kryeministrit grek, vetëm pak ditë para zhvillimit të zgjedhjeve në Serbi, interpretohet si një përkrahje ndaj forcave proeuropiane kundrejt atyre nacionaliste.

Dy muaj më parë, pas takimeve që kishte kryer këtu me qeveritarët grekë, kryeministri i Kosovës Agim Çeku ishte shprehur se tashmë Greqia ndodhet më pranë qëndrimit të Prishtinës përsa i përket çështjes së statusit.

Konkluzioni i tij është përforcuar pas deklaratës së kryeministrit grek, Kostas Karamanlis në Beograd.

Gjatë takimit me presidentin serb, Boris Tadiç, zoti Karamanlis u shpreh se zgjidhja duhet të garantojë të drejtat njerëzore dhe minoritare dhe t’i ofrojë një regjim mbrojtës kishës ortodokse serbe në Kosovë.

Togfjalëshi i fundit është interpretuar se Athina e konsideron fakt të kryer zgjidhjen që parapëlqehet nga shqiptarët e Kosovës, teksa në një zgjidhje të kundërt, pra atë që pretendon Beogradi, statusi i kishës ortodokse serbe në Kosovë, do të ishte i mirëqenë.

Natyrisht, zoti Karamanlis ka përdorur më së shumti një gjuhë diplomatike, teksa ka theksuar më parë se Athina është në favor të një zgjidhjeje të pranueshme nga të dy palët, që të promovojë karakterin multietnik të Kosovës.

Ndërkaq, i pyetur drejtpërdrejtë mbi mundësinë e një Kosove të pavarur, ai iu shmang përgjigjes, duke thënë se duhen pritur propozimet e kryenegociatorit Marti Ahtisaari dhe se nuk është detyrë e tij.

Ndërsa propozimet e zotit Ahtisaari priten javën e ardhshme, kryeministri serb, Voisllav Kushtunica ka qenë mjaft i ashpër ndaj ish-presidentit finlandez.

I cituar nga agjencia zyrtare greke e lajmeve, ANA, kryeministri ka thënë se gjashtë muajt e fundit nuk u bënë negociata dhe se në Beograd i kanë harruar fytyrën zotit Ahtisaari.

Ndërsa presidenti Tadiç është shprehur më i moderuar, duke thënë se serbët mbrojnë sovranitetin dhe integritetin territorial të Serbisë, dhe se këtë të drejtë e ushtrojnë në mënyrë europiane dhe me mjete diplomatike.

Ndërkaq, ai ka theksuar se Beogradi në asnjë mënyrë nuk do të ushtrojë këtë të drejtë me mënyra të dhunshme apo me luftë.

Vizita e zotit Karamanlis në Beograd, vetëm pak ditë para zhvillimit të zgjedhjeve në Serbi, interpetohet në Athinë si një manifestim i mbështetjes greke ndaj forcave të moderuara përkundër atyre nacionaliste.

Këtu vlerësojnë se dominimi elektoral i të moderuarve do të lehtësojë edhe arritjen e një zgjidhjeje të shpejtë e pa probleme për Kosovën, dhe në përgjithësi do të jetë më i dobishëm për gjithë rajonin.

Kostas Karamanlis, para gazetarëve ka theksuar se një qeveri demokratike me orientim evropian do të përshpejtonte ritmet e integrimit euroatlantik, ndërsa vuri në dukje se në radhët e BE-së, klima për Serbinë është më pozitive se në të kaluarën.

Kryeministri grek përsëriti se mbështetja ndaj integrimit euroatlantik të Serbisë, ashtu si edhe të vendeve të tjera të Ballkanit Perëndimor, përbën një përzgjedhje strategjike të Greqisë.

[Lioness]

Rusët ende të ngurtë për statusin e Kosovës

Ndërsa janë intesifikuar përpjekjet diplomatike me afrimin e njoftimit të propozimit të kryenegociatorit të OKB-së Martti Ahtisaari për statusin e Kosovës, rusët kanë ritheksuar qendrimin e tyre për një zgjidhje të pranueshme nga Beogradi.

Ministri i Jashtëm rus, Sergei Lavrov, tha se çdo zgjidhje duhet të jetë e balancuar dhe "të arrihet ekskluzivisht nëpërmjet bisedimeve dhe t'iu përshtatet si udhëheqjes së Kosovës ashtu edhe të Beogradit".

Ilir Nishku bisedoi me analistin e BBC-së për Evropën juglindore Gabriel Partos lidhur me zhvillimet e fundit lidhur me procesin e statusit të Kosovës.

BBC: Këto ditë ministri i Jashtëm rus, Sergei Lavrov, ka deklaruar qendrimin rus lidhur me zgjidhjen e statusit të Kosovës para njoftimit të propozimit të kryenegociatorit Martti Ahtisaari. A ka ndonjë gjë të re në qëndrimin rus?

Zoti Partos: Nuk mendoj se ka ndonjë gjë me të vërtetë të re. Mendoj se Rusia e ka bërë shumë të qartë që herët në procesin për statusin e Kosovës se cilat janë parametrat e saj. Ajo që mund të thoja se është një zhvillim i kohëve më të fundit, jo i ri, por një zhvillim më i fundit që nga vjeshta e kaluar, Rusia i ka ritheksuar ato parametra dhe kushte në mënyrë më publike dhe në një nivel më të lartë seç ka bërë më parë. Kështu, argumenti kryesor është se Rusia nuk do të pranojë një zgjidhje që i imponohet Beogradit, se ajo do të pranojë vetëm një zgjidhje që është e pranueshme nga të dy palët, me fjalë të tjera veçanërisht nëse pranohet nga Beogradi, për ndryshe do ta bllokojë, apo do të vërë veton kundër saj në Këshillin e Sigurimit të OKB-së. Pra, ata thjesht po i përsërisin këto politika, por ndoshta me theks më të madh se më parë.

BBC: Zoti Lavrov tha ditët e fundit citoj: "Qëndrimi ynë përcaktohet jo nga se si do të përkufizohet apo vendoset statusi i Kosovës në paraqitjen e të dërguarit të sekretarit të përgjithshëm të OKB-së, por nga mënyra se si do ta shohin palët këtë propozim". A lë kjo të kuptohet se rusët duan që të zhvillohen më shumë bisedime?

Zoti Partos: Rusët e kanë thënë edhe më parë, nga fundi i vitit 2005 kur po diskutohej nëse propozimi i Ahtisaarit duhej shtyrë, nëse duheshin më shumë bisedime. Rusët thonin, pse duhet t'i nxitojmë gjërat, pse duhet të vendosim këtë kalendar që statusi të përcaktohet nga fundi i vitit 2006. Në fund ata e pranuan këtë kalendar, në nivel ministerial, nga vetë zoti Lavrov në takimin e janarit të kaluar të Grupit të Kontaktit në Londër ku u tha, përfshirë Rusinë, se do të ishte e preferueshme që statusi të zgjidhej brenda vitit. Por që nga vjeshta e kaluar kemi vënë re një ngurtësim të qëndrimit të Rusisë, këmbëngulje më të madhe në favor të Beogradit, në fakt deri në përdorimin e vetos ndaj ndonjë propozimi, madje edhe duke pranuar kërkesën e Beogradit për ta shtyrë afatin përfundimtar, ndoshta për të filluar bisedimet nga e para, dhe duke thënë që nuk ka pse të nxitohemi. Dhe sigurisht në këtë kuadër, ideja e bisedimeve të mëtejshme përshtatet me qëndrimin e tyre.

BBC: Si parashikoni ju që do të shkojë procesi. Do të bëhet propozimi, i cili do t'i shkojë fuqive në Grupin e Kontaktit ...

Zoti Partos: Jo. Mendoj se ka më shumë mundësi që pasi zoti Ahtisaari t'i ketë paraqitur propozimet e tij, fillimisht në Grupin e Kontaktit, ndoshta që më 26 janar, pas disa ditësh do të shkojë në Beograd e Prishtinë. Pasi ta ketë bërë këtë dhe t'u ketë dhënë atyre kohë që ta shqyrtojnë dokumentin, ai mund t'u kërkojë atyre bisedime të mëtejshme, ndoshta madje edhe para se ta çojë propozimin në Këshillin e Sigurimit me shpresën, dhe është një shpresë shumë e vakët, se mund të arrihet një marrëveshje. Pastaj mund të ketë disa javë bisedime, ndoshta dy deri në katër javë bisedime.

Pritet që këto bisedime nuk do të çojnë në ndonjë marrëveshje. Në atë pikë pastaj ai mund t'i çojë propozimet e tij, me komente nga Serbia e Kosova, në Këshillin e Sigurimit. Pastaj Këshilli i Sigurimit mund ta shqyrtojë propozimin. Sigurisht që ata mund ta hedhin poshtë propozimin, megjithëse kjo ka shumë pak mundësi të ndodhë po të kihet parasysh se ai i ka koordinuar gjerat me Grupin e Kontaktit. Por në atë pikë, Këshilli i Sigurimit mund ta amendojë atë në një farë mënyre, me qëllimin për të sjellë edhe rusët në bord, ose nëse gjykohet se në një farë mënyre ai është i pranueshëm për rusët - thjesht duke mos përdorur fjalën "pavarësi", duke qenë shumë të paqartë lidhur me procesin që mund të ndiqet për përcaktimin përfundimtar të statusit me shpresën që rusët të paktën të abstenojnë nëse nuk votojnë në favor të tij. Pra, në përgjithësi ky mund të jetë skenari i mundshëm: fillimisht propozimi, pastaj negociatat midis palëve, dhe më pas përpjekjet e Këshillit të Sigurimit për të arritur ndonjë rezultat konkret.