Statusi i ardhshem i Kosovës!

[dodoni]

Surroi: Kosova të ngrejë çështjen e lidhshmërisë me komunat me shumicë shqiptare në Serbi Aktuale

Përfaqësuesit politik të Luginës së Preshevës kanë kërkuar dje nga institucionet e Kosovës, Qeveria dhe Kuvendi të ngrenë çështjen e pazgjidhur të komunave me shumicë shqiptare në Luginën e Preshevës. Këto kërkesa, përfaqësuesit e Luginës, Ragmi Mustafa dhe Riza Halimi i kanë bërë gjatë takimit të rregullt që zhvillojnë me anëtarin e Grupit Negociues, Veton Surroi, i cili drejton dhe Këshillin për Komunitete, në kuadër të ekipit kosovar për bisedimet lidhur me statusin.


Nikoqiri i takimit, Veton Surroi tha se do të ishte reale që praktikat më të mira rajonale për decentralizimin që do të zbatohen në Kosovë, të zbatohen edhe në Luginën e Preshevës. Po ashtu, Surroi tha se Kosova duhet të ngrejë tani çështjen e lidhshmërisë ndërmjet saj dhe komunave me shumicë shqiptare në Serbi, ngjashëm siç kërkohet të bëhen këto lidhje ndërmjet komunave me shumicë serbe në Kosovë dhe Beogradit.


RTK 08/04/2006 12:41:30

Shqiptaret e Lugines se Presheves duhet te kene te njejtat te drejta kombetare qe do kete pakica serbe ne Kosove.

[faiksmajli]

Nuk është e drejtë që serbët e Kosovës të barazohen me shqiptarët e kolonizuar nga Lugina e Preshevës!


I vetëshpalluri “ambasador” i shqiptarëve nga Lugina e Preshevës në “negociatat” midis shqipfolësve dhe serbëve, Veton Surroi, shpiku para kërkesave të shqiptarëve nën Serbi, tezën e barazisë së popullatës shqiptare së atjeshme me serbët nga Kosova.


Mona Agrigoroaiei

Sipas tij, “do të ishte reale që praktikat më të mira rajonale për decentralizimin që do të zbatohen në Kosovë, të zbatohen edhe në Luginën e Preshevë” dhe “duhet të ngrejë tani çështjen e lidhshmërisë ndërmjet saj dhe komunave me shumicë shqiptare në Serbi, ngjashëm siç kërkohet të bëhen këto lidhje ndërmjet komunave me shumicë serbe në Kosovë dhe Beogradit” (RTK / www.presheva.com, 9 prill 2006)

Përmes kësaj mund të konstatojmë që Veton Surroi kërkon:
1) pranimin e rikolonizimit të Kosovës përmes krijimit të një entiteti serb, nga momenti që “decentralizimi” e “lidhshmëria e komunave me shumicë serbe” i konsideron praktika të zbatueshme, ndërsa, ai nuk dënon planin e llahtarshëm të ripushtimit hap pas hapi të Kosovës nga Serbia përmes këtij etniteti.
2) pranimin e vazhdimësisë së pushtimit të Luginës së Preshevës, në një moment tepër të tensionuar, kur shqiptarët kanë filluar të vetëdijesohen për “të drejtat”, këto flluska sapuni që iu servuan dinakërisht, me ”Marrëveshjen e Konçulit”, pastaj u ngritën në protesta për respektimin e të drejtës së tyre për vetëvendosje.

Kjo deklaratë nuk është aspak dekurajuese për serbët (të heqin dorë nga decentralizimi e nga pretendimi i lidhshmërisë së komunave të enklavizuara serbe). Përkundrazi.
Thelbi i saj del i qartë: të krijohet përshtypja e rremë se shqiptarët nga Lugina e Preshevës mund të fitojnë diçka – decentralizimi e lidhshmëria e komunave të tyre, me vazhdimin e statusit kolonial që e kanë e të statusit të “minoritetit” në trojet e veta.
Armiqtë dhe servilët e tyre, godasin kështu; dy lepuj me të njëjtin gur: Krijohet përshtypja e një etniteti serb në Kosovë, në të njëjtën kohë në të cilën Lugina e Preshevës mbetet e kolonizuar – gjë e garantuar përmes pranisë së ushtrisë e xhandarmërisë serbe në ato vise (!)
Krijohet krejtësisht përshtypja e rremë e barazimit të një pjese të Kosovës – tokë shqiptare – me Luginën e Preshevës – tjetër tokë shqiptare, për të realizuar premisat e asaj që në fakt Beogradi dëshiron sipas “logjikës” së tij shoviniste-aneksioniste: një pazar i fëlliqur për shkëputjen e një pjesë bukur të madhe të Kosovës në këmbim të Luginës së Preshevës.
E, kjo është e papranueshme, sepse asnjë pëllëmbë toke shqiptare nuk duhet lejuar të këmbehet as të mbetet nën pushtimin e kolonizimin serbo-sllavomaqedonas!

Këto interpretime nuk mund të trajtohen si fantazi. Mjafton, vetëm t´i hedhim një sy “biografisë politike” të Veton Surroit, lehtë e kuptojmë se ai ka qenë dhe po mbetet përjetësisht servil i përbetuar i Beogradit.
Veton Surroi, i biri i ish-ambasadorit serbo-sllav, është pikërisht ai i cili në cilësinë e analistit titist, në vitin 1986 do të deklaronte, në gazetën “Rilindja” që “Kosovës nuk i duhet statusin e Republikës” .
Po ashtu, në vitin 1994, nga goja e këtij “shqiptari të ndërshëm” kanë këto fjalë “ne, shqiptarët e Kosovës duhet të dalim në zgjedhje të lira serbe, përkrah Drashkoviçit, Xhinxhiçit, Sheshelit, pra me opozitën serbe, ta rrëzojmë Sllobodan Millosheviçin” dhe ai i pari doli me shkrime pas luftës ku propagandonte kundër UÇK-së.
Gjithashtu, në vitin 1998, derisa shqiptarët po masakroheshin nëpër fshatrat e qytetet e Kosovës, ai dhe klika e tij ishin ata që shkuan deri në Beograd dhe u puthën me Sllobodan Millosheviçin.
Ai, është pasuruar nga djersa e popullit dhe në emër të tij, nga qarqe shoviniste antishqiptare, sepse nëpër forume ndërkombëtare, ai paraqiti kurdoherë kompromise në fjalimet e tij gjithnjë denigruese dhe qëndrime antishqiptare.

Në vitet e 90-ta kur formoheshin partitë "demokratike " në Beograd, ky farë Surroi formoi një parti të quajtur UJDI, d.m.th. Unioni Jugosllav Demokratik...
Por ai u paraqiti vetën si një “simbol” të rezistencës. Gjatë torturave e tmerrit që bënte regjimi i Millosheviqit, ky pati organizuar, gjoja, varrimin e dhunës, duke e mbajtur një arkivol të thatë nëpër Prishtinë...Po e pati mashtruar një masë të gjorë!
Ky farë sharlatani, "zbulonte" lloj-lloj marifetesh, njëherë pati shpikur një tingëllim me pjata të metalta, me teneqe, me lugë që të t'i rrahin shumë në orën 12 të ditës në shenjë revolte etj.
Pastaj një "zbulim" tjetër të "rezistencës" duke e ftuar popullin që në një orë të caktuar të mbrëmjes të fikën dritat 5 minuta etj.

Nga broçkullat e tij politike "të bëmat më të reja", përveç rolit i dëmshëm që e pati në Rambuje (çfarë kërkonte atje, unë nuk mund të kuptoj!!!), ai deklaroi se do të pranonte “pavarësinë e kushtëzuar”, pra “pavarësinë” e Kosovës me kokën nën Serbi.
Duke deklaruar kështu, në fakt ia hoqi hapur "petën lakrorit", sepse ai tërë jetën ka qenë dhe është me trup në Kosovë, ndërsa me "tru-kokën" në Serbi!
Ai, për gjithçka mund të interesohet së prapthi, por jo kurrë nuk është interesuar as interesohet për fatin e popullit.
Atij, nuk i prish hiq punë, nëse shqiptarët të Kosovës rikolonizohen nga Serbia, përderisa ai mbetet një "sheik" ballkanik, (i pasur e në pozita të privilegjuara ), ashtu siç ka qenë në këto “vite të arta” para e pas ardhjes së kolonës së pestë të Beogradit në Kosovë – UNMIK-u.
Duhet thellësisht të kuptojmë: Veton Surroi, nuk është ambasador i interesave të shqiptarëve!
Po të ishte ashtu do të kishte një qasje tjetër.

Jo vetëm se nuk duhet pranuar idenë e realizimit të një statusi të ngjashëm – minoritar – për shqiptarët nga ato vise, njëlloj me statusin e serbëve të Kosovës, por edhe duhet ngritur më të drejtë problemin e shqiptarëve të tokës etnike shqiptare të Toplicës, që u zhvendosën me dhunë në vitet 1878-1980 nga pushteti serb.
Duhet kërkuar, pas mbledhjes së provave, rikthimin në vatrat e tyre të muxhahirëve, dëmshpërblimin e tyre, si dhe të gjitha të drejtat e konventave ndërkombëtare që kanë të bëjnë me respektimin e të drejtës së njeriut.
Duhet kërkuar gjithashtu të jepet fund çështjes së kolonizimit të Luginës së Preshevës, me respektimin e të drejtës së vetëvendosjes së asaj popullate të shtypur e të kolonizuar nga lubia gjoja “demokratike” serbe.
Arrestimi i disa ish-ushtarëve të Ushtrisë Çlirimtare të Preshevës, Bujanocit, Medvegjës, prania e ushtrisë e xhandarmërisë serbe dëshmon se qeveria e Beogradit pas protestave gjithëpopullore, nuk është aspak e ndërgjegjësuar të respektojë shqiptarët, se ende punon me metodat e vjetra. Ushtria serbe ka ndërtuar një bazë ushtarake në Berovc e çdo ditë furnizohet me armë më moderne e të sofistikuara. Këtë e dëshmon edhe Nebojsha Çoviçi, kur thotë se prania e forcave policore-ushtarake është që të mbrohet popullata serbe nga pjesa e Anamoravës.
Taktikat “pushto, mashtro, asimilo e sërish pushto” nga Beogradi tani janë krejtësisht të qarta!

Kërkohet urgjentisht, që sa më shpejt duhet që kjo situatë koloniale të merr fund, sepse përderisa shqiptarët nga Lugina e Preshevës po heqin të zitë e ullirit nën sundimin e kolonizimin serb, atyre u kërcënohet ardhmëria e tyre, ata mund ta pësojnë keq: në të njëjtën mënyrë si vëllezërit e tyre të cilët janë zhvendosur barbarisht nga Toplica...
Krahasimi për "lidhshmëri-decentralizmi", midis autoktonëve shqiptarë dhe kolonëve serbë, është shpikur në kuzhinat e pista politike të Beogradit, prej të cilave majmet e pastaj vjell vrer, titisti i konvertuar në "demo(n)krat", Veton Surroi.
Shqiptarët, kudo që janë, atje ku bukës i thonë bukë e ujit ujë, pra në hapësirat e Shqipërisë Etnike, duhet të vetëdijesohemi dhe ta grisim zërin e arsyes – natyrës.
Të vendosim vetë, në referendum gjithëpopullor për fatin tonë, ne populli, e jo disa të vetëshpallur ambasadorë titistë (Surroi), siç ishte edhe i vetëshpalluri mbret Zogu, që e la Shqipërinë e iku. Ashtu edhe ky titist dhe shumë të tjerë, demagogë, hipokritë, nëse vendosin këta, pra do të pësojmë të njëjtin FAT TË ZI. Këtë e them për shumë arsye sepse po flasin një mal argumentesh që sa herë që kanë vendosur të tjerët për ne, asgjë nuk kemi fituar, vetëm që kemi humbur... /Rumani, 10 Prill 2006/ 11 04 2006/F.F.
--------------------------------------------------------------------------------

[ARIANI_TB]

Bruns ; Negociatat e tashme kanë për qëllim pavarësinë e Kosovës, dhe, ajo mund të arrihet brenda këtij viti

Sylejman Gashi, SHBA

Negociatat që po mbahen tani kanë për qëllim pavarësinë e Kosovës. Serbia demokratike, Kroacia, Shqipëria, Maqedonia dhe Kosova e pavarur e kanë vendin dhe duhet të bëhen anëtare të Bashkimit Evropian dhe anëtare të NATO-së. Ka qenë strategji amerikane prej 50 vjetësh që Evropa të jetë një dhe në paqe. Kjo është hera e parë që një zyrtar kaq i lartë i administratës së tashme amerikane ta theksojë këtë vit kalendarik si vendosës për pavarësinë e Kosovës.
Në fjalën e tij në një ceremoni në kryeqytetin amerikan në Washington, ndihmëssekretari Amerikan i Shtetit për Çështje politike, Nicholas Burns, tha se negociatat e tashme kanë për qëllim dhe pavarësia e Kosovës mund të krijohet brenda këtij viti. Ishte hera e parë që një zyrtar kaq i lartë i administratës së tashme amerikane e theksonte këtë vit kalendarik si vendosës për pavarësinë e Kosovës. Ndihmëssekretari Burns i bëri këto komente në kremtimin e ditëlindjes së njërit nga themeluesit e Qendrës për Studime Strategjike Ndërkombëtare në një takim në ndërtesën e Senatit ku merrnin pjesë shumë ambasadorë të vendeve të Evropës Perëndimore, si të Francës, Gjermanisë, Belgjikës, ishte i pranishëm edhe ish Sekretari Amerikan i Shtetit, Henry Kissinger.
Në fjalën e tij Burns theksoi domosdoshmërinë e marrëdhënieve të SHBA-ve me vendet Evropiane duke theksuar se aleanca e përbashkët në NATO ndali luftën në Bosnjë, ndali pastrimin etnik të një milion shqiptarëve si dhe arriti të ruaj paqen tash shtatë vjet në Kosovë.

“Puna jonë në Evropë nuk ka përfunduar ende, sepse Ballkani mbetet një ujdhesë në zemër të Evropës që ende nuk është e lidhur me dy institucionet e mëdha transatlantike, Bashkimin Evropian dhe NATO-n. Ne mendojmë dhe besojë se ne, evropianët dhe Amerikanët si dhe NATO-ja, jemi të bindur në gjykimin tonë se Serbia, njëherë kur të bëhet demokratike, si dhe Kroacia, Shqipëria e Maqedonia si dhe Kosova e pavarur, nëse do të krijohet këtë vit nga Kombet e Bashkuara, gjë që është edhe qëllim i këtyre negociatave që po mbahen, atëherë të gjitha këto shtete duhet ta kenë vokacionin Evropian, tha Burns. Ne në Amerikë mendojmë se Evropa duhet t’ua bëj të qartë se e ardhmja e këtyre shteteve do të jetë në Bashkimin Evropian. Të njëjtin sinjal po aq të fuqishëm duhet t’ua japim edhe ne në NATO. Sepse ka qenë strategji amerikane e të gjitha administratave që nga koha e luftës së ftohtë, që Evropa të jetë një dhe në paqe. Ne duhet ta arrijmë këtë synim strategjik dhe Ballkani mbetet ende një pune e papërfunduar, tha ndër të tjera ndihmëssekretari i Shtetit, Nicholas Burns.


Postuar më: Sb Blue Sky & Radio Kosova Staff me Apr 11, 06 | 10:18 am

[dodoni]

Liberaldemokratët europianë kërkojnë përshpejtimin e bisedimeve për statusin përfundimtar të Kosovës


ELDR: Kosova të pranohet në Kombet e Bashkuara


Liberaldemokratët europianë kërkojnë përshpejtimin e bisedimeve për statusin përfundimtar të Kosovës. Aleanca Liberal Demokrate në Parklamentin Europian, Internacionalja Liberale (ELDR) dhe Liberalët Ndërkombëtarë propozuan një projektrezolutë me anën e së cilës kërkohet intensifikimi i negociatave për Kosovën.

"Duke qenë të bindur se shumica e banorëve dëshirojnë pavarësinë e Kosovës dhe duke pranuar se minoriteti serb në Kosovë i frikësohet pasojave nga vetëvendosja e shumicës në Kosovë, duke pranuar që shtyrja e gjatë në përcaktimin e statusit final të Kosovës provokon tensione, frenon rimëkëmbjen ekonomike dhe parandalon njohjen e realiteteve të krijuara nga ngjarjet e viteve '89-'99, grupimi i liberaldemokratëve europianë bën thirrje për njohjen e pavarësisë de jure të Kosovës dhe anëtarësimin e saj në OKB dhe në organizmat europianë. Thelbin e kësaj projektrezolute e shpjegon në këtë intervistë ekskluzive për "RD", kryetari i PAD, Neritan Ceka.


- Zoti Ceka, ku konsiston Rezoluta e grupimit të partive, anëtare të Internacionales Liberale për çështjen e statusit të Kosovës?


Rezoluta e iniciuar nga grupi i deputetëve liberaldemokratë (ELDR) në Asamblenë Parlamentare të Parlamentit Europian konsiston në përshpejtimin e përfundimit të çështjes të statusit përfundimtar të Kosovës.

I rekomandon Ahtisarit që t'i përfundojë negociatat brenda këtij viti dhe në fillim të vitit 2007, Kosova të jetë një shtet i pavarur. Çështja e dytë që shtron Rezoluta është që Kosova të pranohet në të gjitha organizatat ndërkombëtare, kryesisht në Kombet e Bashkuara, Këshillin e Europës dhe në organizatat e tjera euroatlantike. Çështja e tretë është të sigurohen ose të deklarohet mosndryshimi i kufijve dhe njohja e të drejtave të minoriteteve, veçanërisht njohja e të drejtës së minoritetit serb për të patur një gjuhë të njohur zyrtare, paralel me atë që është për shqiptarët në Maqedoni.


- Ku qëndron rëndësia e kësaj nisme?


Them që është një hap i madh përpara, sepse e quan të mbyllur diskutimin mbi pavarësinë e Kosovës, veçanërisht mundësinë e përfshirjes së Kosovës në Kombet e Bashkuara dhe në organet europiane të shteteve demokratike.


- Kujt i adresohet dhe në çfarë instancash pritet të kalojë kjo projektrezolutë?


Projektrezoluta, natyrisht, kalon në Parlamentin Europian, ku ELDR është grupi i tretë i rëndësishëm parlamentar, duke patur dhe disa personalitete në krye të organeve kryesore. Po ashtu, edhe Këshillit të Europës, ku ELDR (grupi liberaldemokrat) është i fortë. Të mos harrojmë që liberaldemokratët janë sot në krye të disa shteteve europiane.

Përgatiti: Halil RAMA

marre nga Rilindja Demokratike

[km92]

Pavaresi E Plote

[Edvin83]

Para se te nisnin bisedimet per statusin, Rugova u beri presion njehere nderkombetareve-"Ne po kerkojme minimumin pavaresine, se ne dime te kerkojme dhe bashkim kombetar".Prandaj nuk kane rruge tjeter vecse ta pranojne pavaresine.

[Borix]

Une mendoj se procesi i Ballkanizimit nuk ka per te patur fund ndonjehere, megjithese koha dhe shoqeri po konvergojne ne bashkime integruese. Personalisht, mendoj qe Kosova karakterizohet nga pavarsia e plote, por kjo vetem ne syte tane, qe jemi shqiptare. Megjithate, pavarsia apo bashkimi kombetar (akoma me ekstreme) nuk jane thjesht fjale goje. Ato jane evenimente po aq te rendesishme sa problematike ne kuptimin e marredhenieve nderkombetare. Nese nje bashkesi shtetesh favorizon pavaresi imediate te Kosoves, atehere krahinat ekzistente qe nuk kane pavaresi (por ngulmojne per te) si psh Taivani, do te fillojne te parashtrojne kerkesat e tyre, po ketyre shteteve qe favorizojne Kosoven. Kjo do te shkaktonte diferencim, dhe vete diferencimi sjell konflikte te cfaredo lloj shkalle. Une kembengul qe per te fituar pavarsine e plote, Kosova duhet (me domosdoshmeri) te barazoje pakicat shqiptare ne token e zaptuar nga serbet me ate serbe ne kosove. Cdo lloj diferencimi nenkupton racizem dhe nese merret pavarsia e plote, atehere do te nenkuptoje thyerje te kodit te etikes ne nivele te dukshme.

[Edvin83]

PO c'na intereson ne Tajvani, dhe pastaj me thuaj ti ku e sheh etiken kur Izraeli bombardon perdite, apo kur shtete te ndryshme bombardojne , nderhyjne , vrasin njerez te pafajshem dhe bejne lloj-lloj gjerash te padrejta?Dhe te gjithe mbyllin syte, ne bote nuk ka etike e drejtesi

[Borix]

PO c'na intereson ne Tajvani, dhe pastaj me thuaj ti ku e sheh etiken kur Izraeli bombardon perdite, apo kur shtete te ndryshme bombardojne , nderhyjne , vrasin njerez te pafajshem dhe bejne lloj-lloj gjerash te padrejta?Dhe te gjithe mbyllin syte, ne bote nuk ka etike e drejtesi

Ceshtja e Tajvanit eshte me komplekse se ajo e Kosoves, ne plan te pare. Ideja nuk eshte interesim per Tajvanin, por ceshtja e pavarsise se Tajvanit vene ne nje lineance me ate te Kosoves (qe as nuk krahasohen, pasi Kina eshte shtet teper i fuqishem, ndersa Serbia s'eshte asgje...) rezulton ne ceshtje te marredhenieve nderkombetare (e pare ne plan te gjere, ashtu si kunder vepron ti).

Izraeli eshte nje shtet i pavarur, pra ka legjitimitet (jo per te bombarduar...). Gjithashtu, Amerika qe mbron Kosoven (dhe e ka mbrojtur) eshte nje shtet qe bombardon shtete te tjera legjitime. Kjo nuk ka lidhje me ate cka une nenkuptoj per kodin e etikes (apo te moralit). Druhem nga fakti dhe pohoj se Kosova pasi te marre pavarsine e plote nuk do te arrije te respektoje pakicat serbe brenda territorit legjitim, ashtu si kunder do te kete premtuar. Kjo eshte thyerje e etikes.

Te them te drejten, jam me teper i fokusuar tek ceshtja Came, pasi ajo e Kosoves eshte tanime e zgjidhur.

[Edvin83]

[QUOTE=Borix]Ceshtja e Tajvanit eshte me komplekse se ajo e Kosoves, ne plan te pare. Ideja nuk eshte interesim per Tajvanin, por ceshtja e pavarsise se Tajvanit vene ne nje lineance me ate te Kosoves (qe as nuk krahasohen, pasi Kina eshte shtet teper i fuqishem, ndersa Serbia s'eshte asgje...) rezulton ne ceshtje te marredhenieve nderkombetare (e pare ne plan te gjere, ashtu si kunder vepron ti).QUOTE]
Per sa i perket Tajvanit, ajo eshte krejt ceshtje tjeter sepse Tajvani eshte me popullsi me tepr kineze, kjo i bie sikur tani Jugu i Shqiperise te ishte ndare nga Shqiperia para 50 vjetesh dhe Shqiperia nuk e njeh pavaresine e tij. Kosova(Dardania) ka krejt tjeter skenar, popullsia nuk eshte serbe dhe Kosova nuk ka qene qe ne lashtesi pjese e pandare e Serbise, ajo ka qene nen Serbi nga 1913-1999, duke pasur gjithmone nje popullsi gati 90% shqiptare.