Presidenti Topi dekreton ligjin e regjistrimit te popullsisë, fillon 1 tetor 2011

[Korcar-L1]

Regjistrimi i popullsisë në 2011-n. Edhe përkatësia etnike e fetare

TIRANË- Për herë të parë, regjistrimi i popullsisë shqiptare do të përfshijë përkatësinë etnike dhe atë fetare. Lajmin e ka dhënë pak më parë ministri i Shtetit, Genc Pollo, i cili ka deklaruar se regjistrimi i përgjithshëm i popullsisë do të bëhet në vitin 2011.


Pollo ka theksuar se "regjistrimi i popullsisë dhe banesave është një aktivitet i rëndësishëm që qeveria do marrë në vitin 2011, që i shërben të gjithëve dhe jep panoramë të zhvillimeve sociale e ekonomike në vend".


Sipas tij, pas kësaj procesi do të bëhet një politikë më e drejtë në shpërndarjen e parave dhe përdorimin e tyre me efektivitet. "Risi e pyetësorit është që përmban përkatësinë etnike dhe fetare. Regjistrimi do të realizohet në mënyrë profesionale, realizuar nga INSTAT dhe me mbështetjen e ekspertëve nga BE dhe ndërkombëtarët"- tha ai, duke shtuar se regjistrimi do të kushtojë shumë, por është i rëndësishëm pasi sjell një bazë të rëndësishme të dhënash.

shekulli

[Nice_Boy]

TIRANE-Ministri i Shtetit Genc Pollo ka lajmëruar sot ngritjen e një Komisioni Kombëtar për regjistrimin e popullsisë mbi baza etnike dhe fetare.
Tashmë, me këtë vendim, per here te pare Shqipëria do të rregjistrojë popullsinë e saj mbi përkatësinë etnike dhe atë fetare.
Komisioni Qendror për Regjistrimin e Popullsisë dhe Banesave (REPOBA) ka nj përbërje prej 12 ministrash e specialistë të fushës. Ky komision që u mblodh sot nën kryesimin e Ministrit të Shtetit, Genc Pollo, ka si detyrë drejtimin e Regjistrimit të Përgjithshëm të Popullsisë dhe të Banesave të vitit 2011, i cili do të japë një pamje aktuale dhe të saktë të realitetit.
"Sot do të miratohet në parim nga Komisioni pyetësori për regjistrimin e popullsisë dhe pas një konsultimi 6-mujor do të miratohet përfundimisht. Por, risia këtë vit në këtë pyetësor është se përmban, për herë të parë pas shumë dekadash, përkatësinë etnike dhe fetare”, veçoi ministri, sipas të cilit, ky proces do të kryhet në mënyrë shumë profesionale, i menaxhuar nga INSTAT dhe me një mbështetje të madhe ekspertësh nga BE dhe agjenci të tjera ndërkombëtare.
Ministri Pollo ka theksuar se ky regjistrim do të nisë më 2011, pra pas më shumë se një viti. Sipas tij kjo menyre regjistrimi perben dhe nje standart europian.
“Kjo mënyrë regjistrimi do të bëhet për herë të parë në vendin tonë. Ky është një standard evropian, i cili i shërben respektimit të pakicave. Risia këtë vit është që përmban për herë të parë pas shumë dekadash regjistrimin mbi baza etnike dhe fetare. Regjistirimi do të bëhet absolutisht në mënyrë profesionale nga Instituti i Statistikave i mbështetur edhe nga ekspertë evropianë”, u shpreh Pollo.
Që prej Regjistrimit të Popullsisë dhe Banesave në Shqiperi të vitit 2001, kushtet politike, ekonomike dhe sociale në vend kanë ndryshuar, falë procesit të zhvillimit social-ekonomik të vendit. Lëvizja e vazhdueshme migratore e popullsisë nga zonat rurale drejt atyre urbane, por edhe në drejtim të vendeve të tjera, ka sjellë lëvizje demografike të mëdha dhe në ndryshim të të dhënave statistikore.
Me këtë vendim, në Shqipëri do të regjistrohet për herë të parë popullsia mbi baza fetare dhe entike, për të cilat shumë studiues kanë abuzuar jo pak gjatë dekadave të fundit, si për minoritetin ashtu për përkatësinë fetare.
Sipas qeverise, qëllimi kryesor i Regjistrimit të Popullsisë është të japë një panorame aktuale dhe të saktë të realitetit demografik, ekonomik dhe social në vend. Por, në rastin e Shqipërisë, Regjistrimi duhet të jetë gjithashtu një pikënisje për një sistem të qëndrueshëm të statistikave aktuale të popullsisë sipas vrojtimeve. Regjistrimi i Popullsisë do të jetë një investim i rëndësishëm afat-gjatë në të gjithë sistemin statistikor të vendit përsa i përket kapacitetit dhe ndërtimit institucional. Projekti i Regjistrimit ka për qëllim sigurimin e informacionit bazë, në formën e të dhënave elektronike individuale, të cilat janë thelbësore për ndërtimin institucional, zhvillimin demokratik dhe qeverisje të mirë të Shqipërisë.
Ky projekt financohet kryesisht nga Qeveria Shqiptare si edhe nga disa donatorë të ndryshëm si, Komisioni Evropian nëpërmjet IPA, UNFPA, UNDP dhe Statistikat Suedeze etj.
Buxheti total është parashikuar në vlerën prej afro 15 milionë euro, ku Qeveria Shqiptare mbulon rreth 5 milion, IPA 8 milion, UNFPA 1 milion euro, si dhe financime të tjera të UNDP dhe Statistikat Suedeze etj.
Regjistrimi i popullsisë mbi baza etnike dhe fetare është kundërshtuar nga politikanë dhe akademikë, pasi i druhen faktit se shumë shqiptarë mund të braktisin kombësinë, pasi marrin pension nga qeveria greke.
Greqia pretendon se në jug të Shqipërisë jetojnë dhjetra mijëra minoritarë grekë, ndërkohë që autoritetet shqiptare thonë se ky numër është më i vogël.
Me këtë regjistrim, nëse nuk abuzohet, do të dihet përfundimisht përqindja e përkatësisë fetare dhe etnike e popullsisë.
(d.b/BalkanWeb)

[xfiles]

si do jene pyetjet,
te hapura apo me zgjedhje,
psh, do kete nje liste me fete e mundshme, apo do mund ta deklarosh lirshem besimin e sakte.
Do jemi te detyruar te zgjedhim patjeter nje fe, apo mund te deklarohemi se nuk kemi fe, ose kemi nje fe qe nuk e ka askush tjeter, ose qe besojme sipas menyres tone,
ose qe besojme tek hena, dielli, druri e guri, etj etj.
Po nese deklaroj se i perkas nje feje te caktuar, a do jem i detyruar ta mbaj me tutje, apo do mund ta ndryshoj kur te dua? Per kete duhet te marr çertifikate dhe ta çoj tek gjendja civile?
na sqaroni pak.

me duket shume gje e neveritshme regjistrimi i popullsise ne baze fetare,
ndryshe eshte statistika apo sondazhi mbi besimet, dhe ndryshe eshte te rregjistrohesh zyrtarisht me nje fe te caktuar.

[arbereshi_niko]

Pyetjet jane te qelluara..., por qe eshte e drejte te deklarohen nje here e mire..., keshtu te mos abuzoj njeri me o pa dashje me statistika jo reale.
Ketu nuk perjashtohet mundesia te mbetet njera pale e zhgenjyer o te gjitha palet se bashku..., por kjo eshte tjeter pune, me sa di e gjithe bota e zhvilluar ka statitika si kjo, por nuk me duket nje shkelje lirie, e kunderta, pastaj askush nuk do te regjistrohet pa deshire dhe bindje te plote...,mund te zgjedhe edhe guret dhe druret per "interlokutore o ndermjetesore".
Le te behet..., nje liri me shume per shqipon..., boll na i beri bota statistikat!

[ajzberg]

si do jene pyetjet,
te hapura apo me zgjedhje,
psh, do kete nje liste me fete e mundshme, apo do mund ta deklarosh lirshem besimin e sakte.
Do jemi te detyruar te zgjedhim patjeter nje fe, apo mund te deklarohemi se nuk kemi fe, ose kemi nje fe qe nuk e ka askush tjeter, ose qe besojme sipas menyres tone,
ose qe besojme tek hena, dielli, druri e guri, etj etj.
Po nese deklaroj se i perkas nje feje te caktuar, a do jem i detyruar ta mbaj me tutje, apo do mund ta ndryshoj kur te dua? Per kete duhet te marr çertifikate dhe ta çoj tek gjendja civile?
na sqaroni pak.

me duket shume gje e neveritshme regjistrimi i popullsise ne baze fetare,
ndryshe eshte statistika apo sondazhi mbi besimet, dhe ndryshe eshte te rregjistrohesh zyrtarisht me nje fe te caktuar.

Rendesi ka qe ne pashaporte te mos na cilesojne ;i krishter,musliman,henor,diellor,gurali apo druvarli....................

[brooklyn2007]

Me siguri do te dale nje statistike shuuuum interesante

[Kavir]

Normalisht kjo eshte gomarllek. Idiotesia me e madhe eshte qe sot te besh sondazh fetar.
Une sot jam ateist neser behem Deshmitar i Jehovait dhe ne prill shkoj festoj Pashket tek Xhamia e Ethem Beut. Atehere cfare vlere do kete ky sondazh?

Por ne fakt nuk eshte gomarllek. Se dihet si do dale ky sondazh. Do dalin nja 40% orthodhokse. Se gjithe bektashinjte e jugut do na dalin "orthodhokse" dhe pastaj s`ka nevoje per shume mend. Ne Konferencen e Paqes ne Paris ne `46 teza e delegacionit grek ishte shume e qarte "Orthodhokset jane greke, ku ka kisha eshte Greqi".
C`jane emigrante ne Greqi i ke 100% orthodhokse. Pa diskutim edhe gjithe 300-euroshat Vetem te kene kujdes keta sondazhistet te mos i pyesin cfare jane Pashket se do u pergjigjen "Festa e Sulltan Novruzit".

[brooklyn2007]

Une sot jam ateist neser behem Deshmitar i Jehovait dhe ne prill shkoj festoj Pashket tek Xhamia e Ethem Beut. Atehere cfare vlere do kete ky sondazh?

Ka vlere deri ne sondazhin pasardhes. Une them qe ky sondazh duhej bere prej kohesh, pasi Shqiperia ka nevoje per qartesi kur vihet ne diskutim diversiteti fetar dhe etnik. Pas rezultateve te sondazhit nuk do kete me rrumpalle shifrash per X apo Y minoritet etnik dhe grup fetar.

[oliver55]

Sipas Ministrit të Shtetit, popullsia shqiptare përmes një pyetësori do të regjistrohet mbi baza etnike dhe fetare
TIRANË - Popullsia shqiptare për herë të parë do të regjistrohet mbi baza etnike dhe fetare. Kjo u bë e ditur dje nga ministri i shtetit, Genc Pollo, i cili kryesoi mbledhjen e komisionit Qendror për Regjistrimin e Popullsisë dhe Banesave, që do të kryejë edhe regjistrimin e popullsisë mbi baza etnike dhe fetare.
Pyetësori që përbën elementët ku do të bazohet regjistrimi i popullsisë, u miratua dje në parim, ndërsa vetëm pas një konsultimi 6-mujor, do të marrë edhe miratimin përfundimtar. Lidhur me këtë pyetësor, ministri i Shtetit, Genc Pollo theksoi se risia e pyetësorit, është se pas shumë vitesh, ai përfshin përkatësinë etnike dhe atë fetare. "Sot do të miratohet në parim nga Komisioni pyetësori për regjistrimin e popullsisë dhe pas një konsultimi 6-mujor do të miratohet përfundimisht.
Por risia këtë vit në këtë pyetësor është që përmban, për herë të parë pas shumë dekadash, përkatësinë etnike dhe fetare. Ky proces do të kryhet në mënyrë shumë profesionale, nga INSTAT dhe me një mbështetje të madhe ekspertësh nga BE-ja dhe agjenci të tjera ndërkombëtare. Është një operacion që vërtet kushton shumë financiarisht, por na jep një bazë të dhënash deri tani të padisponueshme dhe të domosdoshme për të ecur përpara", - tha dje Pollo.
Sipas Komisionit Qendror për Regjistrimin e Popullsisë dhe Banesave, një nga synimet kryesore të regjistrimit të popullsisë, duke u bazuar në elementët e sipërpërmendur, është edhe krijimi i një realiteti demografik, ekonomik dhe social të saktë.
Krijimi i realitetit demografik të saktë, sipas drejtuesve të Komisionit, është mjaft i nevojshëm, duke parë se, që prej Regjistrimit të Popullsisë dhe Banesave në Shqipëri të vitit 2001, ka pasur lëvizje të vazhdueshme të popullsisë nga zonat rurale drejt atyre urbane, por edhe në drejtim të vendeve të tjera.
Këto lëvizje kanë sjellë ndryshime demografike të mëdha, njëkohësisht ndryshime të të dhënave statistikore. Projekti i Regjistrimit, synon gjithashtu edhe sigurimin e informacionit bazë, për të dhënat elektronike individuale të qytetarëve shqiptarë, që do të regjistrohen mbi bazën përkatësisë etnike dhe fetare. Por, regjistrimi po shikohet edhe si një pikënisje për krijimin e një sistemi të qëndrueshëm të statistikave që disponohen aktualisht për popullsinë e vendit tonë.
Projekti për regjistrimin e popullsisë dhe banesave në bazë të përkatësisë etnike dhe fetare, financohet nga qeveria shqiptare si edhe nga disa donatorë të ndryshëm siç janë Komisioni Evropian nëpërmjet IPA, UNFPA, UNDP dhe Statistikat Suedeze etj.
Buxheti total për këtë projekt, është parashikuar në vlerën prej afro 15 milion euro, ku qeveria shqiptare mbulon rreth 5 milionë, IPA 8 milionë, UNFPA 1 milion euro si dhe financime të tjera të UNDP-së dhe Statistikat Suedeze etj. Ndërkohë, Komisioni Qendror për Regjistrimin e Popullsisë dhe Banesave (REPOBA), përbehet nga 12 ministra, si dhe zyrtarë e specialistë të fushës. Detyra e këtij komisioni është të drejtojë Regjistrimin e Përgjithshëm të Popullsisë dhe të Banesave të vitit 2011.

[darwin]

Po kur ndonjërit t'i mbushet mendja të ndryshojë fenë ose të mbesë fare pa një idiotësi të tillë, si do pasqyrohet te "statistikat"?