Muzika qytetare vlonjate

[Brari]

rd



Trio vlonjate e viteve '80, e papërsëritshme


A do të ketë një trio vlonjate si ajo e Meliha Dodës, Kostandin Thanës dhe Reshat Osmanit? Drejtori i QK Vlorë, I.Dobi, mbledh supet. Në të vërtetë, trio vlonjate e mbylli kapitullin e saj pas viteve '80. Është një fakt i çuditshëm. Janë provuar deri më sot rreth 20 trio vlonjate të përbërë nga këngëtarë të tjerë, por si trio vlonjate e atyre viteve nuk është rikthyer më, ndoshta s'do të dëgjohet më. Ky grup ishte për kohën dhe kapi suksesin në ato vite. Ishte një grup tresh i papërsëritshëm, që u shua artistikisht - thonë studiuesit. Mirëpo sipas këtij drejtuesi, kjo trio dha zgjatimet e saj. Këngëtarë të tjerë të këtij folku nxori ky grup, që më vonë interpretuan pikërisht ato këngë brilante të famshme, sepse ishin me të vërtetë vlera burimore, por ngecën, ndonëse ndoqën atë rrugë. Kështu doli K.Skarco, M.Meminaj, F.Haxhiraj, etj., më vonë Anita Bitri, Aurela Gaçe dhe mjaft këngetare të reja që pretendojnë sot se janë vazhduesit e denjë të trios.

Historikisht trioja vlonjate lindi në qytetin e Vlorës. Si fillesë ka qenë ndoshta "Dasma vlonjate" e Th. Mone, si një shtysë. Ishte kënga e të gjitha zonave si Kanina, Lumi i Vlorës, "Bilbili". Mbas "Dasmës vlonjate" u pikëzua grupi. Treshja ishte Reshat Osmani, Kostandin Thana, Meliha Doda. Struktura e treshes vlonjates u ndërtua e atillë, 2 burra ishin marrësi dhe një lloj hedhësi të këngës ishte M.Doda, zëri i gruas. Pra, ishte një formë e këngës popullore me konture të grupit lab. Trioja ishte forma e parë në atë kohë. Pas kësaj nxori Gjirokastra dhe Lushnja. Trioja vlonjate në ditën e saj të formimit përbëhej nga mosha më e re e këngës shqiptare. Reshati ishte 25 vjeç, Kostandini 26, Melihaja 22 vjeçe.

Kënga e parë e trios vlonjate ishte "Ku këndojnë zogat o". Burimi i saj ishte marrë nga fshati Kaninë, por promotori i trios ishte Reshati. Ai bridhte fshatrave me ditë, gërmonte me pasion. Këngët që ai gjente i merrte, i përpunonte në orkestrën popullore, karakteristikë për trion vlonjate. Dhe pak nuk janë këto këngë të trios vlonjate. Ai e ka zbuluar këtë thesar. Trio vlonjate ka pasur shumë dashamirës. Këngëtarja M.Doda ka rrëfyer: "Njerëzit kuriozë pyesnin tek autobusi kur shkonim nëpër turne, a ka ardhur trioja vlonjate? Në 1957 na dërguan në Moskë në një koncert në festivalin e Moskës. Aty morëm çmimin e tretë. Këngët e trios, nën atë qetësi të stepave ruse, ishin një magjepsje. Ne bëmë turne nëpër BS, ishin tepër melodioze këngët tona, s'kishin ftohtësinë e perëndimit të largët të stepave. Këngët ishin "Hajde moj, kumbulla vlonjate", "Vajza myzeqare". Shtypi bëri vlerësime të rëndësishme. Në 1964 u ftua në festivalin e Mesdheut, në Egjipt. Aty mori çmimin e dytë dhe bëri turne me shfaqje nga grupi i trios në Algjeri dhe Marok. Kompozitori Reshat Osmani solli këngën "Aromë portokalli", që u bë himni i Vlorës. Nuk ka dasmë apo gëzim pa e kënduar këtë këngë. Këngët e tjera të trios janë në nivelin e saj. Ja disa nga këto: "As po, as jo", "Do të vras bilbilin", "Festa e madhe".

Trio vlonjate u zbeh aty nga vitet '83. Ishte koha e pensioneve, mosha e la këngën. Por e thënë ndryshe nga kjo trio, kush me shpirt, kush me vullnet e mbanin ndezur.

Aktualisht, në çdo festfolk në Gjirokastër apo qytete të tjera, Vlora ka dërguar trio dhe jo pak, por 20 të tilla, por asnjëra prej tyre nuk mbeti në vëmendjen e publikut si trio vlonjate e viteve '70.

G. LLOJDIA






Historiku i këngës qytetare vlonjate


Historikisht, trioja vlonjate lindi në qytetin e Vlorës. Si fillesë ka qenë ndoshta "Dasma vlonjate" e Th. Mone. Ishte kënga e të gjitha zonave si Kanina, Lumi i Vlorës, "Bilbili". Mbas "Dasmës vlonjate" u pikëzua grupi. Treshja ishte Reshat Osmani, Kostandin Thana, Meliha Doda. Struktura e treshes vlonjates u ndërtua e atillë, 2 burra ishin marrësi dhe një lloj hedhësi të këngës ishte M.Doda, zëri i gruas. Pra, ishte një formë e këngës popullore me konture të grupit lab. Trioja ishte forma e parë në atë kohë. Pas kësaj nxori Gjirokastra dhe Lushnja. Trioja vlonjate në ditën e saj të formimit përbëhej nga mosha më e re e këngës shqiptare. Reshati ishte 25 vjeç, Kostandini 26, Melihaja 22 vjeçe.