Frederik Rreshpja

[Manulaki]

Kush mund te na gjeje poezi te ketij shkrimtari?

[Labeati]

Korrigjoje titullin e temes se quhet:

Frederik Rreshpja e jo "Reshtja".

[Labeati]

Për një vjollcë

Çeli vjollca e vogël mbi gurishte
si një ylber mbi planete të panjohura

Kështu kam ëndërruar edhe unë dikur
të bëhem ylber mbi akuafortën e kohës vizatuar egër
po tërë ato që thashë
u tretën në kujtesën e palexueshme të ajrit.

Më me fat janë perënditë
që kthehen tek toka të skalitur:

Ti s'ke për t'u skalitur kurrë
e veç ndoshta në kujtesën e palexueshme të ajrit

Ky qe fati yt prej ylberi
me një kryq shiu te koka
Por fati sundon tërë popujt e zotave
të shumtë si rëra,
vjollcë e vogël, o shpirt.

[Labeati]

Ave, nëna ime!

Rri në shi. Kjo është e vetmja gjë që dua.
Ç'është ky? Pyesnin pikat e shiut mbi ballin tim
Kështu kam dëgjuar zërin e shiut
Një ditë vere rrëzë lisit plak
Te porta lënë hapur për zogjtë.

Ah, kur isha i ri dhe i bukur kujtonja
se tërë shirat e botës binin për mua
po tani që kanë kaluar kaq shumë vite
e di se s'ka asnjë kuptim që bie shi

Iku dhe nëna ime nën një shi prej mermeri
nga arkeologjia e perëndive që rrëzoheshin

Ave, nëna ime!
Vetëm tek ti kam besuar
Zot tjetër nuk kam patur kurrë. Amen

[Labeati]

PERGJITHMONE

O ajr i mbremjes mbeshtillme, erdhi ora te vdes perseri.
Kur te mbyllen syte e mi, nuk do te kete me det
Dhe varkat e loteve kane per te ngecur ne stere.
Shkoj dhe shirat po i le te kyçura
Por do te ktherm perseri ne çdo stine qe te dua.
Une kam qene trishtimi i botes.
O ajr i mbremjes mbeshtillme, erdhi ora te vdes perseri.

[Labeati]

KENGE LAHUTE

Me zuri gjumi i balladave
Dalin etrit pleq ne prag te rapsodive
Dhe nate e dite nje zog me rri te kryet.

O ti zogu i zi i amanetit,
Per ku vrapon te besh shi, o zog?
Dy tre shira rane e u be dimer,
Dy tre net u deshem dhe u harruam.

Do te ngrihem e do te marr dynjane
Por gjumi i balladave nuk me le.

Dy tre shira rane e u be dimer,
Dy tre net u deshem dhe u grindem.

[Manulaki]

Mund te shikosh nji fotografi te ketij poeti te spikatun, njefare Essenini shqiptar edhe per nga menyra e jeteses dhe peripecite e jetes (perfshi botime, denime, burgime, perseri botime).

Shume cilesor e jetesor, por edhe modern ne kuptimin e vertete e jo "bosh" te fjales

Faleminderit shume, eshte i mrekullueshem. Vargjet e tij jane vargje perlash.

[Xhuxhumaku]

Manula,

Rreshpja eshte poeti lirik me i madh shqiptar i gjalle

Nuk di pse kur bera serch ne forum nuk gjeta nje artikull me nje vjershe te tij te botuar me pare.

kam postuar nje interviste te tij

ka nje jete shume te dhimbshme.

http://www.forumishqiptar.com/showthread.php?t=59558

[Manulaki]

Manula,

Rreshpja eshte poeti lirik me i madh shqiptar i gjalle

Nuk di pse kur bera serch ne forum nuk gjeta nje artikull me nje vjershe te tij te botuar me pare.

kam postuar nje interviste te tij

ka nje jete shume te dhimbshme.

http://www.forumishqiptar.com/showthread.php?t=59558

faleminderit xhuxhu, me te vertete e dhimbshme, nje gjeni si ky, me varg te paperseritshem.

[Labeati]

(Nje perle tjeter e F.Rreshpjes)

Ku ishe ti?

Ku ishe ti kur dola i vetëm nën hënë?
Në ç'hënë barisnje vallë?

Ku ishe ti kur vizitova profilin tënd
Në xhamin e muzgut që krisi dhe u thye me trishtim?

Pastaj erdhi nata mbushur me mungesën tënde
Pastaj erdhi prap nata
dhe kështu ka për të qenë deri në ditën e fundit të netëve.

Zbrita tek kroi
duke mbajtur në duar vazon delikate të agimit
Pashë sytë e tu ruajtur në kujtesën e ujrave.

Lisi plak lëshoi përdhe kurorën e vjeshtës
Si një sovran që abdikon.

Ani, mua më zuri ky mallkim.
Po qysh bën pylli pa ty? Si del vjeshta?
A ndofta nuk do të ketë kurrë më vjeshtë?
Atëherë në emër të kujt do të bien gjethet?
Në emër të kujt do të vijnë shirat, mjegullat, ylberët?

Ah, zemra ime, eja vër dorë mbi stinët!