Pse po mplaket njerëzimi?

[Davius]

Ekspertët mendojnë se një nga sfidat e shekullit të 21-të do të jetë mplakja e popullsisë.

Sipas tyre një përqindje në rritje e popullsisë së botës po mplaket dhe kjo nuk është e vërtetë vetëm për vendet më të pasura të planetit, por dhe për shumë vende në zhvillim.

Faktorët janë dy: jetëgjatësia më e madhe që po gëzon njerëzimi aktualisht dhe rënia e numrit të lindjeve. Ka studiues që thonë se mplakja e popullsisë, është fenomen pozitiv, pasi po të mos kishte ndodhur, arsyet për t'u shqetësuar për rritjen e popullsisë në rajone të caktuara do të ishin më të shumta.

Por ky fenomen, që në ditët tona përbën shqetësim për shërbimin shëndetësor dhe sistemin e pensioneve në vendet e pasura.Për botën në zhvillim, duket se pasojat e mplakjes do të jenë më të rënda. Këto vende, përballen me një rritje të përqindjes së moshave të mëdha në komunitetet e tyre, cila do të jetë e vështirë të përballohet nga ekonomitë e tyre.

Ekspertët thonë se edhe popullata shqiptare, e njohur për numrin e madh të lindjeve, po mplaket, por me ritme shumë të ngadalta dhe të paktën në 30 vitet e ardhshme, do të jetë ende e re.Një nga sfidat për autoritetet në Shqipëri, sipas ekspertëve, është të vendosin se në cilin aspekt të shërbimit shëndetësor do të vendosin të shpenzojnë për mjekimin e sëmundjeve që shfaqen në moshën e vjetër.

Cili është mendimi juaj?

Pse po mplaket popullsia e botës?

Cilët janë faktorët që mund të çojnë në mplakjen e popullsisë së re aktualisht në rajonin tonë?

Cilat janë faktorët që ndikojnë në këtë fenomen sipas jush?

A është ky fenomen pozitiv (jeta më e gjatë) apo negativ?

Si do ta shohin shoqëritë tona një brez të moshuarish gjithmonë në rritje?

A duhet të mendojë shteti dhe vetë individi për moshën e vonë dhe si?

BBC.co.uk/albanian