Gezuar Kurban Bajramin!

[Drini_i_Zi]

Dita e parë e Kurban – Bajramit - të Hënën më 8 dhjetor 2008


Kryesia e Bashkësisë Islame të Kosovës njofton opinionin e gjerë se Dita e parë e festës së Kurban - Bajramit është të hënën më 8 dhjetor 2008.

Manifestimi qendror kushtuar festës së Kurban- Bajramit për Republikën e Kosovës mbahet në Xhaminë “Sulltan Murat” (Xhamia e Çarshisë) në Prishtinë.

Manifestimi fillon në ora 06:15 me faljen e namazit të sabahut, pas të cilit do të jenë dy ligjërata tematike kushtuar kësaj feste. Ligjëratën e parë do ta mbajë Dr. Qazim Qazimi ndërsa të dytën H. Muhamet ef. Hoxha.

Në ora 07: 30, faljes së namazit të Bajramit do t’i prijë dekani i FSI, Dr. Rexhep Boja.

Ndërsa hytben do ta mbajë Myftiu i Kosovës Mr. Naim Tërnava i cili do t’u drejtohet opinionit të gjerë me mesazh për këtë festë.

Me rastin e festës së Kurban – Bajramit, ditën e parë, më 8 dhjetor 2008, Myftiu i Kosovës si tradicionalisht organizon pritje përurimi në selinë e Kryesisë së BI të Kosovës nga ora 9-12.

Kryesia e Bashkësisë Islame të Kosovës të gjithë besimtarëve dhe opinionit të gjerë ua uron festën e Kurban - Bajramit duke e lutur Zotin që t’i ketë pranuar lutje e ibadetet tona.

Me fat festa e Kurban -Bajramit

[Drini_i_Zi]

Me rastin e Kurban-Bajramit, Kryetari i AKR-së, Behgjet Pacolli telegram urimi për Myftiun

Me rastin e festës së Kurban- Bajramit, kryetari i AKR-së Behgjet Pacolli ka përgëzuar Myftiun e Kosovës, Mr. Naim Tërnava. Në tekstin e mesazhit thuhet:

Z. Naim Tërnava
Kryetar i Bashkësisë Islame
Prishtinë

I nderuari z. Tërnava,
Kam kënaqësinë e veçantë që me rastin e festës së Kurban Bajramit, Ju përcjell urimet e mia dhe të Partisë që unë drejtoj "Aleanca Kosova e Re" dëshirat më të mëdha dhe më të përzemërta Juve, familjeve dhe të gjithë anëtarëve të Bashkësisë Islame.
Gjatë festës së Kurban Bajramit, kosovarët plotësojnë një ndjenjë të shtrenjtë: krenarinë kombëtare, solidaritetin njerëzor dhe shpresën për një të ardhme më të mirë. Jemi të ndërgjegjshëm se vendi ka nevojë për ecje më të shpejtë dhe të sigurt të reformave, forcim më të madh të shtetit ligjor, luftë ndaj fenomeneve negative veçanërisht kundër rastit të fundit të pahijshëm ndaj z. Hamiti, ku ne e dënojmë atë akt të ligë, fatkeqësisht imazhet e huaja mediatike të deritanishme për Kosovën i kanë shfrytëzuar këto akte sidomos duke përdorur dhe keqinterpretuar Fenë, këto nuk kanë qenë pikëpamjet e vërteta, por me veprimet e Juaja të mençura, shpresojmë se do ja arrini ta zbardh ni të vërtetën, që Populli Shqiptarë ka ndaj Fesë Islame po edhe ndaj Feve tjera.
Kosova dhe kosovarët janë më mirë se një vit më parë, por presin më shumë nga institucionet, qeveria, politika e politikanët. Ata dnan më shumë vende pune, siguri dhe shpresa për të ardhmen e tyre. Ndalimi i varfërisë duhet shoqëruar me rritje të vendeve të punës, investimeve të huaja në Kosovë dhe me shanse reale për një zhvillim ekonomik më të madh dhe rritje të vazhdueshme.
Më lejoni, i nderuar z. Tërnava të ju siguroj se unë me Partinë Politike "Aleanca Kosova e Re" do të bëjmë që Rcoublika e Kosovës dhe populli i saj të vazhdojnë të përqendrohen në përmbushjen e detyrave për anëtarësim në Bashkimin Evropian, OKB dhe NATO.
Pranoni, i nderuar z. Tërnava, konsideratën time më të lartë për Ju dhe popullin e Kosovës në përgjithësi.
Me respekt,
Behgjet Pacolli

[Drini_i_Zi]

Me rastin e Kurban-Bajramit, Werner Almhofer telegramurim për Myftiun


Me rastin e festës së Kurban- Bajramit, Ambasador i Misionit i OSBE-së në Kosovë Werner Almhofer ka përgëzuar Myftiun e Kosovës, Mr. Naim Tërnava. Në tekstin e mesazhit thuhet:


Shkëlqesia juaj,

Ju lutem pranoni urimet më të sinqerta të Misionit të OSBE-së në Kosovë për ju dhe bashkësinë tuaj për një Kurban Bajram paqësor dhe të gëzueshëm, ditë kjo e veçantë për Bashkësinë Islame në tërë botën. Siç e dini, Misioni i OSBE-së në Kosovë promovon demokraci, qeverisje të mirë, dhe tolerancë, dhe në këtë kuptim, vlerat e Kurban Bajramit për zemërbutësi dhe tolerancë janë udhëzues për të gjithë.

Me respekt,

Werner Almhofer Ambasador Kryesuesi i Misionit
Misioni i OSBE-së në Kosovë
ZPSSP / Shtylla e UNMIK-ut për Ndërtim të Institucioneve


Mufti Naim Tërnava
Kryetar i Bashkësisë Islame në Kosovë
Prishtinë

[strange]

Me fat ju qofte te gjithëve Kurban Bajrami.

[Sabriu]

Kurban Bajrami - Solucion për transformim shpirtëror

Nga: Mr.Bashkim Aliu


Për çdo vit muslimanët janë dëshmitarë të manifestimeve madhështore dhe gëzimit kolektiv, dëshmitar të gjallërisë e vizitave të ndërsjella që bëhen këto ditë gëzimi e feste dhe disponimi mbarëpopullor që mbretëron me rastin e festave të muslimanëve.

Çdo popull i ka festat, traditat, momentet dhe ngjarjet me rendësi historike të cilat i përkujton dhe me të cilat në një mënyrë edhe e identifikon dhe prezenton veten në arenën e madhe historike e botërore të zhvillimit të popujve, kulturave e civilizimeve.

Me dëshminë e Pejgamberit [sal-lallahu alejhi ve sel-lem] muslimanët i kanë dy festa : Fitër bajramin dhe Kurban bajramin.

Transmetohet nga Enes ibën Maliku i cili ka thënë : “Arriti i dërguari i Allahut në Medine, ndërsa te ata ishin dy ditë të cilat festoheshin. I dërguari i Allahut tha: Çka janë këto dy ditë? Ata thane : Kemi qenë duke festuar në kohën e xhahilijetit (injorancës). Pejgamberi i Allahut u tha: Tashmë Allahu i Madhërishëm jua ka zëvendësuar me më të mira se ato: Dita e Fitër Bajramit dhe Kurban Bajramit”( Transmentojnë Nesaiu dhe Ebu Davudi).

Pikërisht këtu qëndron poenta e veçorisë së konceptit islam mbi festat. Ngase festat në mësimet islame nuk i janë lënë stihisë dhe pasioneve, por vetë akti i promovimit të tyre nga ana e Pejgamberit të Allahut, dhe përcaktimit të kohës dhe mënyrës së tyre nga autoriteti përkatës, i jep karakter spiritual, e jo thjesht vetëm historik e dialektik.



FILOZOFIA E QENËSISË SË FESTËS NË ISLAM

Festat në këndvështrimin Islam, nuk e kanë thjeshtë vetëm dimensionin solemn dhe përkujtimor, por esenca e festës dhe filozofia e saj në Islam, është shumë më e madhe, gjë që ai i cili thellohet pak më tepër në analizën e këtij fenomeni, nuk e ka rendë ta miratoj konstatimin tone.

Kështu qe urtësia e Allahut që festat islame të pasojnë pas kryerjes së obligimeve dhe punëve të caktuara në Islam. Fitër Bajrami, vjen pas kryerjes së muajit të Ramazanit, gjegjësisht përfundimit të një detyre me rendësi në këtë muaj : Farzin e agjërimit, njërës prej shtyllave të Islamit. Ndërkaq Kurban Bajrami, festohet në vazhdën e kryerjes së kushtit të pesë të Islamit-haxhxhit, demonstrimit të solidaritetit islam permes kurbanit dhe përkujtimit për domosdoshmërinë e kryerjes së llogarive të veprave të njeriut gjatë periudhës njëvjeçare.Bile është një specifikë e këtyre dy festave se në namazin e sabahut besimtari del prej shtëpisë së tij duke lexuar me zë tekbire-duke e madhëruar Allahun, që në një mënyrë, është një punë që kryhet gjatë ditëve të Kurban Bajramit.



KARAKTERISTIKAT E KURBAN BAJRAMIT

Kurban Bajrami, dallohet me disa veprime të rëndësishme që kryhen gjatë kësaj kohe, edhe atë si vijon:

1. Haxhi

Është kushti i pestë i fesë islame, në të cilin demonstrohet uniteti, barazia, solidariteti, kultura, devotshmëria dhe madhështia e umetit të Muhamedit sal-lallahu alejhi ve sel-lem, popullatës muslimane.

Haxhi është kongres më i madh vjetor islam dhe botëror në të cilin takohen muslimanë të vendeve, profileve, drejtimeve juridike, ngjyrave, traditave dhe mentaliteteve të ndryshme, por të gjithë synojnë një qëllim:kryerjen e kushtit të pestë të Islamit-haxhin dhe arritjen e kënaqësisë së Allahut të Madhërishëm.

Haxhi është moment ekskluziv i eliminimit të të gjitha diferencave nacionale, racore, klasore etj. Aty janë të barabartë bujku dhe intelektuali, mbreti dhe robi, ministri dhe analfabeti, i bardhi dhe i ziu, i pasuri dhe i varfëri, të gjithë kanë veshje të njejtë:dy pëlhura të bardha të njohura si rroba të ihramit.

Haxhinjtë, Pejgamberi sal-lallahu alejhi ve sel-lem i ka trajtuar delegacion të Allahut. Ai thotë: “ Delegacioni i Allahut përbëhet prej tre vetëve: luftëtarit, haxhiut dhe atij që kryen umren” (Transmetojnë Nesaiu, Hakimi dhe Ibën Hibbani).


2. Kurbani

Shikuar historikisht, sakrifica ka qenë një prej elementeve qendrore në besimet e ndryshme, dhe permes sakrifikimit të realizuar në forma të ndryshme, njerëzit janë munduar t’i afrohen qenies hyjnore dhe të arrijnë grada të larta shpirtërore.

Mirëpo, për fat të keq, te popujt e lashtë ka pasur pasoja tragjike, ashtu që me vete rrëmbeu jetën e shumë të rinjve dhe të rejave.

Islami sakrifikimit i dha kuptim krejt tjetër dhe formë krejt tjetër nga ajo që ekzistonte te popujt e lashtë.Një prej formave të sakrifikimit në Islam është institucioni i kurbanit, i cili është prej karakteristikave më të theksuara të festës së dytë Islame, sipas të cilit edhe e mori emrin, në gjuhën arabe i’du-l-ed-ha, apo festa e kurbanit, për shkak se në këtë ditë muslimanët në katër anët e botës therrin kurbana.

Islami asnjëherë nuk legjitimon rituale të cilat nuk kanë domethënie apo thjesht janë vetëm formale, për çdo here përmes ritualeve pretendon pastrimin dhe edukimin shpirtëror, ngritjen psikike dhe etike të besimtarit. Në kontekst të insturksioneve të përmendura duhet të kuptohet edhe institucioni i kurbanit.

Pra, kurbani është institucion fetar i cili synim të vetin kryesor dhe objektiv parimor ka humanizimin e njeriut, pastrimin e tij shpirtëror, begatimin e tij me vlera dhe aspirata të larta, edukimin dhe kalitjen e tij.Thënë shkurt, permes këtij institucioni tentohet të kontribuohet në formimin e personalitetit dhe bashkësisë së shëndoshë njerëzore.

Kurbani është simbol i devotshmërisë, nënshtrueshmërisë dhe dorëzimit ndaj Allahut të Madhërishëm. Kjo, ngase me therjen e kurbanit, te Allahu nuk arrin gjaku dhe mishi, por nijeti-vendosmëria dhe motivi i njeriut në therjen e kurbanit, vullneti i tij i lartë për të arritur grada më të larta të përsosurisë shpirtërore.

Kurbani në vete ngërthen edhe karakterin mirënjohës dhe falënderues ndaj Allahut të Madhërishëm. Përmes therjes së kurbanit, njeriu i tregohet mirënjohës Allahut të Madhërishëm, dhe e falënderon Atë për të mirat dhe begatitë që ia fali.

Kurbani paraqet ngadhënjim të shpirtërores dhe fetares te njeriu. Mbi materialen dhe neglizhencën fetare. Këtë e demonstron besimtari me rastin e therjes së kurbanit, kur tregon qartë se për hire të Allahut dominon mbi ndjenjat dhe pasionet dhe pranon të sakrifikojë për hire të Allahut, dhe një prej formave të sakrifikimit është kurbani.

Krahas gjitha dimensioneve tjera, kurbani ka edhe dimensionin social. Gjegjësisht, është dëshmi e preokupimit të njerëzve për njëri-tjetrin, dhe ndihma materiale që i jepet atij. Me këtë bëhet edukimi i shpirtit të njeriut dhe afirmimi i tij, luftë, e njëkohësisht edhe ngadhënjim mbi egoizmin dhe daljen në skenën e madhe dhe humane të solidaritetit, ndihmës dhe bashkëpunimit ndërnjerëzor.

Kjo shihet qartë nga shumë deklarata të Muhamedit sal-lallahu alejhi ve sel-lem, ku ai u jep instruksione muslimanëve për distribuimin e mishit të kurbanit. Poashtu, edhe me rastin e therjes së kurbanit, ai vazhdimisht u thoshte familjes së vetë: A e keni ndarë mishin, a ka mbetur diçka pa u shpërndarë, etj.

Kjo tregon se kurbani ka qëllim solidarizues dhe kujdes ndaj të varfërve.

Kurbani na paraqitet edhe në rolin e anijes së historike e cila na bart në gjeneratat e mëparshme duke vënë në këtë mënyrë lidhje të forte në mes gjeneratave të ndryshme historike.

Kështu, kurbani na përkujton rastin e Pejgamberit të Allahut Ibrahimit alejhisselam me birin e tij Ismailin alejhisselam, apo thënë më mire gatishmërinë e Ibrahimit alejhisselam si prind nga njëra anë, dhe Ismailit alejhisselam nga ana tjetër si fëmijë, që të sakrifikojnë më të shtrenjtën për hire të Allahut.

Urdhri i cili i erdhi Ibrahimit alejhisselam në ender që ta sakrifikojë- ta çojë kurban birin e tij Ismailin alejhisselam, aspak nuk u zhagit. Por, Ibrahimi alejhisselam menjëherë kaloi në hapa praktik, e poashtu edhe Ismaili alejhisselam, posa iu kumtua nga babai i tij se ky është urdhër i Allahut, tregoi gatishmëri të bëhet kurban pa mos nguruar fare, dhe duke i thënë babait të vet ashtu siç përmend Kur’ani: <<…o babai im, punoje atë që urdhërohesh, e ti do të më gjesh mua, nëse do Allahu, prej të durueshmëve ! >>(Es-Safat, 102).

Ky është një mësim i madh që duhet ta marrin muslimanët, prej këtij rasti, apo thënë më mire prej kurbanit: Gatishmërinë e besimtarëve të denjë që të sakrifikojnë për ideale.

3. Fundi i vitit

Një specifikë tjetër me rendësi e cila e shënon këtë festë, e që nga shumë nuk është përmendur, e që nga shumë nuk është përmendur, është koha dhe muaji i kësaj feste. Kjo festë, ndodh në muajin e fundit të kalendarit lunar, që flet për natyrën e kësaj feje.

Islami me këtë e demonstron natyrën e tij kreative, gjegjësisht bilancin e vjetër të veprimtarisë së njeriut e lidh me dy institucione të cilat kërkojnë gatishmëri dhe mund moral e material: Haxhin dhe Kurbanin, të cilat njëherit janë edhe simbol të kulminacionit të nënshtrueshmërisë.

Viti hixhrij, mbaron duke tubuar muslimanët në solemnitetin madhështor të Kurban Bajramit dhe duke demonstruar unitetin mbarë Islam dhe ndërkombëtarizmin e kësaj feje në kryerjen e kushtit të pestë të fesë Islame-haxhit.

Me adhurim, ibadet, sakrifice, solidaritet, humanitet, devotshmëri dhe bujari si dhe mësim nga përvoja dhe ndodhitë e kaluara historike, mbaron viti i kalendarit lunar.

Lutja jonë e fundit është: I gjithë falënderimi i vërtetë i takon vetëm Allahut, mbikëqyrës i botëve.

Festat Islame janë festat të cilat i njeh legjislacioni Islam, festat tjera mund të jenë çfardo, por jo Islame.

Ndër festat Islame llogariten:

Xhumaja (Dita e Premte) është një ditë e rëndësishme në jetën e një Muslimani. Lutjet dhe veprimet e devotshme që bën një musliman i devotshëm në këtë ditë shpërblehen se sa në ditët tjera të javës. Edhe pse kjo ditë e javës është ditë feste nuk duhet llogaritur si Sabbath, muslimanët refuzojnë besmin se Zoti ka pushuar pas krijimit. Kjo ditë është zgjedhur si ditë feste (për dallim nga ditët tjera) sepse besohet se Ademi a.s. (Adami) ka lindur në këtë ditë. Besimtarët gjat kësaj dite mblidhen në xhamin e vendit (ku jetojnë) dhe të udhëhequr nga imami falin namazin e xhumasë.

Ramazani - është muaji në të cilin muslimanët çdo ditë agjërojnë nga agimi gjer në perëndim të diellit.

Fitër Bajrami (Eid al-Fitr) ose "Bajrami i Vogël" (al-Eid saghir) - është festë e cila bëhet pas përfundimit të Ramazanit që është dita e parë e mualit Shawwal.

Kurban Bajrami (Eid al-Adha) ose "Bajrami i madh" (Kurban Bayram) - ësht dy muaj dhe 10 ditë pas bajramit të vogël. Kjo festë njihet si festa e sakrificës dhe vie si gëzim i kryerjes së Haxhxhit. Dita e Ashurave - është dita e dhjetë e muajit Muharram. Kjo është dita në të cilën Zoti shpëtoi Musën a.s. dhe popullin e tij nga Faraoni i Egjiptit.

Nata e Lejletul Kadrit (Nata e fuqisë) - është një nga dhjetë ditët e fundit të Ramazanit (19,21,23,25,27,29). Konsiderohet si nata më e shenjtë e tërë vitit sepse është nata në të cilën ka zbritur Kur'ani. Gjithashtu konsiderohet më e mirë se 'njëmi muaj. [Kur'an 97:1-3].

Laylat ul Isra' wa-l-Miraaj (Nata e Israsë dhe Miraxhit) është nata e 27 e muajit Rajab, nata e udhëtimit të Muhammedit a.s. n Jeruzalem dhe pastaj nëpër qiej.

Laylat ul Bara'ah nata mes 14 dhe 15 Sha'ban.

Jumu'ah-tul-Wida (arabisht: جمعة الودع ) xhumaja e fundit e muajit Ramazan para Eid-ul-Fitr.

Sabri Selmani

[Arpos]

Urimët më të sinqerta i'adresoj të gjithë besimtarëve musliman ku do që gjindën ata.

Selam/Paqe !

[MaDaBeR]

Iu uroj te gjithe besimtareve myslimane Gezuar Festen e Kurban Bajramit! Zoti qofte me ju e iu falte sa me shume dashuri e begati ne familjet tuaja.

Gezuar!

[white-knight]

Gezuar festat per besimtaret muslimane.Paqja dhe dashuria qofte mbi ju dhe familjet tuaja.

w/k

[ocean]

Gezuar Kurban Bajramin

[drague]

A keni pre nai kinxh sot?Pulat nuk bohen kurban.