Fatmir Limaj

[Llapi]

Nënkryetari Limaj: Të sillemi, të veprojmë dhe të punojmë si fitues vizionarë për të ndërtuar shtetin e Kosovës

11.01.2007
Nënkryetari i PDK-së mes tjerash iu dërgoi edhe një mesazh shumë të rëndësishëm studentëve të Universitetit të Prishtinës në debatin e sotëm në Fakultetin Juridik.
“Të gjithë ne së bashku duhet të sillemi si fitues, sepse asgjë askush nuk na ka falur. Të sillemi si fitues sepse kjo garanton një të ardhme të sigurt, por jo të sillemi si fitues arrogantë për të rrahur gjoks. Ne duhet të sillemi dhe të veprojmë dhe të punojmë si fitues vizionarë, për të ndërtuar shtetin, për të bërë këtë shtet të fuqishëm, me mirëqenie dhe të lumtur për të gjithë qytetarët e Kosovës”.



Duke diskutuar para një auditori të gjërë studentësh dhe profesorësh, nënkryetari i PDK-së z.Fatmir Limaj theksoi se Universiteti i Prishtinës në çdo kohë ka qenë tempulli i dijes dhe i guximit, tempull nga ku kanë nisur lëvizjet më të mëdhë çlirimtare, për të ndërtuar realitetin e shtetit të pavarur dhe sovran të Kosovës.
“Vendosmëria për dije dhe për çlirimin e vendit ka karakterizuar gjeneratën e lirisë së Kosovës, që u edukua, u frymëzua dhe lindi nga Universiteti i Prishtinës. Rrugët e lirisë së Kosovës i kemi mësuar në amfiteatrot e Universitetit të Prishtinës” – theksoi z.Limaj.

“Serbia e ka humbur Kosovën qysh në vitin 1999, edhe politikisht, edhe moralisht, edhe ushtarakisht. Terrorit të Millosheviqit iu përgjigjëm me luftën çlirimtare. Argumenti sublim për pavarësinë e Kosovës është lufta çlirimtare e popullit shqiptar të Kosovës” – u shpreh nënkryetari Limaj.

Nënkryetari i PDK-së mes tjerash iu dërgoi edhe një mesazh shumë të rëndësishëm studentëve të Universitetit të Prishtinës. “Të gjithë ne së bashku duhet të sillemi si fitues, sepse asgjë askush nuk na ka falur. Të sillemi si fitues sepse kjo garanton një të ardhme të sigurtë, por jo të sillemi si fitues arrogantë për të rrahur gjoks. Ne duhet të sillemi dhe të veprojmë dhe të punojmë si fitues vizionarë, për të ndërtuar shtetin, për të bërë këtë shtet të fuqishëm, me mirëqenie dhe të lumtur për të gjithë qytetarët e Kosovës”.

“Për shtatë vite me mesazhet që kemi çuar ne si klasë politike, kemi dëmtuar argumentet e shtetit të Kosovës, dhe ia jo rastësisht ia kemi vështirësuar punën vetes sot, prandaj jemi në këto pozicione që jemi dhe në vështirësi që jemi. Por, është e rëndësishme se ne edhe si parti, edhe si qytetarë, i besojmë këtij procesi, besojmë se ky proces po e çon Kosovën drejt shtetit, pavarësisht vështirësive dhe defekteve të mundshme që ka mundur të ketë ky proces. Substanca, funksionaliteti i shtetit të ardhshëm të Kosovës është ruajtur me dokumentet e delegacionit të Kosovës. ” - theksoi nënkryetari i parë i PDK-së.

“Decentralizimi është çmim politik për pavarësinë e Kosovës, një çmim që shumica po ia ofron pakicës. Nëse kohë më parë liria për një pakicë në dëm të shumicës ka qenë një privilegj i papranueshëm, edhe liria e shumicës në dëm të pakicës është një demokraci jo e plotë. Kosova duhet ta ndërtojë lirinë e saj të plotë për të gjithë qytetarët e saj” – u shpreh z.Limaj.

“Baza e ushtrisë së ardhshme të Kosovës do të jenë Trupat Mbrojtëse të Kosovës, të cilat i kemi formuar me aq mund dhe saktrificë. Pa vizionin dhe përkushtimin e plotë të liderit të PDK-së z.Hashim Thaçi sot nuk do të kishim TMK” – theksoi nënkryetari për çështje politike.

Në fund nënkryetari për çështje politike i PDK-së z.Fatmir Limaj potencoi se “duhet të tregojmë pjekuri të lartë politike si klasë politike, si institucione dhe si qytetarë të vendit”.

[Llapi]

Nënkryetari Fatmir Limaj: Ka ardhur momenti që Kosovën ta udhëheqë një alternativë e re politike

22.01.2007
Ideja jonë është ta ndërrojmë mentalitetin qeverisës. - Në tri vitet e fundit ne kemi parë vetëm keqqeverisje dhe joprofesionalizëm. - Ky koalicion është i paaftë për ta ruajtur një stabilitet dhe për ta çuar vendin përpara. - Ne nuk futemi në koalicione pa pasur një program të qartë. - Në PDK nuk ka fraksione. - Një parti politike e cila nuk ecën më kohën, nuk ndryshon, është e destinuar që të dështojë. - Kam thënë se ka rrezik që vendin tonë ta udhëheqë krimi i organizuar, nëse Qeveria dhe ne nuk dalim t’u themi stop. - Kosovarët kanë nevojë për njerëz që punojnë për vendin, e jo për xhepat e tyre.
- thekson mes tjerash në intervistën dhënë gazetës “Lajm”, nënkryetari i PDK-së z.Fatmir Limaj



Në vazhdim po e prezantojmë të plotë intervistën e z.Fatmir Limaj, nënkryetar i PDK-së dhënë gazetës prishtinase “Lajm”

Lajm: Cili është qëllimi i letrës së hapur të PDK-së, botuar të enjten në mediat e shkruara?

Oferta e PDK-së

Limaj: Projektet e dështuara dhe problemet e qytetarëve - që janë të dëshpëruar me një qeveri të keqe dhe joprofesionale - na kanë shtyrë ta bëjmë këtë ofertë. Ideja jonë është që ta ndërrojmë mentalitetin qeverisës. Ne duam të çojmë një mesazh tek qytetarët se në Kosovë ka projekte politike që japin shpresë se do të ndryshohet kjo gjendje; se ka adresë rreth së cilës qytetarët mund të bashkohen për t’i realizuar vizionet e tyre për një shtet demokratik, ku qytetarit i garantohet qeverisja me duar të pastra. Ftesa e kryetarit të PDK-së ka qenë ofertë: PDK-ja fton qytetarët në një kontratë të përbashkët, të afrohen me këtë projekt, që së bashku ta bëjnë një jetë më të mirë.

Lajm: Po këta qytetarë i vendosën në poste udhëheqësit tanë...
Limaj: Projekti i PDK-së është ende i paprovuar, sikurse edhe lidershipi i saj. Projekti është i gatshëm, që vizionet e qytetarëve të Kosovës t’i bëjë realitet. Ne po i ftojmë ata qytetarë që janë të dëshpëruar me këtë qeverisje...

Lajm: Megjithatë, PDK-ja e ka provuar veten në qeverisje ?
Limaj: Kosova ka katër vjet që përballet me një qeveri. Ajo e mëhershmja ka qenë e një koalicion të gjerë. Qeverinë Rexhepi e ka karakterizuar ndërtimi i bazave të qeverisjes në vend. Koalicioni i tanishëm është dashur ta qeverisë vendin në kuptimin e plotë fjalës. Ndërsa, në tri vitet e fundit ne kemi parë vetëm keqqeverisje dhe joprofesionalizëm...

Lajm: Mendoni se mund të bindni qytetarët që të kthehen nga PDK-ja?
Limaj: Qytetari i Kosovës ka bërë zgjedhje të lirë dhe pjesa e madhe e tyre nuk e ka votuar projektin e PDK-së. Mendoj se tash është koha që njerëzit ta votojnë këtë projekt. Për këtë arsye ne ftojmë njerëzit që janë dëshpëruar me ata që kanë votuar, të bashkohen në alternativën e re, në vizionin e përbashkët për ndërtimin e një shteti demokratik...

Lajm: A është kjo një fushatë e hershme për zgjedhjet e ardhshme?
Limaj: Është angazhim i PDK-së që t’i afrohet qytetarit. Është një formë e komunikimit me opinionin e gjerë. Unë këtë e shoh si një ofertë e jo si një fushatë.

Lajm: A është ky presion për krijimin e një qeverie gjithëpërfshirëse, ide që ka ekzistuar edhe me herët tek PDK-ja?
Limaj: PDK-ja nuk është në pozicion për të lutur, dhe ne nuk kemi nevojë t’i bëjmë presion askujt. Ne kemi parë se ky koalicion është i paaftë për ta ruajtur një stabilitet dhe për ta çuar vendin përpara. Interesi i Kosovës është të futen energjitë e reja, një lidership serioz që merr përgjegjësi dhe ka iniciativë. Kjo nuk është kuptuar drejt ose të paktën nuk është në interesin e koalicionit qeverisës të kuptohet, sepse ata më tepër i shikojnë interesat e tyre.
Kjo letër nuk është presion për krijimin e një qeverie gjithëpërfshirëse, por thjesht një detyrë që PDK-ja e bën për qytetarin. Është obligim i forcave politike që të marrin angazhime dhe të gjejnë hapësira demokratike në shoqëri.

Roli i EN-së

Lajm: Flisni për një qeveri të dobët, ndërsa kërkonit të jeni pjesë e saj?
Limaj: Duke marrë parasysh punën që ka bërë deri më tash kjo Qeveri, do të jetë e vështirë pjesëmarrja e PDK-së aty për të ndryshuar diçka. Sidoqoftë, PDK-ja nuk futet në koalicione për të zënë pozicione ministrore. Kjo e dallon PDK-në nga partitë tjera. Ne nuk futemi në koalicione pa pasur një program të qartë për obligimet që Qeveria ka për t’i realizuar.

Lajm: Pra, qëndron ideja që PDK-ja të futet në Qeveri?
Limaj: Unë e mora si shembull. Partia jonë nuk pranon të futet në një qeveri që paraprakisht nuk e cakton agjendën e veprimit. Njerëz të mirë ka edhe në koalicionin e tashëm qeverisës, por nuk janë të përfshirë në strukturat udhëheqëse. Prandaj, mungesa e një lidershipi autoritativ dhe kompetent ka krijuar gjendjen ku jemi sot.

Lajm: Në sipërfaqe doli ideja e fuqizimit të Ekipit Negociator, që ai të merret me implementimin e pakos së Ahtisaarit. Çka ndodhi me këtë plan?
Limaj: Kemi ofruar marrëveshje të mirëkuptimit për katër pika kryesore: në Kushtetutë, në sistemin zgjedhor, simbolet e edhe në politikat e jashtme. Kjo është detyrë e të gjitha subjekteve politike. Ndërtimi i konsensusit në këto katër shtylla të funksionimit të vendit është detyrë e një konsensusi politik të të gjitha partive parlamentare dhe joparlamentare.

Lajm: Jemi në prag të zgjedhjes së statusit, që besojmë të jetë pavarësia. Sa mund të jetë meritor për këtë EN-ja?
Limaj: EN-ja ka kryer punën e vet, ndërsa tani pritet pakoja e Ahtisaarit. Meritor për pavarësinë e Kosovës është populli i Kosovës. Realiteti që ne e gëzojmë, është krijuar me sakrifica dhe këtë nuk e ka krijuar Grupi i Unitetit. Ekipi... ka kryer detyrën për të cilën e ka ngarkuar Kuvendi i Kosovës; është bërë një agjendë e përgatitur nga ndërkombëtarët; Ekipi... ka përgatitur dokumentet e kërkuara dhe ka dhënë përgjigjet në pyetjet e kërkuara. Kanë qenë mirë të përgatitur. Megjithatë, ka mundur edhe më mirë...

Lajm: Dikur keni kritikuar EN-në. Pse tash keni ndryshuar qëndrimin?
Limaj: E kam deklaruar këtë që tash e thash. Ekipi Negociator është argat i pavarësisë së Kosovës, sepse ata janë të zgjedhurit. Ata nuk janë për të marrë merita se kush ka bërë më shumë e kush më pak. Është lufta jonë çlirimtare që ka krijuar këtë realitet. Ekipi Negociator jo që nuk duhet të marrë meritë, por duhet të ruhet që mos të gabojë.

Demokracia e brendshme

Lajm: Ja keni kujtuar këtë shefit tuaj (Hashim Thaçit)?
Limaj: Z. Thaçi është njëri nga protagonistët që ka krijuar këtë realitet në Kosovë. Është kryetar i PDK-së, ish-udhëheqës i Drejtorisë Politike të UÇK-së, ndërkaq GN-ja është diçka tjetër.

Lajm: Sa janë të theksuara fraksionet brenda subjektit tuaj politik?
Limaj: Së pari, në PDK nuk ka fraksione. Ka mendime të ndryshme, sepse PDK-ja është e hapur në diskutime. Sidoqoftë, vendimet merren me shumicë dhe respektohen nga të gjithë. Ne këtë e quajmë demokraci të brendshme: çdo ide diskutohet, votohet, ndërsa pakica është e obliguar ta respektojë vendimin e shumicës.

Lajm: Por, ju keni deklaruar se në PDK mungon demokracia?
Limaj: Nuk e kam thënë këtë asnjëherë. Kam thënë se çdo parti politike, sikur edhe PDK-ja, duhet të kenë reformim të brendshëm, në thellimin e vazhdueshëm të demokracisë. Nuk them se niveli i demokracisë në PDK është në nivelin më të lartë, por them se në PDK ka klimë për demokraci të brendshme. Një parti politike e cila nuk ecën më kohën, nuk ndryshon, është e destinuar që të dështojë. PDK-ja do të vazhdojë reformimin e saj dhe do t’u përgjigjet sfidave me të cilat ballafaqohet realiteti politik i vendit.

Lajm: Reformim ndoshta edhe në poste...?
Limaj: Kjo është gjëja me e lehtë që mund të bëhet. E rëndësishme është ndryshimi i mentalitetit qeverisës, mentaliteti i perceptimit, angazhimit dhe funksionimit të partisë. Ky është për mua reformim dhe kjo ka kuptim kur kemi reforma të thella organizative, reforma të filozofisë politike, përfshirë edhe promovimin e kuadrove të reja...

Lajm: Por, struktura e PDK-së mbetet kryesisht e njëjtë?
Limaj: Nuk është e njëjtë. Shikojeni Kryesinë e re të PDK-së se sa ka ndryshuar. Nëse ju mendoni se duhet t’i bihet fshesë mbi 90 përqindëshit, kjo nuk do ndodhë. Partia ka për qëllim ta ruajë substancën, ta ruajë qëndrueshmërinë e saj politike, sepse nuk është lehtë të krijohen kuadrot. Ne kemi emra që nuk kanë qenë më parë në Kryesi, e sot janë shumë aktivë jo vetëm brenda partisë, por edhe në raport me statusin e Kosovës, p.sh. Enver Hoxhaj, Fehmi Mujota...
Nuk është Kryesia e tërë partia, sepse duhet të shikoni edhe sektorët. Shembull është Kabineti i Qeverisjes së Mirë. Aty e shihni se secili kuadër, për profile të caktuara, del me alternativa për zhvillimet e vendit...

Lajm: Deklaratat e shefave të sektorëve në Kabinetin e Qeverisë së Mirë (KQM), ekzistojnë vetëm sa për të dëshmuar ekzistencën, apo e mbështesin diku atë që thonë?

Stop!

Limaj: KQM është servis i mirë për PDK-në, ku njerëzit - nga të gjitha nivelet - kanë mundësi t’i adresojnë problemet për të cilat nuk i dëgjon askush në Qeveri. Partia, përmes kabinetit të saj, i ofron mundësi kuadrit profesional ta promovojë veten.

Lajm: Por, qëndrimet nganjëherë nuk janë të sakta dhe ju detyroheni të kërkoni falje (sikur pat vepruar Bajrush Xhemajli)?
Limaj: Nuk di unë për këtë. Ndoshta këtë pyetje do të duhej t’ia shtroni Xhemajlit. Sidoqoftë, kërkesa e faljes nuk është gabim i madh. Madje, dëshmon ndershmërinë nëse kërkon falje. Pastaj, gabimet që mund t’i bëjë KQM-ja, janë gabime që mund të kenë efekt vetëm tek imazhi i PDK-së. Por, gabimet që i bën përditë Qeveria e Kosovës, kanë ndikim drejtpërdrejt në jetën tonë.

Lajm: Jo rrallë PDK-ja ka dalë me disa ide pas të cilave nuk ka qëndruar deri në fund. P.sh., të ashtuquajturat Dosjet e PDK-së?
Limaj: Ne nuk jemi gjykatës e as prokurorë për të çuar njerëz në burgje. Ne i kemi ngritur shqetësimet, ua kemi ofruar faktet organeve kompetente. Është detyrë e tyre që të çojnë punën deri në fund, ndërsa është detyrë e partive politike të bëjnë me dije se bartësit e institucioneve janë të përfshirë në veprime antiligjore.
Ne jemi për të kërkuar përgjegjësi politike. Kryeministri në këtë rast ka humbur adresën. Ai thotë opozita duhet të sjellë fakte, pastaj kur prokurori t’i ketë ato, ai do ta largojë ministrin. Kur të kalon te prokurori kjo punë, ai nuk e pyet kryeministrin çka duhet të bëjë. Nëse ka dyshime për veprime antiligjore, kryeministri duhet të kërkojë përgjegjësi politike direkt nga ministri.
Disa ndryshime - largime që janë bërë, janë rezultat i dosjeve që ka bërë PDK-ja. Fatkeqësia është se këtu mungon vullneti politik për t’i zbardhë deri në fund faktet që ne kemi dorëzuar. Megjithatë, ne do të vazhdojmë mbikëqyrjen dhe besojmë se do të ekzistojë vullneti politik për të marrë masa ndaj atyre të cilat janë në kundërshtim me ligjin.

Lajm: Keni deklaruar se ekziston rreziku që Qeverinë e Kosovës ta e udhëheqë mafia?
Limaj: Kam thënë se ka rrezik që vendin tonë ta udhëheqë krimi i organizuar, nëse Qeveria dhe ne nuk dalim t’u themi: Stop. Ne do të mund t’i themi stop kësaj, kur do të qeverisim pas zgjedhjeve të ardhshme.

Lajm: Prej nga bindja se do të qeverisni pas zgjedhjeve?
Limaj: Ka ardhur momenti që Kosovën ta udhëheqë një alternativë e re. Çdo gjë e ka fillimin dhe mbarimin. Qytetarët janë lodhur me një qeverisje shtatë vjeçare që nuk sjell ndryshim. Kosovarët kanë nevojë për lidership që ballafaqohet me sfidat. Mbi të gjitha, kosovarët kanë nevojë për njerëz që punojnë për vendin e jo për xhepat e tyre. Nëse qytetarët e japin besimin për PDK-në, do të hyjmë në fazën e ndërtimit të shtetit - me duar të pastra.

Lajm: Mendoni se në PDK ka njerëz që nuk mendojnë për xhepat e tyre?

Vizioni dhe vota

Limaj: Në PDK ka njerëz të tillë. Mos harroni se unë flas për njerëz që do të bartin politikën. Qeveria e ardhshme, nën drejtimin e PDK-së, do të ketë njerëz që do të mendojnë vetëm për vendin e tyre, e jo për xhepat.

Lajm: Por, njerëzit e PDK-së janë akuzuar shpesh pikërisht për këtë?
Limaj: Ne e dimë se çka është folur për shtat vjet, por faktet flasin të kundërtën. Kosovarët do ta provojnë alternativën e re dhe do ta shohin realitetin.

Lajm: E keni këtë vendosmëri për fitore, pas favorit që ju ka bërë ndarja në LDK?
Limaj: Projekti strategjik i PDK-së nuk mbështetet në kalkulimet e të tjerëve. Baza e projektit të PDK-së është në vizionin e saj tek njerëzit dhe në vullnetin e tyre për të na përkrahur.

Lajm: Që deri tash ju ka munguar?
Limaj: Nëse nuk e ka pasur deri sot, pse të mos e ketë nesër. Jemi në epokën e demokracisë, kur provohen alternativat e ndryshme. Qytetarët për pakënaqësitë e tyre ndëshkojnë me votë një projekt, i cili nuk ka realizuar asnjë nga premtimet.

Lajm: Po flisni me admirim për PDK-në. Dikur hamendeshit t’i ktheheshit asaj...
Limaj: Nuk jam hamendur kurrë për t’u kthyer në PDK. Mos harroni se unë kam qenë themelues i kësaj partie dhe vizioni im politik është brenda saj. Ka qenë një fazë kur unë kam pasur nevojë për pushim dhe për një pamje më të mirë për zhvillimet që kanë ndodhë në vend. Mirëpo, edhe gjatë kësaj kohe kemi biseduar se si të zhvillohet partia...

Lajm: Në Skenderaj keni ftuar qytetarët të mos e votojnë PDK-në?
Limaj: Unë edhe sot them për Malishevë, Drenas, Skenderaj... që udhëheqja lokale ka për obligim t’i plotësojë kërkesat e qytetarëve. Dhe nëse ajo nuk punon në përputhshmëri me mundësitë që ka atje, s’kanë pse të votojnë ata njerëz. Kjo është filozofia e PDK-së.

Lajm: Mendon se në ato komuna, ku ka fituar PDK-ja, do të votoheni sërish
Limaj: Kjo varet nga qytetarët. Udhëheqja komunale ka bërë atë që ka mundur. Qeveria punon me preferenca dhe këtë rajon e ka diskriminuar, e ka lënë ashtu siç ishte për 50 vjet. Është turp që për 7 vjet pas lufte të kemi familje pa kulm mbi kokë në rajonin që ka bërë aq shumë për realitetin që sot e kemi. Është mirë që kryeministri, kur dorëzon ndonjë çelës tek familjet serbe, ta ruajë ndonjë edhe për familjet shqiptare, sepse ai është i të gjithëve e jo vetëm i minoriteteve. Kështu ndihmohet Kosova, jo duke bërë reklama nëpër TV.

[Llapi]

"LËSHIMET PËR SERBËT, ME PASOJA NË KOSOVË" Intervistë e Fatmir Limajt për gazetën Tiranase “SHQIP”

Ish-komandanti i UÇK-së, Fatmir Limaj, tregohet i ashpër nëse Ahtisari nuk sjell pavarësinë
Asgjë tjetër veçse pavarësi të theksuar juridikisht. Ish-komandanti i UÇK-së, Fatmir Limaj, i cili është nënkryetar i Partisë Demokratike të Kosovës në opozitë, thekson se pakoja e kryenegociatorit të OKB-së duhet të japë shkoqur heqjen e Kosovës nga sovraniteti i Serbisë, ndryshe...

Gazeta “SHQIP” Tiranë


Fatmir Limaj

Gazeta “SHQIP”: Kryenegociatori i OKB-së, Marti Ahtisari, para dy ditësh ua ka prezantuar paketën vendeve anëtare të Grupit të Kontaktit. Mediat ndërkombëtare po shkruajnë për versione të ndryshme të pavarësisë, disa thonë se fjala pavarësi nuk do të përmendet. A do të ishte ky një projekt i pranueshëm për Kosovën?

Fatmir Limaj: Së pari, duhet të them se kjo është faza kulminante, kjo është pikëmbyllja. Me bisedimet e Vjenës po mbyllet edhe një plagë e madhe e këtij vendi. Është e rëndësishme që në shpalosjen e dokumentit të Ahtisarit do të shihet qartë se Serbisë do t‘i merret sovraniteti mbi territorin e Kosovës dhe ai sovranitet për herë të parë i kthehet popullit të Kosovës.

Gazeta “SHQIP”: Pikërisht fjala integritet territorial nuk do të përmendet, ashtu sikurse fjala pavarësi...

Fatmir Limaj: Nuk dua të spekuloj para se ta marr pakon, por edhe ajo pako duhet të reflektojë këto që thashë, marrjen e sovranitetit Serbisë dhe kthimit të popullit të Kosovës dhe pastaj fillon baza tjetër procedurale e ndërtimit të shtetit. Ne kështu besojmë, se pakoja e Ahtisarit do të reflektojë vullnetin e shumicës.

Gazeta “SHQIP”: Jeni i sigurt për këto nga informacionet që keni?

Fatmir Limaj: Kuptohet, ne jemi pjesë e procesit, por tashmë është një agjendë që nuk varet nga ne. Ne kemi marrë pjesë në bisedimet konkrete dhe kemi pasur oferta serioze. Çdo lloj zgjidhjeje tjetër nuk do të ishte zgjidhje, po thellim i krizës. Prandaj, mendojmë se pakoja e Ahtisarit duhet të reflektojë vullnetin e shumicës.

Gazeta “SHQIP”: Gjithsesi, a do ta pranoni një status pa emër?

Fatmir Limaj: Nuk ka status pa emër. Kosovës dhe qytetarëve të saj i interesojnë dy gjëra të rëndësishme. E para, ajo duhet ta ketë të qartë të ardhmen e saj. Nuk ka kohë më për eksperimente, për zvarritje dhe gjitha eksperimentimet e mëtutjeshme janë të panevojshme, thellojnë krizën dhe thellojnë problemet. Në anën tjetër, qytetarëve të Kosovës u duhet perspektiva, sidomos rinisë, një perspektivë e qartë për të, në çfarë vendi dhe me çfarë statusi jetojnë. Ka edhe elemente të tjera shumë të rëndësishme, të cilat mendoj se i ka marrë parasysh Ahtisari.

Gazeta “SHQIP”: A ju duket një lloj eksperimenti fakti që Veriu i Kosovës do të jetë pjesë autonome, serbët do të vetëqeverisen dhe nuk t‘i japin llogari institucioneve të Kosovës?

Fatmir Limaj: Nëse mendoni për autonomi territoriale, absolutisht Kosova është e vogël për t‘u ndarë dhe kjo vetëm sa do të thellonte problemet dhe krizën. Grupi i Kontaktit e ka thënë qartë se s‘do të ketë ndarje të Kosovës dhe bashkim me vendet e tjera. Kjo do të thotë stabilitet funksional, ku organet kryesore duhet ta qeverisin Kosovën në çdo pjesë të saj.

Gazeta “SHQIP”: Një autonomi që nuk do t‘i përgjigjej institucioneve të Kosovës, do ta pranoni?

Fatmir Limaj: Jo, nuk mendoj se kjo do të ndodhë, pasi mendoj se do të hapë karta të tjera. Nëse ndodh diçka e tillë, kjo do të ishte ndarje dhe ndarja pastaj çon në pasoja të tjera. Nuk mendoj se ndarja është në interes të shumicës apo pakicës në Kosovë dhe as të rajonit.

Si do ta kundërshtoni ju këtë lloj ndarjeje?

Fatmir Limaj: Para së gjithash, pavarësia është në interes të rajonit, është në përputhje me vizionin e rajonit. Është në interes të Malit të Zi, të Maqedonisë për faktin se me një stabilitet të qëndrueshëm politik stimulojmë politikat investuese në rajon dhe shtohen shanset për integrime rajonale e ndërkombëtare. Për çdo përkeqësim dhe për çdo destabilizim të situatës do të humbasë jo vetëm Kosova, por edhe rajoni, pasi askush nuk do të vijë këtu të investojë dhe kështu do të ndërpriten edhe ambiciet e vendeve të rajonit për në BE.

Gazeta “SHQIP”: A ekziston mundësia që pala kosovare ta refuzojë propozimin, nëse ai nuk është ai që prisni?

Fatmir Limaj: E kemi thënë disa herë, që pavarësia e Kosovës nuk është një blof politik, fushatë politike, një instrument politik për të manipuluar njerëzit ose për t‘i bërë shantazh komunitet ndërkombëtar. Është vullnet i popullit dhe partitë politike kanë detyrën ta realizojnë, ta implementojnë këtë vullnet.

Gazeta “SHQIP”: E nëse nuk implementohet, a mendoni se Grupi Negociator duhet të japë dorëheqje, nëse paketa e Ahtisarit nuk do të jetë e favorshme?

Fatmir Limaj: Paketa e Ahtisarit nuk varet nga Grupi Negociator, por ne presim që paketa e Ahtisarit të vijë në përputhje me vullnetin e popullit dhe pas kësaj faze tremujore të përfundojnë gjërat.

Gazeta “SHQIP”: Ahtisari duket se do të mundësojë edhe dyshtetësinë për serbët e Kosovës, a ju duket kjo një problem për situatën aktuale?

Fatmir Limaj: Mendoj se këtë gjë do ta qartësojë Kushtetuta e Kosovës, Dyshtetësia nuk është diçka që aplikohet për herë të parë në Kosovë. Ajo mund të shkojë mbi baza individuale dhe vetëm sipas ligjit.

Gazeta “SHQIP”: A keni ndonjë plan rezervë nëse rrjedhat shkojnë në disfavor të shqiptarëve?

Fatmir Limaj: Politika e Kosovës nuk ka alternativë tjetër, përveç shtetit të saj dhe kjo është më se e njohur për komunitetin ndërkombëtar e botëror dhe ata e dinë mirë se deri ku kanë qenë të gatshëm të shkojnë shumica, për lirinë tyre, prandaj ne nuk kemi alternativë tjetër, përveç shtetit. Kjo është një gjë e pashmangshme, jo pse ne po e përdorim si mjet shantazhimi ndaj të tjerëve, por, sepse është një e drejtë e jona e natyrshme.

Gazeta “SHQIP”: A ka informacione se po përgatitet shpërngulja e serbëve nga Kosova?

Fatmir Limaj: Skenarë të tillë janë të mundshëm, por ne po përpiqemi që serbëve lokalë tua bëjmë të njohur se kjo e ardhme, ky shtet i Kosovës nuk është vetëm për shqiptarët, por edhe për qytetarët e tjerë. Dhe ata do të ndihen mirë, pasi instrumentet e sigurisë dhe të të drejtave të tyre garantojnë një jetë normale. Ne vazhdojmë t‘ju bëjmë ftesa qytetarëve lokalë këtu, që të mos bien pre e manipulimeve dhe kartave nacionaliste të Beogradit, pasi e ardhmja e tyre është këtu dhe ata duhet të përcaktohen për të jetuar në një vend të përbashkët.

Gazeta “SHQIP”: Çfarë do ndodhë më 2 shkurt në Prishtinë?

Fatmir Limaj: Më 2 shkurt do të vijë pakoja, do ta shohim dhe më pas do bisedojmë bashkë se çfarë mendojmë për atë pako.

Gazeta “SHQIP”: Pra nuk jeni i sigurt që pakoja është pozitive?

Fatmir Limaj: Unë jam i sigurt në atë që kemi bërë për vendin tonë.

Gazeta “SHQIP”: Si e shpjegoni faktin se po përgatitet kaq shumë opinioni publik, po ngrihen grupe të ndryshme për të propaganduar paketën, shefi i UNMIK-ut publikisht kërkoi që priteni Ahtisarin pozitivisht. Pse ka nevojë për kaq shumë propagandë?

Fatmir Limaj: Ne kemi edhe serbë lokalë këtu, duhet të bisedojmë dhe tua shpjegojmë, e ardhmja e statusit nuk është kundër një grupi dhe në të mirën e grupit tjetër.

Gazeta “SHQIP”: Ju po thoni se propagandë po bëhet për efekt të serbëve?

Fatmir Limaj: Unë mendoj se atyre duhet t‘ju drejtohet. Pastaj do të futemi në pakon e implementimit, kjo fazë do të jetë jashtëzakonisht e rëndë dhe e vështirë.

Gazeta “SHQIP”: Pse?

Fatmir Limaj: Nuk është e lehtë për faktin se do të bëhet një implementim praktik i të gjithë pakos. Mund të ketë probleme, mospërgatitje të duhur në drejtim të implementimit të statusit. Unë nuk dua të besoj se mund të ketë, siç thoni ju, një shitje të asaj që nuk është në përputhje me interesat e popullit të Kosovës, kanë kaluar ato kohë. Jo vetëm Grupi i Unitetit, por as komuniteti ndërkombëtar nuk do të mund t‘ia shesin popullit të Kosovës diçka që nuk është në interesin e tyre.

Gazeta “SHQIP”: Si do të reagoni ju nëse do të ketë shenja të ndarjes së Kosovës?

Fatmir Limaj: Ne mbështetemi te parimet e grupit të Kontaktit, që e ka përjashtuar ndarjen, por çfarëdolloj tendence për ta ndarë Kosovën mendoj që do të shkaktojë probleme të njëpasnjëshme këtu dhe në vende të tjera. Unë mendoj se ndarja e Kosovës më së paku shkon në interes të serbëve. Ju e keni parasysh konstituimin serb në pjesën qendrore të Kosovës, për dallim nga veriu, dhe e dyta, veriu i Kosovës do të jetë çelësi i suksesit apo dështimit të pakos së Ahtisarit. Nëse Veriu i Kosovës fillon integrimin në institucione të Kosovës, argumentet e krejt pakos së Ahtisarit do të jenë të fuqishme, për çfarëdolloj tendence për të dështuar në Veriun e Kosovës, praktikisht do të ishte dështim i krejt pakos së Ahtisarit.

Gazeta “SHQIP”: Ju jeni i përfshirë drejtpërsëdrejti në çështjen e të drejtave të minoriteteve. A do të ndryshojë numri i vendeve të rezervuara në Kuvendin e Kosovës, që aktualisht është mjaft i lartë?

Fatmir Limaj: Ne i kemi dhënë një propozim Ahtisarit. Të shohim se si do të pritet dhe se si do të vijë nga zoti Ahtisari. Kemi garantuar dhjetë vende për serbët, që do të thotë nëse ata i marrin vetë 5 mund të marrin edhe 5, por jo plus dhjetë të tjerë. Propozimi ynë është që më mos të ketë vende të rezervuara, por të ketë vende të garantuara. Nëse vendet rezervohen del jashtë çdo norme demokratike që njihet deri më tani. Ne ju kemi ofruar instrumente të tjera, siç është shumica e dyfishtë. Është vërtetuar se pjesëmarrja e një numri të madh serbësh në Kuvendin e Kosovës nuk garanton se ata mund t‘i mbrojnë interesat e tyre, sepse u ka munguar instrumenti për të miratuar ligje. Ne kemi shkuar në një ndryshim kualitativ. Kemi ulur numrin, por kemi ofruar instrumente cilësore, që nuk i kanë pasur deri tani.

[faiksmajli]

Nuk paska thene gje i shkreti Fatmir! Ama bash asgje! S'ka faj i shkreti, se ja kane shti dy kembet ne nje kepuce. Asnje pyetjeje nuk ju paska pergjigjur, veç rreth e rrotull qenka munduar ta mabaroi disi kete Interviste, pa thene asgje konkrete.
Konvertimi eshte pune e madhe!!!

[Llapi]

Nuk paska thene gje i shkreti Fatmir! Ama bash asgje! S'ka faj i shkreti, se ja kane shti dy kembet ne nje kepuce. Asnje pyetjeje nuk ju paska pergjigjur, veç rreth e rrotull qenka munduar ta mabaroi disi kete Interviste, pa thene asgje konkrete.
Konvertimi eshte pune e madhe!!!

Jo jo o bal Fatmiri nuk eshte i shkret po perse i thua!
i shkret e i gjor je ti kinse po i gjej vrejtje Fatmirih heeee ani balit ani veq vazhdo

[Llapi]

Nënkryetari Fatmir Limaj: Gjaku i dëshmorëve po e bën Kosovën shtet

26.04.2007
Nënkryetari i parë i Partisë Demokratike të Kosovës z.Fatmir Limaj ka marrë pjesë sot në manifestimin madhështor që është mbajtur në Drenoc të Rahovecit, me rastin e shënimit të përvjetorit të nëntë të daljes publike të UÇK-së në rajonin e Anadrinit.
Duke sjellë përshëndetjet e ish-udhëheqësit politik të UÇK-së, kryetarit të PDK-së z.Hashim Thaçi, ish-anëtari i SHP të UÇK-së, nënkryetari i PDK-së z.Fatmir Limaj ka thënë se argumentet e shtetit të Kosovës i kemi ndërtuar me luftën tonë çlirimtare. Kosova po bëhet shtet, sepse për të kemi derdhur gjakun, kemi dhënë jetën, gjaku i dëshmorëve po e bën Kosovën shtet. Se sa për parlamentin dhe për qeverinë aktuale, Kosova kurrë nuk do të bëhej shtet.

Duke iu drejtuar qytetarëve të Anadrinisë, familjarëve të dëshmorëve, invalidëve dhe veteranëve të luftës, ish-anëtari i Shtabit të Përgjithshëm të UÇK-së, nënkryetari i PDK-së z.Fatmir Limaj, ka sjellë përshëndetjet e ish-udhëheqësit politik të UÇK-së, kryetarit të PDK-së z.Hashim Thaçi.

Nënkryetari i PDK-së z.Fatmir Limaj në fjalën e tij mbajtur në manifestimin përkujtimor të dëshmorëve në Drenoc ka vlerësuar lartë rolin e luftëtarëve të Drenocit dhe të rajonit të Anadrinisë në mobilizimin, strukturimin dhe fuqizimin e Ushtrisë Çlirimtare të Kosovës në këtë pjesë të Kosovës.

Nënkryetari i PDK-së, me këtë rast ka përmendur edhe mungesën e shumë luftëtarëve të kësaj ane, të cilët kanë sakrifikuar për lirinë e vendit, ndërsa sot gjenden padrejtësisht në burgje. Me tej, z.Limaj ka shtuar se në asnjë moment nuk do të lejojmë që dikush të na denigrojë luftën tonë të shenjtë çlirimtare.

Jemi duke u futur në një proces shumë të rëndësishëm dhe historik për të ardhmen e vendit tonë, në procesin e ndërtimit të shtetit të Kosovës. Në këtë kuadër, ka potencuar nënkryetari Limaj, vlera e sakrificës sublime të luftëtarëve të UÇK-së po rritet, po merr peshë, në funksion të ndërtimit të ardhmërisë së sigurtë të shtetit të pavarur dhe sovran të Kosovës.

Argumentet e shtetit të Kosovës i kemi ndërtuar me luftën tonë çlirimtare. Kosova po bëhet shtet, sepse për të kemi derdhur gjakun, kemi dhënë jetën, gjaku i dëshmorëve po e bën Kosovën shtet. Se sa për parlamentin dhe për qeverinë aktuale, Kosova kurrë nuk do të bëhej shtet, - ka thënë nënkryetari i PDK-së z.Fatmir Limaj në Drenoc të Rahovecit.

Nënkryetari Limaj ka ftuar të gjithë qytetarët e vendit që të sillen si fitues, pasi për lirinë tonë kemi derdhur gjakun dhe askujt nuk i kemi borxh. Por, ka thënë z.Limaj, ne nuk duhet të sillemi si fitues arrogantë, por si fitues vizionarë, në mendje, në punë dhe në veprim. Duhet ta largojmë logjikën e robit, që e ka mbizotëruar vendin tonë vite me rradhë, ka thënë z.Fatmir Limaj.

Varrezat e dëshmorëve, bustet, përmendoret, pllakat përkujtimore, komplekset memoriale, duhet t’i vizitojmë përherë ngase ato janë vulat e shtetit të Kosovës, - është shprehur nënkryetari demokrat.

Në përfundim të fjalës së tij, nënkryetari i partisë më të madhe në vend, z.Fatmir Limaj ka bërë apel që të jemi të bashkuar për shtetin që po e ndërtojmë. Z.Limaj ka shfaqur bindjen se përvjetorin e ardhshëm të daljes publike të UÇK-së në Anadrini, do ta presim në Kosovën, shtet i pavarur dhe sovran, për të cilin kanë dhënë jetën dëshmorët e kombit.

Në shënimin e përvjetorit të daljes publike të UÇK-së në Anadrini, kanë marrë pjesë edhe deputeti i Kuvendit të Kosovës nga radhët e PDK-së z.Xhelal Canziba, kryetari i Degës së PDK-së në Rahovec z.Qazim Qeska dhe kryetari i Degës së PDK-së në Prizren z.Zafir Berisha.

[Llapi]

Fatmir Limaj: Kosova asnjëherë nuk do të bëhej shtet pa gjakun e dëshmorëve dhe martirëve të saj


Sot kur për ditë e më afër po afrohemi drejt qëllimit tonë, vlera e atyre që kanë dhënë jetën për lirinë e Kosovës po vije në vendin e vet. Unë e di që ka shumë familjarë të dëshmorëve, familjarë të të rënëve, të cilët për këto tetë vite janë dëshpëruar, kanë pasur një milionë arsye për të qenë të dëshpëruar. Por, unë ju siguroj që ditët po vijnë, çdo ditë e më afër shtetit të Kosovës, po shihet rëndësia, po del e vërteta, po del dëshmia, po del argumenti se asnjëherë Kosova nuk do të bëhej shtet pa gjakun e këtyre burrave, që kanë dhënë jetën për lirinë e Kosovës
- tha sot në Izbicë nënkryetari i Partisë Demokratike të Kosovës z.Fatmir Limaj, në manifestimin e përkujtimit të dëshmorëve dhe martirëve në Izbicë të Skënderajt.



“Marset në Kosovë shënojnë një pikënisje të rëndësishme për Kosovën. Marsi i Adem Jasharit, marsi i cili solli bombardimet e NATO-s në Kosovë, i kanë dhënë kahje krejt ndryshe të ardhmes së vendit tonë”.
- tha nënkryetari i PDK-së z.Fatmir Limaj

“5, 6 dhe 7 marsi i Kosovës i ndan dy epoka: deri më 5 mars 1998 shqiptarët dhe Kosova jetonin në robëri. 5, 6 dhe 7 marsi për Kosovën dhe shqiptarët shënon epokën e re, epokën e çlirimit, epokën e lirisë së Kosovës. Ngjarje të tilla si sot që po përkujtojmë në Izbicë tregojnë edhe një herë qartë të gjithë atyre që nuk kanë pasur veshë për të dëgjuar dhe sy për të parë, se lirinë që gëzojmë sot dhe shtetin që po e ndërtojmë nuk ia kemi borxh askujt, për të dhanë jetën burra, gra, fëmijë, pleq dhe djemtë më të mirë të këtij kombi” – theksoi nënkryetari i PDK-së z.Fatmir Limaj.

Nënkryetari i Partisë Demokratike të Kosovës z.Fatmir Limaj, duke folur në përvjetorin e përkujtimit të Masakrës në Izbicë u shpreh:
“Lirinë, shtetin që po e ndërtojmë, nuk na e ka falur askush, për të kanë dhënë jetën shqiptarët e Kosovës, kanë dhënë jetën prindërit, vëllezërit, motrat, djemtë tanë”.

Duke iu drejtuar të pranishmëve në manifestimin përkujtimor në Izbicë, njëri nga udhëheqësit më të shquar të luftës së Ushtrisë Çlirimtare të Kosovës z.Fatmir Limaj ka theksuar:

“Shenjat e lirisë së Kosovës sot janë këtu, janë anë e kënd Kosovës, pllakat përkujtimore, përmendoret, varrezat e të rënëve për lirinë e Kosovës, aty janë vulat e çlirimit të Kosovës, ndërsa kryevula e çlirimit të Kosovës është në Prekazit legjendar, është në kullën e komandantit legjendar të UÇK-së Adem Jashari”.

“Dëshmorët dhe martirët tanë që po i përkujtojmë sot nuk kanë nevojë për nderin tonë, ne kemi nevojë për ta, ne të gjallët kemi nevojë për t’i kujtuar ata, për t’i vizituar varrezat e tyre, për të shpalosur historinë e tyre. Ne si politikanë kemi nevojë për ta, për t’u korrigjuar, për të parë që ka pasur shumë burra që kanë dhënë më shumë për Kosovën. Kemi nevojë ne të gjallët për t’i vizituar varrezat e dëshmorëve për të marrë ngapak burrëri, kurdo që na humb ajo burrëri” – ështe shprehur z.Fatmir Limaj

Duke folur në manifestimin e përkujtimit të dëshmorëve dhe martirëve në Izbicë, nënkryetari i PDK-së z.Fatmir Limaj ka thënë:
“Fëmijët tanë kanë nevojë për t’i vizituar varrezat e dëshmorëve, përmendorët dhe lapidarët, për të mësuar se liria e tyre, historia e tyre është e ndërtuar me sakrificë, mund dhe jetë, prandaj ne të gjithë kemi nevojë për t’i nderuar dëshmorët dhe martirët”.

“Sot kur për ditë e më afër po afrohemi drejt qëllimit tonë, vlera e atyre që kanë dhënë jetën për lirinë e Kosovës po vije në vendin e vet. Unë e di që ka shumë familjarë të dëshmorëve, familjarë të të rënëve, të cilët për këto tetë vite janë dëshpëruar, kanë pasur një milionë arsye për të qenë të dëshpëruar. Por, unë ju siguroj që ditët po vijnë, çdo ditë e më afër shtetit të Kosovës, po shihet rëndësia, po del e vërteta, po del dëshmia, po del argumenti se asnjëherë Kosova nuk do të bëhej shtet pa gjakun e këtyre burrave, që kanë dhënë jetën për lirinë e Kosovës” – u shpreh z.Limaj.

“Argumentet për shtetin e Kosovës i kemi ndërtuar me luftën tonë çlirimtare, me sakrificën e popullit të Kosovës, prandaj ne themi se Kosova është bërë shtet qysh në qershor të vitit 1999. Ju tashmë jeni dëshmitarë që dje edhe Shtetet e Bashkuara të Amerikës, edhe Britania e Madhe, edhe Bashkimi Evropian, e pranuan shtetin e Kosovës. Prandaj, kryetari i Partisë Demokratike të Kosovës z.Hashim Thaçi ka thënë në të gjitha takimet në Skënderaj, në Drenas dhe kudo në Kosovë se ne nuk merrnim pjesë në asnjë bisedë, po mos ti siguronte Kosovës shtetësinë” – tha nënkryetari Limaj.

Duke iu drejtuar familjarëve të dëshmorëve dhe martirëve në Izbicë të Skënderajt, ish-anëtari i SHP të UÇK-së, nënkryetari i PDK-së z.Fatmir Limaj, tha se duhet të ndiheni krenarë, se gjaku i bijve dhe bijave tuaja nuk ka shkuar huq, sepse ka pasur dhe ka burra Kosova që i dalin zot dhe e çojnë deri në fund amanetin e tyre për lirinë dhe shtetin e Kosovës.

[Llapi]

Nënkryetari Limaj: Fryma politike e PDK-së është ndërtimi i unitetit veprues për shtetin e pavarur dhe sovran të Kosovës

23.03.2007
Nënkryetari i Partisë Demokratike të Kosovës z.Fatmir Limaj, ka theksuar sot se fryma politike e Partisë Demokratike të Kosovës është ndërtimi i unitetit veprues për shtetin e pavarur dhe sovran të Kosovës.
- Shteti i ardhshëm i Kosovës mund të jetë funksional nëse elita politike e Kosovës është e përgjegjshme për të ndërtuar kapacitetet e shtetit të Kosovës, me njërëz të përkushtuar dhe profesionalisht të përgatitur.
- Pavarësia e Kosovës është në interes të gjithë rajonit, është pjesë e vizionit evropian për rajonin.
- NATO ka intervenuar në Kosovës, për shkak se Kosova ka mbrojtur vlerat e civilizimit botëror, që ishin të rrezikuara nga regjimi hegjemonist serb.
- shtoi në vazhdim nënkryetari i PDK-së z.Fatmir Limaj, në debatin e organizuar në Kolegjin e Biznesit në Prishtinë, me rastin e shënimit të përvjetorit të bombardimeve të NATO-s.



Duke iu drejtuar profesorëve dhe studentëve të Kolegjit të Biznesit në Prishtinë, në debatin e organizuar me rastin e shënimit të përvjetorit të bombardimeve të NATO-s dhe eksodit masiv të popullit shqiptar të Kosovës, nënkryetari për çështje politike i Partisë Demokratike të Kosovës z.Fatmir Limaj, ka theksuar se Aleanca Veriatlantike e NATO-s është vënë në shërbim të interesave të popullit të Kosovës dhe të Ushtrisë Çlirimtare të Kosovës, për arsye se UÇK bashkë me popullin e Kosovës me luftë çlirimtare kanë mbrojtur vlerat e civilizimit botëror, që rrezikoheshin nga makineria hegjemoniste serbe.

Ish-anëtari i Shtabit të Përgjithshëm të Ushtrisë Çlirimtare të Kosovës z.Fatmir Limaj ka theksuar poashtu se UÇK që nga fillimi ka qenë dhe ka vazhduar deri në fund të jetë forcë properëndimore, duke ndërtuar kështu partneritetin me botën demokratike, me të vetmin qëllim lirinë e Kosovës dhe dëbimin e ushtrisë, policisë dhe administratës së dhunshme serbe nga Kosova.

Më tej z.Limaj ka vënë theksin se shqiptarët e Kosovës për herë të parë nuk janë në rolin e kërkimit të të drejtave dhe lirive të tyre. Ky është ndryshim historik i rolit të popullit shqiptar, që ka qenë në vazhdimësi i robëruar dhe i shtypur.

Nëse nga Rambujeja, kemi sjellë NATO-n në Kosovë, nga Vjena kemi sjellë shtetin e pavarur dhe sovran të Kosovës, ka thënë z.Limaj.

Ne jemi fitues dhe duhet të sillemi si fitues. Por, si fitues në mendje, në veprim, në drejtimin e vendit. Nuk drejtohet vendi me logjikën e robit, por me përkushtimin e vazhdueshëm politik dhe qytetar – tha nënkryetari Limaj.

Në debatin e organizuar në Kolegjin e Biznesit në Prishtinë, nënkryetari i PDK-së z.Fatmir Limaj ka folur edhe për procesin aktual politik.
Integrimi i pjesës veriore të Kosovës është çelës për implementimin e marrëveshjes për statusin politik të Kosovës, - ka potencuar z.Limaj.

Jemi të bindur se Kosova po bëhet shtet. Shteti i Kosovës mund të jetë funksional vetëm nëse elita politike dhe qytetarët janë të përgjegjshëm për të ndërtuar kapacitetet e shtetit të Kosovës, - shtoi nënkryetari i PDK-së z.Limaj.

Për Kosovën nuk ka plan B, as plan C. Për Kosovën është vetëm një plan: shteti i pavarur dhe sovran i Kosovës, - ka siguruar të pranishmit nënkryetari demokrat i vendit.

Duke folur për vazhdimin e mentalitetit politik të ish-regjimit të Millosheviqit, edhe nga kasta politike aktuale serbe, nënkryetari i PDK-së z.Fatmir Limaj ka potencuar se në Serbi duhet të ndodhë një denacifikim i saj, për shkak se nuk është as në interes të Serbisë që udhëheqja e saj të vazhdojë të jetë e ndikuar nga e kaluara e tyre hegjemoniste.

Duke iu përgjigjur interesimeve të studentëve dhe profesorëve për rirreshtimet politike në skenën politike të vendit, nënkryetari Limaj ka thënë se pas miratimit të rezolutës për Kosovën nga ana e Këshillit të Sigurimit të OKB-së, Kosovës dhe qytetarëve të saj iu duhet ndërtimi i shtetit me njerëz të përkushtuar për vendin, me njerëz të përgjegjshëm dhe profesionistë.

Investimi në edukim dhe në shkollim, është investim në të ardhmen tuaj, por është edhe investim i madh për vendin, për ndërtimin e shtetit funksional të Kosovës, iu ka thënë studentëve të Kolegjit të Biznesit, nënkryetari i Partisë Demokratike të Kosovës z.Fatmir Limaj.

[Llapi]

Nënkryetari Limaj: Vula e shtetit të Kosovës është dhënë më 5, 6, dhe 7 mars 1998, në Prekaz, me sakrificën e komandantit legjendar Adem Jashari dhe familjes heroike Jashari

20.03.2007
Ajo që i dha intonacion përpjekjeve tona të pareshtura për liri është historiku i luftës, i familjes së komandantit tonë legjendar Adem Jashari. Jo rastësisht armiku sulmoi familjen heroike Jashari në Prekaz. Sakrifica sublime e familjes Jashari, bëri që të forcohet, të mobilizohet Ushtria Çlirimtare e Kosovës. Ne mbrojtëm civilizimin demokratik, siç e mbrojti Skënderbeu, ne e fituam mbështetjen e botës së civilizuar demokratike, duke vënë në lëvizje edhe mekanizmin më të fuqishëm ushtarak, NATO-n në mbështetje të luftës sonë për çlirim.
- theksoi nënkryetari për çështje politike i PDK-së z.Fatmir Limaj, në shënimin e përvjetorit të nëntë të Epopesë së Jasharajve, që u organizua në Diegëm të Brukselit.

Nën organizimin e Degës së PDK-së për shtetet e Beneluksit në Diegem të Brukselit u organizua shënimi i përvjetorit të nëntë të Epopesë së Ushtrisë Çlirimtare të Kosovës, Epopesë së Komanantit Legjendar të UÇK-së Adem Jashari dhe familjes heroike Jashari nga Prekazi i Drenicës.

Në ambientet e sallës së madhe në Diegem të Brukselit, kishin ardhur një numër i madh i bashkatdhetarëve tanë që jetojnë dhe veprojnë në Belgjikë, Holandë, në Gjermani dhe në vende tjera perëndimore.

Në këtë tubim madhështor, mori pjesë edhe nënkryetari i Partisë Demokratike të Kosovës, njëri nga ish-udhëheqësit më të denjë të Ushtrisë Çlirimtare të Kosovës z.Fatmir Limaj.

Nënkryetari i Partisë Demokratike të Kosovës z.Fatmir Limaj, fillimisht ka vlerësuar lartë rolin e mërgatës shqiptare në mbështetjen dhënë luftës çlirimtare dhe për kontributin për ndërtimin e gjithanshëm të shtetit të pavarur dhe sovran të Kosovës .

“Çmoj kontributin tuaj dhe ju thërras që të jeni të bashkuar pa marrë parasysh përcaktimet partiake, rrini e bisedoni pa marrë parasysh dallimet dhe grupimet tuaja. Do të vijë koha kur në diasporë nuk do ketë parti, por do ketë lob të organizuar, siç e kanë të gjitha shtetet. Edhe ne do bëhemi shtet dhe atë së shpejti, duke mos dashur të spekuloj për kohën, unë besoj se nëse procesi vazhdon me dinamikën e paraparë, ju bashkatdhetarë të nderuar pushimet verore do t’i kaloni në Kosovën shtet i pavarur dhe sovran.”

Duke folur për sakrificën sublime të komandantit legjendar të Ushtrisë Çlirimtare të Kosovës Adem Jashari dhe të familjes së tij, ish-anëtari i Shtabit të Përgjithshëm të Ushtrisë Çlirimtare të Kosovës z.Fatmir Limaj, duke iu drejtuar mërgimtarëve tanë që jetojnë dhe veprojnë në Belgjikë, ka thënë:

“Ajo që i dha intonacion përpjekjeve tona të pareshtura për liri është historiku i luftës, i familjes së komandantit tonë legjendar Adem Jashari. Jo rastësisht armiku sulmoi familjen heroike Jashari në Prekaz. Sakrifica sublime e familjes Jashari, bëri që të forcohet, të mobilizohet Ushtria Çlirimtare e Kosovës. Ne mbrojtëm civilizimin demokratik, siç e mbrojti Skënderbeu, ne e fituam mbështetjen e botës së civilizuar demokratike, duke vënë në lëvizje edhe mekanizmin më të fuqishëm ushtarak, NATO-n në mbështetje të luftës sonë për çlirim”.

“Vula e shtetit të Kosovës është dhënë me 5, 6, dhe 7 mars 1998, në Prekaz, me sakrificën e komandantit legjendar Adem Jashari dhe familjes heroike Jashari” – potencoi nënkryetari i PDK-së z.Fatmir Limaj.

Nënkryetari i Partisë Demokratike të Kosovës z.Fatmir Limaj, në takimin me mërgatën shqiptare në Belgjikë, ka folur edhe për procesin aktual politik.
“Në Vjenë nuk kemi biseduar për statusin. Atje kemi biseduar për të drejtat e komuniteteve, kemi biseduar për atë se sa jemi ne në gjendje t’u japim të drejta pakicës serbe dhe pakicave tjera. Ky është ndryshimi epokal që ka ndodhur në vendin tonë. Nga pozita e lypësit, tani jemi në pozitën e dhënësit. Ne jemi fitues, prandaj duhet të sillemi si fitues, t’iu garantojmë të drejta të gjithëve, sepse ne luftën tonë nuk e kemi zhvilluar kundër lirive të të tjerëve, ne luftën tonë e kemi zhvilluar për të mbrojtur vlerat e civilizimit që janë shkelur me shekuj në Kosovë”.

“Ju duhet të vazhdoni t’i përkujtoni këto ditë të shenjta të historisë tonë më të re. Unë ju siguroj që Kosova po bëhet shtet. Jam i bindur që në përvjetorin e ardhshëm të Epopesë së Jasharajve, me ju do të jetë ambasadori i shtetit të Kosovës” – tha z.Fatmir Limaj.

“Ju ftoj po ashtu të investoni në të ardhmen e fëmijëve tuaj, t’i shkolloni ata, sepse Kosova ka nevojë për kontributin tuaj në ndërtimin e kapaciteteve shtetndërtuese për Kosovën e re, shtet i pavarur dhe sovran” – theksoi z.Limaj.

“Vizioni ynë është ndërtimi i shtetit të pavarur dhe sovran të Kosovës, një shtet funksional, me qeverisje të përgjegjshme, efektive, e cila do të ketë besimin e plotë të qytetarëve të Kosovës. Në këtë kuadër, roli juaj, roli i diasporës shqiptare, është shumë i rëndësishëm për të ndërtuar të gjitha kapacitetet e shtetit modern të Kosovës, që do të jetë një shtet, ku të gjithë qytetarët do të jenë krenar që janë shtetas të Kosovës” – tha z.Limaj.

Tubimin e ka udhëhequr sekretari i përgjithshëm i Degës së PDK-së në shtetet e Beneluksit z.Bekim Rexhaj, ndërsa kryetari i degës z.Bedri Podrimçaku ka folur për Epopenë e Jasharajve dhe për angazhimet e PDK-së në shtetet e Beneluksit.

Ndërsa, nënkryetari i Degës së PDK-së në shtetet e Beneluksit z.Hashim Shala, ka folur për historinë dhe sakrificën sublime të familjes Jashari nga Prekazi, duke spikatur rrugën dhe luftërat brez pas brezi të kësaj familje emblematike, që ngriti vetëdijen tek shqiptarët për liri.

Në emër të shoqatave të dala nga lufta ka folur veprimtari z.Halit Elshani, i cili mes tjerash ka theksuar se Adem Jashari dhe Jasharët nisën një epokë të re, epopkën që ndërroi rrjedhat e historisë.

Në fund të manifestimit për shënimin e përvjetorit të nëntë të Epopesë së Ushtrisë Çlirimtare të Kosovës, Epopesë së familjes së komandantit legjendar Adem Jashari, u recituan vargje nga veprimtari Qamil Zekollli kushtuar komandantit legjendar, ndërsa këngë për dëshmorët e luftës kënduan Shaqir Cërvadiku, Irfan Blakçori, Muhamet dhe Valon Avdijaj, si dhe grupi muzikor “Rinia” nga Brukseli.

[Llapi]

Nënkryetari Fatmir Limaj: Nga Rambujeja sollëm NATO-në në Kosovë – nga Vjena shtetin e Kosovës

17.03.2007
Nënkryetari për çështje politike i PDK-së z.Fatmir Limaj në një manifestim madhështor është takuar me bashkatdhetarët tanë në Hanover të Gjermanisë, ndërsa është takuar me bashkatdhetarët edhe në Berlin, ku ka zhvilluar takime edhe me studentë shqiptarë që studjojnë në universitetet prestigjioze të Berlinit.
“Nëse nga Rambujeja me përkushtimin dhe sakrificën e Ushtrisë Çlirimtare të Kosovës dhe të gjithë qytetarëve të Kosovës, kemi sjellë NATO-n në Kosovë, nga Vjena kemi sjellë shtetin e Kosovës”,
- ka potencuar nënkryetari për çështje politike i PDK-së z.Fatmir Limaj, i cili në këto manifestime është shoqëruar nga anëtari i KD të PDK-së z.Mevludin Krasniqi.



Në kuadër të vizitës zyrtare që po zhvillon në disa shtete të Evropës Perëndimore, nënkryetari i Partisë Demokratike të Kosovës z.Fatmir Limaj, ka zhvilluar takime të shumta me bashkatdhetarët tanë që jetojnë dhe veprojnë në Gjermani dhe në Belgjikë.

Nënkryetari për çështje politike i PDK-së z.Fatmir Limaj, i shoqëruar nga anëtari i Këshillit Drejtues të PDK-së z.Mevludin Krasniqi, në një manifestim madhështor është takuar me bashkatdhetarët tanë në Hanover të Gjermanisë, ndërsa është takuar me bashkatdhetarët edhe në Berlin, ku është takuar edhe me studentë shqiptarë që studiojnë në universitetet prestigjioze të Berlinit.

Në të gjitha këto takime, nënkryetari i PDK-së z.Fatmir Limaj ka riafirmuar angazhimet e lidershipit të Partisë Demokratike të Kosovës për të ndërtuar shtetin funksional dhe demokratik të Kosovës, ku të gjithë qytetarët do të ndihen krenarë për shtetësinë e tyre.

Partia Demokratike e Kosovës, si partia me legjitimitetin numër një në Kosovë, konceptin e saj politik dhe qytetar e ka të ndërtuar në themelet e përkushtimit dhe të angazhimeve të vazhdueshme dhe të sinqerta të bartësve të saj dhe partneritetit me të gjithë qytetarët e Kosovës, për të ndërtuar Kosovën, shtet i pavarur dhe sovran, për të cilin janë angazhuar dhe kanë sakrifikuar gjeneratat të tëra, sakrificë kjo që është sublimuar me luftën e lavdishme të Ushtrisë Çlirimtare të Kosovës, e cila fitoi edhe mbështetjen e aleatëve tanë, në veçanti të Shteteve të Bashkuara të Amerikës dhe të vendeve mike të Bashkimit Evropian, - u shpreh nënkryetari i PDK-së z.Fatmir Limaj.

Në takimet me bashkatdhetarë në Hanover dhe në Berlin, njeriu i dytë i PDK-së, ka vlerësuar lartë rolin e diasporës shqiptarë në të gjitha kohërat, duke veçuar mbështetjen e bashkatdhetarëve tanë dhënë luftës së Ushtrisë Çlirimtare të Kosovës, dhe tani në ndërtimin e Kosovës së re. Nënkryetari Limaj, ka theksuar se diaspora shqiptare ashtu siç ka qenë pjesë e pandashme e çlirimit të Kosovës, është dhe do të vazhdojë të jetë edhe pjesë e pandashme e ndërtimit të shtetit të pavarur dhe sovran të Kosovës, të integruar në Bashkimin Evropian dhe në NATO.

Nënkryetari i partisë më serioze dhe më të organizuar në Kosovë, po ashtu ka çmuar edhe përkushtimin e të rinjve shqiptarë që studiojnë në universitetet gjermane, duke vlerësuar se kontributi i tyre intelektual dhe profesional, ka rëndësi të madhe për europianizimin e mëtejmë të Kosovës, posaçërisht në aspektin e bartjes së përvojave të dobishme evropiane në Kosovë. Në takimet me bashkatdhetarë, nënkryetari i PDK-së z.Fatmir Limaj ka theksuar se statusi i Kosovës është vendosur me luftën çlirimtare, në vitin 1999, ndërsa në Vjenë është biseduar për mënyrën e ndërtimit të shtetit të Kosovës.
Nëse në Rambuje me përkushtimin dhe sakrificën e Ushtrisë Çlirimtare të Kosovës dhe të gjithë qytetarëve të Kosovës, kemi sjellë NATO-n në Kosovë, nga Vjena kemi sjellë shtetin e Kosovës, - ka potencuar nënkryetari për çështje politike i PDK-së z.Fatmir Limaj.

Është përgjegjësi e bartësve të politikës dhe të institucioneve të vendit, por edhe e të gjithë qytetarëve të Kosovës, që të vazhdojmë përkushtimet tona për të ndërtuar një shtet të qëndrueshëm dhe funksional, me një udhëheqje serioze dhe të përgjegjshme, të cilës i beson populli i Kosovës, sepse çdo dështim do të çojë në dështimin e ndërtimit të shtetit të Kosovës, e këtë nuk e meritojnë qytetarët e Kosovës – tha z.Limaj.

Nënkryetari i PDK-së z.Fatmir Limaj, sonte do të marrë pjesë në manifestimin e shënimit të përvjetorit të Epopesë së UÇK-së, që organizohet në Bruksel nga komuniteti shqiptar atje, respektivisht nga Dega e PDK-së për shtetet e Beneluksit.