Masakruan me 17 thika shqiptarin, pranga 5 grekëve

[Nice_Boy]

Vrasja në Greqi, Tirana: Ligji të godasë ashpër


Ministri i Jashtëm Besnik Mustafaj, ka dënuar ashpër aktin kriminal të vrasjes së të 17 vjeçarit shqiptar në shtetin helen. Policia greke ka arrestuar shtatë persona për kryerjen e këtij krimi. Dje prokurori i Rethimonos u komunikoi akuzat të shtatë fajtorëve që akuzohen për vrasje me paramendim, bashkëpunim në vrasje me paramendim, armëmbajtje pa leje, përdorim arme, thyerje të rendit publik si dhe i akuzoi si shkaktarë të plagëve trupore të rrezikshme. Mustafaj vlerëson pozitivisht reagimin e shpejtë të policisë greke, e cila ndaloi autorët e këtij krimi të shëmtuar dhe shpreh besimin se drejtësia greke do të veprojë me të njëjtën shpejtësi dhe ashpërsi të ligjit gjë që “ndihmon në rritjen e besimit të emigrantëve shqiptarë tek institucionet greke”.

Selanik:Aleksandër Marku

Mbante në dorë fotografinë e djalit të vrarë dhe shpërthente në lot. Nuk mund të fliste dhe të shpjegonte se çfare kishte ndodhur. Nuk mund të shpjegonte se përse mbi trupin e djalit të tij 17 vjeçar do të ngulej aq herë sa edhe vitet e tij, një thikë, për ti marrë jetën kaq padrejtesisht. Më pas me sy të përlotur ju drejtua gazetarëve dhe pershkruante skenën e krimit. Në fund fjalët e tij plot kuptim lanë tek të gjithë një mbresë të hidhur-Para zotit mund të kem bërë ndonjë faj, por para atyre grekëve që më vranë djalin nuk kisha bërë asgjë. Përse, përse… ?
Ishte nata e vitit të Ri kur dy grupe të rinjsh dëfrenin në një bar jashtë qytetit të vjetër të Rethimnos. Sipas televizionit privat MEGA çdo gjë filloi kur një prej të rinjve greke u shqetësua për faktin se një prej shqiptarëve kishte veshur një bluzë me flamurin shqiptar. Filloi një konfrontim me fjalë dhe më pas dy grupet u mbërthyen me duar, moment ky kur u plagos lehtë një prej të rinjve greke. Pas kësaj grupet u shpërndanë dhe u duk sikur gjakrat u zbuten, por nuk ndodhi kështu. I riu grek se bashku me të atin e tij, me të dashuren e tij 28 vjecare nga Bullgaria dhe me 5 shokë kërkonin shtëpinë shqiptarit me bluzën kuq e zi në orët e para të mengjesit, duke u gdhirë 2006. Nuk mundën t’ja gjenin dhe shkuan tek shtëpia e 17 vjeçarit Edison Jahaj. Pasi shpërthyen derën e jashtme me forcë gjetën përpara të atin e tij, Latif Jahaj. U hodhën mbi të si të tërbuar duke e qëlluar në fillim në kembë e më pas në kokë. Në sherr e sipër babai i trembur për jetën e fëmijës i thote -Merr një hekur dhe ti vrasim! Jo baba –thotë Edisoni -nuk mund të vrasim në vend të huaj, nuk mund të përgjakim një shtëpi që nuk është e jona. Dhe për t’ju shmangur katër të rinjve që sulën mbi të, ngjitet në tarrace. E ndjekin nga pas tre të rinjte greke dhe babai 40 vjeçar i njerit prej tyre. Pikërisht në sy të tij, në sy të babait dhe me aprovimin moral të tij, djali 18 vjeçar i ngul 17 herë thikën, me një urrejtje të verbër që nuk shpjegohet, cilëson mjeku ligjor më vone në raportin e tij, kur trupi pa jetë i djaloshit shqiptar u çua në spitalin e qytetit.
Qyteti i Rethimnos ka dy ditë që zjen. Në mbrëmjen e po asaj dite një skenë tragjike zhvillohej në portin e qytetit. 200 emigrantë shqiptarë në qytet përcillnin me lot në sy dhe dhimbje në zemër arkivolin me trupin e bashkatdhetarit të tyre të mbuluar me flamurin kuq e zi, për në atdhe me anijen e linjes. Atmosferë e rëndë që çahej herë pas herë nga parrulla- Turp, është turp të jesh racist.
Një ditë më pas duke mbajtur qirinj në duar dhe me të njëjtën parrullë në gojë dhjetëra shqiptare marshuan në shenjë proteste në rrugët e qytetit. Pati edhe një provokim prej disa vendasve të cilët sipas shtypi grek hodhën sharje në drejtim të turmës e më pas hodhën një gotë qelqi, por vetem kaq. Shumica e banorëve të zonës dënuan rëndë incidentin dhe kërkuan ndëshkimin e kriminelit dhe të bashkëpunëtorëve të tij.


Prokuroria
Dje prokurori i Rethimonos u komunikoi edhe akuzat të shtatë fajtorëve që akuzohen për vrasje me paramendim, bashkëpunim në vrasje me paramendim, armëmbajtje pa leje, përdorim arme, thyerje të rendit publik si dhe i akuzoi si shkaktarë të plageve trupore të rrezikshme.

Babai
Dua ti shoh të varur -deklaron Latif Jahaj -dua të vendoset drejtësia për djalin tim që humbi jetën kaq shpejt. Pavarësisht se të shtatë të akuzuarit janë në pranga dhe do të dalin se shpejti para drejtësisë greke gjendja në qytet ngelet e tensionuar.

Policia
Shefi i policisë së qytetit Mihalis Vacolakis e karakterizoi krimin si të frikshëm, ndërsa shprehu ngushëllimet e tij ndaj familjes shqiptare. Për të faji më i madh i takon babait të kriminelit i cili në vend të frenonte dorën vrasëse të të birit e shtyu më thellë në gjak.

Gazeta Shqiptare.

[Mataleo]

Situatë e tensionuar në Rethimnos të Kretës. Emigrantët shqiptarë protestojnë prej dy ditësh për vrasjen e 17-vjeçarit

Masakruan me 17 thika shqiptarin, pranga 5 grekëve

Policia greke arreston ushtarin grek, babanë dhe të dashurën e tij. Masakruan me 17 thika shqiptarin

Altin Metaj

KRETË- “Një krim rrëqethës që nuk ka asnjë lloj justifikimi”. Kështu e ka cilësuar drejtori i policisë së zonës së Rethimnos në ishullin e Kretës masakrimin me 17 thika të 17-vjeçarit shqiptar Edison Jahaj. I riu shqiptar është masakruar në banesën e tij, në rrugën Koroniu të Kretës në sy të babait të tij të sëmurë, mëngjesin e 1 janarit. Për këtë krim makabër, policia greke ka arrestuar pesë persona, të cilët akuzohen për vrasjen e Jahajt. Sipas autoriteteve greke, i riu shqiptar është vrarë pa asnjë shkak me 17 thika nga një bashkëmoshatar i tij grek, i cili kryente shërbimin ushtarak. Autori i këtij krimi të tmerrshëm, është nxitur nga babai i tij, tashmë i arrestuar dhe e dashura e vet bullgare, të cilët akuzohen për bashkëpunim në krim. Policia greke ka ngritur pesë akuza ndaj personave të arrestuar si të implikuar në vrasjen e 17-vjeçarit shqiptar, ndërkohë që ka deklaruar se babai i autorit ka pasur rolin nxitës të krimit.
Vrasja e emigrantit
Emigranti 17-vjeçar nga Tepelena, Edison Jahaj, është sulmuar në shtëpinë e tij nga një grup prej 5 grekësh dhe është goditur për vdekje me 17 thika. Krimi i rëndë ka ndodhur mëngjesin e 1 janarit, në zonën Rethimno të ishullit grek. Natën e ndërrimit të viteve, një grup të rinjsh shqiptarë dhe një tjetër me grekë janë përplasur me njëri-tjetrin në një bar të qytetit, ku ka mbetur i plagosur lehtë një grek. Sipas dëshmitarëve okularë, është bërë e ditur se Edison Jahaj nuk kishte asnjë lidhje me këtë grindje të ndodhur gjatë festës së Vitit të Ri. Atëherë kur dukej se gjithçka ishte qetësuar, një grup prej pesë vetësh kanë hyrë dhunshëm në shtëpinë ku Edisoni banonte me familjen e tij. Sipas autoriteteve të policisë greke, e dashura bullgare e autorit të vrasjes ka lidhur dhe keqtrajtuar babanë e sëmurë të Edisonit, ndërsa katër personat e tjerë kanë ndjekur nëpër shtëpi të riun shqiptar duke e goditur vazhdimisht me thikë. Në trupin e emigrantit shqiptar janë gjetur 17 plagë dhe thika e ngulur në të. Menjëherë pas krimit të rëndë, policia greke ka identifikuar autorët e këtij krimi dhe u ka vënë prangat atyre. Mësohet se përveç ushtarit grek, i cili është i akuzuari kryesor i vrasjes së Edison Jahajt, janë arrestuar edhe babai i tij, si nxitës i këtij krimi dhe e dashura bullgare, e cila ka lidhur dhe keqtrajtuar babanë e Edisonit. Ndaj të gjithë të arrestuarve rëndojnë akuzat e vrasjes me qëllim, bashkëpunim në vrasje me qëllim, dëmtime trupore me pasojë vdekjen, armëmbajtje pa leje dhe dhunim të shtëpisë.
Tensioni
Situata në zonën e Rethimnos duket se i përngjan një “kazani’ që vlon, dy ditë pas vrasjes së Edison Jahajt. Megjithëse banorët grekë dhe të gjitha autoritetet e pushtetit lokal e kanë dënuar krimin e tmerrshëm, emigrantët shqiptarë kanë protestuar paqësisht në qendër të qytetit duke kërkuar dënimin maksimal të autorëve të krimit. Trupi i të riut shqiptar, i mbuluar nga flamuri shqiptar është përcjellë në limanin e Rethimnos nga më shumë se 200 shqiptarë, të cilët më pas kanë kaluar me qirinj në qendër të qytetit duke kërkuar dënimin maksimal të autorëve të kësaj ngjarjeje makabre. Ndërkaq, menjëherë pas krimit, kanë reaguar drejtuesit e policisë së zonës, por edhe ata të pushtetit lokal, të cilët kanë dënuar aktin e vrasjes së emigrantit shqiptar.


REAGIME

Kreu i policisë, Vocolaqis

“Bëhet fjalë për një krim rrëqethës, për të cilin nuk ka asnjë lloj justifikimi. I ati i autorit të krimit, luajti rol nxitës në gjithë këtë histori”

Kryetari i baskisë, Jorgos Papadhaqis

Në një deklaratë me shkrim ka dënuar aktin e vrasjes së të riut shqiptar. Ai e ka cilësuar vrasjen makabre

Babai i viktimës, Latif Jahaj
I ka kërkuar drejtësisë greke që të dënojë maksimalisht autorët e vrasjes së të birit, Edisonit, në shtëpinë e tyre


BESNIK MUSTAFAJ

“Dënimi i autorëve,
qëndrim ndaj racizmit”
TIRANË- Ministri i Punëve të Jashtme, Besnik Mustafaj, ngushëllon familjen Jahaj, pas njohjes me ngjarjen e rëndë të ndodhur në Kretë të Greqisë më 1 janar të vitit 2006. “Ministri Mustafaj, duke dënuar ashpër këtë akt kriminal, gjen rastin të vlerësojë pozitivisht reagimin e shpejtë të policisë greke, e cila ndaloi autorët e këtij krimi të shëmtuar dhe shpreh besimin se drejtësia greke do të veprojë me të njëjtën shpejtësi dhe ashpërsi të ligjit”,-thuhet në njoftimin për shtyp të Ministrisë së Punëve të Jashtme. Mustafaj ka shtuar se: “dënimi i kriminelëve duhet të vlerësohet si një qëndrim ndaj akteve raciste dhe i shërben përmirësimit të klimës së miqësisë mes dy popujve tanë dhe në mënyrë të veçantë ndihmon në rritjen e besimit të emigrantëve shqiptarë tek institucionet greke.Ky besim është i domosdoshëm për integrimin e emigrantëve shqiptarë në shoqërinë greke”.





04/01/2006

[Moltisanti]

E lexova dje kte lajm , gjynah per kte djaloshin se paska qene dhe i ri vetem 17 vjec , se di cfare te them mbi kte vrasje , shume e shemtuar duket dhe tregon dhe njehere racismin e grekve kundra shqiptarve ! Jemi te vetem kundra shume armiqve rreth e perqark qe kemi ,dhe e drejta nuk mund te gjendet kurre , kshu qe do vuajme gjithmone !

[diikush]

ne te shkuaren sa here qe jane kryer krime raciste ndaj shqiptareve, sistemi gjykues grek paturpesisht i ka lene te lire kriminelet me justifikime bajate te tipit 'i semure mendor' ose i ka denuar minimalisht.

te shikojme ca do bejne tani per kete krim te felliqur e makaber

gjithsesi, mjer si ai qe u vra dhe familja e tij thuaj...

[Dito]

Jam mese i irrituar nga kjo qe po me lexojne syte, dhe jam mese i bindur qe pjesmarresit ne krim dhe vete vrasesi do te lirohen pas tre apo kater vitesh, sic ka ndodhur perhere ne gjyqesorin grek kundrejt shqiptareve.
Atehere cfare mbetet? Vetegjyqesi? Drejtesi e cila nuk egziston?
Me mire mbetem ne rastin e pare vetegjyqesi, sherben shume me teper per te mjekuar shpirtin e vrare te nenes se Edisonit.

Ngushellimet e mia me te thella familjes Jahaj.

Dito.

[marsela]

Mu rrenqeth mishi tek lexoja ..A thua te jene njerez keto qe kane bere kete pune??
Shpresoj dhe nje here te behet maksimumi qe ne te ardhmen te mos lexojme e degjojme me kshu gjerash, se ai i shkrete iku..Shume kemi ecur me kto shpresa..mesa duket s'paska masa qe tu mbajne doren e mendjen (nese kane) ktyre racistave te ndyre!

[Iliriani]

Kjo ka ndodhur e do vazhdoj te ndodh.
Se nuk jane keta indivite ordiner qe bejne krimet.
Po eshte institucjonalizimi i racizmit kundra nesh e te huajve ne greqi qe i nxit e krijon keta vrases e kete urrejtje qe shtyn keta njerez.

Greket qe ne krijim te shtetit te tyre krijuan kete , pasi vendi qe me shumice myslimane, e me etni shumicen e perbenin shqiptaret, sllavet, e turqit ne lindje, po ti krahasoje me greqishtfolesit qe dhe keta nuk kishin origjine nga greket e vjeter, po gjuha qe dicka qe i atribohej fese me teper.

Per kete greku ngriti ne institucjon e ne shtet nje intolerance e mospranim e presion per kedo qe nuk deklarohej grek, e ortodoks grek si besim.

E kjo ME NE SHQIPTARET QE EKSTREME se ndryshe nga fqinjet e tjere, ne kishim nje shtrirje e lidhje te thelle vertikale ne lashtesi sa greket e lashte e para tyre.
Gje qe greket e shikonin si kercenim per ta, e jo si mundesi per lidhje sic e diskutojme ne , ndonjere teper naivisht e symbyllur pa pare realitetin konkret.

Ky institucjonalizim, tani eshte shume e holle e eshte kudo qe nga shteti ligjet deri te opinioni e media.

Bile shikon nje INTOLERANCE E FRIKE EKSTREME kur hapet ky muhabet ne greqi, frika se vendi do shperbehet po secili deklaroi origjinen e tij.

Kjo intolerance mban vendin lidhur qe eshte i perbere nga turq, egjyptian, arabe, shqiptar, sllave e qe te gjithe jane lare e thare e jane bere greker.

Arber Xhaferi e shpjegonte shume bukur ne nje interviste para ca kohesh, se si fqinjet tane e kane institucionalizura nacionalizmin ekstrem ne shtetet e tyre, e qe dhe pse nuk del me emrin e vertete e ndien kudo.

Eshte kjo institucionalizim i intoleraces per te huajt e per vete banoret e atij shteti kjo qe i prodhon keta vrases, qe jane njerez ordiner po qe shtyhen e jane perpunar ne kete menyre nga shteti edukimi e media e bejne keto krime.

Po nuk ndryshoi kjo ------nuk do ulen e mbarojne vrasjet, qe i bejne njerez ordiner, vegla qore te ketij SISTEMI URREJTJE e te shtyre prej tij,qe perdite shtyn njerez ne kete drejtim.

[Arcimedes]

E lexova dje kte lajm , gjynah per kte djaloshin se paska qene dhe i ri vetem 17 vjec , se di cfare te them mbi kte vrasje , shume e shemtuar duket dhe tregon dhe njehere racismin e grekve kundra shqiptarve ! Jemi te vetem kundra shume armiqve rreth e perqark qe kemi ,dhe e drejta nuk mund te gjendet kurre , kshu qe do vuajme gjithmone !

Ke te drejte Titi per k'te qe the k'tu siper. I kemi komshite uqer dhe vampira, por do te rregullohet c'do gje. Mendoj qe e drejta dhe bujaria do te fitojne. Shpirti i miri do te fitoj.

Me erdhi shum keq per kete djalin. Gjynah se i ri fare. Rahmet i pate shpirti.

[benzino]

Greket jane sikur gjarperi, jane tinzak dhe vrajn mbrapa shpines.

Ngushllime per familjen

[Brari]

ngushellime Familjes se te ndjerit..

kto pune keshtu do shkojne.. derisa sdo kemi nje shtet te mire ne shqiperi ku edisonet do jene te mirpritur .. te shkojne ne shkolle ne pune e te kene begati ne atdheun e tyre..

kur kalon ne rrugen tepelen-gjirokaster -kakavije.. mendon njeriu.. cka me shume italia apo greqia apo gjermania apo amerika.. se kto gerxhet tona..
Pse te mos punojme te gjithe ne vendet tona..

me dhjetra ndermarrje shikon ne periferine e gjirokastres buze rruges.. qe jan kthyer ne germadha..
pse te mos i hypin autobusit apo kerrit edisonat nga tepelena apo damsi apo memaliaj apo vet gjirokastra e te punojne ne ato ndermarrje ku te lulezoje prodhimi e mirqenja..
Shkon energjija Shqiptare ne gerxhet e kretes apo selanikut..

Prandaj duhet te behet atdheu.. MIKPRITES i Ngrohte e pun e buk-dhenes per te gjithe..

Jo ca miljardara e ca te mos ken as nje kasolle..

60 mij shqipo sipas gazetave kte vit te ri iken te pushojne e bejne palle Jashte neper parise e Barcelona..

Ja kta 60 mije kane kollofitur buken rriskun e pronen e parane qe duhet per 4 milion njerez..

Prandaj shqiperia do nje sistem ndryshe..

as tallono-burgo-izolimin mjeran enverist.. por as kapitalizmin Malo caco rucoist.. por dicka tjeter ..te drejte humane e demokratike.. qe jep pune e begati te gjithve..

kjo eshte zgidhja qe edisonat ta bejne 2 lek qejf ne mbremjet festive me shoqerine ne atdhe jo ne kafiqet e botes ku te pret dajaku..