Statusi i ardhshem i Kosovës!

[Llapi]

Zgjidhja më e arsyeshme pranimi unilateral i shtetit të Kosovës

Agim Vuniqi, Farmington Hills

Realizimi i pavarësisë së plotë është opsioni i vetëm i mbijetesës, ngaqë çdo zvarritje dhe kushtëzim i sovranitetit të plotë është i barasvlershëm me dënimin me kusht dhe mohimin e të drejtës demokratike të qytetarëve për deklarim të lirë për të ardhmen e tyre, meqë nuk mund të ketë marrëveshje dhe pajtim në mes të palës që projektoi gjenocidin kundër shqiptarëve dhe palës që pësoi nga krimet monstruoze të regjimit të Beogradit.

Dimensioni i problemit është paksa më kompleks se që paramendohet meqë është pjesë e zvarrë e procesit të shpërbërjes të një krijese të vdekur "Jugosllavi" - jo Serbi, meqë edhe Serbia kishte burimin e shtetësisë në kushtetutën jugosllave, njëjtë si republikat dhe krahinat autonome, meqë Kosova kishte të drejtën e vetos që asaj i garantonte vetëvendosje (me pëlqimin e subjekteve tjera federale, por meqë u shkatërrua federalizmi jugosllav, Kosova luftoi ashtu si edhe republikat tjera dhe fitoi luftën për të realizuar të drejtën e njohjes ndërkombëtare ("international recognition") të SHBA-së dhe BE-së, në fillim, e më pas edhe pranimit në OKB.



Është viti i shtatë nën administrimin e UNMIK-ut, kur edhe filloi të hapet kutia e Pandorës, akulli siberian filloi të shkrihet nën rrezet e diellit që vijnë nga tejoqeani. Njeriu i tretë në diplomacinë amerikane z. Bërns kërkoi hapjen e bisedimeve rreth statusit të Kosovës dhe zhbërjen e vdekjes së heshtur atë të "status quo"-s. Edhe pse ishte prezent skepticizmi se shqiptarët përballen me presionin për bisedime me palën serbe të influencuar nga diplomacia ruse për të pranuar bisedimet e drejtpërdrejta mendohej se kjo nuk do të ndodhë-ashtu deklarohej Grupi Negociator, meqë formula ruse nënkupton ndërrimin e tezave atë të shfajësimit historik të palës serbe që shkatërroi dhe dogji Kosovën, ngaqë serbët ishin ata që i shpallën luftë bashkësisë ndërkombëtare dhe NATO-s.
Realizimi i pavarësisë së plotë është opsioni i vetëm i mbijetesës, ngaqë çdo zvarritje dhe kushtëzim i sovranitetit të plotë është i barasvlershëm me dënimin me kusht dhe mohimin e të drejtës demokratike të qytetarëve për deklarim të lirë për të ardhmen e tyre, ngaqë nuk mund të ketë marrëveshje dhe pajtim në mes të palës që projektoi gjenocidin kundër shqiptarëve dhe palës që pësoi nga krimet monstruoze të regjimit të Beogradit, që ende dërgon sinjale të freskëta mbi krimin në Kosovë duke dërguar për çdo ditë kufomat e paketuara. Asnjëherë nuk ka ndodhur në histori dhe në praktikën juridike që të abolohet krimi dhe të dënohet viktima, aq më larg të negociojnë ata drejtpërdrejt në mes vete, në këtë rast me çdo kusht duhet të dënohet pala që shkeli ligjet ndërkombëtare, duke shkaktuar katastrofën humanitare dhe dëbimin e dhunshëm të një milionë njerëzve nga prona dhe shtëpitë e tyre, me marrjen e të drejtës për negocime për statusin final të Kosovës. Edhe pse ndikimi i rusëve nuk do të jetë i vogël (ata vazhdimisht përkrahën politikën shfarosëse të Millosheviqit, jo vetëm diplomatët rus, por edhe kisha ortodokse ruse, me në krye kryepopin Aleksej) meqë vetoja ruso-kineze do të vështirësojë pavarësinë e plotë dhe do të vonojë procesin e pavarësimit. Por fakti i përshpejtimit të procesit të bisedimeve, që u iniciua nga diplomacia amerikane, është barrierë e pamposhtur për përpjekjen ruse që ka pretendim me çdo kusht të rikthehet në Ballkan, por edhe për t'i krijuar probleme diplomacisë amerikane dhe administratës së Bushit e cila është angazhuar si në planin e brendshëm dhe atë të jashtëm për të siguruar mjete të mjaftueshme financiare për rindërtimin e Irakut, por edhe krijimin e stabilitetit politik në mes të suni-ve dhe shiit-ve, që do të përmbushte përpjekjet amerikane për demokratizimin e plotë dhe rikthimin e sovranitetit të plotë kushtetues të Irakut.
Angazhimi i drejtë amerikanë kudo në botë me siguri duhet të kompletohet me pavarësimin e plotë të Kosovës, duke dhënë sinjale të qarta se nuk ka zgjidhje tjetër ne botë përveç ndërtimit të demokracisë në përmasa jo vetëm rajonale, por edhe globale, prandaj çdo përpjekje për vonesën e këtyre proceseve të filluara është vetëm "prashitje në ujë", kjo nënkupton edhe të drejtën e kosovarëve që vetë të vendosin për të ardhmen e tyre, që do të qetësonte Ballkanin nga ethet e luftës. Po që se procesi i bisedimeve do të pësojë fiasko, do të ishte i pamoralshëm insistimi që Kosova të monitorohet nga BE-ja, meqë kjo përveç shpenzimeve të mëdha do të krijonte probleme të mëdha edhe për shkak të dështimit të votimit të Kushtetutës evropiane nga francezët dhe holandezët dhe të interesave të ndryshme që janë vazhdimësi e lidhjeve të mëhershme historike. Prandaj ajo që fillojë me angazhimin amerikanë edhe duhet të përfundojë, ndoshta edhe me zgjidhjen më të arsyeshme pranimin unilateral të shtetit të Kosovës.
Përfundimisht kur NATO-ja intervenoi në Kosovë këtë e bëri me të njëjtën ambivalencë që edhe karakterizon veprimin e saj, "NATO-ja e cila në rastin e Kosovës është më afër protektoratit tradicional të qeverisjes se sa që influencoi ndonjë kualitet të ri. Forcat e NATO-s janë në Kosovë në bazë të mandatit të OKB-së i cili në efekt është kundër aspiratave të popullsisë lokale shqiptare. Shqiptarët nuk luftuan për autonomi, por për pavarësi dhe sigurisht jo të mbeten nën qeverisjen jugosllave", thotë Kissinger ("Does America need a foreign policy").
Kisingjeri saktësisht parashikoi se çka do të ndodhë pas Millosheviqit? "Jugosllavia demokratike e përkrahur nga Rusia do të kërkojë në OKB t'ju përmbahet rezolutës së Këshillit të Sigurimit që t'i mundësojë ushtrimin e të drejtave të banorëve të vet". Cili do të jetë qëllimi amë për kërkesat e kosovarëve për pavarësi të cilat janë të sigurta në përmbajtje. "Do të jetë ironike për SHBA që kanë luftuar në emër të autonomisë së kosovarëve, por tash të rezistojë, por edhe të luftojë qëllimet që të arrihet pavarësia e kosovarëve", saktëson ai.
Kjo e drejte rezulton edhe nga e drejta e qytetarëve të Kosovës për të jetuar të lirë, të sigurt dhe të jenë pjesë e prosperitetit të gjithë qytetarëve evropianë. Lufta në Kosovë dhe angazhimi i Aleancës veri-atlantike kishte mu këtë qëllim, prandaj çdo përpjekje për devalvimin e këtyre vlerave do te thotë dështim i plotë i angazhimeve të Unionit Evropian dhe të vetë Këshillit të Sigurimit, meqë kërkesa kinse për implementimin e plotë të rezolutës 1244 pas shtatë vite paqeje paraqet në mënyrë të rëndësishme përpjekjen për ndërrimin e kursit politiko-diplomatik në raport me Kosovën, edhe pse këtë të drejtë-të drejtën e zbatimit të plotë e kishte misioni i UNMIK-ut, duke rikujtuar faktin se Bashkimi Evropian, Komisioni Evropian si dhe Banka Botërore ishin përgjegjëse për rindërtimin e ekonomisë së shkatërruar kosovare, dhe atë gjithnjë në pajtueshmëri me Rezolutën 1244 që ka mbështetje juridike në kapitullin VII të Kartës së OKB-së, kapitull ky që parashikonte një aksion vendosës dhe imponues.
Dimensioni i problemit është paksa më kompleks se që paramendohet meqë është pjesë e zvarrë e procesit të shpërbërjes të një krijese të vdekur "Jugosllavi" - jo Serbi, meqë edhe Serbia kishte burimin e shtetësisë në kushtetutën jugosllave, njëjtë si republikat dhe krahinat autonome, meqë Kosova kishte të drejtën e vetos, që asaj i garantonte vendosje dhe qeverisje të barabartë me subjektet tjera federale. Nuk mundet assesi të mohohet ky fakt shumë i rëndësishëm në raportet Kosovë-Federatë, prandaj edhe gjatë fazës së bisedimeve nuk mund të nëpërkëmbet institucioni-veto që kishte Kosova dhe qytetarët e saj, si gjatë fazës së para shpërbërjes së dhunshme, por edhe pas saj. Serbia me luftë shkatërroi burimin e shtetësisë së saj, Jugosllavinë, ashtu siç humbi sovranitetin dekorativ të saj mbi Kosovën me luftë, prandaj Serbia gjithsesi duhet të dënohet për shkatërrimin e Jugosllavisë (ish-anëtare fuqiplote e OKB-së) që me luftë të përgjakshme pretendonte që ish-Jugosllavinë ta bëjë Serbi të madhe, përmes instrumentalizimit të ushtrisë jugosllave, meqë Serbia humbi luftën. Nuk ka pajtueshmëri që Kosova të jetë pjesë e Serbisë, meqë për këtë asnjëherë nuk ka dhënë pëlqimin, por është subjekt i pavarur që i duhet vetëm njohja ndërkombëtare. Meqë Rezoluta 1244 i referohet nocionit Jugosllavi e jo Serbi, është vetëm shprehje e raporteve të përkohshme dhe koncesioneve që i bëheshin Rusisë në Këshillin e Sigurimit, pa pëlqimin e Kosovës, vetëm për të ndalë makinerinë fashiste ushtarake të Millosheviqit. Prandaj çdo shtyrje e zgjidhjes së plotë të problemit të Kosovës dhe pavarësimit të saj të plotë, duke pritur aderimin e plotë të Serbisë në Bashkësinë Evropiane, do të thotë stagnim në të gjitha fushat dhe pengim i zhvillimit ekonomik të Kosovës por edhe i vet Serbisë, por edhe rajonit, që sigurisht më vonë do të kërcënonte rajonin edhe nga shpërthimet sociale që do të kushtonin shumë më shtrenjtë për BE-në.
Bisedimet eventuale dypalëshe do të duhej të ishin vetëm një test për të testuar vendosmërinë politike të shqiptarëve për shtetësi, prandaj edhe pranimi i palës shqiptare për bisedime duhet vetëm të përmbushë të drejtën e pakontestueshme të tyre për deklarim të lirë, që u shkelë me luftë, por që forcat vetëmbrojtëse të UÇK-së përligjën të drejtën institucionale të mbrojtjes së territorit, te jetëve të civilëve dhe të pasurisë tokësore e nëntokësore dhe fituan luftën në tokë, të ndihmuara nga Aleanca Veri-atlantike nga ajri, duke krijuar një realitet të ri, të demokratizimit të shoqërisë qytetare dhe mbajtjes së zgjedhjeve nacionale dy here dhe atyre lokale, duke krijuar paradispozitat reale të jetësimit të pavarësisë së Kosovës dhe pranimit të saj ndërkombëtar.

[Llapi]

Pala Kosovare ndan detyrat


Presidenti i Kosovës, Fatmir Sejdiu, do të flas për pasqyrën e përgjithshme të situatës dhe do të paraqese qëndrimin e Kosovës për sa i përket statusit.

Kryeparlamentari Kolë Berisha do të flase për jetën parlamentare në Kosovë,

ndërsa kryeministri Agim Çeku për Qeverinë- qeverisjen dhe përmbushjen e standardeve.

Kryetari i PDK-s, Hashim Thaçi do të flase për vizionin kosovar të bashkëpunimin rajonal të Kosovës,

ndërsa kryetari i Partisë Reformiste ORA, Veton Surroi, do të flas për komunitete në Kosovë.

[Llapi]

ncncnc hehhe more budall more budall lumi ti qe ske mend as nuk te dhemb koka as nuk ke probleme per ty krejt eshte bardhe e zi oooo ti nuk merr vesh ne keto ujera jo se budall je ti ku e din ti qfare eshte politika . mjer vendi qe ka njerez sikur ti po a po mendon qe ata te "tute" nuk do te takoheshin me slloben a po te ishin nen presion ncncncncc .ski faj ti jo po truni yt ka heheeh .mjer ne mjer po tash po filloj ta kuptoj ate artistin shqiptar qe tha se kosovaret jane injorante dhe primitive ncncnc. Dil te lutem nga forumi mos i jep nje hije te keqe te tere kosovareve ne kete forum ku seriozisht ka disa koka te ndritura .


Mekat qe talenti nuk eshte semundje ngjitese, sepse kesisoj nuk do te kishim kaq shume budallenj neper kembe.

Rugova ne Itali

E shtrëngoi për dore, e falënderoi dhe i tha:” Unë mendoj se Italia është vend i bukur për ty.”
-Rugova buzëqeshi i lumtur. Hapat e tij mezi dëgjoheshin nëpër korridorin e pallatit presedencial jugosllav.
Makina e blinduar priste pranë. Pas një dreke të rreshkët, shlivovicës dhe gazmoreve që treguan Rugova dhe Millosheviçi, presidenti ynë ndjehej ca i çlodhur dhe i pabrenga. Në dalje të pallatit një gjeneral foli: “ Hallo Prishtina, Prishtina...a më dëgjon?”
- “Siurdhëroni zoti gjeneral-u “,dëgjua zëri. “Urdhër nga kryekomandanti i forcave të armatosura të APJ-s , respektivisht kryetarit të shtetit: Rugova u nis, masat e sigurisë numër 1. Nuk guxon Rugovës t´i mungojë as një qime floku. As familjes së tij. Urdhër i prerë. Segret shtetror numër 1. Interes shteteror numer 1.
Makina e presidentit Rugova u tret me shpejtësi.
-Nuk do të vrasim asnjë të LDK- s pyeti zëri. Po. Po.Do të vrasim të tjerë, shtoi gjenerali nga shkallet e pallatit.
Presidenti Rugova herë pas here vështronte nga xhami. Dielli pëcëllues ndjehej si saç mbi Kosovë.
Bombat dhe rafalet nuk pushonin. Presidenti ynë kalonte NËN atë breshëri si një profet që në Bibël e çante detin në dy pjesë. Perëndia e mbronte. Majtas dhe djathtas shtëpi të rrënuara, tym, zjarr, njerëz pa kokë, gjymtyrë fëmijësh dhe aty këtu ndonjë qen e ndonjë lopë e braktisur. -” Shiko ç´ka na bën terrorristat”-pëshpëriti presidenti. Ushtarët, paramilitarë dhe policët salutonin presidentin tonë. “Jam president i një vendi pa popull”, tha ai, gjersa me dorën e djatht përshëndeste ushtarët.
Në aeroport po ajo rrëmujë; ushtarë, policë, paramilitarë përcillnin presidentin tonë për Itali. Ai u ndal në shkallë, u buzqeshi ëmbël dhe u përkul deri në gjunj duke i falenderuar me dorën në zemër.Avioni u ngrit me hov.
-”Ç´janë këto kampe atje poshtë”-pyet presidenti këshilltarin e tij.
-”Kosovarët PO BËJNË PIKNIK”,tha ai.
-”Maqedonia nuk ka det, apo jo ,-pyeti presidenti. Pse nuk shkojnë në Itali, apo Greqi?
-Mendoj, se është më afër Maqedonia, ia ktheu këshilltari.Kushton më pak. Kur stjuardesa erdhi për t´i mbledhur ushqimet e mbetura, presidenti tha:”Shih, shih, shiko poshtë, përsëri tenda, " kush janë
ata?"
-”Kukësi Zotni President.
-”Po janë çmend këta komunistat e Shipnisë, pse në Kukës bëjnë pushime e jo ne det?”
-Jo. Zotni president, kosovarët bëjnë piknik edhe në Shqipni.
-”Hi, hi, hi,- u qesh Rugova- u realizua ideja ime për Kosovën e haptë nga Shipnija dhe Serbija. Më
vjen mirë që populli dhe presidenti i kalojnë pushimet në muajin e njejtë.”
-”Do t´ishte mirë t´i bënim popullit një vizitë atje poshtë”, e ndërpreu këshilltari.
-Nuk e sheh sa tenda janë, atje mund të infektohem, të marrë një sëmundje, unë nuk mund të futem
në mes të atij populli uhmm.”Mlodhi buzët presidenti në shenjë neverie. Në at çast telefoni cingërroi:
-”Po Millosh...po jam mirë...jo ...mos u brengos...natyrisht...nuk qeshem në Romë më shumë se në
Beligrad...jo..jo...unë nuk e harroj kurrë se nuk më ke burgos...edhe zgjedhjet që i lejove...po....në…"
Drenicë, po de...kur luftohej...po ...siurdhero.....”
-”Ti je kryetar i zgjedhur, kupton.” Ky zë ishte i lartë dhe u dëgjua jasht telefonit.
”Po Zotni Millosheviç, mos u mërzit, ashtu si jemi marrë vesh, shtoi presidenti ynë.
Avioni zvarritej mbi qiellin e Italisë. “Kur të pranohet Kosova në NATO do të kërkojmë edhe pjesën shqiptare në Maqedoni, edhe në Mal të Zi, edhe në Kosovën Lindore. Por në mënyrë paqësore, më
kupton. ”(Në mënyrë paqësore mund ta kërkojsh edhe Italinë.Dëshira nuk është e ndaluar me as një ligj ndërkombtar”). Kupton?-vazhdoi presidenti. Por për ta realizuar në fakt, në fakt, në fakt nuk bën asgjë. Si tani. Më kupton? Kështu hidhet populli në gjum. Ne jetojmë mirë; shpijën pallat, rrogën e mirë, më shumë në ballan se në tokë, çka dojmë na ma shumë ,hi hi hi. A e pe edhe Milloshi asht i kenaqun me politiken teme. E Ukshin Hoti ku asht a ...ha ha ha?-Populli na beson, pah, po popull t´mirë kena, shumë i dashtun hi hi hi ...ky populli jem uhmmm , do ta kisha puth ne façe!
-”E Thaçin” e ndërpreu këshilltari. Mos ma përmend at njeri, se sum ze xhumi, ia ktheu Rugova nervoz. Ca minuta më vonë avioni aterroi në aeroportin e Romës. Këtë rrugë e kishte bërë edhe Pirro edhe Gjergji për ta ndihmuar Alfonsin e V. Por ai besonte se liria fitohet ndryshe dhe nuk duronte që populli t´i dërgohej në PIKNIK. Edhe Papa Klementi edhe Luigji, edhe Noli edhe De Rada kishte jetuar aty , apo kishin kaluar, por, të gjithë me detyra tjera nga presidenti.
Ca minuta më vonë predsidenti i hoqi pantallonat dhe u zhyt në deti. Breket e tij ishin me lule te vockela, lulqeni, te sarita me ato qe behet çaji. Me keso lule shpesh grate benin dimija.
Kerceu ne det si një peshk, o Zot sa bukur notonte! Serbia duartrokiti. Te gjitha programet televizive tregonin scena nga notimi i shkelqyeshem i tij! O Zot, si Peshkaqen! Shalli i tij i terhiqes pas shpine deri sa ai notone i pabrenga!
Kosova u gëzua që presidenti freskohej dhe bronzohej në Italinë mike. Shqiptaret brohoriten. Dielli po perëndonte ngadal dhe rëndë. Bënte vapë e madhe edhe në muzg. Kosova digjej flakë, me fëmijë,gra, vasha, djem, pleq e plaka! Me shtëpi e kafshë .Me rrasht e asht. Kosova përjetonte skëterrën për së gjalli.
Në Paris, në Paris Kadare fshinte lotët, kurse bashkshortja e ngrysur dhe duke dënesur ndezi një qiri për Kosovën në një katedralë.Qosja po qante me zë. Kumte të reja vinin nga malet e UÇK-s.
Vajzat e reja lidhnin plagët e ushtarëve. Një vashë tjetër 16 vjeçare fshinte lotët duke mbajtur koken e një ushtari ne gjoksin e saj. Ai sapo kishte vdekur. Shqiptari po ribëhej, po ringritej në këmbë.O Zot, ç´zezonë! Ç feniks?! Një komb rikrijohej nga pluhuri i vetë!
Rugova doli nga uji dhe lëpinte një akullore italiane. Sot kishte marre nje straçatella, i pëlqenin shumë copërat e çokolatës që e befasonin në gojën e tij presedenciale dhe tha: “ pah po bregdet i bukur, do t´ishte mire ta kerkojme edhe Italine ne menyre paqesore. Sa bukur.
Deri sa po perlahej me Bukoshin për para u afrua një plakë italiane dhe e pështyu mu në akullore. O Zot kurrë në jetë nuk jam pezmatuar aq shume ndaj plakave italiane si ndaj asaj zonje. Per kete protestova ashper në UNO, në NATO dhe prane Qeverise Italiane dhe kerkova qe plaka të ekzekutohej. Presidenti italian i dergoi Kryeministrit tone 20.000 lireta, si demshperblim dhe u pajtuan. Por unë jo! Që nga ajo dite nuk mund t´i shoh plakat me sy! Ja bërë Antiplakë i rrezikshem dhe tash çdo ditë në mure shkruaj:" Poshtë plakat me rrudha", "Rroftë straçatella".
i huazuar nga antari i keti forumi Shën Albani

http://www.forumishqiptar.com/showth...ht=Ukshin+Hoti

[Llapi]

Sejdiu tha në Vjenë se pavarësia e Kosovës është alfa dhe omega, fillimi dhe mbarimi i qëndrimit tonë

presidenti_sejdiu Kështu ka deklaruar sot /e hënë/ në takimin e nivelit të lartë midis përfaqësuesve të Kosovës dhe atyre të Serbisë, i cili po mbahet në Vjenë nën ndërmjetësimin e të dërguarit të posaçëm për statusin, Marti Ahtisari, ku po marrin pjesë edhe kancelari austriak Volfgang Shysel, ministrja Ursula plasnik, përfaqësues të vendeve të Grupit të Kontaktit dhe personalitete të njohura botërore. Pasi që iu ka shprehur mirënjohje për punën e madhe që keni bërë në Kosovë gjatë gjithë këtyre viteve e sidomos gjatë vitit të fundit. Duke theksuar fuqishëm vendosmërinë për gjetjen e zgjidhjeve më të mira për secilën çështje që lidhet me pakon përcjellëse të pavarësimit të vendit tonë, presidenti Sejdiu ka theksuar se të gjitha qëndrimet e paraqitura deri tash mbështeten në këmbënguljen tonë për të ndërtuar një Kosovë të pavarur, sovrane dhe demokratike për të gjithë qytetarët e saj. Ky vullnet është verifikuar sa e sa herë përmes instrumenteve demokratike siç është Referendumi i vitit 1991, zgjedhjet parlamentare dhe presidenciale të viteve 1992 dhe 1998, Lufta Çlirimtare për liri dhe pavarësi, por edhe e gjithë praktika demokratike e ndërtimit të institucioneve të Kosovës të dala nga vota e lirë e qytetarëve pas luftës dhe të vlerësuara në shkallën më të lartë nga faktori ndërkombëtar.

Prandaj, pavarësia është alfa dhe omega, fillimi dhe mbarimi i qëndrimit tonë.


Lexo fjalën e plotë të presidentit Sejdiu


FJALA E PRESIDENTIT TË KOSOVËS FATMIR SEJDIU NË
TAKIMIN E VJENËS, 24 KORRIK 2006

I nderuari President Ahtisari,
Të nderuar përfaqësues të Grupit të Kontaktit,
Të nderuar përfaqësues të bashkësisë ndërkombëtare në Kosovë,
Zonja dhe zotërinj,


Më lejoni që në emër të popullit të Kosovës, të institucioneve demokratike dhe të Ekipit të Unitetit, t'ju shpreh mirënjohjen time për punën e madhe që keni bërë në Kosovë gjatë gjithë këtyre viteve e sidomos gjatë vitit të fundit, që për ne shënon rrumbullakimin e procesit për pavarësimin e Kosovës.

Një mirënjohje të veçantë dua t'i shpreh Këshillit të Sigurimit të OKB-së, Grupit të Kontaktit, dhe Juve, President Ahtisari dhe ekipit tuaj, për angazhimin e fuqishëm për të përmbyllur këtë proces që është në interes të veçantë të popullit të Kosovës, të shumicës dhe të pakicave, si dhe në interes të përgjithshëm të paqes dhe të stabilitetit në Kosovë dhe në rajon.

I nderuari President Ahtisari,

E kemi theksuar dhe e themi prapë se për popullin tonë nuk ka proces më të rëndësishëm se procesi që ka për qëllim përcaktimin e statusit përfundimtar të Kosovës. Përkushtimi ynë i përhershëm ka qenë dhe mbetet që ky proces të jetë i hapur, transparent dhe paqësor. Siç e dini, ne jemi duke punuar ngushtë me Ju dhe ekipin Tuaj për ta realizuar këtë qëllim. Gjatë gjithë raundeve të bisedimeve të deritashme në Vjenë kemi ofruar dokumente të hollësishme për pozicionin e Kosovës rreth një varg çështjesh teknike: reformimin e pushtetit lokal apo decentralizimin, trashëgiminë kulturore e religjioze, çështjet ekonomike, etj.

Ekipet që kanë përfaqësuar Kosovën në raundet e deritashme të bisedimeve kanë qenë të mandatuara plotësisht nga Ekipi i Unitetit (Delegacioni i Kosovës për status) që të hulumtojnë dhe gjejnë zgjidhjet më të mira për këto çështje dhe, si të tilla, kanë shprehur plotësisht qëndrimet e Ekipit të Unitetit.

E theksojmë fuqishëm se ne jemi të vendosur të gjejmë zgjidhjet më të mira për secilën çështje që lidhet me pakon përcjellëse të pavarësimit të vendit tonë. Por, unë dua të theksoj para jush se ne në Kosovë dhe në rajon presim që procesi të përfundojë para fundit të këtij viti me pavarësimin e vendit tonë.

Kosova, pas luftës, ka kaluar nëpër shtatë vite të paqartësisë së statusit. Kjo paqartësi ka penguar zhvillimin ekonomik dhe ka ushqyer tensionet politike. Zvarritja e mëtejme e rrumbullakimit të statusit të Kosovës nuk është në interes të askujt në Kosovë, të askujt në rajon, dhe besojmë fuqimisht se kjo paqartësi dhe zvarritje është po ashtu në dëm të paqes dhe të stabilitetit të përgjithshëm në Evropën Juglindore. Prandaj, procesi që tashmë njihet si
proces i Vjenës duhet t'i kontribuojë përcaktimit të statusit të Kosovës shpejt dhe përfundimisht.

Është vullnet i pathyeshëm i shumicës dërmuese të popullit të Kosovës që Kosova të bëhet shtet i pavarur dhe sovran. Ky është vullneti i shumicës së popullit të Kosovës qe një kohë të gjatë, madje shumë kohë para represionit dhe gjenocidit të viteve të Millosheviqit.

Krahas përkujtimit të vazhdueshëm, këto ditë na janë përkujtuar sërish krimet e regjimit serb gjatë viteve 90, me fillimin e gjykimit në Tribunalin Penal Ndërkombëtar për ish-Jugosllavi në Hagë të gjashtë ministrave dhe gjeneralëve të Millosheviqit, duke përfshirë ish-Presidentin e Serbisë, për krime që përfshijnë deportimin e dhunshëm të mbi 800 mijë shqiptarëve të Kosovës - të gati gjysmës së popullsisë së vendit tonë -- dhe të masakrës së mbi 100 burrave dhe djemve gjatë një nate në një fshat në Kosovën jugore, në Krushë të Vogël. Këto janë vetëm disa nga krimet e tmerrshme të kryera me paramendim ndaj një populli të tërë me dekada nga regjimet serbe.

Një jetë e tërë njeriu nuk mjafton të shërohen plagët që një popull i tërë ka marrë nga krime të tilla, lëre më pak vite. Fotografitë e të zhdukurve nga lufta ende qëndrojnë varur në rrethojën e ndërtesave qeveritare në Prishtinë. Familjet tona mbajnë zi për çdo ditë, mirëpo përkundër gjithë kësaj dhimbjeje, ne e dimë se kjo është e kaluara, ndërsa ne duhet të shikojmë kah e ardhmja. Nuk mund ta harrojmë të kaluarën, por jemi të përcaktuar që të shkojmë kah e ardhmja.

Përkundër kësaj historie, dëshira mbizotëruese e popullit të Kosovës është të ndërtohet një shoqëri multietnike me të drejta të barabarta për të gjitha komunitetet. Kjo ambicie formëson qëndrimet tona në procesin për përcaktim të statusit final dhe në punën e institucioneve të pushtetit në Kosovë. Dëshira për të zhvilluar institucionet tona demokratike, për të
hartuar ligje dhe për të vendosur norma që ndërtojnë, mbrojnë dhe mbajnë një shoqëri multietnike është në qendër të punës së institucioneve të Kosovës për të bërë përparime në ato që quhen Standarde për Kosovën.

Institucionet dhe populli i Kosovës janë fuqimisht të përcaktuar që në Kosovë të instalohet shteti i së drejtës me një korpus ligjor të avancuar për mbrojtjen e pakicave dhe përfaqësimin e tyre në institucionet e Kosovës. Po kështu, qeverisja efektive, një ekonomi e qëndrueshme tregu dhe funksionale janë qëllime dhe prioritete të Qeverisë dhe të institucioneve të Kosovës sot dhe nesër.

I nderuari President Ahtisari,

Të gjitha qëndrimet e paraqitura deri tash mbështeten në këmbënguljen tonë për të ndërtuar një Kosovë të pavarur, sovrane dhe demokratike për të gjithë qytetarët e saj. Kjo këmbëngulje buron nga vullneti i përgjithshëm politik i popullit të Kosovës, nga e drejta e tij e natyrshme për vetëvendosje. Ky vullnet është verifikuar sa e sa herë përmes instrumenteve demokratike siç është Referendumi i vitit 1991, zgjedhjet parlamentare dhe presidenciale të viteve 1992 dhe 1998, Lufta Çlirimtare për liri dhe pavarësi, por edhe e gjithë praktika demokratike e ndërtimit të institucioneve të Kosovës të dala nga vota e lirë e qytetarëve pas luftës dhe të vlerësuara në shkallën më të lartë nga faktori ndërkombëtar.

Prandaj, pavarësia është alfa dhe omega, fillimi dhe mbarimi i qëndrimit tonë.

Në një shoqëri multietnike, qeveria duhet t'i përfaqësojë drejt e ndershmërisht të gjitha komunitetet. Në Kuvend dhe në Qeverinë e Kosovës janë rezervuar ulëse për komunitetet joshqiptare të Kosovës. Pakicat e tjera, me përjashtim të serbëve kanë zënë vendet e tyre në Kuvend dhe në Qeveri. E themi me keqardhje të thellë se një pjesë e përfaqësuesve serbë ende nuk i kanë zënë vendet e veta dhe refuzojnë të marrin pjesë në detyrën tonë të
përbashkët të qeverisjes. E di nga bisedat që kam me këta përfaqësues se kjo shpeshherë nuk është zgjedhja e tyre, por rezultat i presioneve nga Beogradi, i cili dëshiron ta delegjitimojë Qeverinë e Kosovës. Siç bëri Përfaqësuesi Special i OKB-së në raportin e tij të fundit para Këshillit të Sigurimit, i bëj thirrje Beogradit t'i japë fund këtij bojkoti dhe t’iu mundësojë serbëve të Kosovës të zënë vendet që u takojnë në Qeverinë tonë. Ata janë të mirëseardhur aty dhe do të jenë të mirëseardhur gjithherë. Dhe ndonëse mungesa e tyre aktualisht pengon punën tonë për të ndërtuar institucione të përbashkëta, ajo nuk e ndal këtë punë.


Kemi përgatitur plane gjithëpërfshirëse dhe të hollësishme për komuna të reja dhe qeverisje lokale në Kosovë. Siç ka vendosur tashmë Grupi i Kontaktit, nuk mund të krijohen entitete të ndara etnike në Kosovë.

Ne jemi të përkushtuar që të zhvillojmë një proces përmbajtësor të reformimit të pushtetit lokal, por në të njëjtën kohë jemi të vendosur që të ruajmë karakterin unitar të Kosovës dhe integritetin territorial të saj ; e gjithë kjo në pajtim të plotë dhe në frymën e parimeve udhëheqëse të përcaktuara nga Grupi i Kontaktit. Kosova, sikur edhe tani, do të ketë një qeveri për të gjithë qytetarët e saj, ndërkohë që vendimmarrja për shumë çështje që kanë të bëjnë me komunat do të bartet në nivelin lokal përmes kësaj reforme të kujdesshme që po bëjmë.

I kemi diskutuar këto plane në hollësi me UNOSEK-un dhe Serbinë dhe këto biseda po vazhdojnë. Mbesim me shpresë se do të japin rezultatet e tyre. Ka një përparim në bisedat për mënyrën se si mund ta mbrojmë më së miri trashëgiminë kulturore të komuniteteve të Kosovës duke përfshirë kishat, manastiret dhe vendet e tjera me rëndësi religjioze dhe kulturore. Nga ana e Kosovës, përkushtimi ynë është i qartë si kristali : ne do ta mbrojmë dhe ruajmë gjithë trashëgiminë kulturore të Kosovës, duke i kushtuar po kështu vëmendje të veçantë trashëgimisë së komuniteteve joshqiptare, d.m.th. minoritare, të Kosovës. Kjo është trashëgimi e përbashkët e gjithë popullit të Kosovës, dhe prandaj është detyra jonë ndaj gjithë qytetarëve tanë ta mbrojmë dhe ruajmë këtë trashëgimi. Në veçanti do të ruhen të drejtat e kishës ortodokse serbe, të përfaqësuesve dhe pjesëtarëve të saj, ndërsa manastiret dhe kishat do të mbrohen në përputhje me normat relevante ndërkombëtare, duke përfshirë Deklaratën Universale dhe shumë instrumente të tjera të OKB-së dhe Këshillit të Evropës.

Sa u përket çështjeve ekonomike, Kosova ka prezantuar një qëndrim të qartë, i cili konsiston në gatishmërinë tonë për të marrë të gjitha obligimet e arsyeshme që dalin për të në një proces normal suksesioni, si dhe për mbrojtje të plotë të të drejtave pronësore të të gjithë qytetarëve tanë.

Zonja dhe zotërinj,

Janë dy realitete të pakontestueshme të Kosovës së sotme që duhet të njihen. Së pari, që nga tmerri dhe vuajtjet e mëdha që ka përjetuar populli i Kosovës sidomos që nga viti 1989 dhe përfundimisht më 1999, Kosova është qeverisur ndaras nga Serbia. Ora e historisë nuk mund të kthehet mbrapa. Realiteti i dytë - po aq i pakontestueshëm - është dëshira e qartë dhe mbizotëruese e shumicës dërmuese të popullit të Kosovës që Kosova më në fund të njihet si shtet i pavarur dhe sovran. Ky vullnet nuk mund të injorohet apo të zhbëhet me biseda. Ka vetëm një rrugë drejt stabilitetit që e synojmë të gjithë: një vendim të qartë dhe të vendosur për ta bërë Kosovën më në fund shtet të pavarur.

Dua t'ju siguroj edhe njëherë se shteti i Kosovës do të ofrojë gamën më të gjerë të mundshme të mbrojtjes, si kushtetuese ashtu edhe praktike, për të siguruar sundim të ligjit dhe mbrojtje të të drejtave të të gjitha komuniteteve pakicë: serbëve, turqve, romëve, ashkalive, boshnjakëve. Kosova do të jetë një shtet në paqe me veten dhe me fqinjët e parë dhe me rajonin në përgjithësi.

Ne nuk kemi pretendime apo lakmi për territore të të tjerëve, por as nuk do të tolerojmë pretendimet ndaj territorit tonë. Ne pranojmë plotësisht kushtet që ka vënë Grupi i Kontaktit për procesin për statusin përfundimtar, se mu ashtu sikurse nuk mund të ketë ndarje të Kosovës, nuk mund të ketë ndryshim në kufijtë dhe territorin ekzistues. Në të vërtetë, sapo të njihemi shtet i pavarur, duam që të mbërrijmë marrëveshje të shpejta për t'i hapur kufijtë tanë - dhe tregtinë tonë - me fqinjët tanë, duke përfshirë në këtë kuadër edhe me Serbinë. Ne duam të bashkëpunojmë plotësisht dhe hapur në të gjitha fushat me fqinjët tanë dhe me rajonin, dukë përfshirë edhe përmes mekanizmave ekzistues të Paktit të Stabilitetit dhe procesit të bashkëpunimit të Evropës Juglindore. Bashkëpunimi i plotë rajonal bëhet i mundshëm vetëm kur të jetë zgjidhur çështja e Kosovës, çështja e vetme ende e pazgjidhur në Evropën Juglindore.

Pa marrë parasysh divergjencat që kemi sot, është e qartë se populli i Evropës Juglindore - le ta përdorim këtë emër për të ardhmen e jo 'Ballkani', që ka gjithë ato konotacione negative nga e kaluara - ka një aspiratë të përbashkët për të ardhmen. I pyetni të rinjtë e Beogradit, të Shkupit, të Prishtinës apo të Podgoricës dhe Tiranës, dhe ju, besoj, do të dëgjoni
të njëjtën përgjigje: Evropë.

Popujt tanë duan të udhëtojnë lirshëm, të punojnë me zotësitë e tyre më të mira, dhe të gëzojnë liritë dhe mundësitë që i gëzojnë ata që tashmë janë pjesë e Unionit Evropian. Ne mëtojmë të jemi pjesë e vlerave demokratike dhe normave ligjore që mishëron Unioni Evropian, dhe jemi të përkushtuar që të bëjmë punë praktike për t'i inkorporuar ato në ligjet dhe institucionet tona. Ne e dimë se ky është një udhëtim i gjatë dhe i vështirë që kërkon punë të madhe, por ne jemi të përkushtuar të shkojmë kësaj rruge: sepse nuk ka tjetër. Këtë ambicie duhet ta kenë të gjithë fqinjët tanë. U them të gjithë fqinjëve, pra edhe Serbisë : le të shkojmë përpara rrugës së integrimeve euro-atlantike.

Ky është shansi për të ardhmen e Kosovës dhe të rajonit tonë përgjithësisht. Ky shans mund të realizohet vetëm me shtetin e pavarur të Kosovës.

Z. President,
Zonja dhe zotërinj,

Duke çmuar lartë përkushtimin dhe punën tuaj për të vendosur paqen dhe stabilitetin e përhershëm në Kosovë, ju sigurojmë se pavarësimi i Kosovës dhe bërja e saj shtet modern e demokratik do të thotë në të njëjtën kohë paqe dhe stabilitet afatgjatë në të gjithë rajonin. Bashkëpunimi më fqinjët e parë dhe vendet e rajonit janë prioritete të institucioneve dhe popullit të Kosovës. Bashkëpunimi në shkallë rajoni në fusha të ndryshme të interesit të përbashkët në Kosovë shihet si pjesë e një procesi të gjithanshëm të integrimit të vendit tonë në strukturat e Bashkimit Evropian dhe NATO-s, që janë ndër objektivat kryesorë të Kosovës.

Ju bëj me dije se kushtetuta e shtetit të Kosovës, parimet e së cilës janë hartuar, do të reflektojë përvojat më pozitive dhe vlerat universale të aplikuara në demokracitë perëndimore.

Kosova edhe pas pavarësimit të plotë të saj mirëpret një prani të lehtë civile ndërkombëtare. Për më tepër institucionet tona janë duke punuar në konceptimin e kësaj pranie e cila në Kosovë shihet si një ndihmesë e rëndësishme në kuadër të përgatitjes së vendit tonë për integrim në BE. Po ashtu, ne mirëpresim vazhdimin e pranisë së NATO-s në Kosovë dhe deklarojmë përkushtimin tonë të fuqishëm për një bashkëpunim të ngushtë me strukturat e tjera evropiane e botërore në sektorin e sigurisë.

I nderuari President Ahtisari,
Të nderuar zonja dhe zotërinj,

Populli dhe institucionet e Kosovës janë të palëkundur në vizionin për një Kosovë evropiane në miqësi të përhershme me Shtetet e Bashkuara të Amerikës. Në Kosovë historia jonë është e dhimbshme, e përgjakshme.

Ne nuk mund ta harrojmë këtë histori, por po ashtu jemi të vendosur që të mos mposhtemi prej saj. Vizioni ynë për një shtet të pavarur dhe shoqëri multietnike, është vizion i përbashkët i institucioneve demokratike të Kosovës dhe i popullit tonë.


Ju faleminderit !


Postuar më: sb blue sky & radio kosova staff me Jul 24, 06 | 12:05 pm

[Llapi]

Fjala e kryetarit të PDK-së dhe anëtarit të Ekipit Negociator të Kosovës, z.Hashim Thaçi në takimin e Vjenës

-Kosova do të jetë shtet që bashkëpunon me të gjithë fqinjët me respektim të sovranitetit dhe integritetit territorial të njëri-tjetrit, anëtar i Kombeve të Bashkuara, anëtar i ardhshëm i Bashkimit Europian, anëtar i ardhshëm i NATO-s.
-Shtet me kufij ekzistues në përputhje me parimet bazë të së drejtës ndërkombëtare; me garanci të sigurisë nga NATO, përfshirë ngritjen dhe zhvillimin e forcës mbrojtëse të Kosovës të integruar në NATO; pjesë e përpjekjeve ndërkombëtare kundër terrorizmit, krimit të organizuar dhe trafikimit.




Hashim Thaçi
Kryetar i PDK-së dhe anëtar i Ekipit Negociator të Kosovës

Vjenë, 24 korrik 2006

FJALA NË TAKIMIN E VJENËS

I nderuari Kancelar Schuessel,

I nderuar President Ahtisari,

Zonja dhe zotërinj,

Fillimisht dëshiroj ta falënderoj qeverinë austriake për mikpritjen. I shpreh mirënjohje Presidentit Ahtisari, Ambasadorit Rohan dhe ekipit të tyre - për përkushtimin e treguar gjatë procesit të statusit. Falënderoj Grupin e Kontaktit për mbështetjen e vazhdueshme - për të siguruar të ardhme më të mirë për të gjithë qytetarët e Kosovës.

Shtatë vjet më parë, qytetarët e Kosovës përjetuan dhe po e jetojnë për herë të parë lirinë.
Atë që nuk e kishim arritur për një shekull, e jetësuam në këto shtatë vite.

Sot, jemi mbledhur që të flasim për paqe dhe të ardhmen tonë të përbashkët euroatlantike.
Ne si gjeneratë e kemi përgjegjësinë të ndërtojmë paqen për brezat e ardhshëm.

Paqja nuk mund të jetë vetëm mungesë e luftës, por ngadhënjim i drejtësisë. Kemi dëshmuar se jemi për zgjidhje politike dhe civilizuese.

Populli i Kosovës u detyrua të bëjë luftë të armatosur, për ta fituar lirinë. Gjatë luftës, dëshmuam para botës demokratike se jemi për zgjidhje politike. Në fund, aleanca ushtarake e shteteve më demokratike në botë, NATO, u detyrua të ndërhyjë, për ta ndihmuar popullin e Kosovës.

Sot, Kosova është e lirë, ka ndërtuar institucionet e veta demokratike, paqen dhe mirëkuptimin qytetar në mes të gjitha etniteteve dhe religjioneve.

Kosova pret që shumë shpejt me identitetin e vet të ndërtuar sovran, politik dhe ekonomik, zyrtarizimin e pavarësisë, realitet me të cilin e jeton që nga qershori i vitit 1999.

Sot, kemi ardhur të bisedojmë jo për të kaluarën, por të prezantojmë vizionin për të ardhmen, jo konfrontues, por mirëkuptues të dy vendeve tona sovrane, dy vendeve tona që fatkeqësisht për shkak të së kaluarës represive, sot përballen me sfidat e varfërisë dhe të prapambetjes.

Para nesh gjendet momenti për ndërtuar paqen dhe të ardhmen e sigurt për gjeneratat e tashme dhe ato që vijnë. Nuk kemi kohë për të humbur.
Lufta rrënoi shoqëritë dhe ekonomitë, shkaktoi vonesën historike të vendeve tona në rrugën e integrimeve euroatlantike.

Është detyrë e forcave demokratike të punojnë që të kompensohet kjo vonesë historike, në një të ardhme të afërt të jemi pjesë dinjitoze e familjes evropiane.

Dialogu dhe toleranca nuk kanë alternativë. Siç ka thënë Presidenti John F. Kennedy- “Asnjëherë nuk duhet të frikësohemi të bisedojmë dhe asnjëherë nuk duhet të bisedojmë nga frika”.

Në mes dy vendeve dhe popujve tanë duhet të ndodhë mirëkuptimi dhe pajtimi. Të pajtuar mund ta ndërtojmë të ardhmen.

Zonja dhe zotërinj,

Më lejoni ta shpalos vizionin për shtetin e ardhshëm të Kosovës:

Kosova do të jetë shtet që bashkëpunon me të gjithë fqinjët me respektim të sovranitetit dhe integritetit territorial të njëri-tjetrit, anëtar i Kombeve të Bashkuara, anëtar i ardhshëm i Bashkimit Evropian, anëtar i ardhshëm i NATO-s.

Shtet që punon drejt krijimit të identitetit të vet shtetëror, ku të gjithë qytetarët do të jenë shtetas të barabartë. Të drejtën e dyshtetësisë, me marrëveshje. Kosova do t’i ketë simbolet e veta shtetërore, që do të pasqyrojnë identitetin qytetar të saj.

Shtet ku sundon ligji, me legjislacion në interes të të gjithë qytetarëve; me kushtetutë në përputhje me ato të shteteve demokratike perëndimore; me gjyqësi të pavarur, të paanshme dhe të përgjegjshme .

Shtet me shoqëri shumetnike dhe shumëfetare; kundër diskriminimit në baza të identitetit etnik, gjinor, racor ose fetar; me mbrojtje të të drejtave të pakicave; Shtet ku gjuha shqipe dhe serbe do të jenë gjuhë zyrtare. Pjesëtarët e komuniteteve të tjera do të kenë të drejtë të praktikojnë dhe komunikojnë në gjuhët e tyre në të gjitha nivelet e institucioneve; nënshkruese e Kartës Evropiane të të Drejtave të Njeriut dhe e Paktit për të Drejtat Civile dhe Politike dhe e traktateve të tjera relevante.

Shtet me kufij ekzistues në përputhje me parimet bazë të së drejtës ndërkombëtare; me garanci të sigurisë nga NATO, përfshirë ngritjen dhe zhvillimin e forcës mbrojtëse të Kosovës të integruar në NATO; pjesë e përpjekjeve ndërkombëtare kundër terrorizmit, krimit të organizuar dhe trafikimit.

Shtet me qeverisje funksionale dhe efektive me shërbim civil modern dhe profesional me status të mbrojtur me ligj; reforma zgjedhore me aplikimin e listave të hapura, Parlament të përgjegjshëm ndaj nevojave të të gjithë qytetarëve; paga në sektorin publik konkurrente me ato në sektorin privat; shoqëri aktive civile, media të lira dhe të pavarura.

Shtet me ekonomi të zhvilluar; euro si valutë; marrëveshje të tregtisë së lirë me vendet fqinje dhe vendet e tjera; respektim dhe mbrojtje me ligj e pronës private; lehtësim të investimeve ndërkombëtare; krijim të kuadrit favorizues për ndërmarrjen e lirë dhe biznesin e vogël dhe të mesëm, rrethana favorizuese për diasporën.

Shtet që kujdeset për mirëqenien sociale; që ofron asistencë për qytetarët që nuk kanë mundësi t’i përmbushin nevojat elementare për veten dhe familjet e tyre; pensione të rregulluara me ligj; standarde evropiane të shëndetësisë, arsimimit dhe sigurisë në punë; përkujdesje për invalidët e luftës dhe të punës.

Shtet që mbron trashëgimisë kulturore të të gjithë qytetarëve; që siguron kthim të qëndrueshëm dhe të sigurt të të gjithë refugjatëve në shtëpitë e tyre. Decentralizimi sipas parimeve integruese qytetare dhe marrëveshjes.

Shtet që mirëpret angazhimin dhe mbështetjen e vazhdueshme të NATO-s, SHBA-së, OKB-së dhe BE-së për garantimin e paqes dhe sigurisë; asistencën e vazhdueshme ndërkombëtare në forcimin e institucioneve demokratike, gjyqësore dhe civile; asistencën e vazhdueshme ndërkombëtare për rimëkëmbjen dhe zhvillimin e ekonomisë dhe të infrastrukturës.

Kosova e re do të jetë shtet i ndërtuar në themele të forta të vlerave demokratike të qytetërimit perëndimor. Pavarësia e Kosovës është vullnet i qytetarëve të Kosovës.
Të gjithë qytetarët e Kosovës do të jenë të barabartë para ligjit, komunitetet kanë vlerat, respektimin dhe mirëkuptimin mes vete në shtetin e ri. Shqiptarët luftuan kundër shtypjes dhe jocivilizimit, asnjëherë kundër popullit serb.
Populli shqiptar në Kosovë do të kujdeset me dinjitet për bashkëqytetarët serb në Kosovë.
E kaluara e errët nuk duhet të na mbajë peng, e ardhmja demokratike duhet të na bëjë krenar.

Garantimi i të drejtave të plota, kthimi në shtëpitë dhe pronat e tyre, sigurimi i kushteve për një jetë dinjitoze për qytetarët tanë serbë-nuk paraqesin kompromise, por mundësi për ne. Kërkojmë edhe mbështetjen tuaj për kthimin e të zhvendosurve.
Ata janë obligim dhe përkushtim i politikës së Kosovës. Ne besojmë dhe punojmë për të integruar komunitetin serb në institucionet dhe shoqërinë e Kosovës së re.

Do t’i forcojmë raportet shumë të mira me fqinjët tanë, Shqipërinë, Maqedoninë, Malin e Zi. Jemi të përcaktuar për raporte të fqinjësisë së mirë edhe me Serbinë. Caku strategjik i yni mbetet integrimi në strukturat Euroatlantike, në BE dhe në NATO.
Ne nuk mund ta ndryshojmë të kaluarën, por, mund ta zgjedhim një të ardhme ndryshe.
Këtë mund ta bëjmë vetëm duke punuar së bashku drejt integrimit.

E kaluara e hidhur - ka treguar se nuk mund të jetojmë nën një çati. Por, jam i sigurt se pavarësia politike nga njëri-tjetri është mënyra e vetme për fqinjësi të mirë dhe kooperuese.

Pavarësia është zgjidhja e vetme për Kosovën, është zgjidhja më e mirë për Serbinë dhe bashkësinë ndërkombëtare.

Ju faleminderit.

[BaBa]

Votova per , Paversi e Plote

O kosovare jeni shum popull pa pik kuptimi dhe sna e dini per nder ne Shqipetareve,Se te kishte plas lufta ketu ne Shqiperi ju skishit per te na futur ne kufi e jo ma naper Shpi a Sbahet fjale {Therrisni Menjes Kosovare} Pale doshit ene dushe per tu lar . hmmm kucccccccccccccccccccccccccccccccccccccccccccccccc cccccccccccccc se rat nsy kshu a kur emigroni ne gjermani [Mos msoni para kohe].

{gjermanet kan i zakon po pan i pale kepuce ne der te shpis e din qe gruja po i trathton}

"D

[Llapi]

O kosovare jeni shum popull pa pik kuptimi dhe sna e dini per nder ne Shqipetareve,Se te kishte plas lufta ketu ne Shqiperi ju skishit per te na futur ne kufi e jo ma naper Shpi a Sbahet fjale {Therrisni Menjes Kosovare} Pale doshit ene dushe per tu lar . hmmm kucccccccccccccccccccccccccccccccccccccccccccccccc cccccccccccccc se rat nsy kshu a kur emigroni ne gjermani [Mos msoni para kohe]. "D

po per fat te mire more vllaqko shqiperija ka shume pak kesi njerzish si ti.
kerkoi falje nese ste kam kuptua drejt.

[BaBa]

O Llapi , Kuptimi sexizton kur BaBa thot ate qe di per Kosovaret , se kam majt nje Familje kosovare e perber nga 6 persona ok RRitu ene Piqu .

Falje pse Vrava noi person me kerku Falje ktu ne Virtual

.

[BaBa]

BaBa Mendohet dhe thot --> textin qe kam shkruajtur me larte Eshte nje vertetim qe ka ndodhur ne kohen e luftes me sakte flasin Shqipetaret e tjere.

Llapi o byrazero po normale qe ska njeri ne shqiperi si puna meje se te skanoi pa ngjyra

[Llapi]

Bisedimet e sotme në Vjenë në qendër të vëmendjes së mediave botërore

image Bisedimet e sotme në Vjenë ndërmjet udhëheqësve më të lartë të Kosovës dhe Serbisë, janë në qendër të vëmendjes së mediave botërore. Shumica prej tyre e vlerësojnë çështjen e statusit si sfidë të vështirë për bashkësinë ndërkombëtare, ndërsa citojnë diplomatë perëndimorë, sipas të cilëve, pavarësia nuk ka alternativë. Agjencia e lajmeve “Reuters”, shkruan se fuqitë e mëdha nuk shohin alternativë të pavarësisë për Kosovën, e cila do të mbikëqyrej për një kohë të gjatë nga Bashkimi Evropian.

“Shtetet e Bashkuara po insistojnë për gjetjen e zgjidhjes brenda këtij viti, sepse shtyrja e mëtejshme, sipas Uashingtonit, mund të çojë në shpërthim të dhunës”, shkruan “Reuters”.Kurse, “Asoshieted Pres” vlerëson se gjasat për ndonjë kthesë nga ky takim janë të vogla, kur kihen parasysh pozicionet e palëkundura të palëve. “Serbia pretendon se Kosova është zemra e mbretërisë së saj mesjetare, ndërsa shqiptarët argumentojnë se Serbia e ka humbur të drejtën e qeverisjes së Kosovës, pas luftës së shkaktuar nga lidershipi i saj, nga e cila kanë mbetur mbi 10 mijë të vdekur”, thuhet më tutje në artikullin e Asoshieted Pres, të cilin e boton edhe CNN-i. Ndërkaq, sipas agjencisë “AFP”, që nga fillimi i bisedimeve, Serbia, e cila praktikisht e ka humbur kontrollin mbi Kosovën në vitin ‘99, ka ofruar “autonomi të gjerë”, mirëpo udhëheqësit shqiptarë kanë thënë se nuk lëvizin nga qëndrimi për pavarësi. Nga ana tjetër, BBC-ja e vlerëson takimin si ngjarjen më të rëndësishme që nga bombardimi i NATO-s mbi caqet ushtarake jugosllave. “Askush nuk e nënvlerëson sfidën që paraqet statusi i Kosovës”, shkruan BBC, duke potencuar se kjo paraqet kërcënim të madh për tension midis dy komuniteteve. Gazeta prestigjioze “Financial Times”, shkruan se Kosova sot do të bëjë ofertën e saj për pavarësi të përhershme nga Serbia. Ajo citon diplomatët perëndimorë, sipas të cilëve pavarësia e Kosovës do të shkaktojë më pak probleme sesa vazhdimi me status të paqartë për të. Pas protektoratit të Kombeve të Bashkuara, Bashkimi Evropian pritet të marrë përgjegjësinë në polici dhe menaxhim të ekonomisë në Kosovë, shkruan “Financial Times”. Bisedimet e sotme në Vjenë ishin në qendër të vëmendjes edhe të mediave ruse, të cilat nuk kanë bërë shumë komente për çështjen e statusit. Agjencia “Itar-tas” dhe gazeta “Pravda” e Moskës, shkruajnë se nga bisedimet e sotme nuk pritet ndonjë rezultat konkret, ndërsa potencojnë qëndrimin e Rusisë për mosvënie të afateve artificiale për gjetjen e zgjidhjes për statusin.

Arben Fetoshi


Postuar më: Eh/Radio Kosova & Blue Sky Staff me Jul 24, 06 | 2:39 pm