Shqipëria në eliminatoret e Euro 2008-ës!

[dodoni]

Grupi nuk eshte i keq dhe ne te gjitha takimet do kete tifoza shqiptare me bollek.

Shikuar realisht, favorite kryesore eshte Hollanda, kurse per vendin e dyte do luftojne Rumania me Bullgarine. Ky eshte realiteti dhe Shqiperia per mendimin tim, shikuar realisht, ka mundesi shume te medha qe te ze vendin e katert e ndoshta edhe te tretin. Sllovenia nuk eshte me lart se ne ne futboll. Ata fakt qe jane kualifikuar njehere ne boteror, por edhe kjo ka qene pune fati me shume. Liga e tyre eshte me e dobet se superliga jone, bazuar ne buxhetin e klubeve qe eshte shume me i vogel se buxheti i klubeve shqiptare. Sllovenia eshte vend shume i vogel dhe komb shume me i vogel se shqiptaret.

Poashtu, Shqiperia eshte rritur shume ne cilesisht keto vitet e fundit. Psh. sot kemi Erion Bogdanin te pazevendesueshem ne Serie A, dhe qe eshte duke u kerkuar nga shume klube te forta. Kemi Taren qe edhe pse si zevendesues, sivjet eshte duke shenuar shume me shpesh. Poashtu, kemi te rinjte Bekim Kastratin e Salihin qe premtojne shume. Pastaj, kemi Canen e pazevendesueshem, Skelen, etj. etj. Po te kishim gjithe shqiptaret ne kombetare, si psh. Behramin, vllzt. Kuqi, Gashin etj. them qe kualifikimi do ishte shume me i lehte per ne. Por ca ti bejme tash. Me pak fat, edhe mund te kualifikohemi, urojme qe ta kemi kete fat kete here.

Megjithese, topi eshte i rrumbullaket, dhe nuk i dihet ne futboll. Urojme qe te arrijme sa me lart qe eshte e mundur duke pasur sa ma shume fat.

PARA SHQIPERIA

[Qerim]

Per momentin kemi Superligen me rritje cilesie me te shpejte ne bote. Kjo gje do te reflektohet edhe tek keto ndeshje.Pra duhet te mbeshtetemi me shume tek kjo superlige.Brigeli nuk duhet te beje me kesaj here nje gafe e te na thote se nuk ka lojtare te mjaftueshem.Te marre nga Superliga shqiptare dhe nga Superliga e Kosoves!!

Lojtare si Lala, Hasi, Murati ,Myrtaj ,Duro, etj duhet te heqin dore nga 11 baze dhe te pranojne rolin e zevendesuesit.

Muka, Ahmataj, Salihi ,Dede dhe ndonje lojtar tjeter nga ekipet kryesuese duhet te bejne pjese patjeter ne kombetare.

[Cimo]

Si asnjehere qeter shansat jane te medha per tu kualifikuar...Me plot pergjegjesi them se ALBANIA IS 100 % IN EURO 2008

kTO EKIPET KREJT MUND TI MUNDIM NE SHTEPI kurse jashte do na duhen vetem 2 fitore ........

[burim980]

Edhe unë jam i te njëjtit mendim si « Ballisti_Tetove » qe kombëtarja ka shumë
shans te kualifikohet kësaj radhe.
Te lemë Holandën anesh mendoj se pengesa e dyte do jetë Rumania këta lozin futboll te mire për mendimin tim, por pa mare parasysh ne shkojmë përpara....

UUUURRRRAAAAAA UUUUUURRRRRAAAAAAAA UUUUUURRRRRAAA

ALBANIA EURO 2008
Dhashë zoti edhe ne gëzohen kësaj radhe!!!

[Isomer937]

Shpresat e Shqiperise gjithmone kane qene do zeme vendin e dyte ne grup. Dhe kur lufton per vend te 2 zakonisht del te pakten 2 vende me poshte.

Parashikim im :

Ndeshjet brenda:

Hollande ------- Humbje
Rumani ---------- Humbje
Bullgari ---------- Barazim
Slovenia --------- Fitore ose Barazim
Belarus---------- Fitore
Luxembourg---- Fitore

E shumta 9 pike nga ndeshjet brenda.

Ndeshjet jashte:

Hollande ------- Humbje
Rumani ---------- Humbje
Bullgari ---------- Humbje
Slovenia --------- Humbje
Belarus---------- Humbje Barazim
Luxembourg---- Fitore

E shumta 4 pike nga ndeshjet jashte.

Pra Shqiperia merr gjithsej 13 pike shto dhe 3 pike me fat gjithsej behen 16 pike.

Dhe ne grupet qe kishin vetem 6 skuadra per eliminatoret e Boterorit skuadra qe u kualifikua kishte te pakten 18 pike.

Endrrat qe do hyme ne Evropian do t'i shikojme deri ne mes te 2007 kur realiteti do na jape nje grusht surratit. Atehere do zgjohemi dhe do themi do hyme ne Boteror 2010.

Nje ekip pa etike profesionale si kombetarje tone nuk shikon dot as Europian as Boteror. Duhet disipline koj do duket ne menyren si do ti hame golat.

[niku-nyc]

Shume e veshtire eshte sepse grupet kan me shume ekipe sesa ato eliminatoret e boterorit dhe kedo ekip te kesh te fort apo te lehte ansjeri ste fal!
Shpresa do kemi vetem ne qofse te pakten do arrijm te fitojm pike me ekipet si Bullgaria, Sllovenia dhe Biellorusia se per Hollanden dhe Rumanin do na duhen mrekulli ose loje perfekte tu marim pike!
Eshte shpejt per te then se do dalin grupet por kemi kohe te pergatitemi dhe te bejm ndryshime ne ekip!

[Chingy]

Ky eshte grupi tipik qe ne do bojm max 10 pike(rrofte luksemburgu) dhe ndeshjet me te mira do i bojm kundra Hollandes mgjthse do rrifemi.Jo se skudrat e tjera jane shume me te mira se ne se me kembengulje dhe displine i rref po puna eshte qe lojtaret tone nuk do e vejn ujin ne zjarr qe te lujn mire kundra ketyre skuadrave ballkanike se nuk perfitojn asigjo.Shpresoj qe te gabohem ne kto qe thashe po pisk e kemi punen nqs lojtaret tone nuk ndryshojn mentalitet e te lujn gjithmone njisoj.

[bayern]

Me verte me habit kjo siguria e disave ne kualifikimin tone. Sa me shume lexoj postime te tilla aq me shume me mbushet mendja se ata qe e mbeshtesin kete teze e njohin futbollin aq sa une njoh sportin e bukur te patinazhit artistik lol.

Kjo eufori e njejte qe na ndoqi ne kualifikimet e boterorit, mbaj mend sa u hodh shorteu deklaronin 'bosat' e topit ne forumin shqiptar se Grekun do e rrafim, Turkut ja kemi marre doren kurse Ukraina edhe Gjeorgjia ishin ekipe ku do rregullonim golavarazhin, i vetmi ekip qe na qendronte siper ishte Danimarka nordike. Ama sipas te njejteve specialiste midhjeje edhe peshku nje fitore ne Qemal Stafa edhe nje barazim ne Oslo ishin shume te mundshem.

Mos te kujtoj komentet post fitore me Grekun. Mire qe nuk na dhane kupen e botes se aq shume kishim besim tek vetja.

Realiteti i futbollit tone eshte i tille, nuk jemi me shume nga c'perfaqsuam ne short, nje ekip i dale nga qypi nr 5. Ishin 4 qypa te tille mbi ne me ekipe shume me lart se ne jo vetem nga futbolli por edhe nga mentaliteti.

[TiLoNcE]

U me hollanden.

Group G
Netherlands
Romania
Bulgaria
Slovenia
Albania
Belarus
Luxembourg

Do vij Vani ne Tirane ere tu befsha.

Do na habiset DM-ja qe ka me bo tifozllik per hollanden. hajde hajde ta provojm iher se vec Gjermania na ka pas ra.

Per mendimin tim vetem Hollanda edhe Rumania duhet konsideruar si siper nesh. Te tjerat jane pak a shume e njejta vorbull, hiq ketu luksemburdun qe eshte ku te therret qameti.

o Vi ke pa ti qe ka fat pemthymi ..do shof ene Jovan Bastenin
.
DM bravo e??

[Davius]

Kemi rënë në një grup me pak shanse për kualifikim, por edhe pa asnjë perspektivë përfitimi financiar 28-01-2006

Shorti "Euro 2008" dhe e ardhmja e Brigelit

Alfred LLESHI

Duke përcjellë me vëmendje dëshirat gati "vetëmohuese" të dy krahëve potencialë të kuqezinjve tanë, para shortit të djeshëm të eliminatoreve të Europianit 2008, të zyrtarëve të federatës dhe të futbollistëve me Brigelin, më vinte ndër mend fjala e urtë: peshku në det, tigani në zjarr. Arsyeja s'ka të bëjë kurrsesi me nënvlerësimin apo mosvlerësimin e tendencës së të dy palëve, sesa me të vërtetën, tashmë të zyrtarizuar, e të rënit të kombëtares sonë në një grup të padëshirueshëm nga të dyja palët. Dhe kështu ndodhi vërtet. Goglat e shortit përvijuan një grup të padëshirueshëm për trajnerin Brigel, që donte kundërshtare Gjermaninë e tij, grup të padëshirueshëm për disa nga kuqezinjtë, që donin Italinë, Francën, Anglinë etj., mbase për t'u lançuar edhe më shumë.

Gjithashtu, kemi rënë në një grup që bën me dhimbje koke edhe drejtuesit e federatës, të cilët i kishin sytë te kundërshtarë "big", në funksion të përfitimeve financiare nga e drejta televizive e ndeshjeve eliminatore. E nëse këto dy kahje, që kanë të bëjnë drejtpërdrejt me fatin e kombëtares kuqezi, kanë pësuar zhgënjim nga shorti i djeshëm, nuk besoj se kanë mbetur të kënaqur edhe sportdashësit e zjarrtë kuqezinj. Kjo për faktin se shanset për ta parë veten të kualifikuar në grupin tonë, nisur nga niveli i kundërshtarëve, janë minimale.

Sidoqoftë, le ta marrim me rezerva këtë konkluzion, duke iu bindur ligjit të pashkruar të futbollit, se në të ndodhin çudira. Çka do të thotë të mbetemi me shpresë se mund ta hedhim vallen suksesshëm edhe ne deri në fund të fazës eliminatore në grupin G, ku bën pjesë superfuqia, Holanda e Van Bastenit, dhe ballkanas të tjerë, mjaft të rrezikshëm e me ambicie gjithherë në të tilla kompeticione, që i kanë provuar finalet e një europiani apo botërori, si Rumania dhe Bullgaria.

Të mos harrojmë këtu edhe Slloveninë dhe Bjellorusinë, me futboll gjithnjë në rritje dhe që kanë ditur të dalin fitimtarë edhe ndaj kundërshtarëve "big" në kompeticionet paraardhëse. Gjithsesi, nisur edhe nga dëshirat para shortit të të dy palëve, futbollistëve dhe trajnerit nga njëra anë, por edhe zyrtarëve të federatës, rrezikojmë seriozisht të dalim rruar e qethur nga kjo fazë eliminatore. Rruar, sepse kundërshtarët nuk garantojnë përfitimet financiare të dëshiruara nga e drejta televizive, dhe qethur, pasi ka të tjerë "peshq" të mëdhenj, që realisht mund t'i zënë dy vendet e para në grup, vende që të çojnë në finalet e Euro 2008-ës, që është dhe qëllimi final i të gjithë pjesëmarrësve në garë.

Pra, pavarësisht optimizmit të trajnerit Brigel pas shortit, se ishte i kënaqur nga verdikti i goglave, pa mëdyshje duhet të pranojmë se para një realiteti të tillë s'është as për t'u kënaqur, as për t'u krenuar, nëse jemi të vetëdijshëm për atë çka synojmë dhe na pret. Sepse problemi i kombëtares sonë aktualisht është i tillë: Të jemi thjesht një "gjethe" në "degën" madhore të grupit, të luftojmë që të mbërthehemi fort te "dega", qoftë edhe si "gjethe", apo të ripërtërihemi si kombëtare dhe të frymëmarrim në funksion të një perspektive.

Thënë më shkoqur, për kombëtaren tonë tashmë janë hapur "shtigje" të reja, të detyrueshme për t'u ndjekur. Se cilat janë këto "shtigje", nuk është vështirë për t'i evidentuar, megjithatë për këtë temë duhet të flasin sa më parë publikisht vetë krerët e futbollit shqiptar, me apo pa praninë e Brigelit, i cili s'ka bërë akoma analizën e edicionit që u mbyll. Eshtë koha për të folur shkoqur dhe qartë, me objektiva publikë, dhe jo për të kërcyer nga njëra degë në tjetrën, sipas rastit.

Kjo, për t'u ndarë nga e kaluara e afërt e menaxhimit të kombëtares kuqezi, para së cilës nuk kishte objektiva të qarta, as rinovim dhe as kualifikim, por thjesht një ngushëllim në fund, renditjen një vazo më lart në shortin e Europianit 2008. Pra, përgatitjet për eliminatoret e kampionatit europian të Zvicrës dhe Austrisë duhen filluar nga e shkuara, mbi të cilën do të ndërtohet edhe e ardhmja. Sepse, si kudo në jetë, edhe në futboll, të shkuarën nuk mund ta zhbësh, as mund ta ndreqësh, por t'i dalësh për zot, të japësh llogari për të, është e domosdoshme, e detyrueshme.

Gjithmonë, duke pasur parasysh se pikësëpari, krerët e FSHF-së, futbollistët kuqezinj dhe vetë Brigeli, janë njëherazi zotërit dhe skllevërit e kombëtares shqiptare. Sidoqoftë, paraprakisht dhe para së gjithash, në këtë mes, diçka madhore për kuqezinjtë është ende pezull, trajneri. Do të jetë apo jo Brigeli sërish trajner i kombëtares sonë? Një pyetje kjo që mund të marrë përgjigje edhe tani shpejt, edhe në fund të qershorit, kur i mbaron kontrata gjermanit kuqezi, apo edhe pas 27 shkurtit, kur të bëhen zgjedhjet për drejtuesit e rinj të futbollit shqiptar.

Sido që të jetë, për sa i takon së ardhmes së stolit kuqezi, tashmë detyrat dhe objektivat e trajnerit duhen precizuar saktë dhe patjetër bërë publike. Qoftë për Brigelin, qoftë për një tjetër pasues të tij, kjo është çështje e tjetërkujt. Trajnerit që do ta udhëheqë kombëtaren tonë në fazën kualifikuese të Euro 2008 i duhet kërkuar të jetojë e punojë patjetër në Shqipëri, për aq kohë sa të jetë trajner i kuqezinjve. Të shohë ndeshjet e kampionatit shqiptar çdo fundjavë, të shkojë kudo nëpër Europë ku luajnë "legjionarët" tanë, të gjurmojë e të hyjë në kontakt me talentet shqiptare nëpër botë, pra të jetë trajner, seleksionues dhe menaxher njëherazi, dhe të mos mbetet në kuadrin e "zboreve" të dalaboje të Brigelit.

Përndryshe, nëse do të vijë 3 ditë në muaj në Shqipëri apo ditët e grumbullimit para ndeshjeve, kjo lloj sjelljeje e çdo trajneri do të sjellë paevitueshëm mungesën, që rrëzon ngrehinën e personalitetit profesional e njerëzor, identitetin e përkatësinë, mungesa e tërësisë së të cilave bjerr këdo, i çfardolloj profesioni qoftë. Natyrshëm, nëse veprohet kështu, jotja nuk është më prezente, ndërsa sugjerimi mund të të gënjejë, ose të lë pa i dhënë hakun atij që i takon.

Nëse nuk gjendet vërtet ilaçi për mungesën gërryese të trajnerit të kombëtares në vendin e punës, atëherë humbet detyrimisht nga sytë qëllimi, nga horizonti zhduket perspektiva, e ardhmja nuk ekziston, ikën shpresa, ta konsumon energjinë boshësia. Dhe aty ku fillon shpërbërja, vdesin ëndrrat. Siç u shuan shumë shpejt edhe për kombëtaren tonë dhe tifozët e saj të zjarrtë ëndrrat e eliminatoreve të Botërorit 2006, të cilat nisën me po atë optimizëm të Brigelit, që shfaqi edhe dje pas shortit të eliminatoreve të Europianit në Zvicër...