Fituesit e çmimeve Globi i Artë

[Davius]

Reese Witherspoon dhe Joaquin Phoenix festuan marrjen e çmimit 'aktori dhe aktorja më e mirë' në ceremoninë e dhënies së cmimeve Globet e Artë, për dramën muzikore "Walk the Line" rreth jetës së Johnny Cash.



Artistja britanike Rachel Weisz fitoi çmimin 'aktorja më e mirë në rol dytësor' për rolin e saj në filmin 'The Constant Gardener', që është një përshtatje e një trilleri të autorit John Le Carre.



Heath Ledger dhe e dashura e tij Michelle Williams nuk patën sukses me çmimet e aktrimit individual por festuan marrjen e çmimit drama më e mirë për fimin e titulluar Brokeback Mountain.

[Davius]

Filip Seymour Hoffman fitoi çmimin si aktori më i mirë dramatik për Capote.



S Epatha Merkerson fitoi çmimin si aktorja më e mirë për rolin në një mini-serial me ngjarje që zhvillohen në vitet 1960, të titulluar Lackawanna Blues.



Britanikët Keira Knightley dhe Bob Hoskins u larguan nga ceremonia pa marrë ndonjë çmim.

[Davius]

Roli i Geena Davis si presidentja e parë femër në Commander in Chief i dha asaj çmimin 'aktorja më e mirë në një dramë televizive.



Artistet e serialit Desperate Housewives nuk fituan ndonjë çmim si aktore të veçanta të TV-së, por shfaqja e tyre u cilësua si komedia më e mirë për të dytën herë radhazi.


Gjithë trupa e aktorëve të serialit Lost u larguan me çmimin 'drama më e mirë televizive'

[Davius]

Sandra Oh u cilësua si 'aktorja më e mirë në rol dytësor' për rolin e saj në dramën televizive Grey's Anatomy.


-----------------

C'mendim keni ju per keto ndarje te cmimeve dhe a mendoni se juria eshte treguar me te vertete profesionale dhe se nominimet dhe cmimet kane shkuar ne duart e verteta....???

[autori]

shekulli :

Çmimet “Globi i Artë” në kinematografi, edicioni i historive të pazakonta. Triumfoi me katër trofe “Brokeback mountain”

“Globi i artë”, për një histori dashurie mes dy homoseksualësh


A. M

Histori sa të pazakonta aq edhe të përditshme. Histori homoseksualësh, apo transeksualësh janë kthyer në filma për të nxitur publikun të shohë më thellë problemeve familjare. Kanë qenë pikërisht këto tema që kanë triumfuar në aktivitetin “Globi i artë 2005” (Golden Globe). Një vrapim marramendës dashurie mes dy homoseksualëve, la pas të gjithë filmat e tjerë, duke fituar katër trofe, në ceremoninë e ndarjes së çmimeve “Globi i artë”. “Brokeback mountain”, fitoi trofeun si filmi dramatik më i mirë, por edhe për regjisorin, skenarin dhe kolonën zanore më të mirë. “Eshtë një histori universale… Thjesht doja të bëja një histori dashurie”, - u shpreh regjisori Lee gjatë marrjes së trofeut. Prej shfaqjes së premierës e në vazhdim ky film ka qenë tepër i diskutuar, jo thjesht për subjektin e tij, por edhe për mënyrën e konceptimit regjisorial. Dhe prej së hënës, duket se filmi i regjisorit Ang Lee është në krye të listës së pretendentëve për çmimet e mëdha “Oscar”, që ndahen në fillim të marsit. Tashmë dihet që “Globi i artë” është një gjysmëfinale për të mbërritur tek trofeu më i rëndësishëm kinematografik, megjithatë janë të pritshme edhe surprizat. Në vend të dytë si pretendent për “Oscar” dhe për numrin e trofeve, është një tjetër histori dashurie, por këtë herë mes dy këngëtarëve, e konceptuar si një muzikal, “Kaloj kufirin” (“Walk the line”). Ai mori tre trofe, duke u shpallur si prodhimi më i mirë në kategorinë: muzikali, apo komedia më e mirë, si dhe për aktoren dhe aktorin më të mirë në këtë kategori, përkatësisht Reese Witherspoon dhe Joaquin Phoenix. Nën petkun e një burri, që kërkon të ndryshojë seksin, në filmin “Transamerika”, Felicity Huffman, u shpall aktorja më e mirë e këtij edicioni. Huffman është e njohur edhe për publikun shqiptar përmes serialit “Shtëpiake të dëshpëruara”, i shfaqur në ekranin e “Top Chanel”, i cili gjithashtu mori një trofe, si seriali më i mirë televiziv. Ky i fundit rezulton të jetë një nga serialet më të ndjekur në shumë vende të botës dhe media ka ndjekur hap pas hapi çdo ngjarje, jo vetëm në jetën e katër protagonisteve, por edhe të personazheve të tjera të filmit. Ndërsa trofeun si aktori më i mirë e mori Philip Seymour Hoffman, për rolin e autorit Truman Capote në filmin “Kapota” (“Capote”). Edhe pse pritej për më tepër, George Clooney rrëmbeu trofeun për aktorin më të mirë mbështetës në filmin “Siryana”, ku trajtohet çështja e Lindjes së Mesme e ku ai luan rolin e një veterani të CIA-s. Duket se aktori kohët e fundit është tërhequr më së shumti prej filmave politikë. Pas filmit “Natën e mirë dhe fat të mbarë”, ku Clooney ishte regjisor edhe aktor, “Syriana” është një tjetër film, i frymëzuar nga ngjarje të mëdha politike, madje duket se ai bën oponencë ndaj politikës së ndjekur nga Shtetet e Bashkuara të Amerikës. Trofeu i Clooney-t është ndarë i pari në mbrëmjen e çmimeve dhe duke qeshur Clooney tha se “është vërtet shumë herët dhe nuk kam pirë ende asnjë gotë”. Trofeun si filmi i huaj më i mirë e ka marrë ai palestinez “Parajsa tani” (“Paradise noë”).


“Brokeback mountain”: katër trofe “Globi i artë” filmi dramatik më i mirë, për regjisorin (Ang Lee), skenarin dhe kolonën zanore më të mirë

“Kaloj kufirin”: tre trofe si prodhimi më i mirë në kategorinë muzikal ose komedi, aktoren dhe aktorin më të mirë në këtë kategori, Reese Witherspoon dhe Joaquin Phoenix

Felicity Huffman, aktorja më e mirë në rolin e një transseksuali, në filmin “Transamerika”

Philip Seymour Hoffman, aktori më i mirë për rolin e autorit Truman Capote në filmin “Kapota”

George Clooney, aktori më i mirë mbështetës, në rolin e një punonjësi të CIA-s, në filmin “Syriana”

“Parajsa tani”, filmi i huaj më i mirë

“Shtëpiake të dëshpëruara”, seriali televiziv më i mirë

[ChuChu]

na lini neve cupkave te flasim per fustanellat.
sillni cik nje foto te Drew Barrymore se degjova qe fustani kishte qene thagme fare.

[Manulaki]

na lini neve cupkave te flasim per fustanellat.
sillni cik nje foto te Drew Barrymore se degjova qe fustani kishte qene thagme fare.

aq thagme qe moj aman, sa c'kishte brenda dukshe jashte
kurse Genna Davis kishte nje fustanelle qe ia shtrengonte pak tulkat dhe ia nxirrte nje cike si palka, si duket shkonin me disenjon e fustanelles, kush i merr vesh keta dizainers bre aman
Per shakane ama, me kenaqi, shume humor te holle ka, sikur te thosha te njejten dhe per shijen e veshjes se nates