Fatmir Limaj

[Llapi]

Nënkryetari Limaj: Unitet për Shtet

19.07.2007

“Road Map” i politikanit Fatmir Limaj, si duhet ecur tutje

Nënkryetari i PDK-së, z.Fatmir Limaj ka dhënë një intervistë ekskluzive për të përjavshmen kosovare Java, në të cilën pos të tjerash ka folur për çështjen e statusit, planin e tij për daljen e institucioneve nga kriza qeveritare, domosdoshmërinë e mbajtjes së zgjedhjeve etj. Më poshtë do ta japim të plotë intervistën e nënkryetarit Limaj të botuar në Java.

MOTO: I interesuar për unitet, nënkryetari i PDKs, Fatmir Limaj, i pari nga politikanët kosovarë ka hartuar një plan për daljen e institucioneve kosovare nga kriza e legjitimitetit. Thotë se zgjedhjet duhet mbajtur patjetër, mirëpo me një marrëveshje paraprake

Java: Z. Limaj, ju e përkrahni mbajtjen e zgjedhjeve?

Fatmir Limaj: Po.

JAVA: Çka do ndryshonin ato?

Fatmir Limaj: Unë jam munduar që ta përpunoj një ide politike, e cila do të ishte një “road map”, që do të definonte rrugën në të cilën do ecte e gjithë politika kosovare. Kjo ide do definonte rrugën deri në zgjedhjet e reja, gjegjësisht, deri në krijimin e institucioneve të reja.
Procesi politik i definimit të statusit dhe zgjedhjet janë dy elemente të ndryshme. Kundërshtarët e zgjedhjeve e përdorin statusin si pretekst për të mos u mbajtur zgjedhjet, për shkak të implikimeve të mundshme të këtyre të fundit në proces. Unë i kuptoj këto shqetësime, mirëpo zgjedhjet janë të pashmangshme, andaj kam hartuar një ide.

JAVA: A po e shpalosni idenë…

Fatmir Limaj: …po…po…por, duhet thënë diçka tjetër më parë….më duhet konteksti…Duke marrë parasysh zhvillimet politike, momentin në të cilin është Kosova, duke marrë parasysh angazhimet tona mbi njëvjet e gjysëm për statusin, pastaj duke marrë parasysh dokumentin e Ahtisaarit, i cili është dokument që ka ardhur nga bisedimet dhe i pranuar nga Kuvendi i Kosovës, jemi në një situatë atipike. Pas komplikimeve që janë bërë në procesin e statusit, për shkak të ndikimit rus, parashikimet tona për kohën e definimit të statusit dhe parashikimet që zgjedhjet të mbahen pas tij, kanë ndryshuar. Pritjet tona kanë qenë që statusi do të definohet deri në qershor, mirëpo nuk doli kështu. Ne tash jemi në një fazë kur duhet të marrim vendim për zgjedhjet. Organet vendore po e humbin legjitimitetin. Ne jemi të obliguar t`i mbajmë zgjedhjet. Duhet të kemi institucione nga vota e popullit. Ne na janë dashur tetë vite që t`i ndërtojmë këto institucione që kemi, të mira apo të këqija, por ato janë nga vota e popullit. Domethënë, Kosova e ka adresën e saj politike…

JAVA: Zgjedhjet, mos do e komplikonin edhe më situatën?

Fatmir Limaj: Nëse ikim nga zgjedhjet, në nëntor do të jemi në një situatë politike kur këtyre institucioneve do t’u humb legjitimiteti. Më përfundimin e mandatit, nënkuptohet se këta njerëz që janë sot në institucione do të jenë qytetarë të rëndomtë, pra, pa mandat. Paramendojeni një situatë kur Kuvendi i Kosovës do të kthehej në një vend ku diskutojnë qytetarët dhe jo përfaqësuesit e tyre. Nuk dua ta shoh vendin tim sërish në situatën në të cilën ka qenë në vitin 1999, kur i kemi pasur tri qeveri, dhe ku secila fliste në emër të popullit, duke pretenduar legjitimitetin. Ne nuk mund të bëjme marrëveshje për zgjatje mandatesh të njëri-tjetrit, sepse e kemi ligjin dhe ai thotë se këtyre institucioneve në tetor u skadon mandati. Ne duhet ta respektojme ligjin, sidomos institucionet, pra ne që e promovojmë ligjin, duhet medoemos ta respektojmë atë.

JAVA: Si të tejkalohet kjo, na elaboroni idenë tuaj?

Fatmir Limaj: Nisur nga ky polarizim që ekziston, ideja ime ështe që i gjithë spektri politik të dalim me një marrëveshje, me një pakt, që unë e kam quajtur “Unitet për Shtet”. Kryetari i Kosovës, që me anë të Kornizës Kushtetuese përfaqëson simbolin e unitetit të vendit, duhet t`i ftojë të gjitha partitë politike që duan të marrin pjesë në zgjedhje, në një tryezë. Në këtë tryezë do të miratohej ky pakt, që në vete do të përmbante disa pika:

a) Kosova për ne është shtet, kjo nuk vihet në dyshim nga ne, ne duhet të përqëndrohemi në zhvillimin e këtij shteti.
b) Të gjithë të zotohemi se Pako e Ahtisaarit për ne është e padiskutueshme dhe e pandryshuar, pasi është pranuar nga Kuvendi i Kosovës. Pra, në fushatat tona elektorale nuk do të diskutohej më se a do e bëjmë a jo Kosovën shtet. Kosova është shtet më një dokument ndërkombëtar (Planin e Ahtisaarit).
c) Institucionet e tanishme, Qeveria, Kuvendi dhe Ekipi i Unitetiti, vazhdojnë funksionimin e tyre normal, deri në krijimin e institucioneve nga zgjedhjet e reja. Pra, zgjedhjet nuk do ta ndalnin procesin e statusit, Kosova edhe gjatë procesit të zgjedhjeve do ta ketë adresën e saj politike.
d) Të gjitha partitë politike do obligoheshin që ta respektonin këtë marrëveshje dhe të angazhoheshin gjatë fushatave të tyre në këto drejtime, pra, të orientoheshin në zhvillimin ekonomik, edukativ, etj. të shtetit, dhe jo më në drejtim të asaj se a do kemi shtet a jo.

Kjo do të ishte një marrëveshje që do na obligontye si një kod i sjelljes sonë, nëse mund ta quajmë kështu. Kemi nevojë për të, sepse jemi në situatë specifike. Qytetarëve duhet t’u shpjegojmë se, ndonëse është situatë tejet e ndërlikuar, ne duhet patjetër të kemi zgjedhje. Kjo do të duhej të bëhej më iniciativë të kryetarit të vendit.

JAVA: Çka nëse qytetarët nuk marrin pjesë në zgjedhje, për shkak të dëshpërimit që ekziston?

Fatmir Limaj: Duhet sinqerisht t’u tregojmë qytetarëve qëllimin tonë. Ne me këtë do të dëshmojmë para botës se Kosova ka kapacitete të mjaftueshme, ka përgjegjësi të madhe politike, është e pjekur politikisht, që dy procese tejet të rendësishme t`i procedojë në të njëjtën kohë, sepse që të dyja janë tejet të nevojshme. Ky do të ishte një akt tejet serioz nga ana jonë, do të ishte akti i kryerjes së ndërtimit të shtetit.

JAVA: Çka nëse zgjedhjet legjitimojnë subjekte të cilat kanë qenë kundër procesit të deritanishëm, ose edhe kundër Pakos së Ahtisaarit? A do të ndryshojë politika kosovare?

Fatmir Limaj: Për këtë edhe po e jap idenë që të mblidhet tryeza, ku partitë do të merrnin obligim. Pra, do ta ndërtonim hartën e rrugës sonë. Kritikat janë krejtësisht normale gjatë një procesi, si për partitë që janë jashtë procesit, apo edhe për rastet kur dhe vetë partitë që janë pjesëmarrëse në proces kanë pasur kritikat e tyre. Nëse shkojmë në zgjedhje pa këtë marrëveshje, atëherë ekziston rreziku i implikimeve të mundshme. Ne duhet të dalim mbi interesat tona partiake. Asgjë më të rëndësishme se ndërtimi i shtetit nuk ka për ne, andaj duhet ta ruajmë këtë që e kemi ndërtuar. Pako e Ahtisaarit është e pranuar nga Kuvendi i Kosovës dhe cilado parti që të vijë në pushtet duhet ta respektojë atë.

Java: Cili do të ishte organi që do të mund të legjitimonte një marrëveshje të tillë, me ekstra-kushte për të marrë pjesë në zgjedhje?

Fatmir Limaj: Është Presidenti i Kosovës si dhe janë liderët kosovarë. Kjo është marrëveshje politike. I pari i vendit ka mandat që të jetësojë një marrëveshje të tillë, natyrisht, kur marrëveshja është mes njerëzve që janë të legjitimuar me votën qytetare. Ne vetëm kemi arritur disa konsenzuse për zgjedhjet.

JAVA: Çka do të bëhej me Ekipin e Unitetit pastaj?

Fatmir Limaj: Ideja ime është që kjo marrëveshje të jetë valide deri në daljen e institucioneve të reja nga vota e popullit, pastaj për politikat e mëtejme, ku përfshihet edhe ekzistimi apo jo i Ekipit të Unitetit, do vendosej nga institucionet e reja që do jenë legjitime. Këto zgjedhje do të ridefinonin si akt të kryer shtetin e Kosovës, do konfirmonin pjekurinë tonë politike, dhe natyrisht do sillnin udhëheqësit legjitimë të Kosovës. Unë nuk dua të prejudikoj se a do të ndryshohet apo jo Ekipi i Unitetit, kjo u takon qytetarëve, une e di që do të kemi përfaqësues legjitimë.

JAVA: Të supozojmë, çka nëse në pushtet vjen një parti politike që është kundër Pakos së Ahtisaarit?

Fatmir Limaj: Kjo është demokraci dhe në demokraci vendosin qytetarët, pra, vendosë vullneti i sovranit, që është - qytetari. Mirëpo, unë nuk besoj se asnjë subjekt politik do guxonte të hynte në aventura të tilla politike. Dokumenti i Ahtisaarit nuk është vullnet i një partie politike, por është dokument zyrtar i Kosovës, i pranuar nga Kuvendi i saj. Cilado parti politike që vjen në pushtet, patjetër do duhej ta respektonte atë. Ai tash është dokument nacional. Për këtë do të na shërbejë edhe marrëveshja.

[Llapi]

Nënkryetari Fatmir LIMAJ: Takohet sot me Presidentin e Shqipërisë z.Bamir Topi

26.07.2007
Nënkryetari i Partisë Demokratike të Kosovës z.Fatmir Limaj takohet sot me Presidentin e sapozgjedhur të Shqipërisë z.Bamir Topi.
Takimi i Topit me Limajn, është takimi i parë i zotit Topi me një politikan nga Kosova, që nga zgjedhja e tij në krye të detyrës si president i shtetit. Takimi mbahet në godinën e Presidencës së Shqipërisë në Tiranë dhe fillon në ora 10:00

[Jimmi_1978]

Njeri nga figurat politike qe duhet cmuar me se shumti ne Kosoven e pasluftes. Jo vetem per meritat ne lufte por edhe si ndihmues i proceseve politike ne Kosove por edhe pastaj si mbrojtes i luftes clirimtare ne Hage. Edhe tani po i ndihmon udheheqjes politike ne Kosove. Njeri me nje vizion te qarte dhe shume besoj me nje karriere te bujshme. Mendimi im personal eshte qe po te jete tani z.Limaj Kryetar i PDK-se, PDK ne zgjedhjet e ardheshme do te jete forca e pare politike ne Kosove.
Haradinaj dhe Limaj fytyrat qe e meritojne te gezojne rrespektin me te madh nga populli i tyre.

[Llapi]

Nënkryetari Limaj: PDK fton klasën politike dhe qytetarët që në këtë fazë të rëndësishme për vendin, të qëndrojmë së bashku dhe të jemi proaktivë

07.08.2007
Partia Demokratike e Kosovës fton klasën politike dhe qytetarët, që edhe në këtë fazë shumë të vështirë dhe jashtëzakonisht të komplikuar, të qëndrojmë së bashku, në momentin tepër të rëndësishëm dhe historik për vendin, për të përmbyllur një proces po aq të rëndësishëm dhe jetik për të gjithë.
Në këtë proces është domosdoshmëri që jo vetëm të jemi unikë, jo vetëm të deklarohemi unik, por të jemi proaktiv, t’i unifikojmë qëndrimet tona politike, t’i aktivizojmë të gjitha energjitë tona që sa më shpejtë të përmbyllim procesin tepër të rëndësishëm të bërjes së shtetit të Kosovës.
- tha mes tjerash nënkryetari i PDK-së z.Fatmir Limaj, në konferencën e sotme për shtyp.



Thekse nga konferenca për shtyp e nënkryetarit për çështje politike të Partisë Demokratike të Kosovës z.Fatmir Limaj.

Partia Demokratike e Kosovës fton klasën politike dhe qytetarët, që edhe në këtë fazë shumë të vështirë dhe jashtëzakonisht të komplikuar të qëndrojmë së bashku, në momentin tepër të rëndësishëm dhe historik për vendin, për të përmbyllur një proces po aq të rëndësishëm dhe jetik për të gjithë.

Në këtë proces është domosdoshmëri që jo vetëm të jemi unik, jo vetëm të deklarohemi unik, por të jemi proaktiv, t’i unifikojmë qëndrimet tona politike, t’i aktivizojmë të gjitha energjitë tona që sa më shpejtë të përmbyllim procesin tepër të rëndësishëm të bërjes së shtetit të Kosovës.

Kjo nënkupton që klasa politike e Kosovës dhe institucionet, Grupi i Unitetit, në këto momente duhet patjetër që jo vetëm të kenë takime të përbashkëta, por duhet definitivisht të ndërtojnë qëndrime unike, të koordinuara dhe të sinkronizuara mirë dhe fuqishëm përpara popullit të Kosovës, komunitetit ndërkombëtar dhe të gjitha palëve të interesuara që janë të futura në këtë proces politik që po kalon vendi.

PDK kërkon nga akterët politikë të Kosovës që t’i artikulojnë, t’i qartësojnë, t’i bashkojnë qëndrimet në këtë fazë tepër të rëndësishme të procesit, nëpër të cilin po kalon vendi.

PDK kërkon nga klasa politike e Kosovës që ketë një komunikim të drejtpërdrejtë me qytetarët, të gjithanshëm dhe të qartë, dhe të mos lejojë që në opinionin e gjërë nxirren dilema dhe pikëpyetje mbi të ardhmen e vendit tonë ose mbi qëndrimet e klasës politike kosovare.

Para nesh janë dy procese tepër të rëndësishme në ndërtimin e shtetit të Kosovës: së pari është përmbyllja e statusit final, që duhet të rezultojë me pavarësinë e plotë të Kosovës. Së dyti, është mbajtja e zgjedhjeve të lira, në kohën e rregullt, si proces demokratik si proces i cili do të ndihmonte në ndërtimin e kapaciteteve tona demokratike shtetërore, si proces i cili do të dërgonte një mesazh të qartë për të gjithë ata, të cilët kanë ende dilema në funksionimin e shtetit të Kosovës, duke dëshmuar edhe njëherë se Kosova ka qenë dhe është e përgatitur, ka kapacitete të mjaftueshme për t’u futur në një proces demokratik, proces i cili do të legjitimonte, do të thellonte demokracinë në Kosovë.

Dilemat që sot dhe në ditët e fundit, po shfaqen në opinionin publik rreth ndarjes së Kosovës, supozime ose propozime të ndryshme, që mund të vijnë nga qarqe të caktuara për vënien në pikëpyetje të së ardhmes së vendit tonë, Partia Demokratike e Kosovës edhe njëherë ia bën të qartë të gjithëve se Kosova e pavarur është kompromis, nuk është zgjidhja optimale, por është kompromisi që po bëjnë shqiptarët në Ballkan. Çfarëdo tendence për të hapur çështje, për të diskutuar rreth ndarjes, rreth krijesave të reja artificiale, të gjithë ata që tentojnë një gjë të tillë ta bëjnë, duhet ta marrin parasysh hartën e rajonit. Do të futeshim në një rrezikshmëri, të cilën Kosova dhe populli i Kosovës nuk e dëshiron.

Ne nuk dëshirojmë të kthehemi në pikën zero, siç ka qenë ish-Jugosllavia në vitin 1990, ne dëshirojmë që në këtë kompromis që e kemi pranuar, një kompromis ky shumë i dhimbshëm, kemi dëshiruar për të reflektuar paqë dhe stabilitet në Ballkan dhe në fuqishëm qëndrojmë prapa këtij kompromisi tonë, që përfundimisht edhe rajoni të fillojë fazën e konsolidimit dhe të rrezatimit demokratik, që do të ishte parakusht për t’u futur në familjen evropiane.

Të gjithë ata të cilët tentojnë të ndërmarrin çfarëdo veprimi tjetër anti vizionit të Evropës së Bashkuar, anti vizionit demokratik, dhe janë provokime shumë të rrezikshme, të cilat popujt e rajonit i kanë bartë mbi vete në të kaluarën, dhe asgjë të mirë nuk i kanë sjellë rajonit, përveç se dhimbje dhe probleme të cilat ende nuk po mund t’i sanojë i gjithë rajoni.

PDK kërkon për të satën herë nga kryetari i vendit, të fillojë të luajë rolin e tij proaktiv, kushtetues, rolin dhe obligimin e tij që ka para qytetarëve të Kosovës, të fillojë t’i prijë procesit të vazhdimit të ndërtimit të kapaciteteve tona shtetërore.

Një nga pikat që ne kërkojmë për të satën herë është, të fillojmë me hapjen e zyrave diplomatike në qendrat kryesore të botës, që do të ishte në interes që Kosova të jetë prezente në këto qendra, jo vetëm për lobim, siç po propagandohet. Kosova duhet t’i ndërtojë zyrat e saj diplomatike të cilat nesër do të jenë ambasada të vendit tonë. Kosova me zyrat e saj duhet t’i ofrohet diasporës së saj. Kjo është një rrugë e cila e bën shtetin e krijuar. Kështu kanë bërë të gjitha vendet, të cilat kanë qenë në procesin e ndërtimit të shteteve të tyre.

Nesë hapja e zyrave nuk përfundon në muajt e ardhshëm, kryetari i Kosovës duhet t’i paraqesë arsyet pse Kosova nuk ka zyrat e saj diplomatike. Ne e dimë se kjo nuk është pengesë ndërkombëtare, ne e dimë që kjo është më tepër neglizhencë, më tepër është çështje jona e brendshme, prandaj ne ftojmë për politikë proaktive, prandaj ne ftojmë kjo çështje të tejkalohet nga suazat e deklarimeve politike.

PDK kërkon nga klasa poltike e vendit, të cilën e kanë marrë fatin e popullit të Kosovës në duar, që të fillojnë dhe të vazhdojnë me paraqitjen e qëndrimeve të klasës politike të Kosovës, dhe mos të bëhen zëdhënës të qëndrimeve të huaja. Ne këtu jemi për të paraqitur qëndrimet tona dhe jo për të luajtur rolin e zëdhënësit për të komentuar qëndrimet e të tjerëve.

Qëndrimet e drejta, të drejtpërdrejta, të qarta të klasës politike të Kosovës, mendojmë ne janë gjëja që më së shumti i kontribon të gjithë atyre që po na ndihmojnë në këtë proces të përmbylljes së statusit të Kosovës.

Qartësimi i pozicionit të Kosovës në të gjitha pikat ku mund të shihen parqartësi ose dilema të caktuara, i ndihmon të gjithë ata të cilët dëshirojnë ta shohin Kosovën një vend të lirë, demokratik dhe të pavarur.

Dilemat që sot janë në Kosovë se zgjedhjet e lira e shtyjnë procesin e statusit, mendoj që për të gjithë është e qartë se procesi politik i statusit të Kosovës është diçka tjetër, ndërsa mbajtja e zgjedhjeve është diçka tjetër. Nuk janë zgjedhjet e lira që e shtyjnë statusin dhe nuk janë zgjedhjet e lira që komplikojnë statusin. Besoj që për çdo qytetar të Kosovës është e ditur se cila është pengesa e përmbylljes së statusit final të Kosovës dhe kush janë ata që e pengojnë përmbylljen e këtij statusi.

Tendenca për t’u fshehur për moszgjidhjen e statusit final të Kosovës dhe për të ikur nga zgjedhjet e lira, PDK mendon që vendin e çon në një krizë të thellë politike.

Kosova sikur sot, edhe nesër, ka nevojë për të pasur institucionet e saj legjitime, demokratike, të cilat kemi filluar t’i ndërtojmë që 8 vite. Ne kemi nevojë për të pasur adresë politike legjitime, dhe ne mendojmë që e vetmja rrugë për të rikonfirmuar legjitimitetin janë zgjedhjet e lira dhe demokratike, të cilat duhet të mbahen në kohën e rregullt. Dhe, ne edhe njëherë ftojmë që e gjithë klasa politike t’i përmbahet Deklaratës së Ekipit të Unitetit për të shkuar në zgjedhje në kohën e rregullt, dhe ftojmë përfaqësusesit ndërkombëtarë që sa më shpejtë ta bëjnë publike datën e zgjedhjeve të lira në Kosovë.

[Llapi]

Zgjidhja e statusit të Kosovës nuk mund të shtyhet në pafundësi, ne presim që kjo çështje të mbyllet pas 120 ditëshit, - thekson nënkryetari Limaj

22.08.2007
Nënkryetari i Partisë Demokratike të Kosovës, z.Fatmir Limaj, thotë se do të jetë shumë e vështirë për kosovarët që të vazhdojnë të jetojnë të qetë nëse statusi i Kosovës nuk zgjidhet shpejt.
Zoti Limaj i bëri këto komente në një intervistë për BBC-në, pasi Grupi Ndërkombëtar i Krizave, GNK, paralajmëroi Bashkimin Evropian se do të përballet me një konflikt të përgjakshëm nëse Kosova nuk bëhet e pavarur deri në prill të vitit 2008.
Zoti Limaj thotë se raporti nuk duhet shikuar si shantazh drejtuar bashkësisë ndërkombëtare për zgjidhjen e statusit të Kosovës por si thirrje për BE-në që ta zgjidhë krizën e fundit në Ballkan në funksion të stabilitetit rajonal.
Korrespondetja e BBC-së, Violeta Hyseni, bisedoi me zotin Limaj dhe fillimisht i kërkoi të komentonte raportin e Grupit Ndërkombëtar të Krizave.

Nënkryetari i Partisë Demokratike të Kosovës, z.Fatmir Limaj, thotë se do të jetë shumë e vështirë për kosovarët që të vazhdojnë të jetojnë të qetë nëse statusi i Kosovës nuk zgjidhet shpejt.
Zoti Limaj i bëri këto komente në një intervistë për BBC-në, pasi Grupi Ndërkombëtar i Krizave, GNK, paralajmëroi Bashkimin Evropian se do të përballet me një konflikt të përgjakshëm nëse Kosova nuk bëhet e pavarur deri në prill të vitit 2008.
Zoti Limaj thotë se raporti nuk duhet shikuar si shantazh drejtuar bashkësisë ndërkombëtare për zgjidhjen e statusit të Kosovës por si thirrje për BE-në që ta zgjidhë krizën e fundit në Ballkan në funksion të stabilitetit rajonal.
Korrespondetja e BBC-së, Violeta Hyseni, bisedoi me zotin Limaj dhe fillimisht i kërkoi të komentonte raportin e Grupit Ndërkombëtar të Krizave.

Fatmir Limaj: Unë e kuptoj këtë thirrje të Grupit Ndërkombëtar të Krizave si kthim i vëmendjes së Bashkimit Evropian për ta përmbyllur edhe çështjen e fundit në Ballkan. Mendoj që është kërkesë jo vetëm e Kosovës, por është nevojë dhe dëshirë e popujve të rajonit që përfundimisht me Kosovën të përmbyllet kriza që ka qenë në rajon.

Tash edhe rajoni është duke e parë që është në interes të Ballkanit që në lajmet e para në Evropë të mos jenë çështje krizash, por çështje të perspektivave të ndryshme ekonomike, domethënë rajoni të futet në një rrugë normale të zhvillimit dhe të integrimit evropian.

Duke u nisur nga kjo, mendoj që edhe Unioni Evropian dhe komuniteti ndërkombëtar dhe ne të gjithë e kemi një përgjegjësi të përbashkët që çështjen e përmbylljes së statusit final të Kosovës ta përshpejtojmë dhe sa më shpejt kjo çështje të përfundojë, të dalë nga agjenda kryesore.

Mendoj që zgjidhja ose përmbyllja e statusit të Kosovës është e qartë se nuk mund të shtyhet në pafundësi dhe ne presim që kjo çështje të mbyllet sa më shpejtë, pas këtij 120 ditëshi.

BBC: Zoti Limaj, sa reale janë shqetësimet për shpërthimin e një konflikti të ri të mundshëm në Kosovë në qoftë se do të ketë zvarritje të mëtejshme të procesit të statusit?

Fatmir Limaj: Mendoj që gjërat duhet t'i shikojmë më ndryshe, nuk duhet të shkojmë vetëm te shpërthimi i konfliktit. Sot në Kosovë është gjendja e rëndë. Qytetari i Kosovës për tetë-nëntë vitet e fundit sfidohet në të gjitha drejtimet, ka një jetë jashtëzakonisht të rëndë dhe një mungesë të perspektivës.

Një vend me dy milion banorë që ka statusin e padefinuar, që nënkupton se edhe për vetë qytetarët se janë të padefinuar, nuk dihet cila është perspektiva dhe e ardhmja e tyre, vetvetiu tregon sa e vështirë është të jetohet në këto rrethana, siç ka jetuar deri tani populli i Kosovës.

Kjo lë të kuptohet se është shumë e vështirë të vazhdohet të jetohet në këtë mënyrë. Domethënë nuk duhet të shikohet si çështje e shantazhit, si çështje të konfliktit, por duhet ta shikojmë nga interesi praktik, sepse vjen një moment që është domosdoshmëri për ta zgjidhur këtë status dhe unë shpresoj se komuniteti ndërkombëtar e ka kuptuar këtë gjë dhe po punon pikërisht në këtë drejtim dhe po e sheh kështu.

BBC: Raporti i fundit i Grupit Ndërkombëtar të Krizave thotë se nuk pret ndonjë rezultat nga raundi i ri i bisedimeve ndërmjet Prishtinës dhe Beogradit, që pritet të fillojnë brenda pak ditësh. Si njëri nga anëtarët e delegacionit të Kosovës në bisedimet e deritanishme me palën serbe, a prisni rezultate nga këto bisedime?

Fatmir Limaj: Mendoj që varet se cila është agjenda e bisedimeve. Kosova një herë ka biseduar me Serbinë, mendoj që temat kryesore janë shterrur dhe si rezultat i atyre temave ka dalë plani i Ahtisaarit.

Në qoftë se i kthehemi temave që është biseduar, është diçka që për neve është e pakuptimtë dhe s'kemi pse t'i kthehemi një çështje që është e përfunduar, por mendoj se me Beogradin kemi gjithmonë çka të bisedojmë.

Mund të bisedojmë për komisione të përbashkëta si dy shtete, mund të bisedojmë për çështjen e vijave kufitare, shkëmbimit të mallrave dhe njerëzve, bashkëpunimit pyjor, bashkëpunim me ujëra, menaxhimin e energjetikës etj.

Këto janë krejt çështje praktike për të cilat duhet të bisedohet me Beogradin dhe unë kisha thënë që këto 120 ditë duhet të shfrytëzohen në këtë drejtim, sepse për çështje të statusit apo çështje të mëdha politike, mendoj se Kosova i ka përmbyllur bisedimet me Serbinë dhe nuk ka çka të bisedojë më.

BBC: Por bisedimet janë thirrur për statusin dhe treshja ndërmjetësuese ndërkombëtare thotë se do të presë të dëgjojë nga të dyja palët ofertat e tyre për statusin?

Fatmir Limaj: Treshja ndërkombëtare e ka dëgjuar mendimin e Kosovës. Bile Kosova është pajtuar me ofertën e komunitetit ndërkombëtar.
Është arritur një kompromis që është dokumenti i Ahtisaarit dhe mendoj që ana e palës kosovare, komuniteti ndërkombëtar e ka ofertën në tavolinë, të diskutuar më tepër se një vit e gjysmë. Nuk ka çka më tepër t'i shtohet asaj.

BBC: Domethënë ju do të shkoni në Vjenë për takim me treshen ndërkombëtare, me ofertën e vjetër se pavarësia e Kosovës është e panegociueshme?

Fatmir Limaj: Mendoj që ne duhet t'i hapim letrat tjera në këto bisedime. T'i shfrytëzojmë këto 120 ditë bisedime jo shkarazi, por të bisedojmë për çështje praktike, të fillohet të ndërtohen disa komunikime të bashkëpunimit të mes të dy vendeve.
Besoj që Serbia duhet ta ketë të qartë se Kosova nuk ka më kthim mbrapa dhe tash është mirë që të mos humbim kohë dhe të fillojmë disa tema që edhe ashtu janë të hapura për të biseduar në marrëdhëniet mes dy vendeve.

BBC: Dhe së fundi, zoti Limaj çfarë prisni të ndodhë pas 10 dhjetorit kur treshja ndërmjetësuese ndërkombëtare t'i raportojë Sekretarit të Përgjithshëm të OKB-së, Ban Ki Mon, mbi rezultatin e bisedimeve Prishtinë-Beograd?

Fatmir Limaj: Nuk kisha dashur të spekuloj çka do të ndodhë, por mendoj se Kosova në këto 120 ditë bisedime është futur pa dëshirën e saj. Kosova nuk e ka pa të nevojshme që të ketë edhe një process 120 ditësh të bisedimeve. Këtë e ka kërkuar komuniteti ndërkombëtar dhe ne kemi qenë të gatshëm që të vazhdojmë të jemi konstruktiv.

Ne këto ditë i shohim më tepër për t'i dhënë hapësirë të gjitha atyre vendeve të cilat ende kanë dilema për ta pranuar Kosovën si shtet.

Mendoj që këto 120 ditë më tepër se që duhet të punohet me Kosovën dhe Serbinë. Unë shpresoj se komuniteti ndërkombëtar do të punojë brenda për brenda vetes, që ta ndërtojë konsensusin për ta njohur shtetin e Kosovës, sepse ashtu siç jemi të bindur ne në Kosovë, jam shumë i sigurtë që edhe komuniteti ndërkombëtar e di që jo 120 ditë, por edhe 120 vjet Kosova dhe Serbia nuk mund të ndërtojnë një marrëveshje për statusin, siç pretendon treshja.

[Llapi]

Nënkryetari Limaj: Lista të hapura në zgjedhje, për të rifreskuar energjitë politike dhe për ndryshimin e elitave politike në vendin tonë

21.08.2007
Unë mendoj që më nuk ka asnjë kuptim të shkohet me lista të mbyllura, unë jam ithtar i asaj që padyshim dhe patjetër duhet të shkohet me lista të hapura. Duhet t’iu ofrohet mundësia qytetarëve që të kenë hapësirë për të bërë rifreskim të elitës politike në Kosovë. Nuk do të kishte asnjë kuptim, në qoftë se ne shkojmë ashtu siç ka qenë sistemi i mëhershëm, sepse praktikisht ne do të kishim një strukturë të njëjtë politike, do të kishim një logjikë dhe një mentalitet të njëjtë politik.
- theksoi mes tjerash nënkryetari i PDK-së z.Fatmir Limaj, në edicionin qendror të Lajmeve të Televizionit Publik të Kosovës.

Nënkryetari i PDK-së z.Fatmir Limaj, duke folur rreth zhvillimeve aktuale që kanë të bëjnë me statusin e Kosovës, mes tjerash ka thënë:

“Këto bisedime 120 ditëshe unë i shoh si kohë për disa vende të Bashkimit Evropian, të cilat ende kanë dilema për të njohur shtetin e Kosovës, në mënyrë që brenda 120 ditëve ata ta ndërtojnë konsensusin e tyre për ta njohur shtetin e Kosovës.
Në bisedimet shqiptaro-serbe nuk shoh kurrëfarë zhvillimi të ri, kurrëfarë marrëveshje. Por, është diçka që është kërkuar nga pala kosovare, edhe këto 120 ditë do të shkojnë dhe do të kemi gjendjen e tanishme”.

“Mendoj që elita politike kosovare nuk do t’ia lejojë vetes që pas këtyre 120 ditëve, të shkojnë edhe 120 të tjera e më shumë, deri në pakufi, por mendoj se do të fillojmë ta bëjë shtetin fakt të kryer, të ndërtojmë të gjitha kapacitetet shtetërore dhe Kosova të jetë e gatshme për t’u njohur nga të tjerët. Mendoj që edhe brenda këtyre 120 ditëve Kosova duhet t’i ndërtojë këto kapacitete për të filluar njohjen e saj” – ka theksuar nënkryetari Fatmir Limaj.

Nënkryetari i PDK-së ka folur edhe për zgjedhjet e ardhshme dhe për legjitimitetin demokratik të institucioneve.
“Ndërtimi i shtetit nënkupton edhe mbajtjen e zgjedhjeve, kjo është pjesë e ndërtimit të kapaciteteve shtetërore. Kosova duhet ta dëshmojë jetën e saj të funksionimit demokratik, Kosova duhet të dëshmojë para vetvetes, para qytetarëve të saj dhe para atyre që janë të interesuar, që përcjellin zhvillimet në Kosovë, se vendi ynë është një vend me demokraci në funksion. Mendoj që vetë zgjedhjet e lira janë vazhdimi i ndërtimit të kapaciteteve tona demokratike, thellimi i këtyre kapaciteteve dhe vazhdimi i procesit politik. Prandaj, edhe mbajtja e zgjedhjeve është diçka e rregullt, diçka që duhet të ndodhë dhe nuk mund të ndërlidhet apo të komplikohet me statusin final të Kosovës”.

“Shteti nuk ka kuptim në qoftë se ai nuk është demokratik. Esenca e demokracisë janë zgjedhjet e lira, ndërtimi i institucioneve legjitime, të dala nga vota e qytetarëve.
Kosova në nëntor, po mos ta mbahen zgjedhjet do të mbetet pa institucione legjitime dhe mungesa e legjitimitetit institucional çon në kriza të thella politike dhe në një kaos politik. Dhe, më së paku i duhet Kosovës dhe qytetarëve të saj, të futen në një kaos politik, ashtu siç e kanë pasur në vitin 1999, ku secili e kontestonte secilin. Dihet se kush flet në emër të qytetarëve, gjithmonë flasin ata të cilët e kanë votën e tyre dhe e kanë legjitimitetin” – u shpreh z.Limaj.

“Prandaj, nëse sot kërkohet thellimi i demokracisë dhe legjitimiteti demokratik institucional, kjo nuk nënkupton komplikim, kjo nënkupton qartësim dhe thellim të funksionimit të shtetit dhe të kapaciteteve shtetërore”.

Z.Limaj ka folur edhe për sistemin zgjedhor që duhet të aplikohet në zgjedhjet e ardhshme.
“Unë mendoj që më nuk ka asnjë kuptim të shkohet me lista të mbyllura, unë jam ithtar i asaj që padyshim dhe patjetër duhet të shkohet me lista të hapura. Duhet t’iu ofrohet mundësia qytetarëve që të kenë hapësirë për të bërë rifreskim të elitës politike në Kosovë, nuk do të kishte asnjë kuptim, në qoftë se ne shkojmë ashtu siç ka qenë sistemi i mëhershëm, sepse praktikisht ne do të kishim një strukturë të njëjtë politike, do të kishim një logjikë dhe një mentalitet të njëjtë politik”.

“Shkuarja me lista të hapura në zgjedhje, do t’i ofronte mundësinë qytetarëve për të bërë përzgjedhjen e të preferuarve të tyre dhe do të ndihmonte në rifreskimin e energjive politike në këtë vend dhe pse jo edhe në fillimin e ndryshimit të elitave politike në vendin tonë” – përfundoi nënkryetari i PDK-së.

[Llapi]

Kosovës i duhet vizioni evropian i ndërtimit të shtetit të pavarur, - thotë nënkryetari Limaj në debatin e organizuar në Malishevë

25.09.2007
Nënkryetari për çështje politike i PDK-së z.Fatmir Limaj dhe z.David Blunt, shef i Zyrës Britanike në Prishtinë e kanë vlerësuar të martën në sallën e mbledhjeve të KK të Malishevës fazën aktuale të definimit të statusit të Kosovës si fazë të ndjeshme dhe të rëndësishme.
Në një debat rreth statusit të Kosovës, të organizuar nga ATRC dhe Zyra Britanike, nënkryetari i partisë më të madhe opozitare në vend, ka thënë se Kosova më shumë se për një shpallje pavarësie ka nevojë për një vizion të qartë për mënyrën e ndërtimit të shtetit të pavarur, që shteti i Kosovës të jetë pjesë e vizionit evropian.
Nënkryetari Limaj ka kundërshtuar refleksionin e një qytetari se gjatë 5 muajve kur për herë të fundit në Malishevë ishin z.Blunt dhe lideri i PDK-së z.Hashim Thaçi nuk kishte asnjë ndryshim pozitiv në proces.
“Kemi një mesazh domethënës të presidentit Bush gjatë kësaj kohe, ka me shumë simpati ndaj aspiratave tona, kemi më shumë miq e më pak dilema rreth pav pavarësisë”.



Nënkryetari i PDK-së z.Fatmir Limaj ka kundërshtuar refleksionin e një qytetari se gjatë 5 muajve kur për herë të fundit në Malishevë ishin Blunt dhe lideri i PDK-së Hashim Thaçi nuk kishte asnjë ndryshim pozitiv në proces.

“Kemi një mesazh domethënës të presidentit Bush gjatë kësaj kohe, ka me shumë simpati ndaj aspiratave tona, kemi më shumë miq e më pak dilema rreth pav pavarësisë”, ka thënë nënkryetari Limaj.

Por, Kosova sipas nënkryetarit të PDK-së më shumë se për një shpallje pavarësie ka nevojë për një vizion të qartë për mënyrën e ndërtimit të shtetit të pavarur, “që shteti i Kosovës të jetë pjesë e vizionit evropian”.

“Këto përpjekje nuk po bëhen vetëm për shpalljen e pavarësisë por edhe për vendosjen e shtyllës së Kosovës së pavarur”, ka spikatur ai duke shfaqur bindjen se “procesi i definimit të statusit është në përmbyllje e sipër”.

Sipas tij qytetarët e Kosovës nëse kanë njëqind e një arsye për pakënaqësi, kanë një milion e një arsye për angazhim në procesin politik. Shpallja e shtetit të Kosovës z.Fatmir Limaj ka thënë se do të bëhet në koordinim me faktorin ndërkombëtar “dhe kjo nënkupton se do të kemi edhe ulësen në OKB”.

Z.David Blunt ka mohuar përfoljet se fajtore për prolongimin e procesit të statusit të Kosovës është edhe BE-ja me mosunitetin e saj duke adresuar këtë përgjegjësi te vetoja e kërcënuar ruse. Ai nuk ka mundur të jep përgjigje të prerë nëse Britania e Madhe do ta njihte Kosovën në rast se ajo e shpall pavarësinë pas 10 dhjetorit, kjo për shkak të situatës hipotetike në lidhje me rrethanat e atij rasti.

Por, ka tërhequr vërejtjen. “Britania e Madhe ka bërë një investim të madh në Kosovë. Kemi bërë një rrugë të gjatë bashkë. Ne nuk do të largohemi nga përkushtimi i përbashkët. Po harxhojmë mjaftë para këtu...ne jemi me juve, në kërkim të gjetjes së një suksesi”.

Nëse zgjedhjet e pengojnë statusin e Kosovës, është përgjigjur nënkryetari i Partisë Demokratike të Kosovës z.Fatmir Limaj.

Z.Limaj i ka quajtur një segment të rëndësishëm në kuadër të ndërtimit të shtetit zgjedhjet. Nënkryetari i PDK-së duke folur për zgjedhjet ka thënë se nuk do të donte që Kosova të kthehej në situatën e vitit 1999 “kur në mungesë të legjitimitetit të votës secili kontestonte secilin”.

“Zgjedhjet do ta përforcojnë pozicionin e Kosovës në përmbylljen e procesit të statusit”, ka thënë z.Limaj duke shfaqur bindjen se partitë politike në këto zgjedhje do të duhej përballur me programet e tyre për mënyrën e ndërtimit të shtetit të Kosovës.

“Pavarësia nuk është më dëshirë por një realitet që e pret njohjen ndërkombëtare”, ka theksuar ai.

“Tani ju të rinjtë nuk jeni tashmë në fazën e dëshirave për shtetin e Kosovës, kjo situatë dëshirash ishte e gjeneratës sime në moshën tuaj kur ato që sot gjenerata juaj i prek për ne ishin vetëm ëndërra”, i është drejtuar nënkryetari Limaj të riut nga Malisheva.

Ndërsa, shefi i Zyrës Britanke e ka përmbyllur debatin e së martës në Malishevë me një citat të Nelson Mendelës.
“Të jesh i lirë nuk do të thotë t’i heqësh prangat por të jetosh duke e përforcuar lirinë e të tjerëve”.

[Llapi]

Nënkryetari Fatmir Limaj: Tani janë hapur rrugët për fitore të reja

27.09.2007
Shfrytëzoj rastin që sot përmes Jush ti drejtohem gjithë opinionit publik për të dhënë opinionet e mia me rastin e vendimit të Dhomës së Apelit në rastin tim.
Vendimi i Gjykatës së Apelit, me të cilën konfirmon edhe njëherë dhe përfundimisht pafajsinë time, është një inkurajim i madh për të gjithë ata që janë në kërkim të drejtësisë.
Tetë vite pas fitores tonë, ne ende nuk jemi plotësishtë të lirë. Fatkeqësisht, pas tetë viteve, ne ende kemi bashkëluftëtarë padrejtësisht të akuzuar. Pas tetë viteve, ende barazohemi me krimet e bëra ndaj nesh.
- thuhet mes tjerash në deklaratën e nënkryetarit të Partisë Demokratike të Kosovës z.Fatmir Limaj, pas vendimit të Dhomës së Apelit të Tribunalit të Hagës.

Shfrytëzoj rastin që sot përmes Jush ti drejtohem gjithë opinionit publik për të dhënë opinionet e mia me rastin e vendimit të Dhomës së Apelit në rastin tim.

Vendimi i Gjykatës së Apelit, me të cilën konfirmon edhe njëherë dhe përfundimisht pafajsinë time, është një inkurajim i madh për të gjithë ata që janë në kërkim të drejtësisë.

Tetë vite pas fitores tonë, ne ende nuk jemi plotësishtë të lirë. Fatkeqësisht, pas tetë viteve, ne ende kemi bashkëluftëtarë padrejtësisht të akuzuar. Pas tetë viteve, ende barazohemi me krimet e bëra ndaj nesh.

Unë Ju siguroj që me gjithë kapacitetin tim moral dhe intelektual do të punoj që këtë liri ta bëjmë të plotë. Do të punoj parreshtur që për Haradinin, Ramushin, Lahiun, Idrizin dhe bashkëluftetarët tjerë të mij të vije drejtësia.

Poashtu, unë do të jem këtu të vazhdoj të punoj parreshtur për lirinë e cilitdo qytetar të vendit tim, që do të mund t’i rrezikohej liria dhe e drejta.

Vendimi i sotëm, me jep edhe më shumë forcë dhe përgjegjësi për të vazhduar punën në shërbim të vendit tim dhe në shërbim të popullit tim.

Edhe njëherë shfrytëzoj rastin t’i falënderoj të gjithë qytetarët që në vazhdimësi kanë qenë me mua, për solidarizimin dhe besimin e tyre në mua.

Ky kapitull peripecishë është mbyllur përfundimisht për mua dhe familjen time, dhe tani janë hapur rrugët për fitore të reja.

[Shpetulla]

Jo joooooo,mua vetem me interesoi jeta e tij private,skur ne Amerike qe studiohet biografia e cdo politikani i cili duhet te votohet.
Kujtoni: Cdo president amerikan studiohet deri ne brezat me te hershem,dhe cdo segment i jetes per te ditur poulli kend ta votoje.
Personalisht,e pelqej si politikan me vizion te qarte dhe real.
Por lidhja me bijen e Remzi Kolgecit,me ben te mendohem.
Dihet kush ishte Remzi Kolgeci.
Megjithate uroj qe Fatmir Limaj te kthehet tek femijet e tij,sepse nese e votoj,edhe une jam femije i tij per te cilin ky bart pergjegjesi.
Ishalla nuk jane te verteta keto gjera,dhe personalisht nuk i besoj,sepse per politikan ka shume genjeshtra.

[BEHARI]

Degjoni e njerz!!
Meritaaa shpreh ato mendimet e veta mire apo keq eshte pune e saja!!
na pelqejne apo nuk na pelqejne nevet mendimet e saja ky eshte problem tjeter!!
mbase dikush e quan mieriten magjype!!edhe mund te jete e tille,por une nuk mund te paragjykoj ne se eshte apo jo!!,aq me teper qe nuk do ja lejoj vehtes qe te bie ne nivelin e nje magjypi/eje duke replikuar ashper ndaj saja!!
prandaj do ju kerkoja ndjese te gjithvet per nderhyrjen time,por thjesht nuk me pelqen menyra e juaj se si po debatoni!!merita po mbron Bexhet pacollin i cili me sa di une nuk eshte magjyp,ate here i bie qe dhe merita te mos jete magjype!!dikush tjeter mron fatmir limen dhe disa te tjere te uck edhe keta kan shum te drejte te mrohen dhe te respektohen!
pra shkurt doja te thoja se ;nuk me pelqejne debati destruktiv qe ju po beni,dikush quhet debille,dikush tjeter quhet magjype,madje dikush shkon dhe me larg sa quan baskekombasin e vet SERB et etj!
prandaj do ju beja thirrje per qetesi dhe per konstruktivitet ne debat!!
Respekt per te gjithe BEHARI!!