Presidenti Topi dekreton ligjin e regjistrimit te popullsisë, fillon 1 tetor 2011

[MaDaBeR]

Bajram Peçi

2011-02-15

Jo pa habi lexova në “Shqip” komunikimin që Dritan Hila bënte me lexuesit e shumtë të tij, nëpërmjet artikullit “‘Non Grata’ konsulli grek jo unë”, bën të njohur se më 14 shkurt do të dilte para Komisionit të Gradave dhe Disiplinës së Ministrisë së Jashtme, si i akuzuar as më pak e as më shumë, por për prishjen e marrëdhënieve me Greqinë. Si diplomat nuk e njoh, por ata që kanë punuar me të thonë, pa i lënë vend hamendësimit, se është një nga nëpunësit e karrierës më të shquar në brezin e tij. Si opinionist, në respekt të Dritan Hilës, të lexuesit, por dhe të vetvetes, më duhet të them që në fillim se ai përbën sot një nga zërat më të njohur të shtypit të shkruar, i guximshëm në përmasat e çështjeve që shtron, i ditur e mjaft tërheqës në temat me karakter enciklopedik, i qartë në gjërat që thotë e shkruan. Atëherë, ku janë shkaqet e qëndrimit armiqësor ndaj tij? Pse artikujt e çështjet që trajton në to nuk u shkojnë për hosh drejtuesve të dikasterit? Mos vallë qëndrimet dukshëm atdhetare i shkelin në kallo ndokujt?! Metodat e turpshme administrative të atyre që orvaten të vënë para përgjegjësisë ata që u çjerrin maskën përkrahësve të Megalidhesë, të atyre pak zërave që ngrihen me guxim për të mbrojtur kombin, për të protestuar ndaj statusit poshtërues në marrëdhëniet Greqi-Shqipëri, kanë për qëllim jo vetëm t’i pengojnë, jo vetëm t’i trembin, por edhe t’i ndëshkojnë. Si ndëshkim, këta tradhtarë të interesave kombëtare, përdorin rëndom largimin nga puna me motivacionin “Shkelje e rëndë dhe sistematike e disiplinës në punë”, që s’ka gjykatë që e merr vesh, por më së miri e kupton populli i ngratë, që me qashtërsinë e pastër të fëmijës kupton se është kjo shëmti një nga arsyet që i shtyn njerëzit e thjeshtë të arrijnë në përfundimin se “Ky vend nuk bëhet”.

Në një Ministri të Jashtme, mbushur dëngazi me fanatikë partiakë, tani të PD-së e LSI-së dhe gjashtë vjet përpara të PS-së, të dalë nga një arsimim gjysmak, të pakujdesshëm e të aftë për ta gremisur shtetin në vendimmarrje të papërfytyrueshme, siç ishte ajo e kufijve detarë, që mund të çojë në dëshpërim këdo, mbajtja e njerëzve të ditur si Dritan Hila, në vend që të trajtohen si ujët e pakët, stonon. Ndaj nuk çuditem kur marr vesh se “djalli”, me synim marrjen e nderit të atyre që vihen në mbrojtjen e dinjitetit kombëtar, ngarkon atë, Komisionin e Disiplinës, të thërrasë në raport D. Hilën për artikujt e tij. Mungesa e arsimimit dhe e përvojës, jo vetëm për Ministrinë e Jashtme, por përgjithësisht për tërë administratën e lartë shtetërore, ka kohë që është zëvendësuar me tesera partie. Këta aparatçikë, të cilët mbajnë poste me vlerën e vetme se kanë drejtuar organizatat e partisë në bazë dhe kanë njohje me shefat dhe kjo Ministri e Punëve të Jashtme, me një ministër pa përvojë, le të themi të marrë nga rruga, meqenëse nuk mund të ketë në drejtim njeriun e ditur, Dritan Hilën, ministër ose zëvendës, në vend ta marrë të paktën si këshilltar e ta mbajë pranë që të mësojë ndonjë gjë prej tij, po rreket që ta heqë fare ose ta ndëshkojë. Të gjithë ato që ti lexues sheh në këtë vend, përzierja e varfërisë me dukuritë e rëndomta të korrupsionit, e shtyjnë forcën e arsyes t’i shohë me dyshim e përçmim këto komisione ndëshkimore. Një nga të metat e mëdha të administratës sonë është paaftësia për të bërë punë që kërkojnë vendosmëri e përqendrim, por kjo e metë merr një karakter edhe më serioz, kur njeriu i sheh gjërat nga larg në kohë. Të gjithë e dimë se ato lajthitë që ka shtruar si detyrë Kryeministri nuk do të mbillen, ashtu siç nuk u mbollën 2 milionë rrënjët e ullinjve e siç nuk u emetua monedha për 100-vjetorin e Nënë Terezës, për të cilat ka vendime të Këshillit të Ministrave. Mjaftojnë këta dy shembuj banalë të nxjerra nga vendimmarrjet e vitit 2010, për të nxjerrë përfundime se në administratën tonë shtetërore kanë ngelur individë më poshtë se mediokër. Kaq politike e pavlerë kanë qenë zgjedhjet e njerëzve që kanë përbërë diplomacinë në këto 20 vjet, sa mjafton të gërvishtësh paksa në histori dhe sheh se shumica e tyre, pas një shërbimi 4-vjeçar në ambasadë, nuk është kthyer më në Shqipëri, por familjarisht kanë zgjedhur të rrinë në shtetin ku ishin me shërbim. Hë, ç’i thonë kësaj, pos një pellg i qelbur shoqërie e administrate, ku askujt nuk i shkon nëpër mendje për të lëshuar rrënjë të mjaftueshme në karrierë, por me sa të mundet e me përdorimin e tërë mjeteve të arrijë qëllimin e pasurimit të shpejtë, qoftë kjo edhe e ndërtuar në kurriz të dinjitetit kombëtar.

Ju, punonjës të ministrisë e anëtarë të Komisionit të Gradave e Disiplinës, mos mendoni se Dritan Hila nuk e di e nuk e njeh rrugën e shtigjet e pista morale se si bëhet karrierë, siç bën shumica e lakenjve që kanë mbushur zyrat e shtetit! Ai i ka pasur të gjitha rrugët e hapura për të zënë pozita në administratën e lartë shtetërore e në Ministrinë e Jashtme, sepse ka dije, ka përvojë, ka kulturë, ka një staturë fizike për t’ia pasur zili, por kjo rrugë për të bërë karrierë atë nuk e ka tërhequr. Dritani ka zgjedhur para karrierës misionin e punës e luftës për lirinë e fjalës e dinjitetin e Shqipërisë. Po, pse atëherë e thërrisni Dritan Hilën në raport? Nxora dhe shfletova 4-5 artikujt e fundit që D. Hila ka botuar në muajt janar e shkurt në “Shqip”. Njëri më brilant se tjetri. Çdo lexues i kapërdin frazat e ndërtuara prej tij, në funksion të çështjeve që shtron, me ëndje. Larg qoftë, mos e keni ndjerë veten të ofenduar se ju a ka quajtur atë djallin, konsullin grek në Korçë “Diplomati me xhup”! Mos na thoni që ju ka ofenduar konsullin! Se mos na thoni se e ka quajtur të parin e kishës së Fan Nolit në Shqipëri “Uzurpator”! Edhe vetë ai, që rrethanat e tij politike e personale, bën që të jepte pëlqimin për të vendosur në krye të Kishës Ortodokse Shqiptare grekun Janullatos, tashmë e di se çfarë gafe ka bërë. Shqiptarët, ortodoksë e jo ortodoksë, të mbërthyer në një atmosferë të tendosur pritje për ndërrimin e kreut, sipas statutit, edhe kur kjo të ndodhë, nuk do jenë në gjendje të rindërtojnë strukturën hierarkike kishtare, tashmë vërtet e uzurpuar. Ajo pothuajse ia ka mbërritur në atë që propaganda e vjetër greke këmbëngultazi pohonte se çdo besnik i kishës së Lindjes, pa marrë parasysh kombësinë e tij, është grek. Shembujt më domethënës janë heshtja e Hirësisë së Tij, Janullatos, që fshihet nën petkun e gjatë e të zi dhe mjekrës që madhërisht i qëndron nën formën e jakës me pala, që vë përballë heshtjen e shurdhër ndaj deklaratave të paturpshme të konsullit grek në Korçë; reagimi i komunitetit me aq privilegje në Shqipëri, atij vlleh dhe ortodoksët shqiptarë të Korçës, dikur ajka kombëtare e mëmëdheut, sot një trup pa personalitet as kishtar e aq më pak qytetar. Brezi i ri në Korçë, nëpërmjet lëvizjes “Mjaft!” që bëri një protestë të vakët, që gjithsesi duhej, por së pari, ky brez duhet të dijë më shumë për historinë tonë me grekët. Ndonëse aspirata kombëtare është të shohim të ardhmen në Europë, kjo s’do të thotë se nuk duhet të dimë mirë historinë tonë me Greqinë e Kishën e saj. Kush dëshiron, thoshte Konica të kuptojë konfliktin e tanishëm me Greqinë, nuk duhet të rrijë pa i hedhur një sy librit të Mis Durhamit “Njëzet vjet ngatërresa ballkanike”, ku një kapitull i tërë i kushtohet raportimit të masakrave greke mbi popullsinë shqiptare. Të shprehura dhe të sendërtuara në fjalë, këto mbresa e krime janë të ngulitura fort në ndërgjegjen kombëtare dhe nuk zbehen dot, edhe nëse ai Komisioni i Ministrisë së Punëve të Jashtme ndëshkon ata që i kujtojnë. Ata, administratorë të këqij, ndonëse të përkohshëm në detyrat e tyre, ndonëse e dinë se Greqia shfaq hapur si të vetën ofertën për BE dhe vend e pa vend na e kujton, me rast e pa rast, se na ka peng me votën e saj për anëtarësimin tonë në Europë, se na ka peng (mendon Greqia), për shkak të emigracionit shqiptar në Greqi, kujtojnë se me qëndrimet e lëshimet e tyre ndihmojnë miqësinë. Dhe të gjitha këto oferta e lëshime djallëzore, duhet t’i kapërdish me seriozitet. Këtu ndryshon edhe mënyra se si njeriu i sheh gjërat. Nga njëra anë, molepsja e përgjithshme që vihet re në administratën e Ministrisë së Jashtme dhe politikën servile, se nuk duhet lejuar(?!) asnjë shprehje e qëndrim që dëmton marrëdhëniet me Greqinë, gjë që u duk edhe në Komisionin e Jashtëm të Parlamentit dhe nga ana tjetër, mendjet e kthjellëta që i shohin qartazi varrezat greke si piramidat e reja të kufirit që ndajnë Shqipërinë me Greqinë; që i shohin lëshimet radhazi që u bëhen grekëve si marrje nëpërkëmbë të nderit tonë; që i shohin shkollat greke në Korçë si përdhosje të kujtimit të Petro Nini Luarasit; që i shohin pozitat zotëruese të kapitaleve greke në ekonominë shqiptare si sundim politik. Është vendi dhe rasti të cilësoj se ata ushtarë grekë që prehen në altarin e lavdisë si heronj në Këlcyrë, të rënë në luftë me Italinë, dogjën e shkrumbuan shtëpinë e atit tim e 500 shtëpi të tjera të fshatit Kuç të Kurveleshit, përpos masakrave mbi popullsinë, e cila u detyrua që të strehohej e të mbrohej në fshatin e krishterë, Pilur.

Imzot, Fan Noli, në një parathënie për Konicën, tregon: “...në një mbrëmje në një kafene ‘luksoze’, të frekuentuar kryesisht nga intelektualë, shumica bejlerë, pasi kërkuan nga Konica që të jepte mendim se çfarë forme qeverisjeje do të ishte më e përshtatshme për Shqipërinë, ai foli dy orë rresht për formën parlamentare të shtetit anglez, duke u përqendruar më tepër në shpjegimin e pikave kryesore të një kushtetute demokratike. Kur e mbylli bisedën, një bej injorant e pyeti: “Faik bej, çfarë është vallë kjo kushtetutë?” Konicës filluan t’i nxirrnin sytë xixa nga inati. Mori kapelën dhe duke dalë nga dera i tha: “E kam fajin unë vetë që humb kohën kot me një gomar shoqin tuaj”.

Urimet më të mira Dritan Hila. Mos u tërhiq nga e vërteta. Ju keni ndihmuar me qëndrimin e artikujt tuaj shumë e shumë më tepër nga sa bën i gjithë aparati i ministrisë. Edhe në u marrtë ndonjë “masë ndëshkimore”, njëherazi, lexues, aparat ministrie dhe dashamirës, e marrin vesh se kush e përplasi derën kaq pa edukatë. Bota është e trimave.

"Gazeta Shqip"

[Ziti]

sa me shume greke te kete ne shqiperi aq me mire do behet.

[iliria e para]

Imzot, Fan Noli, në një parathënie për Konicën, tregon: “...në një mbrëmje në një kafene ‘luksoze’, të frekuentuar kryesisht nga intelektualë, shumica bejlerë, pasi kërkuan nga Konica që të jepte mendim se çfarë forme qeverisjeje do të ishte më e përshtatshme për Shqipërinë, ai foli dy orë rresht për formën parlamentare të shtetit anglez, duke u përqendruar më tepër në shpjegimin e pikave kryesore të një kushtetute demokratike. Kur e mbylli bisedën, një bej injorant e pyeti: “Faik bej, çfarë është vallë kjo kushtetutë?” Konicës filluan t’i nxirrnin sytë xixa nga inati. Mori kapelën dhe duke dalë nga dera i tha: “E kam fajin unë vetë që humb kohën kot me një gomar shoqin tuaj”.

.....................................

[mal]

Për Albon
Në vendet evropiane censusi i popullsisë bëhet rregullisht dhe nuk përmban të dhëna as mbi fenë dhe as mbi prejardhjen etnike. Asnjë shtet evropian nuk ka as të drejtë dhe as mundësi të pretendojë që shteti shqiptar të fusë në census prejardhjen etnike dhe fenë. Aq më pak Greqia që po përpiqet t'i imponojë shtetit shqiptar kriteret greke për përcaktimin e etnisë së shqiptarëve. (Kriteri grek është shumë i thjeshtë: janë të gjithë grekë autoktonë joshqiptarë me të drejta për dokumenta homogjeni për të lëvizur lirisht, për të punuar në Greqi dhe për pensione: banorët e zonave që sipas grekëve janë “vorio-epir”, ortodoksët e çdo zone të Shqipërisë që e dëshirojnë, vllehët e çdo zone të Shqipërisë që e dëshirojnë, farefisi i ortodoksëve, i vllehëve etj)

Spekullimet mbi “muslimanizmin” e Shqipërisë janë bërë dhe bëhen vetëm nga një shtet si Serbia që nuk është në komunitetin evropian dhe nga ndonjë person i ndonjë shteti evropian që përfaqëson vetëm vetveten. Pra, për momentin, asnjë shtet i komunitetit evropian, as shteti grek nuk ka shfaqur ndonjëherë qëndrime si të tuat në lidhje me “rrezikun islamik” shqiptar.
Nuk mund të mohohen spekullimet në nivelin e gazetave dhe në terren për të paraqitur Shqipërinë si “jo-imune” nga rreziku islamik, por asnjë shtet evropian nuk mund të quhet imun dhe, vetëm në Londër gjen më shumë shtetas anglezë që shprehen se dëshirojnë shahrian sesa në të gjitha trojet shqiptare së bashku...

Pra,
janë gënjeshtra pretendimet se në shtetet evropiane i kërkohet çdo shtetasi të shprehë në census përkatësinë etnike dhe fenë.

janë gënjeshtra pretendimet se Evropa kërkon që Shqipëria të regjistrojë fenë e shqiptarëve (me përjashtim të shtetit falimentar grek), për më tepër me qëllim të bindet për parrezikshmerinë e muslimanëve shqiptarë (në asnjë dokument zyrtar të asnjë shteti evropian nuk është formuluar një broçkull e tillë).

janë gënjeshtra pretendimet se Evropa kërkon që Shqipëria të regjistrojë etninë e shqiptarëve me vetëdeklarim (me përjashtim të shtetit falimentar grek).

Gjithë të mirat
mal

[2043]

Persa i perket vetdeklarimit te kombesise, Shqiperia s'duhet te beje as me shume e as me pak se Greqia, vend i BEse, NATOs, dhe me standarte Europiane ne zbatim te te drejtave te njeriut.

Nqs Greqia e ka ne pyetesor pyetjen per kombesine, atehere edhe Shqiperia te ndjeke shembullin e saj.

Por fakti eshte qe nuk e ka, njesoj si shumica e vendeve te BEse. Ceshtja e kombesise eshte e zgjidhur nga regjistrat e gjendjes civile, nuk ka nevoje per shpikje te tipit "vetdeklarohuni" si ndiheni, grek, vlleh apo shqiptar.

Une ndihem AMERIKAN.

Kur te me vije formulari, do vetdeklarohem amerikan dhe do mar kombesi dhe shtetesi amerikane.
Nje komshiu im u vetdeklarua kinez.
Tani ate nuk e prek dot me dore se hapet lufte me Kinen.

[MaDaBeR]

Me ne fund nje lajm i mire. I cili, per fat te keq nuk eshte mare nga udheheqesit Shqiptare, por nga nderkombetaret, me sakstesisht nga Gjykata e Hages.

Gjykata e Hages, i ka kerkuar Gjykates Kushtetuese ne Shqiperi te shfuqizoje ligjin per vetedeklarimin e kombesise, me arsyen sepse kjo e fundit nuk eshte e detyruar te deklarohet por verifikohet ne baza e fakte Historike.

Tani pritet qe te shikojme ç'qendrim do te mbaje Gjykata jone Kushtetuese. Nese do mbaje vendim ne mbrojtjen e Identitetit dhe Vlerave tona kombetare, apo do te jete ne anen e shovinisteve qe kerkojne te krijojne medoemos artifica artificiale ne shoqerine Shqiptare.

Kete lajm sapo e degjova nga Top Channel

[Korcar-L1]

Me duket ironike kur disa ketu alarmohem se shume veta mund te deklarohen greke (te nje kombesie jo shqiptare), kurse nje deklarim si psh "amerikan , gjerman etj" nuk u ben pershtypje lol Me duket sikur me shume therresin nga xhelozia se sa nga qe i ha meraku per vendin.

Imzot, Fan Noli, në një parathënie për Konicën, tregon: “...në një mbrëmje në një kafene ‘luksoze’, të frekuentuar kryesisht nga intelektualë, shumica bejlerë, pasi kërkuan nga Konica që të jepte mendim se çfarë forme qeverisjeje do të ishte më e përshtatshme për Shqipërinë, ai foli dy orë rresht për formën parlamentare të shtetit anglez, duke u përqendruar më tepër në shpjegimin e pikave kryesore të një kushtetute demokratike. Kur e mbylli bisedën, një bej injorant e pyeti: “Faik bej, çfarë është vallë kjo kushtetutë?” Konicës filluan t’i nxirrnin sytë xixa nga inati. Mori kapelën dhe duke dalë nga dera i tha: “E kam fajin unë vetë që humb kohën kot me një gomar shoqin tuaj”.

Mere me mend se cfare lloj intelektualesh kishim.......

[Korcar-L1]

Me ne fund nje lajm i mire. I cili, per fat te keq nuk eshte mare nga udheheqesit Shqiptare, por nga nderkombetaret, me sakstesisht nga Gjykata e Hages.

Gjykata e Hages, i ka kerkuar Gjykates Kushtetuese ne Shqiperi te shfuqizoje ligjin per vetedeklarimin e kombesise, me arsyen sepse kjo e fundit nuk eshte e detyruar te deklarohet por verifikohet ne baza e fakte Historike.

Tani pritet qe te shikojme ç'qendrim do te mbaje Gjykata jone Kushtetuese. Nese do mbaje vendim ne mbrojtjen e Identitetit dhe Vlerave tona kombetare, apo do te jete ne anen e shovinisteve qe kerkojne te krijojne medoemos artifica artificiale ne shoqerine Shqiptare.

Kete lajm sapo e degjova nga Top Channel

I detyruar ishte deklairimi i kombesise? une e dija se ishte fakultative

[Traboini]

Jam e sigurte se muslimanet shqiptare do te deklarojne fene e tyre dhe kombesine shqiptare,kjo ka shume rendesi Albo.
Lufta qe behet sot kunder muslimaneve nuk eshte lufte kunder fese islame , por lufte kunder vete shqiptareve. Jam e bindur plotesisht se qenja me shumice muslimane e shpetoi Shqiperine nga copetimi i metejshem ne vitin 1913. Sot kur shqiptaret per turpin e tyre kane mohuar kombesine e tyre dhe jane bere grek rreziku ndaj copetimit eshte shume i madh.
Kush nuk e sheh kete rrezik i placin syte.

Une nuk e di se ku i merr referencat historike ti, por ne baze te asaj qe thote ne mes tjerash edhe "Histori e Shqiperise", e publikuar nga Akadamia e Shkencave te Shqiperise shihet qartasi se coptimi i trojeve shqiptare u be mu per faktin se shumica e shqiptareve ishin muslimane. Faktori kryesor i ndalimit te shkatrrimit total ishte influenca orthodokse ne jug, ne Amerike, Bukuresht etj si dhe kleri katolik i Shkodres me zonat katolike te veriut qe i kishte marre austro-hungaria ne mbrojtje. Nuk eshte e rastit qe Shqiperia prezentohej ne Paris e Londer nga Gjergj Fishta dhe Luigj Bumci, te dy klerik katolik. Tajar Zavalani ne "Histori e Shqipnise" e thot troc, se po te ishte populli shqiptar i krishtene nuk do te coptohej si u coptua. Pra leje historine qe ta meson hoxha i katundit dhe lexo histori serioze....

[Albo]

Në vendet evropiane censusi i popullsisë bëhet rregullisht dhe nuk përmban të dhëna as mbi fenë dhe as mbi prejardhjen etnike. Asnjë shtet evropian nuk ka as të drejtë dhe as mundësi të pretendojë që shteti shqiptar të fusë në census prejardhjen etnike dhe fenë. Aq më pak Greqia që po përpiqet t'i imponojë shtetit shqiptar kriteret greke për përcaktimin e etnisë së shqiptarëve. (Kriteri grek është shumë i thjeshtë: janë të gjithë grekë autoktonë joshqiptarë me të drejta për dokumenta homogjeni për të lëvizur lirisht, për të punuar në Greqi dhe për pensione: banorët e zonave që sipas grekëve janë “vorio-epir”, ortodoksët e çdo zone të Shqipërisë që e dëshirojnë, vllehët e çdo zone të Shqipërisë që e dëshirojnë, farefisi i ortodoksëve, i vllehëve etj)

Edhe ky kendveshtrim, eshte komplet i gabuar. Krahasimi i vendeve si Gjermania, Franca apo Amerika me Shqiperine eshte i pavend. Keto shtete kane disa shekuj histori. Keto vende kane arkiva shekullore ne te cilat gjen te regjistruar hyrjet ne ate vend te emigranteve nga vende te tjera. Keto vende kane dokumenta te sakta emigracioni, mbi cdo shtetas te natyralizuar te tyre ne keto dekadat e fundit.

A ka Shqiperia nje histori e tradite demokratike shekullore? Jo.
A ka Shqiperia arkiva shteterore te sakta e te plote per popullsine e saj? Jo.
A ka Shqiperia lista te sakta te banoreve qe banojne ne Shqiperi sot? Jo.

Pra te krahasosh Shqiperine me keto vende eshte i pavend. Shteti shqiptar nuk ka as shifra zyrtare se sa shqiptare kane emigruar nga vendi ne keto 20 vjetet e pluralizmit, e jo me te kete shifra per minoritetet dhe besimet fetare. Shteti shqiptar nuk ka as lista te sakta te banoreve te qyteteve te vendit, pasi levizja e lire e njerezve ne keto 20 vjet ka transformuar plotesisht harten demografike shqiptare. Shteti shqiptar nuk ka as lista te sakta zgjedhjesh, si pasoje e mungeses se ketyre te dhenave mbi popullsine e vete.

Censusin dhe numerimin e minoriteteve nuk e kerkon vetem Greqia, e kerkon edhe Turqia qe ka minoritetin e vete ne Shqiperi. E kerkon edhe Bullgaria, edhe Maqedonia, edhe Serbia, edhe Rumania, e te gjitha keto jane shtete qe kane minoritetet e tyre ne Shqiperi. Per shtetin shqiptar te mos numeroje minoritetet dhe te mohoje ekzistencen e tyre, ndikon direkt maredheniet e shtetit shqiptar me te gjitha shtetet fqinje ballkanike. Skandali me i fundit diplomatik, ishte insistimi i presidentit Topi se ne Shqiperi nuk ka "minoritet rumun" por ka vetem nje "minoritet kulturor rumun", kur presidenti Rumun i kerkoi qe shteti shqiptar te njohi ekzistencen e ketij minoriteti ne vend. Minoriteti rumun mendohet te jete minoriteti me i madh ne vend.

Ju u pelqen te flisni per "minoritetin grek", por sic ua kam bere te qarte disa here ne kete teme, minoriteti grek nuk eshte minoriteti me i madh ne vend, ai mendohet te jete i treti ne numer, pas minoritetit rumun dhe atij turk.

Ti prek edhe aspektin fetar te censusit dhe thua qe "shtetet evropiane nuk i mbledhin te dhenat mbi fene". Pergjigjia per kete eshte e thjeshte: keto shtete e keto vende kane nje tradite fetare gati uniforme e te perbashket, te gjithe ndajne nje fe. Nuk jane si Shqiperia, ne te cilin gjejme te pakten 4 komunitete tradicionale fetare dhe deri para 20 vjetesh ishte shteti i vetemshpallur ateist i botes. Por edhe evropianet, me valen e dekadave te fundit te emigranteve nga Azia, kane filluar te jene me te ndjeshem ndaj problemit fetar, dhe po bejne nje pune me te mire ne mbledhjen e ketyre te dhenave qe ne hyrje brenda territorit te tyre. Te gjitha formularet e emigracionit permbajne informacion vullnetar mbi kombesine, racen dhe fene.

Dhe pika e fundit qe duhet te kuptoni, eshte se censusi nuk mbahet pasi e kerkon BE, Greqia, apo fqinjet. Censusi mbahet pasi eshte nje nevoje akute e shtetit shqiptar dhe popullit shqiptar per te pasur te dhena te sakta mbi etnine, fene, vendodhjen e gjithe banoreve te vete. Pa kete census, pa keto te dhena, Shqiperia eshte nje han pa porta.

Une si shqiptar dua te mesoj nga shteti im te dhena zyrtare mbi te gjitha minoritetet, mbi te gjitha komunitetet fetare, mbi emigracionin, mbi levizjen e lire te njerezve brenda vendit, mbi numrin e qyteteve te medha te vendit, etj. Eshte detyra e shtetit shqiptar, qe ti mbledhi te gjitha keto te dhena, ne nje proces demokratik dhe transparent, ku mbi te gjitha respektohet liria individuale e shtetasve dhe identiteti i tyre.

Albo