Presidenti Topi dekreton ligjin e regjistrimit te popullsisë, fillon 1 tetor 2011

[Fleur Blanche]

Nëse me këto që lexon këtu, dhe me pak hapa larg sheshit Skënderbej ty megjithmend të ngjan se jeton në një shtet laik, atëher jeton në ëndrra. Sot në Shqipëri po bëhet një betejë e fortë ideologjike, që mbi baza argumentative, historike, ideologjike etj as që ka minimumin e dyshimit që e fiton orientimi pro-perëndimor, të paktën nëse duam të quhemi shqiptar akoma. Problemi është që a do e ndjekin njerëzit nga pas. Ti ke, Islamik Kosove që në vend të merren me punët e tyre, duan të islamizojnë Shqipërinë. Ky është kulmi i poshtërsisë Turkoshake që mundohet ë prishi të gjitha rraportet në Shqipërinë mëmë, dhe me paftyrsinë më të madhe, pinjollët e Osmanëve na e shesin këtë si patriotizëm.

Ti ke vetem nje te mete, qe i hiperbolizon gjerat nganjehere...
Para se te hyja ne kete forum, as qe ia kam pasur idene se ekzistonin shkrime te tilla ku thuhet se jam me pare islamist sesa shqiptar, dhe as e kam ditur qe ateistat kane mendesi ekstremiste, sepse gjithmone kam pasur pershtypjen se jane te moderuar....Arsyeja eshte e thjeshte; jetoj ne mes shqiptareve cdo dite dhe ne jeten time te perditshme keto budalliqe te tilla qe i sheh tek toleranca fetare qe nuk eshte fare e tille, jane gjera qesharake qe nuk i merr njeri seriozisht, gallate kafeneje do thosha.
Familja ime e kam thene ne vija te pergjithshme mund te thote se eshte muslimane, por as qe kane kryer ndonjehere ndonje rit fetar, as shkojne ne xhami, as jane fale ndonjehere, as kane agjeru ndonjehere, pine cdo dite vere etj etj... Dmth e kupton sesa ndikim mund te kete ne Shqiptare dogmat fetare? Madje kur kam qene adoleshente im ate ma ka ndalur te shkoja ne kulte fetare ne menyre qe te mos me shpelahej truri nga doktrina fetare. Kshu qe familjaret e mi nuk kane si deklarohen muslimane ne kete rast.
Familja ime ka ne rradhe te pare Feste me te madhe 28 Nentorin, Bajrami eshte sa per rutine. Madje i bie qe ne te festojme edhe Pashket dhe Krishtelindjet, sepse shkembejme urime dhe vizita te sinqerta e te perzemerta edhe me te krishteret dhe ortodokset qe i kemi edhe nga te aferm po ashtu edhe nga miqte tane me te mire familjare...Kjo sa per shembull te thjeshte. Kete e shoh edhe ne shume familje te tjera shqiptare, dhe indikatori qe merr ti me keta te forumit qe jane thjeshte me nje nick name, dhe qe rregjistrohen sa e sa here po te njejtet , nuk mund dhe nuk jane perfaqesues te shqiptareve. Te kam thene, nuk e mohoj se ka tendenca, kemi pase gjithmone historikisht, por kurre nuk kane per te qene te sukseshme ndaj Binjve te Shqipes. Mendo pak, kur nuk jemi asimiluar nga gjithe ato pushtime, gjithe ato padrejtesi te bera kunder Kombit Tone, si asnje tjetri ne bote, si mendon se do behet nga disa krimba te kesaj periudhe?
Sa per ate tek sheshi Skenderbej, ajo ishte politike e atij mafies antishqiptare Rames qe po i merr valixhet edhe ai, si shume te tjere qe do i shkojne pas.
Jam kunder politizimit te fese, dhe kjo puna e deklarimit fetar eshte e tille. Besimi eshte individual dhe nuk ka pse te ndikoje ne te qenurit Shqiptar apo jo.
Une vete nese do me kerkohej deklarimi i fese nuk di si te pergjigjem, sepse besimin tim personal e kam sui generis

[IllyrianPatriot]

'Yes*' problemi nuk eshte a ekziston percarje midis shqiptareve te thjesht ne jeten e perditshme qofshin ata musliman , katolik , ortodoks etc.

Problemi ketu qendron se ka organizata qe mundohen te infiltrohen ne jeten e perditshme , duke u bere nje faktor jo i deshirueshem per aspiratat e ketij vendi .

Shembull eshte ky forum , ku gjehin streh shume ekstremista fetar ( me qe nuk giejn dot hapesir diku tjeter ) , edhe propagandojne per arsyet e tyre fetare : Shamit , ndertimi i objekteve fetare , tradita arabe etc.

Kjo eshte e papranueshme , edhe te jesh e/i sigurt qe dite per dite po punojne per kete ceshtje madhore te tyre . Pra arabizimin sipas meje , ose ndryshe "fetarizimin islam sipas normave te sheriatit" .

Ekstremismi jo-fetar jone eshte si kunderpergigje ndaj ekstremizmit te tyre fetar .

[Fleur Blanche]

'Yes*' problemi nuk eshte a ekziston percarje midis shqiptareve te thjesht ne jeten e perditshme qofshin ata musliman , katolik , ortodoks etc.

Problemi ketu qendron se ka organizata qe mundohen te infiltrohen ne jeten e perditshme , duke u bere nje faktor jo i deshirueshem per aspiratat e ketij vendi .

Shembull eshte ky forum , ku gjehin streh shume ekstremista fetar ( me qe nuk giejn dot hapesir diku tjeter ) , edhe propagandojne per arsyet e tyre fetare : Shamit , ndertimi i objekteve fetare , tradita arabe etc.

Kjo eshte e papranueshme , edhe te jesh e/i sigurt qe dite per dite po punojne per kete ceshtje madhore te tyre . Pra arabizimin sipas meje , ose ndryshe "fetarizimin islam sipas normave te sheriatit" .

Ekstremismi jo-fetar jone eshte si kunderpergigje ndaj ekstremizmit te tyre fetar .

Per kete shqetesim qe ke per arabizim e turqizim e ku di une cfare mund te dali ndonje gje e re tjeter, beje gjumin si qingj i dashur, se nuk ka per te ndodhe KURRE, ta jap me firme
Po te them prap, kur Shqiptari ka mbete Shqiptar prej mijera vitesh, megjithe ate qe ka heqe Kombi Yne, kush do e bejne arabizmin , keta organizatat apo fyellat e forumit?

[Hyllien]

Ti ke vetem nje te mete, qe i hiperbolizon gjerat nganjehere...
Para se te hyja ne kete forum, as qe ia kam pasur idene se ekzistonin shkrime te tilla ku thuhet se jam me pare islamist sesa shqiptar, dhe as e kam ditur qe ateistat kane mendesi ekstremiste, sepse gjithmone kam pasur pershtypjen se jane te moderuar....Arsyeja eshte e thjeshte; jetoj ne mes shqiptareve cdo dite dhe ne jeten time te perditshme keto budalliqe te tilla qe i sheh tek toleranca fetare qe nuk eshte fare e tille, jane gjera qesharake qe nuk i merr njeri seriozisht, gallate kafeneje do thosha.
Familja ime e kam thene ne vija te pergjithshme mund te thote se eshte muslimane, por as qe kane kryer ndonjehere ndonje rit fetar, as shkojne ne xhami, as jane fale ndonjehere, as kane agjeru ndonjehere, pine cdo dite vere etj etj... Dmth e kupton sesa ndikim mund te kete ne Shqiptare dogmat fetare? Madje kur kam qene adoleshente im ate ma ka ndalur te shkoja ne kulte fetare ne menyre qe te mos me shpelahej truri nga doktrina fetare. Kshu qe familjaret e mi nuk kane si deklarohen muslimane ne kete rast.
Familja ime ka ne rradhe te pare Feste me te madhe 28 Nentorin, Bajrami eshte sa per rutine. Madje i bie qe ne te festojme edhe Pashket dhe Krishtelindjet, sepse shkembejme urime dhe vizita te sinqerta e te perzemerta edhe me te krishteret dhe ortodokset qe i kemi edhe nga te aferm po ashtu edhe nga miqte tane me te mire familjare...Kjo sa per shembull te thjeshte. Kete e shoh edhe ne shume familje te tjera shqiptare, dhe indikatori qe merr ti me keta te forumit qe jane thjeshte me nje nick name, dhe qe rregjistrohen sa e sa here po te njejtet , nuk mund dhe nuk jane perfaqesues te shqiptareve. Te kam thene, nuk e mohoj se ka tendenca, kemi pase gjithmone historikisht, por kurre nuk kane per te qene te sukseshme ndaj Binjve te Shqipes. Mendo pak, kur nuk jemi asimiluar nga gjithe ato pushtime, gjithe ato padrejtesi te bera kunder Kombit Tone, si asnje tjetri ne bote, si mendon se do behet nga disa krimba te kesaj periudhe?
Sa per ate tek sheshi Skenderbej, ajo ishte politike e atij mafies antishqiptare Rames qe po i merr valixhet edhe ai, si shume te tjere qe do i shkojne pas.
Jam kunder politizimit te fese, dhe kjo puna e deklarimit fetar eshte e tille. Besimi eshte individual dhe nuk ka pse te ndikoje ne te qenurit Shqiptar apo jo.
Une vete nese do me kerkohej deklarimi i fese nuk di si te pergjigjem, sepse besimin tim personal e kam sui generis

Un nuk i hiperbolizoj ngjarjet, ndoshta jeni ju që nuk po e merrni seriozisht trendin. Hajde të diskutojmë arësyet psikologjike të lindjes Islamike në Kosovë dhe radikalizimin e tyre. Sepse kjo temë, nuk është për Shqipërinë. Nëse po flasim për Shqipërinë të jap 95% të drejtë për ato që thua, sepse Bajramin edhe un e festoj e shumë festa që as i besoj fare, por meqë kam në fis njerëz me prejardhje të ndryshme fetare, kjo tek ne ka qënë traditë e njohur.

Në Kosovë ke një popullsi të paarsimuar, një popullsi të papunë, më të renë në Evropë dhe që vjen nga një shtypje shumë makabre sllavoorthodokse. Pra për ta, Krishter Orthodoks = Sllav dhe Krishter tjetër = Vatikan/Angli/Amerikë pak rëndësi ka. Botëkuptimi i tyre i ngushtë po kushtëzon përparimin e tyre dhe po ndikon në radikalizimin e elementit musliman. Un nuk kam asgjë kundra aleancës me Turqinë. Si shtet shumë i fuqishëm ushtarak, më mirë ta kesh mirë se sa keq muhabetin. Por diplomacia do art, do njerëz të përgatitur, do njerëz me identitet, jo puthaduarsh sic i kemi ne që i përulemi për cdo gjë. Kjo nuk ka kuptim.

Kosovarët, dhe sidomos shqiptarët e Maqedonisë vijnë nga një realitet tjetër, dhe në vend të mësojnë prej tolerancës tonë, thonë, ore ca bohet këtu kështu. Pastaj ti Yes, me sa cpo thua, je 0% muslimane, dhe po të ishe në një shtet ku zbatohet tamam Sheriati do të ishin futur dhe me gurë mirë e mirë e ta shikoje pastaj seriozitetin e ngjarjes. Me këto që thua ti, sipas metrikës që përdor 95% e botës Islame ti nuk je besimtare. Ti e ke personalizuar besimin, që është hapi i parë, prej nga ku gjenerata tjetër e familjes tuaj praktikisht do e eliminoj besimin, pasi bota perëndimore drejt asaj po shkon. Kisha po kthehet më tepër si një entitet kulturor dhe kaq. Por nuk do vdesi, dhe arësyeja pse nuk do vdesi nuk është sepse njerëzit do besojnë në zot, por sepse cdo tentacion islamizimi, sic po vihet re dhe në Evropë do provokoj një kundërrevolucion të së djathtës së re, që padyshim do e inkorporoj Kishën në platformën neokonservatore. Un kam vite që i studioj të gjitha trendet politike në Evropë, dhe i frikësohem unidimensionalitetit shqiptar, ku ndërkohë ne duhet të jemi shteti më multidimensional për nga cka kemi kaluar, që të dijmë të pozicionohemi drejt kur të lëvizin trendet jo të jemi në "limbo" gjith kohës. Faktori musliman të përdoret për të korrur fitore biznesi e sjellur punë nga njerëzit që do kenë të bëjnë me biliona besimtarë, por jo ne të kthehemi si kukulla pa pik identiteti dhe ti puthim duart pushtuesve. Kjo nuk do të thotë ti bëjmë luftë Turkut, por dreqi e mori njëriu duhet të ketë dinjitetin personal në të sjellur, jo të depersonalizohet në këtë farë feje sa ti menderosi figurat kombëtare, të ndryshoj narrativin dhe të hapi probleme koti.

Ja cbëhet këtu:
http://www.forumishqiptar.com/showthread.php?t=136257

[Fleur Blanche]

Ke te drejte ne ate qe thua, sidomos mbi Diplomacine, sepse nuk thone kot guximin nga marrezia i ndan nje fije shume holle. Po ashtu edhe per ato te tjerat ke te drejte, qe mire eshte aleanca por jo ulja e dinjitetit Shqiptar para tyre, por me duhet te jem e sinqerte qe une realitetin kosovar ne kete pikepamje qe ti shtron, nuk kam njohuri te mjaftueshme....
Ne fakt po i referohesha RSH, sepse ate realitet e njoh me mire....

p.s: Tani e pashe kete likun, katastrofe!!!!
Minjte e gjirizeve serbe, do jene duke hedhe valle.

[Genti..]

Regjistrimi etnik-fetar, Prifti ortodoks: Dënojmë Janullatos me shokë



ELBASAN – Konflikti i regjistrimit të popullsise mbi baza etnike dhe fetare ka përfshirë edhe personazhe të kishës, si At Nikolla Marku, prift i kishës ortodokse në Elbasan.

At Nikolla Marku, u shpreh sot kundër regjistrimit mbi baza etnike dhe deklaron se qarqe Greke në bashkpunim me Janullatos, Gejxh dhe Bollano po cënojnë integritetin dhe sovranitetin e shtetit Shqiptar.
“Janullatos, Bollano, Gejxh, konsulli grek në Korcë, me veprimet e tyre politike kanë konsumuar vepër penale ndaj kombit shqiptar. Kërkojmë nga organet e akuzes që ti nxjerrë para drejtësisë. Ne I dënojmë ashpër bashkëpunëtorët e këtyre qarqeve” – tha At Nikolla Marku.

(a.h/d.b/BalkanWeb)

[DARDANI.ZH]

‘Të dënohen Janullatos, Geixh, Dule e Bollano’





At Nikolla Marku, famulltari i Kishes Ortodokse ne Elbasan, duke reaguar ashper kunder regjistrimit te popullsise mbi baza etnie e feje leshon akuza ne drejtim te Anastas Janullatosit, Nikola Geixh, Vasil Bollanos dhe Vangjel dules, duke kerkuar hetim nga drejtesia per veprimtari antikombetare te tyre.

Permes nje konference per shtyp, ai ka deklaruar se Janullatos ka bërë fjalime në organizma ndërkombëtare, për gjoja mungesë të drejtash të ndryshme në Shqipëri, ka kryer veprime politike brenda kishës, organizata Omonia dhe fushata e Vangjel Dules kanë stimuluar regjistrimin fallsifikues të popullsisë e të tjerë.

“Keta persona drejtesia duhet t’i vërë përpara gjygjit, duke u dhënë dënimin e merituar”- ka thene ai, duke i akuzuar per cenim te integritetit kombetar.

Ai ka shprehur vleresim per qëndrimin e Kreshnik Spahiut, Sabri Godos, Shpëtim Idrizit e të tjerë, të cilët kanë kundërshtuar hapur veprimet që janë në dëm të sovranitetit shqiptar.

http://www.botasot.info/def.php?category=6&id=124241

[Genti..]

At Nikolla Marku në topchannel pjesa e dytë

http://www.jetvidi.net/izle/18478520...el-pjesa-e-dyt

[Albo]

Regjistrimi, AK: Peticioni në Kuvend, të mërkurën

TIRANË- Aleanca Kuq e Zi do të paraqesë të merkuren në ora 10.00 në zyrat e Kuvendit të Shqipërisë, peticionin e mijëra qytetarëve shqiptarë kundër regjistrimit mbi baza etnie e feje. Vendimi është njoftuar sot, pas asaj që ministri Genc Pollo ka sqaruar gjerë e gjatë në “Panorama” se regjistrimi do të nisë në muajin tetor.

Sipas AK dërgimi i peticionit në Kuvend është mënyra e vetme demokratike për të frenuar një proces, i cili është imponuar nga jashtë dhe ka rrezik të destabilizojë të ardhmen politike të Shqipërisë.

“Aleanca KuqeZi ka ndjekur me shqetësim të thellë deklaratën zyrtare të Ministrit Genc Pollo mbi vendimin për të mos u tërhequr nga regjistrimi popullsisë mbi bazat e vetëdeklarimit etnik dhe fetar”- thuhet në deklaratë.

Sipas AK, vendimi deklarohet në një kohë kur elita e intelektualëve shqiptarë kanë nënshkruar peticionin kundër regjistrimit etnik dhe fetar dhe kur të gjitha komunitetet fetare janë shprehur kundër këtij lloj rregjistrimi si shkak i cili mund të prish bashkëjetesën fetare.

Panorama

[Albo]

Pollo: “U vendos, regjistrimi etnik bëhet në tetor”

Në kohën kur e gjithë vëmendja politike e vendit është fokusuar te rezultati në KQZ, qeveria ka miratuar kohën kur do të bëhet regjistrimi i popullsisë. Genc Pollo, si kreu i Komisionit Qendror të Censusit (regjistrimit të popullsisë), ka shpallur vendimin se në tetor do të bëhet regjistrimi i plotë i popullsisë. Në një analizë për gazetën, ministri mbron vendimin e Komisionit dhe arsyet pse ai u shty deri në tetor. Ndryshe nga çfarë pritej dhe u komentua në muajt e mëparshëm, regjistrimi do të përmbajë sërish të tri pyetjet “provokative”. Në letrën që do të plotësojë çdo shqiptar, do të kërkohet etnia, feja dhe gjuha. Pollo konfirmon se të tria këto pyetje do të jenë opsionale, pra jo të detyrueshme për të marrë një përgjigje. Por, duket se zëri i atyre që kundërshtuan fort regjistrimin etnik, ka marrë një përgjigje, edhe pse pak evazive. Ndryshe nga regjistrimi i parashikuar në prill, Komisioni, sipas ministrit Pollo, ka vendosur të “vërtetojë” deklarimin. “Edhe ligji për censusin do të përmirësohet e plotësohet paraprakisht me normat e mbrojtjes së të dhënave personale e ndëshkim për deklaruesit gënjeshtarë”, shkruan Pollo në analizën e tij. Ndëshkimi për deklaruesit gënjeshtarë është një lloj mbrojtjeje nga frika e shkëmbimit të kombësisë, që po trumbetohet fort gjatë muajve të fundit. Sidoqoftë, ngelet për t’u parë se si do të ndryshojë ligji, se cilat do të jenë sanksionet për “gënjeshtarët”. Deri tani, një gjë është e sigurt dhe e konfirmuar nga kreu i Komisionit të Censusit: regjistrimi do të bëhet në tetor, me pyetjet për etninë, fenë dhe gjuhën.

Si ofiqari përgjegjës për censusin 2011 do të doja të njoftoja publikun e interesuar se ky numërim i popullsisë dhe banesave do të realizohet në muajin tetor të këtij viti. Do të doja të rikujtoja të gjithë se kësaj radhe synohet të vilet një sasi e një lloj informacioni shumë më i plotë e kompleks krahasuar me të shkuarën, dhe që kjo gjë do të arrihet edhe përmes përdorimit masiv të teknologjisë digjitale që zë afro 1/3-n e buxhetit. Ky informacion do të na japë një panoramë të plotë të realitetit social dhe ekonomik shqiptar, do të na bëjë më të ndërgjegjshëm për atë që jemi, pra, edhe për rrugën deri këtu ku jemi, por, sidomos do të na ndriçojë në rrugën drejt së ardhmes. Censusi do të na ofrojë të dhëna të plota e të sakta për strategji të mirëmenduara dhe do të na sigurojë para publike të mirëshpenzuara. Por, me sa kam ndjekur e prekur debatin gjatë 18 muajve të fundit mbi këtë ushtrim të madh shoqëror e shtetëror, druaj se polemika e mediatizuar do të shmangë opinionin profesional mbi natyrën e dobinë e censusit në përgjithësi dhe do të fokusohet te pyetjet “sensitive” të përfshira në pyetësor: ato mbi gjuhën amtare, përkatësinë etnike dhe atë fetare. E rimarrim këtë temë pasi njoftuam katër muaj më parë se censusi i planifikuar fillimisht për t’u mbajtur në prill 2011, u shty për më vonë, pasi nuk dukej e këshillueshme mbajtja njëkohësisht me fushatën e zgjedhjeve vendore. Sot besoj se të gjithë biem dakord se ky ishte vendimi i duhur. Gjithashtu, është momenti të rikonfirmojmë se pyetjet e mësipërme do të jenë pjesë e pyetësorit. Me veçorinë, siç e kemi sqaruar shpeshherë më parë, se këto të tria ndryshe nga pyetjet e tjera, do të jenë opsionale; pra, i anketuari mund të zgjedhë të mos përgjigjet. Edhe ligji për censusin do të përmirësohet e plotësohet paraprakisht me normat e mbrojtjes së të dhënave personale e ndëshkim për deklaruesit gënjeshtarë.
Është rasti gjithashtu, për të vënë në pah argumentet në favor të vendimit tonë, që të shqyrtuara me gjak të ftohtë, mendoj që janë më shumë se bindëse.
Së pari, ne nuk po bëjmë asgjë të re në historinë e shtetit shqiptar (edhe po të ishte kështu nuk është e qortueshme në vetvete, por, në rastin tonë, thjesht nuk është e tillë). Ju kujtoj se në periudhën midis dy luftërave botërore, në vitin 1923 dhe në vitin 1930, janë kryer dy censuset e para, të cilët kanë mbledhur të dhëna për këto çështje (prej asaj kohe i kemi ato përqindje për minoritetet etnike e komunitetet fetare, të cilat kanë mbetur po ato dhe që citohen rëndom në publicistikë). Edhe nën regjimin komunist kjo praktikë vazhdoi (duke iu përshtatur mohimit të fesë e ateizmit të imponuar që nga viti 1967) deri në regjistrimin e ’89-s, kur në krye të partisë së vetme dhe të shtetit njëkohësisht, ishte Ramiz Alia.
Së dyti, të gjitha vendet e Europës, vende ish-komuniste që tashmë janë anëtarë ose ende aspirantë të Bashkimit Europian, kanë realizuar censime të tilla, madje mes tyre edhe vende me pakica jo të vogla e me relata jo rrallë problematike si Rumania, Bullgaria e shtetet e ish-Jugosllavisë. Një shembull i freskët: Mali i Zi e nisi këtë proces pak muaj më parë pas një polemike pothuajse shkatërruese, ku u përplasën jo vetëm politikanët e Podgoricës me ambasadorin e Beogradit, por edhe Kisha Malazeze me atë Serbe, secila me pretendimet e shifrat e tyre për natyrën etnike të banorëve të vendit fqinj; por shteti malazez e realizoi censusin me këto pyetje brenda. Edhe vende të Europës Perëndimore censojnë popullsinë me të tilla pyetje (në ndonjë rast të veçantë edhe me pyetje për racën), por për vendet ish-komuniste, me sa kemi parë, ka qenë kërkesë specifike e Brukselit që ta bëjnë këtë. Këtu nuk ka pse bën përjashtim Shqipëria. Kush ka lexuar progres-raportin e 2009-s për Shqipërinë të Komisionit Europian, mund t’i kujtohet pika 2.2 në faqen 17-të, ku shënohet se “Në Shqipëri vazhdon të mos ketë të dhëna të sakta mbi minoritetet. Censusi i ardhshëm i popullsisë, duke respektuar standardet ndërkombëtare të mbrojtjes së të dhënave personale, do të jetë vendimtare për të adresuar këtë çështje”. Personalisht nuk jam partizan i qasjes, le ta bëjmë këtë se na e kërkon bota. Por kriteret, kërkesat e kushtet e BE-së, përveçse janë detyrim kontraktual i Republikës (MSA është në thelb një traktat dypalësh), në tërësi përputhen edhe me nevojat zhvillimore të vendit tonë. I shënoj këto fakte për të theksuar se kush e ka vërtet për zemër integrimin e Shqipërisë në BE, duhet të konsiderojë çfarë thuhet në radhët më lart.
Së treti, lidhur me ata që kanë kundërshtuar me shumë pasion trion e pyetjeve, do të thosha se për një pjesë të tyre kam respekt, pasi çmoj që janë intelektualisht të ndershëm dhe në gjykimin e tyre motivohen nga droja, se mos vetëdeklarimi, si metodë standarde e aplikuar për censimin në Shqipëri, do të sjellë sot shifra të mpakura për shqiptarët dhe nesër pretendime ndaj tyre e probleme për ta. Unë nuk besoj se kjo do të ndodhë. Ndonëse levantinët e së shkuarës mund të jenë edhe fenomen i së tashmes, nuk ka asnjë arsye për të besuar se shqiptarët e vitit 2011 do të rrëfejnë të dhëna identitare të ndryshme nga ato të gjyshërve të tyre 80-90 viteve më parë. Faza e demoralizimit kolektiv akut, të akumuluar ne fund të regjimit komunist e të shpërthyer në vitet e para të tranzicionit, është përfundimisht e arkivuar. Emblema e saj, anijet e mbushura deri ne majë të direkut me masë njerëzore, luhatet midis kujtimeve të dhimbshme e prodhimeve kinematografike. Sot, shqiptarët udhëtojnë pa viza përmes kufijve që dikur ishin mollë e ndaluar për të cilën rojet e më pas natyra e rrethanat, merrnin jetë njerëzish guximtarë e të dëshpëruar. Sot, Shqiptarët kategorizohen nga Banka Botërore si vend me të ardhura të mesme të larta (upper middle income country), ndërkohe që dhjetë vjet më parë ishim tri shkallë më poshtë, tok me më të varfrit e planetit në kategorinë të ardhura të ulëta (low income country). Nën regjimin komunist ishim të izoluar, në dekadën e parë të tranzicionit ishim të pasigurt, madje të kërcënuar. Sot, Kosova është e pavarur dhe ne jemi anëtarë kontribues në aleancën më të fuqishme të kohërave dhe aspirojmë për të hyrë në unionin që paqtoi e begatoi kontinentin e vjetër. Atëherë vlen të behet pyetja, pse në vitin e largët 1923, kur populli ynë ishte i varfër e i pashkollë, kur kishte vetëm tre vjet që jetonte nën një shtet kombëtar mezifunksionues nga brenda, e të dobët kundrejt fqinjëve e Fuqive, banorët e këtij vendi u deklaruan gati të gjithë me etni shqiptare? Ose e formuluar ndryshe, pse duhet të druhemi se nipërit e mbesat e shqiptarëve të vitit 1923, të cilët jetojnë në avantazhe të paimagjinueshme asokohe, do të deklarohen diçka tjetër nga ajo që janë e do të mohojnë të pamohueshmen që është gjuha amtare, që janë fjalët e para të dëgjuara nga nëna e ati e që mbetet tipari kryesor unifikues i kombit? Realisht nuk kemi asnjë arsye.
Disa kundërshtarë të trios së censusit, duket se apriori i paragjykojnë bashkatdhetarët e tyre si të shitblejshëm për 30 groshë e të padenjë për sovranitet mbi ndërgjegjen e tyre; ata që nuk duan të lejojnë shqiptarët të deklarohen lirshëm më ngjasojnë me Ramiz Alinë në vitin e tij të fundit në krye të Republikës Popullore Socialiste, kur demarsheve ndërkombëtare për demokratizim e pluralizëm, u gjegjej se “nuk mund t’i lemë (shqiptarët) të votojnë lirshëm, pasi jemi popull i vogël për t’u ndarë mes shumë partive(?!). Fushata anticensus, që jo rrallë nënkupton një kompleks inferioriteti kolektiv e ndonjëherë merr edhe nuanca haxhiqamiliste, së fundmi është shfaqur duke marrë në patronazh çështjen kombëtare. Në një mjedis plural, kjo është më se e mundur dhe e ligjshme; në Europë kanë fituar vota parti që pozicionohen kundër emigracionit prej Botës së Tretë; te ne këto 21 vite, unë kujtoj një dyzinë partish politike që vetëm kanë tentuar zhurmshëm të identifikohen më stemën e kastriotëve e të polemizojnë me fqinjët tanë problematikë. Lexuesit të informuar është e panevojshme t’i kujtoj rezultatin elektoral të tyre, por si njeri i prirur nga e mbara, do e shihja të dobishme edhe lëvizjen e atyre që flamurin kombëtar e kanë shpallur pelerinë private; nëse kjo lëvizje do të nxiste pozitivisht krenarinë etnike dhe përmes evokimit të vlerave të moçme e të sotme, do të inkurajonte edhe deklarimin “jam shqiptar”, në tetor të këtij viti. Gjej një model te tifozët kuq e zi të Kombëtares tonë të futbollit që në mënyrë shumë më të sinqertë, më pasiononte e sidomos më të fisme, e luajnë bukur këtë rol.
Por përmendja e çështjes kombëtare më jep rastin të hedh në kartë ndonjë mendim mbi këtë temë. Për mua t’i shërbesh çështjes kombëtare, sidomos kur ke gjë në dorë, do të thotë të punosh pa u lodhur e me shumë përkushtim e përulësi, që të kemi një shtet me institucione efektive e të besueshme, që të gjithë, përfshi edhe politikanët, t’u nënshtrohen normave të Kushtetutës dhe ligjit; të kemi Financa publike të shëndosha dhe me to të bëjmë çmos për t’u dhënë njerëzve shkolla, spitale, rrugë cilësore e plot të tjera kësisoj; dhe sidomos t’u japim atyre lirinë e sigurinë që të ndjekin vetë gjithsecili rrugën e mbrothësisë e të lumturisë. Atëherë edhe të tjerët të respektojnë më shumë dhe Europa të pranon më kollaj. Por, kur të gjithë, së fundmi edhe një raport i monitorëve të BE-së, të thonë se i ke kthyer në pazar të gjësë së gjallë emërimet në pushtetin e tretë, ti varesh për duarsh te çështja kombëtare dhe pretendon se je si Atllasi që mban botën, pra, çështjen mbi shpinë, atëherë me sjell ndër mend atë shprehjen e famshme mbi strehën e fundit për të cilën ia vlen të shkruajmë sërish.
P. S. Siç kemi vërejtur edhe tjetër herë, fjala regjistrim, e përdorur nga ligji i vitit 2000 për të përshkruar mbledhjen e të dhënave mbi popullsinë, banesat, ndërmarrjet etj. Për qëllime statistikore ( pra, të dhëna të anonimizuara), është tejet e papërshtatshme, pasi kuptimi i fjalës regjistrim tregon një lidhje të pandashme identitare të personit ose të gjësë së regjistruar. Në vend të saj volit të përdorim fjalën census, të pranishme në botimet e herëpashershme të Fjalorit të Gjuhës Shqipe e që është termi i adoptuar nga latinishtja, jo vetëm në gjuhët neoromane, por edhe në gjuhë si anglishtja e gjermanishtja.

*Genc POLLO është ministër dhe kryetar i Komisionit Qendror të Censusit



Aleanca Kuq e Zi, degë në Itali

Aleanca Kuq e Zi ka themeluar degën e saj edhe në kryeqytetin e Italisë. Në një takim me studentë dhe lektorë shqiptarë e italianë, në Universitetin e La Sapienzas në Romë, u diskutua mbi sfidat e integrimit të Shqipërisë dhe vlerat e identitetit kombëtar, si dhe u nënshkrua nga të pranishmit peticioni kundër regjistrimit mbi bazat e vetëdeklarimit etniko-fetar. Në auditor u kritikuan ashpër tendencat për një regjistrim etnik dhe fetar në Shqipëri, Kosovë, Maqedoni dhe më gjerë, si një rrezik për tensione dhe destabilizim politik. Aleanca Kuq e Zi deklaroi se ka ardhur koha që të mbrohen të drejtat e emigrantëve në çdo aspekt, si dhe duhet t’u garantohet e drejta e votës atje ku jetojnë. Në takimin, ku ishte i pranishëm edhe Kreshnik Spahiu, zv.kryetar i Këshillit të Lartë të Drejtësisë, u premtua se në vitin 2013 edhe emigrantët do të kenë të drejtë të votojnë.

Panorama