Londer, Ambasadori Robo pritje studentëve

[Shijaksi-London]

Ambasadori pritje studentëve

Ambasadori i Shqipërisë në Britaninë e Madhe Kastriot Robo në një takim me studentët shqiptarë ka thënë se “të studiosh në Britaninë e Madhe është privilegj, dhe një sfidë në të njëjtën kohë”.

Nga Londra
Muhamed Veliu


Me iniciativën e MJAFT! London Club, dhe ambasadorit të republikës së Shqipërisë në Mbretërinë e Bashkuar Z Kastriot Robo, u organizua një mbrëmje e veçantë për të nderuar dhe respektuar studentët shqiptarë, që studjojnë në universitetet e Britanisë së Madhe.

Kjo ishte një iniciativë për tu përshëndetur , pasi për herë të parë, një organizatë kaq e njohur e shoqërisë civile del krahas përfaqesuesve të lartë të shtetit për të inkurajuar studentët shqiptarë në Britani, trurin e ri të vëndit, që po shkollohet jashtë Shqipërisë. Të pranishëm ishin studentë nga Shqiperia, Kosova dhe nga Maqedonia.

“Ambasada Shqiptare në këtë rast mbështeti një nga pikat kryesore te qellimit të klubit londinez të Lëvizjes MJAFT, atë të përmirësimit të imazhit të Shqipërisë dhe shqiptarëve në Britaninë e Madhe” shprehet për AlbanianMail koordinatori i klubit londinez të Lëvizjes MJAFT Ralf Gjoni.

Në fjalën e tij përshëndetëse ambasadori Kastriot Robo u shpreh se “takimet me komunitetin shqiptarë në Mbretërinë e Bashkuar janë kënaqësi mjaft e madhe, por trakimet dhe veprimtaritë më të rinjtë studentë në mënyrë të veçantë përveç kënaqësisë të mbushin me krenari, kur shikojmë që numri i studentëve shqiptarë që studiojnë në kolegjet, universitet britanike është rritur ndjeshëm nga viti në vit”.

Robo më tej në fjalën e tij ka theksuar se “të studiosh në Britaninë e Madhe është privilegj, dhe një sfidë në të njëjtën kohë.

“Është privilegj pasi juve keni arritur që të futeni dhe të ndiqni studimet në një vënd ku niveli dhe cilësia e dijes dhe e shkencës është në majat më të larta në rang botëror, të studioni në një sistem arsimor ku mjaft të rinj jo vetëm nga Shqipëria, por edhe nga e gjithë bota e kanë për zili dhe ëndërr për të ardhur dhe studiuar” është shprehur Robo.

Ndërsa Ela Hoxha bashkë themeluese e këtij klubi tha se “ Natyra e këtij aktiviteti të inicuar nga lëvizja MJAFT! tregoi që ajo nuk është thjesht nje organizatë opozitare, por që ajo lufton fort për promovimin e ndërtimit te koalicioneve dhe aleancave qe rrisin impaktin e politikës”

Orsida Gjebrea e cila mbulon mardhënjet me publikun në klubit londinez të Lëvizjes MJAFT mendon se është e domosdorshme një bashkëpunim me shoqatat e tjera studentore në Britaninë e Madhe. “ MJAFT! London Club kërkon që të bashkepunojë me të gjitha organizatat (ASA, LSE Alb Society, Zgjimi Studentor në Oksfordi, Rrjeti akademik, etj...) dhe me vetë autoritetet diplomatike për të përmiresuar imazhin e shqiptareve në Britani.

“MJAFT! London Club ndjehet tepër i kënaqur me gadishmërinë dhe mbeshtetjen e Ambasadorit Kastriot Robo dhe punonjesve të tjerë të Ambasadës Shqiptare në Londër për ndihmën e dhënë në organizimin e kësaj pritje me studentët shqiptarë” është shprehur studenti Alban Bytyqi njëkohësisht antarë i bordit të “MJAFT! London Club” Më tej Bytyqi u shpreh se “ Ne nuk duam të shprehim preferenca partiake sepse përfaqesojmë shoqërine civile, por jemi te gatshëm të bashkëpunojmë me këdo për t'i sherbyer mbarë shqiptarëve kudo që të jenë.

Në këtë aktivitet “MJAFT! London Club” gjeti mbështetje edhe nga pronari i Bar KOHA ne qendër te Londrës, z Fadil Maqedonsi që ofroi ambjentet e tij falas për të argëtuar studentët e pranishëm në pritjen e Ambasadës Shqiptare pas takimit zyrtar.