Prezantohen makinat e Formula 1 - 2006

[panchovilla]

Nuk nderhyj une ne shkrimet qe ka bere tjeter kush o Pancho!

Dmth, verejta eshte per ate gazetarin Endi Tufa te Sportit Shqiptar, e jo per mua konkretisht. Nese ai ka pa te arsyeshme te shkruan testisa e jo koka e motorit, atehere mund te kontaktosh me te permes e-mailit dhe t'ja besh me dije se eshte gabim.

PS:
Qejfe qejfe kjo dynja o Pancho, mos e mer shume afer zemres...

Thashe edhe me larte e dij qe ti nuk e ke shkruar kete artikull por mire eshte ta shkruash nga cila gazete eshte marre artikulli. Gazetaret jane ata qe shume e bastardojne shqipen.

[Davius]

bastardojne

S'më duket fjalë shqipe mua?

[bayern]

Perktheje o i madhi Skenderbe.

[leci]

Ne rradhe te pare eshte fantazia e gazetareve kur shkruaje emrat e protagonisteve te shqipezuar..
Majkell,Zhan,Barrikelo etj.
Per me shume lexoni emrat e inxhenjereve te dy piloteve..Dajer,Deli Koli.Do jene marsian keta lol
Pastaj vijne cilesite teknike e ne kete fushe behet kerdine me emra.
Telajo,kambio,testata.
Jam kurioz te dij si e quajne kthesen e autodromit ne shqip,kronistet e gares se F1??
Se italisht e dijme

[panchovilla]

S'më duket fjalë shqipe mua?

Po e perkthej sipas mendimit tim. E kopilizojne
Une nuk te thashe najgje ty vetem se thashe me mire eshte ta shkruash nga jane marre shkrimet. Pastaj ndryshe eshte te thuash `bastardoj` e ndryshe eshte ti thuash pjeset e makines ne gjuhe te huaj.

[Davius]

Une postoj shume ne forum dhe kur postoj dicka te huazuar nga nje faqe tjeter gjithmone shenoj burimin e lajmit ne fund, por kete gje tek sporti nuk e bej sepse materialet qe i huazoj une jane vetem të Sportit Shqiptar. (Sepse i vetmi burim i lajmeve sportive shqip ne internet eshte kjo gazete, prandaj nuk shoh te arsyeshme pas cdo shkrimi te shenoj burimin ) Kete e beje qe kjo kategori ku une jam moderator te jete sa me pasuruar me materiale te ndryshme qe anetaret te gjejne gjera qe ju interesojne.

Edhe nje here e them: une kurr nuk nderhyj ne shkrimet origjinale qe shkruan apo perkthen dikush tjeter sepse ajo do te ishte idiotsi te preket origjinaliteti i dikujt.

Edhe mua s'me pelqejne shqiptarizimet e emrave te sportisteve nga gazetaret shqiptare qe behen, por s'kemi cka te bejme, gjersa s'kemi asgje ne dore, duhet t'i lexojme, sic na shkruajne tjeret: Shumaker ne vend te Schumacher ose ato qe kishte shkruar me larte leci...

Personalisht, kur perkthej dicka dhe sjell ne forum, emrat e sportisteve ose te personaliteteve tjera jane te shkruara ne origjinal, per kete kam edhe fakte, e ke forumin e futbollit dhe hedh nje sy andej shkrimeve te mia dhe si i perdor emrat e sportisteve... (kete politike e kam ndjekur edhe ne kohen kur punoja si gazetar/perkthyes ne nje gazete ditore sportive).

[MICHI]

Ishallah dominon edhe i her f1 Schumi.

[i_pakapshem]

Zbulohet 248 F1, Ferrari i pretendimeve të mëdha

Sporti Shqiptar

Skuderia Ferrari ka prezantuar dje në pistën e saj të Muxhelos, përpara të gjitha mediave sportive, makinën e saj të re që do të marrë pjesë në sezonin 2006 të Formulës 1. Kjo makinë e re do të quhet 248 F1, sepse do të shtyhet në një motor 2.4 litra V8. Kjo makinë ka zbritur edhe më parë në pistën e Fioranos, në fillim me Majkëll Shumakerin dhe më pas me brazilianin Felipe Masa. Skuderia nga Maranelo ka shumë shpresa te kjo makinë e re, pasi duhet përmendur këtu se sezoni 2005 ka qenë me të vërtetë zhgënjyes për ta. Objektivi i tyre duket se do të jenë sërish të dy titujt kampionë, për konstruktorë dhe pilotë.


Presidenti i Ferrarit, Luka Kordero di Montezemolo

Luka Kordero di Montezemolo, menjëherë pas prezantimit, në konferencën për shtyp që ka dhënë, ka kujtuar Xhani Anjelin. "Nuk është një rastësi që ne e kemi prezantuar makinën ditën e martë." Me këtë fjali, presidenti i kësaj skuderie ka dashur të kujtojë ish presidentin e përgjithshëm të grupit FIAT, ku bën pjesë edhe Ferrari, Xhani Anjelin. "E përsëris edhe një herë se nuk është një rastësi që e prezantojmë në këtë datë makinën tonë të re, pasi pikërisht në këtë ditë, përpara 3 vitesh, është ndarë nga jeta avokati Anjeli. Më mungon akoma shumë dhe jo vetëm mua, por edhe skuadrës. Në ditë të tilla, Anjeli ka qenë gjithmonë i pranishëm. Sot do të isha "bombarduar" nga telefonatat e tij, i cili do të më pyeste si gjithmonë se çfarë tha Shumakeri dhe se si shkoi makina," ka përfunduar Montezemolo.

Drejtori i përgjithshëm i Ferrarit, Zhan Todt

Këtë vit, drejtori i përgjithshëm i skuderisë Ferrari është duke kërkuar një përgjigje për të gjitha ato pyetje që i janë bërë nga mediat dhe specialistët, për sa i përket vitit të kaluar. "Fakti që kemi një makinë të re, me sponsorë të rinj dhe me numrat 5 6, do të thotë se jemi shumë të stimuluar për t'u rikthyer aty ku ishim më parë. E gjithë skuadra është e gatshme të japë maksimumin e saj për të arritur fitoret e dikurshme." Për sa u përket rezultateve të makinës, vetë Todti ka qenë disi i përmbajtur në deklaratat që ka bërë. Ai ka bërë të ditur se rezultatet e para janë pozitive, por duhet pritur për të parë përballjet e para me konkurrentët. Kur e kanë pyetur për ndonjë projekt për të ardhmen, francezi nuk ka preferuar të përgjigjet.

Piloti Majkëll Shumaker

Majkëll Shumaker është paraqitur serioz në ditën e prezantimit të makinës së re të Ferrarit në pistën e Muxhelos. Megjithatë, ai ka folur pozitivisht për makinën e re 248 F1. "Do të jetë një makinë kompetitive dhe ky është mendimi im i parë që kam krijuar për të. Megjithatë, për të arritur në një konkluzion përfundimtar, duhet pritur një përballje me konkurrencën. Do të jetë e rëndësishme të kuptojmë menjëherë pikët tona të dobta, që të kemi mundësi të punojmë për t'i rikuperuar sa më shpejt. Gjithsesi, duhet të përsëris edhe një herë se hapat e parë të kësaj makine janë pozitive. Së bashku me Felipe Masën shpresojmë të ngrejmë emrin e Ferrarit aty ku ka qenë më parë. Marrëdhënia ime me të është shumë e mirë dhe kjo është shumë e rëndësishme.

Piloti Felipe Masa

Në ditën e prezantimit të Ferrarit, në konferencë për shtyp ka folur edhe piloti i ri i "kokëkuqes", Felipe Masa. Braziliani i ri do të zëvendësojë brazilianin tjetër, Rubens Barrikelon, i cili është larguar për te skuderia Honda për sezonin 2006. "Makina është e shpejtë dhe duket shumë e besueshme dhe e mirë," ka thënë Masa, i cili e ka provuar në ditët e kaluara këtë makinë. "Motori i ri V8 më duket në gjendje të mirë, ndoshta më i mirë se motori që kishte makina F2004. Pa dyshim do të na duhet të presim që të zbresin në pistë edhe rivalet tona, për të bërë një krahasim. Megjithatë, e përsëris edhe një herë se përshtypja e parë që më ka dhënë kjo makinë, është shumë e mirë," ka përfunduar Felipe Masa, i cili do të shpresojë në këtë sezon te podiumi dhe te fitorja e parë në Formulën 1.

Skeda teknike e Ferrarit të ri 248F1

Telajo: F2006, prej fibrash karboni të fabrikuara nga Ferrari.
Kambio: Gjysmëautomatik me 7 marshe.
Amortizatorët: Sachs.
Pesha: 605 kg.
Sis. i ftohjes: Radiator me ujë dhe vaj.
Timoni: Ferrari.
Sis. i frenimit: Brembo, me disqe karboni.
Lubrifikanti: Shell.
Karburanti: Shell.
Disqet: BBS 13".
Gomat: Bridgestone.

Motori
Tipi: Ferrari V8 90.
Kubikët: 2400 cc.
Blloku i motorit: Prej Alumini.
Testata: Prej Alumini.

Skuadra
Drejtori i përgjithshëm: Zhan Todt
Drejtori Teknik: Ros Braun
Shefi i projektit: Rori Byrn
Shefi i aerodinamikës: Rori Byrn
Përgjegjësi i motorëve: Paolo Martineli
Inxhinieri i Shumakerit: Kris Dajer
Inxhinieri i Masës: Gabriele Deli Koli

Rezultatet
Debutimi: 1950
Tituj për konstruktorë: 14
Tituj për pilotë: 14
Fitore: 183
"Pole position": 177
Rekorde për xhiro: 184
Pikë: 4335
Gara të zhvilluara: 723

----------------------------------

A mendoni se Ferrari to t'i kthehet lavdise se humbur kete vit?

1. Sa kuaj fuqi nxjerr motorri?

2. Mendoja se gjith makinat e F1 jane me 12 pistona e jo 8

3. Disqet prej karboni?? Mendoja se do i kishin prej porcelani industrial.

[panchovilla]

1. Sa kuaj fuqi nxjerr motorri?

2. Mendoja se gjith makinat e F1 jane me 12 pistona e jo 8

3. Disqet prej karboni?? Mendoja se do i kishin prej porcelani industrial.

Nuk eshte hera e pare qe shohim motor me 8 pistona ne F1.
Njhere kishte motora V10 ne vend te V12.
Me sa e dij une motori qe ka me shume pistona eshte me i ngadalshem se motori e njejte me pistona me pak por qe e jep fuqine e njejte ne kuaj fuqi ne fillim(start).
Pervec fillimit nuk ka ndonje avantazh shume me te madh se tjetri.
Pastaj pistonat e motorave qe behen per F1 jane shume me re medhenj se pistonat e motorave normal. Dmth 2,4 lt motor per F1 eshte shume me i ndryshem se motori normal 2,4.
Ja ku ka me shume informata por nuk e pashe kund `HP-ne e ketij motori.
http://www.tifosi-club.com/main06/

[i_pakapshem]

Nuk eshte hera e pare qe shohim motor me 8 pistona ne F1.
Njhere kishte motora V10 ne vend te V12.
Me sa e dij une motori qe ka me shume pistona eshte me i ngadalshem se motori e njejte me pistona me pak por qe e jep fuqine e njejte ne kuaj fuqi ne fillim(start).
Pervec fillimit nuk ka ndonje avantazh shume me te madh se tjetri.
Pastaj pistonat e motorave qe behen per F1 jane shume me re medhenj se pistonat e motorave normal. Dmth 2,4 lt motor per F1 eshte shume me i ndryshem se motori normal 2,4.
Ja ku ka me shume informata por nuk e pashe kund `HP-ne e ketij motori.
http://www.tifosi-club.com/main06/

Tani e mora vesh. Per kuajt spashe gje ama, po kam digjuar qe zakonisht kane 800 e siper me duket.