Njoftim: Ka vdekur hoxha Jakup Sllupqani

[-Edu]

Selamalejkum, veq deshta mi njoftu vllaznin edhe motrat qe hoxha shumë i dashur Jakup Sllupqani, ka ndërru jetë.

Sot morra vesh une ne xhami më tregun, nëse din najkush pak ma shumë najsen let na tregon.
Në varrimin e tij morrën pjesë me MIJËRA vetë, më së paku 10.000 nga të gjitha viset shqipëtare dhe diaspora.

Allahu e mëshiroft vllaun dhe hoxhën ton, ALIMIN e ballkanit siq e quajtu Shefqet Krasniqi, kaq shumë e dëshiroj shehidllëkun por Allahu xh.sh me urtësinë e tij nuk ja dha.

Inna Lillahi Wa inna Ilayhi Ra'jioon

[Zana e malit]

Në luftën e Kosovës, Jakupi ishte njëri ndër organizatorët kryesorë për pritjen e refugjatëve nga Kosova. Disa vite rresht, ishte imam në xhaminë e fshatit Sllupçan dhe pjesëtar i UÇK-së gjatë konfliktit të vitit 2001 në Maqedoni

Shkup, 8 Janar-

Të dielën, dhjetra mijëra vetë nga të gjithë trevat shqiptare, i dhanë lamtumirën e fundit hoxhë Jakup Asipit, i cili humbi jetën të shtunën, në një aksident trafiku, në magjistralen Kumanovë-Shkup.
Aksidenti ndodhi rreth orës 15:30 min., ndërsa hoxhë Asipi ndërroi jetë një orë më vonë në spitalin e Shkupit.

Pas faljes së namazit të iqindisë, arkivoli i të ndjerit u drejtua për në varrezat e dëshmorëve në fshatin Sllupçan, ku ishin tubuar familjarë, bashkëfshatarë, miq dhe shumë shokë të tij nga Maqedonia, Kosova, Shqipëria, Lugina e Preshevës dhe diaspora shqiptare.
"Allahu e mëshiroftë hoxhë Jakupin , ndërsa juve iu shpërbleftë", tha Sead Ramadani, anëtar i familjes së Jakupit.

Zëvendës kryetari i Bashkësisë Fetare Islametë Maqedonisë , haxhi Bahri efendi Aliu tha se në prag të Bajramit na erdhi lajmi i pikëlluar, por të gjithë e dimë se jetën e fal Allahu dhe Ai e merr.

"Vdekja është fillimi i jetës së vërtetë, jetës së përhershme në të cilën të gjithë ne do të kalojmë", tha Aliu.

Në ceremoninë e varrimit, i pranishëm ishte edhe myftiu i Kosovës, Naim Tërnava. Ai tha se të shtunën në mbrëmje, Kosova me dhembje mori lajmin për vdekjen e vëllait, shokut dhe hoxhës molla Jakupit. "Tërër Kosova ndau dhembjen me familjen e hoxhës, bashkëfshatarët dhe me të gjithë besimtarët myslimanë të të gjitha trojeve etnike" tha Tërnava.

"Kjo shembëlltyrë që do të mbetet në jetë përgjithmonë, le të na shërbejë si rrugëtim i drejtë, drejtë idealeve tona të përbashkëta, drejtë vetëdijësimit të gjithëmbarshëm islam brenda të gjithë trojeve etnike. Hoxha ligjëroi nga xhamia, por diti të rrokë armën kur e deshi nevoja, sepse kështu e mësoi besimi i thellë që kishte në Zotin dhe profetin", tha myftiu i Kosovës.

Tahir Zendeli, hoxhë nga Tirana tha se po të mos ishin pengesat e organizimeve të reja, jo me letra për makina, jo me pasaporta për njerëzit, me mijëra do të vinin nga Shqipëria.

Telegram ngushëllimi kanë dërguar Kryesia e haxhit të Bashkësisë Fetare Islame të Maqedonisë nga qyteti i shenjtë i Mekkës, nga haxhi Ali Esati, Shoqata e stomatologëve dhe farmacistëve shqiptarë në Maqedoni - Dega në Kumanovë, komandantët e zonës Maliq Ndrecaj dhe Sami Ukshini, si dhe nga xhemati i Leverkuzenit të Gjermanisë ku hoxhë Asipi shërbeu plot 5 jet.

Biografia

Hoxhë Jakup Asipi ka lindur në fshatin Sllupçan në vitin 1951, ku kreu shkollimin fillor. Shkollën e mesme, medresen "El Furkan" e kreu në Damask të Sirisë, në vitin 1980, ndërsa studimet në Universitetin "Al Az'hav" në Kairo të Egjiptit në vitin 1985.
Prej vitit 1985 deri në vitin 1990 punoi si ligjerues në Leverkuzen të Gjermanisë.
Në luftën e Kosovës, Jakupi ishte njëri ndër organizatorët kryesorë për pritjen e refugjatëve nga Kosova.
Disa vite resht ishte imam në xhaminë e fshatit Sllupçan dhe pjesëtar i UÇK-së gjatë konfliktit të vitit 2001 në Maqedoni. Në vitin 2003 u zgjodh Myfti i Myftinisë së Kumanovës.


"I dua të gjithë njerëzit njësoj


Para se të më thuhet se jam i nderuar, dua të them se unë i kam vënë detyrë vetes që ta dua dhe nderoj popullin tim dhe të organizohem maksimalisht për të mirën e tij.
I dua të gjithë njerëzit njësoj, edhe të kqinjtë në mesin e popullit tim, sepse ajo është ara ime dhe unë duhet të investoj në të sa më shumë që dheu i saj të jetë sa më kualitativ", kështu përgjigjej imami i nderuar Jakup Asipi, që ndërtoi edhe rezistencën më të madhe të shqiptarëve në Maqedoni- Kalanë e Sllupçanit, gjatë luftës së vitit 2001.



Marrë nga gazeta LAJM,

ZeM

Zoti xh.sh. e shpërbleftë me Xhennet për veprat qëllimmira që bëri ky njeri i nderuar!

[INDRITI]

O njeri...

Mendo mbi fjalët e Allahut të Lartësuar: “Vërtet ka qenë dikur një periudhë kur njeriu nuk ekzistonte fare si diçka e përmendur.” (el-Insan, 1)

Vështroje gjendjen tënde dhe mendo sa ka kaluar nga kjo botë, e sa i vogël je ti! A ka jetuar dikush përgjithmonë? Ajo çka ka mbetur i përngjan asaj që ka kaluar, si uji që vjen befas ujit që shkoi.
Nuhut as. i është thënë: “Si të duket kjo botë, o i Dërguari më jetëgjatë i Zotit?”. Thuhet se është përgjigjur: “Ashtu si dhoma që ka dy dyer; në njërën hyra e nga tjetra dola”.
Mendo për më pas!

Ajo cfare di per kete ngjarje eshte se ka pesuar nje aksident dhe asgje me shume, gjithesesi Zoti i falte cdo gabim dhe e perfshifte ne meshiren e tij.

[PrInCiPiEl]

'Inna lillahi wa inna ilayhi rajiun !'(Kur'an)
'Ne jemi të All-llahut dhe ne vetëm te Ai kthehemi!'


Zoti xh.sh. e shpërbleftë me xhennet.




PrInCiPiEl

[mjeshtria]

Ai ka qene nje hoxhe qe ka pasur nje botekuptim te gjere, kishe deshire te degjoje kasetat e tij. Menyra e shpjegimit te mesimeve ishin te rralla.

Fliste shpejt, me nje ton qe ulej dhe ngrihej dhe po ashtu ngrinte edhe zemrat e atyre qe e degjonin. Puna e tij me e madhe ishte ne luften ne Maqedoni ku ishte nje nder organizatoret. Nje here po degjoje nje kasete te tijin dhe ndersa erdhen disa shoke te huaj me pyeten: "Ndeshje futbolli po degjon?" Kjo sepse fliste me ze te larte dhe me emocione.

Allahu e meshirofte!

[bOndi_oo7]

Allahu xh.sh e shperblefte me xhennet per te gjith ate cka beri per Islamin dhe per popullin e tij.

[StormAngel]

E kam ndjekur ne televizor disa here hoxhe Jakupin dhe pajtohem me mendimin qe menyra e sqarimit te Imanit nga ana e tij ishte fenomenale.
Me vjen keq per kete lajm. Allahu ia lehtesofte dheun dhe e shperblefte ne boten tjeter inshallah.

[Davius]

Jakup Asipit ka qene nje ligjuerues dhe teolog teper i madh, e kam njohur per se afermi.

Ka qene nje njeri qe ne quanim "Enciklopedia që ec", sepse ishte aq i pajisur me njohuri nga shume sfera te jetes sa qe kush e degjonte per here te pare mahnitej nga diapazoni i tij i gjere dijesh.

Vdekja e morri me vete, vertete dhimbja eshte e madhe per te gjithe, por besojme thelle se atje do te gjene rrehatine e shpirtit.

U prifsh ne paqe, i shume dashuri jone!

[Arioni]

Selam Alejkum

Kush nuk ka pasur mundësi ta ndëgoj dersin e hoxhes Sadullah Bajrami kushtuar hoxhes Jakup Asipit (rahimehullah), mund ta ndëgjoni duke e shkarkuar këtu:

http://s50.yousendit.com/d.aspx?id=0...T1SLG6DQISWUK6

[drita]

Allahu e meshirofte, dhe na takofte me te ne xhennet, ndersa familjes ia lehtesofte dhimbjen.
O Allah na e merr shpirtin duke qene muslimane