"Kam shitur dy fëmijët e mi pa e ditur që ata do përfundonin të trafikuar”
Ky është thelbi i dëshmisë që ka dhënë 44-vjeçarja Mimoza Sadikllari e thirrur si dëshmitare e organit të akuzës kundër tre të pandehurve për trafikim fëmijësh në Greqi. Ziko Lena, Hymet dhe Nazmi Kreka, janë të akuzuarit për trafik të foshnjeve drejt Greqisë, në bashkëpunim me njëri-tjetrin. Që në fillim të dëshmisë së saj Sadikllari ka treguar se si është mashtruar nga të pandehurit Ziko Lena, Hymet dhe Nazmi Kreka që t’i shiste fëmijët për birësim. “Unë i kam shitur fëmijët për birësim e jo për trafik organesh, kurrë nuk më ka shkuar mendja për diçka të tillë.
Që nga viti 2000, kur i kanë marrë fëmijët e deri sot, unë nuk di gjë për ta”,- shprehet me lot në sy 44-vjeçarja e ardhur nga fshati Ardenicë e Korçës. Dëshmitarja tregon se Kito Çobani (Ziko Lena), në bashkëpunim edhe me Hymet e Nazmi Krekën e mashtruan për birësimin e dy fëmijëve, të djalit 9-muajsh të quajtur Mateo dhe vajzës 1 vjeç e gjysmë, të quajtur Kamelia.
“Vështirësitë ekonomike si dhe divorci me burrin më bindën të shes dy prej 4 fëmijëve, me besimin se jeta e tyre do të jetë më e mirë”,- ka vazhduar të tregojë përpara trupit gjykues nëna e katër fëmijve. Gruaja nga Ardenica ka denoncuar të pandehurit Ziko Lena, Hymet e Nazmi Kreka në vitin 2001, pas publikimit në media të trafikut të fëmijëve shqiptarë në drejtim të Greqisë për trafik organesh. “Unë erdha këtu sot për të dëshmuar nga Ardenica e Korçës. Këtu më ka sjellë policia për të treguar lidhur me shitjen e dy fëmijëve të mi.
Ata mi ka blerë për t’i birësuar në Greqi Kito Çobani. Me emrin Kito Çobani më është prezantuar Ziko Lena. Ai më kërkoi t’ia shisja dy fëmijët. Djalin 9muajsh ia dhashë në këmbim të 500 mijë lekë (të vjetra) dhe vajzën 9 vjeç e gjysmë me 3 milionë (të vjetra). Ai më tha se vajza bënte më shumë lekë, pasi ishte edhe më e rritur”. Më pas ajo ka vazhduar të tregojë se Ziko Lena i kishte thënë se se do t’i dërgonte në Greqi, për t’i birësuar në një familje greke mjaft të pasur dhe se atje atyre nuk do t’u mungonte asgjë . “Unë nuk i kam parë fëmijët që nga viti 2000 dhe nuk e di fare nëse janë gjallë apo të vdekur.
Kito (Ziko Lena) më ka thënë që i ka dërguar djalin dhe vajzën tek dy familje pasanikësh dhe po rriten shumë mirë” Sipas Mimozës ajo ka qenë e martuar dhe në vitin 1994 është ndarë dhe dhe më pas është martuar me dikë tjetër, me të cilin ka lindur 4 fëmijë. Kushtet e këqija ekonomike gjithmonë sipas dëshmisë së saj e kanë detyruar të shesë fëmijët “Nga ana tjetër mendova se fëmijët do të rriteshin me një jetë më të mirë, ndaj edhe pranova propozimin e Kitos.
Ai më premtoi që do t’i birësonte në Greqi. Unë i kam shitur për birësim dhe jo për trafik organesh. Pastaj morëm vesh në media se disa fëmijë në Greqi janë shitur për trafikimin e organeve të trupit, unë i kërkova Kitos të më tregonte vendin se ku ndodheshin fëmijët. Ai nuk më sqaroi asgjë, përveç faktit se fëmijët janë mirë dhe janë birësuar”. Më pas ajo ka vazhduar duke treguar se ai nuk i kishte thënë asgjë më shumë se kaq.
Ndërkohë në Greqi ka filluar një tjetër proces ndaj disa personave, të cilët akuzohen për blerjen e disa foshjave nga Shqipëria. Në Greqi, procesi ka disa muaj që ka filluar dhe ashtu si në Shqipëri, prokurorët kanë në dorë dëshmi të disa nënave të dyshohet se janë disa foshnje të trafikuara, por prokuroria thotë se po punon për mbledhjen e provave të tjera. Sipas hetuesve, Ziko Lena aktualisht ndodhet në Greqi dhe ndaj tij kanë mbërritur edhe denoncime të tjera . Ndërkohë gjithashtu në gjykatë priten të dëgjohen edhe dëshmi të tjera të kërkuara nga organi i akuzës , dëshmi të cilat sipa këtij organi do të ndihmojnë mjaft në zbardhjen e këtij procesi.
Sot.com.al
------
Tmerr!
Përgjigju Duke Cituar
Krijoni Kontakt