Statusi i ardhshem i Kosovës!

[ZANOR]

RRUMBAT E MBESHTJELLUR

Gjuha serbe, nuk mund te behet gjuhe zyrtare ne Kosove, me 5% serb e 90% shqiptare! keshtu filuan ta ngulin rrumbin neper tul e asht edhe te prijne per fitoren e pavaresise - shteti i ri ballkanik, qe as Ballkani nuk eshte i organizuar, ne nje organizem te vecant politik, eshte Ballkani vetem shprehje gjeografike, ashtu sikur e paten thirre dikur Albanine!

Shih si te ngulin rrumbin e padukshem, e na te knaqemi - ndersa neser ia sheh majen ne trup.

Pa ta ngul nje rrumb nuk e lane bre, po besa ka shume rrumba, qe duhet hapur syte si Shqiponja... Thumbin e sheh shumekush, po rrumbin nuk e shohin edhe mund te nenshkruajne, e tevona ngrehe zvarre pavaresine... Po ne cilin shtet te botes eshte gjuhe zyrtare ajo e nje 5% te popullesise? Edhe ajo rome se!!!

Rrumbi tjeter, me ua lejua nga 800 hektar toke shqiptaresh seciles kishe orthodokse serbe, si eksterrritorialitet... Po ku ka ndonje Kishe katolike a orthodokse ne bote qe ka eksterritorialitet pasuri te patundshme mbi 800 hektar toke???!!!

Pavaresia e kosoves te njihet de jure e defacto!

[fejer_nagy]

Rrumbi tjeter, me ua lejua nga 800 hektar toke shqiptaresh seciles kishe orthodokse serbe, si eksterrritorialitet... Po ku ka ndonje Kishe katolike a orthodokse ne bote qe ka eksterritorialitet pasuri te patundshme mbi 800 hektar toke???!!!

Po Vatikani sa hektare toke ka n'dispozicion or ti?

[dodoni]

Vatikani eshte tjeter ceshtje dhe nuk ka asgje te perbashket me problemin e trojeve tona ne Decan.

Megjithese edhe rrezon qenka i keqinformuar ne lidhje me kete problem. Ato toka nuk i jane dhene Manastirit te Decanit sepse ato toka jane te decanasve por vetem iu eshte ndaluar pronareve te ketyre tokave qe ti punojne tokat (pervec kositjes se barit) dhe te ndertojne ne to. Pra, ne njefare menyre eshte bere ngrirja e atyre tokave perkohesisht. Eshte nje nga vendimet me absurde qe kam degjuar ndonjehere. Megjithe ate krize ekonomike ne Kosove, tua ndalosh njerezve punimin e tokes se tyre, ndertimet ne tokat e tyre, eshte jashte cdo logjike njerezore dhe nuk di te kete ndodhur ndonjehere ne ndonje vend tjeter. Por shpejt do shfuqizohet edhe ky vendim abnormal.

[dodoni]

Busek: Evropa nuk ka koncept, amerikanët vendosin Aktuale

Koordinatori i Paktit të Stabilitetit Erhard Busek ka deklaruar për gazetën gjermane “Shpigël” se Unioni Evropian nuk ka koncept për zgjidhjen e problemeve në Evropën Juglindore. Busek nuk e përjashton mundësinë që SHBA, nëse nuk gjendet një zgjidhje për Kosovën, të kërkojnë që në Unionin Evropain të pranohen përnjëherë Kosova e pavarur dhe Serbia.


Busek vlerësoi se kërcënimet që vijnë nga SHBA-të janë më efektive sesa ato nga Brukseli. ”Me çka do të mund të kërcënojë Solana? Se do të vijë sërish në vizitë? Neve na duhet ushtria dhe qeveria evropiane. Kryetarët e 25 vendeve anëtare të UE-së nuk janë fuqi unike dhe këtë e dinë edhe vendet e Evropës Juglindore", vlerësoi Busek. Ai shtoi se UE nuk ka kurrfarë koncepti për Evropën Juglindore- për zotësinë për t’u zgjeruar, ashtu edhe për kushtet e pranimit të anëtarëve të reja nga EJL.


RTK 09/05/2006

Kjo eshte aktualisht zgjidhja me e mire. Edhe keshtu duhet te veprojne amerikanet tani. Kosova e pavarur dhe Serbia te pranohen pernjehere ne BE.

[ZANOR]

vaqtikani eshte qytet, re ti trum nagy...

dodon ju disa po beni hop pa kcye gardhin, ti edhe thua 'keqinformohem' edhe e thua ne vijim: bllokimi i mbi 800 hektar toke te shqiptareve, e nuk eshte lehte sipas rradakes sate te shfuqizohet ai nenshkrm i petersenit...

Informata eshte e kjarte: gjuha serbe e rome te jene gjuhe zyrtare dhe te komunikohet zyrtarisht me to... 5% gjuhe zyrtare? Ku ngjane kjo!

Mos e beni vere me mend ende...

[dodoni]

Pavarësia duhet të meritohet, thotë Fried Aktuale

Qëndrimi amerikan është ritheksuar edhe njëherë kësaj jave në atë se vendosja e statusit politik të Kosovës, si çështje e fundit e pazgjidhur në rajon, duhet të arrihet brenda vitit 2006 ndonëse nuk janë përjashtuar vështirësitë gjatë zhvillimit të negociatave.


“Zgjidhja nuk do të jetë e lehtë, mirëpo çështja e Kosovës është çështja e fundit e hapur në Ballkan. Nëse do ta zgjidhim drejtë atëherë i gjithë rajoni mund të fillojë të lëvizë kah Evropa”, tha ndihmësekretari amerikan i Shtetit për Çështje Evropiane, Daniel Fried, në komentet e tij lidhur me marrëdhëniet transatlantike, në një takim me redaktorë dhe gazetarë në Washington.
Zyrtari i lartë amerikan ka theksuar se tashmë dihet botërisht kërkesa e shqiptarëve për pavarësi. “Sipas pikëpamjes sonë, pavarësia duhet të meritohet dhe duhet të bazohet në arritjen dhe zotimet për arritje të normave evropiane”, ka thënë Fried. Ai ka vlerësuar se edhe Serbisë, për të cilën kjo periudhë do të jetë e dhimbshme, duhet t’i ofrohet rruga qe do ta çojë kah Evropa, sepse ajo s’mund të trajtohet si e braktisur nga të gjithë dhe se qeveria e sotme, sipas tij është demokratike, nuk është përgjegjëse për atë që ndodhi në vitet e nëntëdhjeta.


RTK 10/05/2006 09:10:07

[sekret]

Lufta mediatike kundër pavarësisë së Kosovës


Shekulli Online
http://www.shekulli.com.al/index.php...s&newsID=95388


Këshilli nacional sërb për Kosovën ka angazhuar shoqaten Lobi-ste Amerikane "Venable" që lufton kundër pavarësisë së Kosovës.
savekosovo.org është faqe lobiste Sërbe që ka kushtuar 600.000 $ për të filluar me luftën e medias kundër Pavarësisë së Kosovës dhe tashmë qeveria e Sërbisë paguan për mirëmbajtjen e kësaj faqeje 100.000 $ në muaj, ka një ekip prej 30 përsonash, duke marrë parasysh se të gjithat mediat sërbe janë në ndihmë të reçensimit dhe japin ndihmë materiale propaganduese kundër popullit shqiptar në përgjithësi.
Faqja në fjalë është përmendur për herë të parë para 2 muajve por ka qënë në punim e sipër, në telexin e qeverisë Sërbe për këtë faqe shkruhet:
-Lufta për Media kundër pavarësisë së Kosovës ka filluar në SHBA me ndihmen e firmës amerikane "Venable"-

Nderkohe në mbështetje te pavarësisë së Kosovës është krijuar një faqe: www.savekosova.org ( ndryshimi i vetëm është kosova jo kosovo.org)
Në këtë faqe jepen gjithe krimet që serbet kanë bërë kundër shqiptarëve gjithashtu në faqen kryesore thuhet “Say yes to Kosovo Indipendence” ( Thuaji PO Pavaresise se Kosoves).

Nderkohe duket hapur lufta qe serbet bejnë kundër pavarësisë së Kosovës duke përdorur media të ndryshme, radio, televizione dhe internetin të financuara nga shoqëri të ndryshme në botë.




15/05/2006
KATEGORIA: Kuriozitete

[ARIANI_TB]

Pavarësia, nuk ka alternativë

Nëse doni t'i bëni keq Serbisë, jepjani Kosovën. Kështu, ka deklaruar Erhard Busek, në një intervistë dhënë radios publike gjermane. Ai ka besim se shqiptarët e Kosovës kanë talent për ekonomi dhe menaxhim.

Në një intervistë për radion publike Gjermane, koordinatori special i paktit të Stabilitetit për Evropën Juglindore, Erhard Busek, ka thënë se pavarësia e Kosovës nuk ka tjetër alternativë.

Busek në këtë intervistë ka promovuar "Zgjedhje Evropiane", për Serbinë dhe Kosovën.
"Për çdo zgjidhje tjetër, Serbisë i ka kaluar koha", ka thënë Busek për radion publike Gjermane. Ai ka shtuar se Kosova është një çështje e

Organizatës së Kombeve të Bashkuara (OKB) e cila është edhe e ngarkuar me bisedimet të cilat janë duke u zhvilluar.
"Problematika e Serbëve qëndron në atë, se ata nuk kanë mundur që në kohen e duhur t'i mundin hijet historike të tyre. Politikanë serb është dashtë që qartë të thonë, ne kemi trashëguar diçka të tmerrshme nga Millosheviqi. Kjo ka qenë përgjegjësi e tij. Serbët e kanë pasur këtë kënaqësi të vogël, për ta zgjedhur këtë problem. Por, tash këtë e kanë humbur. Unë personalisht mendoj që shumicën e serbëve elementi i nacionalizmit nuk iu intereson fare, por ata kërkojnë jetë më të mirë", ka thënë Busek.

Ai ka shtuar se ajo çka duket të del nga bisedimet mes Prishtinës dhe Beogradit është një plan me etapa drejt pavarësisë.
"Unë personalisht besoj se kjo nuk ka alternative tjetër. Për çdo zgjidhje tjetër Serbia e ka humb momentin e duhur. Unë dëshiroj të them në mënyrë brutale që nëse dëshiron t'i bësh keq diçka Serbisë, atëherë duhet dhënë atyre Kosovën. Serbia nuk është në gjendje ta zgjedhë këtë problem, as politikisht, as nga ana e sigurisë, e aq më pak ekonomikisht.

Por këtë duhen ndal ngadalë ta kuptojnë vetë serbët", ka paralajmëruar Busek.

Koordinatori special i paktit të Stabilitetit për Evropën Juglindore ka kritikuar edhe sistemin shkollor serb, i cili sipas tij ka ndikim kyç në çështjen e problemit me Kosovën.
"Mos harroni që në universitetet Serbe, ligjërohet se populli serb është viktimë. Kjo do të thotë që ata vetën e shohin si viktima dhe kjo është një lloj politike apo kulturë e së kaluarës që këtu ekziston dhe kjo nuk e bën zgjidhjen e statusit të Kosovës si punë të lehtë", ka theksuar Busek. Dyshimet se pas pavarësisë Kosova nuk do të jetë në gjendje
ta mbaj vetën ekonomikisht, Busek ka thënë se mendime të tilla në Evrope krijohen shumë lehtë.

"Unë mirë e kujtoj që në kohen e Sllovakëve kur janë ndarë nga Çekia. Edhe atëherë kanë thënë se nuk do të mbijetojë Sllovakia. Sot ata janë në disa pikëpamje më të mirë se Çekia", ka pohuar Busek. Ai ka deklaruar se i beson shumë talentit të shqiptarëve për menaxhimin e ndërmarrjeve të vogla dhe të mesme.

"Unë këtu i besoj talentit ekonomik të shqiptarëve të cilët janë të mrekullueshëm në drejtimin e ndërmarrjeve të vogla dhe të mesme dhe ata dëshirojnë të dëshmojnë këtë. Është normale që do t'i kenë vështirësitë e para. Por mos harroni që me ta në vitet e fundit kanë ndodhur shumë gjëra të këqija, kanë përjetuar luftën dhe dëbimet", është shprehur Busek.

Ai mendon se nëse Evropa kontribuon në stabilitetin e shteteve të Ballkanit dhe në rritjen e nivelit të gjendjes sociale dhe ekonomike, atëherë do të minimizohet problemi i migracionit. "Ministresha e Punëve të jashtme të Zvicrës njëherë më ka thënë qartë dhe më ka befasuar:

"Kosova është problem i Zvicrës", unë iu përgjigja si të lutëm? Ajo
më tha " Zyrtarisht 100.000 shqiptarë nga Kosova jetojnë në Zvicër, me siguri janë 200.000 deri 300.000 në mënyrë ilegale". Këto gjera ne mund t'i fusim më mirë në sistemin e tatimit nëse këto shtete janë të integruara në Bashkimin Evropian", ka thënë Busek.

Në të njëjtën kohë ai ka theksuar se perspektiva Evropiane e Serbisë "nuk mund të zëvendësohet më asgjë". Zgjidhje të problemeve në Ballkan do të ketë vetëm në kuadër të bashkimit Evropian.

[ARIANI_TB]

Daniel Serwer:


Statusi mund të zgjidhet edhe para përfundimit të këtij viti

"Më duket se po bëhet gjithnjë e më e qartë që Kosova, siç u pëlqen disa kosovarëve të deklarojnë, është tashmë e pavarur në kuptimin që e qeverisë vetveten dhe nuk mund të qeveriset nga Beogradi.
Ajo që nuk është po aq e qartë është se si do të jetë forma e ardhshme e një Kosove, që ka status të përcaktuar, meqë duket mjaft qartë që Beogradi po përpiqet të arrijë, në mos de jure, një ndarje de fakto", thotë, pos tjerash, Daniel Serwer, drejtor i operacioneve për paqe dhe stabilitet në Institutin për paqe të SHBA-ve në Uashington.

RADIO EVROPA E LIRË: Ne tash kemi situatën ku kanë përfunduar bisedimet për decentralizim ndërmjet delegacionit të Kosovës dhe atij të Serbisë. Por ka pasur raporte për pozicione krejtësisht të ndryshme të të dy palëve. Nga këndvështrimi juaj, çka do të pasoj tash?
DANIEL SERWER: Do të ndodhë ajo që ndodhë në të gjitha negociatat, do të ketë përpjekje prapa perdeve për zvogëlimin e dallimeve dhe do të shohim nëse kjo do të jetë pjesërisht e suksesshme. Do të supozoja, përfundimisht, që Ahtisaari dhe ndihmësit e tij Lehne dhe Wisner do të duhej të dilnin me një propozim të tyre.
- E përmendet zotin Ahtisaari, i cili këto ditë është në Shtetet e Bashkuara për biseda me zyrtarë amerikanë dhe të Kombeve të Bashkuara. Sipas jush, çfarë lloj mesazhi do të japin palët?
- Nuk jam i sigurt se çfarë do të thotë Martti Ahtisaari. Vlerësoj që do të japë një përmbledhje të zhvillimeve më të fundit se në ç'pikë qëndrojnë negociatat dhe do të sugjeroj se si ka ndërmend që të ecë përpara, apo cilët mendon të jenë hapat e tij të mëtejshëm. Mendoj se nga ana amerikane do të thuhet që ne duam të ecim përpara me këtë proces dhe ta kemi të përfunduar. Kjo më duket të jetë ndjenja në Uashington sot.
- A do të thotë kjo se ju mendoni se statusi i Kosovës do të zgjidhet deri në fund të këtij viti?
- Po, madje ndoshta edhe para fundit të vitit. Ky mendoj është ende afati kohor që njerëzit duan ta respektojnë.
- A mendoni se ata do ta arrijnë këtë?
- Mendoj se është e mundur. Nuk ka ndonjë rëndësi shumë të madhe nëse ka disa muaj vonesë, përsa kohë që ka ecje përpara në proces. Ajo që nuk duan që të ndodhë është ngecja e plotë e procesit.
- Ka shumë diskutime rreth asaj se kush do ta përcaktoj statusin e Kosovës. Kryeministri Agim Çeku ka thënë se këtë vendim do ta marrë Këshilli i Sigurimit i Kombeve të Bashkuara. Sipas jush, kush do të vendosë përfundimisht për statusin e Kosovës?
- Mendoj që Agim Çeku ka të drejtë, por mendoj se të gjithë vëzhguesit objektivë do ta konfirmonin këtë gjë. Madje as nga pala serbe nuk kam dëgjuar askënd që të thotë diçka tjetër nga kjo. Është mjaft e qartë që, nëse do të merret një vendim për statusin përfundimtar, ai do të merret nga Këshilli i Sigurimit, sepse rezoluta 1244 parashikon që Kosova është një protektorat dhe për ta ndryshuar atë nevojitet një vendim i ri i Këshillit të Sigurimit.
- Çfarë lloj vendimi mendoni se do të merret në fund?
- Kjo është ajo për të cilën po zhvillohen negociatat. Më duket se po bëhet gjithnjë e më e qartë që Kosova, siç u pëlqen disa kosovarëve që të deklarojnë, është tashmë e pavarur në kuptimin që e qeverisë vetëveten dhe nuk mund të qeveriset nga Beogradi. Ajo që nuk është po aq e qartë është se si do të jetë forma e ardhshme e një Kosove, që ka status të përcaktuar, meqë duket mjaft qartë që Beogradi po përpiqet të arrijë, në mos de jure, një ndarje de fakto.
- E shtrova këtë pyetje sepse më herët këtë vit, ish sekretari i jashtëm britanik, Jack Straw ka thënë se "pavarësia e Kosovës është pothuajse e pashmangshme". Si e komentoni ju këtë deklaratë duke pasur parasysh se në atë kohë kjo ishte deklarata e parë e këtillë nga një zyrtar i lartë?
- Në të vërtetë nuk e di mirë se çfarë nënkuptonte ai me këtë deklaratë, pasi nuk e kam të qartë se çfarë nënkupton pavarësia: sovranitet apo pavarësi? Pavarësia është një gjë relative. Mund të ketë më shumë apo më pak pavarësi. Sovraniteti është një koncept shumë më i qartë dhe Kosova sot nuk është sovrane. Sovraniteti ushtrohet nga Përfaqësuesi Special i Sekretarit të Përgjithshëm të OKB-së, siç është specifikuar në rezolutën 1244. Është mjaft e vështirë për mua të imagjinoj që një sovranitet i vërtetë mbi të gjithë territorin e Kosovës mund t'i rikthehet Beogradit. Por Beogradi duket se do të vazhdojë të ketë sovranitet mbi popullsinë serbe dhe territorin në të cilin ata banojnë. Kjo do të thoshte ndarje. Grupi i Kontaktit e ka hequr si opsion të mundshëm ndarjen në parim, por duhet të bëjnë më shumë dhe ta heqin si opsion të mundshëm në praktikë, pasi në Kosovë tashmë ka ndarje, ka pjesë të cilat janë nën kontrollin e Beogradit. Prandaj lind pyetja se si do të ndryshohet kjo situatë.
- A mendoni se Bashkësia ndërkombëtare do ta ndryshoj këtë situatë?
- Bashkësia ndërkombëtare vetëm nuk mund ta ndryshojë situatën. Që t'ia arrijë kësaj ka nevojë për bashkëpunimin si të Prishtinës, ashtu dhe të Beogradit, ka nevojë për bashkëpunimin e serbëve të Kosovës dhe shqiptarëve të Kosovës. Mendoj se është mjaft e qartë që Prishtina nuk mund të llogarisë që do të ketë autoritet të menjëhershëm qeverisës mbi popullsinë serbe, pa shkaktuar joqëllimisht zhvendosjen e popullsisë serbe. Prandaj ka nevojë për një zgjidhje tranzitore, e cila mendoj se po diskutohet tash dhe Bashkësia ndërkombëtare do të kishte, siç ka, një rol qendror në atë zgjidhje kalimtare për pjesët e populluara serbe të Kosovës.
- Ti kthehemi sërish Këshillit të Sigurimit, pasi anëtarë të tij me të drejtë të vetos, janë edhe Rusia e Kina. Çfarë qëndrimi mund të presim nga ata gjatë diskutimit për këtë çështje në Këshillin e Sigurimit?
- Është pak e vështirë për t'u parashikuar, por si Rusia ashtu dhe Kina kanë shqetësime për provincat të tyre, të cilat do të donin të ishin të pavarura, si për shembull Çeçenia kërkon të jetë e pavarur, ndërsa shumë në Tibet kërkojnë që ai të jetë i pavarur. Pra Pekini dhe Moska do të kenë shqetësime për integritetin e tyre territorial dhe sovranitetin e tyre. Në të njëjtën kohë, në rastin e Moskës, ka disa që thonë se nuk u vjen keq ta shohin Kosovën të pavarur pasi do shërbente si precedent për pjesët e Gjeorgjisë, siç është për shembull, Abhazia. T'ju them të drejtën, nuk mendoj se kjo është e mundur. Mendoj se si Rusia ashtu edhe Kina, që janë shtete sovrane, e që ndjejnë se kanë rreziqe nga vështirësitë e brendshme, nuk do të jenë të shqetësuara se çka do të ndodhë me Kosovën, pasi kjo nuk është precedent për provincat e tyre.

[fatlumi18]

statusi i Kosovës nuk do të mund të zgjidhet në Këshillin e Sigurimit të OKB-së, nga antarët e përhershme (SHBA, Anglia, FRANCA, RUSIA, KINA),ngase siq po e shihni këto 3 të fundit do të jenë kundër pavarsisë tonë...

Rusia që tani po e precedenton çështjen e Kosovës kundruall asaj të Çeçenisë...
Kina po ashtu po e precedenton çështjen e Kosovës me Tibetin...
Franca gjithmonë ka qenë PROSTITUTE politike në raport me Kosovën, nuk na ka dashur e nuk na do as sot...

dhe kur nuk mund ta zgjedhin një çështje antarët e përhershm të Këshillit të Sigurimit, atëherë në bazë të Rezolutës 713 t'asamblesë kushtetuese të OKB-së, i njihet popullit të vendit përkatës E DREJTA të vendos për fatin/veten e tij...

pra na njihet referendumi...
Ne votojmë PRO, - bëhemi SHTETI më i ri në Europë, e më pas prapë nxirret një Rezolutë e cila u'a lejon shteteve të vendosin UNILATERALISHT, se a e pranojnë apo jo SHTETIN më të ri ( Kosovën ), siq ka ndodhur me Slloveninë, Kroacinë, Bosnje e Hercogovinën e së fundi me Malin e Zi, të cilat janë njohur përkatësisht do të njihet ( Mali i Zi ) në të njejtën mënyrë...

mirëpo problemi konsiston në atë se Bashkësia Ndërkombëtare përmes procesit të Negociatave, po vepron me një taktikë shpërqëndruese të çështjeve, së pari decentralizimi, objektet kulturore, borgjet - ekonomia etj, vetëm e vetëm për t'iu garantuar SERBEVE, sa më shumë privilegje, e tek më vonë diku nga korriku, të fillojnë negociatat direkte rreht STATUSIT final...

me fjalë të tjera Bota po shikon mënyrën se s'i në formë më maksimaliste të mundshme, t'iu japë serbëve privilegje dhe në fakt t'i futë të fundit si ETNO-ELEMENTIN, e dytë shtetëror të Kosovës ( përpos shqiptarëve )...

kjo ndodh për dy arsye :
e para se Kosova do të jetë i parë që vetëm me identitet KRAHINOR do të bëhet SHTET, duke u thirrur se në RSFJ-në e dikurshme, ku edhe pse ishte element konstituiv i federatës, nuk ishte KOMB e as REPUBLIKE...

dhe e dyta : ngase BOTA i frikohet DY SHTETVE etnike shqiptare në Ballkan,ngase e di mirë se "kosovarët dhe shqiptarët" ( po shrehem kështu kushtimisht ) nuk do të rrinë të ndarë me vetëdëshirë siq po bëjnë maqedonët - bullgarët, moldavët - rumunët, çekët - sllovakët, serbët - malazezët ( që u ndanë së fundi ) apo edhe indonezjanët - malejziazit...

BOTA e di mirë se nëse Kosova bëhet e pavarur, shqiptarët e Kosovës edhe pse për momentin nuk eksiston një gadishmëri e tillë, herë do kurdo do të qojnë krye e do të kërkojnë të bashkohen me Shqipërinë...
edhe pse unë personalisht nuk besoj se këtë gjë e kërkojnë shqiptarët e Kosovës, ngase kjo mund të shihet më së miri nga programet e partive kosovare, ku përpos POVRATAKUT që është për kthim të Kosovës në Serbi, në anën tjetër vetëm LKÇK-ja dhe LPK-ja nuk kanë hequr dorë nga bashkimi me Shqipërinë, dmth diku 1.2% të shqiptarëve janë për bashkim me Shqipëri...
por unë po flas objekivisht në atë se cila është droja e Bashkësisë Ndërkombëtare, e cila prapë po potencoj i frikohet bashkimit të shqiptarëve, dhe kështu siq e thash edhe më lart po tenton t'i futë serbët si ETNO-ELEMNETIN e dytë në SHTETIN e ardhshëm të Kosovës...

dhe së këndejmi BOTA do të na njohë si SHTET jo pse na do, por pse i frikohet konflikteve,dhe ku në rast të konflikti nuk do të mund t'i realizonte interesat e saja në Kosovë...

përfundimisht shteti i Kosovës do t'i gjasojë atij të Qipros ku 70% qeverisin grekët e 30% turqit e ku edhe tek ne 70% "do ta kemi ne në duar e 30% serbët"!
kjo e parandalon bashkimin me Shqipërinë, ngase po t'a kërkojnë këtë gjë kosovarët, edhe serbët e Kosovës menjëherë logjikisht do të kërkojnë bashkim me Serbinë dhe kështu do të coptohej përfundimisht Kosova dhe "pavarësia e Kosovës", do të dile vetëm s'i farsë...

thjesht Kosova de facto do të ndahej në mes Shqipërisë dhe Serbisë, që për qudi këtë nuk e do Shqipëria, por e do Serbia...!