Prej erresires ne drite!

[ideus]

Interesante, Zoti e shperbleft Tanjen dhe e ndihmoft.

[Engelchen]

Eh gjermanja e shkrete ci paska bere vetes. Na qenka bere edhe Shqipe pale. Aman se na gajaset.

[EverlastinG]

http://www.islamidhekrishterimi.com/eriku.htm




Intervistuesi: Eselamu alejkum Erik, në emër të shoqatës së Muslimanëve të Rinj Gjermanë (Osmanische Herberge) dhe të gjithë vëllezërve dhe motrave. Para së gjithash, faleminderit që e pranove ftesën për bisedë dhe për mundësinë që na dhe këtu në Gjermani për të të parë në skenë në Cologne.



Eriku: Alejkum Selam, Jam shumë I lumtur që kishit mundësinë të vinit.



Intervistuesi: Si u njoftove me Islamin ose nëpërmjet kujt?



Eriku: Unë vij nga një familje Katolike dhe për më shumë se dhjetë vite kam pasur kontakt me familjen muslimane Bashir. Ajo çka më impresionoi më së shumti tek ta ishte fakti se ata kurrë nuk tentuan të më bindin për Islamin. Kurrë nuk provuan që të më konvertojnë. Mënyra se si kjo familje jetonte bashkë ishte vetesçaruese. Unë veçse besoja në Krijuesin, por me kohë feja e kësaj familjeje filloi të më interesonte, dhe fillova të shtroj pyetje të cilat gjithashtu morën përgjigje. Vetëm pas kësaj unë u vetëdijesova se Islami ishte një fe e cila gjithashtu e pranonte Jezusin, jo si Perëndi, por si një profet të krijuar nga mishi e gjaku. Gjithashtu, pashë se islami ishte gjithëpërfshirës, duke bashkuar të gjitha besimet dhe profetët në vetvete. Fjalët dhe shembulli i jetës së Profetit Muhamed janë rrugë direkte për tek Zoti dhe lidhje me të vërtetën. Islami është si karburant në veturë.



Intervistuesi: Si është e mundur që ti ta praktikosh Islamin (pesë shtyllat e tij) duke qenë si muzikant e duke performuar në skena të mëdha të kësaj bote dhe duke bashkëpunuar edhe me shumë artistë të tjerë të famshëm botërorë?



Eriku: Sa i përket dëshmisë sime (Shehadetit) e kam bërë këtë më 1996. Agjërimi i Ramazanit është i lehtë për mua. Nuk e di akoma si do të jetë në verë kur ditët janë më të gjata. Nuk e di akoma, natyrisht (ai buzëqesh). Zekati? Zekati është i lehtë. Allahu më ka dhënë shumë. Zekatin ua jap vëllezërve në xhami dhe pastaj ata e shpërndajnë atë aty ku ka nevojë më së shumti. Në fillim falesha një herë në ditë, pastaj dy namaze në ditë, pastaj tri dhe tani më është bërë zakon i dashur të falem pesë herë në ditë. Përveç kësaj natyrisht që falem edhe në raste të tjera, dhe namazet e lëna kur më kalojnë i bëj në mbrëmje bashkë. Dhe tani jam shumë i emocionuar të shoh se kur do ta kem të mundur që të shkoj në Haxh për ta vizituar shtëpinë e Allahut. Sa i përket kontrollit të egos sime, sidoqoftë ajo kërkon vite të shumta për të arritur disiplinën e duhur. Do të jem mysliman deri në fund të jetës sime, dhe në të njëjtën kohë kurrë nuk do të jetoj në siguri të asaj, sepse gjithmonë ekziston mundësia që nesër mëkati të më robërojë sërish. Deri në atë masë unë nuk mund ta identifikoj vetveten me të ashtuquajturit ‘të krishterët e rilindur’ të cilët pohojnë se janë shpëtuar dje dhe se janë të përsosur sot. Nuk dua të them diçka të pahijshme për religjionet e tjera, por dua ta potencoj se Islami e posedon magjinë e veçantë në të gjitha rastet. Jeta sipas rregullave të Islamit është shumë e thjeshtë për mua, pasi që ajo korrespondon me arsyen e logjikshme njerëzore. Allahu është mëshirë, mëshirë, mëshirë dhe për këtë edhe e kam bërë këngën “Mëshirë”



Intervistuesi: Cili ishte reagimi i njerëzve përreth teje kur e kuptuan se je bërë mysliman?



Eriku: Nëna ime e cila ishte rritur si katolike është e lumtur për faktin se unë e pasoj një besim dhe se e kultivoj besën time në një Zot. Për ta pasur kokën e pastër, vendosa ta lë bendin tim të vjetër dhe t’ia kthej shpinën alkoolit dhe nikotinës. Vendimi im u respektua dhe u pa si pozitiv nga anëtarët e bendit në atë kohë. U ndamë me të mira. Në asnjë moment të jetës sime nuk e kam pasur të vështirë ta pranoj se jam mysliman dhe nuk ka ndonjë reaksion ndaj kësaj që ia vlen ta përmend. Në ndërkohë, gjysma e miqve të mi janë myslimanë.



Intervistuesi: Pas ndarjes tënde nga bendi “House of Pain”, ti more pjesë në Supernatural, albumin e ri të Carlo Santanës, i cili fitoi nëntë Grammy sensacionale. Si lindi ky bashkëpunim?



Eriku: Një ditë ashtu fare papritur nga asgjëkundi e pranova një thirrje nga Carlo Santana, ku ai më kërkonte ta bëja një këngë për albumin e tij. Nga ai moment gjithçka u zhvillua shumë shpejtë. Veçse e kisha të shkruar këngën “Ndizni dritat” (Put the lights on) e cila u krijua në ballkonin e shtëpisë sime në mal duke e pasur para sysh pejsazhin e qytetit. U inspirova nga dritat e qytetit të cilat një nga një u ndezën në mbrëmje. Sidoqoftë nuk isha i sigurt në atë moment nëse duhet të përfshija fjalët “La ilahe ila-llah” në këngë, sepse nuk doja ti shisja fjalët e Allahut. Mirëpo Carlo Santana e pëlqeu këngën dhe absolutisht insistoi që fjalët të mbeteshin në këngë.



Intervistuesi: Ka pasur disa thashetheme se Supernatural lindi nga një ëndërr?



Eriku: E vërtetë është. Carlo më tha se kishte ëndërruar për një qenie drite, për një engjëll, i cili i kishte thënë që të më kontaktojë. Elhamdulilah, nuk ka çka ti shtohet kësaj më tepër.



Intervistuesi: Ju falënderojmë shumë për intervistën. Mëshira e Allahut e ndriçoftë zemrën tënde.

[StormAngel]

Ky kengetari, mos ka be ca kenga ne Anglisht?

[EverlastinG]

Storm, ky kengetari Everlast vetem anglisht ben muzike. Eshte amerikan me origjine irlandeze dhe jeton ne SHBA. Kryesisht ben muzike hip hop. Koheve te fundit nese e ke degjuar e ka pasur hit kengen Put Your Lights On e cila ben pjese ne albumin e Santanas SUPERNATURAL, dhe per te cilen flet ne intervisten e mesiperme.

[INDRITI]

Udhëtimi i gjatë drejt Islamit - Pelegrinazhi


Michael David Shapiro



Kërkimi

Unë me kombësi jam çifut rus. Kërkimi im filloi kur isha 19 vjeçar. Isha duke e rimarrë veten nga kufizimet e shkaktuara prej Sajentologjisë (po, truri im ishte honepsur nga ajo). Besimi im në Zotin ishte i paqartë. Synimet në jetën time ishin që unë të bëhesha yll roku. Unë isha duke jetuar në banesën time në Pasadena dhe punoja si sekretar. Qesharake, e di. Një natë isha duke shkuar në kuzhinë dhe u takova me shokun tim zeshkan. Më kujtohet që e pyeta: “A mund ta mbaj këtë vodka në frigorifer sonte?”. Ne u përshëndetëm dhe shkuam të flinim. Pas kësaj jeta ime ndryshoi në mënyrë drastike. Ky shoku zeshkan (i cili ishte mysliman përndryshe), ishte muslimani i parë që kisha takuar. Me shume kuriozitet bisedova me të për besimin e tij. Çka është kjo puna e faljes 5 herë në ditë? Dhe për luftën e shenjtë? Kush është Muhamedi? Bisedimet tona ishin të vëzhguara nga bashkëbanuesi ynë i krishterë, Wade. Së bashku, ne krijuam “Seancën dialoguese, çifuti, i krishteri dhe muslimani.” Në të zbuluam shumë dallime dhe shumë ngjashmëri. Interesat e mija kishin ndërruar atëherë nga seksi, droga dhe ahengjet, në kërkim masiv për të vërtetën. Një kërkim që unë duhej ta kompletoja. Kërkimi për Zotin dhe kërkimi se si ta besoj Atë.



Judaizmi

Në kërkimin tim për të vërteten, unë e pyeta vetveten: “Mirë, le të fillojmë thjeshtë, sa zotëra mendoj se janë? Unë e përfytyrova vetëm Një, duke e ditur se Zoti i ndarë është më i dobët sesa një Zot i vetëm, duke parafytyruar se nëse një zot nuk pajtohet me të tjerët, aty do të kishte diskutime dhe grindje. Zgjedhja ime ishte një Zot. Njëherë e pranova mundësinë e ekzistimit të një Zoti, i analizova së bashku të dyja, besimet monoteiste dhe politeiste. Kjo gjë më drejtoi më vonë te citati se “Çdo dizajn ka një dizajnues”. Me atë mendim e kuptova me siguri të plotë se Zoti ekziston. Nuk mund t’a shpjegojë pse, vetëm se e ndjeva disi. Ky eksitim i ri i gjetur ishte i shoqëruar me ndjenjën e përgjegjësisë për t’iu bindur Krijuesit. Kufiri im i ardhshëm ishte religjioni. Atëherë e pyeta vetën: “Ku t’ia fillojë?” Në kuptimin e plotë të fjalës ekzistojnë me mijëra. Më duhej një mënyrë t’i kufizoj në vetëm disa prej tyre. Si ta përfundoj një punë të tillë? Më erdhi në kokë “Gjej ato që janë monoteiste”. Kjo edhe kishte kuptim, pasi që unë besoj në Një Zot. Mirë, atëherë. Kjo përjashtoi Budizmin dhe Hinduizmin, që të dyja besime politeiste. Religjionet kryesore që kisha ndeshur e që ishin nën titullin e Monoteizmit ishin Judaizmi, Krishterimi dhe Islami. Pasi që jam edhe çifut, fillova me judaizmin. Një Zot, disa profet, 10 urdhëra, Tora (Tevrati), shpirtrat çifut … uh, çka “shpirtrat çifut”? Gjersa isha duke bërë kërkimin kjo ide më tërhoqi vëmendjen. Tregimi është: “nëse një person lind çifut, atëherë ata kanë shpirt çifut dhe ata duhet të përcjellin judaizmin” Vetëm pak … ky është diskriminim , apo jo? Kjo nuk është universale. Pra Zoti bënë shpirtrat çifut dhe shpirtrat e krishterë dhe shpirtrat muslimanë dhe shpirtrat hindu? Unë mendova se të gjithë njerëzit janë të barabartë? Pra për arsye se dikush është i lindur në një religjion, me dekret të Zotit ai duhet të qëndroj në atë … edhe nëse personi e beson atë për false? Hmm … Unë nuk pajtohem me këtë. Një gjë tjetër me të vërtetë më shqetësonte… në judaizëm nuk ka koncept strikt për ferrin … atëherë pse të jesh i mirë? Pse jo mëkatarë? Nëse unë nuk kam frikë nga një dënim i rreptë , atëherë pse duhet të jem i moralshëm?



Krishterimi

Duke lëvizur më tutje e zbulova krishterimin. Mirë, një Zot, Ati, biri dhe shpirti i shenjtë … edhe një herë: një Zot, Ati, biri dhe shpirti i shenjtë . Uhhh, të lutem shpjegoje. Si munden të gjitha këto të jenë një Zot? 1 + 1 + 1 = 3 apo jo? Pra si mund të thuash se beson në vetëm një Zot? Shpjegim pas shpjegimi, ekuacion pas ekuacioni, krahasim pas krahasimi, analogji pas analogjie, nuk munda ta kuptoj këtë koncept. Mirë, le të gjurmojmë edhe pak këtu. Doktrina tjetër kryesore: Jezusi vdiq për mëkatet tona dhe ai e bëri këtë sepse ne jemi të ndotur me “Mëkatin FIllestar”. Pra, Jezus Krishti, “i biri i Zotit” duhej të vritej që të shpëtoj të gjithë nga ferri dhe të na pastrojë neve nga mëkati “i dhënë nga Adami (Ademi a.s)” Mirë pra, ju po thoni se të gjithë ne kemi lindur si mëkatarë? Dhe të mëkatosh është të bësh diçka gabim, apo jo? Ju po më thoni mua se foshnja njëvjeçare është fajtore për mëkat ose se ka bërë diçka keq? Kjo është diçka e çuditshme, pra bazuar në veprimet e një njeriu, i tërë njerëzimi duhet vuajtur? Çka është mesazhi moral i këtij tregimi? Ndëshko krejt grupin nëse një devijon? Pse Zoti do të kishte krijuar një rregull të tillë? Kjo nuk është në pajtim me logjikën time. Pra Jezusi vdiq sepse ai “e do njerëzimin”. Prit pak, në Bibël shkruan se Jezusi e pyeti “Atin e tij”: pse më braktise mua? Pra si duket Jezusi nuk e kuptonte se pse ai ishte vrarë brutalisht. Por ju po thoni se ai “vullnetarisht” u sakrifikua. Dosido, më nuk munda ta pranojë këtë religjion.


E vërteta

Mirë, cili është religjioni i ardhshëm? ISLAMI. Islam d.m.th nënshtrim. Besimet kryesore të tij janë siç vijon: Një Zot, adhuro Zotin 5 herë në ditë, jep 2.5 % bamirësi vjetore, agjërimi gjatë Ramazanit dhe përfundimisht nëse ke mundësi për të bërë Haxhin në Mekë. Mirë, asgjë e vështirë për të kuptuar deri tani. Asgjë këtu nuk bie ndesh me logjikën time. KUR’AN-i është libër me shumë mrekulli interesante dhe me urtësi të përjetshme. Shumë fakte shkencore që janë zbuluar kohëve të fundit ishin të proklamuara në këtë libër 1400 vjet më parë. Mirë, Islami i ka përmbushur kushtet e mia të domosdoshme për religjionin. Por unë doja t’i bëjë disa pyetje më të thella për të. A është ky religjion universal? Po, çdokush mund t’i kuptojë këto besime bazike … nuk ka nevojë për analogji apo ekuacion. A pajtohet me shkencën? Po, qindra versete të Kuranit pajtohen me shkencën moderne dhe teknologjinë. Pasi i analizova faktet e panumërta logjike që i lexova dhe kërkimet, një gjë më së shumti më tërhoqi vëmendjen. “Islami” Emri i këtij religjioni. E vërejta se është i shkruar shumë herë në Kuran. Megjithatë, duke kujtuar studimet paraprake, nuk më kujtohej asnjëherë se kisha parë fjalën “Judaizëm” në Dhiatën e Vjetër ose “Krishterimi” në Dhiatën e Re. Kjo ishte një gjë e madhe. Pse nuk munda t’i gjej këta dy emra në librat e këtyre religjioneve? Sepse, nuk ka kësi emra në këto libra! Duke menduar … E vërejta se “Judaizëm” mund të ndahej në “Juda – izëm” dhe “Krishterimi” përkatësisht “Krisht-rimi”. Pra kush është Juda? Ose Judah më saktë. Ai ishte udhëheqësi i fisit të hebrenjve kur Zoti shfaqi mesazhin e tij njerëzimit. Pra ky religjion ishte emëruar sipas një … personi. Mirë, le të shohim se kush është Krishti. Ai ishte personi që dërgoi mesazhin e Zotit te hebrenjtë. Pra ky religjion ishte emëruar sipas një … personi. Pra në kujtesë, ne mund të mbajmë se emrat e këtyre religjioneve janë emra njerëzish të lidhur me “izëm” ose “rimi”. Pavarësisht nga ky fakt, emrat e këtyre religjioneve nuk janë përmendur në shkrimet e tyre të shenjta. Mendova se ajo ishte diçka suplementare. Nëse unë shkoj derë më derë të shes një produkt dhe them: “A dëshironi të bleni ___? A s’do të ishte pyetja logjike “ Si e ka emrin ky ___? Unë nuk do të fitoja asgjë nga produkti pa emër. Emërtimi është diçka bazike me të cilën njerëzimi identifikon objektet, fizike dhe ato jo-fizike. Nëse religjioni është supozuar të praktikohet dhe shtrihet te çdo person në Tokë, a s’do të duhej të kishte një emër? Veç kësaj a s’do të duhej që emri të na ipej neve nga Zoti? Po, çështja ime saktësisht. Emrat “Krishterimi dhe Judaizmi” nuk ishin të shkruar në Shkrimet e Shenjta. Njerëzit i emëruan ato, jo Zoti. Nocioni se Zoti urdhëroi njerëzimin që të përcjellin një religjion pa emër është e pamundshme që të pranohet nga mendja ime. Në këtë çështje Judaizmi dhe Krishterimi kanë humbur kredibilitetin e tyre si të pastra, logjike dhe religjione komplete, së paku nga perspektiva ime. ISLAMI është i VETMI nga këto religjione që përmban emrin e religjionit në librat e tij. Kjo është e madhe për mua. Unë e kuptova se duhet ta përcjelli Islamin në atë pikë. Unë pastaj u bëra musliman. E mësova të vërteten. Tanimë isha jashtë errësirës. Dola në dritë...

Përktheu Kujtim Sejdiu

[betelgez]

--------------------------------------------------------------------------------


Prifti "pravosllav" përqafoi fenë islame



[Intervistë e huazuar nga gazeta "Echo"]



Lexuesit tanë me siguri kanë dëgjuar për shumë personalitete intelektuale të shquara nga Perëndimi, të cilët kanë përqafuar fenë islame. Kjo dukuri nuk është e rrallë në vendet evropiane dhe në Amerikë, ku liria e shprehjes së mendimit ka një traditë të gjatë. Dhe mu ky ambient u bë i volitshëm për përhapjen e mendimeve islamike tek intelektualët e preokupuar me çështje esenciale filozofike të ekzistencës njerëzore.

Por lexuesit tanë nuk dijnë apo dinë fare pak për përhapjen e kësaj dukurie në Lindje, dhe sidomos në mesin ortodoks, ku kjo dukuri po ashtu është shfaqur në vitet e fundit, sidomos pas kolapsit të regjimit totalitar ateist.

Edhe në këtë ambient të vështirë për përhapjen e së vërtetës islamike, akulli ka filluar të shkrijë, dhe sot nuk janë të rralla rastet e përqafimit të fesë islame nga pjesëtarët e konfesionit "pravosllav".

Është e nevojshme të ceket se procesi i përhapjes së ndikimit të mendimeve islamike në qarqet intelektuale ruse është evident sidomos që nga fillimi i shekullit XIX. Kjo influencë evidentohet në veprat e Pushkinit i cili për një kohë ishte marrë me leximin e përkthimeve të Kur`anit, kurse për shkrimtarin e madh rus Tolstoj dihet mirë se në vitet e fundit të jetës së tij ishte marrë seriozisht me studimin e jetës së Muhammedit a.s. dhe me Kur`anin.

Këto hulumtime të tij rezultuan me kundërshtimet e tij të hapura të qëndrimeve të Kishës "pravosllave" nga e cila vetë doli ai dhe pastaj u përjashtua nga kisha "pravosllave". Këtë qëndrim ndaj kishes "pravosllave" Tolstoj e mbajti deri në vdekje.

Me këtë rast do të bëjmë fjalë për intelektualin dhe filozofin e teologun rus bashkëkohor, i cili përqafoi fenë islame .

Kush është Vjeçeslav Polosin?

Vjeçeslav Polosin, i cili ishte para disa vjetve prift ortodoks, tani ka zgjedhur për vete emrin Ali. Ai ka kryer Fakultetin Filozofik të Universitetit Shtetëror të Moskës, dhe Akademinë Diplomatike të Ministrisë së Punëve të Jashtme të Rusisë. Ka kryer edhe Seminarin Shpirtëror të Moskës (që konsiderohet shkolla më e lartë "pravosllave").

Më 1999 arriti titullin e doktorit të shkencave më temën: "Dialektika e mitit dhe mitokrijimtaria politike".

Në fillim të viteve 90 Vjeçeslav Polosin ishte prift i ri dhe në atë kohë u zgjodh deputet i Sovjetit Suprem (parlamentit) të Rusisë, pastaj u zgjodh kryetar i Komitetit për liritë e ndërgjegjes të Sovjetit Suprem.

Renesansa islamike do të realizohet nga evropianët dhe amerikanët

Ne po sjellim intervistën e Ali Vjeçeslav Polosinit, që i ka dhënë gazetës ditore azerbejxhanase "Echo" (12 tetor 2002) që del në Baku, ku Aliu tregon shkaqet e përqafimit të fesë islame.

Echo: Duke gjykuar se në çfarë moshe keni pranuar Islamin, ky ishte një hap i juaj i vetëdijshëm. Ç`ju shtyri ta bënit këtë?

Vjeçeslav Polosi: Në një kohë të caktuar, duke kërkuar Zotin, une arrita në fenë "pravosllave". Por kur e analizoj sot atë hap timin, unë e kuptoj se nuk ishte një zgjedhje e vetëdijshme ndër fetë e ndryshme. Ajo zgjedhje më tepër ishte alternativa e vetme e e ateizmit. Më vonë gjatë studimeve në Seminar dhe kur isha prift, une arrita në përfundim se ritet krishtere, në mënyrë të qartë kanë karakter pagan dhe atëherë iu drejtova burimeve të para të krishterimit. Dhe në fund arrita tek feja islame si religjion i vetëm që paraqet burimin e pastër të monoteizmit në botë.

Echo: Hapi juaj ishte rezultat i dëshpërimit tuaj në Krishterim?

Vjeçeslav Polosi: Unë jam rritur në familje besimtare dhe në kishën "pravosllave" kam filluar të shkoj kur kam qenë student i Fakultetit Filozofik të Universitetit Shtetëror të Moskës. Pas universitetit i jam përkushtuar kishës. Si njeri me mendime filozofike, kam pasur edhe shumë pyeteje, më tepër për kuptimin e jetës dhe të së vërtetës. për këto pyetje, në fillim, nuk gjeja përgjigje, pastaj gjeta, por këto përgjigje shkaktuan dëshpërimin tim.

Echo: A i ndanit dyshimet tuaja me dikë?

Vjeçeslav Polosi: Me të vërtetë i ndaja. Në familje... me disa shokë të afërm ndërkohë lexoja libra, më tepër filozofikë dhe teologjikë. Ndikim të jashtëm nga ana e muslimanëve nuk kam pasur. Me duhet të them se asnjë libër mbi Islamin deri në atë moment kur arrita te monoteizmi, unë nuk kisha lexuar.

Echo: Si u pranua vendimi i juaj nga klerikët pravosllav?

Vjeçeslav Polosi: Natyrisht, negativisht. Për ata që mbetën në atë kishë dhe të cilët janë të lidhur për të me disiplinë korporative dhe me interes korporativ, hapi im ishte, një gjë shumë e pakëndshme për ta.

Echo: A provuan t`ju bindin? A ju gjykuan?

Vjeçeslav Polosi: Në momentin kur mora vendimin që të behesha musliman, nuk kisha marrëdhënie me ta. Një kohë të konsiderueshme para se të merrja këtë vendim, unë u largova nga punët e kishës ku shërbeja si prift në Euparkinë e Kaluzhës. Unë atë detyrë e lëshova vetë kur u zgjodha deputet në Sovjetin Suprem të Rusisë. Në atë kohë unë mendoja që pas skadimit të afatit të deputetit, të kthehesha në detyrën time të mëparshme, por pastaj humba dëshirën për ta bërë atë.

Megjithëqë më ofruan pozitën e kryesuesit të një kishe të kryeqendrës (Moskës), unë vendosa që t`i sqaroja gjërat me vetveten. Dhe kështu në kohën kur pranova Islamin, nuk isha i lidhur me klerin pravosllav, mendoj nuk isha i lidhur administrativisht. Deklarova haptas për vendimin tim, dhe shumë lidhje e kontakte të mëparshme u shuan .

Echo: A e dini gjuhën arabe? A e lexoni Kur`anin në gjuhën arabe?

Vjeçeslav Polosi: Për fat të keq, arabishten nuk e di. Islamin e kam pranuar qe tre vjet dhe menjëherë pas këtij hapi dhashë dorëheqje nga parlamenti, ku isha i punësuar. Tani jam këshilltar i myftiut të muslimanëve të Rusisë - RAVIL GAJNUDDIN. Kryesia jonë boton gazetën gjithëruse, që quhet "Çdo gjë për Islamin". Unë jam kryeredaktor i saj. Kjo gazetë më shpenzon shumë energji dhe kohë.

Përveç kësaj para një kohe të shkurtër më kanë emruar udhëheqës të Departamentit për lidhje publike të Këshillit të Myftinjve. Unë, po ashtu, shkruaj libra. Më kanë dalë nga shtypi librat; "Rruga e drejtë nga Zoti"; dhe "Tejkalimi i paganizmit".Tani jam duke përfunduar librin; "Bisedat e një muslimani me një misionar krishterë". Si po e shihni, punë ka shumë, dhe për këtë shkak nuk më mbetet kohë për mesimin e gjuhës arabe. Nuk më bie mua të shpjegoj se gjuha arabe është gjuhë mjaft e vështirë dhe që kërkon shumë kohë e mund.

Echo: A e lexoni Kur`anin në gjuhën ruse?

Vjeçeslav Polosi: Po, i lexoj përkthimet e Kur`anit në gjuhën gjermane, angleze dhe ruse, i krahasoj ato dhe thellohem në esencë. Arritja e thellësive kuranore nuk varet aq shumë nga gjuha. Sa ka arabë që janë komunistë, të krishterë, bile edhe paganë! Kuptimi i Kur`anit arrihet nëpërmjet arritjeve shpirtërore, nëpërmjet tefsireve, interpretimeve të Kur`anit. Këto gjëra ndihmojnë të gjendet ai kuptim, i cili është i mbjellë aty. Gjuha është përparësi, por është larg që të përbëjë gjithçka.

Echo: Si reagoi bashkëshortja e juaj ndaj zgjedhjes suaj?

Vjeçeslav Polosi: Bashkëshortja ime ka përqafuar Islamin së bashku me mua.

Echo: Pas ngjarjeve të 11 shtatorit, a nuk ju duket se Islami është fe e vrazhdë?

Vjeçesllav Pollosi: Kurrsesi. Unëkëtë mund ta argumentoj.Të marrim Biblën dhe Kur`anin dhe t`i vëmë njërin pranë tjetrit, pastaj të hapim vendet paralele që flasin për luftën. Në Bibël shkruan "...të asgjësohen të gjithë deri në foshnjën e fundit...", në të mund të gjejmë edhe qortimin e rreptë të atij që e ka kursyer një femër shtatzënë, edhe pse nuk e ka zhdukur. Kurse në Kur`an shkruan "...kurrë mos sulmoni të parët...", por, për fat të keq këtë disa e komentojnë në mënyrë të vetë. Xhihadi lejohet vetëm në rastet e vetëmbrojtjes. Bile, nëse kundërshtari propozon negociata, aksionet luftarake ndërpriten menjëherë. Asgjë të vrazhdët nuk ka në Islam. Islami është religjion i denjë dhe i përkryer. Në të njeriu nuk shihet si kundërthënie e dy elementeve (dy gjërave esenciale, fillestare): shpirtërores dhe trupores. Nëse e ke arritur të vërtetën, duhet të mundohesh që ajo të jetë jo vetëm në shpirt, por edhe në jetën e përditshme, shoqërore, familjare, politike etj.

Sot shumë njerëz pranojnë Islamin. Femrat e bëjnë këtë më shpesh sesa meshkujt. Kur flas për këtë dukuri, kam ndërmend evropianet etnikë. Kjo tregon se femrat e ndiejnë veten të lira në mënyrë të vërtetë mu në fenë islame. Tjetërgjë është fakti se në shumë vende që e quajnë veten islame (jo të gjitha), femrat në të vërtetë gjenden në një gjendje të nënçmuar, por kjo gjendje rrjedh jo nga Kur`ani, por nga traditat nacionale të popujve. Edhe te ne në Kaukazin Verior, mund të vërejmë një dukuri të tillë. Këto janë zakone të malësorëve. Kur`ani në të vërtetë mbronë në mënyrë shumë të denjë të drejtat e femrave. Sot, përshembull, në Francë ka mbi 500 mijë françezë etnikë në fenë islame, në Gjermani 400 mijë etj. Ky proçes është duke marrë hov. Unë mendoj se renesansa islamike do të realizohet nga evropianët dhe amerikanët.

* * *

Në saje të bisedës telefonike me Sekretariatin e Këshillit të Muftinjve në Moskë u informova se dukuria e përqafimit të Islamit nga rusët etnikë nuk është e rrallë dhe se numri i tyre është rreth 10 mijë, por një pjesë emadhe e tyre janë femra të martuara me muslimanë.

Në Kryesinë Shpirtërore të Muslimanëve të Rusisë është i angazhuar një grup i intelektualëve të njohur rusë, të cilët vitet e fundit kanë përqafuar Islamin, rreth revistës islame "Çdo gjë për Islamin" dhe botimet e tjera islamike në gjuhën ruse. Më të njohurit ndër ta jane; Akademikja Valerija Porohova, e cila ka zgjedhur emrin Iman; ajo është autore e përkthimit më të mirë të Kur`anit në gjuhën ruse dhe Ali Polosin, por ka edhe të tjerë intelektualë me perspektivë, pasi janë më të rinj nga mosha.

"Allahu udhëzon në rrugën e drejtë atë që do, dhe e humb atë që do"

[bakudr]

http://video.google.com/videoplay?do...959358&q=islam

ketu eshte historia e nje ish-prifti qe tregon se si ka pranuar fene islame.

[MafiaWarz]

Islami eshte nje fe e arte, per klimen Arabe, por nuk arriti te realizohej pertej kufirit Turk....

Fal te madhit GJERGJ

[dLeoni]

Islami eshte nje fe e arte, per klimen Arabe, por nuk arriti te realizohej pertej kufirit Turk....

Mos o burre se nuk jemi ne turq e arab,mos na fut ne kufirin turk