Fatmir Limaj

[Llapi]

Kryeqytetasit i përgjigjen pozitivisht nismës së z.Fatmir Limaj “Bashkohu edhe Ti”

17.10.2007
Pas fazës së parë, e cila u realizua përmes korrespodencës me qytetarë në faqen www.fatmirlimaj.net, sot nisi faza e dytë e nismës “Bashkohu edhe Ti”. Qëllimi i kësaj faze është komunikimi i drejtpërdrejtë me qytetarët e Prishtinës. Pikërisht për ta fuqizuar rëndësinë e këtij komunikimi, sot janë vendosur 7 pika statike dhe shumë njësi të tjera lëvizëse të përbëra nga grupe vullnetarësh të cilët i intervistuan qytetarët përmes pyetësorit. Këto pika dhe njësi qenë të lokalizuara nëpër lagje të ndryshme të Prishtinës.
Shumica dërrmuese e kryeqytetasve iu përgjigjen pozitivisht kësaj nisme, gjë që dëshmon akoma më shumë për efektshmërinë e kësaj forme të komunikimit.



Pas fazës së parë, e cila u realizua përmes korrespodencës me qytetarë në faqen www.fatmirlimaj.net, sot nisi faza e dytë e nismës “Bashkohu edhe Ti”. Qëllimi i kësaj faze është komunikimi i drejtpërdrejtë me qytetarët e Prishtinës. Pikërisht për ta fuqizuar rëndësinë e këtij komunikimi, sot janë vendosur 7 pika statike dhe shumë njësi të tjera lëvizëse të përbëra nga grupe vullnetarësh të cilët i intervistuan qytetarët përmes pyetësorit. Këto pika dhe njësi qenë të lokalizuara nëpër lagje të ndryshme të Prishtinës.

Duhet thënë se shumica dërrmuese e kryeqytetasve iu përgjigjen pozitivisht kësaj nisme, gjë që dëshmon akoma më shumë për efektshmërinë e kësaj forme të komunikimit. Përgjigjet e dhëna nga qytetarët e Prishtinës pasqyrojnë shqetësimet, nevojat, kërkesat dhe dëshirat e tyre, si rezultate të gjendjes aktuale, por edhe si pikësynime për një të ardhme më të ndritshme të Tyre dhe të kryeqytetit. Për të realizuar një gjë të tillë padyshim se ne duhet të bëhemi zëdhënës të të gjithë kryeqytetasve, ngase ata i konsiderojmë si pjesë të pandashme të hartimit dhe zbatimit të programit për qeverisjen e Prishtinës.

Programi ynë do të finalizohet duke e integruar zërin e qytetarëve, duke bashkëbiseduar dhe duke bashkëpunuar ngusht me Ta. Ky do të jetë themeli i ndërtimit të vizionit Tonë të përbashkët për zhvillimin e Prishtinës.

Ju informojmë edhe një herë se nisma “Bashkohu edhe Ti” do të vazhdojë edhe nesër e pasnesër.

Ju mirëpresim!

[Llapi]

Nënkryetari Limaj: ‘Bashkohu edhe Ti’ - një rast i shkëlqyeshëm që mundëson krijimin e një partnershipi efikas në mes të komunitetit dhe qeverisjes së ardhshme

18.10.2007
Në ditën e dytë të nismës “Bashkohu edhe Ti”, u shënua interesim i shtuar i kryeqytetasve për të shpalosur para vullnetarëve të kësaj nisme, shqetësimet, nevojat, kërkesat dhe dëshirat e tyre për Prishtinën.
Sot, vendlokacionet e vullnetarëve të nismës “Bashkohu edhe Ti” i ka vizituar kandidati i PDK-së për kryetar të Komunës së Prishtinës z.Fatmir Limaj.
Z.Limaj, gjatë kësaj vizite ka bashkëbiseduar me shumë qytetarë, të cilët e kanë mirëpritur këtë nismë dhe kanë shprehur gatishmëri të lartë për të qenë pjesë e programit të përbashkët për qeverisjen e Prishtinës.



Z.Fatmir Limaj, në vazhdim është deklaruar para gazetarëve:

“Ju e keni dëgjuar edhe në konferencën për shtyp se kjo është faza e dytë e kontaktit me qytetarët, të cilën e kemi filluar me ëebfaqen për të kërkuar nevojat dhe shqetësimet e qytetarëve me qëllim që edhe ata të bëhen pjesë e hartimit të programit tonë, me qëllim që ne t’u japim zë shqetësimeve dhe kërkesave të tyre.

Nga faza e parë, kemi kaluar në fazën e dytë, gjatë së cilës vullnetarët tanë, aktivistët dhe strukturat e partisë, janë duke i dëgjuar dhe evidencuar kërkesat e qytetarëve për t’iu ofruar mundësi që edhe ata të jenë pjesë e ndryshimeve pozitive në kryeqytet, si dhe pjesëtarë aktivë të projektit tonë për Prishtinën.

Është jashtëzakonisht mirë, ne jemi shumë të kënaqur, shihet qartë interesimi i madh i njerëzve për t’i paraqitur drejtpërdrejt ato që i kanë në mendjet e tyre, qoftë brengat qoftë dëshirat. Ky është një rast i shkëlqyeshëm për të dyja palët, i cili mundëson krijimin e një partnershipi efikas në mes të komunitetit dhe qeverisjes së ardhshme.

Duke lexuar me kujdes pyetësorët kam parë se këkesat e kryeqytetasve janë minimale, por të domosdoshme për një funksionim normal të jetës së tyre. Këto kërkesa janë reale dhe të realizueshme.”

[Llapi]

Kandidati për kryetar të Prishtinës, z.Limaj: Fitorja e PDK-së do të jetë fitore për vendin tonë, për qytetarët tanë

21.10.2007
Nënkryetari i Partisë Demokratike të Kosovës, njëherësh kandidat për kryetar të Komunës së Prishtinës z.Fatmir Limaj, ka marrë pjesë sot në një takim me banorët e fshatit Ajvali të Prishtinës. Me këtë rast z.Limaj, ka shpërndarë libreza për anëtarët e rinj që aderuan sot në radhët e PDK-së.
“Qëllimi ynë është që fitorja, e cila është në prag për Partinë Demokratike, që të marrim sa më shumë njerëz me vete, ne e dimë që do të fitojmë, por ne nuk duam fitore vetëm për veten tonë, por dëshirojmë fitore për vendin tonë, duam fitore për qytetarët tanë, duam që në këtë fitore të ketë sa më shumë njerëz të rinj e të vjetër, gra e burra, të cilët do t’i bashkohen këtij projekti dhe ta shohin PDK-në si të tyre, e cila do të jetë në shërbim të qytetarëve” – u shpreh z.Fatmir Limaj.
Në këtë takim z.Limaj ishte i shoqëruar nga kryetari i Degës së PDK-së në Prishtinë z.Ramadan Avdiu, nënkryetari i Degës z.Lirak Celaj, bartësi i listës së PDK-së për Asamblenë Komunale të Prishtinës z.Flamur Shala, dhe anëtarë të kryesisë së degës.



Duke folur para një numri të madh qytetarësh në fshatin Ajvali të Prishtinës, kandidati për kryetar të Komunës së Prishtinës z.Fatmir Limaj mes tjerash theksoi:

“Qëllimi kryesor i ardhjes sonë këtu është jo vetëm shpalosja e programit, qëllimi kryesor është t’i urojmë anëtarsimin në Partinë Demokratike anëtarëve të rinj me qëllim që ta forcojmë edhe më tepër Partinë Demokratike dhe pastaj së bashku me këtë projekt të përbashkët të vazhdojmë ta shpalosim programin tonë në cdo familje të Hajvalisë, në cdo ambient ku jetojnë dhe punojnë”.

“Qëllimi ynë është që fitorja, e cila është në prag për Partinë Demokratike, që të marrim sa më shumë njerëz me vete, ne e dimë që do të fitojmë, por ne nuk duam fitore vetëm për veten tonë, por dëshirojmë fitore për vendin tonë, duam fitore për qytetarët tanë, duam që në këtë fitore të ketë sa më shumë njerëz të rinj e të vjetër, gra e burra, të cilët do t’i bashkohen këtij projekti dhe ta shohin PDK-në si të tyre, e cila do të jetë në shërbim të qytetarëve.

“Gatishmërinë dhe vullnetin tuaj, përcaktimin tuaj për të qenë anëtar të rinj të PDK-së unë e vlerësoj si një shenjë ku të gjithë do të inkuadrohen në një projekt, i cili do ta ndryshojë jetën tonë të përditshme, projekt i cili do ta ndryshojë edhe Kosovën, një Kosovë, të cilën të gjithë e ëndrrojmë” – tha kandidati për kryetar të Komunës së Prishtinës z.Fatmir Limaj. “Ne duam një vend me të cilin duhet të krenohemi më të dhe jo rasisht ne e kemi ndërtuar moton KRENOHU ME KOSOVËN. Me Kosovën nuk mund të krenohemi me shumë gjëra, të cilat kanë ndodhur, por me Kosovën, si vend krenohemi të gjithë, sepse është atdheu ynë, është vendi i të parëve tanë, sepse kemi bërë shumë për këtë vend, edhe atëherë kur nuk e kemi pasur në duar jemi krenuar me vendin tonë, edhe atëherë kur na ka qeverisur dikush tjetër jemi krenuar me vendin tonë, edhe atëherë kur në çfarëdo varianti vendi ynë ka qenë në rrënim e sipër ne e kemi marrë shpirtin e këtij vendi dhe këtij populli dhe jemi ardhë ku jemi sot”
- është shprehur z.Fatmir Limaj.

“Slloganin e Partisë Demokratike ‘Krenohu me Kosovën’, e ka një qëllim krejt tjetër, si të krenohemi me këtë vend, a mund të themi për këto 5 vite ata që na kanë qeverisur na kanë bërë të krenohemi me vendin tonë, nuk besoj se e kanë bërë një gjë të tillë, ne duhet ta ndryshojmë. Mendoj se cdo qytetar i Kosovës të ndihet mirë në familjen e tij në rrethin, ku jeton dhe punon, mendoj se cdo qytetar i Kosovës duhet t’i ofrohet mundësia për një jetë më të mirë, mendoj se cdo qytetar i Kosovës ta sheh veten në Kosovë në vendin e tij, ta ketë mundësinë për ta ndërtuar jetën e tij” – potencoi z.Fatmir Limaj.

“Ne duam që rinia e Kosovës t’i ndërtojë ëndërrat, të cilat i ka për jetën e tij dhe t’i realizojë ato në vendin e tij dhe të krenohet me vendin e tij. Andaj, angazhimi juaj nuk është angazhim në një parti politike, por sot po e zyrtarizoni anëtarsimin tuaj në një projekt të madh, projekt i cili do të synojë pikënisjen e ndryshimeve të mëdha, projekt i cili do të synojë ndërtimin e një shteti, projekt i cili do të në krijojë mundësi nesër në një qeverisje të mirfilltë, të përgjithshme, profesionale, projekt i cili me kohë do të ketë njerëzi, të cilët vendin e tyre, qytetarët e tyre do t’i shohin si njerëz të cilët duhet shfrytëzuar , do ti shohin si pronë dhe si njerëz në të cilët duhet investuar” – përfundoi fjalën e tij kandidati për kryetar të Komunës së Prishtinës nga radhët e PDK-së z.Fatmir Limaj.

[Llapi]

Kandidati i PDK-së për kryetar të Komunës së Prishtinës z.Fatmir Limaj është takuar me invalidët dhe veteranët e UÇK-së

25.10.2007
Kandidati i PDK-së për kryetar të Komunës së Prishtinës z.Fatmir Limaj, është takuar dje me invalidët dhe veteranët e luftës së UÇK-së.
Në takimin e përzemërt me bashkëluftëtarë, ku ka marrë pjesë edhe shefi i Grupit të Këshilltarëve të PDK-së në Kuvendin Komunal të Prishtinës z.Shemsi Veseli, është biseduar për rrjedhat aktuale politike në vend, me theks të veçantë për projektin e z.Limaj për qeverisjen e Prishtinës.
Me këtë rast, kandidati për kryetar të Prishtinës z.Fatmir Limaj, ka shpalosur vizionin e tij për Prishtinën, një vizion ky që garanton avancimin e vlerave më sublime të popullit të Kosovës, cilat siç tha z.Limaj, i kemi ndërtuar me shumë mund dhe sakrificë.



Tubimin e ka hapur shefi i Grupit të Këshilltarëve të PDK-së në Kuvendin Komunal të Prishtinës z.Shemsi Veseli, i cili ka përshëndetur invalidët dhe veteranët e luftës së UÇK-së nga rajoni i kryeqytetit të Kosovës, duke ia dhënë fjalën më pastaj z.Fatmir Limaj, kandidat i PDK-së për kryetar të Komunës së Prishtinës.

Z.Fatmir Limaj fillimisht ka thënë se i njeh pakënaqësitë e bashkëluftëtarëve të tij, i njeh problemet me të cilat ata ballafaqohen çdo ditë dhe ka theksuar se janë një mijë arsye për të qenë të pakënaqur me shumë zhvillime që kanë ndodhur në Kosovë, por z.Limaj ka potencuar se si rezultat i pakënaqësisë sonë, tani është koha t’i ndryshojmë gjërat, këto ndryshime do t’i sillnin dobi secilit qytetar dhe parasëgjithash do të ishin në interesin e vendit tonë.

Fillimisht, nënkryetari i PDK-së ka folur për idealet e luftës çlirimtare, të bashkëluftëtarëve të tij.
“Ne kemi qenë të bindur që kur të largojmë Serbinë nga Kosova, vendi ynë do të rregullohet, kemi qenë të bindur se duke larguar pushtimin shekullor, ata të cilët na kanë bërë padrejtësi, ne do të fillojmë ta respektojmë, ta nderojmë njëri tjetrin, kemi qenë të bindur që angazhimi, kontributi i atyre që do të mbijetojnë në luftën çlirimtare do të respektohet, nderohet, vlerësohet, kemi qenë të bindur se problemi kryesorë është Serbia, se po që se e largojmë Serbinë, Kosovën do ta ndërtojmë, zhvillojmë edhe do ta fuqizojmë sikur as një vend tjetër që mundë të ekzistojë në Evropë. Kemi qenë të bindur që do të rrimë afër njëri-tjetrit, do ta kemi mbështetjen tek njëri tjetri, nuk do të kemi probleme, disa probleme që na janë paraqitur pas luftës kanë qenë aq absurde, sa që nuk kanë mundur as të imagjinohen, se nesër mund të ballafaqohemi me to”.

“Në këtë qytet ku jetojmë ne sot është turp të shihet se ku janë të varrosur shokët tanë, është turp me vendin në të cilin janë të varrosur ata njerëz, këta njerëz që kanë dhënë çdo gjë për lirinë e Kosovës. A thua nuk ka pasur mjete për t’i rregulluar varrezat e dëshmorëve, athua s’ka pasur mundësi Prishtina që të ketë mbi supet e veta dhe t’i merr në mbikqyrje, ata burra, të cilët gjymtyrët e tyre ia kanë lënë këtij vendi, Shoqatën e Invalidëve, atë të Veteranëve të Luftës, të Familjeve të Dëshmorëve, ta ketë në përkujdesje, të ketë në prioritet ata burra, të cilët në rrethanat e caktuara, kur i ka thirrur historia në mbrojtjen e vendit, i kanë lënë të gjitha dhe ju kanë bashkuar luftës” – është shprehur z.Limaj.

“A mundet qyteti i Prishtinës, t’u japë sot një prioritet që në projektet e caktuara të ndryshme për të siguruar me dinjitet kafshatën e tyre. Të flasim çfarë ka ndodhur në këtë vend, të harrojmë anën materiale, sepse kjo është çështje e fundit, fatkeqësisht këtu ka ndodhur diçka që nuk ka qenë dashur të ndodhë, po lëndohet dinjiteti, krenaria e atyre që dinjitetin dhe krenarinë e kanë mbi gjitha. Kjo është e pa lejueshme, dinjiteti dhe krenaria është ajo që ka mbajtur këtë kategori të njerëzve deri sot ku jemi këtu dhe që e vlerësojnë që është gjëja më e vlershme e tyre” – ka theksuar z.Fatmir Limaj.

Ndërsa, në vazhdim, z.Limaj ka thënë:
“Ne nuk themi se ne duhet të jemi një kategori e veçantë, e privilegjuar e shoqërisë kosovare, jo, kjo s’është kërkesa as e juaja, por ne kemi nevojë për një trajtim të barabartë njerëzorë, të dinjitetshëm në shoqërinë kosovare, dhe në shoqërinë të këtij qyteti. Në qoftëse themi duhet të ketë një prioritet të veçantë, e themi për shumë arsye të tjera, prioritet për punë, për një jetë ndryshe, prioritet për mundësi për t’u shkolluar, por edhe për t’u punësuar”.

Z.Fatmir Limaj, ka shpalosur vizionin e tij për mbështetjen institucionale për invalidët, veteranët dhe familjet e dëshmorëve.

“Unë ju siguroj dhe ju garantoj që pranvera e ardhshme nuk do t’i gjejë shokët tanë, ashtu siç janë sot, këtë unë po ju garantoj, që nga dita e parë, për gjashtë mujorin e parë të pranverës ne do t’i përfundojmë varrezat e dëshmorëve me dinjitet, duke ju dhënë vendin ashtu siç e meritojnë. Ju garantoj një trajtim të veçantë në mbështetje të fuqishme të qytetit për invalidët dhe veteranët e luftës, jo për t’i kthyer në raste sociale, por për t’i krijuar që ata vetë me dinjitet t’i mbajnë familjet e tyre, ata të cilët kanë mundur të bëjnë shumë gjëra të tjera, gjëja më e lehtë që mund ta bëjmë është për t’iu ndihmuar, për t’i mbajtur familje e tyre. Për t’iu treguar njerëzve se nuk janë veteranët ata të cilët kërkojnë t’ua shtrijnë dorën, kush ka dashur t’i bëjë të tillë ne duhet t’i tregojmë se nuk jemi ne të tillë, por duhet ta kenë vendin e tyre në shoqërinë kosovare dhe duhet të kenë hapësirë dhe mundësi për të krijuar, për të punuar edhe për familje e tyre, ata janë të gatshëm për të punuar edhe më tutje për vendin e tyre, për Kosovën”.

“Ne në Prishtinë do të fillojmë kështu të krijojmë hapësira të mjaftueshme invalidëve, shoqatës së invalidëve dhe shoqatës së veteranëve, që ata me projekte të caktuara në koordinim të përbashkët të kenë projekte, të cilat to të siguronin një jetë të dinjitetshme dhe një punë të dinjtetshme, për të mbajtur familje dhe për të ruajtur dinjitetin e tyre të fituar në luftën çlirimtare. Unë këtë ju garantoj në qoftëse nesër do të vi në krye të Prishtinës këtë do ta bëjë bashkë me ju” – ka përfunduar z.Limaj.

[Llapi]

Bashkohu edhe Ti, Ju Garantoj...


Fjala e plotë e kandidatit të PDK-së për kryetar të Komunës së Prishtinës z.Fatmir Limaj, në tubimin e sotëm promovues në Prishtinë

Të nderuar zonja dhe zotërinj,
I nderuar kryeministër i ardhshëm i Kosovës, z.Hashim Thaçi,
Të nderuar kolegë të kryesisë së partisë,
Të nderuar anëtarë, simpatizantë dhe aktivistë të PDK-së,
Të nderuar aleatë të koalicionit të PDK-së,
Të nderuar të pranishëm,

Ju përgëzoj të gjithëve për energjinë e jashtëzakonshme, për gatishmërine tuaj në beteje për të ardhmen, drejt fitoreve që bashkë i meritojmë.

Ne u ngritëm mbi të shkuarën tone të vetëdijshëm se nuk ka një politikë të re nëse nuk ka lidhje mes fjalës dhe veprës

Nuk ka një politikë të re nëse nuk ka vullnet.

Nuk ka politikë të re nëse nuk ka lidership që ta mishërojë ndryshimin me shembullin e tij, me fjalën dhe punën e tij

Ne po japim të gjithë diçka nga vetja, sipas radhës së përgjegjësisë. të vetëdijshëm se bashkimi për fitore hap një rrugë të re për Prishtinën

Ne e duam bashkimin në emër të së ardhmës.
Ne do të angazhohemi të punojmë së bashku për të ardhmën e fëmijëve tanë.

Sot po rilind një shpresë e re qytetare për një qeverisje më të mirë.
Kjo shpresë po konsolidohet tek ne - brenda vizionit tonë.

Sepse rruga e re është rruga e ndryshimit, është rruga jonë e sigurt.
Qytetarët shpresojnë tek ne, detyra jonë është që shpresën e tyre ta kthejmë në besim. Besimi i tyre na obligon NE.

Prishtina meriton më shumë, e meriton një qeverisje të drejtë për të gjithë
Prishtina kërkon ndryshim
Prishtina kërkon fitore
Është Koha për ne.

Dua t’u siguroj se ne nuk do ta harrojmë përcaktimin e qytetarëve për t’u bashkuar me ne,
Bashkim që garanton të ardhme.

Qytetarët kanë qene të harruar nga të zgjedhurit e vet
Unë e di se asnjë qytetar në Prishtinë nuk ka më kohë për të pritur
Dua t’u siguroj se UNË nuk do të harroj për asnjë sekondë se mandati i im është i qytetarëve.

Respekt, dhe vetëm respekt për ata që na bashkohen për punë, dhe vetëm për punë!
Suksesi ynë është një fitore brenda fitores, PËR PRISHTINËN
Me Ju së bashku do të punojmë me programim tonë që bashkë e kemi bërë, për një sërë reformash, për të nxjerrë suksesshëm Prishtinën nga kriza,
Për një Prishtinë të zhvilluar e të strukturuar

Koha jonë po vjen
Unë jam njëri nga ju
Unë do t’i shërbëj qytetarëve,
Unë nuk ndikohem nga askush.
Unë i bindem Ligjit dhe vetëm Ligjit.

Me ne, në këtë vend askush nuk do të ndjehet i papërfillur. Askujt nuk do t’i mungojë dora jonë e shtrirë e bashkëpunimit për të ardhmën tonë.
Prishtina dhe qytetarët e saj kanë kthyer sytë nga ne dhe janë të gatshëm të na japin besimin
Do ta mbajmë këtë peshë të madhe si shërbëtorë të denjë të këtij vendi e të këtyre njerëzve

Të nderuar qytetarë,
Të nderuar anëtar, aktivist, simpatizant, mbështetës të projektit tonë.

Thuajuni të gjithë qytetarëve se ne do t’i dëgjojmë e do të mësojmë vazhdimisht prej tyre.

Se ne do të jemi gjithnjë në krahun e tyre, e në shërbim të tyre.
Se ne do të punojmë parreshtur për të merituar besimin e tyre.
Fitoren tonë do ta ndajmë me të gjithë, sepse është fitorja e të gjithëve.

Vizioni Ynë ka emër - Ndershmëri dhe përgjegjësi në kryerjen e detyrës ndaj qytetarit

Ju garantojmë një qeverisje profesionale dhe efektive e cila mund t’i zgjidh problemet me të cilat ballafaqohet Prishtina

Brenda mandadit tonë 2 vjecar, JU GARANTOJ SE:

Do hapen Zyra të Shërbimeve Komunale në lagje të Prishtinës dhe fshatra
Do të hapet zyra për shërbime për bashkatdhetarët tanë
Brenda 100 ditëve, Prishtina do jetë e pastruar nga mbeturinat dhe do vazhdoj të mbahet e pastër.
Do krijohen kushte infrastrukturale për zona të reja urbane të banimit.
Çdo rrugë e Prishtinës do jetë e asfaltuar
Çdo rrugë e Prishtinës do jetë e ndriçuar
Do ndërtohen shkolla të reja fillore dhe mesme
Do të stimulohen dhe shpërblhehen talentet e rinjë në të gjitha nivelet e shkollimit.
Do të stimulohen dhe shpërblehen shkollat dhe mësimëdhënësit për punën e mirë në edukimin e gjeneratave të reja.
Do ndërtohen Qendra reja të Mjekësisë Familjare
Qytetin do ta bëjmë me qendër të cilën sot nuk e ka
Do të FILLOJ ndërtimi i unazës së mesme të qytetit
Çdo lagje dhe fshat i Prishtinës do ketë terrene sportive

Do të stimulohen dhe shpërblehen talentët në fushën e sportit Prishtinën do ta bëjmë një qendër te kulturës, do ti stimulojmë talentët e kulturës.

Brenda 2 viteve, çdo lagje e Prishtinës do jetë e mbuluar me rrjet të transportit urban

Brenda këtyre dy viteve, ju premtoj se do ANGAZHOHEM për:

Ndërtimin e Spitalit të Prishtinës
Do angazhohem për gjetjen e zgjidhjeve rajonale për problemin e ujit
Do angazhohem për siguri për qytetarët e Prishtinës
Do angazhohem për hapjen e vendeve të lira pune përmes përkrahjes së biznesit dhe investimeve
Do angazhohem për krijimin e lidhjeve dhe bashkëpunimin me qendrat tjera botërore.

Zonja dhe Zotërinj,

Mos të harrojmë që Prishtina duhet të jetë qytet më dinamik dhe më me perspektive.
Prishtina kërkon një udhëheqje dinamike me plot energji
E cila do te na bëj të KRENOHEMI ME kryeqytetin e shtetit tonë.
Përparësitë e Prishtinës duhen shfrytëzuar për të mirën dhe zhvillimin e mëtutjeshëm, per jete me te mire
Prishtina mund të zhvillohet vetëm nëse menaxhohet nga udhëheqja e cila: për bazë ka sundimin e ligjit, përgjegjësinë, transparencën, efikasitetin, respektimin e parasë publike dhe respektimin e qytetarit.

NE NUK JAPIM MUNDËSI PA KËRKUAR PËRGJEGJËSI,

JU GARANTOJ

Kjo është Prishtina në të cilën unë besoj.
Kjo është Prishtina në të cilën unë dhe Ju duam te jetojmë.
Asgjë nuk është e pamundur.
Gjithçka është e mundur kur e do me gjithë zemër e mendje
Dhe sot këtu, në Prishtinën e ndryshimit
QË PARATHOTË FITOREN TONË,

Ju ftoj, Qytetarë të nderuar,

që mos të lejojmë askënd të na e vjedh te ardhmen tonë.

Dhe ne Fund duke ju falënderuar të gjithëve për prezencë dhe mbështetje

Më lejoni që ta përfundoj me një fjalë:

Ju Garantoj,
Do ta ndryshojmë Prishtinën.
Sa më shumë të jemi aq më lehtë e kemi
BASHKOHU EDHE TI

[i_paEpuri]

Bashkohu edhe Ti, Ju Garantoj...

...Valla boll nje njeri Veper mire e i devotshem eshte, eshte Vlera qe shendrrite si diamante ne Kosoven e politikajev te korruptuar dhe rrenacak,
Ky eshte Poli i drejtesi te Vertetes dhe Vleres jam Krenar qe populli ime ka njerze te Klasit te tij...


tungiii

[mesia4ever]

Eshte njeri i mrekullueshem. E ka voten time.

[Brari]

dikush ketu tha se lima paska 1, 5 milion euro te vetat..
a ban me dit se a i ka deklarue lima vet keto apo ndonji institucion i kosoves?

nese lima vertet ika 1,5 milion euro athere ai eshte nje super hajn..

kurse ne llapushnik ata katundaret qe ky i ka torturue e tregojne nje xhahil te eger.
kurse mbas perzanjes se ushtris serbe prej natos..lima ka hy ne prishtin e ka plackit si cub i vertete pasunine e te tjereve..

prishtina e 2007 ska se si te pajtohet qe ne krye te bashkise me pas kte lloj hajnoxhahili injorant e te paafte.

[Llapi]

dikush ketu tha se lima paska 1, 5 milion euro te vetat..
a ban me dit se a i ka deklarue lima vet keto apo ndonji institucion i kosoves?

nese lima vertet ika 1,5 milion euro athere ai eshte nje super hajn..

kurse ne llapushnik ata katundaret qe ky i ka torturue e tregojne nje xhahil te eger.
kurse mbas perzanjes se ushtris serbe prej natos..lima ka hy ne prishtin e ka plackit si cub i vertete pasunine e te tjereve..

prishtina e 2007 ska se si te pajtohet qe ne krye te bashkise me pas kte lloj hajnoxhahili injorant e te paafte.

brari ket me se miri do ta tregoi vota e sovranit pra mos besofsh qe do te fitoi prit burr 17 nentori se afer eshte
mirpo qdo anket sondazhe ne qdo forum e medija e te pamvarura tregoin se Fatmir Lima e PDK do te jen fitues te ketyre zgjedhjeve

[Llapi]

Nënkryetari Limaj: Kërkesat e banorëve të Matit janë reale, minimale dhe të domosdoshme për jetën e përditshme

01.11.2007
Kandidati i PDK-së për Kryetar të Komunës së Prishtinës z.Fatmir Limaj, ka vazhduar sot komunikimin e drejtpërdrejtë më qytetarë, duke vizituar banorët e lagjes së Matit në Prishtinë.
Z.Limaj gjatë ecjes së tij nëpër rrugët e lagjes, është takuar dhe ka bashkëbiseduar me shumë qytetarë, të cilët shprehnin hapur brengat, preokupimet, por edhe mbështetjen e tyre për vizionin e z.Limaj për Prishtinën.
“Kërkesat e banorëve janë reale, minimale dhe të domosdoshme për jetën e përditshme të njeriut. Nuk po shoh probleme të pazgjidhshme këtu, sikurse as në lagjet tjera, të gjitha këto nëse do të qeverisim ne më Prishtinës do të zgjidhen” - tha z.Fatmir Limaj




“Gjëja e parë që duhet të përfundojë në këtë lagjeje është përfundimi i punimeve në shkollën “Mat” dhe t’i japim fund kësaj çështje dhe sigurojmë banorët e kësaj lagjeje se fëmijët e kësaj lagjeje në muajin shtator do të jenë qind për qind në shkollën e re” – u shpreh z.Limaj.

“Gjithashtu do të intervenojë edhe në rregullimin e rrugës, ujit dhe kanalizimit. Edhe ajo që e themi ne që është konkrete dhe krejt e parëndësishme dhe që nuk kushton shumë, është ndriçimi. Jemi në një lagje të Prishtinës, ku nuk ka ndriçim, i shihni këta fëmijë, pleq që duhet të ecin në një vend krejt pa dritë” – theksoi kandidati demokrat për kryetar të Prishtinën.

“Kërkesat e banorëve janë reale, minimale dhe të domosdoshme për jetën e përditshme të njeriut. Nuk po shoh probleme të pazgjidhshme këtu, sikurse as në lagjet tjera, të gjitha këto nëse do të qeverisim ne më Prishtinës do të zgjidhen” – tha Fatmir Limaj.

“Këtu janë edhe kandidatët për Kuvendin e Komunës së Prishtinës, të cilët do të jenë zëri i kësaj lagjeje për nevojat dhe shqetësime që ka kjo lagjeje. Menjëherë do të fillojë punimet e unazës së qytetit se dytë të qytetit, ngase do të lirohej komunikacioni brenda qytetit. Ne garantojmë që punimet për këtë unazë do të fillojnë menjëherë me të marr pushtetin, por se a mund të kryhen këto punime brenda mandatit dy vjeçar nuk mund të garantojmë. Çdo punë e mirë e nisur do ta vazhdojmë ta kryjmë, ndërkaq ato punë që skan filluar ne do të fillojmë t’i implmenotojmë” – potencoi z.Limaj.

Z.Limaj më pas ka vazhduar rrugëtimin e tij në këtë lagje ku është mirëpritur me duar trokitje nga banorët dhe nxënësit e kësaj lagjeje. Banorët e kanë njoftuar Limajn se shumë pjesë të infrastrukturës në këtë lagje e kanë bërë me vetë financim.

Z.Ismail Hajdini, qytetar i kësaj lagjeje, theksoi: Mirë i njoh rrethanat e këtij fshati nuk jemi të kënaqur nuk është punuar me kualitet edhe ajo që është punuar. Kjo udhëheqje komunale nuk e ka jap provimin, ngase ka bërë shkatërrimin e qytetit dhe kanë shkatërruar çdo gjë. Unë shpresoi shumë dhe kam vëmendje të plotë se Fatmir Limaj, do t’ia dal në punë, organizim dhe për interes jo vetëm të Matit, por të gjithë Kosovës