Fushata e zgjedhjeve lokale ne Kosove

[Ari-Intimidator]

LDK në Pejë: Angazhohemi për aktivizimin e potencialeve ekonomike të komunës


PEJE, 19 tetor - Lidhja Demokratike e Kosovës tha sot se do të angazhohet për aktivizimin e potencialeve ekonomike të komunës së Pejës. Kjo parti sipas drejtuesve të saj do të angazhohet që përmes privatizimit të krijojë vende të reja të punës sidomos për të rinjtëe kësaj komune. Ndër synimet parësore të LDK-së për komunën e Pejës është forcimi i ekonomisë lokale. Kreu i kësaj partie, Ibrahim Rugova në tubimin e sotëm në Pejë tha se Lidhja Demokratike do ta përkrahë veçanërisht zhvillimin e sektorit privat në këtë komunë. Ndërsa bartësi i listës së Lidhjes Demokratike për Komunën e Pejës, Ali Lajçi ndonëse nuk shpalosi programin lokal të kësaj partie, tubimin e sotëm e cilësoi festë të qytetarëve të kësaj komune. Me këtë rast u prezantuan 45 kandidatët e kësaj partie për këshilltarë në Kuvendin Komunal të Pejës.

PDK në Ferizaj: Jemi për një qeveri profesionale dhe të gatshme për bashkëqeverisje


FERIZAJ, 19 tetor - Partia Demokratike e Kosovës përmbylli sot fushatën elektorale në Ferizaj. Elektoratit ferizajas Partia Demokartike i premtoi se nëse fiton do të formojë një qeveri profesionale e gatshme për bashkëqeverisje dhe që di të menaxhojë me kompetencat komunale. “Gjatë mandatit të ardhshëm katërvjeçar, nuk do të ekzistojë më komunë njëpartiake dhe do t'i thuhet stop familjarizmit dhe korrupsionit në kuvendet komunale”, i premtuan elektoratit feriazajas, drejtuesit e Partisë Demokartike. Kryetari i Partisë Demokratike të Kosovës hashim Thaçi, ka thënë sot në Ferizaj se fitorja e Partisë Demokratike do të jetë fitore e të gjitha partive të tjera politike dhe e të gjithë qytetarëve ferizajas. Ndërsa nënkryetari i PDK-së Arsim Bajrami premtoi një qeveri profesionistësh që di të menaxhojë në bazë të kompetencave që ka. Partia Demokrtaike e Kosovës përmbylli fushatën e saj zgjedhore në Ferizaj duke prezantuar të 41 kandidatët e saj për këshilltarë të kuvendit komunal.

PSDK në Prishtinë: Synojmë një kryeqyteti të avancuar dhe të ngritur ekonomikisht


PRISHTINE, 19 tetor - Partia Socialdemkratike e Kosovës synon që kryeqyteti i Kosovës të jetë një qytet i avancuar dhe i ngritur ekonomikisht. Kështu theksoi bartësi i listës zgjedhore për këtë parti Asllan Pushka në tubimin zgjedhor që u mbajt në Prishtinë. “Menaxhimi i mirë i fondeve, transparenca, zbutja e problemeve sociale dhe varfërisë përmes punësimit produktiv dhe luftimit pakompromis të korrupsionit, janë çështje parësore të Partisë Socialdemokratike të Kosovës për mandatin katër vjeçar”, theksoi Pushka. Sipas tij, kryeqyteti merion një angazhim më të madh për zhvillimin e përgjithshëm të tij. Ndërkaq drejtuesja e Partisë Socilademmokrtatike të Kosovës, Kaqusha Jashari, tha se me fitoren e socialdemokratëve në zgjedhjet e tetorit do të fitojnë qytetarët e Kosovës. Sipas Jasharit, çdo gjë mund të arrihet me punë konkrete dhe jo me premtime të kota. Në këtë tubim zgjedhor u bë edhe prezantimi i kandidatëve për këshilltarë në Asamblenë Komunale të Prishtinës.

[erzeni]

Nga shtypi
--------------------

Sipas Shtabit Qendror Zgjedhor, LDK-ja ka fituar në 12 komuna


--------------------------------------------------------------------------------

Prishtinë, 26 tetor 2002 - Sipas Shtabit Qendror Zgjedhor të LDK-së, në bazë të rezultateve preliminare që kanë arritur deri në orën 24.00, LDK-ja ka fituar në këto komuna:

- Prishtinë 57%,
- Obiliq 62%,
- Fushë Kosovë 51%,
- Istog 62%,
- Vushtrri 59%,
- Podujevë 60%,
- Viti 56%,
- Kamenicë 53%,
- Ferizaj 58%,
- Suharekë 60%,
- Rahoveci 50,2%,
- Mitrovicë 54%.

Ndërkaq në disa komuna të tjera LDK-ja ka këto rezultate:

- Novobërdë 25%,
- Kaçanik 45%,
- Malishevë 42%,
- Pejë 48%,
- Shtime 42,
- Lipjan 45,
- Skënderaj 11%, dhe
- Deçan 48%.


------------------

[Arjeta]

Ja uroj Kosoves zgjedjet e reja dhe te lira shpresoj se se shpejti do te jemi te lire dhe te pamvarun......


Ju Pershendes Kosovarja Arjeta

[erzeni]

REZULTATET E ZGJEDHJEVE KOMUNALE NË KOSOVË 2002


----------------------------------------------------------

Prishtinë, 29 tetor 2002

- Sipas rezultateve jo të plota (sepse deri më tash janë numruar vetëm 87 për qind të votave), që i shpallën mbrëmë përfaqësuesit e OSBE-së, Lidhja Demokratike e Kosovës e ka fituar në 19 komuna të Kosovës, ndërkaq e dyta radhitet Partia Demokratike e Kosovës me 7 komuna.

Tash për tash megjithëse më herët ishte thënë se Aleanca për Ardhmërinë e Kosovës ka fituar në Komunën e Deçanit, del se ajo ka 46.48 për qind të numrit të përgjithshëm të votave që është diç më pak se Lidhja Demokratike e Kosovës që ka fituar 48.07 për qind të votave.

Rezultatet zyrtare (pjesërishme) të OSBE-së

Komunat – (renditja alfabetike)
LDK
PDK
AAK

Artanë (Novobërdë)
25.31 %
34.74 %
0.94 %

Dardanë
46.43 %
28.50 %
11.61 %

Deçan
48.57 %,
3.13 %
46.49 %

Drenas
10.87 %
82.40 %
1.73 %

Ferizaj
60.60 %
29.74 %
3.91 %

Fushë-Kosovë
53.47 %
24.65 %
5.06 %

Gjakovë
41.11 %
7.33 %
23.66 %

Gjilan
52.57 %
29.55 %
5.33 %

Istog (Burim)
62.01 %
19.13 %
8.99 %

Kaçanik
43.38 %
49.46 %
4.87 %

Klinë
41.13 %
34.03 %
11.65 %

Leposaviq (Albanik)
0.00 %
0.00 %
0.00 %

Lypjan
42.74 %
45.13 %
3.39 %

Malishevë
43.76 %
50.73 %
2.57 %

Mitrovicë
54.15 %
34.45 %
5.59 %

Obiliq (Kastriot)
55.25 %
29.67 %
0.00 %

Pejë
47.37 %
9.52 %
32.07 %

Podujevë (Besianë)
59.40 %
27.65 %
5.35 %

Prishtinë
55.99 %
25.80 %
7.04 %

Prizreni
38.37 %
29.25 %
4.96 %

Rahovec
49.15 %
32.44 %
8.97 %

Sharr (Dragash)
36.95 %
28.78 %
2.53 %

Shtërpcë
11.44 %
14.85 %
0.00 %

Shtime
43.80 %
52.28 %
2.09 %

Skënderaj
12.03 %
82.29 %
0.94 %

Therandë (Suharekë)
61.03 %
24.64 %
3.85 %

Viti
53.29 %
29.18 %
6.63 %

Vushtri
57.99 %
31.49 %
5.20 %

Zubin Potok
6.01 %
4.36 %
1.93 %

Zveçan
0.00 %
0.00 %
0.00 %


Rezultatet përfundimtare do të shpallen më 1 nëntor, thotë OSBE-ja.

[malsorja]

Ja edhe krahasimi i perqindjes nga rezultati i zgjedhjeve lokale 2000/2002, ne mes tri partive me te medha te Kosoves:

1. Deçan: AAK 46%; LDK 48%, PDK 3% (2000: AAK 33%; LDK 60%; PDK 5%)

2. Gjakovë: AAK 23%, PDK 7%; LDK 41% (2000: AAK 17%; PDK 7%; LDK 60%)

3. Drenas: PDK 82%; LDK 11%; AAK 1% (2000: PDK 85%; LDK 13%; AAK 1%)

4. Gjilan: PDK 29%; LDK 52%; AAK 6% (2000: PDK 27%; LDK 63%; AAK 6%)

5. Sharr: PDK 28%; LDK 36%; AAK 2% (2000: PDK 29%; LDK 43%; AAK 2%)

6. Burim: LDK 62%; PDK 19%; AAK 9% (2000: LDK 71%; PDK 16%; AAK 9%)

7. Kaçanik: PDK 49%; AAK 4%; LDK 43% (2000: PDK 52%; AAK 5%; LDK 40%)

8. Klinë: PDK 34%; AAK 11%; LDK 41% (2000: PDK 32%; AAK 7%: LDK 52%)

9. F.Kosovë: PDK 24%; AAK 5%; LDK 53% (2000: PDK 19%; AAK 12%; LDK 60%)

10. Dardanë: PDK 28%; AAK 11%; LDK 46% (2000: PDK 28%; AAK 8%; LDK 60%)

11. Mitrovicë: PDK 34%; AAK 5%; LDK 54% (2000: PDK 24%; AAK 3%; LDK 67%)

12. Artanë: PDK 34%; LDK 25%; AAK 0% (2000: PDK 50%; LDK 42%; AAK 8%)

13. Lypjan: PDK 45%; AAK 3%; LDK 42% (2000: PDK 39%; AAK 5%; LDK 51%)

14. Kastriot: PDK 29%; LDK 55%; AAK 0% (2000: PDK 22%; LDK 58%; AAK 16%)

15. Rahovec: PDK 32%; AAK 8%; LDK 49% (2000: PDK 20%; AAK 15%; LDK 61%)

16. Pejë: PDK 9%; AAK 32%; LDK 47% (2000: PDK 10%; AAK 18%; LDK 65%)

17. Besianë: PDK 28%; AAK 5%; LDK 59% (2000: PDK 23%; AAK 8%; LDK 65%)

18. Prishtinë: PDK 26%; AAK 7%; LDK 56% (2000: PDK 21%; AAK 8%; LDK 66%)

19. Prizren: PDK 29%; AAK 5%; LDK 39% (2000: PDK 24%; AAK 4%; LDK 57%)

20. Skënderaj: PDK 82%; AAK 1%; LDK 12% (2000: PDK 84%; AAK 1%; LDK 13%)

21. Shtimje: PDK 52%; AAK 2%; LDK 43% (2000: PDK 49%; AAK 3%; LDK 44%)

22. Shtërpcë: PDK 15%; AAK 0%; LDK 11% (2000: PDK 54%; AAK 3%; LDK 44%)



23. Therandë: PDK 25%; AAK 4%; LDK 61% (2000: PDK 15%; AAK 5%; LDK 73%)



24. Ferizaj: PDK 30%; AAK 4%; LDK 61% (2000: PDK 27%; AAK 2%; LDK 68%)



25. Viti: PDK 29%; AAK 7%; LDK 53% (2000: PDK 26%; AAK 5%; LDK 60%)

26. Vushtrri: PDK 31%; AAK 5%; LDK 58% (2000: PDK 27%; AAK 5%; LDK 64%)

27. Malishevë: PDK 51%; AAK 3%; LDK 43% (2000: PDK 41%; AAK 2%; LDK 50%)

28. Z. Potok: PDK 4%; AAK 2%; LDK 6% (2000: S’kanë konkuruar partitë shqiptare)

29. Zveçan: S’kanë konkuruar partitë shqiptare (2000: S’kanë konkuruar partitë shqiptare)

30. Leposaviq: S’kanë konkuruar partitë shqiptare (2000: S’kanë konkuruar partitë shqiptare

[Tal Aga]

Është mirë që, kur të kopjosh shkrime apo të dhëna nga ndonjë medium tjetër elektronik, të përmendësh edhe burimin, pra nga i morre; kjo është mirësjellje dhe qartësi dhe besim i ndërsjellë.

Këto që i ke sjellur ti këtu, unë i lexova dje në Kosovapress, nuk është fare turp t'ia përmendësh emrin burimit të informatës!
Shpresoj se më ke mirëkuptuar.

Tung.

[Albo]

QIK ka raportuar perqindjet e votave qe jane numeruar deri me sot dhe ato i gjeni edhe ketu

LDK deri tani ka fituar 19 nga 30 komuna dhe kjo perben 63% te komunave. Ngelen per tu numeruar votat edhe ne disa komuna te tjera ne menyre qe procesi te quhet i perfunduar.

[Arjeta]

I therras te gjithe dashamiret e LDK-se qe te shkruajn ne kete tem dhe tua urojm Kosvareve zgjedhjet se bashku me LDK.

Pershendetjeeeeeeeeee Arjeta

[Kresha]

Ja se cka thotë Veton Surroi per zgjedhjet e mbajtura ne Kosovë javën e kaluar. Një komentim shumë i thjeshtë. Populli thotë, sipas vendit edhe kuvendi.

Zgjedhjet: humbje për shumë, fitore për pak


Nga Veton Surroi

1. Vrasja që vret

Zgjedhjet: humbje për shumë, fitore për pak


Ndërsa shkruaj këto rreshta, me intencë analize të zgjedhjeve të sapombajtura komunale, marr lajmin për vrasjen e veprimtarit të LDK-së në Therandë, Ukë Bytyçit dhe dy përcjellësve të tij. Mendoja të shkruaja për të gjithë ata humbës nga këto zgjedhje komunale, si edhe për një lloj fitoreje të të gjithë ne, por vrasja politike e Ukë Bytyçit është gjithsesi humbje. Humbje jo vetëm e jetës së tij, por edhe humbja jonë kolektive, sepse nuk ka zgjedhje e as rezultat zgjedhor që mund ta kompensojnë jetën e njeriut. Nuk ka as fitore partiake që e meriton sakrificën e jetës së një njeriu e as humbje partiake që arsyeton marrjen e jetës së një njeriu si kompensim.

Kosova , ndonëse ky është rast në një komunë të saj gjatë një procesi zgjedhor, i cili përndryshe do të mund të quhej shembullor nga aspekti teknik, në këto zgjedhje e me vrasjen e Ukë Bytyçit, ka humbur.

Ka humbur jetën e këtij veprimtari dhe ka humbur në imazhin të cilin me të drejtë e ka merituar për një vend që zgjedhjet tashmë i konsideron si një çështje teknike, sikur të kishin ndodhur njëqind vjet rresht dhe të ishin shndërruar në rutinë. Ata që e vranë Ukën dhe dy përcjellësit e tij, vranë jo vetëm individët, jo vetëm të drejtën e tyre për të jetuar e vepruar politikisht pa frikë, por vranë të drejtën tonë kolektive që demokracinë zgjedhore ta konsiderojmë si një të drejtë e jo një cak që duhet arritur. Që demokracinë tonë zgjedhore ta konsiderojmë si mjet pune drejt caqeve tona kolektive e jo si një pikë drejt së cilës duhet ecur ende.

2. Njerëzit që munguan

Mbi dyzet për qind të votuesve kosovarë nuk morën pjesë në zgjedhje, përkundër një organizimi të shkëlqyeshëm teknik të OSBE-së. Nëse do zbërthyer në numra të thjeshtë, blloku më i madh politik i këtyre zgjedhjeve, nuk është asnjëra prej partive, por mu këta qytetarë që nuk dolën në zgjedhje. Ata u shndërruan në një shumicë të heshtur, e cila është indikatori më i madh negativ në shoqërinë tonë.

Kosova nuk është një demokraci e vjetër në të cilën procesi zgjedhor është bërë "bajat" për qytetarin. Që të arrihet një nivel kaq i lartë i abstinencës pas vetëm dy zgjedhjeve të lira , do të thotë që tërë sistemi politik kosovar të jetë bërë dëbues për qytetarin e rëndomtë.

Abstinentët janë indikatori gjer tani më i fortë i pakënaqësisë me një forme qeverisjeje, e cila mund të jetë demokratike në procedurën e zgjedhjes, por që është larg efikasitetit dhe transparencës ndaj qytetarit.

Në Kosovë gjërat nuk ecin mirë, thotë grupacioni më i madh politik, ai i cili nuk doli në këto zgjedhje, dhe i cili në fakt thotë se nuk ka për kë voton.

3. Mbyllja e syve

Sado që nuk të ecin mirë gjërat, megjithatë te një kategori tjetër e shoqërisë kjo është vështirë të përkthehet në rezultate zgjedhore. Prishtina është komuna e cila mund të merret si shembull për kombinimin e jashtëzakonshëm negativ të korrupsionit dhe mungesës së efikasitetit të administratës. Kryeqendra e Kosovës, model i një qeverisjeje të dështuar komunale, megjithatë në katër vitet e ardhshme do të administrohet nga LDK-ja, pikërisht nga ajo parti e cila i fitoi zgjedhjet e kaluara dhe e cila u dëshmua fare e papërgjegjshme për një punë në rregullimin e këtij qyteti.

Do të ketë, me siguri, nevojë që Prishtina të analizohet si rast më vete, por ajo që doli në sipërfaqe është se pjesa tjetër e elektoratit, ajo që doli në zgjedhje, ka afinitete të parapërcaktuara partiake, dhe se nuk udhëhiqet me rezonin e rezultatit në qeverisje por me besnikërinë ndaj ngjyrës së partisë.

4. Dy ngjyrimet

Ngjyrimet partiake, ndërkaq, janë të dyllojta te shqiptarët në Kosovë. Nga njëra anë, edhe këto ishin zgjedhje që u diktuan në masë të madhe nga figurat e liderëve. Ndonëse dolëm për të zgjedhur asambletë tona komunale, në fushatën zgjedhore na dolën liderët e partive, duke nxjerrë jashtë kontekstit debatin mbi rrugët e kanalizimin. OSBE-ja, me sistemin e vet zgjedhor i ndihmoi këtij fenomeni , duke na paraqitur listat partiake, e jo njerëzit e këtyre listave për të cilët do të duhej të votonim. Dhe kështu, në Kodrën e Diellit të Prishtinës , votuesi i LDK-së kishte në mbamendje dr.Rugovën si udhëheqës i cili duhet t'ia rregullojë ujin, në qytetin e vjetër të Kaçanikut ai i PDK-së Hashim Thaçin, si realizues i premtimit se do të asfaltohet rruga për në Korbliç, ndërsa në Pejë ai i AAK-së Ramush Haradinajn si garanci se do rrënohen dyqind ndërtime të egra në pronë publike. Me këso sistemi zgjedhor, kishte pak gjasa që qytetari të kuptojë se kujt do t'ia adresojë brengat në administratën e ardhshme.

Nga ana tjetër, këto zgjedhje sollën edhe një lloj kategorizimi rajonal të partive opozitare. PDK-ja thelloi më tutje imazhin e vet si forcë që do të etablohet në komuna të varfra rurale (e me elektorat të këso kategorie në komunat më të pasura, qytetare) , ndërsa AAK-ja zgjeroi ndikimin e vet shpërpjestimisht në disa vende të rrafshit të Dukagjinit.

5. Serbët: Ndeshje me realitetin

Nëse shqiptarët dolën me shumë pak fitore, e shumë më tepër humbje nga këto zgjedhje, atëherë faktorin e humbjes do shumëfishuar te serbët e Kosovës. Pa ndonjë linjë të qartë politike rreth ardhmërisë së tyre, në fund serbët kosovarë, qoftë ata që jetuan në Kosovë apo ata që gjenden në Serbi, në masë të madhe abstenuan nga këto zgjedhje. Duke abstenuar, ata në fakt prodhuan tri çështje që do të diktojnë jetën e ardhshme politike në Kosovë.

Së pari, humbën shansën që të ecin një hap para në integrim, duke u integruar në Kuvendet komunale. Madje, ky ishte shans i artë, me të cilin falë sistemit zgjedhor, do të ishin faktor qeverisës në shumë komuna të mëdha kosovare, si p.sh . Prishtinë, Pejë e Prizren.

Së dyti, në konfuzion politik, krijuan hapësirë që ritmin e ardhshëm politik ta diktojë vija edhe më e radikalizuar, e kontrolluar nga Koshtunica. Fitoret e DSS-it në dy komuna, e Millan Ivanoviqit në tjetrën dhe e Socialistëve të Milosheviq/Sheshelit janë indikatorët e disponimit të asaj pjese që është aktive në politikën serbe në Kosovë, por njëkohësisht është edhe adresa për bashkëbiseduesit e ardhshëm serbë. E, këta bashkëbisedues kanë qenë dhe mbeten konsekuent për ndarjen territoriale të Kosovës si zgjidhje të statusit të ardhshëm.

Së treti, e si konsekuencë, gjasat janë shumë të mëdha që të mbyllet kapitulli i decentralizimit që për serbët ishte parakusht mbi të gjitha, për kyçje në sistemin politik kosovar.

6. UNMIK-u dhe partnerët

Nga këto zgjedhje,UNMIK-u del me partnerë të dobësuar, pra edhe vetë i dobësuar. Blloku më i fortë kosovarë, abstenuesit, nuk kanë adresë përfaqësuese. Partitë shqiptare që i fituan zgjedhjet kanë më pak legjitimitet se sa që kishin, dhe ndonëse mund të organizojnë qeveri të reja komunale, pozicioni i tyre del i dobësuar në nivel qendror. Partnerët serbë kanë nevojë të ripozicionohen, dhe me këtë t'i japin fund legjitimitet të Koalicionit "Kthimi". Nëse "Kthimi" nuk ishte fitues kund, si mund të pretendojë se i përfaqëson serbët?

Ky nuk është pozicion i mirë as për kosovarët e as për UNMIK-un. Vështirë është të përcaktohet ndonjë ritëm më i fortë i zhvillimit të institucioneve e marrëdhënieve në Kosovë me kësoj pasqyre politike.

Nëse është kështu, atëherë zgjedhjet komunale duhet të shërbejnë për t'u ulur menduar, e biseduar kolektivisht se kah më tutje.

7. Zona gri

Kryeadministratori Steiner e përshkroi një herë Mitrovicën e Veriut si Zonë Gri, pjesë e cila dallohet prej ngjyrimit të ndërtimit që kishin marrë pjesët e tjera të Kosovës.

Më duket se nuk gaboj kur them se politikisht Kosova ka mundësi të madhe të ketë hyrë në Zonën Gri, atë të njëtrajtshmërisë dhe shterpësisë së jetës politike. Dhe, se kjo Zonë të prolongohet së paku deri në vitin e ardhshëm. Viti 2003 i tëri duhej të kalonte pa fushata e zgjedhje, por me përqëndrim në punë të nivelit komunal e qendror.

E, siç u pa edhe me dy raundet e tjera zgjedhore paraprake, entuziazmi i zgjedhjeve shpërtheu më shpejt se sa fluskat e sapunit, për t'i lënë vend apatisë. Këto zgjedhje, përkundër fushatës së sinqertë të shumë individëve e partive si dhe iniciativave lokale, nuk premtuan se do të ndryshojnë gjë më shumë

Burimi: Shekulli

[malsorja]

4_nëntor, 2002 LDK nga zgjedhjet 2000 në 2002 humbë rreth 80 mijë vota
kosova-press

Prishtinë, 4 nëntor (Kosovapress) Time: 10:00

Mihajl Shtajner, kryeadministrator i UNMIK-ut ka nënshkruar të dielen rezultatet përfundimtare të zgjedhjeve lokale 2002, sipas të cilave partia më e madhe në Kosovë, i ikë bllokut të fuqishëm opozitar me vetëm 7 për qind të votave.

Nga 30 komunat e Kosovës, LDK do të udhëheqë me 12 sish ndërkohë që në disa të tjera në të cilat ka numër më të madh të votave, por që nuk e ka shumiën e mjaftueshme, diku e humb pushtetin e diku tjetër pret negociatat për bashkëqeverisje, në mënyrë që të ruajë së paku gjysmën e tij.

Partia Demokratike e Kosovës ka fituar plus dy komuna të tjera përveç atyre me të cilat ka administruar që nga zgjedhjet e kaluara lokale si dhe në shumë komuna të tjera ka shënuar rritje të dukshme të besimit në elektorat, ndërkohë që pothuaj sigurtë, përmes bashkëqeverisjes pritet të administrojë me dy komuna të tjera, Prizrenin dhe Sharrin. AAK pushtetin të pastërt e ka të siguruar në Deçan dhe përmes bashkëqeverisjes pretendon të marrë pushtet edhe në komuna të tjera.

“Unë jam optimist për të ardhmen e Kosovës. Na pret ende një rrugë e gjatë në përmbushjen e standarteve të cilat i kemi parashtruar dhe të cilat, sipas meje, është me rëndësi se rezultatet janë pranuar nga të gjithë udhëheqësit përgjgjës” është shprehur kryeadministratori i Kosovës, Mihajl Shtajner pas nënshkrimit të rezultatit përfundimtar të zgjedhjeve.

Në bazë të disa statistikave LDK nga zgjedhjet lokale 2000 në ato 2002 ka humbur rreth 80 mijë vota apo 20 për qidn të forcës vetjake. Ndërkohë nga tao në këto zgjedhje PDK është forcuar për 20 mijë vota kurse AAK për 136 të tilla.

Rezultatet përfundimtare detale të zgjedhjeve do të publikohet në faqen Kosovapressit gjatë ditës së sotme