Statusi i ardhshem i Kosovës!

[Llapi]

E enjte, 29. Qershor, 2006
DOBBINS:"ZGJIDHJA PËR KOSOVËN DO TË JETË E IMPONUAR"



James DOBBINS, ish emisar i SHBA-ve në Ballkan


RADIO EVROPA E LIRË
Si i komentoni pohimet e Beogradit se nuk do të pranoj pavarësinë e Kosovës dh se madje do të ndërprejë lidhjet me Perendimin nëse nuk do të ketë zbutje të qëndrimit lidhur me statusin e Kosovës?

JAMES DOBBINS
Mendoj se në planin afatgjatë është një kërcënim i kotë. Serbia nuk ka alternativë për të ardhmen, ose do të jetë pjesë e Evropës, ose do të jetë e izoluar. Por nisur nga realitetet në Serbi, është e mundur që qeveria të zgjedhë izolimin.

RADIO EVROPA E LIRË
Koshtunica tha se Beogradi nuk do të pranojë asnjë zgjidhje të imponuar ndërkombëtare për Kosovën.
Çfarë është komenti juaj?

JAMES DOBBINS
Ata gjithashtu nuk do të pranojnë asnjë zgjidhje të pa imponuar, përveç asaj që ata duan ta imponojnë. Zgjidhja ose do t'i imponohet Serbisë ose do t'i imponohet popullit të Kosovës, sepse ata nuk kanë mundur të merren vesh tashmë një dekadë. Pra, ose zgjidhja do të jetë e imponuar, ose nuk do të ketë zgjidhje.

RADIO EVROPA E LIRË
A është sipas jush pavarësia e kushtëzuar për Kosovën një rezultat i pashmangshëm?

JAMES DOBBINS
Po. Por në masë të madhe do të varet nga definicioni dhe kuptimi i saj.

RADIO EVROPA E LIRË
Çfarë mendoni se do të jetë përmbajtja e kësaj pavarësie të kushtëzuar?

JAMES DOBBINS
Mendoj se do të ketë garanca të drejta dhe të fuqishme për pakicën serbe, e cila do të mbajë një farë shkalle të konsiderueshme autonomie në drejtimin e punëve të veta, dhe me këtë rast do të mund t'i ruajë disa lidhje të rëndësishme me Serbinë, si dhe do të ketë garanca për sigurinë dhe mbrojtjen, përfshirë praninë e vazhdueshme të një force ndërkombëtare për këtë qëllim.

RADIO EVROPA E LIRË
Presidenti George Bush tha se do ta takojë kryeministrin serb Vojislav Koshtunica në Uashington, për t'u përpjekur që ta bëjë të dëgjojë se çka mendon shumica në Kosovë.
Çka si sipas jush mund t'i thotë z. Bush Koshtunicës lidhur me Kosovën?

JAMES DOBBINS
Mendoj se administrata e Bushit dëshiron që të vazhdojë ta konsolidojë paqen në Ballkan, për të cilën Shtetet e Bashkuara kontribuan aq shumë. Mendoj se adaministrata e kupton që Kosova është një ish prioritet në kuptimin e vazhdimësisë së promovimit të zhvillimit të rajonit, dhe mendoj se presidenti Bush dëshiron të bëjë një kontribut personal në këtë drejtim.

Intervistoi: B. TRIVIÇ

[Llapi]

Washingtoni zyrtar thotë se për Kosovën do të vendosin kosovarët

adam_ereli Sylejman Gashi, New York

"Politika jonë është e qartë dhe për statusin e Kosovës do të vendosin kosovarët", tha Adam Ereli, njëri nga zëdhënësit e politikës së jashtme amerikane.

Departamenti amerikan i Shtetit në një deklarim të ditës së djeshme/e enjte/ ka përsëritur qëndrimin zyrtar se lidhur me statusin e Kosovës do të vendosin banorët e saj, pra kosovarët. Ishte ky një reagim dhe përgjigje në një pyetje pas deklarimit emocional të Koshtunicës gjatë pelegrinazhit të tij në Graçanicë. Deklarimi dhe vizita e kryeministrit serb në Graçanicë, nga ato media të pakta amerikane në të cilat u shënua, u vlerësua si një imitim i zbehtë i vizitës së Milosevic-it, 17 vjet më parë, por kësaj radhe në rrethana të tjera dhe pa përkrahës.

Në pyetjen që u shtrua dje në brifingun e Departmentit të Shtetit lidhur me deklaratën e Koshtunicës, kur ai thotë se Kosova gjithmonë do të mbetet pjesë e Serbisë, njëri nga zëdhënësit e Departamentit të Shtetit, Adam Ereli qartësoi edhe njëherë qëndrimin e Washingtonit rreth statusit të Kosovës.

"Nuk i kam parë ato komente dhe vërtetë nuk e di domethënien e tyre", tha ai. "Mendoj se politika jonë është e qartë dhe për statusin e Kosovës do të vendosin kosovarët", tha dje Adam Ereli, njëri nga zëdhënësit e politikës së jashtme amerikane.


Postuar më: sb blue sky & radio kosova staff me Jun 30, 06 | 10:23 am

[vrojtuesi]

Sipas Lajmeve në RTK!


Washingtoni zyrtar thotë se për Kosovën do të vendosin kosovarët

Departamenti amerikan i Shtetit në një deklarim gjatë ditës së djeshme ka përsëritur qëndrimin zyrtar se lidhur me statusin e Kosovës do të vendosin banorët e saj, pra kosovarët. Ishte ky një reagim dhe përgjigje në një pyetje pas deklarimit emocional të Koshtunicës gjatë pelegrinazhit të tij në Graçanicë.


Deklarimi dhe vizita e kryeministrit serb në Graçanicë, nga ato media të pakta amerikane në të cilat u shënua, u vlerësua si një imitim i zbehtë i vizitës së Milosevic-it, 17 vjet më parë, por kësaj radhe në rrethana të tjera dhe pa përkrahës.
Në pyetjen që u shtrua dje në brifingun e Departmentit të Shtetit lidhur me deklaratën e Koshtunicës, kur ai thotë se Kosova gjithmonë do të mbetet pjesë e Serbisë, njëri nga zëdhënësit e Departamentit të Shtetit, Adam Ereli qartësoi edhe njëherë qëndrimin e Washingtonit rreth statusit të Kosovës. \"Nuk i kam parë ato komente dhe vërtetë nuk e di domethënien e tyre\", tha ai. \"Mendoj se politika jonë është e qartë dhe për statusin e Kosovës do të vendosin kosovarët\", tha dje Adam Ereli, njëri nga zëdhënësit e politikës së jashtme amerikane.






RTK 30/06/2006 10:59:58
================================================== ======
Grupi i Kontaktit në Bruksel diskuton për Kosovën

Grupi Kontaktit takohet në Bruksel për të dytën herë me radhë pas takimit në Londër, dy ditë më parë. Grupi i Kontaktit do të diskutojë sërish mbi mbarëvajtjen e procesit të bisedimeve Prishtinë-Beograd dhe mund të pritet që të lëshojë një deklaratë të re e cila do të forcojë deklaratën e janarit pas takimit në Londër.


Grupi i Kontaktit sërish do të kërkojë që të respektohet vullneti i shumicës në zgjidhjen e statusit të Kosovës, por gjithashtu edhe respektimin e të drejtave të pakicës. Takimi i sotëm në Bruksel që fillon në orët e pasditës, do të mbahet në nivel të drejtorëve politikë të vendeve anëtare të Grupit të Kontaktit dhe Rusisë, dhe në të do të marrin pjesë edhe nënsekretari amerikan i shtetit, Nicholas Burns dhe zyrtarja e lartë amerikane, Rosemary Di Carlo. Në takim do të raportojë edhe i dërguari i posaçëm i OKB-së për statusin, Martti Ahtisaari, i cili pritet që të kërkojë nga Grupi i Kontaktit mbështetjen për fazën e dytë të bisedimeve dhe ta konfirmojë datën për takim të nivelit të lartë ndërmjet Prishtinës dhe Beogradit. (BBC)


RTK 30/06/2006 10:54:34


================================================== =======


“Veçernje Novosti": Vendimi për statusin e Kosovës shtyhet, Ahtisari largohet nga negociatat

Gazeta e Beogradit "Veçernje Novosti" sjell sot si ekskluziv lajmin se i dërguari i posaëm i KB për Kosovën, Marti Ahtisari, gjatë muajve të ardhshëm do të largohet nga ky funksion, dhe se iniciativa për largimin e tij tani më është ndërmarrë. Gazeta serbe lajmin e mbështet në “burimet e mirë-informuara diplomatike”, të cilat thonë se arsyeja për largim është se roli i tij ndërmjetësues deri më tash nuk ka dhënë kurrfarë rezultatesh në negociatat ndërmjet Beogradit e Prishtinës.


Sipas gazetës, “qarqet diplomatike” vlerësojnë se Ahtisari nuk ka vizion të qartë të shthurjes së nyjës kosovare, nuk po tregon konstruktivitet dhe fleksibilitet të duhur në këtë çështje të rëndësishme edhe për KS të KB edhe për Evropën, dhe për një lloji të verifikimit të parimeve ndërkombëtare të njohura dhe të zbatueshme. Ahtisari, kanë saktësuar këto burime, nuk po e zotëron mirë as terminologjinë sepse në takime herë po flet një gjë e pastaj diç tjetër dhe nuk është i saktë dhe i qartë. Burimet e Novostit vlerësojnë se në situatën e tillë, me këtë sjellje të Ahtisarit, jo vetëm që nuk kanë filluar negociatat serioze por janë edhe minimale, gati kurrëfare mundësitë që kjo gjë bëhet para fundit të këtij viti. Në gjashtë raunde të negociatave të Vjenës mbi çështjet teknike, pala serbe dhe shqiptare, vetëm deri diku i kanë afruar qëndrimet për vendosjen e zonave mbrojtëse rreth objekteve kulturore e fetare. Duke i ditur edhe vet rezultatet e dobëta, e me siguri duke marrë vesh për iniciativën e zëvendësimit të tij, Ahtisari tani po orvatët ta përshpejtojë procesin negociator duke i ftuar në Vjenë, rreth tryezës së rrumbullakët, personalitetet kryesore të Serbisë e të Kosovës. Por, sipas të gjitha gjasave, nga kjo nuk do të ketë asgjë, sepse kjo më shumë ngjanë në “ekzibicionin shterpë” thotë gazeta serbe. Dhe tani, thonë burimet e gazetës në fjalë, është më se e sigurt se pritjet për përcaktimin e statusit të Kosovës deri në fund të vitit nuk janë fare reale./f.m.


RTK 30/06/2006 10:47:00
================================================== =====

[[A-SHKODRANI]]

Shefi i UNMIK-ut, Soren Josen Petersen i cili ka dhene doreheqjen qe ne daten 12 qershor, pra rreth tri jave me pare, ka thene sot ne fjalimin e tij lamtumires para ligjvenesve kosovare, se zgjidhja e statusit te Kosoves duhet te jete i pranueshem per popullaten shumice, por edhe per pakicat. “E di se qellimi i popullates shumice eshte pavaresia dhe kam besim se ju do te siguroni qe endrra tek e cila aspironi, nuk do te shnderrohet ne nje ankth per te tjeret”, porositi Petersen.

Nje dite para largimit te tij nga Kosova, Petersen, ne fjalen e tij u perqendrua ne tri sfida qe e presin Kosoven; ne sundimin e ligjit ; zhvillimin ekonomik dhe ne Kosoven shumetnike.
“Une do te kthehem ne Kosove kur endrra juaj te behet realitet”, tha ne fund Petersen. Ai sot do te zhvilloje takime edhe me lidere te minoritetit serb ne Kosove si dhe do te mbaje nje konference lamtumirese per media.
Ish-kryeadministratori i Kosoves, Jessen Petersen, e vleresoi fillimin e bisedimeve per status dhe emerimin e Ahtisarit ne krye te ketij procesi si ngjarjen me te rendesishme per Kosoven. Ne fjalimin pershendetes para deputeteve te Kuvendit te Kosoves, Petersen tha se ky edhe ishte prioriteti i tij kryesor gjate mandatit te tij 2-vjecar ne Kosove. ”Besoj se jemi vetem disa muaj larg percaktimit te statusit te Kosoves. Jam i bindur se statusi do te zgjidhet ne vitin 2006, e kete mendim e ndan edhe Ahtisari”

Nderkaq, kryeparlamentari Kole Berisha, ne fjalimin e tij, vleresoi punen dhe arritjet e shefit te UNMIK-ut ne misionin e tij ne Kosove. Perveç deputeteve, ne seance marrin pjese edhe udheheqesit me te larte te Kosoves dhe perfaqesuesit e zyrave diplomatike ne Prishtine

Ne momentin kur ka dhene doreheqjen Petersen ka thene se tashme ka ardhur koha qe ai te bashkohet me familjen e tij, arsye kjo per te cilen ka lene postin. Ndersa largimi i Petersenit eshte interpretuar krejt ndryshe nga mediat, qofte ato serbe, ashtu edhe ato europiane. Mediat kane komentuar se largimi i Petersenit nga Kosova tregon se po pershpejtohet statusi i Kosoves, pra UNMIK-u po spostohet pak nga pak.

[Kreshniku1985]

Se pari ju pergezoj per temen, do te kisha dashtur qe te jepja mendimin tim personal , duke u bazuar edhe nga e kaluara me ate se si u njoh pavaresia e Shqiperise e vitit 1912, se si u njoh ajo d.m.th. u njoh nga Fuqite e Medha te atehershme dhe nga shtetet fqinje vetem nese per nje periudhe te caktuar kohore do te rregullohen shum qeshtje nen mbikqyrjen e Komisionit Nderkombetar te Konstrollit (KNK), e njejta gje mendoj se do te ndodhin edhe me Kosoven , do te njihet pavaresi nen mbikqyrjen e Fuqive te Medha te tanishme per ndonje periudhe te caktuar kohore, me rendesi eshte te njihet pavaresia dhe te merren shumica kompetencave nga vendoret dhe te zgjidhet qeshtja e caktimit te kufijve te shtetit ,qeshtja e ushtrise ,policise,gjykates,ejt... dhe ndoshta kjo do te jete me mire dhe me e sigurte sepse po te na ipe pavaresi e plote ,kam frigen se do te ndodh diqka e tmerrshme nga mospervoja jone ne liri te plote.... sido qofte do pavaresia do te vie shum shpejt dhe do te behte me ne fund edhe shteti i Kosoves do te jete shtet "SOVRAN" ....

[[A-SHKODRANI]]

Shefi i UNMIK-ut, Soren Josen Petersen i cili ka dhene doreheqjen qe ne daten 12 qershor, pra rreth tri jave me pare, ka thene sot ne fjalimin e tij lamtumires para ligjvenesve kosovare, se zgjidhja e statusit te Kosoves duhet te jete i pranueshem per popullaten shumice, por edhe per pakicat. “E di se qellimi i popullates shumice eshte pavaresia dhe kam besim se ju do te siguroni qe endrra tek e cila aspironi, nuk do te shnderrohet ne nje ankth per te tjeret”, porositi Petersen.

Nje dite para largimit te tij nga Kosova, Petersen, ne fjalen e tij u perqendrua ne tri sfida qe e presin Kosoven; ne sundimin e ligjit ; zhvillimin ekonomik dhe ne Kosoven shumetnike.
“Une do te kthehem ne Kosove kur endrra juaj te behet realitet”, tha ne fund Petersen. Ai sot do te zhvilloje takime edhe me lidere te minoritetit serb ne Kosove si dhe do te mbaje nje konference lamtumirese per media.
Ish-kryeadministratori i Kosoves, Jessen Petersen, e vleresoi fillimin e bisedimeve per status dhe emerimin e Ahtisarit ne krye te ketij procesi si ngjarjen me te rendesishme per Kosoven. Ne fjalimin pershendetes para deputeteve te Kuvendit te Kosoves, Petersen tha se ky edhe ishte prioriteti i tij kryesor gjate mandatit te tij 2-vjecar ne Kosove. ”Besoj se jemi vetem disa muaj larg percaktimit te statusit te Kosoves. Jam i bindur se statusi do te zgjidhet ne vitin 2006, e kete mendim e ndan edhe Ahtisari”

Nderkaq, kryeparlamentari Kole Berisha, ne fjalimin e tij, vleresoi punen dhe arritjet e shefit te UNMIK-ut ne misionin e tij ne Kosove. Perveç deputeteve, ne seance marrin pjese edhe udheheqesit me te larte te Kosoves dhe perfaqesuesit e zyrave diplomatike ne Prishtine

Ne momentin kur ka dhene doreheqjen Petersen ka thene se tashme ka ardhur koha qe ai te bashkohet me familjen e tij, arsye kjo per te cilen ka lene postin. Ndersa largimi i Petersenit eshte interpretuar krejt ndryshe nga mediat, qofte ato serbe, ashtu edhe ato europiane. Mediat kane komentuar se largimi i Petersenit nga Kosova tregon se po pershpejtohet statusi i Kosoves, pra UNMIK-u po spostohet pak nga pak.

[King_Arthur]

Nuk Ka Asnje Alternative Tjeter Vetem Kosove E Pavarur Dhe Pa Kushte , Beogradi Le Te Thote Cfare Te Doje Nuk Ka Gje Me Ne Dore , Kosove E Pavarur Eshte E Vetmja Alternative .
Rrofte Shqiperia Etnike
Rrofte Kosova E Pavarur

[Llapi]

Italia mbështet Kosovën shtet demokratik

zv/ministri crucianelli Këtë qëndrim italian e solli sot në Prishtinë, zëvendës ministri i Jashtëm italian, Famiano Crucianelli. Ai pas takimeve me kryetarin e Kosovës, Fatmir Sejdiu dhe kryeministrin Agim Çeku, tha se Italia është angazhuar dhe do të vazhdojë të angazhohet në këtë drejtim si dhe në perspektiven evropiane të Ballkanit dhe të Kosovës. Crucianelli porositi për punë në realizimin e plotë të standardeve, ndërkohë ka kërkuar nga pakicat që të integrohen dhe të marrin pjesë në të ardhmen demokratike të Kosovës.

Italia mbështet Kosovën shtet. Ky është qëndrimi italian që zëvendës ministri i jashtëm italian, Famiano Crucianelli ua solli sot /e hënë/në Prishtinë, kryetarit të Kosovës, Fatmir Sejdiu dhe kryeministrit Agim Çeku. Crucianelli tregoi se Italia angazhohet angazhohet për krijimin e një shteti demokratik.
“Një shtet të së drejtës, shumetnik, respektim i plotë i pakicave ashtu siç në të njëjtën mënyrë i kërkojmë edhe pakicave që të integrohen dhe të marrin pjesë në të ardhmen demokratike të Kosovës”, ka thënë zotëri Crucianelli.

Krahas kësaj, zv/ministri i Jashtëm italian tha se Italia angazhohet për zhvillimin ekonomik dhe social të Kosovës dhe për një të ardhme evropiane të saj. Nuk mund të mungojnë Kosova dhe Ballkani në Bashkimin Evropian përkundër se ka vështirësi nga disa shtete evropiane. Ai ka porositur për punë në realizimin e plotë të standardeve dhe ka ofruar mbështetjen e Italisë.

Kryetari i Kosovës Fatmir Sejdiu e ka falënderuar zëvendës ministrin e jashtëm italian, për mbështetjen e vazhdueshme që ka ofruar Italia për Kosovën.

“Mora një garantim të vazhdueshëm në ndihmën e Italisë që do t’i bëjë Kosovës, dhe posaçërisht në ndihmën për procesin e definimit të statusit duke pasur parasysh edhe vlerësimin e rëndësishëm të respektimit të vullnetit të shumicës në këtë drejtim, dhe, ju e dini përcaktimin tonë të pa hezitueshëm për pavarësimin e plotë të Kosovës”, ka thënë presidenti Sejdiu.

Edhe kryeministri Çeku i ka shprehur mirënjohje Italisë për angazhimet e deritashme duke thënë se mirëpret praninë ushtarake dhe një prani të lehtë civile të Italisë në kuadër të pranisë ndërkombëtare në Kosovë pas statusit.

“E informuam zëvendësministrin për përpjekjet që qeveria është duke bërë që të prodhojë argumente konkrete që e mbështesin kërkesën tonë për pavarësi, në veçanti angazhimin tonë në përmbushjen e standardeve, me theks të veçantë standardet që kanë të bëjnë me integrimin e komuniteteve në Kosovë, në ndërtimin e besimit dhe pajtimin e mes komuniteteve në Kosovë”, ka thënë kryeministri Çeku.

Italia është njëra nga gjashtë anëtaret e Grupit të Kontaktit.

/Xhevat Sopi/

Postuar më: Eh/Radio Kosova & Blue Sky Staff me Jul 03, 06 | 12:36 pm

[Llapi]

E hënë, 3. Korrik, 2006
J. KRASNIQI: KA ARDHUR KOHA PËR PËRFSHIRJE TË NIVELIT TË LARTË POLITIK



Jakup Krasniqi, Sekretar i Përgjithshëm i PDK-së


RADIO EVROPA E LIRË
Zoti Krasniqi, aktualisht Grupi i Kontaktit dhe presidenti Ahtisari janë duke përgatitur një takim të lartë ndërmjet Prishtinës dhe Beogradit, që do të mbahet sërisht në Vjenë. Fillimisht si e shihni ju këtë takim dhe çfarë prisni konkretisht nga një takim i tillë?

JAKUP KRASNIQI
Deri tani janë zhvilluar takime më tepër për çështje teknike, çështje konkrete dhe temat bosht të të gjithë këtij komunikimi, që është zhvilluar në Vjenë kanë qenë dy: decentralizimi dhe çështja e komuniteteve, çfarë shteti i ardhshëm i Kosovës u afron komuniteteve. Në këtë drejtim, pala kosovare ka ofruar dokumente që në pika të veçanta i tejkalojnë standardet, qoftë ato që kanë të bëjnë me decentralizimin, qoftë ato që kanë të bëjnë me komunitetet pakicë në Kosovë. Tani siduket ka ardhur faza kur janë harxhuar bisedimet për çështjet konkrete, për çështje të veçanta dhe në këtë drejtim, i vetmi trup që ka mandatin e parlamentit për të udhëhequr bisedimet për çështjen e statusit politik në Vjenë është grupi i unitetit, ose grupi negociator i Kosovës. Janë duke u bërë disa përgatitje edhe nga grupi politik. Këtë javë do të takohet edhe grupi i unitetit dhe mendoj se diku rreth 21 korrikut, do të mbahet një takim. Por në fakt cilët do të jenë anëtarët e këtij delegacioni, mendoj se në grupin e unitetit ende nuk është biseduar për këtë çështje.

RADIO EVROPA E LIRË
Cilat janë pritjet tuaja, çfarë konkretisht mund të rezultojë nga një takim i një niveli kaq të lartë?

JAKUP KRASNIQI
Presim që të jetë një rikapitullim i dokumentave dhe materialeve që delegacioni i Kosovës ka adresuar në adresë të Ahtisarit. Ne mendojmë që do të bëhet ndoshta një përpjekje e parë serioze për të biseduar për çështje politike në nivelin politik. Ne presim që delegacioni i Kosovës të jetë i përgatitur, për faktin se ka material të bollshëm që ka dorëzuar dhe materiali është i mbështetur në standardet ndërkombëtare që janë në shfrytëzim dhe në vende që kanë traditë demokratike. Ne shpresojmë që oferta që delegacioni i Kosovës i ka bërë dhe tani që do t'i ripërsëritë në një formë ose në formën tjetër, edhe në takimin e ardhshëm, është ofertë serioze dhe kanë vullnetin për ta jetësuar në shtetin e ardhshëm të pavarur dhe sovran të Kosovës, të gjitha të drejtat e qytetarëve, qofshin ato pakicë apo edhe ato shumicë. Natyrisht ne jemi të vetëdijshëm që Kosova ka nevojë për një mbështetje ndërkombëtare politike dhe financiare, për faktin se buxheti i konsoliduar i Kosovës është i varfër, zhvillimi ekonomik i Kosovës është në nivel jo të dëshirueshëm dhe, edhe për një fazë, sigurisht angazhimi i delegacionit do të jetë që edhe do të kërkohet një mbështetje më serioze. Kjo mbështetje serioze do të vinte vetëm pas përcaktimit të statusit politik. Prandaj delegacioni i Kosovës sigurisht atje do të kërkojë që sa më shpejt të përmbyllet kjo fazë, dhe t'i hapet perspektivë zhvillimit ekonomik.

RADIO EVROPA E LIRË
Është paralajmëruar që në këtë nivel, të bisedohet edhe në lidhje me çështjet praktike, pra decentralizimin, trashëgiminë kulturore, etj. Bazuar në ofertën e Prishtinës për decentralizimin, a konsideroni se edhe nga vend që të lëshohet pe, kushtimisht thënë, dhe të pranohen disa kërkesa sidomos që vijnë nga bashkësia ndërkombëtare?

JAKUP KRASNIQI
Unë mendoj se në ofertat që janë bërë në të gjitha segmentet, qoftë të decentralizimit, qoftë të trashëgimisë kulturore, qoftë të çështjeve të financimit të pushtetit vendor dhe sidomos të komunave serbe, qofshin dhe çështje të tjera që janë diskutuar deri më tani, mendojmë që pala kosovare ka bërë ofertë serioze, ka bërë ofertë serioze që ka gatishmërinë që ta marrë përgjegjësinë për të filluar një periudhë të re të një shoqërie të re në Kosovën e lirë dhe demokratike.

RADIO EVROPA EL IRË
Përmendët më herët një mbështetje që i duhet Kosovës nga ana e bashkësisë ndërkombëtare. Rrjedhimisht nga kjo, si e shihni ju rolin e bashkësisë ndërkombëtare, rolin ndërkombëtar në Kosovë pas përcaktimit të statusit të Kosovës, si në planin ushtarak, ashtu dhe në atë civil?

JAKUP KRASNIQI
Ne mendojmë që derisa Kosova nuk e ka një forcë ushtarake në një mënyrë më të mirëfilltë, të përcaktuar për ta mbrojtur sigurinë dhe mbrojtjen e kufijve të saj, ka nevojë për një prezencë ndërkombëtare, sidomos të KFOR-it në Kosovë, natyrisht edhe me pëlqimin dhe autorizimin që do t'i japin institucionet e Kosovës kësaj force. Përveç kësaj ne mendojmë se edhe në aspektin e administrimit publik në Kosovë, Kosova ka nevojë për një mbështetje. Por ne shpresojmë që tani kjo mbështetje do të përqëndrohet në Bashkimin Evropian, për faktin se Kosova, si vend i pavarur dhe sovran, synon që të jetë anëtare në vitet e ardhshme e Bashkimit Evropian, prandaj i duhet një monitorim, një mbështetje dhe përkrahje më e madhe nga Bashkimi Evropian.

Intervistoi Zijadin Gashi

[Homza]

Per hajer na koft vlla se tashi po dihet e Kkosova eshte drejt referendumit.

Ma te medhejt i kemi me vete, per naj rus te mershim te siberise nuk po na e ndjen shum.