Fatmir Limaj

[Mexhi]

Vëllai i "Komandant Kumanovës", trondit politikën

Murat Jashari, vëllai i komandantit të rënë të UÇK-së, Ismet Jasharit-Komandat Kumanova përmes një letre të hapur drejtuar Fatmir Limajt ka ngritur një sërë pyetjesh drejtuar atij, e i frymëzuar pas një interviste të dhënë nga Limaj vite më parë, ku deputeti i tanishëm i PDK-së dhe ish-komandat i UÇK-së, Fatmir Limaj kishte deklaruar“Ne e kemi pas krijuar partinë tonë para më shumë se 12-13 vjetësh, e cila më pas u emërtua Drejtoria Politike e UÇK-së dhe aktualisht është udhëheqja aktuale e PDK.“ Letra e Murat Jasharit drejtuar, Fatmir Limajt përmban plotë 372 pyetje që ngre dilema dhe dyshime të shumta për të kaluarën dhe të tashmen e Limajt, për moralin dhe veprimtarinë e tij gjatë dhe pas luftës së UÇK-së. Murat Jashari në këto pyetje hedh dyshime mbi sinqeritetin e Limajt dhe të tjerëve për nisjen e luftës së UÇK-së si dhe shpreh shqetësimin e tij jo vetëm për involvimin e Limajt në struktura të ndryshme sekrete, por dhe për qërimin e hesapeve me kundërshtarët apo të tjerët që mendojnë dhe veprojnë ndryshe. Ju sjellim në vazhdim disa nga pyetjet e Murat Jasharit dërguar Fatmir Limajt e të cilat Jashari i ka quajtur pyetje të shkurtra të thata e të njoma, por të gjitha me ngjyrën e gjakut tonë!

- Keni bashkëpunuar me Shërbimet Informative të shteteve të botës?

- Më 2 Nëntor 1989 kur u vranë Afrim Zhitia e Fahri Fazliu, ku ishe?

- Cili ka qenë fondi i juaj financiar, emërtimi, sa para grumbulluat për luftën, kush e drejtonte atë fond, sa para keni harxhuar dhe sa humbën në fund të luftës?

- Më 23. 03. 2000 shkuat në Gjilan me Hashim Thaçin, Halil Selimin e të tjerë. Urgjentisht ftuat udhëheqësit politik e ushtarak të UÇPMB-së, apo jo? Pse aq urgjent? Kërkuat ndërprerjen e luftës çlirimtare, a po jo? Kush ju detyroi? Pse e penguat dhe e ndërpretë atë luftë çlirimtare?

- Pse asnjë kallash të Brigadës 121 „Komandant Kumanova“ nuk e dhatë për nisjen e luftës çlirimtare në Zonën e vendlindjes së Komandantit tënd, „Ismet Jasharit - Kumanovës“?

-Pse pengove ti dhe anëtarët e tjerë të Drejtorisë Politike luftën çlirimtare të UÇ Kombëtare? Për çfarë e keni nis Hoxhën në Sharr kur luftohej nga UÇ Kombëtare dhe çka u ka raportuar kur ra Kalaja e Tetovës?

- Pse e ke „ndërsye“ Komandant Kumanovën me e vra Gani Krasniqin?

- Komandant Kumanova a u kërkoi telefon? Pse nuk i dhatë telefon? Kush të urdhëroi që të mos i jepni telefon?

- Komandant Kumanova ka mesi i Gushtit 1998 ka pasur me ardhë në Zvicër, për kontroll mjekësor për dorën, a ke pas dijeni për këtë? Ai është bërë gati me ardhë në Zvicër për disa ditë. Ka hekur mjekrën. Unë pasaportën ja pata lënë në vend të sigurt. Ismeti e ka ditur se ku. Po ti a ke qenë në dijeni? Pse nuk i dhatë leje pushimi?

- Më 25 Gusht është vrarë Komandant Kumanova, a po jo? A keni bërë Raport të hollësishëm për rrethanat se si u vra? Nëse po, kujt ia ke dorëzuar atë raport? Nëse jo, pse nuk e ke bërë atë raport? Kush ta dha lajmin i pari për vrasjen e Komandant Kumanovës? Po ti ku u ndodhe kur u vra Kumanova?



Murat Jashari, vëllai i komandantit të rënë të UÇK-së, Ismet Jasharit-Komandat Kumanovës në pyetjet tjera tërheq vërejtjen edhe për përvetësimin e miliona eurove nga ana e Limajt si dhe për përjashtimin e veprimtarëve të devotshëm të LPK-së nga të gjitha aktivitetet përfshirë edhe nga akti i shpalljes së pavarësisë së Kosovës. Murat Jashari në letrën drejtuar Fatmir Limajt paralajmëron se me pyetje të kësaj natyre - në ditët në vijim, do të përballen edhe: Ali Ahmeti, Xhavit Haliti, Azem Syla, Adem Grabovci, Hashim Thaçi, Emrush Xhemaili, Gafur Elshani, Ibrahim Kelmendi, Jakup Krasniqi, Fazli Veliu, Ramush Haradinaj dhe Musa Xhaferi.
http://alsat-m.tv/lajme/vendi/137428.html

Keshtu duken pyetjet e nje njeriu te manipuluar dhe te etur qe te perfitoj nga lavdia e vellaut te tije. Nuk besoj se ka marrezi dhe poshtersi me te madhe kur vellau i nje Komandanti legjendar te UCK-se lejon veten per qellime personale te hedhe balte mbi renien heroike te vellaut te tij.

Kur vellau shkele mbi gjakun e vellaut te rene deshmore, cfar pret nga te tjeret?

[halla mine]

Pyetjet e Muratit jane me vend por nuk mjaftojne.. duhet t'i jap ultimatum, pergjigju ose ruaju.. ndryshe nuk e ben hesap kush per njeri. Nese nuk je i gatshem qe me force ti mbrojshe te drejtat tua, keta shkije te shkelin si qen. I eshte vrar i vllau dhe as sqarime te duhura nuk merr nga komandantet e sotem milioner. Nese Fatmiri ka qene pergjegjes per zonen duhet te sqaroj deri ne detaje çdo pyetje te familjareve. Ke qene komandant.. po, atehere pergjigju se njeriu ka dhene gjak per Kosove, nuk ka qendru ne Zvicerr edhe pse ka mundur..

[halla mine]

Limaj, tash deputet i Kuvendit të Kosovës, gjatë luftës ka komanduar batalionin 121 që mbante emrin “Kumanova”.

Ismet Jashari nga fshati Orizare e Kumanovës, ka rënë dëshmor më 25 gusht të vitit 1998 gjatë përballjes me forcat serbe.

Por vëllai i tij Murati, tash thotë se është i zhgënjyer me klasën politike në Kosovë dhe atë shqiptare në Maqedoni, e sidomos me ata që dikur i kishte konsideruar shokë të të vëllait.

Deri në atë shkallë ka mbërritur zemërimi dhe dëshpërimi i tij, saqë tash thotë se as nuk dëshiron t’i përmend ata persona me të cilët dëshmori Ismet Jashari, ka luftuar bashkë me ta.

“Nuk janë shokët e tij. Shokët e vërtetë ia kanë vra”, thotë Murat Jashari.

Express ka zhvilluar të dielën një bisedë telefonike me Murat Jasharin dhe ai ashtu si edhe në letrën publike me pyetjet e parashtruara për Limajn, hedhë vrer mbi tërë grupin e njerëzve që kanë qenë në Drejtorinë Politike të UÇK-së.

“Ata janë mafiozë”, thotë Jashari, pasi fillimisht uron të gjithë shqiptarët për festën e Lidhjes së Prizrenit.

“Kanë përfitu në emër të luftës, të gjakut të dëshmorëve e kjo nuk durohet”, thotë Jashari për Express.(gazeta express)

[halla mine]

[halla mine]

Fatmiri ne kete interviste flet sikur te mos ishte pjese maxhorances dhe e partis ne pushtet.. pra shprehet nga nje pozite opozitare, distancohet nga krejt te bamat e kesaj qeverie. Per LDK-ne thote se me shume ka bere opozite(ndaj PDK-se) kur ka qene ne pushtet(bashkeqeverisje) se sa tani.

[Llapi]

Limaj, qytetar nderi i Vlorës
Nga Express 21 Qershor 2012 14:44

Në mbledhjen e radhës së Këshillit të Bashkisë së Vlorës, mes shtatë projektvendimeve, ka qenë dhe një propozim i kreut të bashkisë, Shpëtim Gjikës, për të shpallur Fatmir Limajn “Qytetar Nderi” të këtij qyteti. Propozimi i Gjikës, i bërë me 12 qershor, parashikon dhënien e titullit luftëtarit të Kosovës për kontributin e tij në çlirimin e Kosovës.

“Motivacioni që shoqëron propozimin tim është: Si figurë – simbol i përpjekjeve të popullit të Kosovës për pavarësi, simbol i heroizmit, shpirtit të lirë, demokratik e intelektual të popullit kosovar dhe një faktor i rëndësishëm në zhvillimet politike e diplomatike për finalizimin e statusit të Kosovës me shpalljen e Pavarësisë dhe njohjen ndërkombëtare të saj”, tha Gjika.

12 Qershori i vitit 1999 njihet në historinë bashkëkohore si Dita e Lirisë së Kosovës, ose Dita e Paqes, e lidhur me hyrjen e trupave të NATO-s që i dhanë fund luftës së viteve 1998 -1999, dhe tashmë kjo ngjarje kujtohet edhe nga shqiptarët e Shqipërisë si një ngjarje e shënuar që lidh shqiptarët tanë në të dy anët e kufirit shtetëror, Shqipërisë dhe Kosovës, dhe kjo për një arsye shumë të fortë.

Pikërisht në këtë datë të shënuar për popullin e Kosovës, në 12 Qershor 2012, Fatmir Limaj do të shkruante në rrjetet sociale “Në këtë jetë jam betuar se do të jem armik i çdo lloj tiranie që i shfaqet vendit tim. Urime dita e lirisë!”, duke dëshmuar atdhedashurinë dhe patriotizmin e tij për idealet e shtrenjta të lirisë dhe pavarësisë së popullit të vet.

[Mexhi]

Nderim Jashari: ‘Letra e Muratit krijesë e qarqeve qëllim-këqija’

Publikimi i letrës së hapur drejtuar Fatmir Limajt para 2 javësh nga Murat Jashari, vëllai i komandantit të rënë të Ushtrisë Çlirimtare të Kosovës, Ismet Jasharit-Komandat Kumanova ka nxitur reagimin e familjarëve të tij. Sot nipi i Murat Jasharit, Nderim Jashari, pas pritjes që i bëri Fatmir Limajt në shtëpinë e tyre, letrën e Murat Jasharit e quajti krijesë të qarqeve qëllim-këqija duke theksuar se e njëjta është publikuar pa dijen e xhaxhait të tij Muratit i cili jeton dhe vepron në Zvicër. Nderim Jashari për ALSAT-M gjithashtu tha se ai dhe familja e tij janë miq me Fatmir Limaj dhe gjithçka që kanë për t’ia thënë ia thonë në sy. Gjatë qëndrimit në Orizare të Kumanovës, Fatmir Limaj refuzoi të prononcohet për letrën e Murat Jasharit ndërsa bëri homazhe para përmendores së komandantit të rënë të Ushtrisë Çlirimtare të Kosovës, Ismet Jasharit-Komandat Kumanovës. Ndërkohë, rikujtojmë se letra e publikuar para dy javësh në opinion përmban plotë 372 pyetje për Fatmir Limajn që nxiti dilema dhe dyshime të shumta për të kaluarën dhe të tashmen e Limajt, për moralin dhe veprimtarinë e tij gjatë dhe pas luftës së UÇK-së. Murat Jashari në këto pyetje hedh dyshime mbi sinqeritetin e Limajt dhe të tjerëve për nisjen e luftës së UÇK-së si dhe shpreh shqetësimin e tij jo vetëm për involvimin e Limajt në struktura të ndryshme sekrete, por dhe për qërimin e hesapeve me kundërshtarët apo të tjerët që mendojnë dhe veprojnë ndryshe. Murat Jashari në letrën drejtuar Fatmir Limajt para dy javësh paralajmëroi se me pyetje të kësaj natyre gjatë ditëve në vijim, do të përballen edhe: Ali Ahmeti, Xhavit Haliti, Azem Syla, Adem Grabovci, Hashim Thaçi, Emrush Xhemaili, Gafur Elshani, Ibrahim Kelmendi, Jakup Krasniqi, Fazli Veliu, Ramush Haradinaj dhe Musa Xhaferi. Alsat-M

[beni33]

mir ky vetem pytje ka ber as gje me shum edhe fatmiri duhet ty jep pergjegje nese ka kuptohet

[_MALSORI_]

Express ka zhvilluar të dielën një bisedë telefonike me Murat Jasharin dhe ai ashtu si edhe në letrën publike me pyetjet e parashtruara për Limajn, hedhë vrer mbi tërë grupin e njerëzve që kanë qenë në Drejtorinë Politike të UÇK-së.

Nderim Jashari: ‘Letra e Muratit krijesë e qarqeve qëllim-këqija’

Publikimi i letrës së hapur drejtuar Fatmir Limajt para 2 javësh nga Murat Jashari, vëllai i komandantit të rënë të Ushtrisë Çlirimtare të Kosovës, Ismet Jasharit-Komandat Kumanova ka nxitur reagimin e familjarëve të tij. Sot nipi i Murat Jasharit, Nderim Jashari, pas pritjes që i bëri Fatmir Limajt në shtëpinë e tyre, letrën e Murat Jasharit e quajti krijesë të qarqeve qëllim-këqija duke theksuar se e njëjta është publikuar pa dijen e xhaxhait të tij Muratit i cili jeton dhe vepron në Zvicër.

tani o njerez a egziston kjo leter apo nuk egziston..dikush thot po e dikush thote jo..pse u pergjigj nderim jashari e jo murat jashari..a ka mundesi ta dime ku mund ta lexojme te plote kete leter..

kam thene me kohe..dalengadale do i hiqet korja e pites dhe do habitemi me te palarat e luftes dhe luftetareve tane...

[halla mine]

tani o njerez a egziston kjo leter apo nuk egziston..dikush thot po e dikush thote jo..pse u pergjigj nderim jashari e jo murat jashari..a ka mundesi ta dime ku mund ta lexojme te plote kete leter..

Letra egziston dhe gjindet ne te gjitha portalet on-line te Kosoves.. mjafton te kerkosh.


Kujtime nga Muratt Jashari

FILLIM KORRIKU 1998

Isha me kamionin plotë duke u kthye nga Lichtenstein për në banesë Murg/SG, fshat i vogël buzë liqenit të bukur Valense. Në rrugë e sipër mu lajmërua vëllai im ISMET JASHARI, tani Luftëtar i Lirisë, (bashkëluftëtarët dhe popullata e thirrnin KOMANDANT KUMANOVA). E ndala Kamionin në një skaj rruge dhe tani po bisedojmë të qetë dhe pa rreziqe nga ndonjë incident. Duke respektuar rregullat ushtarake, tim vëlla kurrë nuk e kam pyetur se në cilën Zonë je dhe çfarë numri të mobilit ke. Si zakonisht e prisja që ai të flas më shumë.

Dhe, po më thotë:
Gaga Murat fol me Zekën(Xhavit Halitin) dhe le të na dërgoje veshmbathje dhe ti sigurojë dhe dërgomi dy snajperë të mirë, një për mua dhe një për Flamurin (G. Elshanin).

Unë i përgjigjem: në këto ditë jam te ai dhe i them, snajperkat në një magacin i kam.

Pastaj Ismeti vazhdoi: Naj kanë pru këtu në Kleçkë dy vetë, i kemi në burg. Kishin qenë udhëheqës të Lëvizjes(LPK-se) dhe na kanë thënë se shpiuna janë.

Unë e pyeta, si i kishin emrat?

BEHAJDIN ALLAQI DHE SHABAN SHALA.

Nuk e dijë gagës se si është organizimi momental tek ju, por mos zbato asnjë urdhër sa i takon atyre dy vetëve. Le të merren ata ma të „mëdhenjtë“ me ta. Ky emër Behajdin pak më është i njohur, nuk e dij nga po më vjen se nga kam dëgjuar, kurse për atë tjetrin nuk paskam dëgjuar.

E kreva bisedën me tim vëlla dhe menjëherë ju lajmërova Zekës (Xhavit Halitit). Zeka më tha se është i informuar për këtë punë. Kam informuar Abazin (Ali Ahmetin), ky nuk e kishte ditur dhe më tha, do të interesohem dhe më porositi që mos ta përhapi si lajm.

Në rrugë e sipër u deshtë me u ndalë në Walenstadt te Selim Haliti (vëllai i Xhavitit). Po sa u takova me te menjëherë po më tregon për Behajdinin se vëllau im (Ismeti) po e mbajka në burg.
-Po i thashë, sa më tregojë Ismeti. Ata dy i ka dërguar ndokush aty. Se kush nuk e pyeta.
-Po a e dini se kush është ai?
-Nuk e di në detaje se kush është, por është i Lëvizjes.
-Selim Haliti po më thotë: Behajdini është shoku i Zekës.
-Mirë de, Zeka le të intervenoj te Jakup Krasniqi apo te ndonjë udhëheqës i UÇK-së në atë Zonë, në Kleçkë dhe le ti lirojnë.

* * *

DHJETOR1998

Ishte muaji i tretë që po e kaloja në burg, me akuzën "Blerje e furnizim me material luftarak për terroristët e UҪK-së…". Kështu e ka cilësuar veprimtarinë time atdhetare kryeprokurorja e shtetit më "demokratik" Helvetia, znj. Karla del Ponte. Nga burgu i Bern-it (ku isha), në fillim të dhjetorit 1998 më transferuan në një burg tjetër, dhe ndërkohë kam mësuar se më kishin sjellur në vendin e quajtur Torberg.

Më 15 dhjetor `98 aty kah ora 10.00 paradite u hap dera e dhomës. Një gardian më njoftojë se kam vizitë dhe më tha menjëherë të shkoj pas tij. Më futi në një sallonë ku ishin disa policë me uniformë, dhe disa të tjerë me rroba civile. Në vizitë më kishte ardhur bashkëshortja. Kur më pa, u ngritë në këmbë. Ia pashë sytë e sajë të përlotur. Pa u përshëndetur, e pyes çka ke, pse po qanë? Ajo ma ktheu: 'Po na kanë lajmëruar para ca ditëve se Ismetin e kishin vra më 25 Gusht 1998'. Në atë moment më erdhë një forcë e madhe - e pa përshkruar, dhe ju drejtova gruas: 'Asnjë lot! Për dëshmorët nuk duhet derdhur lot! Lumë ne oj Selvisha, tani Kumanova qenka bërë Kosovë! Ju afrova time grua, (dhe për lajmin e gëzuar) e përqafova fort! Kështu, me gjakë dëshmorësh bëhet Shqipëria! Po festë të madhe paskemi familja Jashari nga Orizarja e Kumanovës! Familjet e dëshmorëve të popujve të pushtuar në botë festojnë! Edhe populli shqiptar i Kumanovës e i gjithë hapsirës shqiptare në IRJM tani paska të drejtë të festojë!...(pashtriku)

Bahajdin Allaqi

Pas një aktiviteti të bujshëm atdhetare Behajdin Allaqi më 1 gusht 1993 arrestohet nga UDB-a dhe më 11 nëntor 1993 , nën akuzën për: ” Bashkim për veprimtari armiqësore dhe rrezikim të tërësisë teritoriale të Jugosllavisë”, në Gjyqin e Qarkut në Prizren denohet me 2 vjet e tre muaj burg të rëndë. Së bashku me Behajdinin u burgosën edhe Ilaz Kadolli, Hysen Gega, Binak Berisha dhe Shefki Muçaj. Behajdini burgun do ta vuaj në Dubravë të Istogut (tani Burim).

Pas lirimit nga burgu, Behajdini sërish vazhdoi të punoj në gjimnazin e Prizrenit, deri në qershor të vitrit 1998.

Me formimin e celulave të para të UÇK-së në regjionin e Prizrenit, Behajdini do të jap kontributin e tij në forcimin dhe masovizimin e radhët të UÇK-së. Disa herë merrë pjesë në organizimin e aksioneve ushtarake në fshatrat e Përdrinisë dhe planifikon rrjetin e bartjes së armatimit përmes maleve të Pashtrikut.

Në fillim të qershorit, sipas konsultimeve të shokëve kontributi i tij ishte i nevojshëm në vijat e frontit dhe për këtë gjë ai shkon për t’u takuar me shokët. Më 11 qershor 1998, nga Shtabi i Drenocit, niset me disa përfaqësues të SHP të UÇK-së për në selinë e SHP në Drenicë. Dhe, nga data 11 qershor 1998, familjes Allaqi dhe shokëve të Behajdinit do t´i mungoj jo vetëm informacioni por edhe vendi i rënjes së tij, do t´í mungoj jo vetëm vendi i rënjes por edhe varri i tij dhe në fund do t´i mungoj edhe dëshmori. Prej asaj ditë (11 qershor) nuk dihet mirëfilli se a ka arritur Behajdini në SHP të UÇK-së, apo gjatë rrugës është përleshur me forcat pushtuese serbe!

me shume per Behajdinin keni:
http://www.forumishqiptar.com/showth...82#post1638582