Gezuar Kurban Bajramin!

[Davius]

MYSLIMANËT E FESTOJNË FESTËN E KURBAN BAJRAMIT

Sot të gjithë besimtarët myslimanë në botë e festojnë festën e shenjtë të Kurban Bajramit që në në gjuhën arabe njihet si Eid Al-Adha.

Në këtë ditë në botën Islame zbatohet zakoni i sakrifikimit duke e sakrifikuar nga një kurban. Në këtë festë kurbanin e falur për zotin besimtarët myslimanë e ndajnë në tre pjesë. Ata ia japin një të tretën të varfërve, një të tretën ia japin fqinjëve të tyre dhe vetëm një të tretën e mbajnë për vete. Është pikërisht ky shembull ai sipas të cilit respektohen mësimet e Islamit për paqe, bamirësi, tolerancë dhe kujdes për të tjerët.

Rreth 2,5 milionë myslimanë sot e përfundojnë haxhillëkun pesëditor që mbahet në qytetin e shenjtë mysliman të Mekës në Arabinë Saudite.

Besimtarët do t'i gjuajnë me gurë shtyllat që i simbolizojnë djallin në rafshnaltën Mina. Në Mekë ndodhen më shumë se dy milionë besimtarë prej të cilëve më shumë se 1,5 milionë janë të huaj, ndërsa disa qindra mijëra janë shtetas të Arabisë Saudite. Të pranishëm janë 177 nacionalitete të ndryshme.

Haxhilerët sot shkojën në Mekë, ku fillimisht e kryejnë ritualin e gjuajtjes simbolike të djallit në Mina, ku shtatë herë në drejtimin e kundërt të akrepave të orës, e rrethojnë Kaabën (ndërtesë në formën e kubit nga fundi i shekullit të shtatë) që ndodhet në mesin e Xhamisë së madhe të Mekës. Qarkimi i Kaabës paraqet kulminacionin e haxhillëkut.

Haxhillëku është një nga pesë shtyllat e Islamit dhe në pajtim me Kuranin çdo mysliman nëse ka mundësi është i detyruar që të paktën një herë në jetën e tij të shkojë në Mekë.

Nënkryetari i Bashkësisë Fetare Islame në Republikën e Maqedonisë, Reisul Ulema Bahri ef. Aliu me rastin e festës së madhe islame Kurban Bajrami dërgoi mesazh deri te të gjithë besimtarët të konfesionit islam në Maqedoni.

"Në historinë islame, festa e sotme, Bajrami i Kurbanit, llogaritet si Bajrami i Madh, sepse pas njëzet e tre vjetësh sa zgjati zbritja e Kur’anit Famëlartë, ai u kompletua pikërisht në ditën e Arafatit, në pragun e Kurban Bajramit. Andaj, ky bajram është edhe kurorëzim i haxhxhit, kushtit të pestë islam dhe unë i lutem Allahut fuqiplotë që haxhinjve tanë t’ua pranojë kryerjen e këtij obligimi. Po përkujtoj me këtë rast se Pejgamberi a.s. ka vlerësuar që ai i cili e kryen haxhxhin në emër të Allahut xh.sh. dhe nuk e njollos me vepra të këqia, do të kthehet në shtëpi i pastërt nga gjynahet sikur në ditën kur e ka lindur e ëma.

Bajrami i Kurbanit është festë e devotshmërisë, por edhe dëshmi e solidaritetit, humanitetit dhe vëllazërisë. E pikërisht këto janë elemente rreth të cilave ka folur Pejgamberi a.s., e të cilat na i la amanet në hutben e tij gjatë haxhxhit lamtumirës të cilin ai vetë e udhëhoqi në vitin 631. Por, njëkohësisht, Bajrami i Kurbanit është edhe festë që paraqet simbolin e kurbanizimit për çdo besimtar mysliman, është ditë dhe mundësi ideale për të vërtetuar të gjithë në besimin tonë e për të dëshmuar se jemi rojtarë, bartës dhe tramsmetues të amanetit të Muhamedit a.s. Ky Bajram, përherë çdo myslimani ia përkujton gatishmërinë e Ibrahimit a.s. për ta flijuar të birin Ismailin si kurban në emër të Allahut xh.sh.


Vëllezër, kurbani i cili i përkushtohet vetëm të Plotëfuqishmit, i takon edhe të tjerëve, kurse mishi I tij e ngop edhe të varfërin dhe të pamundurin, plakun dhe bonjakun, por edhe mikun, fqiun, shokun. Myslimani i pafuqishëm asnjëherë nuk guxon ta ndjejë vehten të pashpresë, të vetmuar e të lënë në harresë. Zemra jonë duhet të rrahë edhe për atë që për momentin nuk është i lumtur e i lirë. Allahu e pranon vetëm kurbanin e të pastërtit, Ai e vlerëson vetëm atë që di të bëjë sakrificë e të ndjejë me tjetrin, të vuajë me vëllanë e pafat, me atë që e ushqen fëmijën e urritur. Allahu xh.sh. e do vetëm atë që e hap dorën e vet tërësisht e që shkon te miku e shoku zemërdlirë. Vetëm njeriu i këtillë është i Allahut, Zotit të të gjitha botërave. Sot, në këtë ditë të madhe të harrojmë mosmarrëveshjet dhe t’ia falim gabimet eventuale njëri tjetrit, të shtrijmë dorën e pajtimit sepse vetëm në atë mënyrë ky Bajram do të ketë kuptim të vërtetë dhe vetëm atëherë Allahu do të jetë i kënaqur nga ne.

[Juventini]

Gezuar Bajramin.
Paqe Paqe Paqe ne Shqiperi e ne bote!

[BRADYKININ]

Per Shume Vjet Gezuar, vellezer dhe motra myslimane!!! Shpresoj t'ja keni kaluar sa me bukur....

Nje pershendetje e vecante shkon per miqte e mi myslimane, Gjalica, Klevis, Shkodrane82, Indriti, Xeni, Sui, Xhuxhumaku, Suela2, DM, Bayern, Principiel, Vagabondonyc, Davius, Slimshady. Zoti ju qendrofte prane dhe jua lehtesofte veshtiresite e kesaj jete.

p.s. cfare eshte kjo shprehja Me fat kurban bajramin. Kurban bajrami te sjell fat? Lol

[PrInCiPiEl]

• BRADYKININ
  
  • "Çfare eshte kjo shprehja Me fat kurban bajramin. Kurban bajrami te sjell fat?"

Përgjigja është në këtë adresë : Me Fat - Me Fatmirësi - Me Fatbardhësi.


PrInCiPiEl

[Bujk101]

Gezuar Te Gjitheve ''Kurban Bajramin'' dhe ju sherofte ZOTI shpirterat tuaja nga mekatet dhe ju shtofte ZOTI Shendetin, Lumturine, Punen, Familjen, Suksesin, Pasurine!

[altin55]

Gezuar Bajramin

[alDI]

Gezuar Gezuar te gjith muslimanet Kurban Bajramin . Allahu jua lehtesoft hallet gjith muslimaneve ne mbar boten .

[Del Monako]

Edhe pse i lodh mezi po shof ca po shkruj gjej kohen tu uroj nga zemra te gjitheve GEZUAR KURBAN BAJRAMIN.

[Crazy_Girl]

JU UROJ TER MYSLIMANVE NGADO QE JAN GEZUAR BAJRMIN ALLAU JU BEKOFT JU DHE FAMILJET TUAJA

[La_Lune]

Ju uroj Gëzuar Bajramin!
Fat dhe Lumturi.
Allahu ju'a shpërblefte me te mira.