Raportet e fundit per semundjen e poliomilitit

[Redi]

Rreth 537 raste poliomeliti u raportuan në të gjithë botën vitin e kaluar, rekodi i me i ulët i regjistruar deri më sot, por ekspertët paralajmërojnë se nevojitet një fond prej 275 milion dollarësh të tjerë për të arritur përpjekjen e çrrënjosjes së kësaj sëmundjeje.
Rotary International, një organizatë qytetare joqeveritare dhe jo fitimprurëse po udhëheq nismën për elelminimin e sëmundjes dhe ka kontribuar miliona dollarë kësaj kauze që në vitin 1985.
Poliomeliti është një sëmundje infektive e shkaktuar nga një virus, i cili pushton sistemin nervor dhe mund të shkaktojë paralizën totale brenda pak orësh. Zakonisht prek fëmijët nën pesë vjeç. Simptomat fillestare janë temperatura, lodhja, dhimbja e kokës të vjellat dhe mpirja e qafës dhe e gjymtyrëve. Një në 200 infektime çon në paralizë të pakthyeshme dhe 5 ose 10 % e të paralizuarve nga poliomeliti vdesin, kur muskujt e tyre të frymëmarrjes paralizohen. Nuk egziston asnjë kurë për poliomelitin. E vetmja mbrojtje është vaksina, e cila duhet të merret disa herë.
Karol Pandak, manaxherja e Programit të Poliomelitit të organizatës Rotary International, thotë se përhapja në të gjithë botën e këtij programi, i siguron vendet, me të përfitime direkte që shkojnë përtej poliomelitit.
Sipas saj, qëllimi i Rotary International është çrrënjosja e sëmundjes së poliomelitit. Megjithatë iniciativa për çrrënjosjen e kësaj sëmundjeje ka të mira të tjera si për shembull: ndërtimin e infrastrukturës shëndetësore dhe dërgimin e punonjësve shëndetësorë për fëmijët në rajone ku është vështirë të depërtohet.
Sipas Rotary International 10 vendet që mbeten të prekura nga epidemia e poliomelitit janë India, Pakistani, Nigeria, Afganistani, Somalia, Egjipti, Angola, Etiopia dhe Sudani.
Mbi të gjitha Karol Pandak thotë se ka tre sfida të mëdha, me të cilat po përballet iniciativa për çrrënjosjen e poliomelitit. Së pari është vështirësia për të arritur tek fëmijët në të gjithë botën, përfshirë ata që ndodhen në zona të largëta po në rajone të prekura nga lufta.
Së dyti mbajtja e premtimeve nga ana e politikanëve të vendeve që janë të prekura nga sëmundja e poliomelitit si dhe e atyre që financojnë këtë projekt.
Dhe së fundi numri i shumtë i sëmundjeve serioze që shqetësojnë njerëzit në të gjithë botën, e vështirëson përqëndrimin e vëmendjes në sëmundjen e poliomelitit.

__________________________________________________


Kontribut i Tear-Drops, te cilen e falenderoj personalisht.