Statusi i ardhshem i Kosovës!

[Llapi]

Shtypi amerikan thotë se Perëndimi ka vendosur - Kosovës do të duhej t'i njihet pavarësia


Bisedimet e djeshme të drejtpërdrejta midis udhëheqësve të Kosovës dhe të Serbisë në Vjenë sipas shtypit amerikan, nuk dhanë shenja as për më të voglin kompromis. Po qe se një marrëveshje nuk do të arrihet deri në vjeshtë, diplomatët theksojnë se Kombet e Bashkuara do të fillojnë hartimin e një marrëveshjeje e cila do t'iu imponohet palëve, e që me gjasë do të jetë marrëveshje për një formë të një shteti të pavarur, shkruan në numrin e saj të sotëm, gazeta The New York Times. Duke raportuar për takimin e djeshëm, gazeta thekson se palët akuzuan njëra tjetrën për të shtuar se takimi në fakt nuk ishte një takim negociatash, por më tepër rast që ekipet të ritheksojnë qëndrimet e tyre.

Edhe e përditshmja tjetër amerikane, The Washington Post, në një editorial të saj thekson se shtatë vjet pas çlirimit të Kosovës nga Shtetet e Bashkuara që udhëhoqën fushatën e NATO-s, tashmë Perëndimi ka arritur një konsensus: Kosovës do të duhej t'i jepet pavarësia para fundit të vitit, ndoshta nën një mbikëqyrje ndërkombëtare.

Editoriali ndërsa uron popullin serb që në sondazhe me shumicë parashikon pavarësinë e Kosovës, njëkohësisht kritikon udhëheqjen e sotme serbe, duke e quajtur të varur nga nacionalizmi helmues që e çoi vendin në luftërat shkatërruese në vitet e nëntëdhjeta. The Washington Post krahason deklaratat e Koshtunicës mbi Kosovën me ato të Millosheviqit.

Editoriali përfundon me një mesazh të fuqishëm ku theksohet se përpjekjet e Perëndimit për të sjellur Ballkanin në Evropën e shekullit 21 po rrezikohen nga nacionalizmi Serbisë i shekullit 20 dhe nga lojërat politike të Rusisë të shekullit 19-të. Por, nëse kjo do të ndodhë, atëherë shqiptarët e Kosovës nuk do të jenë viktimë, sepse sido që të jetë ata kurrë më nuk do të jenë nën sundimin e Serbisë, por do të jenë viktimë serbët që do të jenë të izoluar në Evropë dhe të varur nga patronazhi i një Rusie autokratike dhe imperialiste, thekson ndër të tjera e përditshmja e kryeqytetit amerikan.



Postuar më: sb blue sky & radio kosova staff me Jul 25, 06 | 4:10 pm

[grande delpiero]

Rugova ne Itali

E shtrëngoi për dore, e falënderoi dhe i tha:” Unë mendoj se Italia është vend i bukur për ty.”
-Rugova buzëqeshi i lumtur. Hapat e tij mezi dëgjoheshin nëpër korridorin e pallatit presedencial jugosllav.
Makina e blinduar priste pranë. Pas një dreke të rreshkët, shlivovicës dhe gazmoreve që treguan Rugova dhe Millosheviçi, presidenti ynë ndjehej ca i çlodhur dhe i pabrenga. Në dalje të pallatit një gjeneral foli: “ Hallo Prishtina, Prishtina...a më dëgjon?”
- “Siurdhëroni zoti gjeneral-u “,dëgjua zëri. “Urdhër nga kryekomandanti i forcave të armatosura të APJ-s , respektivisht kryetarit të shtetit: Rugova u nis, masat e sigurisë numër 1. Nuk guxon Rugovës t´i mungojë as një qime floku. As familjes së tij. Urdhër i prerë. Segret shtetror numër 1. Interes shteteror numer 1.
Makina e presidentit Rugova u tret me shpejtësi.
-Nuk do të vrasim asnjë të LDK- s pyeti zëri. Po. Po.Do të vrasim të tjerë, shtoi gjenerali nga shkallet e pallatit.
Presidenti Rugova herë pas here vështronte nga xhami. Dielli pëcëllues ndjehej si saç mbi Kosovë.
Bombat dhe rafalet nuk pushonin. Presidenti ynë kalonte NËN atë breshëri si një profet që në Bibël e çante detin në dy pjesë. Perëndia e mbronte. Majtas dhe djathtas shtëpi të rrënuara, tym, zjarr, njerëz pa kokë, gjymtyrë fëmijësh dhe aty këtu ndonjë qen e ndonjë lopë e braktisur. -” Shiko ç´ka na bën terrorristat”-pëshpëriti presidenti. Ushtarët, paramilitarë dhe policët salutonin presidentin tonë. “Jam president i një vendi pa popull”, tha ai, gjersa me dorën e djatht përshëndeste ushtarët.
Në aeroport po ajo rrëmujë; ushtarë, policë, paramilitarë përcillnin presidentin tonë për Itali. Ai u ndal në shkallë, u buzqeshi ëmbël dhe u përkul deri në gjunj duke i falenderuar me dorën në zemër.Avioni u ngrit me hov.
-”Ç´janë këto kampe atje poshtë”-pyet presidenti këshilltarin e tij.
-”Kosovarët PO BËJNË PIKNIK”,tha ai.
-”Maqedonia nuk ka det, apo jo ,-pyeti presidenti. Pse nuk shkojnë në Itali, apo Greqi?
-Mendoj, se është më afër Maqedonia, ia ktheu këshilltari.Kushton më pak. Kur stjuardesa erdhi për t´i mbledhur ushqimet e mbetura, presidenti tha:”Shih, shih, shiko poshtë, përsëri tenda, " kush janë
ata?"
-”Kukësi Zotni President.
-”Po janë çmend këta komunistat e Shipnisë, pse në Kukës bëjnë pushime e jo ne det?”
-Jo. Zotni president, kosovarët bëjnë piknik edhe në Shqipni.
-”Hi, hi, hi,- u qesh Rugova- u realizua ideja ime për Kosovën e haptë nga Shipnija dhe Serbija. Më
vjen mirë që populli dhe presidenti i kalojnë pushimet në muajin e njejtë.”
-”Do t´ishte mirë t´i bënim popullit një vizitë atje poshtë”, e ndërpreu këshilltari.
-Nuk e sheh sa tenda janë, atje mund të infektohem, të marrë një sëmundje, unë nuk mund të futem
në mes të atij populli uhmm.”Mlodhi buzët presidenti në shenjë neverie. Në at çast telefoni cingërroi:
-”Po Millosh...po jam mirë...jo ...mos u brengos...natyrisht...nuk qeshem në Romë më shumë se në
Beligrad...jo..jo...unë nuk e harroj kurrë se nuk më ke burgos...edhe zgjedhjet që i lejove...po....në…"
Drenicë, po de...kur luftohej...po ...siurdhero.....”
-”Ti je kryetar i zgjedhur, kupton.” Ky zë ishte i lartë dhe u dëgjua jasht telefonit.
”Po Zotni Millosheviç, mos u mërzit, ashtu si jemi marrë vesh, shtoi presidenti ynë.
Avioni zvarritej mbi qiellin e Italisë. “Kur të pranohet Kosova në NATO do të kërkojmë edhe pjesën shqiptare në Maqedoni, edhe në Mal të Zi, edhe në Kosovën Lindore. Por në mënyrë paqësore, më
kupton. ”(Në mënyrë paqësore mund ta kërkojsh edhe Italinë.Dëshira nuk është e ndaluar me as një ligj ndërkombtar”). Kupton?-vazhdoi presidenti. Por për ta realizuar në fakt, në fakt, në fakt nuk bën asgjë. Si tani. Më kupton? Kështu hidhet populli në gjum. Ne jetojmë mirë; shpijën pallat, rrogën e mirë, më shumë në ballan se në tokë, çka dojmë na ma shumë ,hi hi hi. A e pe edhe Milloshi asht i kenaqun me politiken teme. E Ukshin Hoti ku asht a ...ha ha ha?-Populli na beson, pah, po popull t´mirë kena, shumë i dashtun hi hi hi ...ky populli jem uhmmm , do ta kisha puth ne façe!
-”E Thaçin” e ndërpreu këshilltari. Mos ma përmend at njeri, se sum ze xhumi, ia ktheu Rugova nervoz. Ca minuta më vonë avioni aterroi në aeroportin e Romës. Këtë rrugë e kishte bërë edhe Pirro edhe Gjergji për ta ndihmuar Alfonsin e V. Por ai besonte se liria fitohet ndryshe dhe nuk duronte që populli t´i dërgohej në PIKNIK. Edhe Papa Klementi edhe Luigji, edhe Noli edhe De Rada kishte jetuar aty , apo kishin kaluar, por, të gjithë me detyra tjera nga presidenti.
Ca minuta më vonë predsidenti i hoqi pantallonat dhe u zhyt në deti. Breket e tij ishin me lule te vockela, lulqeni, te sarita me ato qe behet çaji. Me keso lule shpesh grate benin dimija.
Kerceu ne det si një peshk, o Zot sa bukur notonte! Serbia duartrokiti. Te gjitha programet televizive tregonin scena nga notimi i shkelqyeshem i tij! O Zot, si Peshkaqen! Shalli i tij i terhiqes pas shpine deri sa ai notone i pabrenga!
Kosova u gëzua që presidenti freskohej dhe bronzohej në Italinë mike. Shqiptaret brohoriten. Dielli po perëndonte ngadal dhe rëndë. Bënte vapë e madhe edhe në muzg. Kosova digjej flakë, me fëmijë,gra, vasha, djem, pleq e plaka! Me shtëpi e kafshë .Me rrasht e asht. Kosova përjetonte skëterrën për së gjalli.
Në Paris, në Paris Kadare fshinte lotët, kurse bashkshortja e ngrysur dhe duke dënesur ndezi një qiri për Kosovën në një katedralë.Qosja po qante me zë. Kumte të reja vinin nga malet e UÇK-s.
Vajzat e reja lidhnin plagët e ushtarëve. Një vashë tjetër 16 vjeçare fshinte lotët duke mbajtur koken e një ushtari ne gjoksin e saj. Ai sapo kishte vdekur. Shqiptari po ribëhej, po ringritej në këmbë.O Zot, ç´zezonë! Ç feniks?! Një komb rikrijohej nga pluhuri i vetë!
Rugova doli nga uji dhe lëpinte një akullore italiane. Sot kishte marre nje straçatella, i pëlqenin shumë copërat e çokolatës që e befasonin në gojën e tij presedenciale dhe tha: “ pah po bregdet i bukur, do t´ishte mire ta kerkojme edhe Italine ne menyre paqesore. Sa bukur.
Deri sa po perlahej me Bukoshin për para u afrua një plakë italiane dhe e pështyu mu në akullore. O Zot kurrë në jetë nuk jam pezmatuar aq shume ndaj plakave italiane si ndaj asaj zonje. Per kete protestova ashper në UNO, në NATO dhe prane Qeverise Italiane dhe kerkova qe plaka të ekzekutohej. Presidenti italian i dergoi Kryeministrit tone 20.000 lireta, si demshperblim dhe u pajtuan. Por unë jo! Që nga ajo dite nuk mund t´i shoh plakat me sy! Ja bërë Antiplakë i rrezikshem dhe tash çdo ditë në mure shkruaj:" Poshtë plakat me rrudha", "Rroftë straçatella".
i huazuar nga antari i keti forumi Shën Albani

prape ti me budallakinat e tua a ncnnc. ti sapo tregove or budalla se LDK i keni vrare ju mirepo diku gabove : gjate luftes i kane vrare serbet ndersa pas luftes ju.
sepse gjithmone e keni ditur qe populli edhe nje anetare i LDK-se me mbet do ta votoje ate dhe jo juve kushdo qofshe ti me grupin tend. nejse nejse mirepo nuk eshte mire te vritet vellau sepse keshtu do te punoni per armikun te cilit kinse në 1998-99 ia keni drejtuar armen.

Sqarimo flas vetem per ata qe kane vrare vellezerit e vet pas lufte vetem pse i perkasin nje grupacioni tjeter politik. ndersa per te tjeret qe kane luftuar per qlirim kam respekt shume te madh dhe do ta kem deri ne vdekje RESPECT

[Llapi]

Wisner i ka rekomanduar Koshtunicës që ta përgatisë "Serbinë për pavarësinë e Kosovës"

Fahri Musliu, Beograd

I dërguari amerikan për statusin e Kosovës, Frank Vizner gjatë vizitës së fundit në Beograd e ka njoftuar kreun shtetëror të Serbisë se "duhet ta pranojnë realitetin, e ky është se Kosova lypset ta fitojë një lloji të pavarësisë", i kanë thënë Radio Televizionit të Kosovës burimet e afërta me qeverinë serbe. Thuhet se Vizner bisedimet më të rënda dhe më të papërshtatshme i ka pasur me kryeministrin Koshtunica.



Burimi i Radio Televizionit të Kosovës thotë se diplomati amerikan i cili në Beograd ka ardhur të kërkojë nga zyrtarët serb të jenë konstruktiv në negociatat mbi statusin e Kosovës, me një ton shumë të qetë i ka thënë kryeministrit të Serbisë Vojisllav Koshtunica se në fund të negociatave, të cilat duhet të përfundojnë kah fundi i këtij viti, Kosova megjithatë do ta fitojë një lloji të pavarësisë. Zotëri Vizner, i cili në fund të vizitës dyditëshe në Beograd tha se SHBA nuk dëshirojnë ta prejudikojnë zgjidhjen e statusit final të Kosovës, por ka përsëritur se zgjidhja duhet të arrihet deri në fund të vitit, në një moment i ka rekomanduar kryeministrit Koshtunica se duhet ta përgatisë opinionin për atë që e pret Serbinë, e kjo është pavarësia e Kosovës. Burimi i Radio Televizionit të Kosovës thotë se kryeministri serb ka reaguar bujshëm si edhe çdo herë tjetër kur dikush ia përmend një zgjidhje të tillë për Kosovës, dhe ka përsëritur se në Serbi askush nuk do ta pranojë pavarësinë e Kosovës, sepse ky është precedent i rrezikshëm i cili mund të nxis probleme të mëdha në Serbi.

Mirëpo, diplomati amerikan i ka dëgjuar qetë të gjitha këto dhe me asnjë fjalë nuk i është kundërvu Koshtunicës. Duket se misioni i tij ka qenë që edhe njëherë t’i thotë qartë kreut shtetëror të Serbisë se çka po përgatitet, pa ndonjë dëshirë për t’i dëgjuar argumentet e Serbisë dhe thua se çdo gjë është e kryer, thotë burimi ynë. Ai nënvizon se kjo në fakt nuk ka qenë bisedë veç dy monologë të politikanëve të ngulitur në qëndrimet e veta këmbëngulëse.

Ndërkaq burimi në fjalë thotë se darka e Viznerit me presidentin Tadiq ka kaluar në një atmosferë të këndshme, sepse edhe temat e bisedimeve kanë qenë tjera, por edhe vetë takimi ka pasur karakter joformal. Zotëri Vizner ia ka përcjellur presidentit serb se vizita e para do kohshme e Koshtunicës në SHBA është vlerësuar si negative. Prandaj edhe njëra nga temat që e ka iniciuar diplomati amerikan ka qenë se si do të duken marrëdhëniet e ardhshme të Serbisë dhe SHBA, pas zgjidhjes së statusit të Kosovës, thotë burimi i Radio Televizionit të Kosovës.

Postuar më: sb blue sky & radio kosova staff me Jul 27, 06 | 6:22 pm

[Kandili 1]

Me qe sipas mediumeve publike ,do te kete edhe takime tjera shqiptaro-serbe
te nivelit te larte,sipas mendimit tim hapet nji dileme.
Per cka do te bisedohet ne takimet e ardhshme?
Te gjitha shtetet qe jane te perfshira ne administrimin e Kosoves e dine
me saktesi, se shqiptaret s`pranojne tjeter pos pamvaresise.Po ashtu, po
te jet sipas serbeve,Kosova duhet te ket cfaredo statusi ,vetem pamvaresi jo.
Pastaj eshte folur e perfolur per „njifare pamvaresie“,qe do te thot jo pamvaresi
e plote por e kushtezuar.
Pamvaresia e kushtezuar do te mund te kuptohej si nji forme veteadministrimi
me kompetenca shume me te mdha se qe jane sot,por megjithate jo kompetenca
qindperqind te plota.P.sh. ne lemite si , drejtesi,ruajtje e rendit ,zbatimi i normave
per ruajtjen e te drejtave te minoriteteve dhe ne ekonomi,mund te merret me mend se do te ket komisione vrojtuese nderkombetare.
Ketu nuk do te kishte gje te keqe po qe se komisionet e tilla do te ishin vetem vrojtuese,me te drejte casjeje ne te dhenat e lemive qe pemenda me larte dhe po qe se Kosova do ta kishte nji ulese ne Kombet e Bashkuara.Problemi do te rritej, po qe se komisionet nderkombetare do te kishin kompetenca mbi organet administruese kosovare.

Per cka do te bisedohet ne takimet e ardhshme?
Thuhet se politika eshte ARTI I SE MUNDSHMES.Une duke mos qene jurist,nuk kam njohuri per definicione juridike.Mirepo vete fakti se do te kete takime tjera shqiptaro-serbe per percaktimin e statutit,te sjell dilemen:
a do te arrihet ndonji marveshje per statutin e Kosoves,ne takimet e ardhshme ne mes shqiptareve dhe serbve ?
Une them JO.Kete e di secili nga ne.

Fati yne eshte, qe ne momentin vendimtare per gjysmen e kombit tone e patem per krah Shtetin me te forte ne bote dhe eshte e logjikshme te pritet se po ky shtet edhe ne kete faze mjaft te rendesishme nuk do te na le ne balte.
Hapja e krizave te reja ne bote ne nji menyre mund te na demtoj, duke e largua vemendjen e „te mdhenjeve“ nga problemi yne.

[RTP]

Kur lexova temen mu desht te klikoja menjeher mbi te.Mirepo,sikur mu erresuen syt kur pash nofken : LLAPI.
Ec e lexo me shume?
Jo.
Edhe kete teme kaq me rendesi na e paska mykur ,he dala plast .
Nuk behet debat i mirefillte keshtu,jo.



Keq.

[Llapi]

Kur lexova temen mu desht te klikoja menjeher mbi te.Mirepo,sikur mu erresuen syt kur pash nofken : LLAPI.
Ec e lexo me shume?
Jo.
Edhe kete teme kaq me rendesi na e paska mykur ,he dala plast .
Nuk behet debat i mirefillte keshtu,jo.



Keq.

E di o morri i flliqur e di qe ste pelqein ato qfar i theme une por askush sta ndalon te shkosh ne ateo forumet tua serbe qe je po thuaj se ne te gjitha i regjistruar dhe shkreton zi e terr per shqiptaret shko vazhdo askush sta ndalon jo.
---------------------------------------------------------------------------------------------------


Nënkryetari LIMAJ: Të gatshëm të trajtojmë problemet e komuniteteve, deri aty ku nuk dëmtohet shteti i Kosovës

Para nisjes për në takimin e Delgacionit të Kosovës me palën serbe në Vjenë, ku do të bisedohet për të drejtat e komuniteteve, anëtari i këtij delegacioni, nënkryetari i Partisë Demokratike të Kosovës z.Fatmir Limaj, i dha një intervistë ekskluzive të përditshmes prishtinase “Kosova Sot”. Në vazhdim po japim thekse kryesore nga kjo intervistë e z.Limaj.

“Ne qe një kohë të gjatë kemi punuar dhe e kemi ndërtuar ofertën që do t’ia paraqesim faktorit ndërkombëtar. Me pjesën kryesore të këtyre zhvillimeve është i njoftuar edhe UNOSEK-u, zhvillime këto që kanë të bëjnë rreth përgatitjes së ofertës ligjore në drejtim të definimit të interesave të komuniteteve si gaishmëri institucionale për integrimin e tyre në sistemin ligjor për mbrojtjen e interesave të tyre” theksoi Limaj.

Në vazhdim nënkryetari demokrat u shpreh:
“Në këtë fazë të bisedimeve, pikat kryesore që do ë diskutohen do të jenë çështja e përfaqësimit të komuniteteve në institucionet vendore, në Qeveri, në parlament, në gjyqësi, në arsim, si dhe krijimi i mekanizmave efikas për mbrojtjen e interesave të tyre në këto fusha”.

Anëtari i Delegacionit të Kosovës për bisedime në Vjenë z.Fatmir Limaj poashtu potencoi se “në Vjenë do ta paraqesim oferën tonë se si e shohim ndërtimin e vendit. Çështja e komuniteteve parasësgjithash i takon Kosovës për arsye se bëhet fjalë për probleme, të cilat ndërlidhen me përditshmërinë e jetës së qytetarëve. Pikërisht edhe këtë angazhim po e bëjmë për Kosovën, për vendin dhe shtetin tonë, i cili duhet të jetë funksional dhe demokratik. Kjo është esenciale për mua, që njerëzit që jetojnë këtu duhet të jenë të integruar dhe të jenë të kënaqur me atë që sigurohet në vendin tonë për interesat e tyre. Pra, po bisedohet për të drejtat e qytetarëve që jetojnë dhe do të jetojnë në Kosovë”.

“Për Delegacionin e Kosovës është e rëndësishme që ata qytetarë, ato komunitete, ta shohin se interesat e tyre janë të mbrojtura, se ato kanë gjetur vend në të gjitha dokumentet e shtetit të ri të Kosovës” tha Limaj.

Z.Fatmir Limaj në intervistën dhënë “Kosova Sot” shprehu poashtu qëndrimin substancial të palës kosovar rreth çështjes së komuniteteve.
“Ne jemi të gatshëm të bisedojmë për të gjitha çështjet që kanë të bëjnë me komunitetet në Kosovë. Në këtë drejtim, jemi të gatshëm të shkojmë në trajtimin e problemeve të komuniteteve, deri në atë masë që nuk e dëmton funksionalizimin e shtetit, sepse askujt nuk i duhet një shtet i dështuar”.

[Llapi]

PËRFUNDON TAKIMI I RADHËS NË VJENË PËR DECENTRALIZIMIN



Enver Robelli, Vjenë


Në Vjenë sapo kanë përfunduar negociatat mes delegacioneve të Prishtinës dhe Beogradit mbi çështjen e decentralizimit.
Diplomati gjerman Bernard Schlageck, i cili e ka drejtuar takimin e sotëm ka pranuar se bisedat kanë qenë tepër të vështira. Sipas tij palët kanë ofruar qëndrimet vetëm sa i përket emërimit të komandantëve të policisë nëpër komuna, përfshirë dhe komunat serbe, të cilat do të themelohen në të ardhmen.

Bernard Schlageck nuk ka dhënë ndonjë hollësi, por nga radhët e delegacionit të Kosovës është bërë e ditur se koncepti për policinë i afrohet Marrëveshjes së Ohrit në Maqedoni, ku Ministria e Brendshme, në bashkëpunim me pushtetin lokal, emëron shefin e policisë.

Ndërkaq nga delegacioni serb theksohet se nuk është arritur pajtim në asnjë fushë. Përfaqësuesit serbë akuzojnë në mënyrë të përgjithësuar delegacionin e Prishtinës, se nuk është i gatshëm të bisedojë për të drejtat e serbëve të Kosovës dhe për arsimimin e të rinjve serbë.
Anëtarë të delegacionit serb kërkuan madje autonomi për pakicën serbe në Kosovë. Udhëheqësi i delegacionit serb Leon Cohen tha se Beogradi nuk është i gatshëm të bëjë kompromise në çështjet thelbësore.

Në pjesën më të madhe të konferencës gazetarët u detyruan të dëgjojnë një fjalim të Marko Jakshiçit, njërit prej liderëve më radikalë të serbëve të Kosovës. Jakshiç lexoi një listë të gjatë, siç tha ai, të sulmeve kundër pakicës serbe që nga fillimi i bisedimeve. Jakshiç njoftoi se përfaqësuesit e serbëve të Kosovës nuk do të marrin pjesë në takimin e nesërm me delegacionin e Prishtinës, ku do të flitet për të drejtat e pakicave.

Në emër të delegacionit të Kosovës zëvendëskryeministri Lutfi Haziri, i hodhi poshtë akuzat e palës serbe. Ai tha se Prishtina është e gatshme që bazuar në Konventën Evropiane për të drejtat e pakicave, të garantojë arsimimin e serbëve në të gjitha nivelet. Por, shtoi Haziri, ne nuk mund të lejojmë që universiteti në gjuhën serbe të manaxhohet nga politikanët dhe nga Kisha Ortodokse.

Zyra e Marti Ahtisarit ka paralajmëruar mbajtjen edhe të dy takimeve gjatë gushtit, ku do të diskutohet mbi decentralizimin, konkretisht për financimin dhe numrin e komunave të reja.

[ARIANI_TB]

Vetëvendosja! shpalos hartën e Kosovës se decentralizuar


Aktivist të Lëvizjes Vetëvendosje! të hënën në Ferizaj kanë vendosur pëlhurën në të cilën është paraqitur pamja e hartës së Kosovës, poqese realizohet procesi i decentralizimit. Në këtë hartë aktivistet e Vetëvendosjes! kanë paraqitur me vij të kuqe zonat të cilat do të kontrollohen nga serbët.

[Llapi]

Nënkryetari Limaj shprehet nga Vjena për thellimin e dialogut mes komuniteteve dhe institucioneve kosovare

Anëtari i Delegacionit të Kosovës në bisedimet për çështjen e komuniteteve, z.Fatmir Limaj, pas raundit të sotëm të bisedave me palën serbe në Vjenë, i dha një intervistë “Zërit të Amerikës”.
“Në takimin e sotëm u pa qartë se delegacioni i Beogradit nuk është i koncentruar në çështjet jetike dhe praktike, me të cilat ballafaqohen qytetarët serbë të Kosovës. Ata më tepër vazhdojnë të mbesin peng e çështjeve politike, që kanë të bëjnë me statusin final të Kosovës” tha mes tjerash nënkryetari politik i PDK-së.



Në vazhdim po prezantojmë në tërësi paraqitjen e drejtpërdrejtë të z.Limaj nga Vjenë për “Zërin e Amerikës”


Zëri i Amerikës: Z.Limaj, ky ishte takimi i parë mes Prishtinës dhe Beogradit, që ka në qendër pakicat. Çfarë forme kishte takimi i sotëm, me çfarë propozimesh doli pala shqiptare?

LIMAJ: Në të vërtetë ky ishte takimi i parë që ka të bëjë në mënyrë të drejtpërdrejtë me të drejtat e komuniteteve në Kosovë, por unë them se duke pasur parasysh rëndësinë e temës që u diskutua sot, temën e komuniteteve, pothuajse të gjitha temat të cilat deri më tani janë diskutuar janë të lidhura drejtpërdrejtë me temën e të drejtave të komuniteteve. Delegacioni i Kosovës ka punuar një kohë të gjatë, prej 8-9 muajsh, në përgatitjen e një oferte serioze, që do t’i paraqitej edhe delegacionit serb, njëkohësisht edhe UNOSEK-ut, pra komunitetit ndërkombëtar. Dhe, ne jemi ardhur me një ofertë serioze, ku trajtohen shqetësimet në njërën anë, dhe në anën tjetër interesat e të gjitha komuniteteve, posaçërisht të komunitetit serb dhe këtë ofertë ia kemi prezantuar komunitetit ndërkombëtar dhe përmes tyre edhe Beogradit.

Zëri i Amerikës: Juve u takuat drejtpërdrejt me delegacionin e Beogradit. Cili ishte reagimi që morët nga pala serbe lidhur me propozimin tuaj?

LIMAJ: Fatkeqësisht, Beogradi në këtë temë nuk ishte fleksibil, vazhdonte me qëndrimet e veta ta njohura edhe më parë. Ata përqendrohen në atë që serbët në Kosovë nuk mund të quhen minoritet, përkundrazi ata mbajnë qëndrimin që janë shqiptarët ata që janë minoritet në Serbi dhe në kuadër të kësaj çështje mund të diskutohen tema të cilat ndërlidhen drejtpërdrejtë me minoritetet. D.m.th. delegacioni serb mbante qëndrimin e njohur deri më tani, sipas të cilit ende vazhdon ta trajtojë Kosovën si pjesë të pandarë të Serbisë. Në këtë drejtim mund të them që qëndrimet kanë qenë diametralisht të kundërta ose më mirë me thënë: ata nuk kishin asnjë ofertë apo kërkesë të veçantë, veçse prezantuan qëndrimin e njohur deri më tani, ndërsa ne vazhduam të prezantojmë pikat ashtu siç janë të parapara në agjendë.

Zëri i Amerikës: Z.Limaj, cilat ishin këto pika që ju propozuat ?

LIMAJ: Ne iu përmbajtëm agjendës së UNOSEK-ut, biseduam për përfaqësimin e komunitetit serb në Kuvendin e Kosovës, pastaj pjesëmarrjen e tyre ne qeveri, në sistemin gjyqësor, në arsim, po ashtu edhe në ndërtimin e mekanizmave vitalë për mbrojtjen e interesave të komuniteteve. Këto kanë qenë pikat kryesore me të cilat ne sot kemi shpalosur ofertën tonë para komunitetit ndërkombëtar dhe delegacionit serb.

Zëri i Amerikës: Z.Limaj, kur diskutohet për statusin e Kosovës, çështja e pakicave gjithmonë ka qenë jetike. Pala shqiptare, ashtu siç edhe e thatë, thotë se oferta juaj parashikon standarde të larta për mbrojtjen e tyre. Por, duke pasur parasysh shqetësimet në këtë drejtim, sidomos kritikat për mungesën e sigurisë posaçërisht për komunitetin serb. Çfarë garancish mund të jepni ju që ato që premtoni ju do të jetësohen ?

LIMAJ: Padyshim që shqetësimet të cilat ngritë komuniteti serb në Kosovë janë legjitime dhe përpjekjet tona janë që ato shqetësime të trajtohen seriozisht. Oferta që kemi prezantuar ne i siguron të gjithë mekanizmat të cilët do të marrin në mbrojtje komunitetet dhe praktikisht Kosovën do ta kthejnë në një vend demokratik, ku të gjitha komunitetet do të kenë hapësira të mjaftueshme dhe instrumentet, që do të garantojnë të drejtat e tyre legjitime. Mendoj që çështja e parë është që serbët duhet të involvohen në procesin e ndërtimit të kësaj kornize ligjore, këtu e kam fjalën për serbët lokalë. Në këtë kuadër, është shumë e rëndësishme që të thellohet dialogu mes serbëve lokalë dhe institucioneve kosovare, që ata të integrohen drejtpërdrejtë në institucione dhe atje t’i mbrojnë interesat e tyre. Mendoj se në këtë drejtim garanci më e fortë është komuniteti ndërkombëtar, që do të garantojë marrëveshjen, e cila do të implementohet pas përmbylljes së bisedimeve për statusin final të Kosovës. Është tepër e rëndësishme që serbët lokalë të thellojnë dialogun brenda për brenda Kosovës me institucionet vendore.
Në takimin e sotëm u pa qartë se delegacioni i Beogradit nuk është i koncentruar në çështjet jetike dhe praktike, me të cilat ballafaqohen qytetarët serbë të Kosovës. Ata më tepër vazhdojnë të mbesin peng e çështjeve politike, që kanë të bëjnë me statusin final të Kosovës.

Zëri i Amerikës: Sa ndikon fakti që serbët e Kosovës nuk patën përfaqësues në takimin e sotëm, në ecurinë e këtij procesi ?

LIMAJ: Ndoshta nuk është çështje imja që të komentoj zhvillimet në korpusin serb, por shpreh keqardhjen që serbët e Kosovës nuk kanë pasur mundësi të mjaftueshme që të futen në kuadër të delegacionit të Beogradit për të ardhur në Vjenë për t’i prezantuar qëndrimet e tyre. Një pjesë e serbëve të Kosovës është e vërtetë që ka hequr dorë të flasë për këtë temë, por unë e di që ne kemi vazhduar dialogun tonë në Kosovë dhe në këtë kuadër ka pas përfaqësues serbë që kanë marrë pjesë drejtpërdrejtë në diskutimet për të ardhur deri tek një zgjidhje e pranueshme, që do të kornizonte të drejtat e tyre në kuadër të sistemit të ri juridiko-politik të vendit. Shpresoj që në të ardhmen Beogradi do të influencojë në drejtim pozitiv që serbët të involvohen në këtë proces dhe jo t’i ngushtohet hapësira që ata ta thonë fjalën e tyre.

Zëri i Amerikës: Z.Limaj, pjesëmarrja juaj sot në Delegacionin e Kosovës është pjesëmarrja juaj e parë politike e rëndësishme, që kur Gjykata e Hagës ju shpalli të pafajshëm. Çfarë planesh keni juve për të ardhmen ?

LIMAJ: Po, ju siç e dini unë do të vazhdojë aktivitetin tim politik në kuadër të Partisë Demokratike të Kosovës, si nënkryetar i saj politik dhe njëkohësisht ashtu siç kam qenë i angazhuar në procesin e bisedimeve për Kosovën, dhe tani në mënyrë të drejtpërdrejtë do të vazhdoj angazhimet e mia së bashku me anëtarët tjerë të Delegacionit të Kosovës dhe elitën politike kosovare për të kontribuar, që t’i japim opinionet tona, energjitë tona që ta përmbyllim me sukses statusin final, ashtu siç presin qytetarët e Kosovës.

[Llapi]

Delegacioni kosovar ka prezantuar vizionin pragmatik për decentralizimin, thekson Enver Hoxhaj

Enver Hoxhaj


Anëtari i Delegacionit të Kosovës në bisedimet për çështjen e decentralizimit z.Enver Hoxhaj pas kthimit nga Vjena, u shpreh se pala kosovare ka prezantuar parimet bazë për reformimin e pushtetit lokal në Kosovë, duke reflektuar kështu një vizion pragmatik rreth kësaj çështjeje shumë të rëndësishme për proceset politike të vendit.

Në takimin e djeshëm sipas z.Hoxhaj është biseduar për atë se si shihet definomi i pozitës së serbëve në kuadër të procesit të reformimit të pushtetit lokal në Kosovë. Në këtë drejtim pala kosovare ka paraqitu një vizion shumë pragmatik.

Sipas sekretarit për marrëdhënie me publikun në Partinë Demokratike të Kosovës, në Vjenë është biseduar edhe për relacionet mes pushtetit komunal dhe shëndetësisë primare, arsimit parashkollor, fillor dhe të mesëm. Poashtu, në këtë takim është biseduar edhe lidhur me arsimin e lartë, me theks të veçantë për Universitetin e Mitrovicës dhe për modalitetet e mundshme të akreditimit të tij.

Hoxhaj poashtu theksoi se në takimin e djeshëm të Vjenës është diskutuar edhe relacioni i komunave me pikat kufitare dhe poashtu edhe roli i kryeshefave komunal të policisë dhe kompetencat e tyre.

Takimi i radhës rreth çështjes së decentralizimit, sipas Hoxhajt pritet të mbahet në fund të muajit gusht.